() ଓଡ଼ିଶାବାସୀ ମୋ ପରିବାର l ପରିବାର ଲୋକଙ୍କ ସୁଖ ଓ ଦୁଃଖର ସାଥି ମୋ ସରକାର l ଲୋକେ ପ୍ରଶାସନ ପାଖକୁ ଆସିବେନି, ବରଂ ପ୍ରଶାସନ ଲୋକଙ୍କ ପାଖକୁ ଯାଇ ଲୋକଙ୍କ ସୁଖ ଦୁଃଖ ବୁଝିବ l କୋରାପୁଟ, ମାଲକାନାଗିରି, ନବରଙ୍ଗପୁର, ମୟୂରଭଞ୍ଜ , ସମ୍ୱଲପୁର କି ସୁନ୍ଦରଗଡ଼ ଅବା କଟକ, ହେଉ କି ପୁରୀ l ମୁଖ୍ୟମନ୍ତ୍ରୀଙ୍କ କାର୍ଯ୍ୟlଳୟ (CMO)ସବୁଠି ପହଞ୍ଚି ଲୋକଙ୍କ ସମସ୍ୟା ବୁଝି ତୁରନ୍ତ ସମାଧାନ କରୁଛି l ନିଜ ଗାଁ, ନିଜ ଜିଲ୍ଲା ର ସାମଗ୍ରିକ ବିକାଶ ରଥକୁ ଆଗେଇ ନେବା ପାଈ ହଜାର ହଜାର ସଂଖ୍ୟକ ଲୋକ CMO ଙ୍କୁ ନିଜ ଅଭିଯୋଗ ଓ ସମସ୍ୟାର ଦାବୀ ପତ୍ର ଦେଇ ତାହାର ସମାଧାନ ବାଟ କାଢୁଛନ୍ତି l ୨୫ବର୍ଷର ଜନସେବାକୁ ମୂଳମନ୍ତ୍ର କରିଥିବା ଓଡ଼ିଶାର ଲୋକପ୍ରିୟ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ବ୍ୟକ୍ତିଗତ ସଚିବ ତଥା ୫ଟି ସଚିବ ଭି. କେ ପାଣ୍ଡିଆନ୍ ମୁଖ୍ୟମନ୍ତ୍ରୀଙ୍କ ନିଦ୍ଧେର୍ଶରେ ଜିଲ୍ଲାସ୍ତରରେ ଅଭିଯୋଗ ଶୁଣାଣି କରୁଛନ୍ତି l ଲକ୍ଷ୍ୟ ହେଉଛି ନବୀନ ଦେଖିଥିବା ନୂଆ ଓଡ଼ିଶା, ସଶକ୍ତ ଓ ବିକଶିତ ଓଡ଼ିଶାର ସ୍ବପ୍ନକୁ ସାକାର କରିବା l ଦିନରାତି ଏକ କରି ବିଭିନ୍ନ ବାଧା ବିଗ୍ନ ସ୍ଵତେ ୫ଟି ସଚିବ ଲୋକଂକ ପାଖରେ ପହଂଚୁଛନ୍ତି ଯାହାକି କର୍ତ୍ତବ୍ୟର ପରାକାଷ୍ଠା l ୨୬ରୁ ଅଧିକ ଜିଲ୍ଲା ଗସ୍ତ କରି ଜନ ଶୁଣାଣୀ କରିବା ସହ ଲୋକଂକ ସହ ସିଧା ସଳଖ ଆଲୋଚନା କରି ମୁଖ୍ୟମନ୍ତ୍ରୀଙ୍କ ବାର୍ତ୍ତା ପହଞ୍ଚାଉଛନ୍ତି l ୫ଟି ସଚିବଙ୍କ ଜନ ଶୁଣାଣିରେ ଜନସମୁଦ୍ର ପରି ଲୋକଂକ ଭିଡ ପ୍ରମାଣିତ କରିଛି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ପ୍ରତି ଲୋକଂକ ଆଶା , ବିଶ୍ୱାସ, ଓ ଭଲ ପାଇବା l

ବିକଶିତ ଓଡ଼ିଶା ଗଠନ ହେବା, ଲୋକଙ୍କ ପାଖକୁ ପ୍ରଶାସନ ପହଞ୍ଚିବା, ସଚିବ ଜିଲ୍ଲାରେ ରାତି କାଟିବା, ବିକାଶର ସମୀକ୍ଷା ଗ୍ରାଉଣ୍ଡରେ କରିବା, ଦୁର୍ନୀତି କୁ ମୂଳପୋଛ କରିବା ଦିଗରେ କାମ କରିବା, ମହିଳା ମାନଙ୍କୁ ସଶକ୍ତ କରିବା ଓ ସର୍ବ ପରି ନୂଆ ଓଡ଼ିଶା ଗଠନରେ ପ୍ରତ୍ୟେକ ଓଡ଼ିଆଙ୍କୁ ସାମିଲ କରିବା ଆଦି କାମକୁ ସହଜରେ ହଜମ କରିପାରିନାହାନ୍ତି କିଛି ସ୍ବାର୍ଥନ୍ୟସ୍ତ ଓ ରାଜନୈତିକ ବ୍ୟକ୍ତିମାନେ l ଖାସ ସେଥିପାଇଁ ସେମାନେ ବିକାଶର ବାଟ ରୋକିବାକୁ ସତ୍ୟବାଦୀରେ ଅସତ୍ୟ ପଥକୁ ଆପଣାଇଲେ l ଯେଉଁଥିରେ ମୋହରା ସାଜିଥିଲେ ଜଣେ ଯୁବକ l

ଲୋକଙ୍କ ଅଭିଯୋଗ ଶୁଣିଥିବା ବେଳେ ୫ଟି ସଚିବଙ୍କ ଉପରକୁ କାଳିି ମାଡ଼ କରିଥିଲେ l ଲାଗୁଥିଲା ଯେମିତି ଲୋକଙ୍କ ସମସ୍ୟା ଦୂର ହୋଇଗଲେ ସେ ଯେଉଁ ଦଳର ଆଦର୍ଶରେ ଚାଲିଛନ୍ତି ସେ ଦଳ ଓଡ଼ିଶାରେ କୋମାକୁ ଚାଲିଯିବ l ତେଣୁ ୫ଟି ସଚିବଙ୍କ କାର୍ଯ୍ୟର ସଫଳତାକୁ ସହି ନପାରି ସେ ଓ ତାଙ୍କ ଦଳ ଏତେ ଯନ୍ତ୍ରଣା ପାଇଲେ ଯେ ସତ୍ୟବାଦୀ ପରି ଏକ ସ୍ୱାଭିମାନ ମାଟିରେ କଳଙ୍କର କାଳି ଦାଗ ଲଗାଇଦେଲେ l ବିକାଶ ବିରୋଧୀ ଏହି କାଳି ମାଡ଼କୁ ପୁରା ଓଡ଼ିଶା ନିନ୍ଦା କରିବା ସହ ଏପରି କାଣ୍ଡ ଘଟାଇ ଥିବା ଯୁବକଙ୍କ ସହିତ ତାଙ୍କ ପଛରେ ଥିବା ଷଡଯନ୍ତ୍ର କାରୀଙ୍କ ବିରୋଧରେ ଦୃଢ଼ କାର୍ଯ୍ୟାନୁଷ୍ଠାନ ନେବାକୁ ଦାବି ଜୋରଦାର ହୋଇଛି l ଓଡ଼ିଶା ପରି ଶାନ୍ତିପ୍ରିୟ ରାଜ୍ୟରେ ଯିଏ ବି ଆଶାନ୍ତି ସୃଷ୍ଟି କରି ରାଜନୀତି କରିବାକୁ ପ୍ରୟାସ କରୁଛନ୍ତି ଓଡ଼ିଶାବାସୀ ତାହାର ଉଚିତ ଜବାବ ଦେବେ ନିଜର ମତଦାନ ଦ୍ଵାରା l 2019ରେ ୫ଟି ସଚିବଙ୍କ ଘରକୁ ଗୋବର ମାଡ଼ ହେଉ ଅବା ଘରକୁ ଧସେଇ ପଶିବା ପରି ସବୁ ଚକ୍ରାନ୍ତ ଫେଲ ହୋଇଯାଇଥିଲା l ଏସବୁ ନିମ୍ନ ଧରଣର ରାଜନୀତିର ଜବାବ ରାଜ୍ୟବାସୀ ଦେଇ ଆସୁଛନ୍ତି l ଆଉ ଏବେ ବୁଦ୍ଧିଜୀବୀ ଠାରୁ ଆରମ୍ଭ କରି ପୁରା ଓଡ଼ିଶାରୁ ଉଠିଲାଣି ଗୋଟିଏ ସ୍ୱର କାଳିର ଜବାବ ହାତର କାଳିରେ ଦେବୁ ୨୦୨୪ରେ l

() ଓଡ଼ିଶାରେ ହେବ ଆଗୁଆ ନିର୍ବାଚନ ! ନିର୍ଦ୍ଧାରିତ ସମୟ ପୂର୍ବରୁ ନିର୍ବାଚନ ମଇଦାନକୁ ଓହ୍ଲାଇବେ ନବୀନ l ସେପ୍ଟେମ୍ବରରେ ଭାଙ୍ଗିବ ବିଧାନସଭା l ଏପରି ରାଜନୈତିକ ପ୍ରଚାର ରାଜ୍ୟ ବିଜେପି ଶିବିରରୁ ଆରମ୍ଭ କରାଗଲା l ବିଜେପି ମଙ୍ଗୁଆଳ ମାନେ ବାରମ୍ବାର ଗଣମାଧ୍ୟମରେ ଆଗୁଆ ନିର୍ବାଚନ ନେଇ ମଧ୍ଯ ଘନଘନ ପ୍ରତିକ୍ରିୟା ରଖିଲେ l ଆଉ ତାହାରି ଭିତରେ ଚାଲିଲା ଆକ୍ଷେପ ଓ ପ୍ରତି ଆକ୍ଷେପ ରାଜନୀତି l ଅଗଷ୍ଟ ମାସ 2023ରେ ଏ ମତରୁ ଟିକେ ବିରତି ନେଲେ ରାଜ୍ୟ ବିଜେପି ନେତାମାନେ l କେନ୍ଦ୍ର ମନ୍ତ୍ରୀଙ୍କ ଠାରୁ ରାଜ୍ୟ ନେତୃତ୍ଵ ଯାଏ ସଭିଏ ମତ ପରିବର୍ତ୍ତନ ଧୀରେ ଧୀରେ ଆରମ୍ଭ କଲେ l ପ୍ରଥମେ ଜାତୀୟ ଗଣମାଧ୍ୟମରେ କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ କହିଲେ ଓଡ଼ିଶାରେ ଆଗୁଆ ନିର୍ବାଚନ ହେବ ବୋଲି ଚର୍ଚ୍ଚା ହେଉଛି, ହେଲେ ଯେତେବେଳେ ଗୋଟେ ଦେଶ ଓ ଗୋଟେ ନିର୍ବାଚନ ପ୍ରୟାସ ହେଉଛି ସେତେବେଳେ ଓଡ଼ିଶା ପରି ଗରିବ ରାଜ୍ୟ ମାତ୍ର 3ମାସ ବ୍ୟବଧାନରେ ଆଗୁଆ ନିର୍ବାଚନ ହେବା ମନରେ ସନ୍ଦେହ ସୃଷ୍ଟି ହେଉଛି l ଆଉ ଏହି ବୟାନର ପରେ ଆଜି ବିଜେପି ସାଂସଦ ଅପରାଜିତା ଷଡଙ୍ଗୀଙ୍କ ବୟାନ ଆଗୁଆ ନିର୍ବାଚନ ନେଇ କିଛିଟା ସନ୍ଦେହ ଆଣିଛି ରାଜ୍ୟ ବିଜେପି ଆଭିମୁଖ୍ୟରେ l ଯେଉଁ ଦଳ ପ୍ରଥମେ ଆଗୁଆ ନିର୍ବାଚନ ପାଇଁ ଋଣହୁଙ୍କାର ଦେଉଥିଲା, ସେ ଦଳ କାହିଁକି ଆଜି ଆଗୁଆ ନିର୍ବାଚନ ପାଇଁ ପଛଘୁଞ୍ଚା ଦେଇଛି ,ଏହାର କାରଣ କଣ ହୋଇପାରେ ? ରାଜନୈତିକ ସମୀକ୍ଷକଙ୍କ ମତରେ ବିଜେପି ଏଯାଏ ବିଜେଡିକୁ ଟକ୍କର ଦେବାକୁ ପ୍ରସ୍ତୁତ ହୋଇନାହିଁ ,ବରଂ ୨୦୧୯ ନିର୍ବାଚନରେ ଦଳ ଯେଉଁ ସଫଳତା ପାଇଥିଲା ତାହାକୁ କିପରି ବଜାୟ ରଖିବ ସେ ଚିନ୍ତା ଦଳକୁ ଘାରିଛି l
୩୦ରୁ ୩୦ଜିଲ୍ଲା ପରିଷଦ ବିଜେଡି ଦଖଲ କରିଛି l 3ଟି ମହାନଗର ନିଗମ ସହ ଅଧିକାଂଶ ପୌର ପରିଷଦ ଓ ଏନ.ଏ.ସି ବି ବିଜେଡି ଦଖଲରେ l ଏହାଛଡ଼ା 2019 ନିର୍ବାଚନ ପରେ ହୋଇଥିବା ୮ଟି ଉପ ନିର୍ବାଚନରେ 7ଟି ରେ ବିଜେଡି ଏକ ପାଖିଆ ବିଜୟ ଲାଭ କରୁଛି l ବିଜେଡି ଆଜି ବି ରାଜ୍ୟର ୧ନମ୍ବର ଦଳ ବୋଲି ପ୍ରମାଣିତ କରଛି l ଏହାରି ଭିତରେ ମୁଖ୍ୟମନ୍ତ୍ରୀଙ୍କ ନିର୍ଦ୍ଦେଶରେ ୫ଟି ସଚିବ ଏଯାଏ ୨୫ରୁ ଅଧିକ ଜିଲ୍ଲା ଗସ୍ତ କରି ଲୋକଙ୍କ ସମସ୍ୟା ବୁଝିଛନ୍ତି ଓ ସରକାରୀ ଯୋଜନାର ଅଗ୍ରଗତି ସମୀକ୍ଷା କରିଛନ୍ତି l ୫ଟି ସଚିବଂକ ଜିଲ୍ଲା ଗସ୍ତର ସଫଳତା ପ୍ରମାଣିତ କରୁଛି ଓଡ଼ିଶାବାସୀଙ୍କ ମୁଡ l ଏହାସହ ୨୦୧୯ନିର୍ବାଚନରେ ବିଜେଡି ଦେଇଥିବା ପ୍ରତିଶ୍ରୁତିକୁ ଯେପରି ପୂରଣ କରୁଛି ତାହା ବିରୋଧିଙ୍କୁ ଚିନ୍ତାରେ ପକାଇଛି l ସବୁ କ୍ଷେତ୍ରରେ ୫ଟି ରୂପାନ୍ତରିତ ଓଡ଼ିଶାକୁ ଦେଶର ଅଗ୍ରଣୀ ରାଜ୍ୟରେ ପରିଣତ କରଛି l ପ୍ରଶାସନ ସହ ତାଳଦେଇ ଦଳୀୟ ସଂଗଠନ ବିକାଶମୂଳକ କାର୍ଯ୍ୟକ୍ରମକୁ ଆଗେଇ ନେଇ ଚାଲିଛି l ଯାହା ତୃଣମୂଳ ସ୍ତରରେ ବିଜେଡିକୁ ମାଇଲଖୁଣ୍ଟ ପରି ଛିଡ଼ା କରୁଛି l ଆଉ ତାହାରି ଭିତରେ ଓଡ଼ିଶା ଆସି ବିଜେପିର ଚାଣକ୍ୟ ତଥା ଗୃହମନ୍ତ୍ରୀ ଅମିତ ଶାହା ବିଜେଡି ସୁପ୍ରିମୋ ତଥା ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କୁ ପ୍ରଶଂସା କରିବା ବିଜେଡି ଓଡ଼ିଶାରେ କେତେ ଶକ୍ତିଶାଳୀ ତାହା ପ୍ରମାଣିତ କରିଛି l ଯେଉଁଥି ପାଇଁ ବିଜେପି ଏବେ ନିର୍ବାଚନ ନାଆଁ ଶୁଣିଲେ ଭୟ କରୁଛି l ଖାସ ସେଥିପାଇଁ ଆଗୁଆ ନିର୍ବାଚନ ଡିଣ୍ଡିମ ପିଟୁଥିବା ରାଜ୍ୟ ବିଜେପି ନେତାଏ ମଇଦାନକୁ ଓହ୍ଲାଇବାକୁ ଭୟ କରୁଥିବା ରାଜନୈତିକ ସମୀକ୍ଷକମାନେ କହିଛନ୍ତି l ବିଜେଡି କିନ୍ତୁ ଚିରାଚରିତ ଭାବେ ଯୁକ୍ତି ବଢ଼ୁଛି ନିର୍ବାଚନ ଯେତେବେଳେ ହେବ ଆମେ ପ୍ରସ୍ତୁତ l

 () ବିଶ୍ଵ ଦେଶଜ ଅଧିବାସୀ ଦିବସ ଅବସରରେ ,

ମୋ ଜଙ୍ଗଲ ଜମି ଯୋଜନାର ଶୁଭାରମ୍ଭ କଲେ ମୁଖ୍ୟମନ୍ତ୍ରୀ।

ଜଙ୍ଗଲ ଜମି ଉପରେ ସମସ୍ତ ଯୋଗ୍ୟ ବ୍ୟକ୍ତିଗତ ଓ ଗୋଷ୍ଠିଗତ ଅଧିକାର ସୁନିଶ୍ଟିତ ହେବ।

ଜନଜାତି ମାନଙ୍କ ଜୀବିକାରେ ଆସିବ ସ୍ଥାୟିତ୍ବ,

ଜନଜାତିଙ୍କ ବିକାଶରେ ନୂଆ ମାଇଲଷ୍ଟୋନ ସୃଷ୍ଟି ହେବ – ମୁଖ୍ୟମନ୍ତ୍ରୀ।

{} ବିଶ୍ଵ ଦେଶଜ ଅଧିବାସୀ ଦିବସ ଅବସରରେ ମୁଖ୍ୟମନ୍ତ୍ରୀ ଶ୍ରୀ ନବୀନ ପଟ୍ଟନାୟକ ଆଜି ମୋ ଜଙ୍ଗଲ ଜମି ଯୋଜନାର ଶୁଭାରମ୍ଭ କରିଛନ୍ତି । ସମସ୍ତଙ୍କ ସହଯୋଗରେ ଜନଜାତି ମାନଙ୍କ ବିକାଶ କ୍ଷେତ୍ରରେ ଏହି ଯୋଜନା ଦ୍ବାରା ଏକ ମାଇଲଷ୍ଟୋନ ସୃଷ୍ଟି ହେବ ବୋଲି ମୁଖ୍ୟମନ୍ତ୍ରୀ ଆଶାପ୍ରକାଶ କରିଛନ୍ତି।

ଜଙ୍ଗଲ ଜମି ଉପରେ ସମସ୍ତ ଯୋଗ୍ୟ ବ୍ୟକ୍ତିଗତ ଓ ଗୋଷ୍ଠିଗତ ଅଧିକାରକୁ ସୁନିଶ୍ଟିତ କରିବା ଏହି ଯୋଜନାର ଲକ୍ଷ୍ୟ । ଏହାସହିତ ସମସ୍ତ ଉନ୍ନୟନମୂଳକ କାର୍ଯ୍ୟକ୍ରମ ଗୁଡିକୁ ଏହି ଯୋଜନା ସହିତ ଯୋଡି ଜନଜାତି ମାନଙ୍କ ଜୀବିକାରେ ସ୍ଥାୟିତ୍ବ ସୃଷ୍ଟି କରିବା ପାଇଁ ପଦକ୍ଷେପ ଗ୍ରହଣ କରାଯିବ। ସର୍ଭେ ହୋଇ ନ ଥିବା ଜଙ୍ଗଲ ଗାଁ ଗୁଡିକୁ ରାଜସ୍ବ ଗ୍ରାମର ମାନ୍ୟତା ପ୍ରଦାନ କରାଯିବ।ଏହି ଅବସରରେ ଉପସ୍ଥିତ ଅଧିକାରୀ ଓ ଜନଜାତି ଭାଇଭଉଣୀ ମାନଙ୍କୁ ଉଦ୍‌ବୋଧନ ଦେଇ ମୁଖ୍ୟମନ୍ତ୍ରୀ କହିଲେ ଯେ ଏହି ଯୋଜନାରେ ସମସ୍ତ ଯୋଗ୍ୟ ହିତାଧିକାରୀ ମାନଙ୍କ ପାଖରେ ପହଞ୍ଚିବା ଆମର ଲକ୍ଷ୍ୟ। କେହି ଜଣେ ବି ଯୋଗ୍ୟ ବ୍ୟକ୍ତି ଯେପରି ବଞ୍ଚିତ ନ ହେବ, ତାକୁ ସୁନିଶ୍ଟିତ କରିବା ପାଇଁ ପଦକ୍ଷେପ ନିଆଯାଉଛି ବୋଲି ସେ କହିଥିଲେ । ଏହି ଯୋଜନା ଏକ ଭଲ ଯୋଜନା ବୋଲି ପ୍ରକାଶ କରି ମୁଖ୍ୟମନ୍ତ୍ରୀ କହିଲେ ଯେ ଜଙ୍ଗଲ ସଂପଦର ନିରନ୍ତର ବିକାଶ ଦିଗରେ ଜନଜାତି ମାନଙ୍କର ଅବଦାନକୁ ସ୍ବୀକୃତି ପ୍ରଦାନ କରିବା ଏହି ଯୋଜନାର ଲକ୍ଷ୍ୟ । ଜଳବାୟୁ ପରିବର୍ତ୍ତନ ଓ ଜନଜାତି ମାନଙ୍କ ଅର୍ଥନୀତି ଓ ଜୀବିକାରେ ସ୍ଥାୟିତ୍ବ ଆଣିବାରେ ମଧ୍ୟ ଏହା ସହାୟକ ହେବ ବୋଲି ସେ କହିଥିଲେ ।

ଜଙ୍ଗଲ ଜମି ଅଧିକାର ପ୍ରଦାନରେ ଓଡିଶା ଏକ ଆଗୁଆ ରାଜ୍ୟ ବୋଲି ପ୍ରକାଶ କରି ମୁଖ୍ୟମନ୍ତ୍ରୀ କହିଲେ ଯେ ଏପର୍ଯ୍ୟନ୍ତ ୪ ଲକ୍ଷ ୫୦ ହଜାର ଜନଜାତି ଓ ବନବାସୀ ପରିବାରକୁ ଜଙ୍ଗଲ ଜମି ଉପରେ ସତ୍ତ୍ବ ପ୍ରଦାନ କରାଯାଇଛି । ସେହିପରି ୪ ହଜାରରୁ ଅଧିକ ଗ୍ରାମସଭାକୁ ଗୋଷ୍ଠି ଅଧିକାର ଦିଆଯାଇଛି ବୋଲି ସେ କହିଥିଲେ । ଏହାସହିତ ସର୍ଭେ ହୋଇ ନଥିବା ଜଙ୍ଗଲ ଗାଁ ଗୁଡିକୁ ମଧ୍ୟ ରାଜସ୍ବ ଗ୍ରାମର ମାନ୍ୟତା ଦେବା ପାଇଁ ପ୍ରକ୍ରିୟା ଜାରି ରହିଛି ବୋଲି ସେ କହିଥିଲେ । ପ୍ରଥମରୁ ତାଙ୍କ ସରକାର ଜନଜାତି ମାନଙ୍କ କଲ୍ୟାଣ ପାଇଁ ପ୍ରତିବଦ୍ଧ ବୋଲି ପ୍ରକାଶ କରି ସେ କହିଥିଲେ ଯେ ୨୦୦୦ ମସିହାରେ ତାଙ୍କ ସରକାର ଯେତେବେଳେ ପ୍ରଥମେ ଓଡିଶାରେ ସେବାର ଦାୟିତ୍ବ ଗ୍ରହଣ କଲା, ସେତେବେଳେ ତାଙ୍କ ସରକାରର ପ୍ରଥମ ଗୁରୁତ୍ବପୂର୍ଣ୍ଣ ନିଷ୍ପତ୍ତି ଥିଲା ପଞ୍ଚାୟତ ମାନଙ୍କୁ ଲଘୁ ବନଜାତ ଦ୍ରବ୍ୟର ସଂଗ୍ରହ ଅଧିକାର ପ୍ରଦାନ। ଆଜି ଏ ଦିଗରେ ଅନେକ କାମ ହୋଇଛି । ଜନଜାତି ମାନଙ୍କ ଶିକ୍ଷା, ସ୍ବାସ୍ଥ୍ୟ ଏବଂ ବିଭିନ୍ନ କ୍ଷେତ୍ରରେ ଉନ୍ନତି ହେବା ସହିତ ସେମାନେ ବିଭିନ୍ନ କ୍ଷେତ୍ରରେ ପ୍ରତିଷ୍ଠା ମଧ୍ୟ ଅର୍ଜନ କରିପାରିଛନ୍ତି ।

ଅନୁସୂଚିତ ଜାତି ଜନଜାତି ଉନ୍ନୟନ ବିଭାଗ ମନ୍ତ୍ରୀ ଶ୍ରୀ ଜଗନ୍ନାଥ ସାରକା କହିଲେ ଯେ ଏହି ଯୋଜନା ଦ୍ବାରା ଜଙ୍ଗଲ ଜମିର ପରିଚାଳକ ଭାବରେ ଜନଜାତି ମାନଙ୍କ ଅଧିକାରକୁ ସ୍ବୀକୃତି ଦେବା ଏହି ଯୋଜନାର ଲକ୍ଷ୍ୟ । ନିର୍ଦ୍ଦିଷ୍ଟ ସମୟ ସୀମା ମଧ୍ୟରେ ପ୍ରକ୍ରିୟା ତ୍ବରାନ୍ବିତ କରାଯାଇ ଯୋଗ୍ୟ ବ୍ୟକ୍ତି ମାନଙ୍କୁ ଅଧିକାର ପ୍ରଦାନ କରିବା ପଦକ୍ଷେପ ନିଆଯାଇଛି।ଉନ୍ନୟନ କମିଶନର ଶ୍ରୀମତୀ ଅନୁ ଗର୍ଗ କହିଲେ ଯେ ଜଙ୍ଗଲ ଜମି ଉପରେ ଅଧିକାର ପ୍ରଦାନ ଓଡିଶା ସରକାରଙ୍କ ଏକ ପ୍ରମୁଖ ସଫଳତା। ଏହି ନୂଆ ଯୋଜନା ଦ୍ବାରା ସେମାନଙ୍କ ସାଂସ୍କୃତିକ ବିବିଧତାର ସୁରକ୍ଷା ସହିତ ସବୁ ବିକାଶମୂଳକ ଯୋଜନାରେ ଜନଜାତି ମାନଙ୍କୁ ସାମିଲ କରିବା ପାଇଁ ଏହି ଯୋଜନାରେ ବ୍ୟବସ୍ଥା କରାଯାଇଛି।

ଏହି ଯୋଜନାରେ ସାମିଲ ହୋଇଥିବା ବିଭିନ୍ନ ହିତାଧିକାରୀଙ୍କ ମଧ୍ୟରେ ମୟୁରଭଞ୍ଜର ଶ୍ର କପୁର ମାର୍ଣ୍ଡି, କନ୍ଧମାଳର ଶ୍ରୀ ନରେନ୍ଦ୍ର ମଲ୍ଲିକ ଓ ରାୟଗଡାର ଶ୍ରୀ ସୁରେଶ ଚନ୍ଦ୍ର ୱାଡାକା ପ୍ରମୁଖ ୩ ଜଣ ହିତାଧିକାରୀ ଭିଡିଓ କନ୍‌ଫରେନ୍‌ସିଂ ଜରିଆରେ ଯୋଡି ହୋଇ ମୁଖ୍ୟମନ୍ତ୍ରୀଙ୍କୁ ସେମାନଙ୍କ ଅଭିଜ୍ଞତା ବର୍ଣ୍ଣନା କରିଥିଲେ। ଜଙ୍ଗଲ ଜମି ଉପରେ ଅଧିକାର ପାଇବା ଦ୍ବାରା ସେମାନେ କିପରି ପନିପରିବା, ଫଳଚାଷ ଓ ଅନ୍ୟାନ୍ୟ ଜୀବିକା କାର୍ଯ୍ୟକ୍ରମରେ ସାମିଲ ହୋଇ ସେମାନଙ୍କର ପରିବାରର ପ୍ରତିପୋଷଣ କରିବା ସହିତ ପିଲାମାନଙ୍କୁ ମଧ୍ୟ ଶିକ୍ଷା ଦେଇପାରୁଛନ୍ତି ବୋଲି ପ୍ରକାଶ କରିଥିଲେ ।  ଏହି କାର୍ଯ୍ୟକ୍ରମରେ ରାଜସ୍ବ ଓ ବିପର୍ଯ୍ୟୟ ପରିଚାଳନା ମନ୍ତ୍ରୀ ଶ୍ରୀମତୀ ପ୍ରମିଳା ମଲ୍ଲିକ, ଜଙ୍ଗଲ ଓ ପରିବେଶ ମନ୍ତ୍ରୀ ଶ୍ରୀ ପ୍ରଦୀପ କୁମାର ଅମାତ, ରାଜସ୍ବ ବିଭାଗର ଅତିରିକ୍ତ ମୁଖ୍ୟ ଶାସନ ସଚିବ ଶ୍ରୀ ସତ୍ୟବ୍ରତ ସାହୁ, UNDP, ବେସରକାରୀ ଅନୁଷ୍ଠାନ ବସୁନ୍ଧରା, ପ୍ରଦାନ ଆଦି ସଂସ୍ଥାର ପ୍ରତିନିଧି ଏବଂ ବିଭିନ୍ନ ଜିଲ୍ଲାର ଜନଜାତି ହିତାଧିକାରୀମାନେ ଉପସ୍ଥିତ ଥିଲେ ।

ଅନୁସୂଚିତ ଜନଜାତି ଓ ଜାତି ଉନ୍ନୟନ ବିଭାଗର କମିଶନର-ତଥା-ଶାସନ ସଚିବ ଶ୍ରୀମତୀ ରୂପାରୋଶନ ସାହୁ ସ୍ବାଗତ ଭାଷଣ ଦେଇଥିଲେ ଓ ଅନୁସୂଚିତ ଜନଜାତି ବିଭାଗର ନିର୍ଦ୍ଦେଶକ ଶ୍ରୀ ଇନ୍ଦ୍ରମଣି ତ୍ରିପାଠୀ ଧନ୍ୟବାଦ ଅର୍ପଣ କରିଥିଲେ।