() ସମ୍ବାଦିକଙ୍କ ସ୍ୱାର୍ଥରେ ସବୁବେଳେ ଆଗରେ ଠିଆ ହୋଇଥାଏ ଓୟୁଜେ। ଏହିକ୍ରମରେ ପୂର୍ବତନ ମନ୍ତ୍ରୀ ରଘୁନନ୍ଦନ ଦାସଙ୍କ ବିରୋଧରେ କାର୍ଯ୍ୟାନୁଷ୍ଠାନ ଦାବିରେ ରାଜଧାନୀରେ ବିଶାଳ ବିକ୍ଷୋଭ କରିଛି ସଂଘ। ଓୟୂଜେ ସଭାପତି ପ୍ରସନ୍ନ ମହାନ୍ତି ଡାକରାରେ ପୁରା ଓଡ଼ିଶାରେ ସାମ୍ବାଦିକ ମାନେ ଆନ୍ଦୋଳନକୁ ଓହ୍ଲାଇଛନ୍ତି l ପୂର୍ବତନ ମନ୍ତ୍ରୀ ତଥା ବିଜେଡି ନେତା ରଘୁନନ୍ଦନ ଦାସ ସାମ୍ବାଦିକା ଚିନ୍ମୟୀ ସାହୁଙ୍କୁ କୁକୁର ଲଗାଇ ଦେବାର ଧମକ ଘଟଣା ପ୍ରତିବାଦରେ ସବୁ ଜିଲ୍ଲାରେ ଓୟୁଜେ ପକ୍ଷରୁ ବିକ୍ଷୋଭ ପ୍ରଦର୍ଶନ କରାଯାଇଛି। ସାମ୍ବାଦିକା ଚିନ୍ମୟୀଙ୍କୁ ନ୍ୟାୟ ଦେବା ଓ ରଘୁନନ୍ଦନଙ୍କ ବିରୋଧରେ ଦୃୃଢ କାର୍ଯାନୁଷ୍ଠାନ ଦାବି କରି ସାମ୍ବାଦିକମାନେ ମୁଖ୍ୟମନ୍ତ୍ରୀ ମୋହନ ମାଝିଙ୍କୁ ଏକ ସ୍ମାରକପତ୍ର ପ୍ରଦାନ କରିଛନ୍ତି । ରାଜଧାନୀରେ ଓୟୁଜେ ସଭାପତିଙ୍କ ନେତୃତ୍ବରେ ଏକ ବିଶାଳ ପ୍ରତିବାଦ ଓ ବିକ୍ଷୋଭ କରାଯାଇଥିଲା l ଏହି ବିକ୍ଷୋଭ ଶୋଭାଯାତ୍ରାରେ ଅଂଶଗ୍ରହଣ କରି ବରିଷ୍ଠ ସାମ୍ବାଦିକ ରବି ଦାସ କହିଲେ ଯେ ରଘୁନନ୍ଦ ଦାସ ବିଜେଡିର ଜଣେ ବରିଷ୍ଠ ନେତା । ସେ ପୂର୍ବରୁ ସୂଚନା ଏବଂ ଲୋକସମ୍ପର୍କ ବିଭାଗର ମନ୍ତ୍ରୀ ମଧ୍ୟ ଥିଲେ । ତାଙ୍କର ଆଚରଣ ସଂପୂର୍ଣ୍ଣ ଅଋଚିକର ଥିଲା । ସାମ୍ବାଦିକା ଚିନ୍ମୟୀ ସାହୁଙ୍କୁ ଆକ୍ରମଣ କରିବାକୁ କୁକୁରମାନଙ୍କୁ ମୁକ୍ତ କରିବା ଭଳି ଭୟଙ୍କର କାର୍ଯ୍ୟ ଅତ୍ୟନ୍ତ ନିନ୍ଦନୀୟ । ରଘୁନନ୍ଦନ ତୁରନ୍ତ କ୍ଷମା ମାଗିବା ଉଚିତ ଏବଂ ପୋଲିସ ତାଙ୍କ ବିରୋଧରେ ଉପଯୁକ୍ତ କାର୍ଯ୍ୟାନୁଷ୍ଠାନ ଗ୍ରହଣ କରିବା ଆବଶ୍ୟକ ବୋଲି ସେ କହିଥିଲେ । ଓୟୁଜେ ସଭାପତି ପ୍ରସନ୍ନ ମହାନ୍ତି ପୂର୍ବତନ ମନ୍ତ୍ରୀଙ୍କ ବିରୋଧରେ କଠୋର କାର୍ଯ୍ୟାନୁଷ୍ଠାନ ଦାବି କରିବା ସହ ସାମ୍ବାଦିକ ସୁରକ୍ଷା ଆଇନକୁ ତୁରନ୍ତ କାର୍ଯ୍ୟକାରୀ କରିବାକୁ ଦାବି କରିଛନ୍ତି ।ଭୁବନେଶ୍ୱର ସମେତ ରାଜ୍ୟର ବିଭିନ୍ନ ସ୍ଥାନରେ ଓୟୁଜେ ସଂଗଠନ ଏହି ଘୃଣ୍ୟ କାର୍ଯ୍ୟକୁ ସାମ୍ବାଦିକମାନେ ବିରୋଧ କରିଛନ୍ତି । ଜୟଦେବ ଭବନରେ ଅନୁଷ୍ଠିତ ପ୍ରତିବାଦ ସଭାରେ ବିଭିନ୍ନ ଖବରକାଗଜ ଓ ଟିଭି ନ୍ୟୁଜ୍ ଚ୍ୟାନେଲର ସମ୍ପାଦକ ଓ ସାମ୍ବାଦିକମାନେ ସାମିଲ୍ ହୋଇଥିଲେ ।ବରିଷ୍ଠ ସାମ୍ବାଦିକ ମନୋରଂଜନ ମିଶ୍ର, ସନ୍ଦୀପ ମିଶ୍ର, ବିରୁପାକ୍ଷ ତ୍ରିପାଠୀ, ବିପିନ ସିଂ, ସଞ୍ଜୟ ଜେନା, ଲକ୍ଷ୍ମୀନାରାୟଣ କାନୁନଗୋ, ଶାନ୍ତି ଭୂଷଣ ମିଶ୍ର, ଦୁର୍ଗାଶିଷ, ରଂଜନ ତ୍ରିପାଠୀ, ସ୍ୱାଧୀ ରାଉତ, ସାରଦା ଲାହଙ୍ଗୀର ସିଂ, ନୀଲିମା ପ୍ରିୟଦର୍ଶିନୀ, ଭାଗବତ ତ୍ରିପାଠୀ, ସଂଗୀତା ଅଗ୍ରୱାଲ, ରମେଶ ମହାନ୍ତି, ପ୍ରମୋଦ ସାମନ୍ତରାୟ, ଅକ୍ଷୟ ସାହୁ, ରାମଚଣ୍ଡି ରଣପ୍ରତାପ ସିଂହ, ପାର୍ଥସାରଥୀ ଜେନା, ପ୍ରମୋଦ ସାମନ୍ତରାୟ, ସୁରେଶ କର, ସଞ୍ଜୟ ଦାସ, ସୁକାନ୍ତ ମହାନ୍ତିରେ ପ୍ରମୂଖ ଏହି ବିକ୍ଷୋଭରେ ଯୋଗ ଦେଇଥିଲେ ।
ଦେଶର ରାଜନୀତିରେ ନବୀନଙ୍କୁ ଲମ୍ବା ସମୟର ମୁଖ୍ୟମନ୍ତ୍ରୀ ଓ ଷଷ୍ଠଥର ପାଇଁ ରେକର୍ଡ଼ ସଂଖ୍ୟକ ଆସନରେ ବିଜୟ କରାଇବା ପାଇଁ ବରିଷ୍ଠ ବିଜେଡି ନେତା କାର୍ତ୍ତିକ ପାଣ୍ଡିଆନ ନିର୍ବାଚନର ବର୍ଷେ ପୂର୍ବରୁ ରଣନୀତି ପ୍ରସ୍ତୁତ କରିଥିଲେ l ୬ମାସରୁ ଅଧିକ ସମୟ ପୁରା ଓଡିଶାର କୋଣ ଅନୁକୋଣ ବୁଲି ଲୋକଂକ ମତାମତ ନେବା ଶହ ସେମାନଙ୍କୁ ସମସ୍ୟା ଦୂର କରିଥିଲେ l CMO ଲୋକଙ୍କ ପାଖକୁ ଯାଇ ଲୋକଂକ କଥାରେ ସରକାର ଚଳାଇବା କଥାକୁ ସଭିଙ୍କ ମନରେ ବିଶ୍ୱାସ ଭରିଥିଲେ ପାଣ୍ଡିଆନ l ଏଥିପାଇଁ ତାଙ୍କୁ ବହୁ ସମାଲୋଚନା ହେବାକୁ ପଡ଼ିଥିଲା l ଦଳ ଭିତରେ ବି କେତେକ ନେତା ତାଙ୍କ କାର୍ଯକ୍ରମକୁ ଖୋଲାଖୋଲି ପ୍ରଶ୍ନ କରିବା ସହ କାର୍ତ୍ତିକ ପାଣ୍ଡିଆନଙ୍କୁ ଟାର୍ଗେଟ କରିଥିଲେ l ବେଶ କିଛି ଦିନ ରାଜ୍ୟ ରାଜନୀତିରେ ଏ ପ୍ରସଂଗ ହଟଚମକ୍ ସୃଷ୍ଟି କରିଥିଲା l ତଥାପି ନବୀନଙ୍କୁ ଷଷ୍ଠଥର ମୁଖ୍ୟମନ୍ତ୍ରୀ କରିବାର ସଙ୍କଳ୍ପ ଏହି ସମାଲୋଚନା କିଛି ପ୍ରଭାଵ ପକାଇନଥିଲା l ଶେଷରେ ଅଧିକାଂଶ ଆସନରେ ଉପଯୁକ୍ତ ପ୍ରାର୍ଥୀ ଚୟନ କରି କାର୍ତ୍ତିକ ପାଣ୍ଡିଆନ ନିର୍ବାଚନ ରଣନୀତି ପ୍ରସ୍ତୁତିରେ ଲଗୁପଡ଼ିଥିଲେ l ପ୍ରାର୍ଥୀ ଓ ଦଳର ମଙ୍ଗୁଆଳମାନଙ୍କୁ ନିଜର ରଣନୀତି ଅନୁସାରେ ଦାୟିତ୍ୱ ବଣ୍ଟନ କରି ପ୍ରଚାରରେ ଏକଲାଚାଲୋ ନୀତିକୁ ଆପଣାଇଥିଲେ l
ତାଙ୍କର ଏହି ରଣନୀତି ଆଗରେ ପ୍ରଧାନମନ୍ତ୍ରୀ ମୋଦି,ଅମିତ ଶାହା, ଜେ ପି ନଡ୍ଡା, ହିମନ୍ତ ବିଶ୍ଵଶର୍ମା, ରାଜନାଥ ସିଂହ, ଉତ୍ତର ପ୍ରଦେଶ ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟ ନାଥ, କଂଗ୍ରେସ ଯୁବରାଜ ରାହୁଲ ଗାନ୍ଧି,ମଲ୍ଲିକାର୍ଜୁନ ଖଡଗେ, ସଚିନ ପାଇଲଟଙ୍କ ଭଳି ନେତାଙ୍କ ରଣନୀତି ଓ କ୍ୟାମ୍ପନ ଫେଲ ମାରିଛି l ବିଜେଡିର ୧ ନମ୍ବର ଷ୍ଟାର ପ୍ରଚାରକ ନବୀନ ପଟ୍ଟନାୟକ, ଓ ୨ ନମ୍ବର ଷ୍ଟାର ପ୍ରଚାରକ କାର୍ତ୍ତିକ ପାଣ୍ଡିଆନଙ୍କ ପ୍ରଚାର ସୁପରହିଟ ହୋଇଛି l ଏହାସହ ବିଜେଡିର ମାଇକ୍ରୋ ମେନେଜମେଣ୍ଟରେ ସବୁଥର ପରି ଶତ ପ୍ରତିଶତ ସଫଳ ହୋଇଛି l ଯାହା ବୁଥ ବାହୁଡ଼ା ମତରେ ସ୍ପଷ୍ଟ ପ୍ରମାଣିତ ହୋଇଛି l
