ଭୁବନେଶ୍ୱର : ବିଖଣ୍ଡିତ ଓଡିଶାକୁ ଯୋଡିଛି ବନ୍ଦେ ଉତ୍କଳ ଜନନୀ। କାନ୍ତକବି ଲକ୍ଷ୍ମୀକାନ୍ତ ମହାପାତ୍ରଙ୍କ କାଳଜୟୀ କବିତା ବନ୍ଦେ ଉତ୍କଳ ଜନନୀ ରାଜ୍ୟ ସଙ୍ଗୀତର ମାନ୍ୟତା ପାଇଛି । ସେଥିପାଇଁ ଆଜି ଦିନଟି ଓଡ଼ିଶା ଇତିହାସର ଏକ ସ୍ବର୍ଣ୍ଣମୟୀ ଦିନ ହୋଇ ରହିବ । ଆଜି ରବିବାରରେ ସ୍ୱତନ୍ତ୍ର କ୍ୟାବିନେଟ ବୈଠକ ଡକାଇ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ବନ୍ଦେ ଉତ୍କଳ ଜନନୀକୁ ରାଜ୍ୟ ସଙ୍ଗୀତର ମାନ୍ୟତା ଦେଇଛନ୍ତି ।୧୯୧୨ ଉତ୍କଳ ସମ୍ମିଳନୀରେ ପ୍ରଥମେ ଗାନ କରାଯାଇଥିଲା ଏହି ସଂଗୀତ ।
ସଙ୍ଗୀତର ପ୍ରତ୍ୟେକ ଶବ୍ଦରେ ଓଡ଼ିଶାକୁ ସଶକ୍ତ କରିବା ସହ ଶକ୍ତି ଦିଏ ଏହି ସଙ୍ଗୀତ। ୧୮୩୬ ମସିହା ଏପ୍ରିଲ ପହିଲାରେ ସ୍ୱତନ୍ତ୍ର ଓଡ଼ିଶା ଗଠନ କରିବା ଦିନଠାରୁ ଏ ସଙ୍ଗୀତ ଗାନ କରାଯାଉଛି। ବିଧାନସଭା ଉଦଯାପିତ ଦିବସରେ ମଧ୍ୟ ଏହି ସଙ୍ଗୀତକୁ ସମସ୍ତ ସଦସ୍ୟ ଗାନ କରିଥାନ୍ତି। କରୋନା ଯୋଦ୍ଧାଙ୍କୁ ସମ୍ମାନ ଜଣାଇବା ପାଇଁ ମେ ୩୦ ତାରିଖରେ ମୁଖ୍ୟମନ୍ତ୍ରୀ ରାଜ୍ୟ ବାସୀଙ୍କୁ ବନ୍ଦେ ଉତ୍କଳ ଜନନୀ ଗାଇବା ପାଇଁ ଆହ୍ୱାନ ଦେଇଥିଲେ। ଯାହା ରାଜ୍ୟ ତଥା ରାଜ୍ୟ ବାହାରେ ରହୁଥିବା କୋଟି କୋଟି ଓଡିଆ ଏକାଠି ହୋଇ ଗାନ କରିଥିଲେ। ପ୍ରତ୍ୟେକ ଓଡ଼ିଆଙ୍କୁ ଯୋଡିଥିଲା ଏହି ସଙ୍ଗୀତ। କାରଣ ଏହା ଏକ ସଙ୍ଗୀତ ନୁହେଁ। ଏହା ଗୋଟିଏ ଜାତିର ଆତ୍ମାକୁ ଯୋଡୁ ଥିବା ସଙ୍ଗୀତଟିଏ। ଆଜି ସେହି କାନ୍ତ କବି ନାହାନ୍ତି ସତ, ହେଲେ ତାଙ୍କର ଏହି କାଳଜୟୀ କବିତା ପ୍ରତ୍ୟେକ ଓଡ଼ିଆ ହୃଦୟରେ ସ୍ଥାନ ପାଇଛି। ଡିସେମ୍ବର ୯ ତାରିଖ ୧୮୮୮ ମସିହାରେ ଭଦ୍ରକ ଜିଲ୍ଲାରେ କାନ୍ତକବି ଜନ୍ମ ଗ୍ରହଣ କରିଥିଲେ।ବନ୍ଦେ ଉତ୍କଳ ଜନନୀର ରଚୟିତା କାନ୍ତ କବିଙ୍କର ଜୟଗାନ ଏବେ ସବୁଠି। ବନ୍ଦେ ଉତ୍କଳ ଜନନୀକୁ ରାଜ୍ୟ ଜାତୀୟ ସଙ୍ଗୀତର ମାନ୍ୟତା ଦେଇ ରାଜ୍ୟ ସରକାର ଏହାର ଶ୍ରେଷ୍ଠତାକୁ ଆହୁରି ସମୃଦ୍ଧ କରିଛନ୍ତି ବୋଲି ବିଜେଡି ସଂଗଠନ ସମ୍ପାଦକ ପ୍ରଣବ ପ୍ରକାଶ ଦାସ କହିଛନ୍ତି । ସେ ଆହୁରୀ କହିଛନ୍ତି ଯେ ଓଡ଼ିଶା ଜାତିକୁ ଗୋଟିଏ ସୂତ୍ରରେ ବାନ୍ଧି ରଖିଛି ବନ୍ଦେ ଉତ୍କଳ ଜନନୀ। ବ୍ୟକ୍ତିଗତ ଦୁଃଖ ଓ ଯନ୍ତ୍ରଣାକୁ ପଛରେ ପକାଇ ଅନନ୍ୟ ସୃଷ୍ଟି ପାଇଁ କାନ୍ତକବି ଲକ୍ଷ୍ମୀକାନ୍ତ ମହାପାତ୍ର ଚିର ନମସ୍ୟ ବୋଲି ସେ ଟୁଇଟ କରି ସେ ବାର୍ତା ଦେଇଛନ୍ତି। କେବଳ ସେତିକି ନୁହେଁ ବନ୍ଦେ ଉତ୍କଳ ଜନନୀକୁ ରାଜ୍ୟ ସଙ୍ଗୀତ ମାନ୍ୟତା ଦେଇଥିବାରୁ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କୁ ସେ ଧନ୍ୟବାଦ ଜଣାଇଛନ୍ତି ପ୍ରଣବ । କାନ୍ତକବି ତାଙ୍କ ଜୀବନରେ ଯେଉଁ ସଂଘର୍ଷ ,ଯେଉଁ ଦୁଃଖ ,ଯନ୍ତ୍ରଣା ଏବଂ ଇଂରେଜମାନଙ୍କ ସହ ଲଢ଼ିବାର କ୍ଷମତା ମଧ୍ୟରେ ସେ ଲେଖିଥିବା ଏହି କାଳଜୟୀ କବିତା ପାଇଁ ସେ ଚିର ନମସ୍ୟ ବିଜେଡି ସଂଗଠନ ସମ୍ପାଦକ କହିଛନ୍ତି ।
