ଭୁବନେଶ୍ୱର : ଦେଶର ଶ୍ରେଷ୍ଠ ୨୦ଟି ବିଶ୍ୱବିଦ୍ୟାଳୟ ମଧ୍ୟରେ ସାମିଲ୍ ହେଲା ଶିକ୍ଷା ଓ ଅନୁସନ୍ଧାନ (ଡିମ୍‌ଡ ଟୁ ବି ୟୁନିଭର୍ସିଟି) । ଗୁରୁବାର କେନ୍ଦ୍ର ମାନବ ସମ୍ବଳ ବିକାଶ ମନ୍ତ୍ରୀ ଡ. ରମେଶ ପୋଖରିଆଲ୍ ନିଶାଙ୍କଙ୍କ ଦ୍ୱାରା ବିଭିନ୍ନ ବର୍ଗର ଶିକ୍ଷାନୁଷ୍ଠାନକୁ ନେଇ ଘୋଷଣା ହୋଇଥିବା ନ୍ୟାସନାଲ୍ ଇନଷ୍ଟିଚ୍ୟୁସନାଲ୍ ର‌୍ୟାଙ୍କିଙ୍ଗ୍ ଫ୍ରେମ୍‌ୱାର୍କ-୨୦୨୦ ରେ ଶ୍ରେଷ୍ଠ ୨୦ ବିଶ୍ୱବିଦ୍ୟାଳୟ ମଧ୍ୟରେ ସ୍ଥାନ ହାସଲ କରିଛି ସୋଆ । ବିଶ୍ୱବିଦ୍ୟାଳୟ ତାଲିକାରେ ଓଡ଼ିଶାରେ ୧ ନମ୍ବର ସ୍ଥାନ ବଜାୟ ରଖିଛି ସୋଆ ।

 ଏହି ନୂତନ ତାଲିକାରେ ୨୦ ତମ ସ୍ଥାନ ହାସଲ କରିଥିବା ବେଳେ ସାମଗ୍ରିକ ଭାବେ ସମସ୍ତ ଉଚ୍ଚ ଶିକ୍ଷାନୁଷ୍ଠାନ ଗୁଡିକ ମଧ୍ୟରେ ଦେଶରେ ୩୮ ତମ ସ୍ଥାନ ହାସଲ କରିଛି । ଏକ ଭିଡିଓ କନଫରେନ୍ସ ମାଧ୍ୟମରେ ଏହି ତାଳିକା ଘୋଷଣା କରିଛନ୍ତି ଡ. ପୋଖରିଆଲ ।

ୟୁନିଭର୍ସିଟି ଗ୍ରାଂଟସ୍ କମିଶନ ଦ୍ୱାରା ୨୦୦୭ ରେ ଡିମଡ ଟୁ ବି ୟୁନିଭର୍ସିଟିର ମାନ୍ୟତା ପାଇଥିବା ସୋଆ କ୍ରମାଗତ ଭାବେ ୫ମ ଥର ପାଇଁ ଓଡ଼ିଶାରେ ଏକ ନମ୍ବର ସ୍ଥାନ ବଜାୟ ରଖିଥିବାବେଳେ ଚଳିତ ବର୍ଷ ୫୩.୧୦ ସ୍କୋର ହାସଲ କରି ଏହି ସ୍ଥାନରେ ରହିଛି ।

୨୦୧୬ ରେ ଏନ୍‌ଆଇଆର୍‌ଏଫ୍ ର‌୍ୟାଙ୍କିଙ୍ଗ୍ ଆରମ୍ଭ କରାଯାଇଥିବାବେଳେ ତୃତୀୟ ଥର ପାଇଁ ଦେଶର ଶ୍ରେଷ୍ଠ ୨୦ ବିଶ୍ୱବିଦ୍ୟାଳୟ ମଧ୍ୟରେ ସ୍ଥାନ ପାଇଛି ସୋଆ ।

ସେହିପରି ଇଞ୍ଜିନିୟରିଂ କ୍ୟାଟେଗୋରିରେ ଦେଶରେ ସୋଆ ୩୪ ତମ ସ୍ଥାନରେ ରହିଥିବାବେଳେ ମେଡିକାଲ୍ କଲେଜ କ୍ୟାଟେଗୋରିରେ ୨୩ତମ ସ୍ଥାନ ହାସଲ କରିଛି । ସୋଆ ପରିଚାଳିତ ଡେଂଟାଲ ସାଇନସ୍ କଲେଜ ଚଳିତ ବର୍ଷ ପ୍ରଥମ ଥର ପାଇଁ ଏହି ର‌୍ୟାଙ୍କିଙ୍ଗରେ ପ୍ରବେଶ କରି ଦେଶରେ ୧୨ତମ ସ୍ଥାନ ହାସଲ କରିଛି ।

୨୦୨୦ ର‌୍ୟାଙ୍କିଙ୍ଗ ଅନୁସାରେ ଓଡ଼ିଶାରେ ସୋଆର ମେଡିକାଲ ସାଇନସେସ ଏବଂ ଡେଂଟାଲ ସାଇନସେସ ଶିକ୍ଷାନୁଷ୍ଠାନ ୧ ନମ୍ବର ସ୍ଥାନରେ ରହିଛନ୍ତି ।

ଇନଷ୍ଟିଚ୍ୟୁଟ୍ ଅଫ ଟେକନିକାଲ ଏଜୁକେସନ ଆଣ୍ଡ ରିସର୍ଚ୍ଚ (ଆଇଟିଇଆର) ସୋଆର ଫାକଲ୍‌ଟି ଅଫ ଇଞ୍ଜିନିୟରିଂ ଆଣ୍ଡ ଟେକନଲଜି ହୋଇଥିବାବେଳେ ଇନଷ୍ଟିଚ୍ୟୁଟ୍ ଅଫ ମେଡିକାଲ ସାଇନସେସ୍ ଆଣ୍ଡ ସମ୍‌

ହସପିଟାଲ୍ ଓ ଇନଷ୍ଟିଚ୍ୟୁଟ୍ ଅଫ ଡେଂଟାଲ୍ ସାଇନସେସ୍ (ଆଇଡିଏସ) ଏହାର ମେଡିକାଲ ଏବଂ ଡେଂଟାଲ୍ ସାଇନସ ଶିକ୍ଷାନୁଷ୍ଠାନ ।

ଏହି ଅବସରରେ ଖୁସି ବ୍ୟକ୍ତ କରି ସୋଆର କୁଳପତି ପ୍ରଫେସର ଅଶୋକ କୁମାର ମହାପାତ୍ର କହିଛନ୍ତି ଯେ ଏହି ସଫଳତା ହେଉଛି ସମସ୍ତ ଫାକଲ୍ଟି, ଗବେଷକ ଏବଂ ଦାୟିତ୍ୱ ତୁଲାଉଥିବା ସମସ୍ତ ବ୍ୟକ୍ତି ବିଶେଷଙ୍କର । ମୁଁ ଆଶା କରୁଛି ସୋଆ ଏହି ସଫଳତାର ସିଡ଼ିରେ ଆଗାମୀ ବର୍ଷ ମଧ୍ୟ ଆହୁରି ଉପରକୁ ଉଠିବ ।ଏନଆଇଆରଏଫ ର‌୍ୟାଙ୍କିଙ୍ଗରେ ଏହି ସଫଳତା ନିଶ୍ଚିତ ଭାବରେ ସୋଆର ସମସ୍ତ କର୍ମଚାରୀଙ୍କୁ ଭବିଷ୍ୟତରେ ଅଧିକ ଉନ୍ନତି ପାଇଁ ପ୍ରୋତ୍ସାହନ ଦେବ । ଏହି ସଫଳତା ନିମନ୍ତେ ମୁଁ ସୋଆ ପରିବାରର ସମସ୍ତଙ୍କୁ ଅଭିନନ୍ଦନ ଜଣାଉଛି  ବୋଲି କହିଛନ୍ତି ସୋଆର ପ୍ରତିଷ୍ଠାତା ସଭାପତି ପ୍ରଫେସର ମନୋଜରଞ୍ଜନ ନାୟକ ।

ସୋଆ ଅଧିନରେ ୯ଟି ବିଭିନ୍ନ ଶିକ୍ଷାନୁଷ୍ଠାନ ପରିଚାଳିତ ହେଉଥିବା ବେଳେ ଇଞ୍ଜିନିୟରିଂ ଆଣ୍ଡ ଟେକନୋଲଜି, ମେଡିକାଲ୍ ସାଇନସେସ୍‌, ଡେଂଟାଲ ସାଇନସେସ, ମ୍ୟାନେଜମେଂଟ ସାଇନସେସ, ହସପିଟାଲ୍ ଆଡମିନିଷ୍ଟ୍ରେସନ, ଫାର୍ମାସ୍ୟୁଟିକାଲ ସାଇନସେସ, ବାୟୋଟେକ୍ନୋଲଜି, ନର୍ସିଂ, ହସପିଟାଲିଟି ଆଣ୍ଡ ଟୁରିଜିମ୍ ମ୍ୟାନେଜମେଂଟ, ଲିଗାଲ ଷ୍ଟଡିଜ ଏବଂ ଏଗ୍ରିକଲଚରାଲ ସାଇନସେସରେ ୯୫ଟି ଏକାଡେମିକ ପାଠ୍ୟକ୍ରମ ପ୍ରଦାନ କରାଯାଉଛି । ୬ ଟି ଦେଶର ଛାତ୍ରଛାତ୍ରୀ ସମେତ ପ୍ରାୟ ୧୨ ହଜାର ଛାତ୍ରଛାତ୍ରୀ ସୋଆ ଡିମଡ୍ ଟୁ ବି ୟୁନିଭର୍ସିଟିରେ ଶିକ୍ଷା ଗ୍ରହଣ କରୁଛନ୍ତି ।

ଭୁବନେଶ୍ୱର:ରାଜ୍ୟରେ ସେପ୍ଟେମ୍ବର ପୂର୍ବରୁ ଡ୍ରାଇଭିଇଂ ଲାଇସେନ୍ସ ଓ ଲରନିଙ୍ଗ ଲାଇସେନ୍ସ ପାଇଁ ଆବେଦନ କରିହେବ ନାହିଁ। ଏହାସହ ପୁରୁଣା ଆବେଦନକାରୀଙ୍କୁ ଜୁଲାଇରୁ ନୂଆ ସ୍କଟ ମିଳିବ । ଅଢେଇ ଲକ୍ଷ ଆବେଦନକାରୀଙ୍କୁ ନୂଆ ସମୟ ଦିଆଯିବ।ଏ ନେଇ ସୂଚନା ଦେଇଛନ୍ତି ପରିବହନ ମନ୍ତ୍ରୀ ପଦ୍ମନାଭ ବେହେରା ।
ସେହିପରି ଅନିଶ୍ଚିତତା ଭିତରେ ଆନ୍ତରାଜ୍ୟ ବସ ଚଳାଚଳ କରୁଥିବା ମଧ୍ୟ ମନ୍ତ୍ରୀ କହିଛନ୍ତି। ଏବେ ସୁଦ୍ଧା କୌଣସି ସେ ଉପରେ କିଛି ନିଷ୍ପତ୍ତି ହୋଇନାହିଁ । କି ରାଜ୍ୟ ସରକାର କୌଣସି ରାଜ୍ୟ ସହ କଥା ହୋଇନାହାଁନ୍ତି।
ରଥଯାତ୍ରା ପ୍ରସଙ୍ଗରେ ମଧ୍ୟ ପ୍ରତିକ୍ରିୟା ଦେଇ କହିଛନ୍ତି କି ରଥଯାତ୍ରା ପାଇଁ ବସ ଚଳାଚଳ ନେଇ କୌଣସି ଆଲୋଚନା ହୋଇନି। ସବୁଥର ରଥଯାତ୍ରା ପୂର୍ବରୁ ୨ ଥର ବୈଠକ ବସେ। ଏ ପର୍ଯ୍ୟନ୍ତ ବୈଠକ ହୋଇନି। ସରକାର ଯାହା ନିର୍ଦ୍ଦେଶ ଦେବେ ସେହି ଅନୁସାରେ ବିଭାଗ ପ୍ରସ୍ତୁତ ହେବ।
OSRTC ବସ ଚଳାଚଳ ପ୍ରସଙ୍ଗରେ କହିଛନ୍ତି ।
ଠିକ୍ ସେହିପରି ୬୬ ରୂଟରୁ ୨୦ ଟି ରୂଟରେ ଲୋକ ହେଉ ନାହାଁନ୍ତି। ୨-୩ ଜଣ ଲୋକ ହେଉଛନ୍ତି। ଅତିବେଶିରେ ବସରେ ୫ ଜଣ ଲୋକ ହେଉଛନ୍ତି। ସେଥିପାଇଁ କ୍ଷତିରେ ବସ ଚାଲୁଛି। ତେଣୁ ବାଧ୍ୟ ହୋଇ ବସ ବନ୍ଦ ହେବ।

ପୁରୀ : ଆଉ କିଛି ଦିନ ପରେ ବିଶ୍ୱ ପ୍ରସିଦ୍ଧ ରଥଯାତ୍ରା। ହେଲେ ଏଥର ସାଧାରଣ ଭକ୍ତଂକୁ ରଥ ଟାଣିବା ପାଇଁ ଅନୁମତି ମିଳିବ ନାହିଁ ତାହା ଏ ଯାଏଁ ଦ୍ଵନ୍ଦରେ।ଏହି ସମୟରେ କରୋନା ପାଇଁ ଏବେ ମାସ୍କ ପିନ୍ଧିବା ବାଧ୍ୟତାମୂଳକ କରାଯାଇଛି। ସେଥିପାଇଁ ଶ୍ରୀମନ୍ଦିର ସେବାୟତଙ୍କ ମଧ୍ୟ ରଥଯାତ୍ରାରେ ମାସ୍କ ପିନ୍ଧିବେ। ତେଣୁ ତାଙ୍କ ପାଇଁ ବୟନିକା ସ୍ୱତନ୍ତ୍ର ମାସ୍କ ତିଆରି କରିବ। ବୟନିକା ତରଫରୁ ୫ ହଜାର ମାସ୍କ ପ୍ରସ୍ତୁତ କରାଯିବ। ଏ ନେଇ ଚିଠି ମିଳିବା ପରେ ଆଜିଠାରୁ ଆରମ୍ଭ ହୋଇଛି ମାସ୍କ ତିଆରି ପ୍ରସ୍ତୁତି । ଏହି ମାସ୍କର ସ୍ୱତନ୍ତ୍ରତା ହେଉଛି ରଥର ରଙ୍ଗ ଅନୁସାରେ ମାସ୍କ ପିନ୍ଧିବେ ସେବାୟତ। ନାଲି-ହଳଦିଆ, କଳା-ନାଲି ଓ ସବୁଜ-ନାଲି ରଙ୍ଗ କପଡାରେ ପ୍ରସ୍ତୁତ ହେବ ମାସ୍କ ।
ରଥାଯାତ୍ରା ପୂର୍ବରୁ ମାସ୍କ ଶ୍ରୀ ମନ୍ଦିର ପ୍ରଶାସନକୁ ଯୋଗାଇ ଦିଆଯିବ ବୋଲି ବୟନିକା ପକ୍ଷରୁ ସୂଚନା ଦିଆଯାଇଛି । ସେବାୟତଙ୍କ ସୁରକ୍ଷା ଲାଗି ସମସ୍ତ ସେବାୟତଙ୍କୁ ମାସ୍କ ଯୋଗାଇ ଦେବା ଲାଗି ଶ୍ରୀ ମନ୍ଦିର ପ୍ରଶାସନ ପକ୍ଷରୁ ନିଷ୍ପତ୍ତି ନିଆଯାଇଛି । ଓଡିଶାର ପ୍ରସିଦ୍ଧ ବାନ୍ଧ ବସ୍ତ୍ରରେ ବୟନିକା ଦ୍ଵାରା ତିଆରି କରି ସେବାୟତଙ୍କୁ ଯ଼ୋଗାଇ ଦେବା ଲାଗି ସରକାରୀ ସ୍ଥରରେ ନିଷ୍ପତ୍ତି ହୋଇଛି ।

ଭୁବନେଶ୍ୱର : ରାଜ୍ୟରେ କରୋନା ଆକ୍ରାନ୍ତ ସଂଖ୍ୟା କମିବାର ନାଁ ଧରୁ ନାହିଁ। ଦିନକୁ ଦିନ ବଢ଼ିବାରେ ଲାଗିଛି। ଏହାସହ ଆଜି ସର୍ବାଧିକ ୨୨୫ଜଣ ନୂଆ କରୋନା ପଜେଟିଭ ଚିହ୍ନଟ ହୋଇଛନ୍ତି । ଏବେ ରାଜ୍ୟରେ ମୋଟ ଆକ୍ରାନ୍ତଙ୍କ ସଂଖ୍ୟା ୩୭୨୩ରେ ପହଁଚିଛି।
ସେମାନେ କଟକରୁ ସର୍ବାଧିକ ୯୨ଜଣ।ଜଗତସିଂହପୁର – ୧୩, ଖୋର୍ଦ୍ଧା-୧୯, ନୟାଗଡ-୭, କଟକ-୯୨, ଢେଙ୍କାନାଳ-୭, ବାଲେଶ୍ୱର-୨, ଅନୁଗୁଳ-୧, ଭଦ୍ରକ-୫, କଳାହାଣ୍ଡି-୩, କନ୍ଧମାଳ-୧୫, ଗଞ୍ଜାମ-୨୦, ସୁନ୍ଦରଗଡ-୧, ପୁରୀ-୧୫, ବଲାଙ୍ଗୀର-୧୨, କେନ୍ଦ୍ରାପଡା-୪, ମୟୂରଭଞ୍ଜ-୯ ଜଣ ଲେଖାଏଁ କରୋନାରେ ଆକ୍ରାନ୍ତ ଚିହ୍ନଟ ହୋଇଛନ୍ତି। ଏନେଇ ସ୍ୱସ୍ଥ୍ୟ ଓ ପରିବାର କଲ୍ୟାଣ ବିିଭାଗ ପକ୍ଷରୁ ସୂଚନା ଦେଇଛି।ସେଥିମଧ୍ୟରୁ ସମସ୍ତ ୧୯୬ ଜଣ କ୍ବାରେଣ୍ଟିନ୍ ସେଣ୍ଟରରେ ଏବଂ ଜଣ ୨୯ ସ୍ଥାନୀୟ ଲୋକ ଅଛନ୍ତି ।ଏହାସହ ୧୨୩୬ଜଣ ଚିକିତ୍ସିତ ହେଉଥିବା ବେଳେ ୨୪୭୪ଜଣ ସୁସ୍ଥ ହୋଇସାରିଲେଣି। ଆଉ ୧୦ଜଣଙ୍କର ମୃତ୍ୟୁ ହୋଇଛି।