ପୁରୀ: ମହାପ୍ରଭୁ ଏବେ ଅଣସର ଘରେ। ୧୦୮ ଗରା ସୁବାସିତ ଜଳରେ ସ୍ବାନ କରିବା ପରେ ମହାପ୍ରଭୁ ଜ୍ଜ୍ୱରରେ ପୀଡିତ ହୋଇଛନ୍ତି। ସେଥିପାଇଁ ସେବାୟତମାନେ ତାଙ୍କୁ ଗୁପ୍ତ ଭାବରେ ଉପଚାର କରୁଛନ୍ତି। ଏହି ଧାରାରେ ଆଜି ଚତୁର୍ଦ୍ଧାମୂର୍ତିଙ୍କ ଖଳିଲାଗି ନୀତି ଅନୁଷ୍ଠିତ ହେବ। ଆଜି ହେଉଛି ଏକାଦଶୀ ତିଥି । ଏହି ତିଥି ଅନୁଯାୟୀ ଶ୍ରୀମନ୍ଦିର ମଧ୍ୟାହ୍ନ ଧୂପ ଓ ଦ୍ୱିତୀୟ ଭୋଗ ମଣ୍ଡପ ନୀତି ଶେଷ କରାଯିବ। ତା ପରେ ଅନବସର ନୀତି କରାଯିବ । ଏହାସହ ମହାପ୍ରଭୁଙ୍କୁ ଖଳି ଲାଗି ଓ ରକ୍ତ ବସ୍ତ୍ର ଲାଗି ନୀତି ହେବାସହ ଭିତର ଭୋଗ ଅନୁଷ୍ଠିତ ହେବ। ଏହାସହ ଶ୍ରୀଜିଉମାନଙ୍କୁ ଶ୍ରୀବୈଦ୍ୟମାନଙ୍କ ଦ୍ଵାରା ପ୍ରସ୍ତୁତ ହୋଇଥିବା ଦଶମୂଳ ଔଷଧ ଲାଗି ହେବ ।

ଭୁବନେଶ୍ୱର : ଓଡିଶାର ଗଣ ପର୍ବ ରଜ l ତିନିଦିନ ଗାଁ ଠାରୁ ସହରରେ ପାଳନ କରାଯାଇଛି ରଜ । ରଜ ତିନିଦିନ। ପହିଲି ରଜ। ସଂକ୍ରାନ୍ତି। ଆଉ ଶେଷ ରଜ ବା ବସୁମତୀ ସ୍ନାନ ବା ଭୂଇଁ ନଅଁଣ। ଯେଉଁଦିନ ମାଟି ମା’ର ପୂଜା କରାଯାଏ। ଆଜି ସକାଳୁ ସକାଳୁ ମହିଳାମାନେ ଶିଳପୁଆକୁ ପିଡା ଉପରେ ଥୋଇ ହଳଦୀ ପାଣିରେ ଗାଧୋଇ ଦିଅନ୍ତି l ଏହା ପରେ ରଜଶୀଳା ଧରିତ୍ରୀ ମାତାଙ୍କୁ ପୂଜା କରନ୍ତି l କାହିଁ କେଉଁ ପୁରୁଣା କାଳରୁ ପାଳନ କରାଯାଉଥିବା ଏହି ପରମ୍ପରା ଆଜି ବି ଗାଁ ନୁହେଁ, ସହରରେ ଦେଖିବାକୁ ମିଳୁଛି l ରାଜଧାନୀ ଭୁବନେଶ୍ୱରର କଂକ୍ରିଟ ସହରେ ଓଡ଼ିଆ ବୋଉଟି ସକାଳୁ ସକାଳୁ ମା ଧରିତ୍ରୀଙ୍କୁ ଗାଧେଇ ଦିଏ ପବିତ୍ର କରିଛି l

ଅନୁଗୁଳ: ରାଜ୍ୟରେ ଆଜି ୧୦୮ ନୂଆ କରୋନା ଆକ୍ରାନ୍ତ ଚିହ୍ନଟ ହୋଇଛନ୍ତି।ତେବେ ସେଥିମଧ୍ୟରୁ ଅନୁଗୁଳ ଜିଲ୍ଲାରୁ ଜଣେ ଥିବା ନେଇ ରାଜ୍ୟ ସୂଚନା ଓ ଲୋକ ସମ୍ପର୍କ ବିଭାଗ ସୂଚନା ଦେଇଛି ।ଏହି ଆକ୍ରାନ୍ତଙ୍କୁ ମିଶାଇଲେ ଜିଲ୍ଲାରେ ଏବେ ଆକ୍ରାନ୍ତଙ୍କ ସଂଖ୍ୟା ୪୯ରେ ପହଞ୍ଚିଛି ।ତେବେ ଏହି ୪୯ ଜଣଙ୍କ ମଧ୍ୟରୁ ୩୧ ଜଣ ବର୍ତ୍ତମାନ ସୁଦ୍ଧା ସୁସ୍ଥ ହୋଇ ସାରିଲେଣି। ଏହାସହ ୧୦ ଜଣ ଏବେ କୋଭିଡ ହସପିଟାଲରେ ଚିକିତ୍ସାଧୀନ ଅଛନ୍ତି ।

ଭୁବନେଶ୍ୱର : ରାଜ୍ୟରେ କରୋନା ଆକ୍ରାନ୍ତ ସଂଖ୍ୟା କମିବାର ନାଁ ଧରୁ ନାହିଁ। ଦିନକୁ ଦିନ ବଢ଼ିବାରେ ଲାଗିଛି। ଏହାସହ ଆଜି ସର୍ବାଧିକ ୧୦୮ ଜଣ ନୂଆ କରୋନା ପଜେଟିଭ ଚିହ୍ନଟ ହୋଇଛନ୍ତି । ଏବେ ରାଜ୍ୟରେ ମୋଟ ଆକ୍ରାନ୍ତଙ୍କ ସଂଖ୍ୟା ୪୧୬୩ରେ ପହଁଚିଛି।
ସେମାନେ ମାଲକାନଗିରି – ୨୧,କେନ୍ଦୁଝର – ୫,ଖୋର୍ଦ୍ଧା – ୭,କେନ୍ଦ୍ରାପଡା – ୯,ଅନୁଗୁଳ – ୧,ବାଲେଶ୍ୱର – ୪,କଟକ – ୧
ଜଗତସିଂହପୁର – ୯,ଗଞ୍ଜାମ – ୮,ପୁରୀ – ୧୫,ଗଜପତି – ୭,ସୁନ୍ଦରଗଡ – ୨,କଳାହାଣ୍ଡି – ୧,ବରଗଡ – ୧,ବଲାଙ୍ଗୀରରୁ ଜଣେ ଲେଖାଏଁ କରୋନାରେ ଆକ୍ରାନ୍ତ ଚିହ୍ନଟ ହୋଇଛନ୍ତି। ଏନେଇ ସ୍ୱସ୍ଥ୍ୟ ଓ ପରିବାର କଲ୍ୟାଣ ବିିଭାଗ ପକ୍ଷରୁ ସୂଚନା ଦେଇଛି।ସେଥିମଧ୍ୟରୁ ସମସ୍ତ ୯୫ ଜଣ କ୍ବାରେଣ୍ଟିନ୍ ସେଣ୍ଟରରେ ଏବଂ ଜଣ ୧୩ ସ୍ଥାନୀୟ ଲୋକ ଅଛନ୍ତି । ଏହାସହ ୧୬ ଅଗ୍ନିଶମ କର୍ମଚାରୀ ବି କରୋନାରେ ଆକ୍ରାନ୍ତ ହୋଇଛନ୍ତି।ଯେଉଁମାନେ କି କୋଲକାତାରେ ଅମ୍ଫାନ ଡ୍ୟୁଟିରେ କାର୍ଯ୍ୟରତ ଥିଲେ । ।ଏହାସହ ୧୨୯୫ ଜଣ ଚିକିତ୍ସିତ ହେଉଥିବା ବେଳେ ୨୮୫୪ ଜଣ ସୁସ୍ଥ ହୋଇସାରିଲେଣି। ଆଉ ୧୧ଜଣଙ୍କର ମୃତ୍ୟୁ ହୋଇଛି।

ଭୁବନେଶ୍ୱର : ଏବେ ରାଜ୍ୟରେ ଦକ୍ଷିଣ-ପଶ୍ଚିମ ମୌସୁମୀ ବାୟୁ ପ୍ରଭାବରେ ବର୍ଷା ଜାରି ରହିଛି । ରବିବାରଠାରୁ ଆକାଶ ମେଘୁଆ ରହିବା ସଙ୍ଗେ ସଙ୍ଗେ ତୁହାକୁ ତୁହା ବର୍ଷା ହେଉଛି । ଯାହାକି ଆସନ୍ତା ୧୯ ତାରିଖ ଯାଏଁ ଲାଗି ରହିବ।ଆଜି ରାତି ୮ଟା ୪୫ ସୁଦ୍ଧା ୨୦ ଜିଲ୍ଲାକୁ ମଧ୍ୟମରୁ ପ୍ରବଳ ବର୍ଷା ସମ୍ଭାବନା ରହିଛି। ଏହାସହ ୬ ଜିଲ୍ଲାରେ ପ୍ରବଳ ଓ ୧୪ ଜିଲ୍ଲାରେ ମଧ୍ୟମ ଧରଣର ବର୍ଷା ସମ୍ଭାବନା ରହିଛି। ଏନେଇ ଆଞ୍ଚଳିକ ପାଣିପାଗ ବିଭାଗ ସୂଚନା ଦେଇଛି।
ପାଣିପାଗ ବିଭାଗ ସୂଚନା ଅନୁସାରେ ଗଞ୍ଜାମ, ଗଜପତି, ନୟାଗଡ଼, ଅନୁଗୁଳ, ବଲାଙ୍ଗିର ଓ ସୁବର୍ଣ୍ଣପୁର ଜିଲ୍ଲାରେ ବି ପ୍ରବଳ ବର୍ଷା ସମ୍ଭାବନା ରହିଛି।ସେହିପରି କୋରାପୁଟ, ରାୟଗଡ଼ା, ମାଲକାନଗିରି, ଗଜପତି, ଝାରସୁଗୁଡ଼ା, ସମ୍ବଲପୁର, ଦେବଗଡ଼, ବରଗଡ଼, ଢେଙ୍କାନାଳ, ନୂଆପଡ଼ା, କନ୍ଧମାଳ, ମୟୂରଭଞ୍ଜ, କେନ୍ଦୁଝର ଓ କଳାହାଣ୍ଡି ମଧ୍ୟମ ବର୍ଷା ହେବାର ସମ୍ଭାବନା ରହିଛି।