ଯାଜପୁର: ଆଜି କ୍ରାନ୍ତି ଦିବସ। ଏହି ଅବସରରେ ବିଜେଡି ସଭାପତି ତଥା ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ  ସପ୍ତାହ ଧରି ରକ୍ତଦାନ ଶିବିର କରିବାକୁ ଆହ୍ୱାନ ଦେଇଥିଲେ । ବର୍ତ୍ତମାନ କରୋନା ମହାମାରୀ ସମୟରେ ଯେମିତି କେହି ରକ୍ତ ଅଭାବରେ ଜୀବନ ନ ହରାନ୍ତି ତାକୁ ଦେଖି ଏଭଳି ପଦକ୍ଷେପ ନେଇଛି ବିଜେଡି। ଆଜି ଯାଜପୁରରେ ଏହାର ମଙ୍ଗ ଧରିଛନ୍ତି ବିଜେଡି ସଂଗଠନ ସମ୍ପାଦକ ତଥା ଯାଜପୁର ବିଧାୟକ ପ୍ରଣବ ପ୍ରକାଶ ଦାସ। ପୂର୍ବରୁ ମଧ୍ୟ ସେ ପ୍ରତ୍ୟେକ  ରବିବାର ଯାଜପୁର ଯାଇ ସେଠାରେ ଜୀବନ ବିନ୍ଦୁ କାର୍ଯ୍ୟକ୍ରମର ଆୟୋଜନ କରନ୍ତି।
କ୍ରାନ୍ତି ଦିବସ ଅବସରରେ ଆଜି ଯାଜପୁର ଜିଲ୍ଲା ଅନ୍ତର୍ଗତ ଅମ୍ବିକା ମଣ୍ଡପ ପରିସରରେ ଓଡିଶା ମୋ ପରିବାର ପକ୍ଷରୁ ଏକ ରକ୍ତଦାନ ଶିବିର ଅନୁଷ୍ଠିତ ହୋଇଛି। ଏଥିରେ ମୁଖ୍ୟ ଅତିଥି ଭାବେ ଯାଜପୁର ସାଂସଦ ଶର୍ମିଷ୍ଠା ସେଠି ଯୋଗ ଦେଇଥିଲେ। ବର୍ତ୍ତମାନ କୋରନା ମହାମାରୀ ସମୟରେ ଲୋକମାନେ ଘରୁ ବାହାରୁ ନ ଥିବା ବେଳେ ଏହି ରକ୍ତଦାନ ସମାଜର ବହୁତ ଲୋକଙ୍କ ଜୀବନ ବଂଚାଇବାରେ ସାହାର୍ଯ୍ୟ କରିବ ବୋଲି ସେ କହିଛନ୍ତି। ଆଜି ଆରମ୍ଭ ହୋଇଥିବା ସାପ୍ତାହିକ ରକ୍ତଦାନ ଶିବିର ଅଗଷ୍ଟ ୯ ତାରିଖ ଠାରୁ ୧୫ ତାରିଖ ପର୍ଯ୍ୟନ୍ତ ଚାଲିବ। ଯେମିତି ମହାମାରୀ ସମୟରେ କେବଳ ଯାଜପୁର ନୁହେଁ ସମଗ୍ର ରାଜ୍ୟରେ କୌଣସି ବି ବ୍ୟକ୍ତିର ରକ୍ତ ଅଭାବ ନ ହୁଏ ତାକୁ ଦେଖି ଏହି ଶିବିର ଆୟୋଜନ କରାଯାଇଛି। ପ୍ରଣବ ପ୍ରକାଶ ଦାସ  ନିଜେ ମଧ୍ୟ ଅନେକ ଥର ରକ୍ତଦାନ କରି ସାଧାରଣ ଲୋକଙ୍କୁ ରକ୍ତଦାନ ପାଇଁ ଉତ୍ସାହିତ କରୁଥିବାର ନଜିର ରହିଛି। ପ୍ରଣବଙ୍କ ପ୍ରେରଣାରେ ଆଜି ଜିଲ୍ଲାର ଅନେକ ଯୁବକ ସ୍ୱଚ୍ଛାକୃତ ରକ୍ତଦାନ କରିବାକୁ ଆଗେଇ ଆସିଥିଲେ। ଆଜି ଗୋଟେ ଦିନରେ ପ୍ରାୟ ୫୦ ୟୁନିଟ ରକ୍ତ ସଂଗ୍ରହ ହୋଇଥିଲା। ସେହିପରି ୭ ଦିନ ଧରି ଚାଲୁ ରହିଥିବା ଏହି ଶିବିରରେ ୩୫୦ ୟୁନିଟି ରକ୍ତ ସଂଗ୍ରହ କରାଯିବାର ଆଶା ରଖାଯାଇଛି। ଜିଲ୍ଲା ରେଡକ୍ରସର ସଭ୍ୟମାନେ ଉପସ୍ଥିତ ରହି ରକ୍ତ ସଂଗ୍ରହ କରିଥିଲେ । ଏଥିରେ ଯାଜପୁର ର ବିଭିନ ଯୁବକ ସଂଘ ପକ୍ଷରୁ ଉତ୍ସାହୀ ଯୁବକ ମାନେ ମଧ୍ୟ ରକ୍ତ ଦାନ କରିଥିଲେ । ଏହି ଶିବିରରେ ବରୀ ବିଧାୟିକା ସୁନନ୍ଦା ଦାସ,ପୂର୍ବତନ ସାଂସନ୍ଦ ରିତା ତରେଇ ବ୍ଲକ ଚ୍ୟାରମ୍ୟାନ ପ୍ରଦୀପ ନାୟକ ପ୍ରମୁଖ ଯୋଗ ଦେଇଥିଲେ। ଜୀବନ ବିନ୍ଦୁ କାର୍ଯ୍ୟକ୍ରମକୁ ସାରା ଓଡ଼ିଶାରେ ସଫଳ କରିବା ପାଇଁ ମୁଖ୍ୟମନ୍ତ୍ରୀ ଦେଇଥିବା ଆହ୍ୱାନକୁ ପ୍ରଣବ ଜୋରଦାର କରିଛନ୍ତି l ଯେଉଁଠି ପାଇଁ ନିଜ ନିର୍ବାଚନ ମଣ୍ଡଳୀକୁ ସେ ଏହାକୁ ସଫଳ କରି ପୁରା ଓଡ଼ିଶା ପାଇଁ ଉଦାହରଣ ସାଜିଛନ୍ତି l

ଗଣମାଧ୍ୟମ ହେଉଛି ଗଣତନ୍ତ୍ରର ଜାଗ୍ରତ ପ୍ରହରୀ । ଚତୁର୍ଥ ସ୍ତମ୍ଭ । ଭଲମନ୍ଦ ବିଚାର କରି ସରକାର ଓ ଲୋକଙ୍କ ମଧ୍ୟରେ ସମ୍ପର୍କ ଯୋଡ଼ିବାରେ ପ୍ରମୁଖ ଭୂମିକା ଗ୍ରହଣ କରେ ଗଣମାଧ୍ୟମ । କାହିଁ କେଉଁ କାଳରୁ ଏପରି ସଂଯୋଗ ରହିଛି । ସମାଜକୁ ସୁଧାରିବାରେ ଓ ସମାଜକୁ ଉଚିତ ବାଟରେ ନେବାରେ ବି ଗଣମାଧ୍ୟମର ରହିଛି ପ୍ରଖୁମ ଭୂମିକା । ଯେଉଁଥି ପାଇଁ ଗଣମାଧ୍ୟମକୁ ସାମାଜର ପ୍ରତ୍ୟେକ ବ୍ୟକ୍ତି ସମ୍ମାନ ଦିଅନ୍ତି ଓ ସହଯୋଗ କରନ୍ତି । ସେ ଯେ କେହି ବି ହେଉ ଗଣତନ୍ତ୍ରର ଜାଗ୍ରତ  ପହରୀକୁ ସବୁବେଳେ ସହଯୋଗ କରିନ୍ତି । ରାଜନେତାଟିଏ ହେଉ ଅବା ଗାଁର ସାଧାରଣ ମୁଲିଆ , ପୁଣି ସାଧୁ ହେଉ ଅବା ଅସାଧୁ । ସଭିଁଏ ଗଣମାଧ୍ୟମକୁ ବିଶ୍ୱାସ କରନ୍ତି । କାରଣ ଗଣମାଧ୍ୟମର ସବୁଠାରୁ ବଡ଼ ଶକ୍ତି ହେଉଛି ତାହାର ବିଶ୍ୱାସନୀୟତା । ଯାହାର ବିଶ୍ୱାସନୀୟତା ଯେତେ ସେ ସଂସ୍ଥା ପ୍ରତି ଲୋକଙ୍କ ବିଶ୍ୱାସ ବି ସେତେ । ହଁ ଏକଥା ସତ ଯେ ଗଣମାଧ୍ୟମ କେବେ ନିରପେକ୍ଷ ନଥିଲା କି ଆଜିର ଦିନରେ ବି ନାହିଁ । କାରଣ ସମାଜର ସେବା ନୁହେଁ, ସଂସ୍ଥା, ଅନୁଷ୍ଠାନ ଓ ରାଜନୈତିକ ଦଳର ସେବାରେ ଅନେକ ଗଣମାଧ୍ୟମ ଏବେ ମାତିଛନ୍ତି । ନିଦ୍ଧିଷ୍ଟ ଲକ୍ଷ ରଖି ଗଣମାଧ୍ୟମ ଏବେ କାମ କରୁଛନ୍ତି । ଯାହା ଅଳ୍ପ ବହୁତେ ଲୋକଙ୍କୁ ଜଣା । ଯାହାକୁ ନେଇ ଏବେ ବହୁବାର ଗଣତନ୍ତ୍ର ଚତୁର୍ଥ ସ୍ତମ୍ଭର ବିଶ୍ୱାସନୀୟତା କାଠ ଗଡ଼ାରେ ଠିଆ ହୋଇଛି । ଯାହା ଗଣତନ୍ତ୍ର ପାଇଁ ଓ ସମାଜ ପାଇଁ ବଡ଼ ବିପଦ । ତେବେ କାହିଁକି ଏମିତି ହୁଏ ? ଗଣମାଧ୍ୟମ କଣ ଯାହା ଦେଖାଏ ଓ ଯାହା କହେ ତାହା ଠିକ ! ଯେତେ ଲେଖିଲେ  ବା ଟିଭି ସୋରେ ରଡ଼ି ଛାଡ଼ିଲେ ଯେ ଗଣମାଧ୍ୟମ ଯାହା କରୁଛି ତାହା ଠିକ ଏକଥାକୁ ଆଉ ଲୋକେ ବିଶ୍ୱାସ କରୁନାହାନ୍ତି ।

ଏହାର ଦୁଇଟି ଦିଗକୁ ବିଚାର କଲେ ବୋଧେ ସହଜରରେ ବୁଝିହେବେ । ନିକଟରେ ଓଡ଼ିଶା ଗଣମାଧ୍ୟମରେ ଦୁଇ ତିନିଟି ଘଟଣା ଘଟିଛି । ଯାହା ଏବେ ବିତର୍କର ବିଷୟ । ଘଟଣା ସାମାଜିକ ଗଣମାଧ୍ୟମ ଓ ପ୍ରଖୁମ ଗଣମାଧ୍ୟମକୁ ନେଇ । ଏବେ ଚପା ଓ ଛପା ଯୁଗର ଶେଷ ହୋଇଛି । କୌଣସି ଘଟଣାକୁ ଆପଣ ଚାପି ପାରିବେ ନାହିଁ କି ସେମିତି ଛାପି ଓ ଟିଭିରେ ଦେଖାଇ ପାରିବେ ନାହିଁ । ଏକ ଭଲ ପରମ୍ପରା ଆରମ୍ଭ ହୋଇଛି ସାରା ଭାରତ ବର୍ଷରେ । କାରଣ ଆଜି ସାମ୍ବାଦିକ ଆଉ କଥା କଥିତ ବ୍ୟକ୍ତି ବିଶେଷ କି ଅନୁଷ୍ଠାନ ପାଖରେ ସୀମିତ  ହୋଇାନାହିଁ । ଯାହା ହାତରେ ମୋବାଇଲ ଫୋନ ଟିଏ ଅଛି ସେ ବି ଜାଗ୍ରତ ପହରୀ ଓ ସାମ୍ବାଦିକ । ତେଣୁ କିଛି ନିଦ୍ଦିଷ୍ଟ ଗଣମାଧ୍ୟମର ଆଉ ମନମାଳିନ୍ୟ ଚଳିବ ନାହିଁ ଗଣତନ୍ତ୍ର ଶାସନରେ । ଓଡ଼ିଶା ଦୃଷ୍ଟି କୋଣରୁ ନିକଟରେ ଘଟିଥିବା ପ୍ରମୁଖ ଗଣମାଧ୍ୟମ ଓ ସାମାଜିକ ଗଣମାଧ୍ୟମରେ ୨ଟି ଖବରକୁ ନଜର ପକାନ୍ତୁ ।
ଖବର ଏକ : ଓଡ଼ିଆ ସିନେ ଜଗତର ପିତାମହ ଭୀଷ୍ମ ସ୍ୱଗତ ବିଜୟ ମହାନ୍ତିଙ୍କ ଜୀବିତ ଥିବା ଅବସ୍ଥାରେ ସାମାଜିକ ଗଣମାଧ୍ୟମରେ ପ୍ରଚାରିତ ହେଲା ତାଙ୍କର ଦେହାନ୍ତ ହୋଇଯାଇଛି । କିଛି କ୍ଷଣ ମଧ୍ୟରେ ସୋସିଆଲ ମିଡ଼ିଆରେ ଏକ ଖବର ଭାଇରାଲ ହେଲା । ଚିକିତ୍ସା ଅବସ୍ଥାରେ ଓ ସୁସ୍ଥଥିବା ଅଭିନେତା ବିଜୟ ମହାନ୍ତିଙ୍କୁ ସାମାଜିକ ଗଣମାଧ୍ୟମରେ ମାରି ଦିଆଗଲା ଓ ଶ୍ରଦ୍ଧାଞ୍ଜଳୀ ବି ଦିଆଗଲା । ଯାହାକୁ ନେଇ ସିନେ ଜଗତ ସ୍ଥବ୍ଧ ହୋଇଗଲା କଥା ଥାନା ପର୍ଯ୍ୟନ୍ତ ଗଲା । ଏ ଖବର ବିଜୟ ମହାନ୍ତି ଓ ତାଙ୍କ ଶୁଭେଚ୍ଛୁକୁ କେତେ କଷ୍ଟ ଦେଇଥିବ ତାହା କିନ୍ତୁ ସାମାଜିକ ଗଣମାଧ୍ୟମରେ ଖବର ଛାପିଥିବା ବ୍ୟକ୍ତିଟି ବୁଝିପାରିନାହିଁ । ଏଥିରେ ସାମାଜିକ ଗଣମାଧ୍ୟମର ବିଶ୍ୱାସନିୟତା ନେଇ ବି ଉଠିଥିଲା ପ୍ରଶ୍ନ । ତାହା ଅର୍ଥ ନୁହେଁ ଯେ ସାମାଜିକ ଗଣମାଧ୍ୟମ ସବୁ ଖବର ମିଛ । ଦାନ ମାଝୀ ସ୍ତ୍ରୀର ଶବକୁ କାନ୍ଧେଇ କି ରାସ୍ତାରେ ନେବା ଖବର ବି ଏକ ସାମାଜିକ ଗଣମାଧ୍ୟମ ପ୍ରକାଶ ପାଇଥିଲା। ଆଉ ଜଣେ ବ୍ୟକ୍ତତିକୁ ନ୍ୟାୟ ଦେଇଥିଲା ।
ଖବର ନମ୍ବର -୨ – ଏକ ପ୍ରମୁଖ ଗଣମାଧ୍ୟମ ମହାମାରୀ ସମୟରେ ସୋସିଆଲ ମିଡ଼ିଆରରେ ଭାଇରାଲ ହେଉଥିବା ଏକ ଖବରର ସତ୍ୟାସତ୍ୟକୁ ଯାଂଚ ନକରି ନିଜର ସୋସିଆଲ ମିଡ଼ିଆର ଫ୍ଲାଟଫର୍ମରେ ପ୍ରସାରଣ କରିଛି । ଯେଉଁ କଥାକୁ ନେଇ ଏବେ ବିବାଦ ସୃଷ୍ଟି ହୋଇଛି । ଘଟଣା ହେଉଛି କରୋନା ମହାମରୀରେ ଚିକିତ୍ସା କେମିତି ଚାଲିଛି ତାହାକୁ ନେଇ ଦୁଇଜଣ ଅଜଣା ବ୍ୟକ୍ତିଙ୍କ କଥା ବାର୍ତ୍ତା । ଏଥିରେ ବ୍ୟକ୍ତି ଚିକିତ୍ସା କିପରି ମିଳୁଛି କହିବା ସହ କେନ୍ଦ୍ର ସରକାର କେତେ ଟଙ୍କା ଚିକିତ୍ସା ପାଇଁ ଦେଉଛି ତାହା ଉଲ୍ଲେଖ କରିଛନ୍ତି । ତେବେ ଏହି ଅଜଣା ଅଡ଼ିଓର ସତ୍ୟାସତ୍ୟ କଣ ତାହା ବିଚାର ନକରି କାହିକିଁ ଓ କେଉଁ ମହତ ଉଦ୍ଧେଶ୍ୟରେ ଏକ ଆଗଧାଡ଼ିର ଗଣମାଧ୍ୟମ ସଂସ୍ଥା ଏହାକୁ ଖବର କଲା ତାହା ତ ଉକ୍ତ ସଂସ୍ଥାକୁ ଜଣା । ହେଲେ ମହାମାରୀ ସମୟରେ ଏପରି ଭୂଲ ଖବର ପ୍ରସାରଣ କରାଯାଇ ଲୋକଙ୍କ ବିଭ୍ରାନ୍ତ କରାଯାଉଛି ବୋଲି ଅଭିଯୋଗ କରି ସଂସ୍ଥା ବିରୋଧରେ ବିଏମସି କାରଣ ଦର୍ଶାଅ ନୋଟିସ ଦେବା ସହ ଥାନାରେ ଏତଲା ଦେଇଛି । ଯାହାକୁ ନେଇ ଆରମ୍ଭ ହୋଇଛି ବିତର୍କ ଓ ସୋସିଆଲ ମିଡ଼ିଆରୁ ଆସିଥିବା ଏହି ଖବର ପୁଣି ସୋସିଆଲ ମିଡ଼ିଆରେ ପ୍ରମୁଖ ଖବର ହୋଇଛି ।
ଏହି ଦୁଇଟି ଖବର ଏବେ ପ୍ରମୁଖ ଗଣମାଧ୍ୟମ ଓ ସାମାଜିକ ଗଣମାଧ୍ୟମର ବିଶ୍ୱସନୀୟତା ନେଇ ସନ୍ଦେହ ସୃଷ୍ଟି କରିଛି । ହେଲେ ସବୁଠାରୁ ବଡ଼ ସନ୍ଦେହ କରିଛି କିଛି ରାଜନେତା ଓ ଗଣମାଧ୍ୟମ ଜଗତର କିଛି କଥାକଥିତ ବ୍ୟକ୍ତିବିଶେଷଙ୍କ ବୟାନବାଜିକୁ ନେଇ । ଯଦି ଏହି ଖବର ଓ ବୟାନବାଜିକୁ ଜଣେ ଲକ୍ଷ କରିବ ଓ ଭଲରେ ସମୀକ୍ଷା କରିବ , ଏଥିରେ ଲୋକଙ୍କ ସ୍ୱାର୍ଥ କି ସମାଜ ସ୍ୱାର୍ଥ ନୁହେଁ , ବଂର ବ୍ୟକ୍ତିର ସ୍ୱାର୍ଥକୁ ଅଧିକ ଗୁରୁତ୍ୱ ଦିଆଯାଇଛି । ସରକାର ଭୂଲ କଲେ ଗଣମାଧ୍ୟମ ଦେଖାଇବ, ଗଣମାଧ୍ୟମ ଭୂଲ କରିଥିଲେ ସରକାର ବି ଆଇନ ଅନୁସାରେ କାର୍ଯ୍ୟାନୁଷ୍ଠାନ ନେବେ । ହେଲେ ଗଣମାଧ୍ୟମ ନାଁ କହି ଆମେ ଲୁଟିବା, ଲୋକଙ୍କୁ ଭଣ୍ଡାଇବା ଓ ଡ଼ରାଇବା , ସମାଜରେ ଅସ୍ୱାସ୍ଥ୍ୟକର ପରିବେଶ ସୃଷ୍ଟି କରିବା ସଭିଁଙ୍କୁ ଚାପରେ ରଖିବା ଏକ କି ପ୍ରକାର ମାନସିକତା । ତାହା ହୁଏତ ଲୋକେ ବିଚାର କରୁଛନ୍ତି ଓ କରିବେ । କିନ୍ତୁ ଗୋଟେ ଦାୟିତ୍ୱବାନ ଗଣମାଧ୍ୟର କତ୍ତବ୍ୟ ହେଉଛି ଖବରକୁ ସତ୍ୟାସତ୍ୟକୁ ଯାଂଚ କରି ଖବରକୁ ପ୍ରସାରଣ କରିବା । ଯାହାକି ଏହି ଦୁଇଟି ଘଟଣାରେ ଦେଖାଯାଇ ନାହିଁ । ଖବର ପ୍ରସାରଣ କରିବା ବେଳେ ଗଣମାଧ୍ୟମ ସଂସ୍ଥା ଜାଣିବା ଦରକାର ଯେ ଏହି ଖବର ସମାଜ ଉପରେ କି ପ୍ରଭାବ ପକାଇବ । ଯାହା ସଭିଁଏ ବିଚାର କରିବା ଦରକାର । କାରଣ ଗଣମାଧ୍ୟମରେ ସ୍ୱାଧୀତନା ଯେମିତି ଅଛି ସେମିତି ସୀମା ବା ଲକ୍ଷ୍ମଣରେଖା ବି ଅଛି । ତେଣୁ ପ୍ରତ୍ୟେକ ଗଣମାଧ୍ୟମ ସଂସ୍ଥା ଓ ଗଣମାଧ୍ୟମରେ କାମ କରୁଥିବା ବ୍ୟକ୍ତି ବି ଏକଥା ଜାଣିବା ଦରକାର । ଖବର ପ୍ରସାରଣ ହେଉ , ସରକାରଙ୍କୁ ସମାଲୋଚନା କରାଯାଉ , ଲୋକଙ୍କର ସମସ୍ୟା ସରକାର ଜାଣନ୍ତୁ । ହେଲେ ଏହାରି ଭିତରେ ବି ବିଶ୍ୱାସନୀୟତା ବଂଚି ରହୁ । ନହେଲେ ଲୋକେ ବି କହିଲେଣି  କି ସତୀକୁ ସତ କହିଲେ ବାଧେ । ଏକଥା ଏଥିପାଇଁ ଲୋକେ କହୁଛନ୍ତି ଯେ ଯେଉଁ ଗଣମାଧ୍ୟମର ଭାଷ୍ୟକାରମାନେ ଗଳାଫଟାଇ କହୁଛନ୍ତି ଯେ ଆମେ ନିରପକ୍ଷ ଓ ଯାହା ସତ୍ୟ ତାହା ସାମ୍ନାକୁ ଆଣୁଛି , ସେହି ଗଣମାଧ୍ୟମର ପ୍ରତିନିଧିମାନେ ଏବେ ଏହି ଘଟଣାକୁ ଥଣ୍ଡା ମିଜାସରେ ବିଚାର କରନ୍ତୁ କଣ ଭୂଲ କରିଛନ୍ତି ସେମାନେ । ଯେଉଁଥି ପାଇଁ କି ସମାଲେଚନା ଓ କାଠଗଡ଼ାରେ ଛିଡ଼ା ହୋଇଛନ୍ତି ।

ତେବେ ସବୁଠାରୁ ବଡ଼ କଥା ହେଉଛି ରାଜନେତା ଓ ସାମ୍ବାଦିକ ଜଗତ ସହିତ ଜଡ଼ିତ ହୋଇଥିବା କିଛି ସାମ୍ବାଦିକଙ୍କ ବୟାନ । ଯେଉଁମାନେ ବି ଭଲମନ୍ଦ ବିଚାର ନକରି କେବଳ ସବୁକଥାରେ କିଛି ନା କିଛି କହି ଚର୍ଚ୍ଚାରେ ରହିବାକୁ ଚାହୁଛନ୍ତି । ଏହି ଦୁଇଟି ଘଟଣାରେ ଦୁଇଟି ସଂସ୍ଥା ପକ୍ଷରୁ ଯେଉଁ ଖବର ପ୍ରସାରଣ କରାଯାଇଛି ଓ ସେଥିରେ ଯେଉଁନେତା ଓ ସାମ୍ବାଦିକମାନେ ମତ ଦେଇଛନ୍ତି ସେମାନଙ୍କ ମତରୁ ଏହା ସ୍ପଷ୍ଟ ଜଣାପଡ଼ୁଛି । ପ୍ରମୁଖ ଓ ସାମାଜିନ ଗଣମାଧ୍ୟମ ରାଜନୀତିରୁ କେବେ ମୁକ୍ତ ହୋଇପାରିବ ନାହିଁ କି ସମାଜର ଶତ ପ୍ରତିଶତ ମଙ୍ଗଳପାଇଁ ଖବର ପ୍ରସାରଣ କରିପାରିବ ନାହିଁ। ଏହା ହିଁ ସାମ୍ବାଦିକ ଜଗତର ବାସ୍ତବ ସତ୍ୟ । ନିରପକ୍ଷତା କେଉଁଠି ନାହିଁ ତେଣୁ ଗଣମାଧ୍ୟମ ଜଗତରୁ ବି ଏକଥା ଆଶା କରିବା ଠିକ ନୁହେଁ । ତେଣୁ ବିଶ୍ୱସନୀୟତାକୁ ନେଇ ଏବେ ଯେଉଁ ସଙ୍କଟ ସୃଷ୍ଟି ହୋଇଛି ତାହା ଆଗାମୀ ଦିନରେ ଗଣମାଧ୍ୟମ ଜଗତ ସହିତ ଜଡ଼ିତ ପ୍ରତ୍ୟେକ ବ୍ୟକ୍ତି ବିଚାର ବିମର୍ଷ କରିବା ଉଚିତ । ପ୍ରତିଯୋଗିତା ମୂଳକ ମନଭାଵ ଓ ଟିଆରପି ନିଶାରେ ସେ ଜାଣତରେ ହେଉ କି ଅଜାଣତାରେ ହେଉ ଏମିତି କିଛି ଭୁଲ କରି ବସେ। ଯାହା କି ଅଜାଗା ଘା ପରି । ଏହା ଦେଖି ହୁଏ ନାହିଁ କି ଦେଖେଇ ହୁଏ ନାହିଁ।  ନହେଲେ କଥାରେ ଅଛି ଏ ଜନତା , ସବ ଜାନତା ହେଁ । …

ଭୁବନେଶ୍ୱର-ଅଗଷ୍ଟ ୯ ତାରିଖ କ୍ରାନ୍ତି ଦିବସ ଭାରତବର୍ଷ ପାଇଁ ଏକ ଐତିହାସିକ ଦିବସ।ଏହି ଦିନରେ ଭରତଛାଡ଼ ଆନ୍ଦୋଳନର ଡାକରା ଦିଆଯାଇଥିଲା।ସେଥିରେ ଲକ୍ଷଲକ୍ଷ ଲୋକ ସାମିଲ ହୋଇଥିଲେ ଏବଂ ସେ ଆନ୍ଦୋଳନ ଏତେ ତୀବ୍ର ହୋଇଥିଲା ଯେ ଭାରତ ରୁ ବ୍ରିଟିଶ ରାଜ ଲୋପ ପାଇ ୧୯୪୭ ମସିହା ଅଗଷ୍ଟ ୧୫ ତାରିଖରେ ଭାରତ ସ୍ୱାଧୀନ ହୋଇଥିଲା।ଗତ ୨୦ ବର୍ଷ ଭିତରେ ରାଜ୍ୟରେ ଯାହା ସବୁ ହେଇଯାଇଛି ତାହା ସମସ୍ତଙ୍କୁ ଜଣା।ନା ଚାଷୀ ଖୁସିରେ ଅଛନ୍ତି, ନା ବେକାରୀ ସମସ୍ୟା ଦୂର ହେଇପାରିଛି ନା କୌଣସି ଉର୍ଣ୍ଣତୀ କାର୍ଯ୍ୟ ହେଇପାରିଛି । ଆମ ରାଜ୍ୟରେ ୨୦ ବର୍ଷ ଶାସନ କରୁଥିବା ବିଜେଡ଼ି ସରକାର ଏବଂ କେନ୍ଦ୍ରରେ ୬ ବର୍ଷଧରି ଶାସନ କରୁଥିବା ବିଜେପି ସରକାର କେଵଳ ପ୍ରତିଶୃତି, ପ୍ରଚାର ଓ ପ୍ରତାରଣାର ସରକାର ବୋଲି ଆଜିର ପ୍ରେସବାର୍ତ୍ତା ରେ ପିସିସି ସଭାପତି ଶ୍ରୀ ଯୁକ୍ତ ନିରଞ୍ଜନ ପଟ୍ଟନାୟକ ପ୍ରକାଶ କରିଛନ୍ତି।
ଦେଶର ଅର୍ଥନୀତି ସମ୍ପୂର୍ଣ୍ଣ ବିପର୍ଯ୍ୟସ୍ତ।ପ୍ରଧାନମନ୍ତ୍ରୀ କେୟାର ଫଣ୍ଡ ଓ ଓଡିଶା ରାଜ୍ୟ ପାଣ୍ଠି ବର୍ବାଦ ଖର୍ଚ୍ଚ।କୋଇଲା,ଖଣି,ରେଳ ଓ ବାଙ୍କ ବେସରକାରୀକରଣ ଉଦ୍ୟମ।ନୀଳାଚଳ ଇଷ୍ପାତ ନିଗମକୁ ବିକ୍ରି ଉଦ୍ୟମ।
କୃଷି,ପରିବେଶ,ଶ୍ରମ ଆଇନର ତ୍ରୁଟିପୂର୍ଣ୍ଣ ପରିବର୍ତ୍ତନ।ବିଜୁଳି ସଂସ୍କାର ନାମରେ ଖାଉଟିଙ୍କୁ ବୋଝ।ବେକାରି ବୃଦ୍ଧି ସହିତ ଚାଷୀ ଓ ଶ୍ରମିକଙ୍କ ସ୍ୱାର୍ଥକୁ ଉପେକ୍ଷା ଇତ୍ୟାଦି ପ୍ରତିବାଦରେ ଆଜି ଯେଉଁ ନାଗରିକ ବନ୍ଧୁ ,ଶୁଭେଛୁ ମାନେ ଦେଶ ଓ ରାଜ୍ୟର ସୁରକ୍ଷା ପାଇଁ ଆସନ୍ତା କାଲି ଅଗଷ୍ଟ ୯ ଭାରତ ଛାଡ଼ ଆନ୍ଦୋଳନ ର ବାର୍ଷିକୀ ରେ ଦେଇଥିବା ଡାକରାକୁ ପିସିସି ସଭାପତି ଶ୍ରୀ ପଟ୍ଟନାୟକ ସ୍ୱାଗତ କରିବା ସହ କଂଗ୍ରେସ ଦଳ ଏହାକୁ ପୂର୍ଣ୍ଣ ସମର୍ଥନ କରୁଛି ବୋଲି କହିଛନ୍ତି।ଏହି ପରିପ୍ରେକ୍ଷୀରେ ଭାରତ ବାସୀ ଏବଂ ଓଡିଶା ବାସୀଙ୍କୁ ଅନୁରୋଧ କରିଛନ୍ତି କି ଏହି ଅନଶନ ରେ ଭାଗନେଇ ଆତ୍ମସୁଦ୍ଧି କରିବା ପାଇଁ।ଆମେ ଦେଶ ପାଇଁ କଣ କରିବା ଉଚିତ ଏବଂ ଏ ଦେଶ ଓ ରାଜ୍ୟରେ କଣ ଚାଲିଛି ନିଜେ ସଚେତନ ହେବା ଏବଂ ଅନ୍ୟକୁ ସଚେତନ କରି ପୃଥିବୀର ସର୍ବବୃହତ ଭାରତବର୍ଷ ର ଗଣତନ୍ତ୍ରର ନିରପେକ୍ଷତାକୁ ରକ୍ଷା କରିବା ପାଇଁ ସମସ୍ତେ କର୍ତ୍ତବ୍ୟ ସମ୍ପାଦନା କରିବା। କେନ୍ଦ୍ରରେ ମୋଦି ସରକାର ଓ ରାଜ୍ୟରେ ନବୀନ ସରକାରଙ୍କ ଜନବିରୋଧୀ ନୀତି ଓ କାର୍ଯ୍ୟକର୍ମ ବିରୁଦ୍ଧରେ ଓଡ଼ିଶାର ବରିଷ୍ଠ ନାଗରିକ ମାନେ ଯେଉଁ ଆହ୍ୱାନ ଦେଇଛନ୍ତି ଆସନ୍ତୁ ସମସ୍ତେ ରାଜ୍ୟ ଓ ଦେଶର ଯୁବକ,ଛାତ୍ରଛାତ୍ରୀ,ବୁଦ୍ଧିଜୀବୀ,ସମସ୍ତ ନାଗରିକ ମାନେ ସାମିଲ ହେବା ଏବଂ ୯ ଅଗଷ୍ଟ ଭାରତ ଛାଡ଼ ଆନ୍ଦୋଳନ ର ବାର୍ଷିକୀ ଅବସରରେ ୧୨ ଘଣ୍ଟିଆ ଅନଶନ ସତ୍ୟାଗ୍ରହ ସକାଳ ୬ ଟାରୁ ସନ୍ଧ୍ୟା ୬ଟା ନିଜ ନିଜ ଘରେ ପାଳନ କରି ସଫଳ କରିବାକୁ ଅନୁରୋଧ କରିଛନ୍ତି ପିସିସି ସଭାପତି ଶ୍ରୀଯୁକ୍ତ ନିରଞ୍ଜନ ପଟ୍ଟନାୟକ।

ଭୁବନେଶ୍ୱର : ବରଗଡ଼ ସାଂସଦ ସୁରେଶ ପୂଜାରୀ କରୋନାରେ ଆକ୍ରାନ୍ତ ହୋଇଛନ୍ତି l ଏନେଇ ସେ ଟୁଇଟ କରି ସୂଚନା ଦେଇଛନ୍ତି। ତାଙ୍କର କୌଣସି କରୋନା ଲକ୍ଷଣ ନଥିଲା ।ତଥାପି ସେ ଗତ କାଲି ନିଜର ସ୍ୱାବ ଟେଷ୍ଟ କରିଥିଲେ। ଆଜି ତାଙ୍କର କରୋନା ପଜେଟିଭ ଥିବା ଜଣାପଡିଛି l ଜିଲ୍ଲାପାଳ ଓ ଡାକ୍ତରଙ୍କ ପରାମର୍ଶ କ୍ରମେ ଏବେ ସେ ହୋମ ଆଇସୋଲେସନ ଥିବା କଥା ସୂଚନା ଦେଇଛନ୍ତି। ପୂର୍ବରୁ ବିଜେପି ନେତା ତଥା ଦେଶର ଗୃହ ମନ୍ତ୍ରୀ ଅମିତ ଶାହା , କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ , ନୀଳଗିରି ବିଧାୟକ ସୁକାନ୍ତ ନାୟକ କରୋନା ପଜେଟିଭ ଚିହ୍ନଟ ହୋଇଛନ୍ତି l

.
ଭୁବନେଶ୍ୱର : ଓଡିଶା ମୋ ପରିବାର ଓ ଜୀବନ ବିନ୍ଦୁର ଅନୁଗୋଳ ଜିଲ୍ଲା ସଂଯୋଜକ ଭାବେ ନିଯୁକ୍ତି ପାଇଛନ୍ତି ଅନୁଗୋଳ ବିଜେଡିର ତୁଙ୍ଗ ନେତା ଶକ୍ତିପ୍ରସାଦ ପଟ୍ଟନାୟକ। ଶ୍ରୀ ପଟ୍ଟନାୟକ ବିଭିନ୍ନ କାର୍ଯ୍ୟ ଓ ଦଳୀୟ ସଙ୍ଗଠନକୁ ଗୁରୁତ୍ୱ ଦେଇ ନିଜର କର୍ତ୍ତବ୍ୟ ସଦାସର୍ବଦା ତୁଲାଉଛନ୍ତି। ବିଭିନ୍ନ କାର୍ଯ୍ୟରେ ଖୁସିବ୍ୟକ୍ତ କରି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ପୂର୍ବତନ ତାମଡା ଅଧ୍ୟକ୍ଷ ତଥା ବିଜେଡ଼ିର ରାଜ୍ୟ ପରିଷଦ ସଦସ୍ୟ ଶକ୍ତିପ୍ରସାଦ ପଟ୍ଟନାୟକଙ୍କୁ ଓଡିଶା ମୋ ପରିବାର ଓ ଜୀବନ ବିନ୍ଦୁର ଅନୁଗୋଳ ଜିଲ୍ଲା ସଂଯୋଜକ ଭାବେ ଅବସ୍ଥାପିତ କରିଛନ୍ତି। ବିଜୁ ଜନତା ଦଳରେ ସେ ଏକ ମାତ୍ର ବିଜୁ ଅନୁଗତ ଯିଏ ଦୁଇ ଦୁଇ ଥର ଟାମଡା ଅଧ୍ୟକ୍ଷ ଓ ଜୀବନ ବିନ୍ଦୁ ସଂଯୋଜକ ହେବାର ଶ୍ରେୟ ଲାଭ କରିଛନ୍ତି।