ବାଲେଶ୍ବର : ନଭେମ୍ବରରେ ଓଡ଼ିଶାରେ ହେବ ଉପ ନିର୍ବାଚନ l ଏଥିଲାଗି ସବୁ ଦଳ ପ୍ରାଥୀ ଖୋଜା ଆରମ୍ଭ କରିଦେଲେଣି l ରାଜ୍ୟରେ ଅକାଳରେ ଦୁଇ ଜଣ ବିଧାୟକଙ୍କର ମୃତ୍ୟୁ ହୋଇଛି। ଫଳରେ ବାଲେଶ୍ବର ସଦର ଓ ତିର୍ତ୍ତଲ ବିଧାନସଭା ଆସନ ଏବେ ଫାଙ୍କା ପଡିଛି l ନିର୍ବାଚନ ଆୟୋଗ ନଭେମ୍ବର ନିର୍ବାଚନ ହେଵା ନେଇ ସୂଚନା ଦେବା ପରେ ରାଜ୍ୟର ତିନି ପ୍ରମୁଖ ଦଳ ପାଗ ଭିଡ଼ିଲେଣି। ହେଲେ ଏହି ପାଗ ଭିଡାରେ କଂଗ୍ରେସ ଆଗରେ ଥିବାର ଅନୁମାନ କରାଯାଉଛି। କାରଣ ବାଲେଶ୍ବର ସଦର ନିର୍ବାଚନ ମଣ୍ଡଳୀ ପାଇଁ କଂଗ୍ରେସର 4ଜଣ ଆଶାୟୀ ଥିବା ବାଲେଶ୍ୱର ଦାୟିତ୍ୱରେ ଥିବା ବିଧାୟକ ତାରା ବାହିନୀପତି କହିଛନ୍ତି l ହେଲେ ସବୁଠାରୁ ବଡ କଥା ହେଲା ପିସିସି ସଭାପତିଙ୍କ ପୁଅ ନବଜ୍ୟୋତି ପଟ୍ଟନାୟକଙ୍କ ନିର୍ବାଚନ ଲଢ଼ିବା ପାଇଁ ଇଛୁକ ନୁହନ୍ତି ବୋଲି ତାରା କହିଛନ୍ତି l ପୂର୍ବରୁ ଖୋଦ ଉପନିର୍ବାଚନ ଦାୟିତ୍ୱରେ ଥିବା ତାରା ବାହିନୀ ପତି କହିଥିଲେ ଯେ ନବଜ୍ୟୋତି ବାଲେଶ୍ୱରରେ ପ୍ରାଥୀ ହେବେ l
୨୦୧୯ ସାଧାରଣ ନିର୍ବାଚନରେ ନବ ଜ୍ୟୋତି ପଟ୍ଟନାୟକ ସାଂସଦ ପ୍ରାର୍ଥୀ ଭାବେ ବାଲେଶ୍ବର ଲୋକସଭାରୁ ଲଢ଼ିଥିଲେ। ତେଣୁ ସମସ୍ତଙ୍କର ପ୍ରଥମ ପସନ୍ଦ ନବ ଜ୍ୟୋତି ପଟ୍ଟନାୟକ ବୋଲି ତାରା ବହୁବାର କହିବା ପରେ ଆଜି କହିଛନ୍ତି ଯେ ସେ ଇଛୁକ ନୁହନ୍ତି l ଏକଥା ସଂକେତ ଦେଉଛି ଯେ ନିର୍ବାଚନ ଲଢ଼ିବା ପୂର୍ବରୁ କଂଗ୍ରେସ ପଛଘୁଞ୍ଚା ଦେଲାନି l ତିର୍ତୋଲ ପାଇଁ ଦଳ ପ୍ରାଥୀ ଠିକ କରିଥିବା ତାରା କହିଛନ୍ତି l

ଭୁବନେଶ୍ବର : ଜଗତସିଂହପୁର ବିଧାୟକ ପ୍ରଶାନ୍ତ ମୁଦୁଲି କରୋନାରେ ଆକ୍ରାନ୍ତ ହୋଇଛନ୍ତି। ସେ ପଜିଟିଭ୍ ଥିବା ନେଇ ନିଜେ ସୂଚନା ଦେଇଛନ୍ତି । କୋଭିଡ୍-୧୯ର ଲକ୍ଷଣ ଦେଖାଯିବା ପରେ ସେ ତାଙ୍କର କରୋନା ପରୀକ୍ଷା କରାଇଥିଲେ । ତାଙ୍କର ରିପୋର୍ଟ ପଜିଟିଭ୍ ଆସିଛି । ରିପୋର୍ଟ ପଜିଟିଭ୍ ଆସିବା ପରେ ସେ ହୋମ୍ କ୍ବାରେଣ୍ଟାଇନ୍ ରେ ଅଛନ୍ତି । ତାଙ୍କ ସଂସ୍ପର୍ଶରେ ଆସିଥିବା ଲୋକଙ୍କୁ ଆଇସୋଲେସନରେ ରହିବା ସହ ସେମାନଙ୍କର କରୋନା ପରୀକ୍ଷଣ କରାଇବା ପାଇଁ ସେ ଅନୁରୋଧ କରିଛନ୍ତି ।

ଭୁବନେଶ୍ୱର : ନଭେମ୍ବରରେ ହେବ ଓଡ଼ିଶାରେ ନିର୍ବାଚନ l ଏନେଇ ନିର୍ବାଚନ ଆୟୋଗରୁ ସଂକେତ ମିଳିଛି l ତାରିଖ ଘୋଷଣା ହୋଇଥିଲେ ମଧ୍ୟ ଯେହେତୁ ନଭେମ୍ବରରେ ନିର୍ବାଚନ ହେବ ତେଣୁ ରାଜ୍ୟର 3ପ୍ରମୁଖ ରାଜନୈତିକ ଦଳ ଏବେ ଭିତିରିଆ ନୁହେଁ, ବରଂ ଖୋଲାଖୋଲି ମୈଦାନକୁ ଓଲାଇଲେଣି l ବାଲେଶ୍ୱର ସଦର ଓ ତିର୍ତୋଲ ବିଧାନସଭା ଆସନରେ ଉପ ନିର୍ବାଚନ ହେବ l ତେବେ ଆସନ୍ତୁ ନଜର ପକାଇବା କଣ ରହିଛି ରାଜନୀତିର ପାଣିପାଗ l

୨୦୧୯ ନିର୍ବାଚନ ଫଳାଫଳ କହୁଛି ରାଜ୍ୟରେ ବିଜେଡ଼ି ୧ନମ୍ବର ଦଳ । ୧୪୭ ବିଧାନସଭା ଆସନରୁ ୧୧୨ ବିଜେଡ଼ି ବିଧାୟକ , ୨୩ ବିଜେପି ବିଧାୟକ,କଂଗ୍ରେସର ୯ ବିଧାୟକ , ୧ସ୍ୱାଧୀନ ଓ ୧ ସିପିଏମ ବିଧାୟକ ନିର୍ବାଚିତ ହୋଇଛନ୍ତି । ସେହିପରି ଲୋକସଭାର ମୋଟ ୨୧ଟି ଆସନ ମଧ୍ୟରୁ ବିଜେଡ଼ି ୧୨ଟି , ବିଜେପି ୮ଟି ଓ କଂଗ୍ରେସ ୧ଟି ଆସନାରେ ବିଜୟ ଲାଭ କରିଛି । ନିର୍ବାଚନ ଫଳାଫଳ କହୁଛି ବିଜେଡ଼ି ଓଡ଼ିଶାର ୧ ନମ୍ବର ଦଳ । ତେବେ ବାଲେଶ୍ୱର ସଦର ମଦନ ମୋହନ ଦତ୍ତ ଓ ତିତ୍ତୋଲ ନିର୍ବାଚନୀ ମଣ୍ଡଳୀର ବିଷ୍ଣୁ ଦାସଙ୍କ ଅକାଳ ବିୟୋଗ ପରେ ଏହି ଦୁଇଟି ଆସନ ଏବେ ଖାଲି ପଡ଼ିଛି । ଯାହାର ନିର୍ବାଚନ ନଭେମ୍ବର ହେବା ଏକ ରକମର ସ୍ଥିର l ୨୦୧୯ ନିର୍ବାଚନାରେ ତିତ୍ତୋଲ ବିଧାନସଭା ଆସନ ବିଜେଡ଼ି ଖାତାକୁ ଯାଇଥିବା ବେଳେ ବାଲେଶ୍ୱର ସଦର ଆସନ ବିଜେପି ଖାତାକୁ ଯାଇଥିଲା । ଉଭୟ ବିଧାନସଭା ଆସନରେ ତୃତୀୟ ସ୍ଥାନରେ ଥିଲା କଂଗ୍ରେସ । ଏବେ ଏହି ୨ଟି ଆସନରେ ଉପ ନିର୍ବାଚନ ହେବ । ଏଯାଏଁ ତାରିଖ ଘୋଷଣା ହୋଇନାହିଁ । ହେଲେ ପ୍ରତ୍ୟେକ ରାଜନୈତିକ ଦଳ ଭିତିରିଆ ରଣନୀତି ପ୍ରସ୍ତୁତ କରି ଉଭୟ ବିଧାନସଭା କ୍ଷେତ୍ରରେ ରାଜନୈତିକ କାର୍ଯ୍ୟକ୍ରମ ଆରମ୍ଭ କରି ସାରିଛନ୍ତି l ୨ଟି ଯାକ ଆସନରେ ବିଜେଡ଼ି ଓ ବିଜେପି ନିଜ ଖାତାକୁ ନେବାକୁ ଚାହୁଛନ୍ତି । କଂଗ୍ରେସ ମଧ୍ୟ ଉଭୟ ଆସନରେ ଭଲ ପ୍ରାର୍ଥୀ ଦେଇ ଜିତିବା ଆଶା ପ୍ରକଟ କରିଛି । ଯଦି ୨୦୧୯ ପରେ ରାଜ୍ୟର ୩ ପ୍ରମୁଖ ରାଜନୈତିକ ଦଳର ସଂଗଠନ ସ୍ଥିତିକୁ ବିଚାର କରାଯିବ ତେବେ ବିଜେପି ଓ ବିଜେଡ଼ି ସଂଗଠନରେ ବ୍ୟାପକ ପରିବର୍ତ୍ତନ ଘଟିଛି । କଂଗ୍ରେସ ଏଯାଏଁ ତାହାର ଘର ସଜାଡ଼ି ପାରିନାହିଁ ଓ ସାଂଗଠିନକ ନବକଳେବର କରିପାରିନାହିଁ । ବିଜେଡ଼ି ପ୍ରଥମ ଥର ଲାଗି ୨୦୧୪ ଓ ୨୦୧୯ ନିର୍ବାଚନ ଓ ବିଜେପୁର ଉପ ନର୍ବାଚନ ଓ ପାଟକୁରା ନିର୍ବାଚନ ଦଳକୁ ବିପୁଳ ବିଜୟ କରିଥିଲା । ଏହାସହ କଠିନ ପରିଶ୍ରମ କରିଥିବା ଯାଜପୁର ବିଧାୟକ ପ୍ରଣବ ପ୍ରକାଶ ଦାସଙ୍କୁ ବିଜେଡ଼ି ସୁପ୍ରିମୋ ନବୀନ ପଟ୍ଟନାୟକ ସଂଗଠନ ସମ୍ପାଦକ ଦାୟିତ୍ୱ ଦେଇଛି । ପ୍ରଣବ ଦାୟିତ୍ୱ ନେବା ପରେ ବିଜେଡ଼ି ସଂଗଠନକୁ ଅଧିକ ଶକ୍ତିଶାଳୀ କରିବା ସହ ଗୁପ୍ତ ରଣନୀତି କରିଛନ୍ତି। ଦଳରକୁ ତୃଣମୂଳସ୍ତରୁ ଅଧିକ ଶକ୍ତିଶାଳୀ କରିବା ପାଇଁ ଯେଉଁଥି ପାଇଁ ନିଜେ ଜିଲ୍ଲାଗ୍ରସ୍ତ କରି ସଂଗଠନର ସମୀକ୍ଷା କରିବା ସହ ଦୋଷ ଦୁର୍ବଳତାକୁ ଦୂର କରୁଛନ୍ତି । ଏହାସହ ଗ୍ରାଉଣ୍ଡରେ ଦଳକୁ ଅଧିକ ମଜବୁତ କରିବା ପାଇଁ ନେତାଙ୍କୁ ଗୁରୁମନ୍ତ୍ର ଦେଉଛନ୍ତି ପ୍ରତ୍ୟେକ ଦିନ l କେବଳ ସେତିକି ନୁହେଁ, ୨୦୧୯ରେ ଦଳ ବିଜେଡ଼ି ସଂଗଠନ ଯେଉଁଠି ଦୁର୍ବଳ ଥିଲା ତାହାକୁ ଫୋକସ କରିଛନ୍ତି ପ୍ରଣବ । ସେ ମୟୁରଭଞ୍ଜ, ବାଲେଶ୍ୱର ହେଉ ଅବା କୋରାପୁଟ କି ପଶ୍ଚିମ ଓଡ଼ିଶା । ସବୁଠି ସଂଗଠନକୁ ମଜବୁତ କରିବା ପାଇଁ ନେତାଙ୍କ ସହ ଆଲୋଚନା କରି ସଂଗଠନକୁ କ୍ରୟାଶୀଳ କରିଛନ୍ତି । ତେଣୁ ଆଗମୀ ଉପ ନିର୍ବାଚନ ଦଳକୁ ଯେତେଟା କଠିନ ହେବ ନାହିଁ । ୨୦୧୯ ନିର୍ବାଚନ ଜିତିବା ପରଠୁ ବିଜେଡ଼ି କିନ୍ତୁ ତୃଣମୂଳ ସ୍ତରରେ ସଂଗଠନିକ କାର୍ଯ୍ୟକ୍ରମ ଅଧିକ କ୍ରୀୟାଶୀଳ କରିଥିଲା । ସେହିପରି ବିଜେପି ୨୦୧୯ ନିର୍ବାଚନରେ ପରେ ନୂଆ ସଭାପତି ପାଇଛି । ଦଳର ମଙ୍ଗ ଧରିଛନ୍ତି ସମୀର ମହାନ୍ତିି । ଏହାରି ଭିତରେ ଦଳ ସଂଗଠନକୁ ଅଧିକ କୟୀୟାଶୀଳ କରିବା ପାଇଁ ସଂଗଠନର ନବକଳେବର ମଧ୍ୟ କରିଛି । ମୋଦି ସରକାରଙ୍କ ସଫଳତା କାହାଣୀ ଘରେ ଘରେ ପହଞ୍ଚାଇବା ପାଇଁ ପ୍ରୟାସ କରିଛି । ହେଲେ ଦଳ ରାଜ୍ୟରେ ମୁଖ୍ୟ ବିରୋଧୀ ଦଳ ହୋଇଥିଲେ ମଧ୍ୟ ଶାସକ ବିଜେଡ଼ି ଦଳ ବିରୋଧରେ କେନ୍ଦ୍ର ଓ ରାଜ୍ୟର ଆଭିମୁଖ୍ୟ ନେଇ ଚିନ୍ତାରେ ପଡ଼ିଛି । ଯେଉଁଥି ପାଇଁ ଦଳ ବ୍ୟାକଫୁଟରେ ଟିକେ ରହିଛି । ଯାହା ଉପ ନିର୍ବାଚନରେ ଦଳକୁ କ୍ଷତିରେ ପହଞ୍ଚାଇ ପାରେ ବୋଲି ରାଜନୈିତିକ ସମୀକ୍ଷକମାନେ ପୂର୍ବ ଆକଳନ କରୁଛନ୍ତି । ତେବେ ଯେହେତୁ ୨୦୧୯ ନିର୍ବାଚନରେ ବାଲେଶ୍ୱର ସଦର ବିଜେପି ଖାତାକୁ ଯାଇଥିଲା ତେଣୁ ଉପ ନିର୍ବାଚନ ହେଲେ ବିଜେପିର ପାଲା ଭାରୀ ରହିବ ବାଲେଶ୍ୱର ସଦରରେ । କିନ୍ତୁ ଅନ୍ୟପଟେ ୨୦୧୯ ନିର୍ବାଚନ ଦୁଇଅଙ୍କ ଛୁଇପାରିନଥିବା କଂଗ୍ରେସ ସଂଗଠନ ରାଜ୍ୟରେ ସେତେଟା ସୁଧାର ଆସିନାହିଁ । ଦଳରେ ଏବେ ବି ଚୌକି ପାଇଁ ଛକାପଞ୍ଚା ଚାଲିଛି। କଂଗ୍ରେସ ଉଉୟ ବାଲେଶ୍ୱର ଓ ତିତ୍ତୋଲ ଆସନରେ ତୃତୀୟ ସ୍ଥାନରେ ଥିଲା । ତେବେ ତିତ୍ତୋଲ ଓ ବାଲେଶ୍ୱରରେ ଦଳ ଟକ୍କର ଦେବାକୁ ପାଇଁ ଆଗୁଆ ପ୍ରସ୍ତୁତି ଆରମ୍ଭ କରିଛି । ତିତ୍ତୋଲରେ କିଛି କଂଗ୍ରେସ ଭୋଟକୁ ନେଇ ଦଳ ଲଢେଇ କରିବା ପାଇଁ ଆଶା ବାନ୍ଧିଥିବା ବେଳେ ବାଲ୍ୱେରରେ ପିିସିସି ସଭାପତିଙ୍କ ପୁଅକୁ ପ୍ରାର୍ଥୀ କରି ଟକ୍କର ଦେବାକୁ ସଜବାଜ ଆରମ୍ଭ କରୁଛି । ହେଲେ ୨୦୧୯ ନିର୍ବାଚନରେ ପରେ ଦଳରେ ଯେପରି ଗୋଷ୍ଠୀ ବିବାଦ ଲାଗି ରହିଛି ଓ ପିସିସି ସଭାପତି ପଦକୁ ନେଇ ଯେପରି ଟଣାଓଟରା ହୋଇଛନ୍ତି ନେତାଏ । ତେଣୁ ଏସବୁ ନିର୍ବାଚନାରେ କଂଗ୍ରେସକୁ କ୍ଷତି କରିବ ବୋଲି ରାଜନୈତିିକ ସମୀକ୍ଷକମାନେ ମତ ଦେଇଛନ୍ତି ।
ବିଗତ କେତେବର୍ଷରୁ ରେକର୍ଡ଼ କହୁଛି ଉପ ନିର୍ବାଚନର ଶାସକ ଦଳ ସପକ୍ଷରେ ଯାଇଛି । ଯଦି ନିକଟରେ ବିଜେପୁର ଉପ ନର୍ବାଚନ ଓ ୨୦୧୯ ବିଳମ୍ବରରେ ହୋଇଥିବା ପାଟକୁରା ନିର୍ବାଚନର ଫଳାଫଳ ସ୍ଥିତିକୁ ସମୀକ୍ଷା କରାଯିବ ତେବେ ଉଭୟ ନିର୍ବାଚନରେ ବିଜେଡ଼ି ବିରୋଧୀ ବିଜେପି ଓ କଂଗ୍ରେସର ରଣନୀତିକୁ ଫୁ କରି ୧ ନମ୍ବର ଦଳ ଭାବେ ଉଭା ହୋଇଛି । ତେଣୁ ଉପ ନିର୍ବାଚନ ସବୁ ଦଳ ପାଇଁ ୨୦୧୯ ନିର୍ବାଚନରେ ପରେ ଲୋକପ୍ରିୟତା କେତେ ଅଛି ତାହାର ମାପକାଠି ହେବ । ଯାହା ସବୁ ଦଳ ପାଇଁ ଅଗ୍ନପରୀକ୍ଷା । କରୋନା କଟକଣା ଭିତରେ ଉପ ନିର୍ବାଚନ ହେବ l ତେଣୁ ରାଜନୈତିକ ଦଳ ଗୁଡିକ ସୋସିଆଲ ମିଡ଼ିଆ ଜରିଆରେ ନିର୍ବାଚନ ପ୍ରଚାରକୁ ଜୋରଦାର କରିବାକୁ ଅଣ୍ଟା ଭିଡ଼ିଲେଣି l ତେବେ ଉପ ନିର୍ବାଚନର ଅଗ୍ନି ପରୀକ୍ଷାରେ କିଏ ପାସ କରୁଛି ଓ କାହାର ଲୋକପ୍ରିୟତା ବଢିଛି ଓ କମିଛି ତାହା ନିର୍ଣ୍ଣୟ ହେବ l

ଭୁବନେଶ୍ବର : ସାଂସଦ ରମେଶ ମାଝୀ କରୋନାରେ ଆକ୍ରାନ୍ତ କରୋନାରେ ଆକ୍ରାନ୍ତ ହୋଇଥିବା ଜଣାପଡିଛି । ସେ ପଜିଟିଭ୍ ଥିବା ନେଇ ନିଜେ ସୂଚନା ଦେଇଛନ୍ତି । କୋଭିଡ୍-୧୯ର ଲକ୍ଷଣ ଦେଖାଯିବା ପରେ ସେ ତାଙ୍କର କରୋନା ପରୀକ୍ଷା କରାଇଥିଲେ । ତାଙ୍କର ରିପୋର୍ଟ ପଜିଟିଭ୍ ଆସିଛି । ରିପୋର୍ଟ ପଜିଟିଭ୍ ଆସିବା ପରେ ସେ ହୋମ୍ କ୍ବାରେଣ୍ଟାଇନ୍ ରେ ଅଛନ୍ତି । ତାଙ୍କ ସଂସ୍ପର୍ଶରେ ଆସିଥିବା ଲୋଙ୍କୁ ଆଇସୋଲେସନରେ ରହିବା ସହ ସେମାନଙ୍କର କରୋନା ପରୀକ୍ଷଣ କରାଇବା ପାଇଁ ସେ ଅନୁରୋଧ କରିଛନ୍ତି ।

କୋଭିଡ ମୁକାବିଲା
କଟକ-ଖୋର୍ଦ୍ଧାରେ କୋଭିଡ ରଣନୀତିକୁ ସୁଦୃଢ କରିବା ପାଇଁ
ମୁଖ୍ୟମନ୍ତ୍ରୀଙ୍କ ପରାମର୍ଶ
ସ୍ବଭାବିକ ହେଉଛି, ଜୀବିକା ସୃଷ୍ଟି ଉପରେ…..

ଭୁବନେଶ୍ୱର : ମୁଖ୍ୟମନ୍ତ୍ରୀ ଶ୍ରୀ ନବୀନ ପଟ୍ଟନାୟକ ଆଜି ଭିଡିଓ କନ୍‌ଫରେନ୍‌ସିଂ ଜରିଆରେ ରାଜ୍ୟରେ କୋଭିଡ ପରିସ୍ଥିତି ସହିତ କୃଷି, ଶିଳ୍ପ, ଭିତ୍ତିଭୂମି ଆଦି ଅର୍ଥନୀତିର ବିଭିନ୍ନ କ୍ଷେତ୍ରର ସମୀକ୍ଷା କରି ଜୀବିକା ସୃଷ୍ଟି ଉପରେ ଗୁରୁତ୍ବାରୋପ କରିଛନ୍ତି।
ରାଜ୍ୟରେ କୋଭିଡ ପରିସ୍ଥିତି ଜାତୀୟସ୍ତର ଠାରୁ ଭଲ ରହିଥିଲେ ମଧ୍ୟ କଟକ ଓ ଖୋର୍ଦ୍ଧା ଜିଲ୍ଲାରେ ବଢୁଥିବା ପଜିଟିଭ କେସ୍‌ ଦୃଷ୍ଟିରୁ ଏହି ଦୁଇ ଜିଲ୍ଲାରେ ରଣନୀତିକୁ ସୁଦୃଢ କରିବାକୁ ମୁଖ୍ୟମନ୍ତ୍ରୀ ପରାମର୍ଶ ଦେଇଥିଲେ । ମୁଖ୍ୟମନ୍ତ୍ରୀ କହିଥିଲେ ଯେ ରାଜ୍ୟରେ ବର୍ତ୍ତମାନ ସୁଦ୍ଧା ୨୦ ଲକ୍ଷ ଲୋକଙ୍କ କୋଭିଡ ଟେଷ୍ଟ କରାଯାଇଛି । ପ୍ରତି ୧୦ ଲକ୍ଷ ଲୋକରେ ଏହା ୪୨,୪୦୪ ଯାହାକି ଜାତୀୟସ୍ତର ଠାରୁ ବହୁତ ଅଧିକ । ସେହିପରି ଆରୋଗ୍ୟ ହାର ମଧ୍ୟ ୭୬.୭୮ ପ୍ରତିଶତରୁ ରହିଛି ଏବଂ ମୃତ୍ୟୁ ହାର ୦.୪୬ ପ୍ରତିଶତ ରହିଛି ।
ମୁଖ୍ୟମନ୍ତ୍ରୀ କହିଥିଲେ ମୌସୁମୀ ବର୍ଷା, ବନ୍ୟା ତଥା ପରିବହନ କ୍ଷେତ୍ରରେ ପୂର୍ବାବସ୍ଥା ଫେରୁଥିବାରୁ କୋଭିଡ ପରିଚାଳନା ପାଇଁ ଏହା ଆହ୍ବାନ ସୃଷ୍ଟି କରିଛି । ତେଣୁ ଏହିସବୁ ଆହ୍ବାନକୁ ଦୃଷ୍ଟିରେ ରଖି କୋଭିଡ ରଣନୀତିକୁ କାର୍ଯ୍ୟକାରୀ କରାଯିବା ଆବଶ୍ୟକ ବୋଲି ମୁଖ୍ୟମନ୍ତ୍ରୀ କହିଥିଲେ। ପର୍ଯ୍ୟବେକ୍ଷକମାନେ ତୁରନ୍ତ ବନ୍ୟାଞ୍ଚଳକୁ ଗସ୍ତ କରି ଯୋଗ୍ୟ ହିତାଧିକାରୀମାନଙ୍କୁ ତୁରନ୍ତ ରିଲିଫ ପ୍ୟାକେଜ ପ୍ରଦାନ କରିବା ପାଇଁ ମୁଖ୍ୟମନ୍ତ୍ରୀ ନିର୍ଦ୍ଦେଶ ଦେଇଛନ୍ତି। ବର୍ଷାଋତୁରେ ସର୍ଦ୍ଦି, କାଶ ପରି ରୋଗର ସମ୍ଭାବନା ଦୃଷ୍ଟିରୁ ଏସବୁ ଲକ୍ଷଣ ଉପରେ ତୀକ୍ଷଣ ନଜର ରଖିବା ପାଇଁ ମୁଖ୍ୟମନ୍ତ୍ରୀ କହିଛନ୍ତି। ଉଭୟ ସରକାରୀ ଓ ବେସରକାରୀ କ୍ଷେତ୍ରରେ ସମସ୍ତ ଜ୍ବର କ୍ଲିନିକ୍‌ ଗୁଡିକୁ alertରେ ରଖିବା ପାଇଁ ମୁଖ୍ୟମନ୍ତ୍ରୀ ପରାମର୍ଶ ଦେଇଛନ୍ତି। ଏହାସହିତ ସ୍ବାସ୍ଥ୍ୟ ଏବଂ ସୂଚନା ଓ ଲୋକସଂପର୍କ ବିଭାଗ ମିଳିତ ଭାବେ ବିଭିନ୍ନ କୋଭିଡ ପ୍ରୋଟୋକଲ୍‌କୁ ନେଇ ଏକ ସଚେତନତା ଅଭିଯାନ ତୁରନ୍ତ ଆରମ୍ଭ କରିବା ପାଇଁ ମୁଖ୍ୟମନ୍ତ୍ରୀ ନିର୍ଦ୍ଦେଶ ଦେଇଥିଲେ। ଗୁରୁତର କୋଭିଡ ରୋଗୀମାନଙ୍କ ପାଇଁ ଜିଲ୍ଲା ଭିତର ଥିବା ହସ୍‌ପିଟାଲରେ ହିଁ ICU Bedର ବ୍ୟବସ୍ଥା କରିବା ପାଇଁ ମୁଖ୍ୟମନ୍ତ୍ରୀ ପରାମର୍ଶ ଦେଇଥିଲେ । ଅତ୍ୟନ୍ତ ଗୁରୁତର ରୋଗୀ ଯେପରି ICU ସୁବିଧା ପାଇପାରିବେ, ସେଥିପ୍ରତି ଦୃଷ୍ଟି ରଖିବାକୁ ମୁଖ୍ୟମନ୍ତ୍ରୀ ପରାମର୍ଶ ଦେଇଥିଲେ। ସରକାରୀ କର୍ମଚାରୀମାନଙ୍କ ମଧ୍ୟରେ, ବିଶେଷକରି କଟକ ଓ ଭୁବନେଶ୍ବରରେ କର୍ମଚାରୀଙ୍କ ମଧ୍ୟରେ ଅଧିକ ସଂଖ୍ୟାରେ କୋଭିଡ କେସ୍‌ ବଢୁଥିବାରୁ ସମସ୍ତ କୋଭିଡ ନିୟମ ଗୁଡିକୁ କଡାକଡି ଭାବରେ ପାଳନ କରିବା ପାଇଁ ମୁଖ୍ୟମନ୍ତ୍ରୀ ନିର୍ଦ୍ଦେଶ ଦେଇଛନ୍ତି । ମାସ୍କ ଓ ସାମାଜିକ ଦୂରତ୍ବ ନିୟମରେ ଯେପରି କୌଣସି ଅବହେଳା ନ ହୁଏ, ସେଥିପ୍ରତି ମୁଖ୍ୟମନ୍ତ୍ରୀ ସତର୍କ କରାଇ ଦେଇଛନ୍ତି।
କୋଭିଡ ସଂପର୍କରେ ଆଲୋଚନାରେ ଭାଗ ନେଇ ମୁଖ୍ୟ ଶାସନ ସଚିବ କହିଥିଲେ ଯେ ରାଜ୍ୟରେ ଲକ୍‌ଡାଉନ ଓ ସଟ୍‌ଡାଉନ ପରିଚାଳନା ସଂପୂର୍ଣ୍ଣ ସଫଳ ହୋଇଛି। କଟକ ଓ ଖୋର୍ଦ୍ଧା ଜିଲ୍ଲାରେ ପରିସ୍ଥିତିକୁ ଦୃଷ୍ଟିରେ ରଖି କୋଭିଡ ରଣନୀତିକୁ ସୁଦୃଢ କରାଯାଉଛି ବୋଲି ସେ କହିଥିଲେ। ସ୍ବାସ୍ଥ୍ୟ ବିଭାଗର ଅତିରିକ୍ତ ମୁଖ୍ୟ ଶାସନ ସଚିବ ରାଜ୍ୟର କୋଭିଡ ପରିଚାଳନା ସଂପର୍କରେ ଏକ ବିବରଣୀ ଉପସ୍ଥାପନା କରିଥିଲେ।
ବୈଠକରେ ଶିଳ୍ପ, କୃଷି ଓ ଅନ୍ୟାନ୍ୟ କ୍ଷେତ୍ର ସଂପର୍କରେ ଆଲୋଚନା ହୋଇଥିଲା। ମୁଖ୍ୟମନ୍ତ୍ରୀ ଜୀବିକା ସୃଷ୍ଟି ଉପରେ ଗୁରୁତ୍ବାରୋପ କରି ସବୁ ବିଭାଗର ଜୀବିକା ସୃଷ୍ଟି କାର୍ଯ୍ୟକ୍ରମ ଗୁଡିକୁ ଜୋରଦାର କରିବା ପାଇଁ ପରାମର୍ଶ ଦେଇଥିଲେ। କୌଣସି କ୍ଷେତ୍ରରେ ଅସୁବିଧା ଥିଲେ, ତାକୁ ତୁରନ୍ତ ଦୂର କରିବା ପାଇଁ ସେ ପରାମର୍ଶ ଦେଇଥିଲେ। ଜିଲ୍ଲା ପର୍ଯ୍ୟବେକ୍ଷକମାନେ ମଧ୍ୟ ଜିଲ୍ଲା ଗସ୍ତ ସମୟରେ ଜୀବିକା କାର୍ଯ୍ୟକ୍ରମ ସଂପର୍କରେ ସମୀକ୍ଷା କରନ୍ତୁ ବୋଲି ସେ ନିର୍ଦ୍ଦେଶ ଦେଇଥିଲେ। ଶିଳ୍ପ ଓ MSME କ୍ଷେତ୍ରରେ ସମସ୍ତ ପ୍ରକାର କାର୍ଯ୍ୟକ୍ରମ ପୂର୍ଣ୍ଣସ୍ତରରେ କାର୍ଯ୍ୟକ୍ଷମ କରିବାପାଇଁ ପରାମର୍ଶ ଦେଇ ମୁଖ୍ୟମନ୍ତ୍ରୀ କହିଥିଲେ ଯେ କୌଣସି ଶିଳ୍ପକ୍ଷେତ୍ରରେ ଯଦି କିଛି ଅସୁବିଧା ଥାଏ, ତେବେ ତାକୁ ତୁରନ୍ତ ପ୍ରାଥମିକତା ଭିତ୍ତିରେ ଦୂର କରିବା ଆବଶ୍ୟକ।
ବୈଠକରୁ ଜଣାଯାଇଥିଲା ଯେ ରାଜ୍ୟରେ କୃଷି, ଶିଳ୍ପ, MSME ଓ ଅନ୍ୟାନ୍ୟ କ୍ଷେତ୍ରରେ ସମସ୍ତ କାର୍ଯ୍ୟକ୍ରମ ସ୍ବଭାବିକ ହୋଇଆସୁଛି। ଅଗଷ୍ଟ-ସେପ୍ଟେମ୍ବର ସୁଦ୍ଧା ସମସ୍ତ କ୍ଷେତ୍ରରେ ସୁଧାର ଆସିଛି । କୃଷି କ୍ଷେତ୍ରରେ ଚଳିତ ବର୍ଷ ଖରିଫରେ ୫୫.୫୨ ଲକ୍ଷ ହେକ୍ଟର ଜମି ଚାଷ କରାଯାଇଛି ଯାହା କି ପୂର୍ବ ବର୍ଷ ଠାରୁ ୫ ପ୍ରତିଶତ ଅଧିକ। ଚଳିତ ବର୍ଷ ସାର ଓ ୟୁରିଆର ଚାହିଦା ମଧ୍ୟ ଗତବର୍ଷ ଠାରୁ ଅଧିକ ରହିଛି । ଚଳିତ ବର୍ଷ ୯୯୬୫ କୋଟି ଟଙ୍କାର ଫସଲ ଋଣ ପ୍ରଦାନ କରାଯାଇଛି, ଯାହା କି ଗତ ବର୍ଷ ଠାରୁ ମଧ୍ୟ ଅଧିକ।
ଇସ୍ପାତ ଓ ଖଣି କ୍ଷେତ୍ରରେ ମଧ୍ୟ ଯଥେଷ୍ଟ ଉନ୍ନତି ପରିଲକ୍ଷିତ ହୋଇଛି ବୋଲି ବୈଠକରେ ସୂଚନା ଦିଆଯାଇଥିଲା। ଅପ୍ରେଲକୁ ଅଗଷ୍ଟ ମଧ୍ୟରେ ରାଜ୍ୟରେ ୧୭୫୧୪ କୋଟି ଟଙ୍କାର ୨୦୦ଟି ନୂଆ ପ୍ରକଳ୍ପକୁ ଅନୁମୋଦିତ କରାଯାଇଛି । ଏଥିରେ ୧୩ ହଜାର କର୍ମନିଯୁକ୍ତିର ସମ୍ଭାବନା ରହିଛି। ସେହିପରି ଶିଳ୍ପ ଉତ୍ପାଦନ ୮୦ ପ୍ରତିଶତ ପର୍ଯ୍ୟନ୍ତ ବୃଦ୍ଧିପାଇ ସାରିଛି ବୋଲି ସୂଚନା ଦିଆଯାଇଥିଲା। ବିଦ୍ୟୁତ ବ୍ୟବହାର, Cargo ପରିଚାଳନା, ସବୁ କ୍ଷେତ୍ରରେ ଉନ୍ନତି ଆସିଛି। MSME କ୍ଷେତ୍ରରେ ସେପ୍ଟେମ୍ବର ସୁଦ୍ଧା ୧.୫ ଲକ୍ଷରୁ ଅଧିକ ୟୁନିଟ୍‌କୁ ପାଖାପାଖି ୩୦୦୦ କୋଟି ଟଙ୍କାର ଋଣ ପ୍ରଦାନ କରାଯିବା ବୋଲି ବୈଠକରେ ସୂଚନା ଦିଆଯାଇଥିଲା।
ଶିଳ୍ପ ଓ MSME ସଂସ୍ଥାଗୁଡିକ ଯେପରି ସୁବିଧାରେ କାର୍ଯ୍ୟ କରିପାରିବେ, ସେଥିପାଇଁ GST Reimbursement ପ୍ରକ୍ରିୟାକୁ ସଂପୂର୍ଣ୍ଣ ସ୍ବଚ୍ଛ ଓ ସହଜ କରିବାକୁ ମୁଖ୍ୟମନ୍ତ୍ରୀ ପରାମର୍ଶ ଦେଇଥିଲେ ।
ଏହି ବୈଠକରେ ମୁଖ୍ୟ ଶାସନ ସଚିବଙ୍କ ସମେତ ମୁଖ୍ୟମନ୍ତ୍ରୀ କାର୍ଯ୍ୟାଳୟର ମୁଖ୍ୟ ଉପଦେଷ୍ଟା, ଉନ୍ନୟନ କମିଶନର, ସ୍ବାସ୍ଥ୍ୟ ବିଭାଗର ଅତିରିକ୍ତ ମୁଖ୍ୟ ଶାସନ ସଚିବ, ଅତିରିକ୍ତ ମୁଖ୍ୟ ଶାସନ ସଚିବ ତଥା ସ୍ବତନ୍ତ୍ର ରିଲିଫ କମିଶନର, କୃଷି ଉତ୍ପାଦନ କମିଶନର, ମୁଖ୍ୟମନ୍ତ୍ରୀଙ୍କ ସଚିବ (୫-ଟି) ଏବଂ ଅନ୍ୟ ବରିଷ୍ଟ ଅଧିକାରୀମାନେ ଉପସ୍ଥିତ ଥିଲେ।

ଭୁବନେଶ୍ୱର-: ଓଡିଶା ବନ୍ୟା କ୍ଷୟକ୍ଷତି ଅଞ୍ଚଳରେ ରିଲିଫ ଥଇଥାନ କାର୍ଯ୍ୟକୁ ତଦାରଖ କରିବା ପାଇଁ ଏଆଇସିସି ନିର୍ଦେଶ ଅନୁସାରେ ଗତକାଲି କଂଗ୍ରେସ ବିଧାୟକ ଦଳ ନେତା ଶ୍ରୀ ନରସିଂହ ମିଶ୍ରଙ୍କ ଅଧକ୍ଷତା ରେ ଏକ ୯ ଜଣିଆ କମିଟି ଗଠନ କରାଯାଇଛି।ଆଜି ଏହି କମିଟିର ପ୍ରଥମ ଭର୍ଟୁଆଲ ବୈଠକ ଶ୍ରୀ ନରସିଂହ ମିଶ୍ରଙ୍କ ଅଧକ୍ଷତାରେ ଅନୁଷ୍ଠିତ ହୋଇଯାଇଛି।ଏହି ବୈଠକରେ ପିସିସି ସଭାପତି ନିରଞ୍ଜନ ପଟ୍ଟନାୟକଙ୍କ ସମେତ ଏଆଇସିସି ସମ୍ପାଦକ ଶ୍ରୀରୁଦ୍ର ରାଜୁ,ଶ୍ରୀ ଆଦିତ୍ୟ ଶର୍ମା ଙ୍କ ସହ ସମସ୍ତ ସଭ୍ୟ ମାନେ ଯୋଗଦେଇ ଆଲୋଚନାରେ ଅଂଶ ଗ୍ରହଣ କରିଥିଲେ। ଏହାକୁ ସୋସିଆଲ ମେଡିଆ ଅଧକ୍ଷ ଅଭିଷେକ ମହନନ୍ଦ ପରିଚାଳନା କରିଥିଲେ।ସମସ୍ତ ୯ ଜଣ ସଭ୍ୟ ବନ୍ୟାଞ୍ଚଳ ପରିଦର୍ଶନ,କାର୍ଯ୍ୟକର୍ତ୍ତା ମାନଙ୍କ ସହ ସମ୍ପର୍କ କରି ବନ୍ୟା ପରବର୍ତ୍ତୀ ରିଲିଫ ଓ ଥଇଥାନ କାର୍ଯ୍ୟର ଅନୁଧ୍ୟାନ ୭ ତାରିଖ ସୁଧା କରି ପ୍ରଦେଶ କଂଗ୍ରେସ କମିଟି ସଭାପତିଙ୍କୁ ଓ ଏଆଇସିସି ସାଧାରଣ ସମ୍ପାଦକ ତଥା ଓଡିଶା ପ୍ରଭାରୀଙ୍କୁ ଅବଗତ କରାଇବେ।ଆଗାମୀ ୧୦ ତାରିଖ ଦିନ ପ୍ରଦେଶ କଂଗ୍ରେସ ବୈଠକରେ ସଭ୍ୟମାନେ ୮ ତାରିଖ ସୁଧା ଦେଇଥିବା ରିପୋର୍ଟ କୁ ତର୍ଜମା କରାଯାଇ ଅଖିଳ ଭାରତୀୟ କଂଗ୍ରେସ କମିଟି କୁ ଏକ ପୂର୍ଣ୍ଣାଙ୍ଗ ବିବରଣୀ ପ୍ରଦାନ କରାଯିବ।

ଶ୍ରୀ ନରସିଂହ ମିଶ୍ରଙ୍କୁ ସୋନପୁର ଓ ବୌଦ୍ଧ ସେହିପରି ଶ୍ରୀ ଭକ୍ତ ଚରଣ ଦାଶ ଓ ପ୍ରଦୀପ ମାଝୀଙ୍କୁ ନବରଙ୍ଗପୁର,ନୂଆପଡା ,ମାଲକାନଗିରି, ଝାରସୁଗୁଡା, ଦେବଗଡ ଓ ସୁନ୍ଦରଗଡ। ଶ୍ରୀ ପ୍ରସାଦ ହରିଚନ୍ଦନଙ୍କୁ ପୁରୀ ଓ ଖୋର୍ଦ୍ଧା। ଶ୍ରୀ ତାରାପ୍ରସାଦ ବାହିନୀପତି ଓ ଶ୍ରୀ ଜୟଦେବ ଜେନାଙ୍କୁ ମୟୁରଭଞ୍ଜ, ବାଲେଶ୍ୱର,ଭଦ୍ରକ,କେଉଁଝର ଓ ଗଜପତି। ଶ୍ରୀ ଶରତ ପଟ୍ଟନାୟକଙ୍କୁ ନୟାଗଡ, ଅନୁଗୁଳ ଓ ସମ୍ବଲପୁର ।ଶ୍ରୀ ସୁରେଶ କୁମାର ରାଉତରାୟଙ୍କୁ ଯାଜପୁର,କେନ୍ଦ୍ରାପଡା, ଓ ଜଗସିଂହପୁର ।ମହମ୍ମଦ ମୁକିମଙ୍କୁ କଟକ ଓ ଢେଙ୍କାନାଳ ଜିଲ୍ଲା ଦାଇତ୍ୱ ଦିଆଯାଇଛି ବୋଲି ଏକ ପ୍ରେସ ବିଜ୍ଞପ୍ତି ରେ ସୋସିଆଲ ମେଡିଆ ସାଧାରଣ ସମ୍ପାଦକ ଦୀପକ କୁମାର ମହାପାତ୍ର ପ୍ରକାଶ କରିଛନ୍ତି।