ଭୁବନେଶ୍ୱର : ପ୍ରଚାରକୁ ଆଉ ୪ଦିନ ବାକି l ବାଲେଶ୍ୱର ଓ ତିର୍ତୋଲରେ ଜମୁଛି ପ୍ରଚାର l ଷ୍ଟାର ପ୍ରଚାରକମାନେ ନିଜର ଦଳୀୟ ପ୍ରାର୍ଥିଙ୍କ ଲାଗି ଭୋଟ ଭିକ୍ଷା କରୁଛନ୍ତି l ମୁଖ୍ୟମନ୍ତ୍ରୀ ତଥା ବିଜେଡି ସୁପ୍ରିମୋ ଆଜି ଡିଜିଟାଲ ପ୍ଲାଟଫର୍ମ ଜରିଆରେ ପ୍ରଚାର ଆରମ୍ଭ କରିବେ l ସେହିପରି ବିଜେଡିର ଷ୍ଟାର ପ୍ରଚାରକ ଅରିନ୍ଦମ ଏଵେ ଦଳ ପାଇଁ ଉଭୟ ବାଲେଶ୍ୱର ଓ ତିର୍ତୋଲରେ ଜୋରଦାର ପ୍ରଚାର କରୁଛନ୍ତି l ବିଜେଡି ଯୁବ ନେତା ତଥା ଓଲିଉଡ଼ ଅଭିନେତା ଅରିନ୍ଦମ ରାଏ ନିର୍ବାଚନ ପ୍ରଚାରରେ ମୁଖ୍ୟ ଆକର୍ଷଣ ସାଜିଛନ୍ତି l ବାଲେଶ୍ୱରରେ ବିଜେଡି ପ୍ରାର୍ଥୀ ସ୍ୱରୂପ ଦାସ ଓ ତିର୍ତୋଲର ବିଜୟ ଶଙ୍କର ଦାସଙ୍କୁ ବଡ଼ ବ୍ୟବଧାନରେ ବିଜୟ କରାଇବା ପାଇଁ କର୍ମୀ ଓ ସାଧାରଣ ଲୋକଙ୍କୁ ଉତ୍ସାହିତ କରିଛନ୍ତି ଅରିନ୍ଦମ l ବିଜେଡି ସଭାପତି ତଥା ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ଲୋକଙ୍କ ପ୍ରତି ଭଲ ପାଇବା ଓ ରାଜ୍ୟ ସରକାରଙ୍କ ଲୋକାଭିମୁଖୀ ଯୋଜନା ଉପରେ ଅରିନ୍ଦମ ଲୋକଙ୍କୁ ବୁଝାଇ ବିଜେଡି ପାଇଁ ଭୋଟ ଭିକ୍ଷା କରିଛନ୍ତି l ତାଙ୍କ ସଭାରେ ଲୋକଙ୍କ ଭିଡ଼ ବି ଦେଖିବାକୁ ମିଳୁଛି l ବିଜେପୁର, ସାଧାରଣ ନିର୍ବାଚନ, ପାଟକୁରାରେ ଅରିନ୍ଦମ ପ୍ରଚାର କରି ଦଳୀୟ ପ୍ରାଥୀଙ୍କ ପାଇଁ ଭୋଟ ଯୋଗାଡ କରିବାରେ ସଫଳ ହୋଇଥିଲେ l ନିଜର ବ୍ୟକ୍ତିଗତ ଆକର୍ଷଣରେ ସେ ଭୋଟରଙ୍କ ମନ ଜିଣୁଛନ୍ତି l
ସଦର ନିର୍ବାଚନ ମଣ୍ଡଳୀର ସ୍ୱାଧୀନ ବିଧାୟକ ପ୍ରାଥି ବେଣୁ ମଉସା । ବେଶ ସାଧା ସିଧା । ନା ଅଛି ଅଟୋପ ଆଡମ୍ବର ନା ପାଟ ପଟୁଆର। ହେଲେ ମନରେ ଅଛି ଦୃଢ ବିଶ୍ବାସ, ଲୋକେ ତାଙ୍କୁ ନିଶ୍ଚୟ ଭୋଟ ଦେବେ। ମିଛ ପ୍ରତିସ୍ମୃତି ନୁହେଁ , କି ଟଙ୍କାର ପାହାଡ଼ ଉପରେ ଛିଡା ହୋଇ ସେ ନିର୍ବାଚନ ଲଢୁନାହାନ୍ତି । ସେ ତ ଦୁଃଖିଲା ମଣିଷ । ଲୋକଙ୍କ ଦୁଃଖ ଓ ଭଲ ପାଇବାକୁ ନେଇ ନିର୍ବାଚନର ରଣାଙ୍ଗନାରେ ଯୋଦ୍ଧା ସାଜିଛନ୍ତି । ସେଥିପାଇଁ ତ ଏବେ ସାରା ରାଜ୍ୟର ନଜର ତାଙ୍କ ଉପରେ । ଏମିତି କି ଅଭିନେତ୍ରୀ ମଧ୍ୟ ସ୍ୱଇଚ୍ଛାରେ ତାଙ୍କ ପାଇଁ ପ୍ରଚାର କରୁଥିବା ଦେଖୁବାକୁ ମିଳିଛି । ସେ ଯାହା ହେଉ ନା କାହିଁକି ନିର୍ବାଚନରେ ତ ହାର ଜିତ ଲାଗି ରହିବ । କିଏ ଜିତିବ କିଏ ହାରିବ ସେ ଭୋଟର ବାଛିବେ । ହେଲେ ଜୀବନର ଅପରାହ୍ନରେ ଏପରି ଜୋଶ ରାଜ୍ୟବାସୀଙ୍କ ପାଇଁ ଉଦାହରଣ ସାଜିବ । ତେବେ ସବୁଠାରୁ ବଡ କଥା ହେଉଛି ବେଣୁଧର ସୋସିଆଲ ମିଡ଼ିଆ ପ୍ରଚାରରେ ବେଶ ଆଗରେ ଅଛନ୍ତି l ଯାହା ରାଜ୍ୟର ୩ ପ୍ରମୁଖ ଦଳକୁ ଚିନ୍ତାରେ ପକାଇଛି l କାରଣ ବାଲେଶ୍ୱର ସଦରନିର୍ବାଚନରେ ବେଣୁଧର ଏଵେ ଚର୍ଚ୍ଚାର କେନ୍ଦ୍ର ବିନ୍ଦୁ l
