ଭୁବନେଶ୍ବର: ବେଳାଭୂମି ପର୍ଯ୍ୟଟନ କ୍ଷେତ୍ରରେ ନୂଆ ମାଇଲଖୁଣ୍ଟ ଚନ୍ଦ୍ରଭାଗା ଓ ତଳସାରୀ ବେଳାଭୂମିକୁ ବିଶ୍ବସ୍ତରୀୟ ପର୍ଯ୍ୟଟନ କେନ୍ଦ୍ର ଭାବରେ ବିକାଶିତ କରାଯିବ ଭୁବନେଶ୍ବର । ପର୍ଯ୍ୟଟନ ରାଜ୍ୟ ସରକାରଙ୍କର ଅଗ୍ରାଧିକାର କ୍ଷେତ୍ର ଭାବରେ ବିକାଶ ଲାଭ କରିବା ଆରମ୍ଭ କରିଛି । ରାଜ୍ୟରେ ପର୍ଯ୍ୟଟନ କ୍ଷେତ୍ରରେ ଥିବା ବିପୁଳ ସମ୍ଭାବନାକୁ ଉପଯୋଗ କରି ଦେଶବିଦେଶର ପର୍ଯ୍ୟଟକମାନଙ୍କୁ ଆକର୍ଷିତ କରିବା ପାଇଁ ରାଜ୍ୟ ସରକାର ଏକ ଉଚ୍ଚାଭିଳାଷ ଯୋଜନା ପ୍ରସ୍ତୁତ କରିଛନ୍ତି । ବେଳାଭୂମି ପର୍ଯ୍ୟଟନ କ୍ଷେତ୍ରରେ ଏକ ମାଇଲଖୁଣ୍ଟ ଭାବରେ , ରାଜ୍ୟରେ ପୁରୀ କୋଣାର୍କ ମେରାଇନ ଡ୍ରାଇଭ, ଚନ୍ଦ୍ରଭାଗା ଏବଂ ବାଲେଶ୍ବରର ତଳସାରୀ – ଉଦୟପୁର ବେଳାଭୂମିରେ ଭିତ୍ତିଭୂମିର ବିକାଶ କରି ଆନ୍ତର୍ଜାତିକ ପର୍ଯ୍ୟଟନ କେନ୍ଦ୍ର ଭାବରେ ବିକଶିତ କରିବା ପାଇଁ ରାଜ୍ୟ ସରକାର ପ୍ରୟାସ ଆରମ୍ଭ କରିଛନ୍ତି ।

ଆଜି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଏହି ଦୁଇଟି ମହତ୍ୱକାଂକ୍ଷୀ ଯୋଜନାର ରୂପାୟନ ସଂପର୍କରେ ଏକ ଉଚ୍ଚସ୍ତରୀୟ ବୈଠକରେ ବିସ୍ତୃତ ଆଲୋଚନା କରିଥିଲେ । ଏହି ଯୋଜନାରେ ପୁରୀ – କୋଣାର୍କ ବେଳାଭୂମିର ଚନ୍ଦ୍ରଭାଗା ଠାରେ ୧ କିଲୋମିଟର ବ୍ୟାପୀ ଅଞ୍ଚଳର ବିକାଶ କରାଯିବ । ଏଥିପାଇଁ ପ୍ରସ୍ତୁତ ମାଷ୍ଟର ପ୍ଲାନରେ ଜଳକ୍ରୀଡ଼ା , ଆମୋଦପ୍ରମୋଦ , ସୁଦୃଶ୍ୟ ଚଲାପଥ , ସାଇକେଲ ଟ୍ରାକ୍ , ସମୁଦ୍ରର କୂଳେ କୂଳେ କାଠର ଚଲାପଥ , ମୁକ୍ତ ରଙ୍ଗମଞ୍ଚ , ଛୋଟ ପିଲାଙ୍କ ଖେଳ ପାଇଁ ଅଞ୍ଚଳ : ସୂର୍ଯ୍ୟୋଦୟ ଦେଖିବା ପାଇଁ ମଞ୍ଚ , ଦୁଃସାହସିକ କ୍ରୀଡା ଆଦି ଅତ୍ୟାଧୁନିକ ସୁବିଧା ସେହିସବୁ ସ୍ଥାନ ମାନଙ୍କରେ ଉପଲବ୍ଧ ହେବ । ଏତଦ୍‌ବ୍ୟତୀତ ଆଧୁନିକ ବର୍ଜ୍ୟବସ୍ତୁ ପରିଚାଳନା ବ୍ୟବସ୍ଥା , Landscaping , ବାଲି ସୁରକ୍ଷା ବ୍ୟବସ୍ଥା , ସୌର ଆଲୋକ ସୁବିଧା ସହିତ ସ୍ଥାନୀୟ ଲୋକଙ୍କ ଅଂଶଗ୍ରହଣକୁ ଉତ୍ସାହିତ କରାଯିବ । ଏହି କାର୍ଯ୍ୟ ଏକ ବର୍ଷ ମଧ୍ୟରେ ସଂପୂର୍ଣ୍ଣ କରିବା ଲକ୍ଷ୍ୟ ରଖାଯାଇଥିବା ବେଳେ , ପର୍ଯ୍ୟଟକମାନେ କେବଳ ଦିନ ସମୟରେ ହିଁ ଏହିସବୁକୁ ଉପଭୋଗ କରିପାରିବେ । ଅନ୍ୟପକ୍ଷରେ ବାଲେଶ୍ବରର ତଳସାରୀର ବେଳାଭୂମିରେ ପର୍ଯ୍ୟଟକମାନେ ଏକାଧିକ ଦିନ ରହଣୀ କରି ଯେଭଳି ବେଳାଭୂମିର ସୌନ୍ଦର୍ଯ୍ୟକୁ ଉପଭୋଗ କରିପାରିବେ , ସେଥିପାଇଁ ସେଠାରେ ୨.୪ କିଲୋମିଟର ଅଞ୍ଚଳକୁ ବିକଶିତ କରାଯିବ । ଏଥିପାଇଁ ସେଠାରେ ତାରକା ହୋଟେଲ ଏବଂ ବଜେଟ ହୋଟେଲ ନିର୍ମାଣ କରିବା ପାଇଁ ଉତ୍ସାହିତ କରାଯିବ । ଏହି ବେଳାଭୂମିର ସୌନ୍ଦର୍ଯ୍ୟକୁ ପର୍ଯ୍ୟଟକମାନେ ଯେପରି ମନଭରି ଉପଭୋଗ କରିପାରିବେ , ସେଥିପାଇଁ ରୁଚିପୂର୍ଣ୍ଣ ଭାବରେ ପାଭିଲିଅନ ସହିତ ବର୍ଷା ଆଶ୍ରୟସ୍ଥଳ , Kiosk , Sitting Islands , Solar Photo Voltaic panels, Amphi – Theatres , Restaurants ଆଦି ସୁବିଧା ପର୍ଯ୍ୟଟକ ମାନଙ୍କ ପାଇଁ କରାଯିବ । ଏତଦ୍‌ବ୍ୟତୀତ ପର୍ଯ୍ୟଟକମାନଙ୍କୁ ଓଡିଶାର କଳା ସଂସ୍କୃତି ସହ ପରିଚିତ କରିବା ପାଇଁ ଏକ Art & Craft Plaza ମଧ୍ୟ ନିର୍ମାଣ କରାଯିବ । ଏସବୁ ଭିତ୍ତିଭୂମି କାର୍ଯ୍ୟ ଅକ୍ଟୋବର ୨୦୨୧ ସୁଦ୍ଧା ଲକ୍ଷ୍ୟ ରଖାଯାଇଛି ।

ପର୍ଯ୍ୟଟକମାନଙ୍କ ସୁରକ୍ଷା ଦୃଷ୍ଟିରୁ ଉଭୟ ସ୍ଥାନରେ ସୁରକ୍ଷା ବ୍ୟବସ୍ଥା ତଦାରଖ କରାଯିବ ଏବଂ ଲାଇଫ ଗାର୍ଡ ମାନଙ୍କୁ ମୁତୟନ କରାଯିବ । ଏହିସବୁ ପ୍ରକଳ୍ପକୁ ନିର୍ଦ୍ଧାରିତ ସମୟରେ ଶେଷ କରିବା ପାଇଁ ମୁଖ୍ୟମନ୍ତ୍ରୀ ନିର୍ଦ୍ଦେଶ ଦେବା ସହିତ ଏଥିପାଇଁ ସମସ୍ତ ସହଯୋଗ ଯୋଗାଇ ଦେବାପାଇଁ ରାଜ୍ୟ ସରାକରଙ୍କର ବିଭିନ୍ନ ବିଭାଗ , ଏଜେନ୍ସି ଓ ଜିଲ୍ଲାପ୍ରଶାନକୁ ନିର୍ଦ୍ଦେଶ ଦେଇଥିଲେ । ପୁରୀ ବେଳାଭୂମିକୁ Blue Flag Standard ମିଳିଥିବାରୁ ମୁଖ୍ୟମନ୍ତ୍ରୀ ଆନନ୍ଦପ୍ରକାଶ କରିବା ସହିତ ଏଥିପାଇଁ ଜିଲ୍ଲାପ୍ରଶାସନ ଓ ପର୍ଯ୍ୟଟନ ବିଭାଗକୁ ଧନ୍ୟବାଦ ଜଣାଇଥିଲେ ଏବଂ ଆଗାମୀ ୨ ବର୍ଷ ମଧ୍ୟରେ ପୀର ଜାହାନିଆ , ନିଳାଦ୍ରୀ , ମୁହାଣ ଆଦି ପୁରୀ ଜିଲ୍ଲାରେ ଥିବା ବେଳାଭୂମି ଏବଂ ଗଞ୍ଜାମ ଜିଲ୍ଲାର ହରିପୁର ଓ ପତିସୋନପୁର ବେଳାଭୂମିକୁ Blue Flag ବେଳାଭୂମି ଭାବରେ ବିକଶିତ କରିବା ପାଇଁ ମୁଖ୍ୟମନ୍ତ୍ରୀ ପରାମର୍ଶ ଦେଇଥିଲେ । ଏହି ଆଲୋଚନା ବୈଠକରେ ଭୋଗରାଇ ବିଧାୟକ ଅନନ୍ତ ଦାସ , OTDC ର ଅଧ୍ୟକ୍ଷା , ମୁଖ୍ୟ ଶାସନ ସଚିବ , ଉନ୍ନୟନ କମିଶନର , ଜଙ୍ଗଲ ଓ ପରିବେଶ ବିଭାଗର ଅତିରିକ୍ତ ମୁଖ୍ୟଶାସନ ସଚିବ , ପର୍ଯ୍ୟଟନ ବିଭାଗର ପ୍ରମୁଖ ସଚିବ , ମୁଖ୍ୟମନ୍ତ୍ରୀଙ୍କ ସଚିବ ( ୫ – ଟି ) ଏବଂ ପୁରୀ ଓ ବାଲେଶ୍ବରର ଜିଲ୍ଲାପାଳ ପ୍ରମୁଖ ଉପସ୍ଥିତ ଥିଲେ ।

ଯାଜପୁର : ସବୁଜ ରାଗିଣୀର ଗନ୍ତାଘର । ଯାହାକୁ ଦେଖିଲେ ଅଶାନ୍ତ ମନ ବି ଶାନ୍ତ ପଡ଼ିଯାଏ ଯାଜପୁରର  କୁସୁମା ପ୍ରବେଶ କଲେ l  ୯ ମାସରୁ ଅଧିକ ଦିନ ହେଲାଣି ବନ୍ଦ ଥିବା କୁସୁମା  ବହୁ ଅପେକ୍ଷାର ଅନ୍ତ ଘଟାଇ ଆଜି ସର୍ବସାଧାରଣଙ୍କ ପାଇଁ ଖୋଲିଛି । ପ୍ରଶାସନିକ ନିଷ୍ପତି ଅନୁସାରେ ଏହା ଖୋଲିବାକୁ ସ୍ଥିର ହୋଇଛି ।କୁସୁମା ପୁଷ୍କରଣୀ ପରିସରରେ ଶହଶହ ପ୍ରକାର ଫୁଲ ଗଛ ରହିଥିବା ବେଳେ ସୁନ୍ଦର ଆଲୋକମାଳା ଏହାର ପରିବେଶକୁ ଆହୁରି ଆକର୍ଷଣୀୟ କରୁଛି । ଏଥି ସହ ବୋଟିଂ ଏବଂ ନୀଳ ଜଳ ରାଶି ପର୍ଯ୍ୟଟକଙ୍କୁ ଆକୃଷ୍ଟ କରିଛି । ଖୋଲିବା ପୂର୍ବରୁ ଏହାର ସବୁ କାର୍ଯ୍ୟ ଶେଷ କରାଯାଇଛି । ମାଳୀମାନଙ୍କ ଦ୍ୱାରା ଗଛର ରକ୍ଷଣାବେକ୍ଷଣ କରାଯାଉଥିବା ବେଳେ ଆଲୋକୀକରଣ ପାଇଁ ଥିବା ବିଦ୍ୟୁତ ଲାଇନ ଗୁଡିକ ମରାମତି କରାଯାଇ ଏହାର ପରିବେଶକୁ ସଫେଇ କରାଯାଇଛି । କୁସୁମା ପରିସରରେ ପ୍ରସ୍ତର ନିର୍ମିତ ଭଳିକି ଭଳି ମୂର୍ତି ପର୍ଯ୍ୟଟକମାନଙ୍କ ଆକର୍ଷଣର କେନ୍ଦ୍ର ବନ୍ଦୁ ପାଲୋଟିଛି । ଛୋଟ ପିଲାଙ୍କ ପାଇଁ ଥିବା ପାର୍କ ପିଲାମାନଙ୍କୁ ମନଭରି ଆନନ୍ଦିତ କରିବ ।ଯାଜପୁର ପୌରପାଳିକା ଅଧିନରେ ଥିବା ଏହି କୁସୁମା ଖୋଲା ହେବା ଦିନ ଠାରୁ ପର୍ଯ୍ୟଟକଙ୍କୁୁ ବାନ୍ଧି ରଖିପାରିଥିଲା । କିନ୍ତୁ କରୋନା ଯୋଗୁ ବନ୍ଦ ହେବାରୁ ସବୁ ବେଳେ ପର୍ଯ୍ୟଟକ ଆସି ନିରାଶ ହୋଇ ଫେରୁଥିଲେ । କିନ୍ତୁ ଏହାକୁ ଆସନ୍ତାକାଲି ଠାରୁ ଖୋଲା ଯିବାକୁ ନିଷ୍ପତି ହୋଇଥିବା ବେଳେ ସକାଳ ୮ ରୁ ରାତି ୮ ପର୍ଯ୍ୟନ୍ତ ଏହା ଖୋଲାରହିବ । କିନ୍ତୁ ସୋମବାର ଦିନ ଏହାକୁ ସଂପୂର୍ଣ୍ଣ ବନ୍ଦ ରଖାଯାଇଛି । କରୋନା କଟକଣା ଭିତରେ ପର୍ଯ୍ୟଟକଙ୍କୁ କୁସୁମା ଭିତରକୁ ଛଡା ଯାଉଛି । ନିୟମ ଉଲଘଂନ କଲେ ୫ଶହ ଟଙ୍କା ଜରିମାନାର ଚେତାବନୀ ଦେଇଛି ପୌର ପ୍ରଶାସନ । ଏହାର ପ୍ରବେଶ ଶୁକ୍ଳ ୩୦ ଟଙ୍କା ରହିଥିବା ବେଳେ ଏହାର ଭିତରେ ନୌବିହାର ପାଇଁ ଅତିରିକ୍ତ ୫୦ ଟଙ୍କା ବ୍ୟକ୍ତି ପିଛା ଦେବାକୁ ପଡିବ । ସଂଧ୍ୟାରେ କୁସୁମାର ଜଳରେ ଲାଇଟ ଆଣ୍ଡ ସାଉଣ୍ଡ ସିଷ୍ଟମ ଦେଖିବାକୁ ମିଳିବ । ସମଗ୍ର ଅଂଚଳ ସିସି ଟିଭି ନଜରରେ ରହିଥିବା ବେଳେ ଏହାର ସୁରକ୍ଷା, ସଫେଇ ଓ ଗଛ ଗୁଡିକର ଯତ୍ନ ନେବାକୁ ଅଧିକ ଗୁରୁତ୍ୱ ଦେଇଛି ପ୍ରଶାସନ । ଅନ୍ୟ ପଟେ କୁସୁମା ଖୋଲିବା କଥା ଶୁଣି ସହରବାସୀଙ୍କ ମନରେ ଏହା ଭିତରକୁ ଯାଇ ଫଟୋଇବା ସହ ବୋଟିଂ କରିବାକୁ ଅପେକ୍ଷା କରିଥିବା କହିଛନ୍ତି । ଯାଜପୁର ପର୍ଯ୍ୟଟନରେ କୁସୁମା ଏକ ପ୍ରମୁଖ ସ୍ଥାନ ପାଲୋଟିଥିବା ବେଳେ ଏହାର ବିକାଶ ପାଇଁ ପ୍ରଶାସନ ଓ ଲୋକ ପ୍ରତିନିଧିଙ୍କ ଉଦ୍ୟମ ଜାରି ରହିଛି । ଭବିଷ୍ୟତରେ ଏହାର ଆହୁରି ବିକାଶ ପାଇଁ ସମସ୍ତଙ୍କ ସହଯୋଗର ଆବଶ୍ୟକତା ରହିଛି ।

ଯାଜପୁର : କରୋନା ନିୟନ୍ତ୍ରଣ ଅଛି, ହେଲେ ଏବେବି ଯାଇନାହିଁ କରୋନା l ତେଣୁ ପୂର୍ବପରି ଆମକୁ ସତର୍କ ରହିବାକୁ ହେବ l ମାସ୍କ ପିନ୍ଧିବା, ସାନିଟାଇଜର ବ୍ୟବହାର କରିବା ଓ ସାମାଜିକ ଦୂରତା ବଜାୟ ରଖିବା l ଏହି ବାର୍ତ୍ତା ଯୁବପିଡ଼ିମାନଙ୍କ ମଧ୍ୟରେ ବାଣ୍ଟିଛନ୍ତି ଯୁବ ନେତା ତଥା ଯାଜପୁର ପୌର ପରିଷଦର ପୂର୍ବତନ ପୌରାଧ୍ୟକ୍ଷ ଭବ ପ୍ରସାଦ ଦାସ l କୋଭିଡ କଟକଣା ଭିତରେ 9ମାସ ପରେ ଆଜି ରାଜ୍ୟର ସମସ୍ତ ଶିକ୍ଷାନୁଷ୍ଠାନ ଖୋଲିଛି । ପ୍ରଥମ ଦିନରେ ଛାତ୍ରଛାତ୍ରୀ ମାନେ ଉତ୍ସାହର ସହ ଶିକ୍ଷାନୁଷ୍ଠାନ ଆସିଛନ୍ତି l ଯାଜପୁରର ନରସିଂହ ଚୌଧୁରୀ (ସ୍ୱୟଂ ଶାସିତ) ମହାବିଦ୍ୟାଳୟର ପୂର୍ବତନ ଛାତ୍ର ସଂସଦ ସଭାପତି ତଥା ପୂର୍ବତନ ପୌରାଧ୍ୟକ୍ଷ ଭବ ପ୍ରସାଦ ଦାସ ଛାତ୍ରଛାତ୍ରୀ ମାନଙ୍କୁ ସାନିଟାଇଜର ଏବଂ ମାସ୍କ ବଣ୍ଟନ କରି ସଚେତନ କରିଥିଲେ l ପାଠପଢା ସହ କରୋନା ସତର୍କ ରହିବା ନିହାତି ଆବଶ୍ୟକ ବୋଲି ଭଵ କଲେଜ ଛାତ୍ରଛାତ୍ରୀଙ୍କୁ ବୁଝାଇଥିଲେ l କଲେଜର ପୂର୍ବତନ ଛାତ୍ର ସଂସଦର ସଭାପତି ତଥା ଯୁବ ବିଜେଡି ନେତା ଭଵଙ୍କ ଏପରି ସଚେତନତା ବାର୍ତ୍ତାକୁ ଛାତ୍ରଛାତ୍ରୀମାନେ ପ୍ରଶଂସା କରିଥିଲେ l ସବୁବେଳେ ଯାଜପୁର ବାସୀଙ୍କ ସୁଖ ଦୁଃଖର ସାଥି ହୋଇ ଭଵ ଛିଡା ହୋଇଛନ୍ତି l

ଯାଜପୁର : ଯାଜପୁର ପ୍ରେସ କ୍ଲବର ନବବର୍ଷ ବନ୍ଧୁ ମିଳନ କାର୍ଯ୍ୟକ୍ରମ ଯାଜପୁର ବରାହ ମନ୍ଦିର ନିକଟସ୍ଥ ବୈତରଣୀ ନଦୀ କୂଳରେ ଅନୁଷ୍ଠିତ ହୋଇଯାଇଅଛି । ଏହି ବନ୍ଧୁମିଳନରେ ମୁଖ୍ୟ ଅତିଥି ଭାବେ ଯାଜପୁର ପୌର ପରିଷଦର ପୂର୍ବତନ ଅଧକ୍ଷ ଭବ ପ୍ରସାଦ ଦାସ ଯୋଗ ଦେଇ ସାମ୍ବାଦିକ ମାନଙ୍କ ସହ କିଛି ସମୟ କଟାଇଥିଲେ । ଯାଜପୁର ବିଧାୟକ ତଥା ବିଜେଡି ସଂଗଠନ  ସମ୍ପାଦକ ପ୍ରଣବ ପ୍ରକାଶ ଦାସ ନୂଆ ଯାଜପୁର ଗଠନ ପାଇଁ ଯେଉଁ ସଂଜଳ୍ପ ନେଇଛନ୍ତି , ସେଥିରେ ସାମ୍ବାଦିକ ମାନଙ୍କର ଭୂମିକା ବହୁ ଗୁରୁତ୍ୱପୂର୍ଣ୍ଣ ବୋଲି ଭବ ପ୍ରସାଦ କହିଥିଲେ । ଏହାସହ ପ୍ରେସକ୍ଲବ ପାଇଁ ଏକ  ଗୃହ ଯୋଗାଇ ଦେବାକୁ ମଧ୍ୟ ଭବ ପ୍ରସାଦ ଗୁରୁତ୍ୱ ଦେଇଥିଲେ। ଏହି ବନ୍ଧୁ ମିଳନ କାର୍ଯ୍ୟକ୍ରମରେ ଅନ୍ୟ ଅତିଥି ଭାବେ ଯାଜପୁର ଥାନାର ଭାରପ୍ରାପ୍ତ ଥାନା ଅଧିକାରୀ ମାନସ  ରଞ୍ଜନ ଚକ୍ର , ଅଧ୍ୟାପକ ବଟକୃଷ୍ଣ ତ୍ରିପାଠୀ , ବରିଷ୍ଠ ସାମ୍ବାଦିକ ଆନନ୍ଦ ସାହୁ , ପ୍ରେସ କ୍ଲବର ସଭାପତି ରାଜୀବ ମହାନ୍ତି ,କାର୍ୟ୍ଯକାରୀ ସଭାପତି ଆଦିତ୍ୟ ମେକାପ ,  ସାଧାରଣ ସମ୍ପାଦକ ଅରୁଣ ରାଉତରାୟ , ଉପସଭାପତି ବିରଜା ପାଣି ଓ ଦିଲ୍ଲୀପ ଦାସ , କୋଷାଦକ୍ଷ ନିରଞ୍ଜନ ପଣ୍ଡା , ସଂଗଠନ ସମ୍ପାଦକ ତପନ ମହାନ୍ତି, ଯୁବ ସାମ୍ବାଦିକ ଚିନ୍ମୟ ମହାପାତ୍ର ପ୍ରମୁଖ  ଯୋଗଦେଇଥିଲେ l