() କଥାରେ ଅଛି ବାର ମାସରେ ତେର ପର୍ବ ସେଥି ମଧ୍ୟରୁ ରଜ ପର୍ବ ଅନ୍ୟତମ। ରଜ ପର୍ବ ହେଉଛି ଆନନ୍ଦ ଓ ଉଲ୍ଲାସର ପର୍ବ, ତେଣୁ ଏହି ଦିନଟିକୁ ପ୍ରତିଟି ଓଡ଼ିଆ ଲୋକ ପାଳନ କରନ୍ତି। ରଜ ପର୍ବ ହେଉଛି ଓଡ଼ିଶାର ଗଣପର୍ବ। ଏହା ରାଜ୍ୟର ଏକ ପାରମ୍ପରିକ ପର୍ବ ହୋଇଥିବା ବେଳେ ଏହାକୁ ଚାରିଦିନ ଧରି ପାଳନ କରାଯାଇଥାଏ। ଏହି ପର୍ବଟି ହେଉଛି ସାଧାରଣତଃ ଝିଅ ଓ ବୋହୂ ମାନଙ୍କ ପର୍ବ। ରଜ ସଂକ୍ରାନ୍ତିର ପୂର୍ବଦିନ ପହିଲି ରଜ, ଦ୍ୱିତୀୟ ଦିନ ରଜ ସଂକ୍ରାନ୍ତି, ତୃତୀୟ ଦିନ ଭୂମିଦାହ ବା ଭୂମି ଦହନ, ଚତୁର୍ଥ ତଥା ଅନ୍ତିମ ଦିନ ବସୁମତୀ ସ୍ନାନ ଭାବେ ପାଳନ ହୁଏ।
ତେବେ ରଜ ପୂର୍ବ ଦିନଟିକୁ ସଜବାଜ ବୋଲି କୁହାଯାଏ। ଏହିଦିନ ଝିଅମାନେ ରଜ ପର୍ବ ପାଇଁ ସଜବାଜ ହୁଅନ୍ତି। ତେଣୁ ରଜ ୩ ଦିନ ଝିଅମାନେ କାମ କରନ୍ତି ନାହିଁ। ଘରେ ଘରେ ନାନାପ୍ରକାର ସୁସ୍ଵାଦୁ ଖାଦ୍ୟ ସହ, ବିଭିନ୍ନ ପ୍ରକାର ପିଠାପଣାର ଆୟୋଜନ କରାଯାଇଥାଏ। ସଜବାଜ ଦିନ ପୋଡ଼ପିଠା ପ୍ରସ୍ତୁତି ହେଉଛି ରଜପର୍ବ ର ବିଶେଷ ଆକର୍ଷଣ। ପହିଲି ରଜଦିନ ସକାଳୁ ସକାଳୁ ଝିଅ ଓ ବୋହୂମାନେ ନିଜର ନିତ୍ୟକର୍ମ ସାରି ନୂତନ ବସ୍ତ୍ର ପରିଧାନ କରିଥାନ୍ତି। ରଜରେ ଦୋଳି ଖେଳ ହେଉଛି ବିଶେଷ ଆକର୍ଷଣ। ଝିଅମାନେ ଦୋଳି ଖେଳିବା ପାଇଁ ସତେ ଯେପରି ଅନେଇ ବସିଥାନ୍ତି । ଏହି ପର୍ବକୁ ବେଶ୍ ଧୁମ୍ ଧାମରେ ପାଳନ କରିବା ଲାଗି ସେଥିପାଇଁ ଗାଁର ପ୍ରତିଟି ଗଛରେ ରଜଦୋଳି ଲଗାଯାଏ। ଝିଅ ବୋହୂମାନେ ମନ ଆନନ୍ଦରେ ଗାଁ ଗାଁ ବୁଲି ଦୋଳି ଖେଳି ରଜପର୍ବର ଆନନ୍ଦ ଉଠାଇଥାନ୍ତି।ଏଥି ସହିତ ରଜ ପାନର ମଧ୍ୟ ଆନନ୍ଦ ଉଠାଇଥାନ୍ତି। ଏହି ପର୍ବ ଆସିଲେ ଉତ୍ସବ ମୁଖର ହୋଇ ଉଠିଥାଏ ଗାଁଠୁ ସହର।
ସେହିପରି ପୃଥିବୀ ମାତା ବର୍ଷାର ଆଗମନରେ ରଜସ୍ୱଳା ହୁଏ ଓ ନୂଆ ଶସ୍ୟ ଜନ୍ମ ହେବାର ସାଙ୍କେତିକ ଭାବ ବହନ କରେ। ଏହି ଦିନରେ ଚାଷୀମାନେ ବସୁମତୀ ତଥା ହଳଲଙ୍ଗଳ ପୂଜନ କରିବା ସହ ଚାଷ କାମରୁ ତିନି ଦିନ ପାଇଁ ବିରତି ନେଇଥାନ୍ତି।ରଜରେ ପୋଡ଼ ପିଠା ଓ ପାନଖିଆ ସହିତ ଝିଅମାନଙ୍କ ରଜ ଦୋଳି ଓ ପୁଚି ଖେଳ ସହ ପୁଅମାନଙ୍କ ଲୁଡୁ, ତାସ୍, ବାଗୁଡ଼ି ଆଦି ଖେଳ ଖେଳି ଏହି ଆନନ୍ଦରର ପର୍ବ ରଜକୁ ପାଳନ କରିଥାନ୍ତି। ଗାଁମାନଙ୍କରେ ଧୁମଧାମରେ ପାଳନ କରାଯାଏ ଏହି ପର୍ବ।
ଦେଶର ରାଜନୀତିରେ ନବୀନଙ୍କୁ ଲମ୍ବା ସମୟର ମୁଖ୍ୟମନ୍ତ୍ରୀ ଓ ଷଷ୍ଠଥର ପାଇଁ ରେକର୍ଡ଼ ସଂଖ୍ୟକ ଆସନରେ ବିଜୟ କରାଇବା ପାଇଁ ବରିଷ୍ଠ ବିଜେଡି ନେତା କାର୍ତ୍ତିକ ପାଣ୍ଡିଆନ ନିର୍ବାଚନର ବର୍ଷେ ପୂର୍ବରୁ ରଣନୀତି ପ୍ରସ୍ତୁତ କରିଥିଲେ l ୬ମାସରୁ ଅଧିକ ସମୟ ପୁରା ଓଡିଶାର କୋଣ ଅନୁକୋଣ ବୁଲି ଲୋକଂକ ମତାମତ ନେବା ଶହ ସେମାନଙ୍କୁ ସମସ୍ୟା ଦୂର କରିଥିଲେ l CMO ଲୋକଙ୍କ ପାଖକୁ ଯାଇ ଲୋକଂକ କଥାରେ ସରକାର ଚଳାଇବା କଥାକୁ ସଭିଙ୍କ ମନରେ ବିଶ୍ୱାସ ଭରିଥିଲେ ପାଣ୍ଡିଆନ l ଏଥିପାଇଁ ତାଙ୍କୁ ବହୁ ସମାଲୋଚନା ହେବାକୁ ପଡ଼ିଥିଲା l ଦଳ ଭିତରେ ବି କେତେକ ନେତା ତାଙ୍କ କାର୍ଯକ୍ରମକୁ ଖୋଲାଖୋଲି ପ୍ରଶ୍ନ କରିବା ସହ କାର୍ତ୍ତିକ ପାଣ୍ଡିଆନଙ୍କୁ ଟାର୍ଗେଟ କରିଥିଲେ l ବେଶ କିଛି ଦିନ ରାଜ୍ୟ ରାଜନୀତିରେ ଏ ପ୍ରସଂଗ ହଟଚମକ୍ ସୃଷ୍ଟି କରିଥିଲା l ତଥାପି ନବୀନଙ୍କୁ ଷଷ୍ଠଥର ମୁଖ୍ୟମନ୍ତ୍ରୀ କରିବାର ସଙ୍କଳ୍ପ ଏହି ସମାଲୋଚନା କିଛି ପ୍ରଭାଵ ପକାଇନଥିଲା l ଶେଷରେ ଅଧିକାଂଶ ଆସନରେ ଉପଯୁକ୍ତ ପ୍ରାର୍ଥୀ ଚୟନ କରି କାର୍ତ୍ତିକ ପାଣ୍ଡିଆନ ନିର୍ବାଚନ ରଣନୀତି ପ୍ରସ୍ତୁତିରେ ଲଗୁପଡ଼ିଥିଲେ l ପ୍ରାର୍ଥୀ ଓ ଦଳର ମଙ୍ଗୁଆଳମାନଙ୍କୁ ନିଜର ରଣନୀତି ଅନୁସାରେ ଦାୟିତ୍ୱ ବଣ୍ଟନ କରି ପ୍ରଚାରରେ ଏକଲାଚାଲୋ ନୀତିକୁ ଆପଣାଇଥିଲେ l
ତାଙ୍କର ଏହି ରଣନୀତି ଆଗରେ ପ୍ରଧାନମନ୍ତ୍ରୀ ମୋଦି,ଅମିତ ଶାହା, ଜେ ପି ନଡ୍ଡା, ହିମନ୍ତ ବିଶ୍ଵଶର୍ମା, ରାଜନାଥ ସିଂହ, ଉତ୍ତର ପ୍ରଦେଶ ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟ ନାଥ, କଂଗ୍ରେସ ଯୁବରାଜ ରାହୁଲ ଗାନ୍ଧି,ମଲ୍ଲିକାର୍ଜୁନ ଖଡଗେ, ସଚିନ ପାଇଲଟଙ୍କ ଭଳି ନେତାଙ୍କ ରଣନୀତି ଓ କ୍ୟାମ୍ପନ ଫେଲ ମାରିଛି l ବିଜେଡିର ୧ ନମ୍ବର ଷ୍ଟାର ପ୍ରଚାରକ ନବୀନ ପଟ୍ଟନାୟକ, ଓ ୨ ନମ୍ବର ଷ୍ଟାର ପ୍ରଚାରକ କାର୍ତ୍ତିକ ପାଣ୍ଡିଆନଙ୍କ ପ୍ରଚାର ସୁପରହିଟ ହୋଇଛି l ଏହାସହ ବିଜେଡିର ମାଇକ୍ରୋ ମେନେଜମେଣ୍ଟରେ ସବୁଥର ପରି ଶତ ପ୍ରତିଶତ ସଫଳ ହୋଇଛି l ଯାହା ବୁଥ ବାହୁଡ଼ା ମତରେ ସ୍ପଷ୍ଟ ପ୍ରମାଣିତ ହୋଇଛି l
ତେଲକୋଇରେ ସେ କହିଲେ ଯେ, ଗୁପ୍ତଗଙ୍ଗା ପାଇଁ ୨.୫୦ କୋଟିଗୁଣ୍ଡିଚା ଘାଇ ପାଇଁ ୨୦ ଲକ୍ଷ, ଆଇ.ଟି.ଆଇ. ବିଲ୍ଡିଙ୍ଗ ପାଇଁ ୬.୫୦ କୋଟି ଦିଆଯାଇଛି । ଜୁଆଙ୍ଗ ସ୍କୁଲକୁ Higher Secondary ସ୍କୁଲରେ ପରିଣତ କରାଯାଇଛି । ତେଲକୋଇ ନିର୍ବାଚନ ମଣ୍ଡଳୀର ୮୦ଟି ରାସ୍ତା ନିର୍ମାଣ ପାଇଁ ୫୭୦ କୋଟି ଟଙ୍କା ଦିଆଯାଇଛି । ସାରା ଓଡ଼ିଶାରେ ଆଭ୍ୟନ୍ତରୀଣ ରାସ୍ତା ପାଇଁ କୌଣସି ନିର୍ବାଚନ ମଣ୍ଡଳୀରେ ଏହା ସର୍ବାଧିକ ଅନୁଦାନ । କାଳିଆ ପଞ୍ଚାୟତ ହାଟ ସମସ୍ୟାର ସମାଧାନ କରାଯିବ । ହାତିମୁଣ୍ଡା ଜଳସେଚନ ପ୍ରକଳ୍ପ କରାଯିବ ଓ ସଲାଇ କେନାଲ ରାସ୍ତାର ମରାମତି ହେବ ବୋଲି ସେ ପ୍ରତିଶ୍ରୁତି ଦେଇଥିଲେ ।ଘଷିପୁରାରେ କହିଲେ ଯେ, ତାରିଣୀ ମନ୍ଦିରର ରୂପାନ୍ତରଣ ପାଇଁ ମୁଖ୍ୟମନ୍ତ୍ରୀ ୫୦ କୋଟି ଟଙ୍କା ଦେଇ କାମ କରୁଛନ୍ତି । ଅନେକ ମଠ, ମନ୍ଦିର, ଚର୍ଚ୍ଚ ଓ କମ୍ୟୁନିଟି ସେଣ୍ଟରର ଉନ୍ନତି କରିଛନ୍ତି । କାର୍ଯ୍ୟକ୍ରମରେ କେନ୍ଦୁଝର ଲୋକସଭା ସାଂସଦ ପ୍ରାର୍ଥୀ ଧନୁର୍ଜୟ ସିଦ୍ଧୁ, ଚମ୍ପୁଆ ବିଧାୟକ ପ୍ରାର୍ଥୀ ସନାତନ ମହାକୁଡ଼, କରଞ୍ଜିଆ ବିଧାୟକ ପ୍ରାର୍ଥୀ ବାସନ୍ତି ହେମ୍ୱ୍ରମ, ପାଟଣା ବିଧାୟକ ପ୍ରାର୍ଥୀ ଜଗନ୍ନାଥ ନାୟକ, ତେଲକୋଇ ବିଧାୟକ ପ୍ରାର୍ଥୀ ମାଧବ ସରଦାର ଓ ଘଷିପୁରା ବିଧାୟକ ପ୍ରାର୍ଥୀ ବଦ୍ରୀନାରାୟଣ ପାତ୍ର ପ୍ରମୁଖ ନିଜ ନିଜ ସପକ୍ଷରେ ଭୋଟ ପ୍ରଚାର କରି ବିଜୁ ଜନତା ଦଳକୁ ଶଙ୍ଖ ଚିହ୍ନରେ ବିପୁଳ ସଂଖ୍ୟାରେ ଭୋଟ ଦେବାକୁ ନିବେଦନ କରିଥିଲେ ।
