() ଜଗତର ନାଥ ଜଗନ୍ନାଥ । କାଳିଆ ଠାକୁର । ସେ ଭାବର ଦିଅଁ। କାଳିଆ ସହ ଭାବ ଥରେ ଲାଗିଗଲେ ଖାଲି ଆନନ୍ଦ ଆଉ ଆନନ୍ଦ । ଏ ଭାବର ସର୍ମ୍ପକକୁ ସଭିଁଏ ଭାଗ୍ୟବାନର ନାଁ ଦିଅନ୍ତି । କାଳିଆ ନିକଟତର ଯେତେ ହେବେ ସେ ବି ସେତିକି ନିକଟତର ହୋଇଯାଏ । ତାର ଚକାଚକା ନୟନକୁ ଚାହିଁଦେଲେ କୋଟିକୋଟି ଲୋକଙ୍କ ପେଟ ପୁରିଯାଏ । କାଳିଆ ଏମିତି ଠାକୁର ଯେ ଭାବକୁ ବୁଝେ , ଅଭାବ ବି ଦୂର କରେ । ହେଲେ ଏସବୁକୁ ପାଇବା ପାଇଁ ଆମକୁ ଶୂନ୍ୟ ହେବାକୁ ପଡ଼ିବ । ଲୋଭ,ମାୟା, ହିଂସା, ରାଗ, କ୍ରୋଧ, ମୋହ, ଏସବୁ ମନରୁ ତ୍ୟାଗ କରି କେବଳ ପ୍ରେମଭାବ ରଖିଲେ ହିଁ କାଳିଆକୁ ପାଇ ପାରିବା ।
ଋଥଯାତ୍ରା ସମୟ । ପ୍ରତ୍ୟେକ ଭକ୍ତର ଇଚ୍ଛା ହୁଏ ମହାପ୍ରଭୁଙ୍କୁ ରଥରେ ଦର୍ଶନ କରିବା ପାଇଁ । ରଥଟାଣିବା ପାଇଁ । ହେଲେ ଗଲା ଦୁଇବର୍ଷ ହେବ ସେ ଭାଗ୍ୟ ମିଳୁନାହି । ଲକ୍ଷଲକ୍ଷ ଜଗନ୍ନାଥ ଭକ୍ତ ଏଥିରୁ ବଂଚିତ ହେଉଛନ୍ତି । ମହାମାରୀ ଭୂତାଣୁ, ଭକ୍ତ ଓ ଭଗବାନଙ୍କ ଭିତରେ ପାଚେରୀ ହୋଇ ଛିଡ଼ା ହୋଇଛି । କେବଳ ସେବାୟତ ଓ କକିଛି ରଥଯାତ୍ରା କାର୍ଯ୍ୟରେ ନିୟୋଜିତ ବିଭିନ୍ନ ବର୍ଗର ହାତ ଗଣତି ସେବକଙ୍କକୁ ନେଇ ରଥଯାତ୍ରା ଅନୁଷ୍ଠିତ ହେଉଛି । ହେଲେ ଭାବ ଓ ପ୍ରେମକୁ ଅଟକାଇ ପାରିନାହିଁ ମହାମାରୀ । ପ୍ରଭୁ ନିଜେ କଟକଣା ଭିତରେ ନିଜର ଯାତ୍ରା କରୁଥିଲେ ମଧ୍ୟ ଭକ୍ତ ବି କଟକଣା ଭିତରେ ରହି ଆନନ୍ଦରରେ ଟିଭି ପରଦାରେ ମହାପ୍ରଭୁ ଙ୍କୁ ଦର୍ଶନ କରି ନିଜର ଭାବ ପ୍ରଦାନ କରୁଛନ୍ତି । ଭକ୍ତ ଓ ଭଗବାନଙ୍କ ମନରେ କଷ୍ଟ ଅଛି । ହେଲେ ଭାବ କିନ୍ତୁ କମିନାହିଁ । ମହାପ୍ରଭୁ ଏହି ଯାତ୍ରାରେ ହୁଏତ ୨ବର୍ଷ ହେବ ଗୋଟିଏ ବାର୍ତ୍ତା ଦେଉଛନ୍ତି ହେ ମାନବ ସମାଜ ତମେ ଶୃଙ୍ଖଳିତ ହୁଏ , ନିଜର ସୀମା ଭିତରେ ରୁହ । ନିଜ କତ୍ତବ୍ୟ ବୁଝ, ସମାଜ ପ୍ରତି ନିଜର ଦାୟିତ୍ୱ ବି ବୁଝ । ନିଜ ପାଇଁ ବଂଚିବା ସହ ଅନ୍ୟପାଇଁ ବଂଚିବାକୁ ଚେଷ୍ଟା କର । ଭଲ କାମ କର । ନିଜର ଜନ୍ମ ଯେଉଁଥି ପାଇଁ ତାହାକୁ ସାର୍ଥକ କର । ଯିଏ ବି ଯେଉଁଠି ମହାପ୍ରଭୁ ଙ୍କୁ ଭାବର ସହ ଡ଼ାକିଛି ମହାପ୍ରଭୁ ତାକୁ ନିଜର ପାଖକୁ କୋଳେଇ ନେଇଛନ୍ତି । ବାହୁଡ଼ା ଯାତ୍ରା ଅବସରରେ ମହାପ୍ରଭୁ ଙ୍କ ପାଖରେ ଏମିତି ପ୍ରାର୍ଥନା । ଆପଣ ଏ ମହାମାରୀଙ୍କୁ ଦୁୂରୋଇ ଦିଅ । ପୁଣି ଆପଣଙ୍କ ଏହି ଦିବ୍ୟନୀଳାକୁ ଦେଖିବାର ଭାଗ୍ୟ ସଭିଙ୍କର ହେଉ । ଏମିତି ମହାପ୍ରଭୁ ଆପଣଙ୍କ ନିକଟରେ ପ୍ରାର୍ଥନା । ..ଜୟ ଜଗନ୍ନାଥ .
ଗରିବଙ୍କ ବେଦନା ସେ ସହିପାରନ୍ତିନି । ସବୁବେଳେ ବିଜେଡ଼ି ସଂଗଠନ ସମ୍ପାଦକ ତଥା ଯାଜପୁର ବିଧାୟକ ପ୍ରଣବ ପ୍ରକାଶ ଦାସ (ବବି)ଙ୍କ ପରି ନିଃସ୍ୱାର୍ଥପର ଭାବେ ଯାଜପୁରବାସୀଙ୍କ ସେବା କରିବାରେ ସେ ବି ଆଗଭର । ସକାଳ ୬ଟାରୁ ସେ ଅଭିଯୋଗ ପ୍ରକୋଷ୍ଠରେ ବସି ବିଭିନ୍ନ ଲୋକଙ୍କ ସମସ୍ୟା ବୁଝନ୍ତି । ଅଭିଯୋଗ ପ୍ରକୋଷ୍ଠକୁ ଆସି ଯେମିତି କୌଣସି ସାଧାରଣ ଲୋକ ହଇରାଣ ନହୁଏ ଓ ଘଣ୍ଟା ଘଣ୍ଟା ଧରି ଛିଡ଼ା ନହେବ ସେଥିପ୍ରତି ସେ ବିଶେଷ ଦୃଷ୍ଟି ଦିଅନ୍ତି । 
ନିଜେ ଅଭିଯୋଗ ପ୍ରକୋଷ୍ଠରେ ଅଭିଯୋଗ ନେଇ ଆସିଥିବା ପ୍ରତି ବ୍ୟକ୍ତିଙ୍କ ସହ ଆଲୋଚନା କରି ସେମାନଙ୍କ ସମସ୍ୟା ବୁଝି ସମାଧାନ କରିବା ପାଇଁ ଅଣ୍ଟା ଭିଡ଼ନ୍ତି । ତୁରନ୍ତ ଲୋକଙ୍କ ସମସ୍ୟା ଦୂର କରିବା ପାଇଁ ବିଧାୟକଙ୍କ ନିର୍ଦ୍ଦେଶରେ ଏକ ବଡ଼ ଟିମ ବି ସେ ଗଠନ କରିଛନ୍ତି କେବଳ ଲୋକଙ୍କ ସମସ୍ୟା ଦୂର କରିବା ପାଇଁ ।
ଏହାସହ ଲୋକଙ୍କ ଦାବି କଣ ରହିଛି ଓ କଣ ନୂଆ କରିହେବ ସେ ଆଲୋଚନା କରନ୍ତି ସେ । ବିଧାୟକ ପ୍ରଣବ ବି ପ୍ରତିନିଧି ଭବ ଯେଉଁ ପ୍ରସ୍ତାବ ଦିଅନ୍ତି ଓ ଲୋକଙ୍କ ଦାବିକୁ ଅଧିକ ଫୋକସ କରି ଯୁଦ୍ଧକାଳୀନ ଭିତ୍ତିରେ ସବୁ ସମସ୍ୟା ଦୂର କରନ୍ତି । ବ୍ୟସ୍ତ ରାଜନୈତିକ କାର୍ଯ୍ୟକ୍ରମ ଭିତରେ ସପ୍ତାହରେ ୫ଦିନ ପ୍ରଣବ ଯାଜପୁର ଗସ୍ତ କରି ନେତାଙ୍କୁ ଯେଉଁ ଦାୟିତ୍ୱ ଦେଇଥାଆନ୍ତି ତାହାର ତଦାରଖ କରିବା ସହ କାମ କରିନଥିବା ନେତା ଓ ଅଧିକାରୀଙ୍କୁ ବି ତାଗିତ କରନ୍ତି । ଯାଜପୁର ପାଇଁ ବିଧାୟକ ପ୍ରଣବ ପ୍ରକାଶ ଦାସ ଯେଉଁ ସ୍ୱପ୍ନ ଦେଖିଛନ୍ତି ତାହାକୁ ଗ୍ରାଉଣ୍ଡରେ ବାସ୍ତବ ରୂପ ଦିଅନ୍ତି ଭବ ।
