() କୋଭିଡ଼ ସକ୍ରମଣ କୁ ଦୃଷ୍ଟିରେ ରଖି ମୁଖ୍ୟମନ୍ତ୍ରୀ ଶ୍ରୀ ନବୀନ ପଟ୍ଟନାୟକ ଆସନ୍ତା କାଲି ତାଙ୍କ ଜନ୍ମ ଦିନ ପାଳନ କରିବେ ନାହିଁ। ।ମୁଖ୍ୟମନ୍ତ୍ରୀ କହିଛନ୍ତି ଯେ ଓଡିଶା ବାସୀ ଙ୍କ ଭଲ ପାଇବା ,ଶୁଭେଚ୍ଛା ଓ ଆଶୀର୍ବାଦ ନିମନ୍ତେ ସେ ସବୁବେଳେ ଋଣୀ ।କୋଭିଡ଼ ଯୋଗୁଁ ଗତ ଦେଢ ବର୍ଷ ହେଲା ଆମେ ସମସ୍ତେ କଠିନ ସମୟ ଦେଇ ଗତି କରୁଛୁ।
ତେଣୁ ଆଗାମୀ କାଲି ନବୀନ ନିବାସ ନ ଆସି କୋଭିଡ଼ ରେ ମୃତ୍ୟୁ ବରଣ କରିଥିବା ଲୋକଙ୍କ ପରିବାର କୁ ସାହାଯ୍ୟ କରିବା ଏବଂ,ରକ୍ତ ଦାନ ଭଳି ମହତ୍ କାର୍ଯରେ ସମସ୍ତେ ସାମିଲ ହେଲେ ତାହା ତାଙ୍କ ପାଇଁ ସବୁଠାରୁ ବଡ ଶୁଭେଚ୍ଛା ହେବ ବୋଲି ପାଇଁ ମୁଖ୍ୟମନ୍ତ୍ରୀ କହିଛନ୍ତି ।
()ଦେବା ,ନେବା ଓ ଆନନ୍ଦ । ତାହାରି ଭିତରେ ପୁଣି ଆଶା ଓ ଭରଷା । ସବୁର ଯେମିତି ସଂଯୋଗ ରହିଛି ଏହି ପୂଜା ସହିତ । ମା ଧରାବତରଣ କରିଛନ୍ତି । ମା ସଭିଁଙ୍କ କଥା ବୁଝେ । ସଭିଁଏ ଖୁସିରେ ରହିବେ , ସଭିଁଙ୍କ ଦୁଃଖ ଦୂର ହେବ । ପାର୍ବଣ ସମୟ ତ ଏମିତି । ପ୍ରତିବର୍ଷ ପରି ଏବର୍ଷ ବି ପୂଜା ସମୟରେ ସଭିଁଙ୍କ ମନରେ ଖେଳିଯାଇଛି ଏମିତି କିଛି ଭାବନା । କିଛି ନୂଆ ନଥିଲେ ବି ସବୁ ନୂଆନୂଆ ଲାଗେ । ସବୁଠି କଟକଣା, ପୂଜାରେ ପାଇଁ ମଧ୍ଯ ଜାରି ହେଇଛି କଟକଣା । ମାଙ୍କ ମୂର୍ତ୍ତି ର ଉଚ୍ଚତା ସିନା କମାଯାଇଛି, ହେଲେ ମା ତ ତାହାର ଭଲ ପାଇବା ସେହିପରି ଉଚ୍ଚ ରଖିଛି ସଭିଁଙ୍କ ପାଇଁ । ପରିସ୍ଥିତି ଓ ସମୟ ଅନୁସାରେ କିଛିଟା ପରିବତ୍ତର୍ନ ଗ୍ରହଣ କରିଦେଲେ ଛୋଟ ଓ ବଡ଼ ଭିତରେ କିଛି ବି ଫରକ ପଡ଼େନି । କେବଳ ଏହା ଏକ ଭାବନା । ମନରେ ଭକ୍ତି ଥିଲେ ଭାବନା ଆପେଆପେ ଆସିଯାଏ ।
ହଠାତ ମଧ୍ୟାହ୍ନରେ ଅଧା ଡ଼ିୟୁଟି ସମୟରେ ରାକେଶକୁ ଅଫିସ କ୍ୟାଟିନରେ ବଡ଼ବାବୁ ପଚାରିଲେ ଆରେ ରାକେଶ ତମେ ଛୁଟି କଣ ନେବ ।ଏଥର ପୂଜାରେ ବୋନସ ହେବ କି ନହେବ ଠିକ ନାହିଁ । ସାର ତ ନାହାନ୍ତି , ବୋନସ ବୋଧେ ଏଥର ହୋଇନପାରେ । ତେଣୁ କାହିକିଁ ଛୁଟି ନେବ, ଗାଁକୁ ଯାଇ କାହିକିଁ ଅଯଥାରେ ପଇସା ଖର୍ଚ୍ଚ କରିବ । ଏମିତି ତ ଏଥର ପୂଜାର ମାହୋଲ ସେତେଟା ନାହିଁ । ସବୁଠି ତ କଟକଣା । ପୂଜା ମଣ୍ଡପ ବି ବୁଲିପାରିବ ନାହିଁ । ଆଉ ବାକି ରହିଲା କଟକ ଓ ଭୁବନେଶ୍ବର କଥା । ଏବେ ତ ଦେଖୁଛ ପୁଣି କରୋନା ସଂକ୍ରମଣ କେମିତି ପୁଣି ବଢିଚାଲିଲାଣି । ଏସବୁ ଦେଖି ମୁଁ ଭାବୁଛି ତମେ ଆଉ ଛୁଟି ନେବ ନାହିଁ । ଅଫିସର ବଡ ସାରଙ୍କ ଠାରୁ ଏକଥା ଶୁଣି ହସହସ ମୁହଁରେ ରାକେଶ କହିଲା, ବଡ଼ବାବୁ ଆପଣଙ୍କ ମନରେ ସିନା ଏମିତି ଭାବନା ଆସୁଛି , ହେଲେ ମୋ ମନରେ ତ ସବୁ ବର୍ଷର ପୂଜା ମାହୋଲ ମୋ ମନକୁ ଅଧିକ ଉତ୍ସାହିତ କରିଛି ଛୁଟିରେ ଯିବା ପାଇଁ । କାରଣ ପୂଜାକୁ ନେଇ ମୋ ମନରେ ଯେମିତି ଭାବନା ପୂର୍ବରୁ ଥିଲା, ଏବେ ବି ଅଛି । ତେଣୁ ବୋନସ ମିଳୁ କି ନମିଳୁ । ପୂଜା ବୁଲା ହେଉ କି ନହେଉ । ଗାଁକୁ ଗଲେ ତ ଏବର୍ଷ ମାଙ୍କ ମୃଣ୍ମୟୀ ରୂପର ଦର୍ଶନ କରିବି, ମା ଦଶଭୂଜା ରୀତିନୀତିରେ ନିଜକୁ ସାମିଲ କରିବି । ଆଉ ନିଜର ମନର ଭାବନା ତ ଜଣାଇବି । ଅଷ୍ଟମୀ ଉପବାସରେ କରିବି , ତୃପ୍ତି ପାଇବି , ମନ ତ ଶାନ୍ତି ରହିବ । କିଏ ଜାଣେ ଆର ବର୍ଷ ବଂଚିଥିବି କି ନାହିଁ ବଡ଼ବାବୁ । ବୋନସ କଣ ଏସବୁ ଶାନ୍ତି ଦେବ , ନାଁ ପୂଜା ବକ୍ସିସ ରେ ଏସବୁ ଶାନ୍ତି ଥାଏ । ଏ ତ ସବୁ କେବଳ ଗୋଟେ ମାୟା । ହେଲେ ମାଙ୍କ ଭଲ ପାଇବା ଆଗରେ ଏସବୁ ମାୟା ତୁଚ୍ଛ । ପାପ ନାସନ ପାଇଁ ମା ଧରାଅବତରଣ କରୁଛନ୍ତି । ମା କହୁଛନ୍ତି ଯାହା ହେବାର ଘଟିବାର ଥିବ ତାହା ଘଟିବ, ଯାହା ପାଇବାର ଥିବ ତାହା ମିଳିବ । ଏଥର ହୁଏତ ପୂଜା ବୋନସ ମତେ ମିଳିବ ନାହିଁ । କିଏ ଜାଣେ କେଉଁ ବାଟରେ ଏଥର ପୂଜାରେ ଯଦି ମା ଜୀବନ ସାରା ମତେ ବୋନସ ଦେବାର ସେମିତି କିଛି ବ୍ୟବସ୍ଥା କରିନଥିବେ । ସେ ତ ମାୟାବି । ତାକୁ ସବୁ ଜଣା । ତେଣୁ ବୋନସ ପାଇଁ ଯେ ମୁଁ ଛୁଟିରେ ଗାଁକୁ ଯିବି ନାହିଁ ଏକଥା ବଡ଼ବାବୁ ଆପଣ କାହିକିଁ ଭାବୁଛନ୍ତି । ଏମିତି କଥା ବାର୍ତ୍ତା ସମୟରେ କ୍ୟାଟିନରେ ଖାଇପିଇ ରାକେଶ ଓ ବଡ଼ବାବୁ ଅଫିସ ଆସିଲେ । ଆଉ ଠିକ ଏମିତି ବେଳେ ଅଫିସର ବଡ଼ସାର କିଛି ସମୟ ପରେ କହିଲେ ରାକେଶ , ତମ କଥା ମାଆ ଶୁଣିଲେ । ତମକୁ ଆଉ ବୋନସ କଣ ଦରକାର । ତମେ ତ ଗାଁକୁ ଯିବାକୁ ଆଉ କାହାକୁ ବସ ଟାଇମ ପଚାରିବାକୁ ପଡ଼ିବନି । ନିଜେ କାରରେ ଯିବ । ବଡ଼ବାବୁଙ୍କ ଏସବୁ କଥାକୁ କିଛି ବୁଝି ପାରୁନଥାଏ ରାକେଶ । ଆଉ ଠିକ ଏମିତି ବେଳେ ବଡ଼ବାବୁ ମାନସଙ୍କୁ ଧରାଇେଦେଲ ଏକ ପତ୍ର । ଯେଉଁଥୀରେ ଲେଖାଯାଇଛି ଏଥର ତମେ ଅଫିସର ବେଷ୍ଟ କର୍ମଚାରୀ । ତେଣୁ ଏମତି ଖୁସି ହୋଇ ତମକୁ ଏକ କାର ଉପହାର ଦେଇଛନ୍ତି । ଏହା ପଢିସାରି ରାକେଶ କହିଲା, ସାର ମୁଁ ଚାଲିଛି ଛୁଟିରେ ….ବୋା ଦେେେେେେେେେେେେ
{} ଭୁବନେଶ୍ୱରରେ ପ୍ରତେକ ଦିନ 200 ରୁ 300 ଭିତରେ ସଂକ୍ରମଣ ରହିଆସୁଛି । ଏମିତି କି କିଛି ମାତ୍ରାରେ ଆର ଭ୍ୟାଲୁ ବଢିଛି। ହେଲେ ହସ୍ପିଟାଲ ଆଡ଼ମିଶନ ଗୁରୁତର ରୋଗୀ ସଂଖ୍ୟା କମିଛି। ଏହାସହ ଭେଣ୍ଟିଲେଟରରେ ଆଡ଼ମିଟ ସଂଖ୍ୟା 10 ପ୍ରତିଶତରୁ କମ୍ ଅଛି । ଆସିୟୁରେ ଛୋଟ ପିଲା ଆଡ଼ମିଶନ ସଂଖ୍ୟା ୧ ପ୍ରତିଶତରୁ କମ୍ ଅଛି । ତେଣୁ ଆମେ ଏବେ ଭଲ ସ୍ଥିତିରେ ଅଛନ୍ତି। ରାଜ୍ୟରେ 3 ମାସ ହେଲାଣି ଦେଖା ଯାଉଛି ସଂକ୍ରମଣ ତଳ ଉପର ହେଉଛି। ଏଭଳି ସ୍ଥିତିରେ କିଭଳି ଟ୍ରାନ୍ସମିଶନ କୁ କମାଯାଇ ପାରିବ ତାହା ହିଁ ଗୁରୁତ୍ୱପୂର୍ଣ୍ଣ । ପାର୍ବଣ ପାଇଁ କିଛି ଦିନ ହେଲା ଭିଡ଼ ଲାଗି ରହିଛି ଯାହାକି ବହୁତ ଉଦ୍ବେଗଜନକ । ତେବେ ବର୍ତ୍ତମାନ ସମୟରେ 100 ରୁ 80 ଜଣ ଲକ୍ଷଣ ବିହୀନ ବୋଲି ସ୍ୱାସ୍ଥ୍ୟ ନିର୍ଦ୍ଦେଶକ ବିଜୟ ମହାପାତ୍ର କହଛନ୍ତି l ସେପଟେ କୋଭିଡ ସମୟରେ ପାର୍ବଣ ଆଉ ଜୀବନ ଭିତରେ ଯୁଦ୍ଧ ଚାଲିଛି । ଆମେ କେତେ ଦୂର ନିଜକୁ ସୁରକ୍ଷା ଦେବା ଆଉ କେତେ ଦୂର ପାର୍ବଣ ଖୁସି ମଜଲିସିରେ ପାଳିବା ତାହା ଆମ ଉପରେ ନିର୍ଭର କରେ । ଗତକାଲି ହାଟ ଓ ବଜାର ଗୁଡିକରୁ ଯାହା ଚିତ୍ର ଆସିଛି ତାହା ଅନୁଶୀଳନ କରିବାର ଆବଶ୍ୟକ ରହିଛି । ଯଦି ଏମିତି ଭିଡ଼ ଲାଗି ରୁହେ ତେବେ ଆମେ କେତେ ଦୂର ସଂକ୍ରମଣ ରୋକିବାରେ ସଫଳ ହେବା ତାହା ପ୍ରଶ୍ନବାଚୀ । ଆମେ ଅନୁରୋଧ କରୁଛୁ ଲୋକମାନେ କୋଭିଡ ଗାଇଡ଼ ଲାଇନ ସଠିକ ଭାବେ ପାଳନ କରନ୍ତୁ । ପାର୍ବଣ ଆସନ୍ତା ବର୍ଷ ବି ଆସିବ ମାତ୍ର ଜୀବନ ପ୍ରଥମେ ରହୁ ବୋଲି ଡ଼ିଏମଇଟି ସିବିକେ ମହାନ୍ତି କହିଛନ୍ତି l
,()ଦେଶର ୫୧ଟି ଶକ୍ତିପୀଠ ମଧ୍ୟରୁ ଆଦ୍ୟଶକ୍ତି ପୀଠ ହେଉଛି ବିରଜାକ୍ଷେତ୍ର । ଏହାକୁ ନାଭିକ୍ଷେତ୍ର , ଶକ୍ତିକ୍ଷେତ୍ର ମଧ୍ୟ କୁହାଯାଏ । ମା ବିରାଜା ହେଉଛନ୍ତି ଯାଜପୁର ଅଧିଷ୍ଠାତ୍ରୀ ଦେବୀ । ମାଙ୍କ ମହିମା କାହିଁ କେଉଁ କାଳରୁ ବର୍ଣ୍ଣିତ । ପୁରାଣ ଠାରୁ କିମ୍ବଦନ୍ତି ପର୍ଯ୍ୟନ୍ତ ମାଆଙ୍କ ବିଷୟରେ ବହୁ କଥା ଉଲ୍ଲେଖ କରାଯାଇଛି । ଯେହେତୁ ଶକ୍ତି ପୀଠର ଆଦ୍ୟଦେବୀ ଭାବେ ମା ପୂଜା ପାଆନ୍ତି ,ତେଣୁ ମାଆଙ୍କ ପୂଜା ରୀତିନୀତି, ସଂସ୍କୃତି ଓ ପରମ୍ପରା ପୁରା ଭିନ୍ନ । ଯାହାକି ପୁରା ବିଶ୍ୱରେ ଅନନ୍ୟ । ମାଙ୍କ ଆର୍ବିଭାବ ଠାରୁ ଆରମ୍ଭ କରି ସ୍ୱତନ୍ତ୍ର ପୂଜାଅର୍ଜନା ଓ ରଥଯାତ୍ରା ପୁରା ବିଶ୍ୱରେ ବିରଳ । ପୁରାଣ ଅନୁସାରେ ପାପମୁକ୍ତ ହେବା ପାଇଁ ବ୍ରହ୍ମା ବୈତରଣୀ ନଦୀ କୂଳରେ ଯଜ୍ଞ କରିଥିଲେ । ଏହି ଯଜ୍ଞକୁଣ୍ଡରୁ ଆର୍ବିଭାବ ହୋଇଥିଲେ ମା ବିରଜା । ବ୍ରହ୍ମଙ୍କ ପ୍ରାର୍ଥନାରେ ସନ୍ତୁଷ୍ଟ ହୋଇ ମା ଆର୍ବିଭାବ ହୋଇଥିଲେ ।
ମାଙ୍କ ଶାରଦୀୟ ପୂଜା…
ବିରଜା କ୍ଷେତ୍ର ଶକ୍ତି ପୀଠ ମଧ୍ୟରେ ଅନ୍ୟତମ । ଏହି ପୀଠରେ ୧୨ ମାସ ରେ ୧୩ ପର୍ବ ଅନୁଷ୍ଠିତ ହୁଏ । ଶାରଦୀୟ ପୂଜା ସମୟ ସବୁ ପୂଜା ଠାରୁ ଅନନ୍ୟ । କାରଣ ୧୬ ଜଣ ବ୍ରାହ୍ମଣ, ୧୬ ଦିନ ଧରି ୧୬ କଳସ ସ୍ଥାପନ କରି ୧୬ଶହ ଉପଚାରରେ ମାଙ୍କ ଯଥା ରୀତିନୀତିରେ ପୂଜା କରନ୍ତି । ଆଉ ତାହା ଠାରୁ ବିରଳ ହେଉଛି ମା ବିରଜଙ୍କ ରଥଯାତ୍ରା ଓ ଲାଖବିନ୍ଧା ପଡ଼ିଆକୁ ମାଙ୍କ ଯାତ୍ରା । ଯାହାକି ରାଜକୀୟ ପରାମ୍ପରା ସ୍ପଷ୍ଟ ଚିତ୍ର ଦେଖିବାକୁ ମିଳେ ।ମହା ନବମୀର ନିଶାଦ୍ଧ ରାତିରେ ଦେବୀଙ୍କ ବିଜେ ପ୍ରତିମା ରଥରୁ ଅବତରଣ କରି ଲାଖବିନ୍ଧା ପଡ଼ିଆକୁ ମହା ସମାରୋହରେ ଯାଆନ୍ତି । ବ୍ରାହ୍ମଣଦେବୀଙ୍କ ହାତରେ ଧନୁ ଶରଣ ଅର୍ପଣ କରି ଦେବୀ ପ୍ରତିନିଧି ରୂପେ ଚାରି ଦିଗକୁ ୪ଟି ଶର ମରାଯାଏ । ଏହାକି ସଂପୂର୍ଣ୍ଣ ରାଜକୀୟ । ରାଜାମାନେ ଚାରି ଦିଗରେ ଯାଇ ବିଜୟ ହାସଲ କରିବା ଲାଗି ଏହି ପରମ୍ପରା ପଥ ପରିଷ୍କାର ହୁଏ ।
ବିରଜାଙ୍କ ସିଂହଧ୍ୱଜ ରଥ …
ମା ବିରଜାଙ୍କ ବିଶ୍ୱର ଏକମାତ୍ର ଶକ୍ତିପୀଠ ଯେଉଁଠାରେ ଦେବୀଙ୍କର ରଥଯାତ୍ରା ହୁଏ । ୯ଦିନ ଧରି ଭକ୍ତମାନଙ୍କୁ ଦର୍ଶନ ଦେବା ପାଇଁ ମାଙ୍କ ବିଜେ ପ୍ରତିମା ରଥାକୁଢ ରୁହନ୍ତି। ପୁରାଣ କଥା ଅନୁସାରେ ଜଗନ୍ନାଙ୍କ ରାଥଯାତ୍ରା ବହୁ ପୂର୍ବରୁ ମା ବିରଜାଙ୍କ ରଥଯାତ୍ରା ଅନୁଷ୍ଠିତ ହେଉଛି । ପ୍ରତିବର୍ଷ ପ୍ରତିପଦ ଠାରୁ ୯ଦିନ ବ୍ୟାପୀ ସିଂହଧ୍ଵଜ ରଥରେ ମା ବିରଜା ବିଜୟମାନ ହୋଇ ବଷଢାକୁ ପରିକ୍ରମା କରନ୍ତି । ସମାଜରୁ ପାପ ହରଣ କରିବା ପାଇଁ ମାଙ୍କର ଏହି ରଥଯାତ୍ରା ହୋଇଥାଏ ।
ମା ବିରଜାଙ୍କ ରଥ ନାଁ ହେଉଛି ସିଂହଧ୍ୱଜ ରଥ । ରଥର ଉଚ୍ଚତା ୫୫ଫୁଟ, ପ୍ରସ୍ଥ ୧୭ଫୁଟ ୩ ଇଞ୍ଚ,ରାଥର ଦୈର୍ଘ୍ୟ ୨୧ ଫୁଟ ୩ଇଞ୍ଚ, ରଥରେ ୧୩ଟି ଥାକ ରହିଛି । ମାଙ୍କ ରଥରେ ମୋଟ ୮୯୮ ଖଣ୍ଡ କାଠ ଲାଗିଚି । ଏଥିରେ ସାରଥି ହେଉଛନ୍ତି ସ୍ୱଂୟ ବ୍ରହ୍ମା । ରଥ ପାଶ୍ୱର୍ରେ ନବ ଗ୍ରହ ବିରାଜମାନ । ସେହିପରି ରଥକୁ ସୁରକ୍ଷା ଦିଅନ୍ତି ମହାମାୟୀ ଓ ରଥର ଶକ୍ତି ହେଉଛନ୍ତି ବ୍ରହ୍ମଚାରିଣୀ । ରଥର ଆବରଣ କୃଷ୍ଣ-ଲୋହିତ ଓ ସ୍ୱତ । ରଥ ଉପର ପତକାରେ ସିଂହ ଚିହ୍ନଥାଏ । ରଥରେ ୨ଟି ଦୌଡ଼ି ଲାଗିଥାଏ । ଦୁଇଟି ଦୌଡ଼ିର ନାଁ ସ୍ୱର୍ଣ୍ଣଚୁନ ଓ ଶଙ୍କଚୂନ । ବିଶ୍ୱାସ ରହିଛି ନଅ ଦିନ ହେଉଥିବା ରଥଯାତ୍ରରେ ମାଙ୍କୁ ଦର୍ଶନ କଲେ ବହୁପୂନ୍ୟ ମିଳିଥାଏ ।
ମା ବିରଜା ଦୁର୍ଗା ରୂପରେ ପୂଜା ପାଆନ୍ତି । ମାଙ୍କ ମୂର୍ତ୍ତି ରେ ସିଂଙ୍ଘ ନଥିଲେ ମଧ୍ୟ ତାଙ୍କୁ ସିଂହବାହିନୀ ଦୁର୍ଗାରୂପେ ପୂଜା କରାଯାଏ ।
ଶାରଦୀୟ ପୂଜା ଅବସରରେ ମା ବିରଜାଙ୍କୁ ଦର୍ଶନ କରି କୋଟିପୂର୍ଣ୍ଣ ଲାଭ କରିବାକୁ ଭକ୍ତଙ୍କ ଭିଡ଼ ଜମେ ଏହି ସମୟରେ । ତେବେ କରୋନା କଟକଣା ଯୋଗୁଁ ଏଥର ବିନା ଭକ୍ତରେ ମାଙ୍କର ୯ଦିନ ରଥଯାତ୍ରା ଅନୁଷ୍ଠିତ ହେଉଛି ।
{} ପ୍ରତିବର୍ଷ ଶୀତ ଋତୁ ଆରମ୍ଭରୁ ପିଲା ମାନଙ୍କ ଦେହରେ ଭାଇରାଲ ଫିଭର ହୋଇଥାଏ । ଯେହେତୁ କିଛି ଦିନ ପୂର୍ବରୁ ବର୍ଷା ହେଉଥିଲା ଫଳରେ ଏବେ ଅଧିକା ଥଣ୍ଡା ଜ୍ଵର ହେଉଛି।ହେଲେ ସବୁ ଥଣ୍ଡା ଜ୍ଵର କରୋନା ନୁହେଁ। ହେଲେ ଏହି ସମୟରେ ଶିଶୁଙ୍କ ଅଧିକ ଯନ୍ତ ନେବାର ଆବଶ୍ୟକତା ରହିଛି । ଏହାସହ ତୃତୀୟ ଲହରକୁ ନେଇ ଏଯାଏଁ କୌଣସି ସ୍ପଷ୍ଟ ଚିତ୍ର ଆସି ନଥିବାରୁ ଏହାକୁ ଆମେ ତୃତୀୟ ଲହର କହିବା ଠିକ୍ ହେବନି । ପରିବାରର ମୁଖ୍ୟ ମାନେ ଅନେକ ସମୟରେ ବାହାରକୁ ଆସୁଛନ୍ତି।କିନ୍ତୁ କରୋନା କଟକଣା ପାଳନ କରୁ ନାହାନ୍ତି। ଫଳରେ ଏହା ଶିଶୁଙ୍କୁ ସଂକ୍ରମିତ କରୁଛି। ତେଣୁ ପାର୍ବଣ ସମୟରେ ସମସ୍ତଙ୍କୁ ଅନୁରୋଧ ଭିଡ଼ କୁ ଯାଆନ୍ତୁ ନାହିଁ । ନିଜେ ସୁରକ୍ଷିତ ରହିବା ସହ ଅନ୍ୟକୁ ମଧ୍ୟ ସୁରକ୍ଷିତ ରଖନ୍ତୁ। ସତର୍କ ରହିଲେ କରୋନାକୁ ଦୂରେଇ ଦେଇହେବ ବୋଲି ଡିଏମଇଟି
ସିବିକେ ମହାନ୍ତି କହିଛନ୍ତି l
{} ରାଜଧାନୀରେ ବଢୁଥିବ ସଂକ୍ରମଣକୁ ନେଇ ଚିନ୍ତା ପ୍ରକଟ କଲା ସ୍ୱାସ୍ଥ୍ୟ ବିଭାଗ । ରାଜ୍ୟରେ ଚିହ୍ନଟ ହେଉଥିବା ଦୈନିକ ସଂକ୍ରମଣର 40 ପ୍ରତିଶତ କେବଳ ଭୁବନେଶ୍ୱରରୁ ଆସୁଥିବା କହିଲେ ସ୍ୱାସ୍ଥ୍ୟ ନିର୍ଦେଶକ । ପାର୍ବଣ ସମୟରେ ଗହଳି ନ କରିବା ପାଇଁ ଆମେ ଲୋକ ମାନଙ୍କୁ ସଚେତନ କରାଇବା ସତେ ହାଟ ଓ ବଜାରରେ ପ୍ରବଳ ଭିଡ ଦେଖିବାକୁ ମିଳୁଛି । ଏହା ଦ୍ୱାରା ପୁଣି ଥରେ ସଂକ୍ରମଣ ବଢିବାର ସମ୍ଭାବନା ଦେଖା ଯାଉଛି । ଗତକାଲି ଭୁବନେଶ୍ୱରରେ ସଂକ୍ରମଣ ଉପର ମୁହାଁ ହୋଇଥିବାର ନଜିର ସାମ୍ନାକୁ ଆସିଛି । ମାତ୍ର ଏପରି ସ୍ଥିତିରେ ଲୋକମାନେ ସଚେତନ ହେଉ ନଥିବାରୁ ଆମେ କମିଶନରେଟ ପୋଲିସକୁ କଟକଣା ବଢ଼ାଇବା ପାଇଁ କୁହାଯାଇଛି । କିପରି ଲୋକମାନେ ବାହାରେ ଗହଳି ନ କରିବେ, ଭିଡ଼ କୁ ରୋକି ହେବ ସେ ନେଇ ପ୍ଲାନ କରିବାକୁ ଆମେ ନିର୍ଦେଶ ଦେଇଛୁ । ଏହା ବାଦ ଆମେ ଲୋକମାନେ ସ୍ୱାସ୍ଥ୍ୟ ବିଭାଗ ପକ୍ଷରୁ ନିବେଦନ କରୁଛୁ ସମସ୍ତେ ସଚେତନ ହୁଅନ୍ତୁ । ବାହାରେ ଅଯଥା ଗହଳି କରନ୍ତୁ ନାହିଁ ବୋଲି ସ୍ୱାସ୍ଥ୍ୟ ନିର୍ଦେଶକ ବିଜୟ ମହାପାତ୍ର କହିଛନ୍ତି l
{} କୋଭିଡ କାରଣରୁ ରାଜ୍ୟରେ ମାନସିକ ଅବସାଦ ରୋଗୀଙ୍କ ସଂଖ୍ୟା ବହୁ ପରିମାଣରେ ବଢିଛି । କିପରି ଏହାର ସମାଧାନ ହୋଇ ପାରିବ ସେଥିପାଇଁ ବିଭିନ୍ନ ବ୍ୟବସ୍ଥା କରାଯାଇଛି । ସବୁ ଜିଲ୍ଲାର ମାନସିକ ୟୁନିଟ ଗୁଡିକ ମାଧ୍ୟମରେ ମୋବାଇଲ ମେଣ୍ଟାଲ ହେଲ୍ଥ ୟୁନିଟ କରିଛୁ । ସେମାନେ ସଙ୍ଗରୋଧ କେନ୍ଦ୍ରକୁ ଯାଉଥିଲେ ଏବଂ ଲୋକମାନଙ୍କୁ ମାନସିକ ସମସ୍ୟା ନିବାରଣ କରିବାକୁ ଚେଷ୍ଟା କରୁଥିଲେ । ମାନସିକ ରୋଗୀ ବିଭାଗରେ କଲ ସେଣ୍ଟର ମଧ୍ୟ କରିଥିଲୁ । ଏହି କାର୍ଯ୍ୟକ୍ରମ ପାଇଁ ଆମକୁ କେନ୍ଦ୍ର ସରକାର ପୁରସ୍କୃତ କରିଛନ୍ତି । ଏବେ ଏହି କାର୍ଯ୍ୟ କିପରି ଆଗକୁ ଆହୁରି ତ୍ୱରାନ୍ୱିତ ହୋଇପାରିବ ସେ ଦିଗରେ ବୈଠକ ମଧାମରେ ଆଲୋଚନା ହୋଇଛି । ଏଥିପାଇଁ ଜିଲ୍ଲା ସ୍ତରୀୟ ଅଧିକାରୀ ମାନଙ୍କୁ ସ୍ୱତନ୍ତ୍ର ନିର୍ଦେଶ ଦିଆଯାଇଛି ବୋଲି ଜନ ସ୍ଵାସ୍ଥ୍ୟ ନିର୍ଦ୍ଦେଶକ ନିରଂଜନ ମିଶ୍ର କହିଛନ୍ତି l
ପାର୍ବଣ କୁ ଆଖି ଆଗରେ ରଖି ଆସନ୍ତା କାଲି ଠୁ ଟୁଇନ ସିଟିରେ କଟକଣା ଲାଗୁ କରାଯାଉଛି । ଆଉ ଏହାରି ଭିତରେ ଆଜି ଭୁବନେଶ୍ୱରରେ ସଂକ୍ରମଣ ପୁଣି ଥରେ ବଢିବା ନେଇ ପ୍ରତିକ୍ରିୟା ରଖିଛନ୍ତି ଜନ ସ୍ଵାସ୍ଥ୍ୟ ନିର୍ଦେଶକ ନିରଂଜନ ମିଶ୍ର । ସେ କହିଛନ୍ତି ଭାଇରସ କୁଆଡ଼େ ଜୀବନୀ ଏହା ରହିବ । ଆମେ ଆଶା କରୁଛେ ଭାଇରସ୍ ର ଭୟାବହତା କିପରି କମିଯିବ । ଆସନ୍ତା ତିନି ମାସ ଆମ ପାଇଁ ନିର୍ଣ୍ଣାୟକ । ଏହି ତିନି ମାସ ଆମକୁ ସତର୍କ ରହିବାକୁ ହେବ । ଏହି ତିନି ମାସରେ ପାର୍ବଣ ଋତୁ ହେଇଥିବାରୁ ଏହି ସମୟରେ ଏକାଠି ହେବାନି କି ଗହଳି ନ କରିବା ପାଇଁ ସ୍ୱାସ୍ଥ୍ୟ ବିଭାଗ ପକ୍ଷରୁ ଆମେ ନିବେଦନ କରୁଛୁ । ସବୁ ପର୍ବ ପର୍ବାଣୀ ଘର ଭିତରେ ରହି ପାଳନ କରି ପାରିବା କିଛି ନିହାତି ଜରୁରୀ ନୁହେଁ ଯେ ଯାଇ କୌଣସି ମେଢ଼ ପାଖରେ ଗହଳି କରିବା । ଅନାବଶ୍ୟକ ଭାବେ ବାହାରକୁ ଯାଆନ୍ତୁ ନାହିଁ ।
* ଓଡ଼ିଶାରେ ଆରମ୍ଭ ହେଲା, ନେତାଜୀ ସୁଭାଷ ଚନ୍ଦ୍ର ବୋଷ ସାହସୀ ସମ୍ମାନ।
* ଦୁର୍ଘଟଣା ବେଳେ, ନିଜ ଜୀବନକୁ ସନ୍ତର୍ପଣ ସହିତ ବାଜି ଲଗାଇ ଅନ୍ୟକୁ ଉଦ୍ଧାର କରିବାର ପ୍ରବଣତାକୁ ବଢ଼ାଇବା ଏହାର ଲକ୍ଷ୍ୟ !
* ଏବେ ମାନସ ବେହେରା ପାଇବେ ଏ ସମ୍ମାନ।
* ପୁରସ୍କାର ରାଶି ଏକ ଲକ୍ଷ ଟଙ୍କା।
{} ମହାନଦୀରେ ଗତ ସପ୍ତାହରେ ହୋଇଥିବା ମର୍ମନ୍ତୁଦ ଦୁର୍ଘଟଣା ବିଷୟରେ ଆପଣ ସମସ୍ତେ ଜାଣନ୍ତି। ଦୁଇଟି ଅମୂଲ୍ୟ ଜୀବନ ଆମକୁ ହରାଇବାକୁ ପଡିଛି ।
କିନ୍ତୁ, ଏ ଘଟଣାବଳୀ ଭିତରେ ଜଣେ ମହାନାୟକଙ୍କ ଆବିର୍ଭାବ ହୋଇଛି। ଯିଏ, ନିଜର ଜୀବନକୁ ବାଜି ଲଗାଇ, ଅତି ସାହସିକ ପଦକ୍ଷେପ ନେଇ, ଆଖିପିଛୁଳାକେ ନିଜ ଜୀବନକୁ ଖାତିର ନ କରି, ମୃତ୍ୟୁ ସହିତ ସଂଗ୍ରାମ କରୁଥିବା ତିନି ଜଣଙ୍କୁ ଉଦ୍ଧାର କରିଥିଲେ। ସେ ମହାନାୟକଙ୍କୁ ବି ଆପଣମାନେ ସମସ୍ତେ ଜାଣନ୍ତି । ସେ ହେଲେ ଶ୍ରୀମାନ ମାନସ ବେହେରା। ବିଦେଶରେ ଏ ଘଟଣାର ଦୃଶ୍ୟ ଗଣମାଧ୍ୟମରେ ଦେଖିବା ପରେ, ତାଙ୍କ ସାହସିକ ପଦକ୍ଷେପକୁ ପ୍ରଶଂସା ଓ ସମ୍ମାନ ଜଣାଇ ନତମସ୍ତକ ହେଉଛି। ଏହା ଏକ ଅତି ବିରଳତମ ଘଟଣା !! ଜଣେ ଯୁବକ ନିଜ ଅଦମ୍ୟ ଉଦ୍ୟମରେ ଅକାତକାତ ପାଣି ଭିତରେ ବୁଡି ଯାଉଥିବା ଅଚିହ୍ନା ଲୋକଙ୍କୁ ଉଦ୍ଧାର କରିଛନ୍ତି। ଅସମ୍ଭବ ପ୍ରକାରର ତାଙ୍କ ସାହସ ! ନିଜକୁ ବିପଦ ଭିତରକୁ ଠେଲି, ଅନ୍ୟକୁ ମରଣ ମୁହଁରୁ ବଞ୍ଚାଇବାର ପ୍ରୟାସ ଓ ମାନସିକତା କୁ ସମ୍ମାନ ଜଣାଇବାକୁ ଯାଇ, ଏବେଠୁ ଓଡ଼ିଶାରେ ଆରମ୍ଭ ହେଲା; “ସୁଭାଷ ଚନ୍ଦ୍ର ବୋଷ; ସାହସୀ ସମ୍ମାନ”। ଓଡ଼ିଶାରେ ଯେତେବେଳେ କୌଣସି ବ୍ୟକ୍ତିବିଶେଷ, ଏକ ବିରଳ ଆକସ୍ମିକ ଦୁର୍ଘଟଣାରେ ମୃତ୍ୟୁ ସହିତ ଲଢ଼ୁଥିବେ ଓ କୌଣସି ବ୍ୟକ୍ତି ନିଜ ଜୀବନକୁ ସନ୍ତର୍ପଣ ସହିତ ବାଜି ଲଗାଇ, ବିପଦରେ ପଡିଥିବା ବ୍ୟକ୍ତିଙ୍କୁ ଉଦ୍ଧାର କରିବେ, ସେ ପାଇବେ ନେତାଜୀ ସୁଭାଷ ଚନ୍ଦ୍ର ବୋଷ ସାହସୀ ସମ୍ମାନ।ନିଜର ସମ୍ପର୍କୀୟ ନ ହୋଇଥିବା ଯେକୌଣସି ବ୍ୟକ୍ତି, ଆକସ୍ମିକ ବିପଦରେ ପଡ଼ି ମୃତ୍ୟୁ ସହିତ ସଂଗ୍ରାମ କରୁଥିବା ସମୟରେ, ନିଜ ଜୀବନକୁ ସନ୍ତର୍ପଣ ସହିତ ବିପଦରେ ପକାଇ ସାହାଯ୍ୟ କରିବାର ପ୍ରବଣତା ବଢ଼ାଇବା ଏ ସମ୍ମାନର ଲକ୍ଷ୍ୟ।ଏବଂ ଏ ସମ୍ମାନ ପାଉଥିବା ବ୍ୟକ୍ତି ଏକ ଲକ୍ଷ ଟଙ୍କା ପୁରସ୍କାର ପାଇବେ।
() ଜୀବନ ସବୁବେଳେ ସଂଘର୍ଷମୟ । ଜୀବନଟା ଲମ୍ବା ନୁହେଁ, ବଂର ମହତ୍ୱ ହେବା ଦରକାର । ଅଧିକ ବର୍ଷ ବଂଚି ରହିବା ଯେତିକି ଗୁରୁତ୍ୱ ନୁହେଁ, ସମାଜ ପାଇଁ କିଛି ଭଲ କାମ କରି ସଭିଁଙ୍କ ହୃଦୟ ଜିଣିବା ହେଉଛି ସବୁଠାରୁ କନିଷ୍ଠ ପରୀକ୍ଷା । ମୁଁ ନୁହେଁ, ଆମେ ନୀତିକୁ ଗ୍ରହଣ କରିବା ଓ ମାନବସେବା ହିଁ ମାଧବସେବା ଏହି ଭାବନା ମନରେ ରହିବା ଦରକାର । ତାହାହଲେ ଆମ ଜୀବନ ସୁଖି ଓ ସରଶ ଓ ସାର୍ଥକ ବୋଲି ଆମେ କହିପାରିବା ।
ଜୀବନ ସଂଗ୍ରାମରେ ଅନେକ କଥା କହିହୁଏ । ଅନ୍ୟକୁ ବହୁତ କଥା ପରାମର୍ଶ ଦେଇହୁଏ । ଅନେକ ପରିବର୍ତ୍ତନ ଆଣିବା ପାଇଁ ଭାଷଣ ବାଜି ବି କରିହୁଏ ।ବାହାଦୁରୀ ପଣ ମଧ୍ୟ ଦେଖାଇ ହୁଏ । କିଛି ନକରି ପ୍ରଚାର ଓ ପ୍ରସାର ମଧ୍ୟ ଭଲଭାବରେ କରି ହୁଏ । ହେଲେ ଏସବୁ ରେ କଣ ଥାଏ ଶାନ୍ତି ଓ ତୃପ୍ତି । ଲୋଭ,ମୋହ,ମାୟା ଜାଲ ଛଡ଼ା ଏହା ଆଉ କିଛି ନୁହେଁ । ତେବେ ବଂଚିବା କେମିତି । କଣ କଲେ ଆତ୍ମ ତୃପ୍ତି ମିଳିବ ଓ ଜୀବନ ସାର୍ଥକ ହେବ । ଏହାର ସହଜର ଉତ୍ତର ନିଜେ ଖୁସିରେ ବଂଚ ଓ ଅନ୍ୟକୁ ଖୁସିରେ ବଂଚିବାକୁ ଦିଅ ।
ସେଦିନ ସକାଳେ ସୁଦୀପ୍ତ ଏକଥା ଭାବି କିଛି ସମୟ ନିରବ ରହିଲା । ମନେ ମନେ ବିଚାର କଲା ମୁଁ କଣ କରୁଛୁି ଓ କଣ କରିବା ଦରକାର । ଏହାର ବାଛ ବିଚାର କରିବା ପରିବର୍ତ୍ତେ ସକାଳୁ ରାତି ଯାଏ ସେ ନିଜ କାମର ସମୀକ୍ଷା କଲା । ୨୪ ଘଣ୍ଟାରେ ସେ ନିଜ ପାଇଁ କେତେ ସମୟ ଦେଉଛି । ନିଜ ପାଇଁ ଅର୍ଥାତ ନିଜର ଶରୀର, ନିଜ ପରିବାର, ନିଜର ଚାକିରୀ ଓ ନିଜ ସ୍ୱାର୍ଥ ସହ ଜଡ଼ିତ ଥିବା ବିଭିନ୍ନ କାମ କରୁଛି ସେ । ଭଲ ରୋଜଗାର କରୁଛି, ପରିବାର ସହ ରହୁଛି , ସାଙ୍ଗସାଥିଙ୍କ ସହ ସମୟ କଟାଉଛି ଓ ସବୁ ସୁଖ ମଧ୍ୟ ପାଉଛି । ଭଗବାନ ତାକୁ କେଉଁଥୀରେ ଅଭାବ କରିନାହାନ୍ତି । ହଲେ ଅଭାବ କେବଳ ଏମିତି ଯେ ସେ ନିଜ ପରିବାର, ନିଜର ସାଙ୍ଗସାଥୀ , ପଡ଼ୋଶୀ ଛାଡିଦେଲେ ଆଉ କାହା କଥା କେବେ ଚିନ୍ତା କରିନାହିଁ । ମୋଟାମୋଟି ଭାବେ କହିବାକୁ ଗଲେ ଆପେ ବଂଚିଲେ ବାପାର ନାଁ ସେହି ନୀତିରେ ତାର ଜବୀନ କଟୁଛି ।
ହେଲେ ସେଦିନ ସକାଳେ ସୁଦୀପ୍ତ ଦେଖିଲା ଯେ ଜଣେ ପାଗଳ ଗୋଟେ ଚା ଦୋକାନରେ ଖାଇବା ପାଇଁ ଆଉଟ ପାଉଟ ହେଉଥିଲା, ଗୁହାରୀ କରୁଥିଲା ପାଉଁରୁଟି ଟିଏ ଖାଇବା ପାଇଁ । ଚା ଦୋକାନି ବି ଭାରୀ ଦୟାଳୁ ସେ କାଳ ବିଳମ୍ବ ନକରି ପାଗଳକୁ ବିନା ପଇସାରେ ପାଉଁରୁଟି ଟିଏ ଦେଲା । କିଛି ବାଟ ଯାଇଁ ପାଗଳଟି ରାସ୍ତା କଡ଼ରେ ଶୁଖିଲା ପାଉଁରୁଟି ଖାଇଲା । ହଠାତ ଗୋଟିଏ କୁକୁର ତା ପାଖରେ ପହଞ୍ଚିଲା । ପାଗଳଟି ଆଉ ନିଜେ ପାଉଁରୁଟି ନଖାଇ କୁକୁରକୁ ପାଉଁରୁଟି ଦେଲା ଖାଇବା ପାଇଁ । ଏହା ଦେଖି ସୁଦୀପ୍ତ ଆଶ୍ଚର୍ଯ୍ୟ ହେଲା । ଭୋକିଲା ପାଗଳଟି ନିଜେ ନଖାଇ କୁକୁରକୁ ଖାଇବାକୁ ଦେବା ଘଟଣାକୁ ସେ ହାଲକା ଭାବେ ନେଲା । ଭାବିଲା ପାଗଳଟା କଣ ଜାଣିପାରୁଛି ପାଉଁରୁଟି ତାର ଆବଶ୍ୟକ ନା କୁକୁରର । ଏମିତି ସେ ବଂଞ୍ଚୁଛି । ସବୁଜାଣି , ସବୁ ଥାଇ ଯଦି କାହା ପ୍ରତି ଦାୟା ନାହିଁ, ପ୍ରେମ ନାହିଁ, ଭଲପାଇବା ନାହିଁ, ସହଯୋଗ ନାହିଁ, ସମାଜ ସେବାରେ ମନନାହିଁ , ଆଧ୍ୟ୍ୟତ୍ମିକ ଭାବନା ନାହିଁ , ତାହାଲେ ତା ଯିଏ ନାହିଁ ସିଏ କହିବ ‘ ଏ କି ବଂଚିବା’ …
()ରାଜ୍ୟରେ କର୍ତ୍ତବ୍ୟରତ ସାମ୍ବାଦିମାନଙ୍କ ପାଇଁ ରାଜ୍ୟ ସରକାର ଅନେକ କଲ୍ୟାଣମୂଳକ ଯୋଜନା ହାତକୁ ନେଇଥିବା ବେଳେ ରାଜ୍ୟରେ କାର୍ଯ୍ୟରତ ସାମ୍ବାଦିକଙ୍କ ପାଇଁ ସୁରକ୍ଷା ଆଇନ ଲାଗୁ କରିବା, ସ୍ୱାସ୍ଥ୍ୟ ବୀମା ରାଶି କୁ ୫ ଲକ୍ଷ୍ୟ ଟଙ୍କାକୁ ବୃଦ୍ଧି ସହ ରାଜ୍ୟ ରେ ଅବସର ପ୍ରାପ୍ତ ସାମ୍ବାଦିକଙ୍କୁ ତୁରନ୍ତ ପେନସନ ଯୋଜନା ଲାଗୁ କରିବା ପାଇଁ ଦାବି କରିଛି ଯାଜପୁର ଓୟୁଜେ l ଏହି ମର୍ମରେ ଆଜି ଯାଜପୁର ଶାଖାର ଓୟୁଜେ ପ୍ରତିନିଧି ମଣ୍ଡଳ ଯାଜପୁର ଠାରେ ବିଜେଡି ସାଂଗଠନିକ ସମ୍ପାଦକ ତଥା ଯାଜପୁର ବିଧାୟକ ପ୍ରଣବ ପ୍ରକାଶ ଦାସ (ବବି)ଙ୍କୁ ଭେଟି ଆଲୋଚନା କରିଛନ୍ତି l ଦାବି ସମ୍ବଳିତ ଏକ ସ୍ମାରକ ପତ୍ର ଦେଇଛନ୍ତି l 
ପୂର୍ବରୁ ଓୟୁଜେର ଦାବୀ ପରେ ରାଜ୍ୟ ସରକାର ସାମ୍ବାଦିକ ଙ୍କୁ କରୋନା ଯୋଦ୍ଧା ଘୋଷଣା କରିବା ସହ ଟୀକା ପ୍ରଦାନ କରିଥିବାରୁ ସରକାରଙ୍କୁ କୃତଜ୍ଞତା ଜଣାଇଛନ୍ତି ପ୍ରତିନିଧି ଦଳ । ରାଜ୍ୟ ସଭାପତି ପ୍ରସନ୍ନ ମହାନ୍ତିଙ୍କ ପରାମର୍ଶ କ୍ରମେ ପ୍ରଣବଙ୍କୁ ଯାଜପୁର ଟିମ୍ ଭେଟି ଆଲୋଚନା କରିଥିଲେ l ଯାଜପୁର ସଭାପତି ଆଦିତ୍ୟ ମେକାପ,ରାଜ୍ୟ ଟ୍ରିବୁନାଲ ଅଧ୍ୟକ୍ଷ ରାଜୀବ ମହାନ୍ତି,ଉପସଭାପତି ଅଭୟ ପତି,ତପନ ମହାନ୍ତି,ସୁରେନ୍ଦ୍ର ସାହୁ,ରଞ୍ଜିତ ଦାସ,ପ୍ରମୁଖ ଯୋଗଦେଇ ସାମ୍ବାଦିକ ମାନଙ୍କର ଦାବି ଜଣାଇଥିଲେ l
