() ୨୦୨୪ ନିର୍ବାଚନରେ ବିଜେଡିର ୨୪ ବର୍ଷ ଶାସନରେ ବ୍ରେକ୍ ଲାଗିଛି l ସଶକ୍ତ ବିରୋଧୀ ଭାବେ ଓଡ଼ିଶାରେ ବିଜେଡି ଉଭା ହୋଇଛି l ପ୍ରଥମଥର ଲାଗି ଓଡ଼ିଶାରେ ବିଜେପି ଏକାକୀ ଶାସନ କରିଛି l ଏହାର ଭିତରେ ୪ମାସ ବିତିବାକୁ ବସିଲାଣି l ହେଲେ ନବୀନ ପଟନାୟକଙ୍କ ପ୍ରତି ସାଧାରଣ ଲୋକଙ୍କ ଭଲ ପାଇବା ଯେମିତି ଅତୁଟ ରହିଛି ଠିକ୍ ସେହିପରି ବିଜେଡି ନେତାଙ୍କ ପ୍ରତି ଗଣମାଧ୍ୟମର କ୍ରେଜ ବି କିଛି କମ୍ ନାହିଁ l ବିଜେଡିକୁ ନେତାଙ୍କୁ ମିଡ଼ିଆର ଫୋକସ ଦଳକୁ କେତେ ଲାଭ ଓ କେତେ କ୍ଷତି ପହଞ୍ଚାଉଛି ତା ଭିନ୍ନ ଆକଳନl ହେଲେ ବିଜେଡି ନେତାଙ୍କ କ୍ରେଜ କିନ୍ତୁ ହାରିବା ପରେ ବି ବଢିବାରେ ଲାଗିଛି ତାହା ପ୍ରମାଣିତ ହୋଇଛି l ନିକଟରେ ବିଜେଡିର ବରିଷ୍ଠ ନେତା ତଥା ପୂର୍ବତନ ସାଂଗଠନିକ ସମ୍ପାଦକ ପ୍ରଣବ ପ୍ରକାଶ ଦାସ (ବବି) ସର୍ଵ ସାଧରଣ ସଭାରେ ଖୋଲା ଖୋଲି କହିଦେଲେ ମିଡିଆରେ କେବଳ ବବିକୁ ନେଇ ଚର୍ଚ୍ଚା କାରଣ କେବଳ ଟିଆପି ପାଇଁ l କେବଳ ବବି କାହିଁକି ବିଜେଡିର ଅଧିକlଶ ନେତାଙ୍କ ମଧ୍ୟ ଧୀରେ ଧୀରେ ଟିଆରପି ବଢ଼ିଥିବାର ନଜର ଦେଖବାକୁ ମିଳୁଛି l ହାରିବା ପରେ ବି ମିଡିଆରେ ସେମାନେ ହିରୋ l ବିଜେଡି ନେତାଙ୍କ ମିଡିଆ କ୍ରେଜ ଆଗରେ ଫିକା ପଡ଼ୁଛନ୍ତି ମନ୍ତ୍ରୀ ଓ ବିଧାୟକମାନେ l ତେବେ ଆଜି ରାଜନୈତିକ ସମୀକ୍ଷକ ଓ ସାଧାରଣ ଜନତାଙ୍କ ମଧ୍ୟରେ କାହିଁକି ଏପରି ଚର୍ଚ୍ଚା l ସତରେ ମିଡିଆ ବିଜେଡି ପଛରେ ଗୋଡାଉଛି ନା ବିଜେଡି ନେତା ମିଡିଆ ପଛରେ ଗୋଡାଉଛନ୍ତି l ଏହାକୁ ନେଇ ସମୀକ୍ଷକ ଆକଳନ ନେତା ମାନେ ବେଶୀ ମିଡିଆ କ୍ରେଜି ହୋଇଛନ୍ତି l କାରଣ ଭଲରେ ହେଉ କି ମନ୍ଦରେ ନେତା ଚାହେଁ ମିଡିଆର ହେଡ଼ଲାଇନ ହୋଇ ରହିବାକୁ l ଲୋକେ ଓ ନିର୍ବାଚନୀ ମଣ୍ଡଳୀରେ ତାଙ୍କ ଚର୍ଚ୍ଚା ହେବ l ମିଡ଼ିଆରେ ଖବର ହେଲେ ନେତାଙ୍କ କ୍ଷତି ଯେତିକି ଲାଭ ଦୁଇଗୁଣ l ତେଣୁ କିଏ ନ ଚାହିବ ମିଡିଆରେ ଚର୍ଚ୍ଚାରେ ରହିବାକୁ l ଆଜି ରାଜଧାନୀ ଏକ ହୋଟେଲରେ ବିଜେଡିର କିଛି ପରାଜିତ ନେତା ଏକାଠି ହୋଇଛି ଚା ଖଟି କରିଥିଲେ l ତାପରେ ସେହି ନେତାଙ୍କ ମଧ୍ୟରୁ କିଛି ନେତା ଶଙ୍ଖଭବନରେ ଅନୁଷ୍ଠିତ ଦଳର ସମନ୍ୱୟ ବୈଠକରେ ସାମିଲ ହୋଇ ଦଳୀୟ ରଣନୀତି ପ୍ରସ୍ତୁତ କଲେ l ହେଲେ ଗଣମାଧ୍ୟମରେ ବାତ୍ୟା ଓ ସାଧାରଣ ଖବରକୁ ପଛରେ ପକାଇ ଖବର ଚାଲିଲା ଭୁବନେଶ୍ୱରରେ ବିଜେଡି ନେତାଙ୍କ ମେଳି l ସାମ୍ନାକୁ ଆସିଲା ଚା ପିଇ ମନ ଖୁସିରେ ଫୋଟୋ ଉଠାଇବାର ଚିତ୍ର l ନିର୍ବାଚନର ପରେ ଜଣେ ପଶ୍ଚିମ ଓ ସବୁ ଉପକୂଳ ନେତାଙ୍କ ଭେଟଘାଟକୁ ନେଇ ଆରମ୍ଭ ହେଲା ଭିନ୍ନ ଭିନ୍ନ ରାଜନୈତିକ ଆକଳନ l ବାତ୍ୟା ଖବର ପରି ଏ ଖବର ବି ମାତ୍ର କେହି ମିନିଟରେ ପୁରା ଓଡ଼ିଶାକୁ ଖେଳିଗଲା l ଖବରରେ ଚର୍ଚ୍ଚାକୁ ଆସିଲେ ବରଗଡ଼ର ପୂର୍ବତନ ବିଧାୟକ ଦେବେଶ ଆଚାର୍ଯ୍ୟ,ବାସୁଦେବପୁରର ପୂର୍ବତନ ବିଧାୟକ ବିଷ୍ଣୁବ୍ରତ ରାଉତରାୟ, କଟକ ସଦରର ପୂର୍ବତନ ବିଧାୟକ ଚନ୍ଦ୍ର ସାରଥୀ ବେହେରା,ପିପିଲିର ପୂର୍ବତନ ବିଧାୟକ ରୁଦ୍ର ମହାରଥୀ ଓ କେନ୍ଦ୍ରାପଡ଼ା ସାଂସଦ ପ୍ରାର୍ଥୀ ତଥା ରାଜନଗରର ପୂର୍ବତନ ବିଧାୟକଅଂଶୁମାନ ମହାନ୍ତି , ପାରାଦୀପର ପୂର୍ବତନ ବିଧାୟକ ସମ୍ବିତ ରାଉତରାୟ ଓ ଧର୍ମଶାଳାର ପୂର୍ବତନ ବିଧାୟକ ପ୍ରଣବ ବଳବନ୍ତରାୟ l ମେଳି ହୋଇଥିବା ନେତାଏ କହୁଛନ୍ତି ଗଜଲକ୍ଷ୍ମୀ ପୂଜା ବୁଲା ସହ ବନ୍ଧୁ ମାନଂକ ସହ ଚା ଖଟିର ମଜା l ମିଡିଆ କହୁଛି ବିଜେଡି ଅସନ୍ତୋଷ ପାଇଁ ମେଳି l

୨୦୨୪ ନିର୍ବାଚନରେ ବିଜେଡି ୫୧ ଟି ବିଧାନସଭା ଆସନରେ ବିଜୟି ହୋଇଛି। ପ୍ରଥମ ଥର ଲାଗି ୨୪ ବର୍ଷ ପରେ ବିଜେଡି ହାତରୁ କ୍ଷମତା ଯାଇଛି l କିନ୍ତୁ ରାଜ୍ୟରେ ସଶକ୍ତ ବିରୋଧୀ ଦଳ ଭାବେ ଉଭା ହୋଇଛି ବିଜେଡି l ବିଭିନ୍ନ ରାଜ୍ୟ ସ୍ବାର୍ଥ ପ୍ରସଙ୍ଗ ଉଠାଇ ଓଡିଶାବାସୀଙ୍କ ମନ ବି ଜିଣିଛି ଦଳ l ୨୦୨୪ ନିର୍ବାଚନରେ ବିଜେଡ଼ି ୧କୋଟି ୧ ଲକ୍ଷ ୨ହଜାର ୪୪୫ ଭୋଟ ପାଇଥିଲା । ଭୋଟ ପ୍ରତିଶତ ହାର ଥିଲା ୪୦.୨୨ । ସେହିପରି ଶାସକ ବିଜେପି ୪୦.୭ ପ୍ରତିଶତ ଭୋଟ ପାଇଥିବା ବେଳେ ଦଳକୁ ୧କୋଟି ୬୪ ହଜାର ୮୨୭ଟି ଭୋଟ ପାଇଥିଲା। ବିଜେପି ଠାରୁ ବିଜେଡି ୩୭ ହଜାର ଭୋଟ ଅଧିକ ପାଇଛି l ଏହାରି ଭିତରେ ଶାସକ ଦଳ ଭାବେ ବିଜେପି ଓ ବିରୋଧୀ ଦଳ ଭାବେ ବିଜେଡି ର ଭୂମିକାକୁ ୪ ମାସ ବିତିଛି l ଓଡ଼ିଶାର ଶାସନ ମଙ୍ଗ ବିଜେପି ଧରିବା ପରଠୁ ଦଳ ଓଡ଼ିଶାବାସୀ ଅସ୍ଥା ଓ ବିଶ୍ବାସ ଜିଣିବାରେ ସେତେଟା ସଫଳ ହୋଇନାହିଁ l ଅନ୍ୟପଟେ ବିରୋଧୀ ଦଳ ଭାବେ ବିଜେଡି କିନ୍ତୁ ଆକ୍ସନ ମୁଡ଼ରେ ଆସିଛି l ନବୀନଙ୍କ କ୍ରେଜ ଦିନକୁ ଦିନ ବଢ଼ିବାରେ ଲାଗିଛି l ଆଉ ଏହାକୁ ଆଉଣ୍ଟର କରିବା ପାଇଁ ଓଡ଼ିଶା ରାଜନୀତିରେ ନୂଆ ସମୀକରଣ ଦେଖିବାକୁ ମିଳୁଛି l ବିଜେଡି କ୍ଷମତାରୁ ଯିବା ପରେ ଦଳର କିଛି ନେତାଙ୍କ ବୟାନ ବିଜେଡି ରାଜନୀତିରେ କି ଓଡିଶାବାସୀଙ୍କ ଉପରେ ଯେତେ ପ୍ରଭାବ ପଡୁ କି ନ ପଡୁ ଶାସକ ଦୁଇ ଜାତୀୟ ଦଳକୁ ବେଶ ଉତ୍ସାହିତ କରିଛି l ବିଜେଡି ଏବେ ବି ୩୦ରୁ ୩୦ ଜିଲ୍ଲା ପରିଷଦ ଦଖଲ, ଅଧିକାଂଶ ପୌର ପରିଷଦ, ସବୁ ମହା ନଗର ନିଗମ ଦଖଲରେ ଅଛି l ଦଳର ସଦସ୍ୟ ଅଭିଯାନ ଗତବର୍ଷ ୧କୋଟି ସଫଳତାର ସହ ହାସଲ କରିଛି l ଦଳର ସୁପ୍ରିମୋ ନବୀନ ପଟ୍ଟନାୟକ ଏବେ ଦଳର ସଂଗଠନକୁ ଅଧିକ ମଜବୁତ କରିବା ପାଇଁ ସବୁଦିନ ରାଜନୈତିକ ରଣନୀତି ପ୍ରସ୍ତୁତ କରୁଛନ୍ତି l ବିଜେଡି ପରାଜୟର ସମୀକ୍ଷା ମଧ୍ୟ କରିଛି l ପଦଯାତ୍ରା ଓ ସଦସ୍ୟ ଅଭିଯାନ ବି ସଠିକ୍ ଭାବେ ଚାଲିଛି l ହଁ ଏକଥା ସତ ଯେ ନିର୍ବାଚନ ପରେ କିଛି ଅସନ୍ତୋଷ ନେତା ଦଳର ଅନୁଶାସନକୁ ଭୁଲି ନେତୃତ୍ଵ ଓ ଦଳର ଭବିଷ୍ୟତ ନେଇ ଗଣମାଧ୍ୟମରେ ପ୍ରଶ୍ନ ଉଠାଇ ଚର୍ଚ୍ଚାକୁ ଆସିଛନ୍ତି l ଯାହା ବିରୋଧୀଙ୍କୁ ଖୋରାକ ଯୋଗାଇଛି, ବିଜେଡିକୁ ସମାଲୋଚନା କରିବା ପାଇଁ l ସବୁ ଦିନ ପ୍ରାୟ ଶାସକ ଦଳର ନେତାଏଁ କହୁଛନ୍ତି ବିଜେଡି ଭଙ୍ଗାଯିବ ଓ ବିଜେଡିର ଅଧିକାଂଶ ନେତା ବିଜେପି ସହ ଯୋଗାଯୋଗରେ ଅଛନ୍ତି l ବିଜେପି କାଉଣ୍ଟର ଜବାବ ବି ଦେଉଛି ବିଜେଡି l ଏହାରି ଭିତରେ ବରିଷ୍ଠ ବିଜେଡି ନେତା ସାରଦା ନାୟକ କହିଛନ୍ତି ଯେ ବିଜେଡ଼ିରେ ଅସନ୍ତୋଷ ତିଆରୀ କରାଯାଉଛି l ହେଲେ କିଏ କରୁଛି ତାହା ସାରଦା ନାୟକ କହିନାହାନ୍ତି l ହେଲେ ବିଜେଡି ଓଡ଼ିଶାରେ ଶକ୍ତୀଶାଳୀ ଦଳ ଥିଲା ଓ ରହିବ ବୋଲି ସେ କହିଛନ୍ତି l ତେବେ ଦଳର ଅନ୍ୟନେତାମାନେ ଏବେ ତୃଣମୂଳ ସ୍ତରରେ କହୁଛନ୍ତି ବିଜେଡି ଦଳ ନା ରେ ଏବେ ଗପ ଉଡୁଛି l ଆଗକୁ ଦେଖ କଣ ହେଉଛି l ରାଜନୈତିକ ସମୀକ୍ଷକ ଯୁକ୍ତି ହେଉଛି ନବୀନ ପଟ୍ଟନାୟକଙ୍କ ଲୋକ ପ୍ରିୟତା ଅତୁଟ ରହିଛି l ତେଣୁ ବିଜେଡି ଲୋକଙ୍କ ମନରେ ଅଛି l

କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ l ବିଜେପି ରାଜନୀତିର ସବୁଠାରୁ ବଡ ଚେହେରା ଓ ଓଡିଶାର ପୋଷ୍ଟର ବୟ l ଦୃଢ ସଂଗଠକ ଭାବେ ଦେଶରେ ରହିଛି ତାଙ୍କର ସ୍ୱତନ୍ତ୍ର ପରିଚୟ l ଓଡିଶାର ବରପୁତ୍ର ବିଜୁ ପଟ୍ଟନାୟକ ପରେ ଜାତୀୟ ରାଜନୀତିରେ ଦୀର୍ଘ ଦଶନ୍ଧି ଧରି ଜାରୀ ରଖିଛନ୍ତି ସେ ତାଙ୍କର ରାଜ ନୈତିକ ଦବଦବା l ବିଜେପିର ସବୁଠୁ ଦକ୍ଷ ସେନାପତିରେ ସେ ଜଣେ l ଦଳର କ୍ରାଇସିସ ମ୍ୟାନେଜର ଭାବେ ନିଜକୁ ପ୍ରତିଷ୍ଠିତ କରି ସାରିଛନ୍ତି ବହୁବାର l ବିଜେପି ଦେଶର ଗୋଟିଏ ପରେ ଗୋଟିଏ ରାଜ୍ୟ ଦଖଲ କରିବାରେ ତାଙ୍କର ଭୂମିକା ମଧ୍ୟ କିଛି କମ ନୁହେଁ l ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଓ ଅମିତ ଶାହଙ୍କ ଟିମର ଅତି ବିଶ୍ଵସ୍ତ ଭାବେ ସେ ପରିଚିତ l ୨୦୨୪ ନିର୍ବାଚନରେ ଧର୍ମେନ୍ଦ୍ର ପ୍ରଧାନ ବିଜେପିକୁ ଓଡ଼ିଶାରେ ଶାସନକୁ ଆଣିବାରେ ମୁଖ୍ୟ ସୂତ୍ରଧର ବି ସାଜିଛନ୍ତି ସେ l ୨୦୧୪ରୁ ସଂଗଠନକୁ ମଜବୁତ୍ କରିବା ସହ ଓଡ଼ିଶାରେ କିପରି ବିଜେପି କ୍ଷମତାକୁ ଆସିବ ସେନେଇ ଦିନରାତି କାମ କରି ୨୦୨୪ରେ ସେ ସଫଳ ହୋଇଛନ୍ତି କ୍ଷମତା ଦଖଲ ମିଶନରେ l ଫଳରେ ଓଡ଼ିଶାରେ ବିଜେପି ୨୪ ବର୍ଷ ପରେ ସରକାର ଗଠନ କରିଛି ଏକାକୀ l

ଦେଶ ଓ ରାଜ୍ୟରେ ବିଜେପିର ଶକ୍ତି ମଧ୍ୟ ବୃଦ୍ଧି ପାଇଛି l ବିଜେପିର ଶକ୍ତି ବୃଦ୍ଧି କରିବାରେ ଧର୍ମେନ୍ଦ୍ର ପ୍ରଧାନ ଗୁଣ୍ଡୁଚି ମୂଷା ଭାବେ କାମ କରିଛନ୍ତି l ଧର୍ମେନ୍ଦ୍ର ପ୍ରଧାନଙ୍କୁ ପୁରା ଦେଶର ସଂଗଠନ ଦାୟିତ୍ୱ ଦେବାକୁ ବିଜେପିର ପ୍ରଭାବଶାଳୀ କୋଟରୀ ଆଗକୁ ଆସିଛନ୍ତି l ପୁରା ଦେଶରେ ବିଜେପିର ସାଂଗଠନିକ ନିର୍ବାଚନ ପ୍ରକ୍ରିୟା ଆରମ୍ଭ ହୋଇଛି l ରାଷ୍ଟ୍ରୀୟ ଅଧ୍ୟକ୍ଷ ଠାରୁ ଆରମ୍ଭ କରି ପ୍ରଦେଶ ସଭାପତି ନିର୍ବାଚନ ହେବ l ବିଜେପି ରାଷ୍ଟ୍ରୀୟ ଅଧ୍ୟକ୍ଷ ରେସରେ ଆଗରେ ଅଛନ୍ତି କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ l ଯେହେତୁ ପଶ୍ଚିମବଙ୍ଗ, ବିହାର, ତ୍ରିପୁରା, ଛତିଶଗଡ଼, କର୍ଣ୍ଣାଟକ, ଉତ୍ତରାଖଣ୍ଡ, ଉତ୍ତର ପ୍ରଦେଶ, ଓଡିଶା, ହରିୟlଣା ନିର୍ବାଚନ ଦାୟିତ୍ୱ ନେଇ ଧର୍ମେନ୍ଦ୍ର ପ୍ରଧାନ ସଫଳତା ସହ ଦାୟିତ୍ୱ ସମ୍ପନ୍ନ କରି ଦଳକୁ ବଡ ସଫଳତା ଦେଇଛନ୍ତି l ଯାହାର ତାଙ୍କର ସାଂଗଠନିକ ଦକ୍ଷତାକୁ ପ୍ରମାଣିତ କରିଛି ପୁରା ଦେଶରେ l ତାହାର ପୁରସ୍କାର ତାଙ୍କୁ ଦେବାକୁ ଦଳ ଏବେ ବିଚାର ବିମର୍ଶ ଆରମ୍ଭ କରିଛି l ସେ ହିଁ ଦେଶରେ ବିଜେପିର ମଙ୍ଗ ଧରିବାକୁ ଉପଯୁକ୍ତ ନେତା ବୋଲି ଦଳର ଅନ୍ଦର ମହଲରେ ଚର୍ଚ୍ଚା ହେଉଛି l ଜାତୀୟ ସ୍ତରରୁ ବିଜେପି ଶିବିର ଯାଏ ଗୋଟିଏ ଚର୍ଚ୍ଚା ଧର୍ମେନ୍ଦ୍ର ପ୍ରଧାନ ହେବେ ବିଜେପିର ରାଷ୍ଟ୍ରୀୟ ଅଧ୍ୟକ୍ଷ l

ଅନ୍ୟପଟେ ଓଡ଼ିଶାରେ ବି ଧର୍ମେନ୍ଦ୍ର ପ୍ରଧାନଙ୍କୁ ନେଇ ଚର୍ଚ୍ଚା କିଛି କମ ନୁହେଁ l ବିଜେପିର ତୃଣମୂଳ ନେତାଙ୍କ ଠାରୁ ଆରମ୍ଭ କରି ବିଧାୟକ, ସାଂସଦ ଓ ଛାମୁଆ ସଂଗଠନର କର୍ମକର୍ତ୍ତା ମାନଙ୍କ ମୁଁହରେ ଗୋଟିଏ କଥା ଓଡ଼ିଶାରେ ୨୦୨୪ରେ ବିଜେପି ରାଜ୍ୟରେ ଏକାକୀ ଶାସନ କରିବାର ମୂଳସୂତ୍ରଧର ହେଉଛନ୍ତି କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ l ଓଡ଼ିଶାରେ ଆଜି ଯଦି ବିଜେପି ସରକାର ଗଠନ କରିଛି ତାହା ପଛରେ ଧର୍ମେନ୍ଦ୍ରଙ୍କର ରଖିଛି ବଡ ଅବଦାନ l ରାଜ୍ୟ ରାଜନୀତିରେ ସେ ଚାଣକ୍ୟ ସାଜିଛନ୍ତି l ପୂର୍ବ ଅପେକ୍ଷା କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନଙ୍କ ଲୋକପ୍ରିୟତା ବି ବଢ଼ିଛି l ଅନ୍ୟପଟେ ଓଡ଼ିଶାରେ ରାଜନୈତିକ ସମୀକ୍ଷକଙ୍କ ଠାରୁ ଆରମ୍ଭ କରି ବିଜେପି ଦଳର ନେତା ଓ ସାଧାରଣ ଜନତା ମଧ୍ୟରେ ଧାରଣା ସୃଷ୍ଟି ହୋଇଥିଲା ଓଡ଼ିଶାରେ ବିଜେପି କ୍ଷମତାକୁ ଆସିଲେ କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ ଓଡ଼ିଶାର ମୁଖ୍ୟମନ୍ତ୍ରୀ ହେବେ l ଧର୍ମେନ୍ଦ୍ରଙ୍କ କ୍ୟାମ୍ପ ମଧ୍ୟ ତାହା ଚିନ୍ତା କରିଥିଲେ l ହେଲେ ୨୦୨୪ ନିର୍ବାଚନ ଫଳାଫଳ ପରେ ଚିତ୍ରପଟ ବଦଳିଥିଲା l ବିଜେପି ହାଇକମାଣ୍ଡ ସବୁ ଚର୍ଚ୍ଚାକୁ ପଛରେ ପକାଇ ମୋହନ ମାଝୀଙ୍କୁ ମୁଖ୍ୟମନ୍ତ୍ରୀ ପଦବୀରେ ବସାଇଛନ୍ତି l ଏହାରି ଭିତରେ ରାଜ୍ୟରେ ମୋହନ ସରକାର ଶହେ ଦିନର ସଫଳତା ଲୋକଙ୍କୁ ଜଣାଉଛି l ହେଲେ ତାହା ଦାନା ବାନ୍ଧୁନାହିଁ l ୪ ମାସ ଭିତରେ ନବୀନ ପଟ୍ଟନାୟକଙ୍କ ଲୋକପ୍ରିୟତା ମଧ୍ୟ ଆଶା ଠାରୁ ଅଧିକ ବଢ଼ିଛି l ଯାହା ବିଜେପିକୁ ଚିନ୍ତାରେ ପକାଇଛି l ଏପରି ଯଦି ଦୁଇ ବର୍ଷ ଲାଗି ରହିବ ତେବେ ୨୦୨୭ରେ ହେବାକୁ ଥିବା ପଞ୍ଚାୟତ ଓ ପୌର ନିର୍ବାଚନରେ ପୁଣି ଓଡ଼ିଶାରେ ଶଙ୍ଖନାଦ କମ୍ଫିବ l ତେଣୁ ବିଜେପିର ଗୋଟେ ବଡ ଗୋଷ୍ଠୀ ଚାହୁଛନ୍ତି ରାଷ୍ଟ୍ରୀୟ ଅଧ୍ୟକ୍ଷ ଅପେକ୍ଷା କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ ଓଡ଼ିଶାରେ ମୁଖ୍ୟମନ୍ତ୍ରୀ ଭାବେ ଦାୟିତ୍ୱ ନିଅନ୍ତୁ l ଯାହା ଦଳକୁ ବେଶ ସହାୟକ ହେବ ଓଡ଼ିଶାରେ ସଂଗଠନକୁ ମଜବୁତ୍ କରିବାରେ l ଗୋଟେପଟେ ରାଷ୍ଟ୍ରୀୟ ଅଧ୍ୟକ୍ଷ ଓ ଅନ୍ୟପଟେ ମୁଖ୍ୟମନ୍ତ୍ରୀ ଆସନ l କେଉଁଥିରେ କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନଙ୍କୁ ବିଜେପି ଦଳ ବସାଇବ ତାହାକୁ ନେଇ ସବୁ ମହଲରେ ଚର୍ଚ୍ଚା ଆରମ୍ଭ ହୋଇଛି l ତେବେ କେନ୍ଦ୍ରମନ୍ତ୍ରୀ କି ବିଜେପି ପକ୍ଷରୁ ଏପରି ଚର୍ଚ୍ଚାକୁ ନେଇ କୌଣସି ମତ ଦିଆଯାଇନାହିଁ l ବିଜେପିର ସାଂଗଠନିକ ନିର୍ବାଚନ ପ୍ରକ୍ରିୟା ପରେ ଏ ଚର୍ଚ୍ଚାକୁ ନେଇ ବଡ ସଂକେତ ମିଳିବ ବୋଲି ରାଜନୈତିକ ସମୀକ୍ଷକ ଆକଳନ କରିଛନ୍ତି l

()ପୁରୀରେ ହବିଷ୍ୟାଳି ମାନେ ହନ୍ତସନ୍ତ ହେ ହେବାକୁ ନେଇ ବିଜେପି ସରକାର ଉପରେ ବର୍ଷିଲା ବିଜେଡ଼ି । ସାମ୍ବାଦିକ ସମ୍ମିଳନୀ କରି ଦଳର ମୁଖପାତ୍ର ଲେଖାଶ୍ରୀ ସାମନ୍ତ ସିଂହାର କହିଛନ୍ତି ଅନ ଲାଇନ ପଞ୍ଜିକରଣ ପ୍ରହସନ ବନ୍ଦ କରି ସବୁ ହବିଷ୍ୟାଳି ଙ୍କ ପାଇଁ ସୁବନ୍ଦୋବସ୍ତ କରିବାକୁ ଦାବି କଲା ବିଜେଡି । ଆହୁରି କହିଛନ୍ତି ହବିଷ୍ୟାଳି ମାନଙ୍କ ପାପ ବିଜେପି ସରକାରକୁ ଲାଗିବ । ଦିଲ୍ଲୀ ଓ ନାଗପୁର ରେ ହବିଷ୍ୟାଳି ବ୍ୟବସ୍ଥା ନଥିବାରୁ ଏଠି ସେମାନଙ୍କ ପାଇଁ ବ୍ୟବସ୍ଥା କରାଯାଇ ନାହିଁ । ହବିଷ୍ୟାଳି ମାନଙ୍କ ପାଇଁ ବ୍ୟବସ୍ଥା ନ କରି ପାରିବା ସରକାର ଙ୍କ ଅପାରଗତା ଅଯୋଗ୍ୟତା କୁ ଦର୍ଶାଉଛି । ଓଡ଼ିଆ ଅସ୍ମିତା କଥା କହି କି ବିଜେପି ସରକାର କୁ ଆସିଲା କିନ୍ତୁ ପ୍ରତ୍ୟେକ ଦିନ ଏଠି ଓଡ଼ିଆ ଅସ୍ମିତା କୁ କୁଠାର ଘାତ କରାଯାଉଛି । କାର୍ତ୍ତିକ ମାସ ଆମ ସମସ୍ତ ଙ୍କ ପାଇଁ ଏକ ପବିତ୍ର ମାସ । ଏହି କାର୍ତ୍ତିକ ମାସ ରେ ବିଧବା ମହିଳା କି ବୃଦ୍ଧା ମାନେ ହବିଷ କରିଥାନ୍ତି । ହବିଷ୍ୟାଳି ମାନଙ୍କୁ ଯେଉଁ ଭଳି ଭାବେ ବ୍ୟବହାର କରାଗଲା ତାହା ସମସ୍ତ ଙ୍କୁ ବ୍ୟଥିତ କରିଛି । ରାଜ୍ୟ ସରକାର ହବିଷ୍ୟାଳି ମାନଙ୍କ ପାଇଁ କୌଣସି ବ୍ୟବସ୍ଥା ନ କରି ସେମାନଙ୍କୁ ହନ୍ତସନ୍ତ କରି ଧୋକା ଦେଇଛନ୍ତି । ନବୀନ ପଟ୍ଟନାୟକ ବୃନ୍ଦାବତୀ ନିବାସ ୩୯ କୋଟି ବ୍ୟୟବରାଦ ରେ ନିର୍ମାଣ କରିଥିଲେ । ଏହା ହବିଷ୍ୟାଳି ମାନଙ୍କ ପାଇଁ ନିର୍ମାଣ କରାଯାଇଥିଲା । ସେବେ ହବିଷ୍ୟାଳି ମାନଙ୍କ ପାଇଁ ନବୀନ ପଟ୍ଟନାୟକ ସବୁ ବ୍ୟବସ୍ଥା କରିଥିଲେ । ଗତବର୍ଷ ୩୨୦୦ ହବିଷ୍ୟାଳି ମାନଙ୍କ ପାଇଁ ବ୍ୟବସ୍ଥା କରାଯାଇଥିଲା । କିନ୍ତୁ ଚଳିତ ବର୍ଷ କେବଳ ୨୫୦୦ ହବିଷ୍ୟାଳି ଙ୍କୁ ବୃନ୍ଦାବତୀ ନିବାସ ରେ ରଖା ଯାଇଛି । ଅନ୍ୟ ମାନଙ୍କୁ ଅନଲାଇନ ପଞ୍ଜିକରଣ ନାଁ ରେ ଧକା ମରାଯାଉଛି । ମାଆ ମାନେ ଦିନ ରେ ଖରା ରାତିରେ କାକର ମାଡ଼ ଖାଇ କାନ୍ଦୁଛନ୍ତି । ବିଜେପି ସରକାର କହିବ କିଏ ଧର୍ମ କରିବ କିଏ ନ କରିବ । ଇଏ ଏକ ଉଦ୍ଭଟ ଚିନ୍ତାଧାରା । ବିଜେପି ସରକାର ବିନାଶ ଭିତରେ ଗୋଟେ ଗୋଡ଼ ପକେଇ ସରିଲାଣି l ଯାହାକୁ ନେଇ ମୋହନ ସରକାର ଙ୍କୁ ସମାଲୋଚନା କରିଛି ବିଜେଡି l

ରାଜ୍ୟ କଂଗ୍ରେସ ପ୍ରଭାରୀ ଅଜୟ କୁମାର, ପୂର୍ବତନ ପିସିସି ସଭାପତି ଶରତ ପଟ୍ଟନାୟକ ଓ କଂଗ୍ରେସ ନେତା ବିଶ୍ୱରଂଜନ ମହାନ୍ତି ଙ୍କ ନା ରେ ଠକେଇ ମାମଲା ରୁଜୁ କଲା ଭରତପୁର ଥାନା ପୋଲିସ l କଂଗ୍ରେସର ଏହି ତିନି ନେତାଙ୍କ   ବିରୋଧରେ ଲାଗିଛି IPC ର ଧାରା 120B, 420, 506 ଓ 34 lପୂର୍ବରୁ ମାମଲା ରଖି ନ ଥିଲା ପୋଲିସ.. ଏବେ କୋର୍ଟ ଙ୍କ ହସ୍ତକ୍ଷେପ ପରେ ମାମଲା ରୁଜୁ ହୋଇଥିବା ସୂଚନା l ମିଳିଥିବା ସୂଚନା ଅନୁସାରେ 2024 ସାଧାରଣ ନିର୍ବାଚନ ରେ ଅଭିଯୋଗକାରୀ ଆଶୁତୋଷ ମହାପାତ୍ର ଙ୍କୁ ଏଲ ଇ ଡି ଗାଡି ରେ ପ୍ରଚାର ପାଇଁ ବ୍ୟବସାୟୀକ ଚୁକ୍ତି ନାମା ହୋଇଥିଲା lଏଥିପାଇଁ ଦେଢ଼ କୋଟି ଟଙ୍କା ଦେବା ନେଇ ଫାଇନାଲ ହୋଇଥିବା ବେଳେ 8 ଲକ୍ଷ ଟଙ୍କା ଆଡ଼ଭାନ୍ସ ଦିଆ ଯାଇଥିଲା l ନିର୍ବାଚନ ପରେ ବଳକା ଟଙ୍କା ମାଗିବାରୁ ଟଙ୍କା ନ ଦେଇ ଆଶୁତୋଷ ଙ୍କୁ ଧମକ ଦେଇଥିଲେ ଶରତ ପଟ୍ଟନାୟକ ଓ ବିଶ୍ୱ ରଞ୍ଜନ ମହାନ୍ତି l ଏ ନେଇ ସେ ସେତେବେଳେ ଥାନା ରେ ଅଭିଯୋଗ କରିଥିଲେ ବି ଏତଲା ରୁଜୁ ନ ହେବାରୁ କୋର୍ଟ ର ଦ୍ଵାରସ୍ତ ହୋଇଥିଲେ ଆଶୁତୋଷ l ତେବେ ଏନେଇ ୩ଜଣ ନେତାଙ୍କ ପ୍ରତିକ୍ରିୟା ମିଳିପାରିନାହିଁ l