() ରାଜ୍ୟର ସମସ୍ତ ଗ୍ରାମାଞ୍ଚଳ ଓ ସହରାଞ୍ଚଳରେ ଅନବରତ ବିଜୁଳି ଯୋଗାଣ କୁ ସୁନିଶ୍ଚିତ କରିବାକୁ ପାଇଁ ସମସ୍ତ ଡିସିକମ ମାନଙ୍କୁ ମୁଖ୍ୟ ଶାସନ ସଚିବଙ୍କ ନିର୍ଦେଶ । ଖରା ତାତି ବଢୁଥିବା ରୁ ଓ ପିଲାଙ୍କ ପରୀକ୍ଷା ଥିବାରୁ ବିଜୁଳି ଯୋଗାଣ କୁ ନିଶ୍ଚିତ କରିବା ପାଇଁ ନିର୍ଦେଶ ଦିଆଯାଇଛି ।ରାଜ୍ୟରେ ପ୍ରଚଣ୍ଡ ଗ୍ରୀଷ୍ମ ପ୍ରବାହ ଯୋଗୁ ବିଦ୍ୟୁତ ଚାହିଦା ବଢ଼ୁଛି । ପିକ ସମୟରେ 10 ପ୍ରତିଶତ ଅଧିକ ଚାହିଦା ରହୁଛି । ରାଜ୍ୟରେ ବର୍ତ୍ତମାନ ବିଜୁଳି ଯୋଗାଣରେ ଯେଉଁ ସମସ୍ୟା ରହିଛି ତାହା ସାମୁହିକ ସମସ୍ୟା । ଦିନ ସମୟରେ ବିଜୁଳି ଯୋଗାଣରେ ଯେପରି କୌଣସି ଅସୁବିଧା ନ ହେବ ସେ ନେଇ ଡ଼ିସକମ ମାନଙ୍କୁ ନିର୍ଦେଶ ଦେଲେ ମୁଖ୍ୟ ଶାସନ ସଚିବ । ସମସ୍ତ ଆଇ ଆଇ ପି ବା ବିଦ୍ୟୁତ ଉତ୍ପାଦନ କାରୀ ସଂସ୍ଥା ମାନଙ୍କୁ କୋଇଲା ଯୋଗାଇ ଦେବା ପାଇଁ ନିର୍ଦେଶ ଦିଆଯାଇଛି ।

() ଅଲ୍ ଇଣ୍ଡିଆ ଫେଡେରେସନ୍ ଅଫ୍ ଟାକ୍ସ ପ୍ରାକ୍ଟିସନର୍ (ଇଷ୍ଟ ଜୋନ୍‌) ଦ୍ୱାରା ନିକଟରେ ସ୍ଥାନୀୟ ହୋଟେଲ୍ ଏକ୍ସଲେନ୍ସି ଦ୍ୱାରା ଭୁବନେଶ୍ୱର ଟାକ୍ସ କନଫରେନ୍ସ ଆୟୋଜିତ ହୋଇଯାଇଛି । ଏହି କନ୍‌ଫରେନ୍ସରେ ଚାଟାର୍ଡ ଆକାଉଂଟାଂଟ ଶ୍ରୀ ଏସ୍‌.ସି. ଭଦ୍ର ଅଧ୍ୟକ୍ଷ ଥିବା ବେଳେ ଆଡ୍‌ଭୋକେଟ ଶ୍ରୀ ଦିଲ୍ଲୀପ କୁମାର ମହାନ୍ତି ସହ ଅଧ୍ୟକ୍ଷ , ଆଡ୍‌ଭୋକେଟ୍ ଶ୍ରୀ ସୁଧାଂଶୁ ଏସ୍‌. ଦାସ ସମ୍ମିଳନୀ ସଚିବ ଓ ଆଡ୍‌ଭୋକେଟ୍ ପ୍ରଦୋଷ ପଟ୍ଟନାୟକ ସଂଯୋଜକ ଭାବେ ଦାୟିତ୍ୱ ତୁଲାଇଥିଲେ । ସମ୍ମିଳନୀର ଉଦ୍‌ଘାଟନୀ କାର୍ଯ୍ୟକ୍ରମରେ ଶ୍ରୀ ଭଦ୍ର ଅଧ୍ୟକ୍ଷତା କରିଥିବା ବେଳେ ଏଆଇଏଫ୍‌ଟିପିର ଜାତୀୟ ସଭାପତି ଶ୍ରୀ ଡି.କେ. ଗାନ୍ଧି ମୁଖ୍ୟ ଅତିଥି ଭାବେ ଯୋଗ ଦେଇଥିଲେ । ସେହିପରି ଏଆଇଏଫିଟିପିର ଉପସଭାପତି ଶ୍ରୀ ପଙ୍କଜ ଘିୟା, ସାଧାରଣ ସମ୍ପାଦକ ସିଏ ଜମୁନା ଶୁକ୍ଲା, ପୂର୍ବାଂଚଳର ଜାତୀୟ ଉପସଭାପତି ଶ୍ରୀ ଆନନ୍ଦ ପସାରୀ, ଜାତୀୟ ଯୁଗ୍ମ ସଂପାଦକ ଶ୍ରୀ ବିବେକ ଅଗ୍ରୱାଲ୍ ଏବଂ ପୂର୍ବାଂଚଳର ଅଧ୍ୟକ୍ଷ ଶ୍ରୀ ସଞ୍ଜୀବ ଅନ୍‌ୱର ଉପସ୍ଥିତ ଥିଲେ । ଏହି ଅବସରରେ ଜିଏସ୍‌ଟି ଏବଂ ଆୟକର ସମ୍ବନ୍ଧୀୟ ଦୁଇଟି ଟେକ୍ନିକାଲ୍ ସେସନ୍ ଅନୁଷ୍ଠିତ ହୋଇଥିଲା । ଆୟକର ସେସନ୍‌ର ପ୍ରସଙ୍ଗ ଥିଲା “ପ୍ରେଜେଂଟ ସିନାରିଓ ଅଣ୍ଡର ସେକ୍ସନ୍ ୧୪୮ ଆଣ୍ଡ ୧୪୮ ଏ ଅଫ୍ ଇନ୍‌କମ୍ ଟାକ୍ସ ଆକ୍ଟ ୧୯୬୧ ଆଣ୍ଡ ଇଟ୍‌ସ୍ ଇମ୍ପିଲିକେସନ୍ ଆଫ୍ଟର ରିସେଂଟ ହାଇ କୋର୍ଟ ଜଜ୍‌ମେଂଟ୍ସ” । ସେହିପରି ଜିଏସ୍‌ଟି ସେସନ୍‌ର ପ୍ରସଙ୍ଗ ଥିଲା “ଡ୍ରାକୋନିଆନ୍ ପ୍ରୋଭିଜନ୍ ଅଫ୍ ଆଟାଚ୍‌ମେଂଟ ଅଣ୍ଡର ଜିଏସ୍‌ଟି ଆଣ୍ଡ ଇଟ୍‌ସ ରିମେଡିସ୍‌” ।

ଆଡଭୋକେଟ୍ ଶ୍ରୀ ପଙ୍କଜ ଘିୟା ଜିଏସ୍‌ଟି ସେସନ୍ ଅଧ୍ୟକ୍ଷ ଭାବେ ଦାୟିତ୍ୱ ତୁଲାଇଥିବା ବେଳେ ଏଆଇଏଫ୍‌ଟିପିର ପାଷ୍ଟ ପ୍ରେସିଡେଂଟ ବରିଷ୍ଠ ଆଡଭୋକେଟ୍ ପ୍ରେମଲତା ବଂଶଲ୍ ଆଇଟି ଟେକ୍ନିକାଲ୍ ସେସନ୍‌ର ଅଧ୍ୟକ୍ଷ ଥିଲେ । ଏହି କାର୍ଯ୍ୟକ୍ରମରେ ଦିଲ୍ଲୀର ଆଡଭୋକେଟ ବିକ୍ରମ ଚାୱଲା ଏବଂ ବାରଣାସୀର ଆଡଭୋକେଟ୍ ଆନନ୍ଦ ପାଣ୍ଡେ ମୁଖ୍ୟ ବକ୍ତା ଭାବେ ଯୋଗ ଦେଇଥିଲେ ।ଅନ୍ୟମାନଙ୍କ ମଧ୍ୟରେ ଇଷ୍ଟ ଜୋନ୍‌ର ଉପାଧ୍ୟକ୍ଷ, ସାଧାରଣ ସମ୍ପାଦକ, ସମ୍ମିଳନୀ ସଚିବ, ସଂଯୋଜକ, ଜାତୀୟ କୋଷାଧ୍ୟକ୍ଷ, ଯୁଗ୍ମ ସଚିବ, ଜୋନାଲ୍ କୋଷାଧ୍ୟକ୍ଷ, ଏଆଇଏଫ୍‌ଟିପିର ବରିଷ୍ଠ ସଦସ୍ୟ ପ୍ରମୁଖ ଯୋଗ ଦେଇଥିଲେ । ଆଡଭୋକେଟ ଶ୍ରୀ ବିଜୟ କୃଷ୍ଣ ମହାନ୍ତି, ପାଷ୍ଟ ପ୍ରେସିଡେଂଟ ଆଡ୍‌ଭୋକେଟ୍ ପ୍ରେମଲତା ବଂଶଲ୍‌, ଶ୍ରୀ ବିମଳ ନନ୍ଦନ ମହାପାତ୍ର, ଶ୍ରୀ ଏସ୍‌.ଏନ୍‌. ସାହୁ, ପୂର୍ବାଂଚଳର ଗତ ଥରର ପାଷ୍ଟ ଚେୟାରମ୍ୟାନ୍ ଶ୍ରୀ ବିବେକ ମହାନ୍ତି ଏବଂ ଓଡ଼ିଶାର ବିଭିନ୍ନ ପ୍ରାନ୍ତ ଓ ଭାରତର ବିଭିନ୍ନ ଅଂଚଳର ପ୍ରତିନିଧି ମାନେ ଏହି କାର୍ଯ୍ୟକ୍ରମରେ ସାମିଲ୍ ହୋଇଥିଲେ ।

{} ସମ୍ ଅଲ୍ଟିମେଟ୍ ମେଡିକେୟାରରେ ଜିଭ କର୍କଟ ରୋଗର ସଫଳ ଚିକିତ୍ସା।

ଓଡ଼ିଶାରେ ପ୍ରଥମ: ଅତ୍ୟାଧୁନିକ ବ୍ରାଭୋସ୍ ବ୍ରାକିଥେରାପି ପଦ୍ଧତିରେ ସୁସ୍ଥ ହେଲେ ଜୀଭ କର୍କଟ ରୋଗୀ

() ସମ୍ ଅଲ୍ଟିମେଟ୍ ମେଡିକେୟାରରେ ଜିଭ କର୍କଟ ରୋଗର ସଫଳ ଚିକିତ୍ସା ଦ୍ୱାରା ନିକଟରେ ଜଣେ ରୋଗୀ ସମ୍ପୂର୍ଣ୍ଣ ଭାବେ ସୁସ୍ଥ ହୋଇଛନ୍ତି । ଓଡ଼ିଶାରେ ପ୍ରଥମ ଥର ପାଇଁ ସମ୍ମମ୍‌ରେ ଅତ୍ୟାଧୁନିକ ବ୍ରାଭୋସ୍ ବ୍ରାକିଥେରାପି ପଦ୍ଧତି ପ୍ରୟୋଗ ଦ୍ୱାରା ସମ୍ପୃକ୍ତ କର୍କଟ ରୋଗୀଙ୍କୁ ସୁସ୍ଥ କରାଯାଇପାରିଛି । ଏହି ନେଇ ସୂଚନା ଦେଇଛନ୍ତି ରେଡିଏସନ୍ ଅଙ୍କୋଲୋଜି ବିଭାଗର ମୁଖ୍ୟ ଡାକ୍ତର ଚିର ରଞ୍ଜନ୍ ଖାଡଙ୍ଗା ।୪୫ ବର୍ଷ ବୟସ୍କ ରଘୁନାଥ ମହାନ୍ତି ଯାହାଙ୍କର ଜିଭରେ ଦୀର୍ଘ ସମୟ ଧରି ଏକ ପ୍ରକାର ଘା’ (ଅଲ୍‌ସର) ରହିଥିଲା । ବାୟୋପ୍ସି ପରୀକ୍ଷା ପରେ ଏହା ଏକ କର୍କଟ ଜନିତ ଟ୍ୟୁମର ବୋଲି ଜଣାପଡ଼ିଥିଲା । ତେବେ ସେ ପୂର୍ବରୁ ଚିକିତ୍ସା କରାଉଥିବା ହସ୍ପିଟାଲ୍‌ରେ ତାଙ୍କ ଜିଭଟିକୁ ଅସ୍ତ୍ରୋପଚାର ଜରିଆରେ ସଂପୂର୍ଣ୍ଣ ବାହାର କରି ଦେବାର ନିଷ୍ପତି ନିଆଯାଇଥିଲା । ଏହା ଦ୍ୱାରା ତାଙ୍କୁ ସାରା ଜୀବନ ଠିକ୍ ଭାବେ କଥା କହିବାରେ ସମସ୍ୟା ସୃଷ୍ଟି ହୋଇଥାନ୍ତା । ତେଣୁ ଏଭଳି ଚିକିତ୍ସାର ବିକଳ୍ପ ଓ ଉତମ ପଦ୍ଧତି ନିମନ୍ତେ ସେ ସମ୍ ଅଲ୍ଟିମେଟ୍ ମେଡିକେୟାରରେ ପହଂଚିଥିଲେ ।

ସମ୍ମମ୍‌ରେ ରେଡିଏସନ୍ ଅଙ୍କୋଲୋଜି ବିଭାଗ ମୁଖ୍ୟ ତାଙ୍କର ଚିକିତ୍ସା ଆରମ୍ଭ କରିଥିଲେ । ବାୟୋପ୍ସି ରିପୋର୍ଟରୁ ଜିଭ କର୍କଟ ରୋଗ ଚିହ୍ନଟ ହୋଇଥିବା ବେଳେ ଅତ୍ୟାଧୁନିକ ଟ୍ରିପଲ୍ ଏଣ୍ଡୋସ୍କୋପିକ୍ ଆଣ୍ଡ ପିଇଟି-ସିଇସିଟି ପରୀକ୍ଷାରୁ ଏହା ଏକ ପ୍ରାରମ୍ଭିକ ସ୍ତରର ଜିଭ କର୍କଟ ବୋଲି ଜଣାପଡ଼ିଥିଲା । ଯେହେତୁ ସେ ଜଣେ ସୁସ୍ଥ ଓ କାର୍ଯ୍ୟକ୍ଷମ ବ୍ୟକ୍ତି ତେଣୁ ଜିଭ ଆଂଶିକ ବା ଅର୍ଦ୍ଧାଧିକ ଅଂଶ ଅସ୍ତ୍ରୋପଚାର ଦ୍ୱାରା ବାହାର ନ କରି ଅତ୍ୟାଧୁନିକ ବ୍ରାଭୋସ୍ ବ୍ର୍ରାକିଥେରାପି ଚିକିତ୍ସା ପଦ୍ଧତି ଆପଣାଇବା ଲାଗି ମଲ୍ଟିଡିସିପ୍ଲିନାରୀ ଟ୍ୟୁମର ବୋର୍ଡର ଚିକିତ୍ସକ ମାନେ ମତ ପୋଷଣ କରିଥିଲେ ଏବଂ ଅତ୍ୟାଧୁନିକ ବ୍ରାଭୋସ୍ ବ୍ରାକିଥେରାପି ଚିକିତ୍ସା ପ୍ରୟୋଗ କରାଯାଇଥିଲା ବୋଲି ଡାକ୍ତର ଖାଡଙ୍ଗା ସୂଚନା ଦେଇଛନ୍ତି ।

ଏହି ପଦ୍ଧତିରେ ସ୍ୱଳ୍ପ ସମୟ ପାଇଁ ଆନେସ୍‌ଥେସିଆ ଦିଆଯାଇ ବେକର ବାମ ପାଶ୍ୱର୍ର ଚର୍ମକୁ ଭେଦ କରି ପର୍ କ୍ୟୁଟାନିୟସ୍ କ୍ୟାଥେଟର୍ ଇମ୍‌ପ୍ଲାଂଟ ଦ୍ୱାରା ଜିଭରେ ଥିବା କର୍କଟ କ୍ଷତ ମଧ୍ୟରେ ଅତିସୂକ୍ଷ୍ମ ନମନୀୟ ପ୍ଲାଷ୍ଟିକ ନଳୀକୁ ରଖାଯାଇଥିଲା । ଏହାପରେ କମ୍ଫ୍ୟୁଟର ସାହାଯ୍ୟରେ ଉଚ୍ଚ ବିକିରଣ ଯୁକ୍ତ ଇରିଡିୟମ ତେଜସ୍କ୍ରିୟ ଆଇସୋଟୋପ୍‌କୁ ଉକ୍ତ ଜିଭ ମଧ୍ୟସ୍ଥ ସୂକ୍ଷ୍ମ-ପ୍ଲାଷ୍ଟିକ ନଳୀ ମଧ୍ୟରେ କିଛି ସମୟ ପାଇଁ ରଖାଯାଇଥିଲା । ଏହିପରି ଭାବେ ଉକ୍ତ ବ୍ରାକିଥେରାପି ସମ୍ଫୂର୍ଣ୍ଣ କରାଯାଇଥିଲା ଏବଂ ରୋଗୀଟିକୁ ଘରକୁ ଛଡାଯାଇଥିଲା ବୋଲି ଡାକ୍ତର ଖାଡଙ୍ଗା କହିଛନ୍ତି ।

ପ୍ରାୟ ଦୁଇ ମାସ ପରେ ବିଭିନ୍ନ ଡାକ୍ତରୀ ପରୀକ୍ଷା ଓ ଏମ୍‌ଆରଆଇ କରାଯିବା ପରେ ରୋଗୀଙ୍କ ଠାରେ କର୍କଟ ଚିହ୍ନ ଆଉ ଦେଖିବାକୁ ମିଳୁନାହିଁ । ବର୍ତମାନ ରୋଗୀ ଜଣକ ସୁସ୍ଥ ଜୀବନଯାପନ କରିବା ସହ ଖାଦ୍ୟପାନ ମଧ୍ୟ ଗ୍ରହଣ କରିପାରୁଛନ୍ତି ।ସମ୍ ଅଲ୍ଟିମେଟ୍ ମେଡିକେୟାରରେ ଦକ୍ଷିଣ-ପୂର୍ବ–ଏସିଆ ତଥା ଭାରତର ସର୍ବପ୍ରଥମ ‘ବ୍ରାଭୋସ୍‌” ବ୍ରାକିଥେରାପି ମେସିନ୍ ସ୍ଥାପନ ହୋଇଥିଲା । ଯାହାକି ଅତ୍ୟାଧୁନିକ ନିରାପତା ତଥା ସଠିକ୍ ଓ ସୂକ୍ଷ୍ମ ଚିକିତ୍ସା ଯୋଗାଇପାରୁଛି । ଏହି ବ୍ରାକିଥେରାପି ଚିକିତ୍ସା ଦ୍ୱାରା ପ୍ରାରମ୍ଭିକ ସ୍ତରରେ କର୍କଟ ରୋଗା କ୍ରାନ୍ତ ଅଙ୍ଗ ପ୍ରତ୍ୟଙ୍ଗକୁ ରକ୍ଷା କରାଯାଇପାରୁଛି ଯାହା ରୋଗୀଙ୍କ ପାଇଁ ଖୁବ୍ ଉପାଦେୟ ସାବ୍ୟସ୍ତ ହୋଇପାରିଛି ବୋଲି ଡାକ୍ତର ଖାଡଙ୍ଗା କହିଛନ୍ତି ।

() ବର୍ତ୍ତମାନ ଓଡ଼ିଶାରେ ଉଦବେଗ ଜନକ ସ୍ଥିତି ନାହିଁ । ତଥାପି ଆଗାମୀ ୩ ରୁ ୪ ସପ୍ତାହ ଆମ ମାନଙ୍କ ପାଇଁ ଅତ୍ୟନ୍ତ ଗୁରୁତ୍ୱପୂର୍ଣ୍ଣ । ପୂର୍ବ ଲହର ଗୁଡିକରେ ଦେଖା ଯାଇଛି ଦିଲ୍ଲୀରେ ସଂକ୍ରମଣ ବଢିବାର ମାସକ ପରେ ଆମର ଏଠି ସଂକ୍ରମଣ ବଢେ । ତେଣୁ ଏଇ ସମୟ ଆମ ପାଇଁ ଗୁରୁତ୍ୱପୂର୍ଣ୍ଣ । ଆମେ ସମସ୍ତ ଙ୍କୁ ଅନୁରୋଧ କରୁଛୁ ଯେଉଁମାନେ ଟୀକା ନେଇ ନାହାନ୍ତି ତୁରନ୍ତ ନେଇ ଯାଆନ୍ତୁ । ଯଦି ସଂକ୍ରମଣ ବଢିବା ଆରମ୍ଭ କରେ ଆମର ହସ୍ପିଟାଲ ବା ଟ୍ରିଟମେଣ୍ଟ ଷ୍ଟ୍ରାଟେଜି ଚେଞ୍ଜ କରିବୁ । ନିହାତି କାମ ନଥିଲେ ଭିଡ଼ ସ୍ଥାନ ଠୁ ଦୂରେଇ ରହନ୍ତୁ । ଗହଳି ସ୍ଥାନ କୁ ଗଲେ ମାକ୍ସ ନିହାତି ପିନ୍ଧନ୍ତୁ । କିଛି ରାଜ୍ୟରେ ସଂକ୍ରମଣ ବଢିବା ଆରମ୍ଭ କରିଛି । ତେଣୁ ସଂକ୍ରମଣ ବଢିବା ସହ ଆର ଭ୍ୟାଲୁ ବି ବଢ଼ିବ ।

ବିଜୟ ମହାପାତ୍ର,ସ୍ୱାସ୍ଥ୍ୟ ନିର୍ଦ୍ଦେଶକ

() ମୁଖ୍ୟମନ୍ତ୍ରୀଙ୍କ ନିର୍ଦ୍ଦେଶରେ ୫-ଟି ସଚିବଙ୍କ କଟକ ଚଣ୍ଡି ମନ୍ଦିର ପରିଦର୍ଶନ।

୭ ଦିନ ମଧ୍ୟରେ ମନ୍ଦିରର ଉନ୍ନତିକରଣ ଯୋଜନା ପ୍ରସ୍ତୁତ କରାଯାଇ ମୁଖ୍ୟମନ୍ତ୍ରୀଙ୍କ ଅନୁମୋଦନ ନିମନ୍ତେ ଉପସ୍ଥାପିତ କରାଯିବ।

{ }ମୁଖ୍ୟମନ୍ତ୍ରୀ ଶ୍ରୀ ନବୀନ ପଟ୍ଟନାୟକଙ୍କ ନିର୍ଦ୍ଦେଶକ୍ରମେ ମୁଖ୍ୟମନ୍ତ୍ରୀଙ୍କ ସଚିବ5T ଶ୍ରୀ ଭି.କେ. ପାଣ୍ଡିଆନ ଆଜି ପ୍ରତ୍ୟୁଷରେ କଟକ ଚଣ୍ଡୀ ମନ୍ଦିର ପରିଦର୍ଶନ କରିଛନ୍ତି। ଏହି ଅବସରରେ ସେ ମାଆଙ୍କ ଦର୍ଶନ କରିବା ସହିତ ମନ୍ଦିରର ବିଭିନ୍ନ ଉନ୍ନୟନମୂଳକ କାମ ସଂପର୍କରେ ସେବାୟତ, ଜିଲ୍ଲାପ୍ରଶାସନ ଓ ସ୍ଥାନୀୟ ଲୋକମାନଙ୍କ ସହିତ ଆଲୋଚନା କରିଛନ୍ତି।ମନ୍ଦିରର ଉନ୍ନତି କରଣ ତଥା ଅନ୍ୟାନ୍ୟ ବିକାଶ କାର୍ଯ୍ୟ ପାଇଁ ୭ ଦିନ ମଧ୍ୟରେ ମାଷ୍ଟରପ୍ଲାନ ପ୍ରସ୍ତୁତ କରାଯାଇ ମୁଖ୍ୟମନ୍ତ୍ରୀଙ୍କ ଅନୁମୋଦନ ନିମନ୍ତେ ଉପସ୍ଥାପନ କରାଯିବ।

ସୂଚନାଯୋଗ୍ୟ ଯେ କଟକର ପ୍ରସିଦ୍ଧ ଚଣ୍ଡୀମନ୍ଦିର ଲକ୍ଷ ଲକ୍ଷ ଶ୍ରଦ୍ଧାଳୁଙ୍କ ଶ୍ରଦ୍ଧା ଓ ଆସ୍ଥାର ପ୍ରତୀକ । ଏହି ପୀଠର ବିକାଶ ପାଇଁ ମୁଖ୍ୟମନ୍ତ୍ରୀ ଶ୍ରୀ ନବୀନ ପଟ୍ଟନାୟକଙ୍କର ସ୍ପଷ୍ଟ ନିର୍ଦ୍ଦେଶ ରହିଛି। ଏଥିପାଇଁ ମନ୍ଦିର କମିଟି ଜିଲ୍ଲା ପ୍ରଶାସନ ସହିତ ବିଭିନ୍ନ ଉନ୍ନୟନମୂଳକ ପଦକ୍ଷେପ ସଂପର୍କରେ ଆଲୋଚନା କରିବ।ମନ୍ଦିରର ବିଭିନ୍ନ ସମସ୍ୟା ସମ୍ପର୍କରେ 5T ସଚିବ ଆଲୋଚନା କରିବା ସହ ମନ୍ଦିରର ଅଞ୍ଚଳ ବୁଲି ଦେଖିଛନ୍ତି । ମନ୍ଦିରରେ ଥିବା ସମସ୍ୟା, ବିଶେଷ କରି ଜଳ ନିଷ୍କାସନ, ପାର୍କିଂ ଓ ମରାମତି ନେଇ ମନ୍ଦିର କର୍ତ୍ତୃପକ୍ଷ 5T ସଚିବଙ୍କ ଦୃଷ୍ଟି ଆକର୍ଷଣ କରିଥିଲେ । ମନ୍ଦିରର ସୌନ୍ଦର୍ଯ୍ୟକରଣ ପାଇଁ ବିଭିନ୍ନ କାମ ହାତକୁ ନିଆଯାଇଛି ବୋଲି ଜଣାଯାଇଛି .

ମନ୍ଦିରକୁ ଅଧିକ ସୁନ୍ଦର କରିବା ସହ ଏଠାକୁ ଆସୁଥିବା ଶ୍ରଦ୍ଧାଳୁଙ୍କ ସୁବିଧା ପାଇଁ ବିଭିନ୍ନ ପଦକ୍ଷେପ ସମସ୍ତଙ୍କ ସହଯୋଗରେ ମନ୍ଦିରର ବିକାଶମୂଳକ କାର୍ଯ୍ୟ ଆରମ୍ଭ ହେବ ।5T ସଚିବଙ୍କ ଗସ୍ତ ସମୟରେ ଆରଡିସି, ଜିଲ୍ଲାପାଳ ସିଏମସି କମିଶନର, ଡିସିପି, ପୂର୍ତ୍ତ ବିଭାଗର ବରିଷ୍ଠ ଯନ୍ତ୍ରୀମାନେ ଉପସ୍ଥିତ ଥିଲେ ।