() ଭିଜନ ୨୦୩୬ । ନାରା- ନୂଆ ଓଡ଼ିଶା,ସଶକ୍ତ ଓଡିଶା । ଲୋକଙ୍କ ପାଖରେ ପହଞ୍ଚିବ ପ୍ରଶାସନ । ସବୁ କ୍ଷେତ୍ରରେ ଓଡିଶା ବିକଶିତ ହେବା ସହ ପୁରା ଦେଶରେ ଏକ ସ୍ବତନ୍ତ୍ର ରାଜ୍ୟ ଭାବେ ହେବ ପ୍ରତିଷ୍ଠିତ ।ଏପରି ଆଭିମୁଖ୍ୟ ନେଇ ନବୀନ ଆଗକୁ ବଢୁଛନ୍ତି । ଶିକ୍ଷା, ସ୍ବାସ୍ଥ୍ୟ, ଗମନାଗମନ, କ୍ରୀଡ଼ା, ଶିଳ୍ପ ଠାରୁ ଆରମ୍ଭ କରି ପର୍ଯ୍ୟଟ ଯାଏଁ ସବୁ କ୍ଷେତ୍ରରେ ଓଡ଼ିଶା ପୁରା ଦେଶକୁ ବାଟ ଦେଖାଉଛି । ପ୍ରାକୃତିକ ବିପର୍ଯ୍ୟୟରେ ଭାଙ୍ଗି ପଡ଼ୁଥିବା ଓଡ଼ିଶାକୁ ଏବେ ବିପର୍ଯ୍ୟୟ ମୁକାବିଲା ପାଇଁ ଜାତିସଂଘର ପ୍ରଶଂସା ସାଉଁଟୁଛି । ଆଉ ଏସବୁ ସମ୍ଭବ ହୋଇପାରିଛି କେବଳ ନୂଆ ଓଡ଼ିଶାର ବିନ୍ଧାଣି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଦୃଢ ଓ ସ୍ବଚ୍ଛ ନେତୃତ୍ବ ପାଇଁ । ଖାସ ଏଥିଲାଗି ପଂଚମ ଥର ପାଇଁ ଓଡ଼ିଶାବାସୀ ମୁଖ୍ୟମନ୍ତ୍ରୀ ଭାବେ ନବୀନ ପଟ୍ଟନାୟକଙ୍କୁ ଶାସନ ଗାଦିରେ ବସାଇଛନ୍ତି । ଆଗକୁ ଏହି ଧାରା ଜାରୀ ରହିବ ତାହା ନିକଟରେ ଅନୁଷ୍ଠିତ ପଂଚାୟତ ଓ ପୌର ନିର୍ବାଚନ ଫଳାଫଳରୁ ମଧ୍ୟ ସ୍ପଷ୍ଟ । ୩୦ ଟି ଜିଲ୍ଲା ପରିଷଦ ଆସନ ଶାସକ ଦଳ ଦଖଲକୁ ଯିବ ନବୀନଙ୍କ ପ୍ରତି ରାଜ୍ୟବାସୀଙ୍କ ବିଶ୍ବାସ ଓ ଭରଷା ପ୍ରମାଣିତ କରିଛି । ୨୨ ବର୍ଷ ପରେ ମଧ୍ୟ ମୁଖ୍ୟମନ୍ତ୍ରୀ ଅପ୍ରତିଦ୍ନନ୍ଦୀ , ଅପରାଜୟ । ନବୀନଙ୍କ ସହ ବିରୋଧୀ ଲଢିବେ କଣ ତାଙ୍କ ରଣନୀତି ଆଗରେ ଆଖପାଖ ବି ମାଡ଼ିପାରୁନାହାନ୍ତି । ଯାହା ପ୍ରମାଣିତ ହୋଇଛି ସଦ୍ୟତମ ବ୍ରଜରାଜନଗର ଉପ ନିର୍ବାଚନର ଫଳାଫଳରୁ । ଏସବୁ ପରେ ବି ଦିନରାତି ଏକ କରି ସବୁଦିନ ଲୋକଙ୍କ ପାଇଁ ଆହୁରୀ ଅଧିକ କାମ କରିବାକୁ ବିଜେଡି କର୍ମୀ ଓ ନେତାଙ୍କ ଗୁରୁମନ୍ତ୍ର ଦେଇଛନ୍ତି ନବୀନ । ଲୋକଙ୍କ ବାରମ୍ବାର ଆଶୀର୍ବାଦ ପାଉଥିବା ଶାସକ ଦଳ ଏହାକୁ ଗୁରୁ ଦାୟିତ୍ବ ଭାବେ ନେଇ କାମ କରିଛି । ତୃଣମୂଳ ସ୍ତରରୁ ରାଜ୍ୟ ନେତୃତ୍ବ ଯାଏ ସଂଗଠନକୁ ଚଳଚଞ୍ଚଳ କରିବା ସହ ଲୋକଙ୍କ ପାଇଁ ୨୪ ଘଣ୍ଟା ସେବା କରିବାକୁ ଆହ୍ବାନ ଦେଇଛନ୍ତି ନବୀନ । କାରଣ ମୁଖ୍ୟମନ୍ତ୍ରୀ ସବୁବେଳେ କହନ୍ତି ସାଢେ ଚାରିକୋଟି ଓଡିଆ ମୋ ପରିବାର । ସେମାନଙ୍କ ସୁଖ ଓ ଦୁଃଖର ସାଥୀ ହୁଏ ।
ଯେଉଁଦିନ ନିର୍ବାଚନ ଫଳାଫଳ ପ୍ରକାଶ ପାଏ, ସେହିଦିନ ଠାରୁ ଶାସକ ବିଜେଡି ତାର ନିର୍ବାଚନୀ ପ୍ରସ୍ତୁତି ଆରମ୍ଭ କରିଥାଏ । ପଂଚାୟତ,ପୌର ଓ ବ୍ରଜରାଜ ନଗର ଉପ ନିର୍ବାଚନ ପରେ ୨୦୨୪ ସାଧାରଣ ନିର୍ବାଚନ ପାଇଁ ଶାସକ ଦଳ ଆରମ୍ଭ କରିଛି ଜୋରଦାର ପ୍ରସ୍ତୁତି । ପ୍ରଥମେ ପଂଚମ ପାଳିର ୩ ବର୍ଷ ପୁର୍ତ୍ତୀ ପରେ ନବୀନ ନୂଆ ମନ୍ତ୍ରୀମଣ୍ଡଳ ଗଠନ କରିଛନ୍ତି । ଯାହା ଓଡ଼ିଶା ରାଜନୀତି ଇତିହାସରେ ଘଟିନଥିଲା ତାହା ଦେଖିବାକୁ ମିଳିଥଲା ନବୀନ ପଂଚମ ପାଳିର ମନ୍ତ୍ରୀମଣ୍ଡଳ ଗଠନ ବେଳେ । ସମସ୍ତ ମନ୍ତ୍ରୀ ଇସ୍ତଫା ଦେବା ପରେ ୨୧ ଜଣଙ୍କ ମନ୍ତ୍ରୀମଣ୍ଡଳରେ ସାମିଲ କରିଥିଲେ ନବୀନ । ନୂଆ ଟିମରେ ୧୩ କ୍ୟାବିନେଟ ମନ୍ତ୍ରୀ ଓ ୮ ଜଣ ରାଷ୍ଟ୍ରମନ୍ତ୍ରୀ ସାମିଲ କରିଥିଲେ । ଯେଉଁଥିରେ ୫ଜଣ ମହିଳା ମନ୍ତ୍ରୀ ସାମିଲ ହୋଥିଲେ । ମନ୍ତ୍ରୀମଣ୍ଡଳ ପରେ ସମସ୍ତ ନିଗମକୁ ଭାଙ୍ଗୀଛନ୍ତି ନବୀନ । ପରେ ସଂଗଠନକୁ ନୂଆରୂପ ଦେଇ ବିଦାୟୀ ମନ୍ତ୍ରୀଙ୍କ ସଂଗଠନ ଦାୟିତ୍ବ ଦେବାକୁ ବ୍ଲୁ ପ୍ରିଣ୍ଟ ପ୍ରସ୍ତୁତ କରାଯାଉଛି । ତୃଣମୂଳ ସ୍ତରରେ ନେତୃତ୍ବ ନେଉଥିବା ନେତାମାନଙ୍କ ସହ ଓ୍ବାନ ଟୁ ଓ୍ବାନ ଆଲୋଚନା କରୁଛନ୍ତି ନବୀନ । ନବୀନଙ୍କ ନିର୍ଦ୍ଦେଶରେ ସଂଗଠନକୁ ଚଳଚଞ୍ଚଳ କରିବା ପାଇଁ ବିଜେଡି ସାଂଗଠନିକ ସମ୍ପାଦକ ପ୍ରଣବ ପ୍ରକାଶ ଦାସ ଦିନରାତି ଏକ କରି କାମ କରୁଛନ୍ତି । ୨୦୧୯ ସାଧାରଣ ନିର୍ବାଚନରେ ଦିଆଯାଇଥିବା ନିର୍ବାଚନୀ ପ୍ରତିଶ୍ରୃତି ଓ ରାଜ୍ୟ ସରକାରଙ୍କ ବିଭିନ୍ନ ଯୋଜନା ସଠିକ ଭାବେ କାଯ୍ୟକାରୀ କରିବା ଉପରେ ଦଳର ସମସ୍ତ କର୍ମୀ ଓ ନେତା ଗୁଣ୍ଡୁଛି ମୂଷା ପରି କାମ କରିବାକୁ ପରାମର୍ଶ ଦେଇଛନ୍ତି ନବୀନ । ଯାହାକୁ ଗ୍ରାଉଣ୍ଡରେ ବାସ୍ତବ ରୂପ ଦେଉଛନ୍ତି ବିଜେଡି ସଂଗଠନ ସମ୍ପାଦକ । ୨୦୨୪ ପାଇଁ ରାଜନୈତିକ ରଣନୀତିକୁ ପଛରେ ପକାଇ ଜନସେବାକୁ ଅଧିକ ଫୋକସ କରିଛି ଶାସକ ବିଜେଡ଼ି । ଯେଉଁଠି ପାଇଁ ବିଜେଡ଼ି ଏବେ ଏକ ରାଜନୈତିକ ଦଳ ନୁହେଁ, ବଂର ଏକ ଜନ ଆନ୍ଦୋଳନରେ ପରିଣତ ହୋଇଛି । ଶାସକ ଦଳର ଜନସେବା ମନବୃତିକୁ ଓଡ଼ିଶାବାସୀ ବେଶ ପ୍ରଶଂସା କରିବା ସହ ସବୁ କ୍ଷେତ୍ରରେ ଆର୍ଶୀବାଦ ଦେଉଛନ୍ତି । ଓଡ଼ିଶାବାସୀଙ୍କ ଶାସକ ବିଜେଡି ଦଳ ପ୍ରତି ଏପରି ଭଲ ପାଇବା ଓ ଆର୍ଶୀବାଦ ବିରୋଧୀଙ୍କ ସବୁ ରଣନୀତିକୁ ଅକାମି କରିଦେଉଛି । ଆଉ ଏବେ ଏବେ ୨୦୨୪ ପାଇଁ ବିଜେଡି ଯେଉଁସବୁ ସରପ୍ରାଇଜ କାର୍ଡ଼ ଖେଳୁଛି ତାହା ରାଜ୍ୟରେ ବିରୋଧୀଙ୍କ ହୋସ ଉଡାଇ ଦେଉଛି।
