() ବର୍ତ୍ତମାନ ସମୟରେ ଗୁଳୁଗୁଳି ସହ ତତଲା କାଡେଇରେ ଭାଜି ହେଉଛନ୍ତି ରାଜଧାନୀ ବାସୀ। ସକାଳ 8ରୁ ଖରାର ତାପମାତ୍ରା ଏତେ ରହୁଛି ଯେ..କଂକ୍ରିଟ ସହରରେ ଗଛ ଛାଇ ତଳେ ଠିଆ ହେବାକୁ କିଏ ବା ନ ଚାହେଁ । ହେଲେ ସେ ଗଛର ମହତ୍ତ୍ଵକୁ ରାଜଧାନୀ ବାସୀ ମାନେ ବୁଝନ୍ତି ନାହିଁ। କାଳ ବୈଶାଖରେ ନୟାପଲ୍ଲୀ ଭେଣ୍ଡିଙ୍ଗ ଜୋନରେ ଉପୁଡି ଯାଇଥିବା କଦମ୍ବ ଗଛ ପୁଣି ଥରେ ବଚେଇବା ପାଇଁ ଚାଲିଛି ଉଦ୍ୟମ । ପାନ ବ୍ୟବସାୟ କରି ପରିବାର ପୋଷଣ କରୁଥିବା ମାଣ୍ଟୁ ବ୍ୟବସାୟ ଛାଡି ଗଛକୁ ପୁନର୍ଜୀବିତ କରିବାକୁ ଲାଗି ପଡିଛନ୍ତି । ମଣ୍ଟୁଙ୍କ କହିବା କଥା ହେଉଛି ଏଠି ଗଛ ରହିଲେ କିଛି ଲୋକ ଖରା ସମୟରେ ଆଶ୍ରୟ ନେବେ। ଏହାସହ ଗଛ ଯୋଗୁ ଭଲ ବ୍ୟବସାୟ ହେଉଥିବା ସେ କହିଛନ୍ତି । କାରଣ ସେ ବୁଝିଛନ୍ତି ଏ ବ୍ୟସ୍ତ ବହୁଳ ରାଜଧାନୀରେ ବୃକ୍ଷର ମୂଲ । ତାଙ୍କ ଏପରି ଉଦ୍ୟମକୁ ଏବେ ସବୁଠି ପ୍ରସଂଶା କରାଯାଉଛି।

ମଣ୍ଟୁ ପାତ୍ର, ବ୍ୟବସାୟୀ