() ବିଭିନ୍ନ ଷ୍ଟାଣ୍ଡିଙ୍ଗ କମିଟିର ପ୍ରସ୍ତାବ ଉପସ୍ଥାପିତ ହେବ । 14 ତାରିଖରୁ 28 ତାରିଖ ଯାଏଁ ବିଭିନ୍ନ ବିଭାଗର ଖର୍ଚ୍ଚ ଦାବି ଉପରେ ଆଲୋଚନା ହେବ । ଯେଉଁ ବିଭାଗର ଖର୍ଚ୍ଚ ଦାବି ଉପରେ ଆଲୋଚନା ହୋଇପାରିନଥିବ ତାହା 29 ତାରିଖରେ ଗିଲୋଟିନ ଜରିଆରେ ପାରିତ କରାଯିବ । 30 ତାରିଖରେ 2022-23 ଆର୍ଥିକ ବର୍ଷର ବ୍ୟୟ ମଞ୍ଜୁରୀ ବିଲ ପରିତ ହେବ । ପ୍ରଶ୍ନ କାଳ ସ୍ୱାଭାବିକ କରିବା ପାଇଁ ସବୁ ବିଧାୟକଙ୍କ ସହଯୋଗ ମୁଁ ଲୋଡିଛି ।
ବିକ୍ରମ ଆରୁଖ, ବାଚସ୍ପତି
() ସରକାରୀ କର୍ମଚାରୀ ପାଇଁ ବଢିଲା ଗୃହ ନିର୍ମାଣ ଋଣ ସହାୟତା ପରିମାଣ।
କର୍ମଚାରୀମାନେ ୮ ପ୍ରତିଶତ ସୁଧରେ ପାଇବେ ୪୦ ଲକ୍ଷ ଟଙ୍କା ପର୍ଯ୍ୟନ୍ତ ଋଣ।
{} ସପ୍ତମ ବେତନ କମିଶନ ସୁପାରିଶ ଭିତ୍ତିରେ ରାଜ୍ୟ ସରକାର ସରକାରୀ କର୍ମଚାରୀ ମାନଙ୍କ ପାଇଁ ଗୃହ ନିର୍ମାଣ ସହାୟତା ରାଶିକୁ ୨୫ ଲକ୍ଷ ଟଙ୍କାରୁ ୪୦ ଲକ୍ଷ ଟଙ୍କାକୁ ବୃଦ୍ଧି କରିଛନ୍ତି । ସୁଧ ହାର ପରିମାଣ ମଧ୍ୟ୍ୟ କମାଯାଇ ୮ ପ୍ରତିଶତ ରଖାଯାଇଛି। ଏହି ଋଣ ୬୦-୪୦ ଅନୁପାତରେ ଦୁଇଟି ପର୍ଯ୍ୟାୟରେ କର୍ମଚାରୀ ମାନଙ୍କୁ ଦିଆଯିବ।
ପୂର୍ବରୁ ୨୦୧୦ରେ ଲାଗୁ କରାଯାଇଥିବା ଗୃହ ନିର୍ମାଣ ସହାୟତା ନିୟମ ଅନୁଯାୟୀ ୨୫ ଲକ୍ଷ ଟଙ୍କା ପର୍ଯ୍ୟନ୍ତ ଋଣ ଦିଆଯାଉଛି ଏବଂ ଏଥିରେ ସର୍ବାଧିକ ସୁଧ ହାର ୧୧.୫ ପ୍ରତିଶତ ଥିଲା ।
ବର୍ତ୍ତମାନ ଗୃହ ନିର୍ମାଣ ସହାୟତା ପରିମାଣ ୪୦ ଲକ୍ଷ ଟଙ୍କାକୁ ବୃଦ୍ଧି ପାଇବା ସହିତ ସୁଧ ପରିମାଣ ୮ ପ୍ରତିଶତକୁ ହ୍ରାସ କରାଯାଇଛି । ଜାତୀୟ ପେନ୍ସନ ସ୍କିମ୍ ଅଧୀନସ୍ଥ କର୍ମଚାରୀଙ୍କ ସହିତ ସମସ୍ତ ସ୍ଥାୟୀ ସରକାରୀ କର୍ମଚାରୀ ଏହି ସହାୟତା ପାଇପାରିବେ।
( ) କୋଭିଡ ସମ୍ପର୍କରେ ଜନସ୍ୱାସ୍ଥ୍ୟ ନିର୍ଦେଶକ ଡାକ୍ତର ନିରଞ୍ଜନ ମିଶ୍ରଙ୍କ ପ୍ରତିକ୍ରିୟା । ବର୍ତ୍ତମାନ ଯେଉଁ ସଂକ୍ରମଣ ବଢ଼ୁଛି, ସେଥିରେ ଡାକ୍ତରଖାନା ଯିବା ରୋଗୀଙ୍କ ସଂଖ୍ୟା କମ । ମାତ୍ର 1 ପ୍ରତିଶତ ରୋଗୀ ଡାକ୍ତରଖାନା ଯାଉଛନ୍ତି । ଗତକାଲି ସୁଦ୍ଧା 3 ହଜାରରୁ ଅଧିକ ସକ୍ରିୟ ରୋଗୀ ଥିଲେ । ସେମାନଙ୍କ ମଧ୍ୟରୁ ମାତ୍ର 31 ଜଣ ଡାକ୍ତରଖାନାରେ ଅଛନ୍ତି । ଡାକ୍ତରଖାନାରେ ଭର୍ତ୍ତି ରୋଗୀଙ୍କ ମଧ୍ୟରୁ 25 ଜଣ ICU ରେ ଅଛନ୍ତି । ଅଧିକାଂଶ ରୋଗୀ ଲକ୍ଷଣଯୁକ୍ତ ନୁହନ୍ତି । ବୟସ୍କ ଲୋକ, କୋମରବିଡ଼ିଟି ଥିବା କିଛି ରୋଗୀ ଡାକ୍ତରଖାନାରେ ଅଛନ୍ତି ।
ସର୍ବଭାରତୀୟ କୋଭିଡ ସ୍ଥିତି ଦେଖିଲେ, ସବୁ ରାଜ୍ୟରେ କୋଭିଡ ବଢୁନି । ଯେଉଁ ରାଜ୍ୟରେ ବଢ଼ୁଛି, କେବଳ ସହରାଞ୍ଚଳରେ ହିଁ ସଂକ୍ରମଣ ବଢ଼ୁଛି, ଗ୍ରାମାଞ୍ଚଳରେ ନାହିଁ । ଯେହେତୁ ବର୍ତ୍ତମାନ ଅନ୍ତଃରାଜ୍ୟ କଟକଣା ନାହିଁ, ବାଣିଜ୍ୟ ବ୍ୟବସାୟ ଉପରେ କଟକଣା ନାହିଁ, ଲୋକମାନଙ୍କ ଯାତାୟାତ ହେଉଛି, ଲୋକ ଏକାଠି ହେଉଛନ୍ତି, ସେସବୁ ସ୍ଥାନରେ ସଂକ୍ରମଣ ଅଧିକ ରହୁଛି । ଆମ ରାଜ୍ୟରେ TPR ଅନୁସାରେ କଟକ, ପୁରୀ, ଖୋର୍ଦ୍ଧାର ସହରାଞ୍ଚଳରେ ସଂକ୍ରମଣ ଅଧିକ ରହିଛି ।
ରଥଯାତ୍ରା ଯୋଗୁଁ ବଢ଼ିବ କି ସଂକ୍ରମଣ ?
କୋଭିଡ ସଂକ୍ରମଣ ରୋକିବାରେ ଲୋକଙ୍କ ସହଭାଗିତା ଦରକାର । ଲୋକଙ୍କ ଭାବାବେଗକୁ ତ ଅଟକାଇ ହେବନାହିଁ । ଜଗନ୍ନାଥଙ୍କ ଦର୍ଶନ କରିବାକୁ ଆସିଥିଲେ, ଆଗକୁ କଣ ହେଉଛି ଜଣାପଡ଼ିବ । ତେବେ ଯେହେତୁ ଅଧିକାଂଶ ଲୋକ ଟୀକା ନେଇଛନ୍ତି, ସଂକ୍ରମଣ ହୋଇପାରେ, କିନ୍ତୁ ଗୁରୁତର ହେବା କ୍ଷମତା କମ ରହିପାରେ । ରାଜ୍ୟରେ ସଂକ୍ରମଣ କେବେ ପିକ ହେବ, ଏବେଠୁ ଆକଳନ କରିବା କଷ୍ଟକର ।
ଡାକ୍ତର ନିରଞ୍ଜନ ମିଶ୍ର, ଜନସ୍ୱାସ୍ଥ୍ୟ ନିର୍ଦେଶକ
() ସଡ଼କ ଦୁର୍ଘଟଣା ରେ ୩ଜଣ ବ୍ୟକ୍ତିଙ୍କ ମୃତ୍ୟୁରେ ମୁଖ୍ୟମନ୍ତ୍ରୀଙ୍କ ଗଭୀର ଶୋକ ପ୍ରକାଶ,
ମୃତକମାନଙ୍କ ପାଇଁ ୨ଲକ୍ଷ ଟଙ୍କା ସହାୟତା ଘୋଷଣା।
{} ବଲାଙ୍ଗୀର-ସୋନପୁର ରୋଡ଼ର ବଡ଼ବାହାଲୀ ଛକ ନିକଟରେ ଏକ ସଡ଼କ ଦୁର୍ଘଟଣାରେ ୩ଜଣ ବ୍ୟକ୍ତିଙ୍କ ମୃତ୍ୟୁ ଘଟଣାରେ ମୁଖ୍ୟମନ୍ତ୍ରୀ ଶ୍ରୀ ନବୀନ ପଟ୍ଟନାୟକ ଗଭୀର ଶୋକ ପ୍ରକାଶ କରିଛନ୍ତି ।
ସୂଚନାଯୋଗ୍ୟ ଯେ ବଡ଼ବାହାଲୀ ଠାରେ ଘଟିଥିବା ଏହି ଦୁର୍ଘଟଣାରେ ୩ଜଣଙ୍କ ମୃତ୍ୟୁ ଘଟିଥିବା ବେଳେ ଆଉ ୩ ଜଣ ମଧ୍ୟ ଆହତ ହୋଇଛନ୍ତି । ଆହତ ମାନଙ୍କୁ ତୁରନ୍ତ ମାଗଣାରେ ଚିକିତ୍ସା ଯୋଗାଇଦେବା ପାଇଁ ମୁଖ୍ୟମନ୍ତ୍ରୀ ନିର୍ଦ୍ଦେଶ ଦେଇଛନ୍ତି ।
ଏହାସହିତ ପ୍ରତ୍ୟେକ ମୃତକଙ୍କ ନିକଟତମ ଆତ୍ମୀୟଙ୍କୁ ୨ଲକ୍ଷ ଟଙ୍କା ଲେଖାଏ ସହାୟତା ଯୋଗାଇଦେବାକୁ ମୁଖ୍ୟମନ୍ତ୍ରୀ ନିର୍ଦ୍ଦେଶ ଦେବା ସହିତ ସେମାନଙ୍କ ପରିବାରର ସଦସ୍ୟମାନଙ୍କ ପ୍ରତି ଗଭୀର ସମବେଦନା ପ୍ରକାଶ କରିଛନ୍ତି ।
() ରସଗୋଲା କୁ ନେଇ ଅତୀତରେ ଯେଉଁ ବିବାଦ ସୃଷ୍ଟି ହୋଇଥିଲା ତାହା ଅତୀତ । ବର୍ତ୍ତମାନ ସେ ବିବାଦ ଆଉ ନାହିଁ । ଜିଆଇ ଟ୍ୟାଗ ମିଳି ସାରିଛି । ସତ୍ୟ କେବେ ଲୁଚେ ନାହିଁ । ଆରାଧ୍ୟ ଦେବତା ଆମର ପ୍ରଭୁ ଶ୍ରୀ ଜଗନ୍ନାଥ । ମାଦଳା ପାଞ୍ଜି ଠୁ ନେଇ ଇତିହାସ କୁ ଗଲେ ବି ଏ ପ୍ରଥା ଓ ପରମ୍ପରା ବହୁ ପୁରାତନ ଏବଂ ପ୍ରାଚୀନ । ଏହାର ମହତ୍ତ୍ଵ କୁ କେହି ଅଣଦେଖା କରି ପାରିବେ ନାହିଁ । ନୂଆ ଯୁଗରେ ଯଦି ୟାକୁ କିଏ କହିବ ଆମର ତେବେ ତାହାର କୌଣସି ଭିତ୍ତି ନାହିଁ । ସତ୍ୟ ସବୁବେଳେ ସତ୍ୟ । ସତ୍ୟ ହେଉଛି ରସଗୋଲା ଜଗନ୍ନାଥ ପାଖରେ ଭୋଗ ଲାଗେ । ଓଡ଼ିଆ ସଂସ୍କୃତି ଓ ଜଗନ୍ନାଥ ସଂସ୍କୃତି ଯେତିକି ପୁରୁଣା ରସଗୋଲା ମଧ୍ୟ ସେତିକି ପୁରୁଣା । ତେଣୁ ଆଜିର ତାରିଖରେ ସେମିତି କୌଣସି ବିବାଦ ନାହିଁ । ତେଣୁ ଆଗାମୀ ଦିନ ମଧ୍ୟ ଠିକ ରେ ଚାଲିବ । ସେଥିପାଇଁ ଏହି ବିବାଦ ରୁ ବାହାରି ଆମେମାନେ ଆଗକୁ ବଢ଼ିବା ଉଚିତ ।
ରସଗୋଲା କ୍ଲଷ୍ଟର କରିବାକୁ ଘୋଷଣା କରାଯାଇଥିଲା ତାହା କେତେ ବାଟ ଗଲା ପ୍ରଶ୍ନରେ ମନ୍ତ୍ରୀ ଙ୍କ ଉତ୍ତର
ଆମେ ସେ ଦିଗରେ ଆମର କାର୍ଯ୍ୟକ୍ରମ ଜାରି ରଖିଛୁ । ତାହା ଆଗକୁ ବଢୁଛି । ସେଇଟା ଯେତିକି ସରକାରଙ୍କ ଉପରେ ନୁହେଁ ସେତିକି ବ୍ୟବସାୟୀଙ୍କ ଉପରେ ନିର୍ଭର କରୁଛି । ତାକୁ ସେଇଟା ସେମାନେ କେତେ ପପୁଲାର କରାଇବେ । ସରକାରଙ୍କ କାମ ହେଉଛି ପ୍ରୋତ୍ସାହନ ଦେବା । ସରକାର ସେ କଥା ଆଗରୁ କରିବା ସହ ଘୋଷଣା କରି କାର୍ଯ୍ୟରତ ଅଛନ୍ତି ।
ପ୍ରତାପ ଦେବ, ମନ୍ତ୍ରୀ , ଏମଏସ୍ଇ ବିଭାଗ
() ରାଜ ଭବନର ପୂର୍ବତନ କର୍ମଚାରୀଙ୍କ ସହ କିଛି ସମୟ ବିତାଇଲେ ରାଜ୍ଯପାଳ। ପରିବାର ଲୋକଙ୍କ କଥା ବୁଝିଲେ। ଏପରି ଦୃଶ୍ୟ ଦେଖିବାକୁ ମିଳିଛି ଯାଜପୁର ଜିଲ୍ଲା ରସୁଲପୁର ବ୍ଲକ୍ ଖଇରାବାଦ ଗାଁରେ । ବାଲେଶ୍ୱର ଗସ୍ତରେ ଥିବା ଓଡିଶାର ମହାମହିମ ରାଜ୍ୟପାଳ ପ୍ରଫେସର ଗଣେଷୀ ଲାଲ୍ , ରାଜଭବନରେ ନର୍ସ ଚାକିରୀ କରୁଥିବା ସାଗରିକା ବେହେରାଙ୍କ କୁଆଖିଆ ନିକଟସ୍ଥ ଖଇରାବାଦ ଗ୍ରାମରେ ପହଞ୍ଚି ପରିବାରର ଆତିଥ୍ୟି ଗ୍ରହଣ କରିଥିଲେ । ଏଥିସହ ପଇଡପାଣି ପିଇ ପରିବାର ର ଭଲମନ୍ଦ ବୁଝିଥିଲେ। ସାଗରିକାଙ୍କ ବାପା ଗୋପୀନାଥ ବେହେରା ,ମା ଆରତୀ ଓ ପରିବାର କିଛି ସଦସ୍ୟଙ୍କ ସହ ଫଟ ଉଠାଇବା ସହ ଫେରିବା ସମୟରେ ଗାଁର କିଛି ଛୋଟପିଲା ଓ ବୟସ୍କ ବ୍ୟକ୍ତିଙ୍କୁ ମଧ୍ୟ ସାକ୍ଷାତ କରିଥିଲେ । ଏହି ଅବସରରେ ବିଶିଷ୍ଟ ଛାୟାଚିତ୍ର ଶିଳ୍ପୀ ବିଶ୍ୱନାଥ ମହାରଣା ରାଜ୍ୟପାଳଙ୍କୁ ନିଜ ହାତ ତିଆରି କାଠର କଠଉ ପିନ୍ଧାଇ ଉପହାର ଦେଇଥିଲେ । ପ୍ରଶାସନ ପକ୍ଷରୁ ରାଜ୍ୟପାଳଙ୍କ ଗସ୍ତପାଇଁ ସୁରକ୍ଷା କଡାକଡି କରାଯାଇଥିଲା ।
() ସମଗ୍ର ଦେଶରେ ସଂକ୍ରମଣ ବଢୁଛି । ଆମର ବି 500 ରୁ 600 ଭିତରେ ରହୁଛି । ପ୍ରଥମ ଲହର ଆଉ ବର୍ତ୍ତମାନ ଭିତରେ ବହୁତ ଫରକ ରହିଛି । ଫରକ ହେଉଛି ପ୍ରଥମ ଓ ଦ୍ୱିତୀୟ ଲହରରେ 15 ପ୍ରତିଶତ ଲୋକେ ମେଡ଼ିକାଲ ଯାଉଥିଲେ । ଏବେ 3360 ଆକ୍ଟିଭ କେସ ମଧ୍ୟରୁ 28 ଜଣ ହସ୍ପିଟାଲରେ ରହିଛନ୍ତି । ଯାହା କି ବହୁତ ନଗଣ୍ୟ । ଏହାର ଅର୍ଥ ଅଧିକାଂଶ ଲୋକେ ବିନା ଲକ୍ଷଣ ଯୁକ୍ତ ରହୁଛନ୍ତି । ଆଉ ଯଦି ଲକ୍ଷଣ ରହିଛି ସେମାନେ ଅଧିକ ସିଭିୟର ହେଉ ନାହାନ୍ତି କି ଡାକ୍ତର ଖାନା ଯାଉ ନାହାଁନ୍ତି। ଯେଉଁମାନେ ବହୁବିଧ ରୋଗରେ ଆକ୍ରାନ୍ତ ସେମାନେ ଟିକିଏ ମେଡ଼ିକାଲ ର ଆବଶ୍ୟକ କରୁଛନ୍ତି ।
ଆମର ସେହି ଓମିକ୍ରନ ଭ୍ୟାରିୟଣ୍ଟ ରହିଛି । ଗତ 4 ମାସ ହେବ ଡେଲଟା ର ଉପସ୍ଥିତି ଆଉ ନାହିଁ ଆମ ରାଜ୍ୟରେ। ବର୍ତ୍ତମାନ ସୁଦ୍ଧା ଡେଲଟା ପରି ଭୟଙ୍କର ହେବା ଭଳି କୌଣସି ଭ୍ୟାରିୟଣ୍ଟ ଚିହ୍ନଟ ହୋଇନାହିଁ । ଆମେ ଏବେ ବି ଅପିଲ କରୁଛୁ ଲକ୍ଷଣ ଯୁକ୍ତ ଲୋକେ ପରୀକ୍ଷା କରି ଆଇସୋଲେଟ ହୁଅନ୍ତୁ । ଆମ ରାଜ୍ୟର ଉପର ମୁହାଁ ହେଉଥିବା ଟ୍ରେଣ୍ଡ କିଛି ପରିମାଣରେ ବଢ଼ିବ ମାତ୍ର ସେପରି ଭୟଙ୍କର ହେବ ନାହିଁ । ଯାହା ଅନୁମାନ କରାଯାଉଛି ଏହା ବେଶୀ ଦିନ ରହିବ ନାହିଁ । ଖୁବଶୀଘ୍ର ତଳମୁହାଁ ହେବ । ପଘରୋଇ ହସ୍ପିଟାଲରେ କୋଭିଡ ପରୀକ୍ଷା ଲାଗି ଅଧିକ ଟଙ୍କା ନିଆଯାଉ ଥିବା ନେଇ ପ୍ରତିକ୍ରିୟା ସରକାରୀ ବ୍ୟବସ୍ଥା ରେ ମାଗଣା ହେଉଛି । ଲୋକେ ଘରୋଇ ହସ୍ପିଟାଲକୁ କାହିଁକି ଯାଉଛନ୍ତି । ଆମେ ସରକାରୀ ବ୍ୟବସ୍ଥାରେ ମାଗଣାରେ ଲୋକ ଙ୍କୁ ଡାକୁଛୁ ଆସିକି ଟେଷ୍ଟିଂ କରିବା ପାଇଁ । ଓଡିଶା ଏକମାତ୍ର ରାଜ୍ୟ ଯେଉଁଠି ମାଗଣା ଟେଷ୍ଟିଂ ଟ୍ରିଟମେଣ୍ଟ ମାଗଣା ନେବା ଆଣିବା ପାଇଁ ବ୍ୟବସ୍ଥା କରାଯାଇଛି । ଲୋକେ ତାହାର ସୁବିଧା ନିଅନ୍ତୁ।
ନିରଞ୍ଜନ ମିଶ୍ର, ଜନ ସ୍ୱାସ୍ଥ୍ୟ ନିର୍ଦ୍ଦେଶକ
( ) ଟୀକାକରଣ ନେଇ ପରିବାର କଲ୍ୟାଣ ନିର୍ଦେଶକ ଡାକ୍ତର ବିଜୟ କୁମାର ପାଣିଗ୍ରାହୀଙ୍କ ସୂଚନା….। ଏବେ ରାଜ୍ୟରେ କୋଭିଡ ସଂକ୍ରମଣ ବଢ଼ିଛି । ତେଣୁ ଯେଉଁମାନେ ପ୍ରିକସନ ଡୋଜ ନେଇନାହାନ୍ତି, ସେମାନେ କିଭଳି ଶୀଘ୍ର ପ୍ରିକସନ ଡୋଜ ନେବେ, ସେଥିପାଇଁ ଚେଷ୍ଟା ଜାରି ରହିଛି । ଏବେ ସ୍ୱାସ୍ଥ୍ୟକର୍ମୀ, ଫ୍ରଣ୍ଟଲାଇନ ୱାର୍କର ଓ 60 ବର୍ଷରୁ ଉର୍ଦ୍ଧ୍ବ ବୟସ ବର୍ଗଙ୍କୁ ମାଗଣାରେ ଟୀକା ଦିଆଯାଉଛି । ପୂର୍ବରୁ ଦ୍ୱିତୀୟ ଡୋଜ ପରେ 9 ମାସ ବ୍ୟବଧାନରେ ପ୍ରିକସନ ଡୋଜ ଦିଆଯାଉଥିଲା । ଏବେ 6 ମାସରେ ପ୍ରିକସନ ଡୋଜ ଦେବାକୁ କୁହାଯାଇଛି । ତେଣୁ ଯେଉଁମାନେ ଯୋଗ୍ୟ ସେମାନେ ପ୍ରିକସନ ଡୋଜ ନେଇଯିବାକୁ ଅନୁରୋଧ କରାଯାଉଛି ।
ଟୀକାକରଣ କୁ ତ୍ୱରାନ୍ୱିତ କରିବା ଲାଗି ହର ଘର ଦସ୍ତକ କାର୍ଯ୍ୟକ୍ରମ ଚାଲୁ ରହିଛି । ଏଥିରେ ଫ୍ରଣ୍ଟଲାଇନ ୱାର୍କର ଘର ଘର ବୁଲି ଟୀକା ନେବାକୁ ଲୋକଙ୍କୁ ସଚେତନ କରାଉଛନ୍ତି । ଏହାସହ 12ରୁ 14 ବର୍ଷ ଏବଂ 15ରୁ 17 ବର୍ଷ ବୟସ ବର୍ଗଙ୍କ ପ୍ରଥମ ଓ ଦ୍ୱିତୀୟ ଡୋଜ ଟୀକାକରଣ ଲାଗି ସ୍କୁଲରେ କ୍ୟାମ୍ପ କରି ଟୀକାକରଣ କରାଯାଉଛି । 12ରୁ 14 ବର୍ଷ ବୟସ ବର୍ଗରେ ଏବେ 97% ପିଲା ପ୍ରଥମ ଡୋଜ ଓ 90% ପିଲା ଦ୍ୱିତୀୟ ଡୋଜ ଟୀକା ନେଇଗଲେଣି ।
18 ବର୍ଷରୁ ଅଧିକ ବୟସ ବର୍ଗରେ 18 ଲକ୍ଷ, 12ରୁ 14 ବର୍ଷ ବୟସ ବର୍ଗରେ 4 ଲକ୍ଷ ଓ 15ରୁ 17 ବର୍ଷ ବୟସ ବର୍ଗରେ 4 ଲକ୍ଷ, ମୋଟ ଉପରେ 26 ଲକ୍ଷ ଲୋକ ଦ୍ୱିତୀୟ ଡୋଜ ଟୀକା ନେବାକୁ ବାକି ଅଛନ୍ତି ।
ମାଗଣା ପ୍ରିକସନ ଡୋଜ ବର୍ତ୍ତମାନ ସୁଦ୍ଧା ମାତ୍ର 27% ନେଇଛନ୍ତି । ଆହୁରି 70%ରୁ ଅଧିକ ମାଗଣା ଟୀକା ନେବାକୁ ବାକି ଅଛି । ଏହାଛଡ଼ା 18ରୁ 59 ବର୍ଷ ବୟସ ବର୍ଗରେ ରାଜ୍ୟରେ ମାତ୍ର 1 ଲକ୍ଷ 20 ହଜାର ଲୋକ ପେଡ ପ୍ରିକସନ ଡୋଜ ନେଇଛନ୍ତି । ତେବେ ରାଜ୍ୟରେ ଏବେ ବର୍ତ୍ତମାନ 99% ପ୍ରଥମ ଡୋଜ, 91% ଦ୍ୱିତୀୟ ଡୋଜ ନେଇସାରିଛନ୍ତି ।
ଡାକ୍ତର ବିଜୟ କୁମାର ପାଣିଗ୍ରାହୀ, ପରିବାର କଲ୍ୟାଣ ନିର୍ଦେଶକ
() କୋଭିଡ ଭୟାବହତା ସମ୍ପର୍କରେ ପିଲା ମାନଙ୍କୁ ମାନସିକ ସ୍ତରରେ ପ୍ରସ୍ତୁତ କରିବା ପାଇଁ ଆମେ ନିଷ୍ପତ୍ତି ନେଇଛୁ ଯେ ଏହାକୁ ଦଶମ ଶ୍ରେଣୀ ପାଠ୍ୟ ପୁସ୍ତକରେ ସ୍ଥାନିତ କରିବା ଲାଗି । ବିଶେଷ କରି ଜଳ ବାୟୁ ପରିବର୍ତ୍ତନ ହେଉଥିବା ରୁ ସେ ବିଷୟରେ ପିଲାମାନଙ୍କୁ ପୂର୍ବରୁ ପ୍ରସ୍ତୁତ ରଖିବା ଲାଗି ବିଭାଗ ଏପରି ନିଷ୍ପତ୍ତି ନେଇଛି । 22-23 ଶିକ୍ଷା ବର୍ଷ ପାଇଁ କୋର୍ସ ପାର୍ଟନ ଆମେ ଦେଇ ସାରିଛୁ । ତେଣୁ ଏଥର 100 ମାର୍କ ଉପରେ ପରୀକ୍ଷା ହେବ । ସେହିପରି ଯାହା ଯେମିତି ସମେଟିଭ 1 ଆଣ୍ଡ 2 ଥିଲା ସେହି ଅନୁସାରେ ପରୀକ୍ଷା କରାଯିବ।
ବିଭିନ୍ନ ସ୍ଥାନରେ ଅନାବଶ୍ୟକ ଭାବେ ଗଣମାଧ୍ୟମ ସ୍କଲୁ କୁ ପ୍ରବେଶ କରୁଛନ୍ତି। ମୁଁ ମଧ୍ୟ ଦେଖିଛି କିଛି ସ୍ଥାନରେ ସେପରି ଘଟଣା ଘଟିବା ପରେ ବିଇଓ ମାନେ ସେ ଚିଠି ଜାରି କରିଛନ୍ତି । ମୁଁ ଆଶା କରିବି ଏବଂ ଅନୁରୋଧ କରିବି ସମସ୍ତ ଗଣମାଧ୍ୟମ ଆମକୁ ସହଯୋଗ କରନ୍ତୁ । ଯାହା ଆବଶ୍ୟକତା ରହିଛି ଯାହା ସମସ୍ୟା ରହିଛି ତାକୁ ନଜର କୁ ଆଣିବା ପାଇଁ ଗଣମାଧ୍ୟମ ଅଧିକାର ରହିଛି । କିନ୍ତୁ କେତେ ଗୁଡିଏ ସ୍ଥାନରେ ଗଣମାଧ୍ୟମ ର ଭୂମିକା ମଧ୍ୟ ଅନାବଶ୍ୟକ ଠୁ ଅଧିକ ହେଉଛି। ତେଣୁ ସେହି କଥା କୁ ଆଧାର କରି ସ୍ଥାନୀୟ କ୍ଷେତ୍ରରେ ବିଇଓ ମାନେ କରିଥିବା ମୋ ନଜରକୁ ଆସିଛି । ବିଭାଗର ଦୋଷ ଦୁର୍ବଳତାକୁ ଲୁଚାଇବା ପାଇଁ ଗଣମାଧ୍ୟମ ଉପରେ ଏପରି ଅଙ୍କୁଶ କି ପ୍ରଶ୍ନ ରେ ମନ୍ତ୍ରୀ ଙ୍କ ଉତ୍ତର
କଥା କହିବାକୁ କାହାକୁ ପଇସା ପଡେନି । ଯାହା ଆମର ଦୋଷ ଦୁର୍ବଳତା ଆମେ ଆମର ଜାଣିଛୁ । କେବଳ ଗଣମାଧ୍ୟମ କହିଲେ ଯେ ଆମେ ଜାଣୁଛୁ ସେ କଥା ନୁହେଁ । ଆମର ବ୍ୟବସ୍ଥା ଭିତରେ ଆମେ ଚାଲୁଛୁ । ଯାହା ସମ୍ଭବ ଆମେ କରୁଛୁ । ସ୍ୱୀକୃତି ପ୍ରାପ୍ତ ଗଣମାଧ୍ୟମ ବାଦ ମଧ୍ୟ ଅନେକ ୱେବ ଚ୍ୟାନେଲ ହୋଇ ଗଲେଣି। ସେମାନେ ମଧ୍ୟ ପ୍ରେସ ମାରିକି ବୁଲୁଛନ୍ତି । ଅନାବଶ୍ୟକ ଭାବେ ସ୍କୁଲ ରେ ପଶିକି ପାଠ ପଢ଼ାରେ ଇଣ୍ଟରଭିଙ୍ଗ କରୁଛନ୍ତି। ଗଣମାଧ୍ୟମ ନାଁରେ ପିଲା ଓ ଶିକ୍ଷକ ମାନଙ୍କୁ ଏପରି ହଇରାଣ କରିବା ଅନୁଚିତ । ତେଣୁ ଅନୁମତି ନେଇ କି ସ୍କୁଲ ରେ ପଶି ବାକୁ ଚିଠି କରାଯାଇଛି ।
ଥଣ୍ଡା ହୋଇଥିଲେ ପିଲାମାନେ ସ୍କୁଲ ଆସନ୍ତୁ ନାହିଁ । ସବୁ ଥଣ୍ଡା ଜ୍ଵର କୋଭିଡ ନୁହେଁ । ମାତ୍ର ସ୍ୱାସ୍ଥ୍ୟ ବିଭାଗର ପରାମର୍ଶ ଅନୁଯାୟୀ ଆମେ ଅଭିଭାବକ ମାନଙ୍କୁ କହୁଛୁ ସେମାନେ ପିଲାଙ୍କର ଥଣ୍ଡା ଜ୍ଵର ହେଉଥିଲେ ସ୍କୁଲ କୁ ଛାଡ଼ନ୍ତୁ ନାହିଁ ।
ସମୀର ଦାସ, ଗଣଶିକ୍ଷା ମନ୍ତ୍ରୀ
() ଦେବଗଡ଼ ରଥଯାତ୍ରାର ଅନନ୍ୟ ପରମ୍ପରା ।ବାହୁଡା ଦିନ ଚତୁର୍ଦ୍ଧାମୂର୍ତ୍ତି ରଥାରୂଢ ହୋଉଥିବା ବେଳେ ଦେବଗଡ଼ ଗୁଣ୍ଡିଚା ମନ୍ଦିର ର ଜନ୍ମ ବେଦୀ ରୁ ଠାକୁର ଆସି ଗରୁଡ଼ ସ୍ତମ୍ଭ ନିକଟରେ ତ୍ରିଭୁଜ ଆକାରରେ ବସିଥାନ୍ତି । ଗତକାଲି ମଧ୍ୟାହ୍ନ ରୁ ବିଭୀଷଣ ଦର୍ଶନ ନୀତି ଅନୁଷ୍ଠିତ ହୋଇଥାଏ। ମାତ୍ର ଏହାକୁ ସ୍ଥାନୀୟ ଲୋକ ଚକାଛାଡ଼ ବୋଲି କହିଥାନ୍ତି । ପ୍ରଭୁ ବଳଭଦ୍ର ଓ ଦେବୀ ସୁଭଦ୍ରା ପର୍ବ ମୁହାଁ ହୋଇ ବସୁଥିବା ବେଳେ ପ୍ରଭୁ ଜଗନ୍ନାଥ ଦକ୍ଷିଣ ମୁହାଁ ହୋଇ ବସିଥାନ୍ତି । ଗତକାଲି ସକାଳ ଓ ମଧ୍ୟାହ୍ନ ନୀତିକାନ୍ତି ସରିବା ପରେ ଠାକୁର ଙ୍କୁ ଜନ୍ମ ବେଦୀ ରୁ ଆଣି ଗରୁଡ଼ ସ୍ତମ୍ବ ନିକଟରେ ବସାଯାଇ ଥାଏ । ଆଜି ସନ୍ଧ୍ୟାରେ ଠାକୁରଙ୍କୁ ପହଣ୍ଡି କରି ରଥକୁ ଆଣିବା ପରେ ତା ପର ଦୁଇ ଦିନ ଧରି (ସମୋବାର ଓ ମଙ୍ଗଳବାର) ରଥ ଟଣା ଯାଇଥାଏ । ଆଜି ପହଣ୍ଡି ପୂର୍ବରୁ ତଥା ପିଠା ଭୋଗ ପରେ ଠାକୁର ଙ୍କୁ ଧାଡି ରେ ରଖାଯାଏ। ଠାକୁର ରଥ କୁ ଯିବାପାଇଁ ଧାଡିରେ ବସିବା ସମୟ ର ଦୃଶ୍ୟ ଅତ୍ୟନ୍ତ ମନୋରମ। କେଉଁ ଆବହମାନ କାଳରୁ ଏହି ପରମ୍ପରା ଲାଗିରହିଛି ।
