() ଗତ କାଲି ରାଜ୍ୟବ୍ୟାପି ଆହାର କେନ୍ଦ୍ର ପ୍ରତିଷ୍ଠା ଦିବସ ପାଳିତ ହୋଇଯାଇଛି । ୨୦୧୫ ମସିହା ଏପ୍ରିଲ ପହିଲାରେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ରାଜ୍ୟରେ ଆହାର ଯୋଜନାର ଶୁଭାରମ୍ଭ କରିଥିଲେ । ଏହି ଯୋଜନାର ମୂଳ ଲକ୍ଷ୍ୟ ଥିଲା ଗରିବ ଓ ଅଭାବୀ ଲୋକଙ୍କୁ ଶସ୍ତାରେ ଉନ୍ନତମାନର ଖାଦ୍ୟ ଯୋଗାଇଦେବା ବିଶେଷକରି ଡାକ୍ତରଖାନା, ବସଷ୍ଟାଣ୍ଡ, ରେଳଷ୍ଟେସନ ଓ ବଡ ବଡ ସହରକୁ ଆସୁଥିବା ଲୋକ ଖାଦ୍ୟ ପାଇଁ ହଇରାଣ ହରକତ ହେବା ସହିତ ଠକାମିରେ ପଡୁଥିଲେ । ଅନେକ ସମୟରେ ନିମ୍ନମାନର ଖାଦ୍ୟ ଖାଇ ରୋଗ୍ରାକାନ୍ତ ବି ହେଉଥିଲେ । ।ଇତି ମଧ୍ୟରେ ରାଜ୍ୟରେ ୫ଟଙ୍କିଆ ଆହାର ଖାଉଥିବା ଲୋକଙ୍କ ସଂଖ୍ୟା ୧୨ କୋଟି ଟପିଛି । ଗତ କାଲି ଆହାର କେନ୍ଦ୍ର ୭ବର୍ଷ ପୂରଣ କରିଥିବାବେଳେ ଏହି ସମୟରେ ବିଭିନ୍ନ ଆହାର କେନ୍ଦ୍ରରେ ୧୨ କୋଟିରୁ ଅଧିକ ୫ଟଙ୍କିଆ ଭାତ-ଡାଲମା ମିଲ୍ ଯୋଗାଇ ଦିଆଯାଇଛି ।
ଆହାର କେନ୍ଦ୍ର ସମଗ୍ର ରାଜ୍ୟରେ ତାହାର ପ୍ରତିଷ୍ଠା ଦିବସ ପାଳନ କରୁଥିବା ଅବସରରେ ଏହି ପରିସଂଖ୍ୟାନ ପଦାକୁ ଆସିଛି । ଇତି ମଧ୍ୟରେ ରାଜ୍ୟର ୩୦ଟି ଜିଲ୍ଲାରେ ୧୬୭ଟି ଆହାର କେନ୍ଦ୍ର ଖୋଲିଥିବାବେଳେ ଏଥିରୁ ୫୮ଟି ଉଭୟ ଦିନ ଓ ରାତି ବେଳା ଲୋକଙ୍କୁ ଖାଦ୍ୟ ଯୋଗାଉଛି । ଏହି ସମସ୍ତ ଆହାର କେନ୍ଦ୍ରର ପରିଚାଳନା ଭାର ବିଭିନ୍ନ ସ୍ୱେଚ୍ଛାସେବୀ ସଂଗଠନ, ମହିଳା ସ୍ୱୟଂ ସହାୟିକା ଗୋଷ୍ଠି, ମିଲର୍ସ ମାଲିକ ସଂଘ ଆଦିଙ୍କ ଦ୍ୱାରା ଚଳାଯାଉଥିବାବେଳେ ଏଥିପାଇଁ ୩୮ଟି କେନ୍ଦ୍ରୀୟ ପାକଶାଳା ରହିଛି । ଏଠାରେ ଅତ୍ୟନ୍ତ ସ୍ୱାସ୍ଥ୍ୟପ୍ରଦ ପରିବେଷରେ ଖାଦ୍ୟ ପ୍ରସ୍ତୁତ ସହିତ ତାହାକୁ ବିଭିନ୍ନ ଆହାର କେନ୍ଦ୍ରରେ ପହଞ୍ଚାଯାଉଛି ।
କେନ୍ଦ୍ରୀୟ ପାକଶାଳା ଓ ଆହାର କେନ୍ଦ୍ର ମଧ୍ୟରେ ଖାଦ୍ୟ ପରିବହନ ବ୍ୟବସ୍ଥାକୁ ସୁସଂଗଠିତ କରିବାପାଇଁ କର୍ତ୍ତୃପକ୍ଷ ସେଗୁଡିକୁ ଜିଓ ଟ୍ୟାଗିଙ୍ଗ୍ କରିଛନ୍ତି । ଫଳରେ କେତେବେଳେ ସାମଗ୍ରୀ ଆସି କେଉଁଠାରେ ପହଞ୍ଚିଲା ତାହାକୁ କର୍ତ୍ତୃପକ୍ଷ ସହଜରେ ଦପ୍ତରରେ ବସି ପାଇପାରୁଛନ୍ତି । ତେବେ ଉନ୍ନତମାନର ଖାଦ୍ୟ ପରିବେଷଣ ସହିତ ଆନୁଷଙ୍ଗିକ ଭିତ୍ତିଭୂମି ପାଇଁ ସମସ୍ତ ପାକଶାଳା ଓ ଆହାର କେନ୍ଦ୍ରକୁ ଆଇଏଏସ୍ଓ ପ୍ରମାଣପତ୍ର ମିଳିଛି ।ଆହାର କେନ୍ଦ୍ର କେବଳ ଗରିବ ଓ ଦୁଃସ୍ଥ ଲୋକଙ୍କୁ ଶସ୍ତାରେ ଖାଦ୍ୟ ଯୋଗାଉନାହିଁ, ମହିଳା ବିଶେଷକରି ମହିଳା ଗୋଷ୍ଠିଗୁଡିକର ରୋଜଗାରର ମାଧ୍ୟମ ପାଲଟିଛି । ଗୋଟିଏ ପଟେ ଆହାର କେନ୍ଦ୍ରର ପରିଚାଳନା ଭାର ମହିଳାଙ୍କ ହାତରେ ଦିଆଯାଇଥିବାବେଳେ ଅନ୍ୟପଟେ ଆହାର କେନ୍ଦ୍ରରେ ବ୍ୟବହାର ହେଉଥିବା ଆଚାର ପ୍ରସ୍ତୁତିରେ ବି ମହିଳା ଗୋଷ୍ଠି ନିୟୋଜିତ ହୋଇଛନ୍ତି ।ଏହାକୁ କର୍ତ୍ତୃପକ୍ଷ ଏକ ପାଇଲଟ୍ ପ୍ରକଳ୍ପ ଭାବେ କାର୍ଯ୍ଯକାରୀ କରୁଥିବାରୁ ମହିଳାମାନଙ୍କୁ ସ୍ୱାବଲମ୍ବି କରିବା କ୍ଷେତ୍ରରେ ଆହାର କେନ୍ଦ୍ର ଏକ ପ୍ରମୁଖ ଭୂମିକା ଗ୍ରହଣ କରିପାରିଛି । ଆହାର କେନ୍ଦ୍ରରେ ଗୋଟିଏ ମିଲ୍ ପାଇଁ ହିତାଧିକାରୀ ୫ଟଙ୍କା ଦେଉଥିବାବେଳେ ରାଜ୍ୟ ସରକାର ଖାଦ୍ୟ ଯୋଗାଉଥିବା ସଂସ୍ଥାକୁ ମିଲ୍ ପିଛା ୨୩ଟଙ୍କା ଯୋଗାଇ ଦେଉଛନ୍ତି ।
କୋଭିଡ ମହାମାରୀ ସମୟରେ ଜାରି ଲକଡାଉନ୍ ଓ ସଟ୍ ଡାଉନ୍ ଯୋଗୁଁ ଡାକ୍ତରଖାନାକୁ ଆସୁଥିବା ରୋଗୀଙ୍କ ସମ୍ପର୍କୀୟଙ୍କ ଠାରୁ ଆରମ୍ଭ କରି ଦିନ ମଜୁରିଆଙ୍କ ପର୍ଯ୍ଯନ୍ତ ସମସ୍ତେ ଯେତେବେଳେ ଖାଦ୍ୟ ଟିକେ ପାଇଁ ଆଉଟୁ ପାଉଟୁ ହେଉଥିଲେ ସେତେବେଳେ ଆହାର କେନ୍ଦ୍ର ହିଁ ସେମାନଙ୍କୁ ଖାଦ୍ୟ ଯୋଗାଇବାରେ ସମର୍ଥ ହୋଇଥିଲା ।କୋଭିଡ ମାର୍ଗଦର୍ଶିକାକୁ କଡାକଡି ପାଳନ କରି ବନ୍ଦ ସମୟରେ କର୍ତ୍ତୃପକ୍ଷ ଆହାରକେନ୍ଦ୍ର ଖୋଲି ଯେଭଳି ସାହସିକତାର ପରିଚୟ ଦେଲେ ତାହାକୁ ସବୁ ସ୍ତରରେ ପ୍ରଶଂସା କରାଯାଇଥିଲା । ତେବେ ସାତବର୍ଷ ପୂରଣ କରିଥିବା ଆହାର କେନ୍ଦ୍ର ଗୁଡିକ ଆଗାମୀ ଦିନରେ ଅଧିକରୁ ଅଧିକ ମହିଳା ଗୋଷ୍ଠିଙ୍କ ହାତକୁ କାମ ଯୋଗାଇବାର ଲକ୍ଷ୍ୟ ରଖିଥିବା ଜଣାଯାଇଛି ।

() ଗ୍ରୀଷ୍ମ ପ୍ରବାହକୁ ଦୃଷ୍ଟିରେ ରଖି ଜନସାଧାରଣ ଯେପରି ପାନୀୟ ଜଳ ସମସ୍ୟାର ସମ୍ମୁଖିନ ହେବେ ନାହିଁ ସେଥି ପ୍ରତି ସତର୍କ ରହିବାକୁ ପଚାଂୟତିରାଜ ପାନୀୟଜଳ,ଆଇନ,ଗୃହ ଓ ନଗର ଉନ୍ନୟନ ମନ୍ତ୍ରୀ ପ୍ରତାପ ଜେନା ରାମର୍ଶ ଦେଇଛନ୍ତି । ମନ୍ତ୍ରୀ ଶ୍ରୀ ସଜେନା ଆଜି ଭିଡିଓ କନଫରେନ୍ସିଂ ମାଧ୍ୟମରେ ସମସ୍ତ ଜିଲ୍ଲାର ଜିଲ୍ଲାପାଳ ,ପିଡି ଡିଆର୍‌ଡିଏ, ବିଡିଓ ଏବଂ ଅନ୍ୟାନ୍ୟ ସଂପୃକ୍ତ ପଦାଧିକାରୀମାନଙ୍କ ସହ ଗ୍ରାମାଂଚଳରେ ପାନୀୟ ଜଳ ସମସ୍ୟା ସଂପର୍କରେ ସମୀକ୍ଷା କରିଛନ୍ତି । ଉକ୍ତ ବୈଠକରେ ପଂଚାୟତିରାଜ ଓ ପାନୀୟଜଳ ବିଭାଗ ପ୍ରମୁଖ ସଚିବ ଅଶୋକ ମିନା , ପାନୀୟଜଳ ନିର୍ଦ୍ଦେଶକ ବି ପରମେଶ୍ୱରନ୍ .ସ୍ୱତନ୍ତ୍ର ପ୍ରକଳ୍ପ ନିର୍ଦ୍ଦେଶକ ଅରିନ୍ଦମ୍ ଡାକୁଆ, ଆର୍‌.ଡବ୍ଲୁ.ଏସ୍‌.ଏସ୍ ଯନ୍ତ୍ରୀମୁଖ୍ୟ ଅମୁଲ୍ୟ ମଲ୍ଲିକଙ୍କ ସମେତ ଅନ୍ୟାନ୍ୟ ବିଭାଗୀୟ ପଦାଧିକାରୀମାନେ ଉପସ୍ଥିତ ଥିଲେ ।
ଗ୍ରାମାଂଚଳ ମାନଙ୍କରେ ଥିବା ଅଚଳ ନଳକୂପ ଗୁଡିକୁ ତୁରନ୍ତ କାର୍ଯ୍ୟକ୍ଷମ କରିବା , ନଳକୂପ ଖରାପ ହେବାର ଖବର ବା ଅଭିଯୋଗ ପାଇବାମାତ୍ରେ ତୁରନ୍ତ ଭ୍ରାମ୍ୟମାଣ ମରାମତି ବ୍ୟବସ୍ଥା ମାଧ୍ୟମରେ ସେ ସବୁକୁ ଠିକ୍ କରିବା ପାଇଁ ମନ୍ତ୍ରୀ ଶ୍ରୀ ଜେନା ନିର୍ଦ୍ଦେଶ ଦେଇଛନ୍ତି । ଯଦି କୌଣସି ନଳକୂ ମରାମତି ହେବା ଅବସ୍ଥାରେ ନାହିଁ , ତାହା ହେଲେ ସେହି ସବୁ ସ୍ଥାନରେ ନୂତନ ନଳକୂପ ବ୍ୟବସ୍ଥା କରାଯିବ । ଏ ନେଇ ବିଭାଗ ତରଫରୁ ଠ।।ଇଥିବା ମାର୍ଗଦର୍ଶିକା ଅନୁଯାୟୀ ତ୍ୱରିତ ପଦକ୍ଷେ ଗ୍ରହଣ କରିବାକୁ ମନ୍ତ୍ରୀ ଶ୍ରୀ ଜେନା କହିଛନ୍ତି । ଗ୍ରାମାଂଚଳମାନଙ୍କରେ ପାନୀୟ ଜଳ ଅସୁବିଧାରୁ ଲୋକମାନେ ଯେମିତି କୌଣସି ପ୍ରକାର ଜଳାଶୟ ବା ପୋଖରୀ ଆଦିରୁ ପାଣି ବ୍ୟବହାର ନକରନ୍ତି ସେଥିପ୍ରତି ସତର୍କ ରହିବାକୁ କହିବା ସହିତ ଲୋକମାନଙ୍କୁ ମଧ୍ୟ ସଚେତନ କରିବାକୁ ରାମର୍ଶ ଦେଇଛନ୍ତି । ସୋଲାର ନଳକୂପଗୁଡିକୁ ମଧ୍ୟ ନିର୍ଦ୍ଧାରିତ ମାର୍ଗଦର୍ଶିକା ଅନୁଯାୟୀ ରକ୍ଷଣାବେକ୍ଷଣ କରାଯିବା ଉରେ ଗୁରୁତ୍ୱ ଆରୋପ କରିଛନ୍ତି ।

() ପରିକ୍ରମା ପ୍ରକଳ୍ପ ପାଇଁ ଗଠନ ହୋଇଥିବା ବିଧାନସଭା ଗୃହ କମିଟି ନେଇ ଅଧକ୍ଷ ତଥା ବାଚସ୍ପତି ସୂର୍ଯ୍ୟ ନାରାୟଣ ପାତ୍ରଙ୍କ ପ୍ରତିକ୍ରିୟା । ପୁରୀ ବିଧାୟକଙ୍କ ଦାବି କ୍ରମେ ସରକାର ଆଜି କମିଟି ଗଠନ କରିଛନ୍ତି । ଖୁବଶୀଘ୍ର ମୁଁ କମିଟିର ବୈଠକ ଡାକିବି । ଆମେ ପୁରୀ ଯାଇ ସ୍ଥିତିର ଅନୁଧ୍ୟାନ କରିବୁ । ASI ଓ NMA ସହିତ ମଧ୍ୟ ଆଲୋଚନା କରିବୁ । ବାଚସ୍ପତିଙ୍କ ଅଧ୍ୟକ୍ଷତାରେ ଗଠନ ହୋଇଛି ଏହି କମିଟି । ସଦସ୍ୟ ହେଉଛନ୍ତି ନରସିଂହ ମିଶ୍ର, ଦେବୀ ମିଶ୍ର, ଜୟନ୍ତ ଷଡ଼ଙ୍ଗୀ, ଲଳିତେନ୍ଦୁ ବିଦ୍ୟାଧର ମହାପାତ୍ର , ପ୍ରତାପ ଜେନା, ବିକ୍ରମ ଆରୁଖ ଓ ଅତନୁ ସବ୍ୟସାଚୀ ନାୟକ ।

() ଶେଷ ହେଲା ବିଧାନସଭା ବଜେଟ ଅଧିବେଶନ।ମୋଟ ୬ଟି କାର୍ଯ୍ୟ ଦିବସ ଥିଲା। ଦୁଇଟି ମୂଲତବୀ ପ୍ରସ୍ତାବ ଆଲୋଚନା ହୋଇଥିଲା।୩୫୨ଟି ତାରକା ପ୍ରଶ୍ନ,୫୪୨ଟି ଅଣତାରକା ପ୍ରଶ୍ନ ଗ୍ରହଣ କରାଯାଇଥିଲା।ପାଞ୍ଚଟି ସରକାରୀ ବିଲ ପାରିତ।ପାଞ୍ଚଟି ସିଏଜି ରିପୋର୍ଟ ଉପସ୍ଥାପିତ

() ବିଧାନସଭାରେ ପାରିତ ହେଲା 2022-23 ର ଆର୍ଥିକ ବର୍ଷ ନିମନ୍ତେ ବ୍ୟୟ ମଞ୍ଜୁରୀ ବିଲ । ଆସନ୍ତା 4 ମାସ ପାଇଁ 1 ଲକ୍ଷ 6 ହଜାର କୋଟି ରୁ ଉର୍ଦ୍ଧ୍ବ ଟଙ୍କାର ଲେଖା ଅନୁଦାନ କୁ ବିଲ କୁ ଗୃହରେ ଆଗତ କରାଇଥିଲେ ଅର୍ଥ ମନ୍ତ୍ରୀ ନିରଞ୍ଜନ ପୂଜାରୀ । ବ୍ୟୟ ମଞ୍ଜୁର ବିଲ ଉପରେ ଆଲୋଚନା କରି ବିରୋଧୀ ଦଳର ମୁଖ୍ୟ ସଚେତକ ମୋହନ ମାଝୀ କହିଥିଲେ ଯେ ବଜେଟ କେନ୍ଦ୍ରୀୟ ଯୋଜନା ଉପରେ ସମ୍ପୂର୍ଣ ନିର୍ଭରଶୀଳ। ଗତ 22 ବର୍ଷ ମଧ୍ୟରେ ରାଜ୍ୟରେ କୌଣସି ଆଖି ଦୃଶିଆ ଉନ୍ନତି ହୋଇନାହିଁ। ସେହିପରି ଶିକ୍ଷା, ସ୍ୱାସ୍ଥ୍ୟ, କୃଷି, ଜଳ ସେଚନ ଭଳି ପ୍ରସଙ୍ଗ ଉଠାଇ କହିଥିଲେ ଉନ୍ନୟନ ମୂଳକ କାର୍ଯ୍ୟକ୍ରମ ରେ ଯେତିକି ଖର୍ଚ୍ଚ ହେବ କଥା ତାହା ବଜେଟ୍ରେ ବ୍ୟବସ୍ଥା କରାଯାଇନାହିଁ। ସେହିପରି କଂଗ୍ରେସ ବିଧାୟକ ଦଳ ନେତା ନରସିଂହ ମିଶ୍ର କହିଛନ୍ତି କିଛି ମୁଷ୍ଟି ମେୟ ଲୋକଙ୍କର ଆୟ ବଢିଛି । ଧନୀ ଅଧିକ ଧନୀ ହୋଇଛି । ବଜେଟ ରେ ବିକାଶ ର ଭିଜନ କି ଦୀର୍ଘ ମିଆଦୀ ଯୋଜନା ନାହିଁ । ସେପଟେ ଅର୍ଥ ମନ୍ତ୍ରୀ କହିଛନ୍ତି ବିରୋଧୀ ଯେଉଁ କଥା କହିଛନ୍ତି ତାହା ନିରାଧାର । ଲେଖା ଅନୁଦାନରେ କାର୍ଯ୍ୟକାରୀ ହେଉଥିବା ଯୋଜନା ଲାଗି ବ୍ୟୟ ବରାଦ କରାଯାଇ ଥାଏ । ତେଣୁ ନୂଆ ଯୋଜନା ପୂର୍ଣ୍ଣାଙ୍ଗ ବଜେଟ ସମୟରେ ଅଣାଯାଏ ।

() ଓଡ଼ିଶାରେ ଜଳ ନୀତିରେ ସଂସ୍କାର ଅଣାଯାଉଛି । ଯେଉଁଥିରେ ନଦୀ ପ୍ରଦୂଷଣ ଠାରୁ ଆରମ୍ଭ କରି ମୋ ନଦୀ ଅଭିଯାନ ଯୋଜନାକୁ ତ୍ବରାନ୍ବିତ କରିବା ପାଇଁ ଲମ୍ବା ବ୍ଲୁ ପ୍ରିଣ୍ଟ ପ୍ରସ୍ତୁତ କରାଯାଇଛି । ଏଥିପାଇଁ ବଜେଟରେ ଅର୍ଥ ବ୍ୟୟବରାଦ କରାଯାଇଥିବା ନେଇ ସୂଚନା ଦେଇଛନ୍ତି ଜଳସମ୍ପଦ ମନ୍ତ୍ରୀ ରଘୁନନ୍ଦନ ଦାସ । ନଦୀ ପ୍ରଦୂଷଣକୁ ନେଇ ଗୃହରେ ହୋଇଛି ଘମାଘୋଟ ଆଲୋଚନା । ଏହାସହ କେନାଲ ପୁନରୁଦ୍ଧାର ଓ ବିଭିନ୍ନ ପ୍ରକଳ୍ପ ବିଳମ୍ବ ନେଇ ବିରୋଧୀ ବିଧାୟକମାନେ ମନ୍ତ୍ରୀଙ୍କ ଉତ୍ତର ଚାହିଁଛନ୍ତି । ନଦୀର ପ୍ରଦୂଷଣ ଏକ ବଡ଼ ସମସ୍ୟା ହୋଇଥିବାରୁ ଅଧିକ ବ୍ୟୟବରାଦ କରିବା ପାଇଁ ଦାବି କରିଛନ୍ତି ବିଧାୟକ । ଶେଷ ଦିନରେ ଆଜି ପାରିତ ହେବ ବ୍ୟୟ ମଞ୍ଜୁରୀ ବିଲ ।

() ଶୂନ୍ୟକାଳରେକଂଗ୍ରେସ ବିଧାୟକ ନେତା ନରସିଂହ ମିଶ୍ର ଏବଂ ବିଧାୟକ ସନ୍ତୋଷ ସିଂ ସାଲୁଜ। ଯେଉଁଭଳି ଭାବେ ତେଲ ଦର ବଢୁଛି ତୁରନ୍ତ ସରକାର ନିୟନ୍ତ୍ରଣକୁ ଆଣନ୍ତୁ। ନଚେତ ଆଗାମୀ ଦିନରେ ନିଆଁ ଜଳିବ କହିଛନ୍ତି ନରସିଂହ। ସାଲୁଜା କହିଛନ୍ତି ଭୁବନେଶ୍ୱର ରେ ପେଟ୍ରୋଲ ଦର ଲିଟର ପିଛା 107 ତାଙ୍କ ଏବଂ ଡିଜେଲ 97 ଟଙ୍କା ଉପରେ ଛୁଇଁଲାଣି। ରାଜ୍ୟସରକାର ପେଟ୍ରୋଲ ଉପରେ 28 ପ୍ରତିଶତ ଭାଟ ଏବଂ ଡିଜେଲ ଉପରେ 24 ପ୍ରତିଶତ ଭାଟ ନେଉଛନ୍ତି। ଗୋଟିଏ ଗରିବ ଲୋକ ତେଲ ଗୋଟେ ଲିଟର କିଣିଲେ ପେଟ୍ରୋଲ ରେ ଭାଟ ବାବଦରେ 28 ଟଙ୍କା ଏବଂ ଡିଜେଲ ବାବଦରେ 24 ଟଙ୍କା ରାଜ୍ୟ ସରକାର ଭାଟ କିଣୁଛନ୍ତି। ଦରରଦାମ ବୃଦ୍ଧି, ରନ୍ଧନ ଗ୍ୟାସ ଦାମ ବୃଦ୍ଧି ପାଉଛି। ଗରିବ ଓ ମଧ୍ୟବିତ୍ତ ଲୋକେ ଯାହା ଫଳରେ ଲୋକଲେ ଖାଇବାକୁ ପାଉନାହାନ୍ତି ଚାଷୀ ପମ୍ପ ଚଳାଇବା ଡିଜେଲ କିଣିପାରୁନାହାନ୍ତି। ତେଣୁ ତୁରନ୍ତ ରାଜ୍ୟସରକାର ତେଲ ଉପରୁ ଭାଟ ଛାଡ଼ କରନ୍ତୁ ବୋଲି ଦାବି କଲେ ସନ୍ତୋଷ ସିଂ ସାଲୁଜା। ଏପଟେ ତାର ବାହିନୀପତି କହିଛନ୍ତି କେନ୍ଦ୍ର ସରକାର ପ୍ରତିଦିନ ତେଲ ଦଳ ବୃଦ୍ଧି କରୁଛନ୍ତି କେନ୍ଦ୍ରସରକାର ।