() 30ରେ ମଙ୍କିପକ୍ସ ନେଇ ସ୍ୱାସ୍ଥ୍ୟ ବିଭାଗର ଉଚ୍ଚସ୍ତରୀୟ ବୈଠକ। ସ୍ଥିତି ଉପରେ ନଜର ରଖାଯାଇଛି। ବାହାରୁ ଆସୁଥିବା ଲୋକଙ୍କ ଉପରେ ନଜର ରଖାଯାଇଛି। ମଙ୍କିପକ୍ସ ପାଇଁ ଦେଶରେ 10ଟି ପରୀକ୍ଷା କେନ୍ଦ୍ର ଅଛି। ଯେଉଁମାନଙ୍କର ଲକ୍ଷଣ ରହିଛି ସେମାନେ ସ୍ୱାସ୍ଥ୍ୟ ବିଭାଗ ସହ ପରାମର୍ଶ କରନ୍ତୁ। ଗାଇଡ଼ଲାଇନ ଆସିବା ପରେ ଏବେ ହସ୍ପିଟାଲଗୁଡିକରେ ସ୍ୱତନ୍ତ୍ର ବ୍ୟବସ୍ଥା କରିବାକୁ ନିର୍ଦ୍ଦେଶ ଦିଆଯାଇଛି।

ନବ କିଶୋର ଦାସ,ସ୍ବାସ୍ଥ୍ୟମନ୍ତ୍ରୀ

() ବିଧାନସଭାର ଶୁନ୍ୟକାଳ ରେ ପୁଣି ଥରେ ଉଠିଲା ରାୟଗଡା କାଶୀପୁରରେ ଝାଡ଼ା ବାନ୍ତି ବ୍ୟାପିବା ପ୍ରସଙ୍ଗ । ବିରୋଧୀ ଦଳ ମୁଖ୍ୟ ସଚେତକ ମୋହନ ମାଝୀ ଏହି ପ୍ରସଙ୍ଗ ଉଠାଇଛନ୍ତିl ଝାଡ଼ାବାନ୍ତି ରେ ସର୍ବମୋଟ 14 ଜଣ ମୃତ୍ୟୁବରଣ ସେ ଅଭିଯୋଗ କରିଛନ୍ତି l ଉତ୍କଳ ଆଲୁମିନା ସେଠି ୱାଟର ଟ୍ରିଟମେଣ୍ଟ ନ କରି ଦୂଷିତ ପାଣି ଛାଡୁ ଥୁବାରୁ ଏପରି ଝାଡ଼ା ବାନ୍ତି ବ୍ୟାପିଛି । ଏ ନେଇ ବିଧାନସଭା ପକ୍ଷରୁ ଏକ ସର୍ବଦଳୀୟ ଟିମ ଗଠନ କରାଯାଇ ଅନୁଧ୍ୟାନ କରାଯାଉ ବୋଲି ଦାବି କରିଛନ୍ତି ବିରୋଧି । ସେହିପରି କଂଗ୍ରେସ ବିଧାୟକ ତାରା ପ୍ରସାଦ ବାହୀନି ପତି ମଧ୍ୟ ସମାନ ପ୍ରସଙ୍ଗ ଉଠାଇ କହିଛନ୍ତି କାଶୀପୁର ରେ 14 ଏବଂ ଗତକାଲି ଦସମନ୍ତପୁର ରେ 3 ଜଣ ମୃତ୍ୟୁବରଣ କରିଛନ୍ତି ଅଭିଯୋଗ କରିଛନ୍ତି । ପାଣି କୁ ଟ୍ରିଟମେଣ୍ଟ କରି କି ଛଡ଼ା ଯାଉନି । ଝାଡ଼ା ବାନ୍ତି ଦ୍ୱାରା ଅଭିବକ୍ତ କୋରାପୁଟ ରେ ମୋଟ 17 ଜଣ ମୃତ୍ୟୁବରଣ କରିଛନ୍ତି ସେ ଅଭିଯୋଗ କରିଛନ୍ତି। ତାରା ମଧ୍ୟ କହିଛନ୍ତି ଉତ୍କଳ ଆଲୁମିନା ଜାଣିଶୁଣି ଦୂଷିତ ପାଣି ଛାଡ଼ୁଛି । ଯେଉଁ ଏଗ୍ରି ମେଣ୍ଟ କରିଥିଲା ତାହା କୁ ପାଳନ କରୁନାହିଁ । ଏହାର ତଦନ୍ତ ପାଇଁ ବାଚସ୍ପତିଙ୍କ ଅଧ୍ୟକ୍ଷତାରେ ସର୍ବଦଳୀୟ କମିଟି ଗଠନ ଦାବି କଲେ ତାରା। ଯେଉଁମାନେ ମୃତ୍ୟୁବରଣ କରିଛନ୍ତି ସେମାନଙ୍କ ପରିବାର କୁ 10 ଲକ୍ଷ ଟଙ୍କା ଲେଖାଏଁ କ୍ଷତିପୂରଣ ଦେବାକୁ ଦାବି କଲେ ତାରା କରିଛନ୍ତି l

() ରାଜ୍ୟରେ ୨୦୨୨-୨୩ ଆର୍ଥିକ ବର୍ଷରେ ଗ୍ରାମ୍ୟ ଉନ୍ନୟନ ବିଭାଗର ଅଧୀନରେ ୩୪୯୪ .୬୨ କିଲୋମିଟର ୬୩୫ ଟି ରାସ୍ତା ସମ୍ପୂର୍ଣ ପାଇଁ ଲକ୍ଷ ରଖାଯାଇଛି।ଚଳିତ ଆର୍ଥିକ ବର୍ଷରେ ପ୍ରଧାନମନ୍ତ୍ରୀ ସଡ଼କ ଯୋଜନାରେ ୮୨୧ କିଲୋମିଟର ରାସ୍ତା ନିର୍ମାଣ ପାଇଁ ଲକ୍ଷ ଧାର୍ଯ୍ୟ ହୋଇଛି l ପ୍ରଶ୍ନକାଳରେ ଗ୍ରାମ୍ୟ ଉନ୍ନୟନ ମନ୍ତ୍ରୀ ପ୍ରୀତି ରଂଜନ ଘଡାଇ ଏହା କହିଛନ୍ତି l ଏଥିପାଇଁ ଖର୍ଚ୍ଚ ହେବ ୧୩୮୩.୩୩ କୋଟି ଟଙ୍କା।ବର୍ତ୍ତମାନ ସୁଦ୍ଧା ପ୍ରଧାନମନ୍ତ୍ରୀ ସଡ଼କ ଯୋଜନାରେ ମୋଟ ୧୭ ହଜାର ୮୭୩ ଟି ରାସ୍ତା ,୭୪ ହଜାର ୨୦୨ କିଲୋମିଟର ଓ ୬୪୭ ବ୍ରିଜ ଅନୁମୋଦନ ହୋଇଛି। ଏଥିପାଇଁ ୩୩ ହଜାର ୪୬୩ କୋଟି ବ୍ୟୟବରାଦ ଅନୁମୋଦନ ହୋଇଛି। ବର୍ତ୍ତମାନ ସୁଦ୍ଧା ଶେଷ ହୋଇଛି ୧୬ ହଜାର ୪୯୨ ରୋଡ,୬୪ ହଜାର ୮୯୩ କିଲୋମିଟର ରାସ୍ତା ,୫୨୨ ବ୍ରିଜ ଶେଷ ହୋଇଛି। ୧୩୮୧ ରାସ୍ତା ୯୩୦୯ କିଲୋମିଟର ରାସ୍ତା ଓ ୧୨୫ ବ୍ରିଜ ଚାଲିଛି।ଯେଉଁଠି ସମସ୍ୟା ଅଛି ପଦକ୍ଷେପ ନିଆଯାଉଛି। ୬୦-୪୦ ପ୍ରତିଶତ ଅନୁପାତରେ କାର୍ଯ ଚାଲିଛି। ଯେଉଁଠି ସମସ୍ୟା ଅଛି ବିଧାୟକ ମାନେ ଅବଗତ କଲେ ସମାଧାନ ପାଇଁ ପଦକ୍ଷେପ ନିଆଯିବ । ଏହାସହ ଗତ ୩ ବର୍ଷରେ ସମୁଦାୟ ୯ ହଜାର ୪୧୩ କିଲୋମିଟର ରାସ୍ତା ଉନ୍ନତିକରଣ ପାଇଁ ଅନୁମୋଦନ ହୋଇଛି। ଯେଉଁଥିରେ ୧୪୦୮ ଟି ରାସ୍ତା ଓ ୯୨ ଟି ବ୍ରିଜ ପାଇଁ ମଞ୍ଜୁର କରାଯାଇଛି। ମୁଖ୍ୟମନ୍ତ୍ରୀ ସଡ଼କ ଯୋଜନାରେ ୭୬୩.୭୫ କିଲୋମିଟର ରାସ୍ତା ହାତକୁ ନିଆଯାଇଛି। କିପରି ଭଲ ରାସ୍ତା ହେବ ଓ ସମୟ ସୀମା ମଧ୍ୟରେ ଶେଷ ହେବ ସେ ନେଇ ପ୍ରୟାସ କରାଯାଉଛି। ସର୍କଲ ଓ ଡିଭିଜନ ସ୍ତରରେ ବୈଠକ କରାଯାଉଛି। ଗ୍ରାମ୍ୟ ଉନ୍ନୟନ ବିଭାଗ ସମୀକ୍ଷା କରାଯାଉଛି। ଜମି ବିବାଦ,ଜଙ୍ଗଲ ଜମି ବିବାଦ ସ୍ଥାନୀୟ ସମସ୍ୟା ସମାଧାନ ପାଇଁ ପ୍ରୟାସ କରାଯାଉଛି। ନିର୍ମାଣରେ ବିଳମ୍ବ ହେଲେ କାରଣ ଦର୍ଶାଅ ନୋଟିସ ସହ ଜୋରିମାନା ଆଦାୟ କରାଯାଉଛି ବୋଲି ମନ୍ତ୍ରୀ ଗୃହକୁ ଅବଗତ କରାଇଛନ୍ତି।

() ପ୍ରତି ପଂଚାୟତ ରେ କଲ୍ୟାଣ ମଣ୍ଡପ ନିର୍ମାଣ ପାଇଁ ରାଜ୍ୟ ସରକାର ଦେଉଥିବା ଅର୍ଥ ପର୍ଯ୍ୟାପ୍ତ ହେଉ ନାହିଁ। ଆର୍ଥିକ ଅନୁଦାନ କୁ 10 ଲକ୍ଷ ରୁ 25 ଲକ୍ଷ ବୃଦ୍ଧି କରିବା ପାଇଁ ବିଧାନସଭାରେ ଉଭୟ ଶାସକ ଓ ବିରୋଧୀ ଦଳର ସଦସ୍ୟ ଙ୍କ ଦାବି । ମନ୍ତ୍ରୀ ଉତ୍ତର ରେ କହିଛନ୍ତି ପ୍ରତି କଲ୍ୟାଣ ମଣ୍ଡପ ପାଇଁ ରାଜ୍ୟ ସରକାର 10 ଲକ୍ଷ ଦେଉଥିଲା ବେଳେ ବାକି ଅର୍ଥ ଡ଼ିଏମଏଫ ଫଣ୍ଡ,ଗ୍ରାମ ପଂଚାୟତ, ପଂଚାୟତ ସମିତି ଏବଂ ଜିଲ୍ଲା ପରିଷଦ ମଧ୍ୟ ଏଥିରେ ଅର୍ଥ ଖର୍ଚ୍ଚ କରି ପାରିବେ । ଏହା ସହ 10 ଲକ୍ଷ ଟଙ୍କା କୁ ବୃଦ୍ଧି କରିବା ପାଇଁ ସରକାର ବିଚାର କରୁଥିବା ବିଧାନସଭା ରେ କହିଛନ୍ତି ପଂଚୟତିରାଜ ମନ୍ତ୍ରୀ ପ୍ରଦୀପ ଅମାତ ।

() ପ୍ରତିଷ୍ଠା ହେବାକୁ ଯାଉଥିବା ଇସ୍ପାତ କାରଖାନା ମଧ୍ୟରେ ସୁନ୍ଦରଗଡରେ ସର୍ବାଧିକ ୩ ଟି ରହିଥିବା ବେଳେ ଯାଜପୁରରେ ରହିଛି ୨ ଟି କାରଖାନା।ସେହିପରି ଅନୁଗୁଳ, କେନ୍ଦ୍ରାପଡା, ଝାରସୁଗୁଡା, ଢେଙ୍କାନାଳ, କେନ୍ଦୁଝର, ଜଗତସିଂହପୁର ଓ ଅନୁଗୁଳ ଜିଲ୍ଲାରେ ଗୋଟିଏ ଲେଖାଏଁ ଇସ୍ପାତ କାରଖାନା ପ୍ରତିଷ୍ଠା ହେବା କୁ ଯାଉଛି।

ରାଜ୍ୟରେ ବର୍ତ୍ତମାନ ୫୧ ଟି ଇସ୍ପାତ କାରଖାନା ରହିଥିବା ବେଳେ ସେଗୁଡ଼ିକର ବାର୍ଷିକ ଉତ୍ପାଦନ ୩୩.୧୨ ରହିଥିବା ସରକାରଙ୍କ ସୂଚନା। ବିଧାନସଭାରେ ବିଜେଡି ବିଧାୟକ ଧ୍ରୁବ ଚରଣ ସାହୁଙ୍କ ପ୍ରଶ୍ନ ରେ ଖଣି ଓ ଇସ୍ପାତ ମନ୍ତ୍ରୀ ପ୍ରଫୁଲ୍ଲ ମଲ୍ଲିକଙ୍କ ଲିଖିତ ଉତ୍ତର….