() ପଶ୍ଚିମ ଓଡ଼ିଶାର ବିଜେଡି ବାହୁବଳୀ ନେତା ନବ ହତ୍ୟା କାଣ୍ଡ ରେ ସମ୍ପୃକ୍ତ ଅଛନ୍ତି… ତାଙ୍କୁ ତଦନ୍ତ ପରିସରର ଭୁକ୍ତ କରାଯାଉ…ବର୍ତ୍ତମାନ ସୁଦ୍ଧା ରାଜ୍ୟ ସରକାର ନବ ଦାସ ହତ୍ୟା ର ତଥ୍ୟ ପଦାକୁ ଦେଇନାହାନ୍ତି କାହିଁକି କଣ ପାଇଁ ହତ୍ୟା ହେଲା… ପାଗଳ କରିଫେବାକୁ ଚେଷ୍ଟା କି ସେ ପାଗଳ ସ୍ପଷ୍ଟ କରନ୍ତୁ ଆମେ sit ତଦନ୍ତ ଦାବି କରୁଛୁ… ରାଜ୍ୟସରକାର ସଂନ୍ଦେହେ ଘେରରେ ବାସ୍ତବରେ ହତ୍ୟା କଣ ପାଇଁ ପ୍ରଶ୍ନ ଉଠିଛି ଖବର ଆସୁଛି ସେ ଜାଗର ପଶ୍ଚିମ ଓଡ଼ିଶାର ବିଜେଡି ବାହୁବଳୀ ନେତା ସହ ତାଙ୍କର ପଡୁନଥିଲା ସେ ବାହୁବହିଲି ନେତା ତାଙ୍କୁ ମାରିଦେଇନାହାନ୍ତି ତ.. ସେ ବିଷୟ ରେ ପ୍ରଶଂକାଳ ରେ ଆଲୋଚନା ହେଉ… ସରକାର ନିରପେକ୍ଷ ତଦନ୍ତ ଆମେ ଆସ କରୁନୁ ବିଜେଡି ର ଜଣେ ନେତା ମାରିଲା ଭଳି ଲାଗୁଛି… Sit ତଦନ୍ତ କାହିଁକି ହବନି… ଅବସରରେ ପ୍ରାପ୍ତ ଜର୍ଜ କୁ ପ୍ରଭାବିତ କରିବାର ସମ୍ଭାବନା ଅଛି… ସିଟିଙ୍ଗ ଜର୍ଜ କୁ ପ୍ରଭାବିତ କରିପାରିବେ ନାହିଁ… ଲୋକଙ୍କ ସୁରକ୍ଷା ଦରକାର… କିଏ ସେ ବାହୁବଳୀ ନେତା… ଯାହାର ସମ୍ପୃକ୍ତି ଅଛି ଥାଉ ଆମର କଂଗ୍ରେସ ର ସମ୍ପୃକ୍ତି ନାହିଁ ବିଜେଡି କହୁଛି ବିଜେପି ମାରିଲା ବିଜେପି କହୁଛି ବିଜେଡି ମାରିଲା… କଂଗ୍ରେସ ରାଜନୀତି କରୁନି ନ୍ୟାର୍ଯ୍ୟ ଦାବି କରୁଛି ଯିଏ ପ୍ରକୃତ ହତ୍ୟାକାରୀ ତାକୁ ଧରାଯାଉ… ସିଏ ଆମର ବନ୍ଧୁ ସେ ସମୟ ରେ ଆମେ ଆଲୋଚନା କରିଛୁ ସେ କହୁଥିଲେ ପଶ୍ଚିମ ଓଡ଼ିଶାର ବିଜେଡି ବାହୁବଳୀ ନେତା ସହ ତାଙ୍କର ପଡୁନଥିଲା ସେ ଆମକୁ କହିଥିଲେ..

ତରାପ୍ରସାଦ ବାହିନୀପତି, କଂଗ୍ରେସ

() ପଦମପୁର ଉପନିର୍ବାଚନ ସମୟରେ ମୁଁ ଦାୟିତ୍ୱରେ ଥିଲି। ସେତେବେଳେ ନବ ଦାସ ମତେ କହିଥିଲେ କେନ୍ଦ୍ର ମନ୍ତ୍ରୀ ଧର୍ମେନ୍ଦ୍ର ପ୍ରଧାନ ଓ ଜୟନାରାୟଣ ମିଶ୍ର ନିର୍ବାଚନ ରୁ ଦୂରେଇ ରହିବା ପାଇଁ ଧମକ ଦେଉଛନ୍ତି। ଆମର ସମସ୍ତଙ୍କ ସନ୍ଦେହ ହେଉଛି ଧର୍ମେନ୍ଦ୍ର ପ୍ରଧାନ ଓ ଜୟନାରାୟଣ ମିଶ୍ରଙ୍କ ସଂପୃକ୍ତି ଅଛି ବୋଲି। ତାର ତଦନ୍ତ ହେବା ଦରକାର।

ରୁଦ୍ର ପ୍ରତାପ ମହାରଥୀ…

() ବାଚସ୍ପତି ଙ୍କୁ ଭେଟିଲା ବିଜେଡ଼ି l ମହିଳା ବିଧାୟିକା ମାନେ ଜୟନାରାୟଣ ମିଶ୍ରଙ୍କ ଠାରୁ ଅସୁରକ୍ଷିତ। ସେ ଜଣେ ଅପରାଧୀ। ମାନସିକ ସ୍ଥିତି ଭଲ ନାହିଁ। ତାଙ୍କୁ derecongnise କରାଯାଉ ବିରୋଧୀ ଦଳ ନେତା ପଦରୁ ବୋଲି ଦାବି କଲା ବିଜେଡ଼ି। ସୂଚନା ଦେଲେ ବିଧାୟିକା ତଥା ବିଜୁ ମହିଳା ଜନତା ଦଳର ସଭାନେତ୍ରୀ ସ୍ନେହାଙ୍ଗିନୀ ଛୁରିଆ।

()ଓଡିଶାର ପୂର୍ବତନ କ୍ୟାବିନେଟ ମନ୍ତ୍ରୀ ତଥା ଏହି ଗୃହର ମାନ୍ୟବର ସଦସ୍ୟ ନବକିଶୋର ଦାସଙ୍କର ମୃତ୍ୟୁ ଆମ ସମସ୍ତଙ୍କ ପାଇଁ ଅତ୍ୟନ୍ତ ଦୁଃଖ ଓ ବେଦନାଦାୟକ । ଯେତେବେଳେ ଆମେ ଏ ଗୃହରେ ଏକାଠି ହେଲେ, ସେତେବେଳେ ଆମେ ସ୍ବର୍ଗତ ଦାସଙ୍କ ଆତ୍ମାର ସଦ୍‌ଗତି କାମନା କରିବା ସହ ତାଙ୍କ ପରିବାରବର୍ଗଙ୍କୁ ମଧ୍ୟ ଗଭୀର ସମବେଦନା ଜଣାଇଲେ । ତାଙ୍କ ବିୟୋଗରେ, ଓଡିଶା ବିଶେଷ କରି ପଶ୍ଚିମ ଓଡିଶାର ବିକାଶ ପାଇଁ ସମର୍ପିତ ଭାବରେ କାର୍ଯ୍ୟ କରୁଥିବା ଜଣେ ପ୍ରଗତିଶୀଳ ନେତା ଓ ଆମର ଜଣେ ପ୍ରିୟ ସହଯୋଗୀଙ୍କୁ ଆମେ ହରାଇଲୁ ।

ଗତ ଜାନୁଆରୀ ୨୯, ୨୦୨୩ ଅପରାହ୍ନ ୧୨.୩୫ ବେଳେ ଗୋପାଳ ଦାସ ନାମକ ଜଣେ ସହକାରୀ ପୋଲିସ ସବ୍‌ଇନ୍‌ସପେକ୍ଟର ଓଡିଶାର ତତ୍‌କାଳୀନ ସ୍ବାସ୍ଥ୍ୟମନ୍ତ୍ରୀ ନବ କିଶୋର ଦାସଙ୍କ ଉପରକୁ ଗୁଳି ଚଳାଇ ଥିଲେ। ଶ୍ରୀ ଗୋପାଳ ଦାସ ତାଙ୍କ ସର୍ଭିଲ ପିସ୍ତଲରୁ ଗୁଳି ଚଳାଇଥିଲେ । ଆମର ସମସ୍ତ ଉଦ୍ୟମ ସତ୍ତ୍ବେ ନବକିଶୋର ଦାସଙ୍କ ଜୀବନ ରକ୍ଷା ହୋଇପାରିଲା ନାହିଁ ।

ଏହି ଘଟଣାଟି ଏକ ଅତ୍ୟନ୍ତ ସମ୍ବେଦନଶୀଳ ଘଟଣା ହୋଇଥିବାରୁ ଏହାର ତଦନ୍ତ ଦାୟିତ୍ବ ତୁରନ୍ତ କ୍ରାଇମ ବ୍ରାଞ୍ଚକୁ ଅର୍ପଣ କରାଯାଇଥିଲା । ତଦନ୍ତରେ ସ୍ବଚ୍ଛତାକୁ ସୁନିଶ୍ଚିତ କରିବା ପାଇଁ ମୋ ସରକାର ମାନ୍ୟବର ହାଇକୋର୍ଟଙ୍କୁ ଜଣେ କାର୍ଯ୍ୟରତ/ଅବସରପ୍ରାପ୍ତ ହାଇକୋର୍ଟ ଜଜ୍‌ଙ୍କୁ ମନୋନୀତ କରି ଏହି କେସ୍‌ର ତଦନ୍ତ କାର୍ଯ୍ୟ ତଦାରଖ କରିବା ପାଇଁ ଅନୁରୋଧ କରିଥିଲେ । ମାନ୍ୟବର ହାଇକୋର୍ଟ ଏହି ତଦନ୍ତ କାର୍ଯ୍ୟ ତଦାରଖ କରିବା ପାଇଁ ଅବସରପ୍ରାପ୍ତ ବିଚାରପତି ଜଷ୍ଟିସ ଜେ.ପି ଦାସଙ୍କୁ ମନୋନୀତ କରିଛନ୍ତି ।

ଏହି ଘଟଣାର ପୁଙ୍ଖାନୁପୁଙ୍ଖ ତଥା ବୈ‌ଜ୍ଞାନିକ ଅନୁସଂଧାନ କରି ସତ୍ୟକୁ ସାବ୍ୟସ୍ତ କରିବା ପାଇଁ କ୍ରାଇମ ବ୍ରାଞ୍ଚକୁ ନିର୍ଦ୍ଦେଶ ଦିଆଯାଇଛି । କ୍ରାଇମବ୍ରାଞ୍ଚ ଏଥିନିମନ୍ତେ ଦେଶର ଶ୍ରେଷ୍ଠ ଫୋରେନସିକ ବିଶେଷଜ୍ଞ ମାନଙ୍କର ସହାୟତା ନେଇଛନ୍ତି । ରାଜ୍ୟ ଫୋରେନସିକ ସାଇନ୍‌ସ ଲାବୋରେଟୋରୀ, ନୂଆଦିଲ୍ଲୀସ୍ଥିତ କେନ୍ଦ୍ର ଫୋରେନସିକ ଲାବୋରେଟୋରୀ ଏବଂ ଗାନ୍ଧୀନଗରସ୍ଥିତ ଗୁଜୁରାଟ ରାଜ୍ୟ ଫୋରେନସିକ ସାଇନ୍‌ସ ଲାବୋରେଟୋରୀ ଏ ଦିଗରେ ରାଜ୍ୟ କ୍ରାଇମ ବ୍ରାଞ୍ଚକୁ ସହାୟତା କରୁଛନ୍ତି ।

ସାକ୍ଷୀ ମାନଙ୍କର ବକ୍ତବ୍ୟ ତଥା ଅଭିଯୁକ୍ତର ଜେରାକୁ ଭିତ୍ତିକରି ଗୋପାଳ ଦାସର ମାନସିକ ଅବସ୍ଥାର ଅନୁଶୀଳନ ଏକ ୪ ଜଣିଆ ମାନସିକରୋଗ ବିଶେଷଜ୍ଞ ବୋର୍ଡଙ୍କ ଦ୍ବାରା କରାଯାଇଅଛି।

ଏତଦ୍‌ବ୍ୟତୀତ ଅଭିଯୁକ୍ତ ସତ କହୁଛି କି ପ୍ରତାରଣା କରୁଛି, ତାକୁ ପରୀକ୍ଷା କରିବା ପାଇଁ ତାର Forensic Psychological Assessment ଏବଂ Layered voice Analysis Test ନୂଆଦିଲ୍ଲୀ କେନ୍ଦ୍ରୀୟ Forensic Science Laboratoryର ବିଶେଷଜ୍ଞମାନଙ୍କ ଦ୍ବାରା କରାଯାଇଅଛି ।

ଅଭିଯୁକ୍ତ ଠାରୁ ସତ୍ୟ ଉଦ୍‌ଘାଟନ ତଥା ଅଧିକ ତଥ୍ୟ ବାହାର କରିବାପାଇଁ ଗୁଜୁରାଟ State Forensic Science Laboratoryରେ ବିଶେଷଜ୍ଞଙ୍କ ଦ୍ବାରା Narco Analysis କରାଯାଇଅଛି । ତେଣୁ ସତ୍ୟର ଉଦ୍‌ଘାଟନ ପାଇଁ ସମସ୍ତ ସମ୍ଭାବ୍ୟ ପଦକ୍ଷେପ ଗ୍ରହଣ କରାଯିବା ସହିତ ଶ୍ରେଷ୍ଠ ବିଶେଷଜ୍ଞ ମାନଙ୍କ ପରାମର୍ଶ ମଧ୍ୟ ନିଆଯାଇଛି ।

ଏଭଳି କେସ୍‌ରେ ଅପରାଧୀର ବ୍ୟବହାରିକ ବିଶ୍ଲେଷଣ କ୍ଷେତ୍ରରେ ବିଶେଷ ଦକ୍ଷତା ଅର୍ଜନ କରିଥିବା ଯୁକ୍ତରାଷ୍ଟ୍ର ଆମେରିକାର ପ୍ରସିଦ୍ଧ ଅନୁଷ୍ଠାନ Federal Bureau of Investigationର ସହାୟତା ନେବା ପାଇଁ ରାଜ୍ୟ କ୍ରାଇମ ବ୍ରାଞ୍ଚ ଉଦ୍ୟମ କରୁଛି । ଆମେରିକାର FBI ସଂସ୍ଥାର Behavioral Support Unit ଦ୍ବାରା ଅଭିଯୁକ୍ତର ବ୍ୟବହାରିକ ମୂଲ୍ୟାୟନ କରିବାରେ ସାହାଯ୍ୟ କରିବାପାଇଁ ଓଡିଶା ସରକାର ଭାରତ ସରକାରଙ୍କ ସ୍ବରାଷ୍ଟ୍ର ମନ୍ତ୍ରଣାଳୟର ସହାୟତା କାମନା କରିଛନ୍ତି ।

ମୁଁ ଏହି ଗୃହକୁ ପୁନଃ ପ୍ରତିଶ୍ରୁତି ଦେବାକୁ ଚାହେଁ ଯେ, ଦେଶ ତଥା ଦେଶ ବାହାରର ପ୍ରତିଷ୍ଠିତ Forensic ବିଶେଷଜ୍ଞ ମାନଙ୍କ ସହାୟତା ନେଇ ଏହି କେସ୍‌ର ସଂପୂର୍ଣ୍ଣ ନିରପେକ୍ଷ ଓ ମୁକ୍ତ ତଦନ୍ତକୁ ସୁନିଶ୍ଚିତ କରିବା ଦିଗରେ ଆମେ ସମସ୍ତ ପଦକ୍ଷେପ ନେବୁ ।

ତେବେ ସେ ଯାହା ହେଉ ନା କାହିଁକି, ଏହି ମର୍ମନ୍ତୁଦ ଘଟଣା ପରେ ଏଭଳି ଏକ ସମ୍ବେଦନଶୀଳ କେସ୍‌ର ଯେଉଁଭଳି ଢଙ୍ଗରେ ରାଜନୀତିକରଣ କରାଯାଉଛି, ତାହା କେବଳ ମୋତେ ନୁହେଁ, ସାରା ଓଡିଶାବାସୀଙ୍କୁ ବ୍ୟଥିତ କରିଛି । ଯେଭଳି ଭାବରେ ଭିତ୍ତିହୀନ ଓ ମନ୍ଦଉଦ୍ଦେଶ୍ୟ ପ୍ରଣୋଦିତ ଅଭିଯୋଗ କରାଯାଉଛି, ତାହା ଅତ୍ୟନ୍ତ ପରିତାପର ବିଷୟ।

ସ୍ବାଧୀନ ବିଚାର ବ୍ୟବସ୍ଥା ଆମ ଗଣତନ୍ତ୍ରର ଅନ୍ୟତମ ଶକ୍ତିଶାଳୀ ସ୍ତମ୍ଭ। ଏହି କେସ୍‌ର ତଦନ୍ତ କାର୍ଯ୍ୟ ତଦାରଖ କରିବାପାଇଁ ମାନ୍ୟବର ହାଇକୋର୍ଟ ଜଣେ ଅବସରପ୍ରାପ୍ତ ଜଜଙ୍କୁ ନିଯୁକ୍ତି ଦେବା ପରେ ପରେ ପୋଲିସର ତଦନ୍ତ ପ୍ରକ୍ରିୟା ସଂପୂର୍ଣ୍ଣ ଭାବରେ ବିଚାର ବିଭାଗର ତତ୍ତ୍ବାବଧାନରେ କରାଯାଉଛି । ତେଣୁ ଏହି କେସ୍‌କୁ ନେଇ ରାଜନୀତି କରିବାର କଣ ଆବଶ୍ୟକତା ଅଛି ? ଭିତ୍ତିହୀନ ଓ ମନ୍ଦଉଦ୍ଦେଶ୍ୟ ପ୍ରଣୋଦିତ ଅଭିଯୋଗ ଆଣିବାର କଣ ଆବଶ୍ୟକତା ଅଛି ? ଆମେ ସମସ୍ତେ ଆମର ସ୍ବାଧୀନ ବିଚାର ବ୍ୟବସ୍ଥାକୁ ସମ୍ମାନ ଦେବା ସହ ତା ଉପରେ ଭରସା ରଖିବା ଉଚିତ ।

ଭାରତ ୭୫ ବର୍ଷର ଏକ ମହାନ ଗଣତାନ୍ତ୍ରିକ ରାଷ୍ଟ୍ର । ଓଡିଶାରେ ଅତ୍ୟନ୍ତ ପରିପକ୍ବ ତଥା ଉଚ୍ଚମାନର ରାଜନୈତିକ ବିଚାର ଆଲୋଚନାର ବଳିଷ୍ଠ ପରମ୍ପରା ରହିଛି । ଏହି କେସ୍‌ର ଯେଉଁ ଢଙ୍ଗରେ ରାଜନୈତିକ ଆଲୋଚନା କରାଯାଉଛି, ତାହା ଅତ୍ୟନ୍ତ ଚିନ୍ତାଜନକ । ଗୋଟିଏ ସମ୍ବେଦନଶୀଳ ଅପରାଧ ଉପରେ ରାଜନୀତି ଆମ ଗଣତନ୍ତ୍ର ପାଇଁ ଶୁଭଙ୍କର ନୁହେଁ ।

ମୁଁ ଗଭୀର ଭାବରେ ବ୍ୟଥିତ ଯେ ଏହି ଜଘନ୍ୟ ଅପରାଧର ଅଭିଯୁକ୍ତ ହେଉଛି ଜଣେ ପୋଲିସ କର୍ମଚାରୀ । ଏହି ଅଭିଯୁକ୍ତକୁ ତୁରନ୍ତ ଚାକିରୀରୁ ବରଖାସ୍ତ କରାଯିବା ସହିତ ତାକୁ ଆଇନର କାଠଗଡା ଭିତରକୁ ଆଣିବା ପାଇଁ ସମସ୍ତ ପଦକ୍ଷେପ ନିଆଯାଇଛି ।

ତେବେ ସେ ଯାହା ହେଉ ନା କାହିଁକି, ଆମର ବିରୋଧୀ ଦଳର କେତେକ ନେତା, ବିଶେଷ କରି ରାଜ୍ୟ ଭାରତୀୟ ଜନତା ଦଳର ନେତା ମାନେ ରାଜ୍ୟ ପୋଲିସ ଉପରେ ଯେଭଳି ରୁଚିହୀନ ମନ୍ତବ୍ୟ ହେଉଛନ୍ତି, ତାହା ଚିନ୍ତାଜନକ ଅଟେ। ମୋତେ ଦୁଃଖ ଲାଗୁଛି ଯେ ବିରୋଧୀ ଦଳ ବିଶେଷ କରି ରାଜ୍ୟ ଭାରତୀୟ ଜନତା ଦଳ ଏହି ଜଘନ୍ୟ ଘଟଣାର ରାଜନୀତିକରଣ କରିବା ବ୍ୟତୀତ ଅନ୍ୟ କୌଣସି କାର୍ଯ୍ୟକ୍ରମ ନାହିଁ । ଓଡିଶା ପୋଲିସ, ଯେ କି ରାଜ୍ୟ ପାଇଁ ଅନେକ ଗୌରବ ଆଣିଛି, ଏହା ତାର ମନୋବଳକୁ ଦୁର୍ବଳ କରୁଛି ।

ଅତୀତରେ ଏହିଭଳି ଦୁର୍ଭାଗ୍ୟଜନକ ମର୍ମନ୍ତୁଦ ଘଟଣା ସାମରିକ ବାହିନୀ ତଥା କେନ୍ଦ୍ରୀୟ ଅର୍ଦ୍ଧ ସାମରିକ ବାହୀନୀରେ କାର୍ଯ୍ୟରତ କର୍ମଚାରୀ ମାନଙ୍କ କ୍ଷେତ୍ରରେ ମଧ୍ୟ ଘଟିଛି । କିନ୍ତୁ, କେବେ ବି ଏଥିପାଇଁ ପୁରା ସାମରିକ ବା ପୋଲିସ ବାହୀନୀକୁ ନିନ୍ଦିତ କରିବାପାଇଁ ଉଦ୍ୟମ ହୋଇନାହିଁ । ଆମ ଦେଶ ସବୁବେଳେ ଆମର ସାହସୀ ଜବାନ ମାନଙ୍କ ସହିତ ଦୃଢ ଭାବରେ ଠିଆ ହୋଇଛି । ଦୁର୍ଭାଗ୍ୟର କଥା ଯେ ରାଜ୍ୟ ବିଜେପି ଏ ଘଟଣାରେ ରାଜ୍ୟ ପୋଲିସକୁ ନିନ୍ଦିତ କରିବା ପାଇଁ ଉଦ୍ୟମ କରୁଛି । ରାଜ୍ୟ ବିଜେପି ଓଡିଶାର ଯୁବଶକ୍ତିର ଅପମାନ କରିଛି । ଓଡିଶାବାସୀ ଏଥିପାଇଁ କେବେ ବି କ୍ଷମା ଦେବେ ନାହିଁ । ଜଣେ ପୋଲିସ କର୍ମଚାରୀଙ୍କ କାର୍ଯ୍ୟ ଯୋଗୁଁ ସମଗ୍ର ପୋଲିସ ବାହୀନୀକୁ ଅଯଥାରେ ଅପରାଧୀ ଆଖ୍ୟା ଦିଆଯାଇଛି ।

ଏହା ହେଉଛି ରାଜ୍ୟ ପୋଲିସ ଓ ଗୃହରକ୍ଷୀ ବାହିନୀରେ କାର୍ଯ୍ୟରତ ୯୦ ହଜାର ଓଡିଆ ଯୁବକଯୁବତୀ ଓ ସେମାନଙ୍କ ପରିବାର ପାଇଁ ଅପମାନ । ଓଡିଶାର ଜନସାଧାରଣଙ୍କର ଧନଜୀବନ ସୁରକ୍ଷା ପାଇଁ ଦିନରାତି କାମ କରୁଥିବା ତଥା ଗତ ଦୁଇ ଦଶନ୍ଧି ଧରି ବାମପନ୍ଥୀ ଉଗ୍ରବାଦୀମାନଙ୍କ ସହିତ ଲଢେଇ କରି ପ୍ରାଣବଳି ଦେଇଥିବା ଶହ ଶହ ପୋଲିସ କର୍ମଚାରୀ ମାନଙ୍କ ପ୍ରତି ଏହା ହେଉଛି ସଂପୂର୍ଣ୍ଣ ଭାବରେ ସମ୍ବେଦନହୀନତା ଓ ରାଜନୈତିକ ସୁବିଧାବାଦର ପରିଚାୟକ।

ଓଡିଶା ପୋଲିସର ଓଡ୍ରାଫ ଜବାନ ଓ ଅଗ୍ନିଶମସେବାର କର୍ମଚାରୀମାନେ ବିଭିନ୍ନ ପ୍ରାକୃତିକ ବିପର୍ଯ୍ୟୟ ସମୟରେ ସେମାନଙ୍କ ଜୀବନକୁ ବାଜି ଲଗାଇ ସେମାନଙ୍କ ଉତ୍ସର୍ଗୀକୃତ ସେବା ଦ୍ବାରା ଧନଜୀବନର ସୁରକ୍ଷା କରିଛନ୍ତି ।

ଆମ ରାଜ୍ୟ ତଥା ଦେଶର ବିଭିନ୍ନ ଅଞ୍ଚଳରେ ଆମ ପୋଲିସ ବାହିନୀ ଯେଭଳି ପ୍ରଶଂସନୀୟ କାର୍ଯ୍ୟ କରିଛି, ସେଥିପାଇଁ ମୁଁ ଗର୍ବ ଅନୁଭବ କରୁଛି । ଏକ ପରିପକ୍ବ ଗଣତନ୍ତ୍ର ଭାବରେ ଆମେ ଅନାବଶ୍ୟକ ଭାବରେ ରାଜ୍ୟ ଶାସନ ବ୍ୟବସ୍ଥାର ଗୁରୁତ୍ବପୂର୍ଣ୍ଣ ଅଂଗ ଗୁଡିକ ନିନ୍ଦିତ କରିବା ଓ ଭୟଙ୍କର ଭାବରେ ଚିତ୍ରଣ କରିବାରୁ ବିରତ ରହିବା ଉଚିତ ।
ଉଚ୍ଚ ସାମ୍ବିଧାନିକ ପଦବୀ ଅଳଙ୍କୃତ କରିଥିବା ଜଣେ ବ୍ୟକ୍ତି ଦାୟିତ୍ବରେ ଥିବା ଜଣେ ମହିଳା ପୋଲିସ ଅଧିକାରୀଙ୍କୁ ଆକ୍ରମଣ କରିବା ଅତ୍ୟନ୍ତ ନିନ୍ଦନୀୟ ଓ ଅଶୋଭନୀୟ । ଓଡିଶା ସବୁବେଳେ ମହିଳା ମାନଙ୍କୁ ସମ୍ମାନ ଜଣାଇଆସିଛି ଏବଂ ଏଭଳି ଲଜ୍ଜାଜନକ ଆଚରଣକୁ ଓଡିଶାବାସୀ କେବେ କ୍ଷମା ଦେବେ ନାହିଁ।

ଆମର ଅନେକ ଏପରି ବିଷୟ ଅଛି ଯେଉଁଥିରେ କି ଆମେ ଭିନ୍ନମତ ହେବା, ଯୁକ୍ତି କରିବା ବା ବିତର୍କ ମଧ୍ୟ କରିପାରିବା; କିନ୍ତୁ ଆମେ କେବେ ବି ଏକ ସମ୍ବେଦନଶୀଳ ଘଟଣା ଉପରେ ରାଜନୀତି କରିବା ଉଚିତ ନୁହେଁ । ମୋ ସରକାରର ଏକମାତ୍ର ଲକ୍ଷ୍ୟ ହେଉଛି ଏହିଭଳି ଅପରାଧ କରୁଥିବା ଅପରାଧୀମାନଙ୍କୁ ଆଇନର କାଠଗଡାକୁ ଆଣିବା ଏବଂ ସେମାନଙ୍କୁ କଠୋର ଦଣ୍ଡ ଦେବା ।

ଓଡିଶାବାସୀ ବାରମ୍ବାର ମୋ ଉପରେ ବିଶ୍ବାସ ରଖିଛନ୍ତି ଓ ଦାୟିତ୍ବ ଅର୍ପଣ କରିଛନ୍ତି ଏବଂ ମୁଁ ବିନା ଭୟ ବା ପକ୍ଷପାତରେ ସେମାନଙ୍କର ଏହି ଭରସାକୁ ବଜାୟ ରଖିବା ପାଇଁ କାମ କରିଚାଲିଛି । ମୁଁ ପୁଣି ଥରେ ନବକିଶୋର ଦାସଙ୍କ ଶୋକାକୁଳ ପରିବାରବର୍ଗଙ୍କୁ ମୋର ସମବେଦନା ଜଣାଉଛି ।

() ନବ ଦାସ ହତ୍ୟାକାଣ୍ଡ ନେଇ ବଜେଟ ଅଧିବେଶନର ପ୍ରଥମ ଦିନରେ ଆରମ୍ଭ ହୋଇଛି ରାଜନୀତି l ମହିଳା ଆଇଆଇସିଙ୍କୁ ମାଡ ମାରିବା ନେଇ ବିବାଦରେ ଛନ୍ଦି ହୋଇପଡିଥିବା ବିରୋଧି ଦଳ ନେତା ଜୟ ନାରାୟଣ ମିଶ୍ର ପୁଣି ନୂଆ କାହାଣୀ ଗଣ ମାଧ୍ୟମ ଆଗରେ କହି ନିଜ ଦୋଷକୁ ଲୁଚାଇବା ପାଇଁ ପ୍ରୟାସ କରିଛନ୍ତି ବୋଲି  ବିଜେଡି କହିଛି l ଏହାସହ ପ୍ରଥମ ଦିନରୁ ମହିଳା ପୋଲିସ ଅଧିକାରୀଙ୍କ ପ୍ରତି ସେ କହିଥିବା ଦୁର୍ବ୍ୟବହାର ବିଧାନସଭାରେ କିପରି ଦୁର୍ବଳ ହେବ ତାଙ୍କ ବିରୋଧରେ ସେ ପ୍ରୟାସ କରିଛନ୍ତି l ଯେହେତୁ ଶାସକ ଦଳ ଓ ବିଭିନ୍ନ ସାମାଜିକ ଅନୁଷ୍ଠାନ ମହିଳା ପୋଲିସ ଅଧିକାରୀଙ୍କ ପ୍ରତି ବିରୋଧି ଦଳ ନେତାଙ୍କ ମାଡ଼ ମାରିବା ଓ ଧମକ ଦେବା ପ୍ରସଙ୍ଗରେ ଘେରିଛନ୍ତି ଓ ତାଂକୁ ସିଧା ସଳଖ ସମାଲୋଚନା କରିଛନ୍ତି l ତେଣୁ ଏଥିରୁ ମୁକୁଳିବାକୁ ପାଇଁ ସେ ନୂଆ ରାଜନୈତିକ ଗୋଟି ଚାଳନା କରିଛନ୍ତି l ନହେଲେ ମହିଳା ପୋଲିସ ଅଧିକାରୀଙ୍କୁ ମାଡ଼ ମାରିବା ପ୍ରସଙ୍ଗରେ ତାଙ୍କ ଇସ୍ତଫା ଓ ଗିରଫଦାରୀ ଦାବୀ ପୁରା ଓଡିଶାରେ ଜୋରଦାର ହୋଇଛି l ଖାସ୍ ଏଥିରୁ ବଞ୍ଚିବା ପାଇଁ ଜୟ ନାରାୟଣ ପାୱାର ସେଣ୍ଟରକୁ ସିଧା ସଳଖ ନିଶାନା କରିଛନ୍ତି l ଆଉ ଏହା ପଛରେ ରହିଛି ତାଙ୍କର ବଡ ରହସ୍ୟ l ଯେତେବେଳେ ଶାସକ ଦଳ ବିରୋଧି ଦଳ ନେତାଙ୍କ ବିରୋଧରେ ଗୃହରେ ପ୍ରସଂଗ ଉଠାଇବ, ସେ ସେତେବେଳ ନିଜକୁ ବଞ୍ଚାଇବା ପାଇଁ ଏ ବୟାନକୁ ସେ ଅସ୍ତ୍ର କରିବେ l ଅର୍ଥାତ ଗୋଟିଏ ଗୁଳିରେ ଦୁଇଟି ଶିକାର କରିବାକୁ ପ୍ରୟାସ କରିଛନ୍ତି ବିରୋଧି ଦଳ ନେତା ଜୟ ନାରାୟଣ ମିଶ୍ର l ନବ ଦାସ ହତ୍ୟା ମାମଲାରେ ବିଜେପିର ଚିରାଚରିତ CBI ତଦନ୍ତ ଦାବିକୁ ପୁଣି ଥରେ ସେ ଦୋହରାଇବା ସହ ବିରୋଧି ଦଳ ନେତା ଜୟ ନାରାୟଣ , ୫ଟି ସଚିବ ଓ ପ୍ରଣବ ପ୍ରକାଶ ଦାସଙ୍କ ମୋବାଇଲ ଯାଂଚ ହେଉ ବୋଲି ଦାବି କରି ଶାସକ ଦଳକୁ ଆଗୁଆ ଟାର୍ଗେଟ କରିଛନ୍ତିl ଯାହା ରାଜନୀତି ଫାଇଦା ନେବାକୁ ପ୍ରୟାସ କରା ଯାଇଛି ବୋଲି ରାଜନୈତିକ ସମୀକ୍ଷକ କହିଛନ୍ତି l ଅନ୍ୟପଟେ ଏ ପ୍ରସଙ୍ଗରେ ଶାସକ ଦଳ ମଧ୍ୟ କଡ଼ା ସମାଲୋଚନା କରିଛି ବିରୋଧି ଦଳ ନେତା ଜୟ ନାରାୟଣ ମିଶ୍ରଙ୍କୁ l ସରକାରୀ ଦଳ ମୁଖ୍ୟ ସଚେତକ ପ୍ରଶାନ୍ତ ମୁଦୁଲି କହିଛନ୍ତି ଯେ ବିରୋଧି ଦଳ ନେତା ମାନସିକ ସନ୍ତୁଳନ ହରାଇଛନ୍ତି l ଯେଉଁଥି ପାଇଁ ଏମିତି ଗପୁଛନ୍ତି ଗଣ ମାଧ୍ୟମ ଆଗରେ l ନବ ଦାସ ହତ୍ୟାକାଣ୍ଡ ନେଇ ସରକାର ହାଇକୋର୍ଟ ଯାଇଥିଲେ, ଜଷ୍ଟିସ ଯେ ପି ଦାସ ଘଟଣାର ତଦନ୍ତ କରୁଛନ୍ତି | ଆଇନ ବ୍ୟବସ୍ଥା ଉପରେ ଯାହାର ଭରସା ନ ଥାଏ ସେମାନେ ଏଭଳି କହିଥାନ୍ତି ବୋଲି ବିଜେଡ଼ି କହିଛି l ଅନ୍ୟପଟେ ବିଧାସଭାରେ ବାପାଙ୍କ ମୃତ୍ୟୁ ନେଇ ରାଜନୀତି ନହେଉ ବୋଲି କହିଛନ୍ତି ସ୍ୱର୍ଗତ ନବ ଦାସଙ୍କ ଝିଅ ଦୀପାଳି ଦାସ l ମୁଖ୍ୟମନ୍ତ୍ରୀଙ୍କ ଉପରେ ଆଶା ଅଛି, ନ୍ୟାୟ ମିଳିବ’- ଦୀପାଳି ଦାସ କହିଛନ୍ତି l ଦୀପାଳି ଦାସଙ୍କ ହାତଯୋଡ଼ି ଅନୁରୋଧ ପରେ ଏ ପ୍ରସଙ୍ଗକୁ ନେଇ ରାଜନୀତି ହେଉଛି କି ନାହିଁ ତାକୁ ନେଇ ସବୁଠି ଚର୍ଚ୍ଚା l

() ନବୀନ ପଟ୍ଟନାୟକ l ଯାହା କହନ୍ତି ତାହା କରନ୍ତି l ସାରା ଓଡ଼ିଶା ଜାଣେ, ଆମ ପ୍ରିୟ ମୁଖ୍ୟମନ୍ତ୍ରୀ “କଥା କମ୍, କାମ ବେଶି” ନୀତିରେ ବିଶ୍ୱାସ କରନ୍ତି। ଆଉ ସେ ଥରେ ଯାହା କହନ୍ତି, ତାହା କରି ଦେଖାନ୍ତି। ପଦ୍ମପୁର ଉପନିର୍ବାଚନ ବେଳେ ମଧ୍ୟ ସେ ଯାହା ପ୍ରତିଶ୍ରୁତି ଦେଇଥିଲେ, ଆଜି ସେ ତାହା ଗୋଟି ଗୋଟି କରି ପୂରଣ କରିବାର ପ୍ରକ୍ରିୟା ଆରମ୍ଭ କରିଛନ୍ତି।ସେଥିପାଇଁ ୨୫ ବର୍ଷ ହେଲା ସାଢ଼େ ଚାରି କୋଟି ଓଡ଼ିଆ ତାଙ୍କୁ ହୃଦୟରେ ସ୍ଥାନ ଦେଇଛନ୍ତି ବୋଲି ବିଜେଡ଼ି ସାଂଗଠନିକ ସମ୍ପାଦକ ପ୍ରଣବ ପ୍ରକାଶ ଦାସ କହିଛନ୍ତି l କେନ୍ଦ୍ରମନ୍ତ୍ରୀ ମାନଙ୍କୁ ଟୁ ଇଟ କରି ତେରେଛା ବାଣ ମାରିଛନ୍ତି ପ୍ରଣବ l ସେ କହିଛନ୍ତି ଯେ ଉପନିର୍ବାଚନ ସମୟରେ ମାନ୍ୟବର କେନ୍ଦ୍ରମନ୍ତ୍ରୀମାନେ ପଦ୍ମପୁରବାସୀ ତଥା ବରଗଡ଼ ଜିଲ୍ଲାବାସୀଙ୍କୁ ଯେଉଁ ପ୍ରତିଶ୍ରୁତି ଦେଇଥିଲେ, ମାନ୍ୟବର ମୁଖ୍ୟମନ୍ତ୍ରୀ ସେମାନେ ତାହା ପାଳନ କରନ୍ତୁ ବୋଲି ପ୍ରଭୁ ନୃସିଂହନାଥଙ୍କ ଠାରେ ପ୍ରାର୍ଥନା କରିଛନ୍ତି।ସେଥିପାଇଁ ୨୫ ବର୍ଷ ହେଲା ସାଢ଼େ ଚାରି କୋଟି ଓଡ଼ିଆ ତାଙ୍କୁ ହୃଦୟରେ ସ୍ଥାନ ଦେଇଛନ୍ତି।ଉପନିର୍ବାଚନ ସମୟରେ ମାନ୍ୟବର କେନ୍ଦ୍ରମନ୍ତ୍ରୀମାନେ ପଦ୍ମପୁରବାସୀ ତଥା ବରଗଡ଼ ଜିଲ୍ଲାବାସୀଙ୍କୁ ଯେଉଁ ପ୍ରତିଶ୍ରୁତି ଦେଇଥିଲେ, ମାନ୍ୟବର ମୁଖ୍ୟମନ୍ତ୍ରୀ ସେମାନେ ତାହା ପାଳନ କରନ୍ତୁ ବୋଲି ପ୍ରଭୁ ନୃସିଂହନାଥଙ୍କ ଠାରେ ପ୍ରାର୍ଥନା କରିଛନ୍ତି।ମୁଁ ଆଶା କରୁଛି, ତାଙ୍କର ଏହି ବାର୍ତ୍ତାକୁ ସ୍ମରଣ କରି ସେମାନେ ନିଜ କଥାକୁ ପାଳନ କରିବେ । ପଦମପୁର ଉପ ନିର୍ବାଚନ ସମୟରେ ବହୁ କେନ୍ଦ୍ରମନ୍ତ୍ରୀ ବରଗଡ଼ ଜିଲ୍ଲାକୁ ଆସି ଭୋଟର ମାନଙ୍କୁ ବହୁ ପ୍ରତିଶୃତି ଦେଇଥିଲେ l ବିଶେଷ କରି ଓଡ଼ିଶାର ୩ଜଣ କେନ୍ଦ୍ରମନ୍ତ୍ରୀ ନିର୍ବାଚନରେ ବହୁ କଥା କହୁଥିଲେ l ହେଲେ ନିର୍ବାଚନ ପରେ କାଶିଆ କିଏ ନା କପିଳା କିଏ ନ୍ୟାୟରେ ସେମାନେ ଏହି ପ୍ରତିଶ୍ରୁତି ଗୁଡ଼ିକ ଭୁଲି ଯାଉଛନ୍ତି l ରେଳମନ୍ତ୍ରୀ ଗୋଟାଏ ଦିନରେ ପ୍ରକଳ୍ପ କାମ ଆରମ୍ଭ କରିବେ ବୋଲି କହୁଥିଲେ l ପ୍ରକଳ୍ପ ପାଇଁ ଜମି ଅଧିଗ୍ରହଣ ସରିଥିଲେ ମଧ୍ୟ ଏଯାଏ ରେଳବିଭାଗ କାମ ଆରମ୍ଭ କରିନାହିଁ l ସେହିପରି ବିଦେଶୀ ପର୍ଯ୍ୟଟକ ଭାବେ ନିର୍ବାଚନ ସମୟରେ ଅନେକ କେନ୍ଦ୍ରମନ୍ତ୍ରୀ ଆସି ଅନେକ ପ୍ରତିଶ୍ରୁତି ଦେଇଥିଲି ମଧ୍ୟ ତାହା ପୂରଣ କେବେ ହେବ ବୋଲି ବିଜେଡ଼ି ପ୍ରଶ୍ନ କରିଛି l ଅନ୍ୟପଟେ ବିଜେପି ନେତା କିନ୍ତୁ ଏ ପ୍ରସଙ୍ଗରେ ରାଜନୀତିର ବୟାନ ବାଜି କରିବା ସହ ରାଜ୍ୟ ସ୍ୱାର୍ଥ ଭୂଲି କେନ୍ଦ୍ରପାଇଁ ଓକିଲାତି କରିଛନ୍ତି l

() ରାଜ୍ୟର ଅନେକ ଜ୍ଵଳନ୍ତ ସମସ୍ୟା ରହିଛି । ରାଜ୍ୟର ସ୍ୱାର୍ଥ ଦୃଷ୍ଟିରୁ ମଧ୍ୟ ଅନେକ ସମସ୍ୟା ରହିଛି । ଗତ କିଛି ଦିନ ମଧ୍ୟରେ ଘଟିଚାଲିଥିବା ଘଟଣା ବାବଦରେ ମଧ୍ୟ ଆଲୋଚନା ହେବ । ବିଧାନସଭାରେ ପ୍ରଶ୍ନ ଉଠିବ । ମହିଳା ପୋଲିସ ଅଧିକାରୀଙ୍କ ପ୍ରସଙ୍ଗ ଉଠିପାରେ । ରାଜ୍ୟ ଯେତେବେଳେ ମହିଳା ସଶକ୍ତିକରଣ ଦିଗରେ କାର୍ଯ୍ୟ କରୁଛି, ଏବେର ଘଟଣାକୁ ନେଇ ତୀବ୍ର ପ୍ରତିକ୍ରିୟା ଦେଖା ଦେଲାଣି । ଏହି କଥା ମଧ୍ୟ ବିଧାନସଭାର ଆଲୋଚନାରେ ଆସିପାରେ । ଜୟ ନାରାୟଣ ସବୁ କଥାର କାହାଣୀ ଅଲଗା ତିଆରି କରୁଛନ୍ତି । ଏ ନେଇ ସେ ସ୍ପଷ୍ଟୀକରଣ ଦେଲେ ହେବନାହିଁ । ବିଧିବଦ୍ଧ ଭାବେ ଯେଉଁ ତଦନ୍ତ ହେବ, ଏ ବାବଦରେ ସ୍ପଷ୍ଟ ହେବ । ଭିଡ଼ିଓ କ୍ଲିପିଙ୍ଗ ଅଛି । ଅନ୍ୟାନ୍ୟ କଥା ମଧ୍ୟ ଅଛି । ସେ ନିଜେ ତାଙ୍କ ଦଳର ସଭାପତିଙ୍କୁ ଘର ଭିତରେ କବାଟ ଦେଇ ଆକ୍ରମଣ କରିଥିଲେ । ବାକି ଅନ୍ୟାନ୍ୟ ଘଟଣା ଗଣମାଧ୍ୟମରେ ରହିଛି । ଅନ୍ତତଃ ସେଇ କଥା ବିଜେପିର ସାଧାରଣ କର୍ମୀ ମଧ୍ୟ ଅନୁଭବ କରିଥିବେ । ଯେତେବେଳେ ରାଜ୍ୟ ସଭାପତି ଆକ୍ରମଣର ଶିକାର ହେଉଛନ୍ତି, ମୁଁ ନୁହେଁ ତାଙ୍କ ସ୍ୱାଭାବ ସମ୍ପର୍କରେ ଏହି ଘଟଣା ସବୁ କହୁଛି ।