ଭୁବନେଶ୍ୱର : ଯାଜପୁର, ବାଲେଶ୍ଵର, ଭଦ୍ରକକୁ ଆଜିଠାରୁ ସଟ୍ ଡାଉନ ଘୋଷଣା କାରାଯାଇଛି। ଆଜି ରାତି ୧୦ ଟାଠାରୁ ୨୬ ତାରିଖ ଦିନ ୧୦ ଯାଏଁ ଏହି ନିୟମ ଜାରି ରହିବ। ଏ ନେଇ ମୁଖ୍ୟ ଶାସନ ସଚିବ ଅସିତ୍ ତ୍ରିପାଠୀ ସାମ୍ବାଦିକ ସମ୍ମିଳନୀରେ ଘୋଷଣା କରିଛନ୍ତି ।
ଏହି ତିନି ଜିଲ୍ଲାରୁ ଏବେ ୩୩ ଜଣ କରୋନା ଆକ୍ରାନ୍ତ ଚିହ୍ନଟ ହୋଇଛନ୍ତି। ଯାହାକି ସରକାରଙ୍କ ଚିନ୍ତା ବଢ଼ିଛି। ଯଦି ଆମେ ଗତ ୩ ଦିନର ତଥ୍ୟକୁ ଦେଖିବା ଏହି ଜିଲ୍ଲା ଗୁଡିକରୁ ୨୯ ଜଣ ଆକ୍ରାନ୍ତ ଚିହ୍ନଟ ହେଲେଣି। ପୂର୍ବରୁ ଏହି ସଟ୍ ଡାଉନକୁ ଭୁବନେଶ୍ୱର ଓ କଟକରେ ପ୍ରୟୋଗ କରି ସରକାର ଏହି ସହରରେ କରୋନାକୁ ଆୟତ୍ତ କରିବାରେ ସଫଳ ହୋଇଛନ୍ତି । ସେଥିପାଇଁ ଏହାକୁ ଏବେ ବାଲେଶ୍ବର, ଭଦ୍ରକ ଓ ଯାଜପୁର ରେ ସଟ୍ ଡାଉନ ଘୋଷଣା କାରାଯାଇଛି ।
ଏହି ସଟ୍ ଡାଉନ ସମୟରେ ସରକାରଙ୍କ ସ୍ୱୀକୃତି ପାଇଥିବା କିଛି ଔଷଧ ଦୋକାନ କେବଳ ଖୋଲା ରହିବ। ଲୋକମାନେ ସମ୍ପୂର୍ଣ୍ଣ ଭାବେ ଘରେ ରହିବେ । ଫଳରେ କରୋନା ଆଉ ଗୋଷ୍ଠୀ ସଂକ୍ରମଣ କରିପାରିବ ନାହିଁ। ବର୍ତ୍ତମାନ ସମୟରେ ପଶ୍ଚିମ ବଙ୍ଗରୁ ଅନେକ ଲୋକ ଏହି ତିନି ଜିଲ୍ଲାକୁ ଆସିଛନ୍ତି । ସେମାନଙ୍କୁ ସରକାର ଟ୍ରେଶ କରୁଛନ୍ତି ।ଏହାସହ କେମିତି ଅଧିକରୁ ଅଧିକ ଟେଷ୍ଟ କରାଯିବ ସେ ନେଇ ଗୁରୁତ୍ୱ ଦେଇଛନ୍ତି ମୁଖ୍ୟ ଶାସନ ସଚିବ। ଏହି ୬୦ ଘଣ୍ଟା ଏହି ତିନି ଜିଲ୍ଲା ପାଇଁ ଅନେକ ଗୁରୁତ୍ୱପୂର୍ଣ୍ଣ ରହିବ।
