() ନବୀନ ପଟ୍ଟନାୟକ l ୭୬ ବର୍ଷ ପୁରୀ ୭୭ ବର୍ଷରେ ପାଦ ଦେଇଛନ୍ତି l ଆଜି ପୁରା ଓଡ଼ିଶା ପାଳୁଛି ତାଙ୍କର ଜନ୍ମଦିନ l ହେଲେ ଜନ୍ମଦିନକୁ ସେବାର ଦିନ ଭାବେ ପାଳନ କରିବାକୁ ସବୁବେଳେ ମୂଖ୍ୟମନ୍ତ୍ରୀ କର୍ମୀ ଓ ନେତାଙ୍କୁ ପରାମର୍ଶ ଦିଅନ୍ତି l ଯେଉଁଥିପାଇଁ ବିଜେଡି ନବୀନ ଜନ୍ମଦିନକୁ ସେବାର ଦିନ ଭାବେ ପାଳନ କରୁଛି ବିଭିନ୍ନ କାର୍ଯ୍ୟକ୍ରମ ଜରିଆରେ l ୨୫ବର୍ଷ ଓଡ଼ିଶାବାସୀଙ୍କ ସେବା ପାଇଁ ନବୀନ ପ୍ରତ୍ୟେକ ଓଡ଼ିଆଙ୍କ ମନରେ ସ୍ଵତନ୍ତ୍ର ସ୍ଥାନ ବଜାଇ ରଖିଛନ୍ତି l ୨ଥର କେନ୍ଦ୍ର ମନ୍ତ୍ରୀ ଓ ୨୨ବର୍ଷ ଧରି ମୁଖ୍ୟମନ୍ତ୍ରୀ ଭାବେ ସେ ପ୍ରତ୍ୟେକ ଓଡ଼ିଆକୁ ନିଜର ପରିବାର ଭାବି ସେବା କରିଆସୁଛନ୍ତି l ତେବେ ତାଙ୍କ ଜନ୍ମଦିନରେ ନବୀନ ୫୦ବର୍ଷ ବୟସ ଯାଏ ରାଜନୀତିରେ ନଥାଇ କିପରି ଜନସେବା କରିବାର ପୁରା ଦେଶର ରୋଲ ମଡେ଼ଲ ସାଜିଲେ ତାହାକୁ ବିଜେଡିର ଏକ ସ୍ବତନ୍ତ୍ର ଉତ୍ସବରେ ଦଳର ସାଂଗଠନିକ ସଂପାଦକ ପ୍ରଣବ ପ୍ରକାଶ ଦାସ ଦଳୀୟ ନେତା ଓ କର୍ମୀଙ୍କୁ କହିଥିଲେ l ଆଉ ନବୀନଙ୍କ ବିଷୟରେ ସେ ଅକୁଆ କଥା ଥିଲା ଏମିତି……
ସାରା ପୃଥିବୀ ବୁଲିବା ଲୋକ ୨୨ ବର୍ଷ ହେଲା ଓଡ଼ିଶାରେ ରହିଛନ୍ତି । ଦିନେ କେବେ ସୁଖ ସ୍ୱାଛନ୍ଦ୍ୟର ଜୀବନ ବିତାଇବାକୁ କଳ୍ପନା ବି କରିନାହାନ୍ତି । ୨୪ ଘଣ୍ଟା ଓଡ଼ିଶା ଓ ଓଡ଼ିଆଙ୍କ କଥା ଚିନ୍ତା କରିବା ସହ ସେହି କାମରେ ଲାଗିଛନ୍ତି । କାରଣ ତାଙ୍କର ପ୍ରତିବଦ୍ଧତା ଏ ଜାତି ପାଇଁ, ଏ ରାଜ୍ୟପାଇଁ ଏବଂ ଏ ମାଟିର ଲୋକଙ୍କ ପାଇଁ ସବୁ ବେଳେ ରହିଛି । ମାତ୍ର ୨୦ ବର୍ଷ ତଳେ ଯେଉଁ ଆନ୍ଧ୍ରପ୍ରଦେଶ ଆମକୁ ମହାବାତ୍ୟାରେ ସାହାଯ୍ୟ କରିଥିଲା ଏବଂ ଆମେ ସହଯୋଗର ହାତ ପତାଇଥିଲୁ ଆଜି ସେମାନଙ୍କୁ ଆମେ ସହଯୋଗ କରୁଛୁ । ୨ବର୍ଷ ତଳେ ବିଜୁ ଯୁବ ଜନତା ଦଳର ରାଜ୍ଯ କାର୍ଯ୍ୟ କାରିଣୀରେ ଏକଥା କହିଥିଲେ ଦଳର ସାଂଗଠନିକ ସଂପାଦକ ପ୍ରଣବ ପ୍ରକାଶ ଦାସ।
ବିଜୁ ପଟ୍ଟନାୟକ ଜଣେ ଅଗ୍ରଣୀ କ୍ୟାପିଟାଲିଷ୍ଟ ହୋଇଥିଲେ । ସାରା ଦୁନିଆ ବୁଲିବା ପରେ ସେ ଯେତେବେଳେ ଓଡ଼ିଶା ଆସିଲେ ଏବଂ ରାଜ୍ଯର ସ୍ଥିତି ଦେଖିଲେ ସେ ମର୍ମାହତ ହେଲେ। ଓଡ଼ିଶା ପାଇଁ ଓ ରାଜ୍ଯବାସୀଙ୍କ ପାଇଁ ସ୍ବପ୍ନ ଦେଖିବା ଆରମ୍ଭ କଲେ। ମୋ ଓଡ଼ିଶା ମୋ ଓଡ଼ିଆ ପାଇଁ ସାରା ଜୀବନ କାମ କଲେ । ତାଙ୍କର ପୁଅ ନବୀନ ପଟ୍ଟନାୟକ। ସାରା ପ୍ରୁଥିବୀ ବୁଲିବା ଯାହାଙ୍କ ସଉକ ଥିଲା ସେ ତାଙ୍କ ପିତାଙ୍କ ସ୍ବପ୍ନକୁ ସାକାର କରିବା ଓ ଓଡ଼ିଆ ଲୋକଙ୍କର ସେବା କରିବାକୁ ନିଜର ସବୁ ସୁଖ ସ୍ବାଚ୍ଛନ୍ଦ୍ଯକୁ ଜଳାଂଜଳି ଦେଇଛନ୍ତି। ଗତ ୨୨ ବର୍ଷ ହେଲା ଲଗାତର ୨୪ ଘଣ୍ଟା ସେ ଲୋକଙ୍କ ପାଇଁ କାମ କରୁଛନ୍ତି। ତାଙ୍କର ସ୍ୱପ୍ନ ହେଲା, ଏ ଜାତି ଦିନେ ଆଗକୁ ଯିବ । ବିଜୁ ବାବୁ ଖାରବେଳଙ୍କ କଥା କହିଥିଲେ । ଯୁବକଙ୍କ ଭିତରେ ସ୍ୱପ୍ନକୁ ଦେଖିଥିଲେ । ଜଣେ ବିନ୍ଧାଣୀ ଭାବରେ ଉଭା ହେଲେ । ମୁଁ ବହୁତ ଥର ସାରଙ୍କ ସହ ଦିଲ୍ଲୀରୁ ଫେରିଥାଏ। ମୁଁ ୨/୪ ଥର ସାରଙ୍କୁ ଡ୍ରାଇଭ କରିଛି । ପାଖରେ ଦେଖିଛି । ସେ ଯେଉଁଠି ବି ଥାଆନ୍ତି, କେବଳ ସେ ଓଡ଼ିଶା କଥା ଭାବନ୍ତି କେବଳ ଓଡ଼ିଶା । କାରଣ ଏ ଦଳ ହିଁ ଓଡ଼ିଶାକୁ ନେତୃତ୍ୱ ଦେଇପାରିବ ଏବଂ ସେ କଣ ତ୍ୟାଗ ନ କରିଛନ୍ତି ରାଜ୍ଯକୁ ଆଗକୁ ନେବାପାଇଁ। ୨୨ ବର୍ଷ ଭିତରେ କେବେ ସେ ପଦାକୁ ଯାଇ ନାହାନ୍ତି । ୨୪ ଘଣ୍ଟା ଲୋକଙ୍କ ସହ ଅଛନ୍ତି । ଆନ୍ଧ୍ରପ୍ରଦେଶରୁ ଆସିଥିଲା ୧୯୯୯ ବାତ୍ଯା ବେଳେ ମେସିନ୍ । ଆମେ ହାତ ପତାଉଥିଲୁ । ଖଣ୍ଡେ ରାସ୍ତା ପାଇଁ ଆମେ ହାତ ପତାଉଥିଲୁ । ଜେସିବି ଦେଖିବାକୁ ଲୋକ ଠିଆ ହୋଇ ରହୁଥିଲେ । କିନ୍ତୁ ଗତ ହୁଡହୁଡ ସମୟର କଥା। ମୁଁ ଯେତେବେଳେ ଏନର୍ଜି ମିନିଷ୍ଟର ଥାଏ । ଆନ୍ଧ୍ରକୁ ଯାଇଥିଲି, ଜଣେ ମୁଖ୍ୟମନ୍ତ୍ରୀଙ୍କୁ ଯେ୍ମିତି ରିସିଭ୍ କରାଯାଏ ମୋତେ ସେମିତି ରିସିଭି କରାଗଲା । ଓଡ଼ିଶା ସରକାରଙ୍କୁ କି ପ୍ରଶଂସା। କାରଣ ଆମେ ତାଙ୍କୁ ସହଯୋଗ କରିଥିଲୁ। ମାତ୍ର ୧୩ରୁ ୧୪ ବର୍ଷ ମଧ୍ୟରେ ବଦଳିଗଲା ଚିତ୍ର । ଏ ହେଉଛି ପରିବର୍ତ୍ତିନର ଚିତ୍ର । ମୁଖ୍ଯମନ୍ତ୍କୀଙ୍କ ଆଦର୍ଶରେ ଅନୁପ୍ରାଣିତ ହେବା ଦରକାର ବୋଲି ପ୍ରଣବ ଯୁବପୀଢ଼ି ଙ୍କୁ ଆହ୍ୱାନ ଦେଇଛନ୍ତି। ମୁଖ୍ଯମନ୍ତ୍ରୀଙ୍କର ନିଜର ବୋଲି କିଛି ନାହିଁ , ପରିବାର ପାଇଁ କିଛି ନାହିଁ, ଯାହା ଅଛି ସେ ସବୁ ଓଡ଼ିଶାବାସୀଙ୍କର । ଦେଶର ସବୁ ମୁଖ୍ୟମନ୍ତ୍ରୀ କଣ ଗାଡ଼ି ଚଢନ୍ତି ଆପଣ ଦେଖୁଥିବେ । ଆମ ମୁଖ୍ୟମନ୍ତ୍ରୀ କି ଗାଡ଼ି ଚଢୁଛନ୍ତି ଦେଖିଥିବେ । ଏଷ୍ଟିମ ଗାଡ଼ିଟା ବଦଳରେ ଗୋଟେ ଭଲ ଗାଡ଼ି ଚଢିବା ପାଇଁ ସାରଙ୍କୁ ପ୍ରସ୍ତାବ ଦେଇଥିଲୁ। କିନ୍ତୁ ଚୂଡାନ୍ତ ଗାଡ଼ି ଆସିଲା ବେଳକୁ ଆସିଲା ଏସଏକ୍ସ-୪ । ସାର୍ ଡେଙ୍ଗା ଲୋକ ତଥାପି ସେ କହିଲେ ଏଇଟା ଲୋକଙ୍କ ଟଙ୍କା । ଯେତେ କମରେ ହୋଇପାରିବ ଗାଡ଼ି ଆଣ। ଏପିରିକି ମୁଁ ସବୁ ବେଳେ ଚେଷ୍ଟା କରେ ମୁଖ୍ୟମନ୍ତ୍ରୀଙ୍କୁ ଖୁସି କରିବାକୁ । ଜଣେ ବ୍ୟକ୍ତିଗତ ଲୋକ ମତେ କହିଥିଲେ, ମୁଁ ସାରଙ୍କୁ ପଚାରିଲି ସାର୍ ଆପଣ କେତେବେଳେ ଖୁସି ହୁଅନ୍ତି । ସେ ବିନା ପଜ ନେଇ କହିଥିଲେ ଓଡ଼ିଶା ପାଇଁ ମୁଁ ଯେତେବେଳେ କିଛି କାମକରେ ଏବଂ ଏଠାକାର ଲୋକ ଯେତେବେଳେ ଖୁସି ହୁଅନ୍ତୁ ସେତେବେଳେ ମୁଁ ଖୁସି ହୁଏ । ମୁଖ୍ୟମନ୍ତ୍ରୀଙ୍କୁ ଖୁସିକଲେ ହେବନି, ଲୋକଙ୍କ ପାଇଁ କାମ କରିବାକୁ ପଡ଼ିବ । ରାଜ୍ୟ ପାଇଁ ପ୍ରତିବଦ୍ଧତା । ସାରା ବିଶ୍ୱ ଆସି ଓଡ଼ିଶା ପାଖରେ ଠିଆ ହୋଇଛି । ଖଣିଜ ସଂପଦର ଟଙ୍କାକୁ ନିଜ ଟଙ୍କା ଭାବି ସେ ନେଇ ନାହାନ୍ତି । ଲୋକଙ୍କୁ ସେ ଫେରାଇ ଦେଇଛନ୍ତି ବିଭିନ୍ନ ଉପାୟରେ । ଗଞ୍ଜାମର ଲୋକ ଯାହା ମହାମହିମ ରାଜ୍ୟପାଳ ମଧ୍ୟ ସମାନ । ତାଙ୍କର ରାଜ୍ୟ ପାଇଁ ପ୍ରତିବଦ୍ଧତା, ମୁଁ ଓଡ଼ିଆ, ମୋ ଜାତି ଓଡ଼ିଆ । ତାଙ୍କର ଗୋଟିଏ ପ୍ରାଣ ଜୟ ଜଗନ୍ନାଥ । ଜଗନ୍ନାଥ କହନ୍ତି ଏବଂ ଓଡ଼ିଆ ପାଇଁ କାମ କରନ୍ତି । ଜୟଯାତ୍ରା କରନ୍ତି ବିଶ୍ୱ ଦରବାରରେ ଓଡ଼ିଶାକୁ ପହଞ୍ଚାଇବା ପାଇଁ । କୃଷି କର୍ମଣ ଠାରୁ ଆରମ୍ଭ କରି ବହୁ ପୁରସ୍କାର ପାଇଛି ଓଡ଼ିଶା । ଦିନେ ଓଡ଼ିଶା ଭାରତ ବର୍ଷକୁ ଦିଗଦର୍ଶନ ଦେବ ବୋଲି ପ୍ରଣବ କହିଛନ୍ତି।
ଓଡ଼ିଶା ପ୍ରତି ମୁଖ୍ଯମନ୍ତ୍ରୀଙ୍କର ପ୍ରତିବଦ୍ଧତା ସବୁବେଳେ ରହିଛି । ଯଦି ଏ ଦଳ ଆଗକୁ ଆହୁରି ସଂଘଠିତ ହେବ ତେବେ ବିଜୁ ଯୁବ ଜନତା ଦଳ ହିଁ କରିପାରିବ । ସାରା ଓଡ଼ିଶା ଆଜି ବଞ୍ଚିଛି ତାଙ୍କ ପାଇଁ । ସେ ତିଆରି କରିଛନ୍ତି ଜୀବନ ବିନ୍ଦୁ । ଜୀବନବିନ୍ଦୁ ଜରିଆରେ ଆମେ ଲକ୍ଷାଧିକ ଲୋକଙ୍କୁ ରକ୍ତ ଅଭାବରୁ ମରିବାକୁ ଦେଇନାହୁଁ। ତାଙ୍କ ନେତ୍ରୁତ୍ୱକୁ ଆହୁରି ସୁଦ୍ରୁଢ କରିବାକୁ ହେବ। ଯେଉଁ ନେତା ତାଙ୍କର ସବୁ ସୁଖ ସ୍ୱାଛନ୍ଦ୍ୟକୁ ବଳିଦେଇ ଯିଏ ଆମ ପାଇଁ କାମ କରୁଛନ୍ତି ଆମେ ତାଙ୍କ ପାଇଁ ନିଜକୁ ସମର୍ପିତ କରିବାକୁ ଶପଥ ନେବା।
ନୂଆ ଓଡ଼ିଶା ଓ ସଶକ୍ତଓଡ଼ିଶା ଗଠନ କରିବାକୁ ମୁଖ୍ୟମନ୍ତ୍ରୀ ଯେଉଁ ବିକାଶର ରଥ ପୁରା ଓଡ଼ିଶାରେ ବିଲାଉଛନ୍ତି ତାହାର ସାରଥି ସାଜିଛନ୍ତି ବିଜେଡି ସଙ୍ଗଠନ ସଂପାଦକ ପ୍ରଣବ ପ୍ରକାଶ ଦାସ l ସବୁବେଳେ ଲୋକଙ୍କ ସାଥିରେ ରହି ପ୍ରଣବ ସେମାନଙ୍କ ଦୁଃଖ ଓ ସୁଖ ବୁଝିବା ସହ ସରକାର କରୁଥିବା ଯୋଜନାରେ କେହି ଜଣେ ହେଲେ କିପରୀ ବାଦ ନପଡ଼ିବେ ତାହା ଉପରେ ପ୍ରଣବ ଗୁରୁତ୍ଵ ଦେଇଛନ୍ତି l
ପରିଚୟ୧୯୯୭ ମସିହାର ବିଜୁ ପଟ୍ଟନାୟକଙ୍କ ଦେହାନ୍ତ ପରେ ରାଜନୀତିରେ ପ୍ରବେଶ କଲେ ନବୀନ । ଆଉ ତା ପର ଠାରୁ ଅପରାଜୟ. ଅପ୍ରତିଦ୍ୱନ୍ଦୀ , ରାଜନନେତା ଭାବେ ରାଜ୍ କଲେ ଓଡ଼ିଶାରେ । ନିଜର ସ୍ୱଚ୍ଛ, ନିର୍ମଳ, ସୁଶାସନ ପାଇଁ ସେ ପାଲଟିଗଲେ ଜନନାୟକ । ଲୋକଙ୍କ ଭଲ ପାଇବା ଓ ଆର୍ଶୀବାଦ ଫଳରେ ୫ଥର ଓଡ଼ିଶାର ମୁଖ୍ୟମନ୍ତ୍ରୀ ଆସନରେ ବସିଲେଣି ନବୀନ । ନବୀନଙ୍କୁ ଛାଡ଼ିଦେଲେ ଓଡ଼ିଶାରେ ବିକଳ୍ପ ରାଜନେତା ଏପର୍ଯ୍ୟନ୍ତ ଦେଖାଦେଇନାହାନ୍ତି । ଓଡ଼ିଶାବାସୀଙ୍କୁ ନିଜର ପରିବାର ଭାବେ ଗ୍ରହଣ କରି ସେମାନଙ୍କ ସୁଖରେ ଓ ଦୁଃଖରେ ସବୁବେଳେ ଛିଡ଼ା ହୋଇଛନ୍ତି ମୁଖ୍ୟମନ୍ତ୍ରୀ । ସରଳ ଓ ନିରାଡ଼ମ୍ବର ଜବୀନଶଶୈଳୀ କଟାନ୍ତି ସେ । 
ରାଜ୍ୟବାସୀ ଯେପରି କୌଣସି ଅଭାବ ଓ ଅସୁବିଧାରେ ନପଡ଼ିବେ ସେଥିଲାଗି ଜନ୍ମରୁ ମୃତ୍ୟୁଯାଏ ଯୋଜନା କରି ଓଡ଼ିଶାବାସୀଙ୍କ ସାହାରା ସାଜିଛନ୍ତି ନବୀନ । ପ୍ରାକୃତିକ ବିପର୍ଯ୍ୟୟକୁ ସଫଳତାର ସହ ମୁକାବିଲା କରି ନବୀନ ରାଜ୍ୟବାସୀଙ୍କ ଧନଜୀବନ ରକ୍ଷା କରିଛନ୍ତି । ଆଜି ୭୭ ବର୍ଷରେ ପାଦ ଥାପିଛନ୍ତି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ । ଦୀର୍ଘ ୨୧ ବର୍ଷ ଧରି ଓଡ଼ିଶା ଶାସନର ମଙ୍ଗ ଧରିଛନ୍ତି ନବୀନ ପଟ୍ଟନାୟକ । ହେଲେ ଏବେ ବି ସେ ନିବିବାଦୀୟ, ନିକଳଙ୍କ ନେତାଭାବରେ ସେ ଓଡ଼ିଶା, କାହିକିଁ ପୁରା ଦେଶରେ ବେଶ ପରିଚିତ । ଜଣେ କ୍ଲିନ ରାଜନେତା ଭାବେ ପ୍ରତ୍ୟେକ ଓଡ଼ିଆବାସୀଙ୍କ ହୃଦୟରେ ନବୀନ ରାଜ କରୁଛନ୍ତିି । 
ଯେଉଁଥି ପାଇଁ ନବୀନ ଆଜି ବି ଅପ୍ରତିଦ୍ୱନ୍ଦୀ, ଅପରାଜୟ, ଅଦ୍ୱିତୀୟ ନେତା ଭାବେ ଘରେଘରେ ପରିଚିତ ।ଦୁର୍ନୀତି ମୁକ୍ତ ସରକାର ପାଇଁ ନବୀନ ସାରା ଦେଶରେ ସ୍ୱତନ୍ତ୍ର ପରିଚୟ ଲାଭ କରିଛନ୍ତି । ପ୍ରତି ନିର୍ବାଚନରେ ତାଙ୍କୁ ମିଳେ ବଡ଼ ସଫଳତା । ଏସବୁ ସଫଳତାର ବଡ଼ ଅସ୍ତ୍ର ନିଜେ ନବୀନ । ତାଙ୍କ ଆଗରେ ଜାତୀୟ ସ୍ତରର ନେତା, ବିଭିନ୍ନ ପ୍ରସଙ୍ଗ ତୁଚ୍ଛ । ଭୋଟରଙ୍କ ହୃଦୟରେ ସ୍ୱତନ୍ତ୍ର ସ୍ଥାନ ନେଇସାରିଥିବା ନବୀନ ଏବେ ଜନନାୟକ ଭାବେ ପରିଚିତ ହୋଇଛନ୍ତି । ବିରୋଧୀ ଯେତେ ଅଭିଯୋଗ କଲେ ବି ନବୀନ ତାହା କାଉଣ୍ଟର ଜବାବ ଦିିଅନ୍ତିନି । ବଂର କଥା କମ କାମ ଅଧିକରେ ବିଶ୍ୱାସ କରି ଦୀର୍ଘ ୨୧ ବର୍ଷ ହେବ ରାଜ୍ୟବାସୀଙ୍କ ସେବା କରିଚାଲିଛନ୍ତି ସେ । ଯେତେବେଳେ ଦେଶରେ ରାଜନୈତିକ ହଟଚମଟ ଦେଖାଦେଉଛି ସେତେବେଳେ ନବୀନ ଦେଶର ନେତୃତ୍ୱ ନେବା କଥା ଚର୍ଚ୍ଚା ହୁଏ । ବହୁ ରାଜନୈତିକ ଦଳ ଓ ଦେଶର ହେବିୱଟ ନେତାମାନେ ନବୀନଙ୍କୁ ପ୍ରସ୍ତାବ ଦିଅନ୍ତି ରିଙ୍ଗ ମାଷ୍ଟର ହେବା ପାଇଁ । ଜାତୀୟ ଗଣମାଧ୍ୟମରେ ବି ନବୀନ ନାଁକୁ ନେଇ କେତେଥର ଚର୍ଚ୍ଚା ହୁଏ । ହେଲେ ଏସବୁ ଚର୍ଚ୍ଚାର ଅର୍ଥ ଯେମିତି କିଛି ନୁହେଁ, ନବୀନଙ୍କ ରାଜ୍ୟବାସୀଙ୍କ ପ୍ରତି ଥିବା ଭଲ ପାଇବା ଆଗରେ । ବାରମ୍ବାର ଓ ସବୁବେଳେ ନବୀନ କହନ୍ତି ସେ ଓଡ଼ିଶାରେ ରହିବେ ଓ ଓଡ଼ିଶାବାସୀଙ୍କ ସେବା କରିବେ ।
