() ଓଡ଼ିଶାବାସୀଙ୍କୁ କେହି ଭ୍ରମିତ କରିପାରିବେନି l ଅପପ୍ରଚାର ଦୃଢ଼ ଜବାବ ଦିଆଯିବ l ଓଡ଼ିଶାର ବିକାଶରେ ଯିଏ ବାଧା ସାଜିବ ତାକୁ ବିରୋଧ କରାଯିବ l କାରଣ ନିର୍ମାଣ ଚାଲିଛି ନୂଆ ଓଡ଼ିଶା, ସଶକ୍ତ ଓ ବିକଶିତ ଓଡ଼ିଶା l ଜନ ସେବାକୁ ମୂଳମନ୍ତ୍ର କରି ରାଜ୍ୟ ସରକାର କାମ କରୁଛନ୍ତି l ଏପରି ନୂଆ ରଣନୀତିରେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ବିକଶିତ ଓଡ଼ିଶାକୁ ନିର୍ମାଣ କରୁଛନ୍ତି l ଆଉ ବିକାଶରେ ବାଧା ସୃଷ୍ଟି କରୁଥିବା ଲୋକଙ୍କୁ ଜନ ବିରୋଧୀ ଆଖ୍ୟା ଦେଇ ନବୀନ କଡ଼ା ଜବାବ ଦେଇଛନ୍ତି l

ବିଧାନସଭାର ମୌସୁମୀ ଅଧିବେଶନର ପ୍ରଥମ ଦିନରୁ ନବୀନ ଆଭିମୁଖ୍ୟ ସ୍ପଷ୍ଟ ବାରି ହୋଇପଡିଥିଲା l ଅଧିବେଶନର ଦ୍ବିତୀୟ ଦିନରେ ମୁଖ୍ୟମନ୍ତ୍ରୀ ଗୃହରେ ବିବୃତି ରଖିଥିଲେ l ଯାହା ବିରୋଧୀଙ୍କ ଅପପ୍ରଚାରକୁ ଶକ୍ତ ଚାପୁଡ଼ା ଦେଇଥିଲା l ୫ଟି ସଚିବଙ୍କ ଜିଲ୍ଲା ଗସ୍ତ, ମନ୍ତ୍ରୀ ବଡ ନା ସଚିବ ବଡ ଓ ସିଏମଓ ଙ୍କ ଚପର୍ ଖର୍ଚ୍ଚକୁ ନେଇ ସଚିବଙ୍କ ନବୀନ ବିରୋଧୀ ସବୁ ପ୍ରଶ୍ନ ଓ ଅପପ୍ରଚାରର ଗୋଟି ଗୋଟି କରି ନିଜ ବିବୃତିରେ ରଖିଥିଲେ l ଲୋକଙ୍କ ସମସ୍ୟାର ସମାଧାନ କରିବା ମୋ ସରକାରଙ୍କ ପ୍ରାଥମିକତା । ମୋ ନିଦ୍ଦେର୍ଶରେ ସିଏମଓ ଲୋକଙ୍କ ପାଖକୁ ଯାଇ ଅଭିଯୋଗ ଶୁଣିଛି। ଦୁଇ ବର୍ଷର କୋଭିଡ ବ୍ୟାଘାତ ଯୋଗୁଁ ମୁଁ ସିଏମ୍ ଗ୍ରିଭାନ୍ସ ସେଲ୍କୁ ଲୋକଙ୍କ ଦ୍ୱାର ପାଖକୁ ପହଞ୍ଚାଇଛି ବୋଲି ବିଧାନସଭାରେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ସିଧା କହିଥିଲେ । ଏହାସହ CM ଅଭିଯୋଗ ସେଲ୍ CMO ଦ୍ୱାରା ପରିଚାଳିତ ଏବଂ ମୋର ନିର୍ଦ୍ଦେଶ ଅନୁଯାୟୀ CMO ର ଅଧିକାରୀମାନେ ରାଜ୍ୟର ସମସ୍ତ ଜିଲ୍ଲାରେ ବିକେନ୍ଦ୍ରୀକରଣ ଅଭିଯୋଗ ସେଲ୍ ପରିଚାଳନ ଏହାକୁ ନେଇ ରାଜନୀତି କରିଥିବା ଜନବିରୋଧୀ ବୋଲି ମୁଖ୍ୟମନ୍ତ୍ରୀ ବିରୋଧି ବିଜେପି ଓ କଂଗ୍ରେସକୁ ନିଶାନା କରି କହିଥିଲେ। ସିଏମଓ ଜିଲ୍ଲାଗସ୍ତ ଅଭିଯୋଗର ଯୁଦ୍ଦକାଳୀନ ସମ କରାଯାଉଛି । ଲୋକଙ୍କ ସେବାରେ ସିଏମଓ ବୋଲି ନବୀନ ଗୃହରେ ବିରୋଧୀକୁ ସିଧା ଶୁଣାଇ ଦେଇଥିଲେ l ଗୋଟି ଗୋଟି କରି ରାଜ୍ୟବାସୀଙ୍କ ଆଗରେ ବିରୋଧୀଙ୍କ ଅପପ୍ରଚାର ଜବାବ ଦେଇ ନବୀନ କହିଥିଲେ ଯେ ଏହି ୬ ମାସ ମଧ୍ୟରେ ୧୯୦ ରୁ ଅଧିକ ସ୍ଥାନରେ CMO ପହଞ୍ଚିଥିଲା । ପ୍ରତିଦିନ ତିନି ରୁ ପାଞ୍ଚଟି ସ୍ଥାନ ଆବୃତ କରାଯାଉଥିଲା ଏବଂ ଏହି ପ୍ରକ୍ରିୟାରେ ଲୋକଙ୍କ ଠାରୁ ୫୭୪୪୨ ଟି ଆବେଦନ ସଂଗ୍ରହ କରାଯାଇଥିଲା ଏବଂ ବର୍ତ୍ତମାନ ସୁଦ୍ଧା ୪୩୫୩୬ ଟି ଆବେଦନ ସମାଧାନ ହୋଇସାରିଛି। ଆବେଦନକାରୀଙ୍କୁ ଲିଖିତ ଉତ୍ତର ଦିଆଯାଏ ଏବଂ ମୋ ସରକାର ମାଧ୍ୟମରେ ଫୋନ୍ କଲଗୁଡିକ ମତାମତ ଦିଆଯାଏ | ମୁଁ ସମସ୍ତ ଦୃଢ଼ତା ସହିତ କହିବି ଯେ – ଏହା ହେଉଛି ସବୁଠାରୁ ବଡ ଏବଂ ପ୍ରଭାବଶାଳୀ ଲୋକମାନଙ୍କର ଅଭିଯୋଗ ସମାଧାନ |

ସେହିପରି ମୁଖ୍ୟମନ୍ତ୍ରୀ କହିଥିଲେ ଯେ ହେଲିକପ୍ଟର ବାବଦକୁ ସରକାର ୪୦ କୋଟି ଖର୍ଚ୍ଚ କରିଛନ୍ତି । ମାସିକ କୋଟିଏରୁ ଦେଢ କୋଟି ଟଙ୍କା ଏ ବାବଦରେ ଖର୍ଚ୍ଚ ହେଉଥିଲା ବେଳେ CMOର ଅଭିଯୋଗ ଶୁଣାଣି ପାଇଁ ସମାନ ହାରରେ ହେଲିକପ୍ଟର ଖର୍ଚ୍ଚ ହୋଇଛି ବୋଲି ନବୀନ କହିଛନ୍ତି । ହେଲିକପ୍ଟର ବ୍ୟବହାର ମାତ୍ରାଧିକ ଖର୍ଚ୍ଚ ଅଭିଯୋଗ ସଂପୂର୍ଣ୍ଣ ମି୍ଥ୍ୟା ଓ ଅଭିସନ୍ଧିମୂଳକ ବୋଲି ନବୀନ କହି ବିରୋଧୀଙ୍କ ମୁହଁ ଚୁପ୍ କରିଦେଇଥିଲେ ବିଧାନସଭାରେ l ସେହିପରି ମୁଖ୍ୟମନ୍ତ୍ରୀ ଗୃହ ଓ ସାଧାରଣ ପ୍ରଶାସନ ବିଭାଗର ଖର୍ଚ୍ଚ ଦାବି ଆଲୋଚନାରେ ନିଜ ବିବୃତିରେ ବିରୋଧୀ ନିଜର ଦାୟିତ୍ୱ ଓ କର୍ତ୍ତବ୍ୟ ଠିକ୍ ସେ ନକଲେ କଣ ପରିଣାମ ଭୋଗିବାକୁ ପଡେ ତାହା ଚେତାଇ ଦେଇଥିଲେ ନିଜ ବିବୃତିରେ l ମୁଖ୍ୟମନ୍ତ୍ରୀ କହିଥିଲେ ଯେ ବିକାଶକୁ ବିରୋଧ କଲେ ନେତାଙ୍କ ବିଧାନସଭାକୁ ଆସିବା ବାଟ ବନ୍ଦ କରିଦେବେ ଜନତା । କାରଣ ଗୃହକୁ ଫେରିନାହାନ୍ତି ଜନ ବିରୋଧି ନେତା । ବିଧାନସଭାରେ ମୁଖ୍ୟମନ୍ତ୍ରୀଙ୍କ ନବୀନ ପଟ୍ଟନାୟକଙ୍କ ବିରୋଧି ନେତାଙ୍କ ଏପରି ଭବିଷ୍ୟତବାଣୀ ବିରୋଧୀ ଦଳକୁ ଚିନ୍ତାରେ ପକାଇ ଥିଲା l
ମୌସୁମୀ ଅଧିବେଶନର ଶେଷ ଦିନରେ ମୁଖ୍ୟମନ୍ତ୍ରୀ ଶ୍ରଦ୍ଧା କିଏ ବୋଲି ଗୃହରେ ଜବାବ ଦେବା ପରେ ମୁଖ୍ୟ ବିରୋଧୀ ବିଜେପିର ପାଟି ପୁରା ଚୁପ୍ ହୋଇ ଯାଇଛି l ଗୃହରେ ବିବୃତି ରଖି ମୁଖ୍ୟମନ୍ତ୍ରୀ କହିଥିଲେ ଯେ ଶ୍ରଦ୍ଧା ମୋ ଫିଜିଓଥେରାପିଷ୍ଟ । ତାଙ୍କୁ ଦିବଂଗତ ଭଉଣୀ ଗୀତା ମେହେଟ୍ଟା ମୋ ସ୍ବାସ୍ଥ୍ୟର ଯତ୍ନ ନେବାକୁ ପଠାଇଥିଲେ । ଶ୍ରଦ୍ଧାଙ୍କୁ କୌଣସି ସରକାରୀ କ୍ବାଟର୍ସ ଦିଆଯାଇନାହିଁ ।

ଏହାସହ ନବୀନ କହିଛନ୍ତି, ଲୋକଙ୍କ ସ୍ବାର୍ଥ ପ୍ରସଙ୍ଗରେ ଗୃହରେ ଆଲୋଚନା କରାଯାଉ । ଅଯଥା ପ୍ରସଙ୍ଗରେ ସମୟ ନଷ୍ଟ କରାନଯାଉ। ବିରୋଧୀମାନେ ଅଯଥା ପ୍ରସଙ୍ଗ ଉଠାଇ ଗୃହରେ ହଟ୍ଟଗୋଳ କରୁଛନ୍ତି । ଯେଉଁ କାରଣରୁ ବିରୋଧୀଙ୍କୁ ସମାଲୋଚନା କରିଛନ୍ତି ନବୀନ । ଶ୍ରଦ୍ଧାଙ୍କୁ ନେଇ ବିଭ୍ରାନ୍ତ କରୁଥିଲେ ବିରୋଧୀ । ଏନେଇ ବିବୃତି ରଖି ନବୀନ ଶ୍ରଦ୍ଧାଙ୍କ ବାବଦରେ ବିରୋଧୀଙ୍କୁ ଜବାବ ଦେଇଛନ୍ତି ।
ମୌସୁମୀ ଅଧିବେଶନର ପ୍ରଥମ ଦିନରୁ ଶେଷ ଯାଏ ମୁଖ୍ୟମନ୍ତ୍ରୀ ରଣନୀତିରେ ଘାଇଲା ହୋଇଛନ୍ତି ବିରୋଧୀ l ସବୁଠାରୁ ବଡ କଥା ହେଉଛି ବିଧାନସଭାରୁ ଅପ ପ୍ରଚାର ବିରୋଧୀ ଆଭିମୁଖ୍ୟକୁ ଦୃଢ କରିଛନ୍ତି ନବୀନ l

() ଗୃହ ଚାଲି ପାରିଲାନି ଦୁର୍ଭାଗ୍ୟ ଓ ଦୁଃଖିତ।ରାଜରାସ୍ତାରେ ବିଭିନ୍ନ ସଂଘଟାନ ତାଙ୍କ ଦାବି ନେଇ ବସିଛନ୍ତି ତାକୁ ଆଲୋଚନା ହୋଇଥାନ୍ତା।ଦୂର୍ତ୍ୟଧୟରେ ତାର ପ୍ରଭାବ ପଡ଼ିବ।ସ୍ବାସ୍ଥ୍ୟ କୁ ନେଇ ମୁଲତବୀ ପ୍ରସ୍ତାବ ଥିଲା କିନ୍ତୁ ହୋଇପାରିଲା ନି।ଶୂନ୍ୟ କାଳ ରେ ବେଦାନ୍ତ କୁ ନେଇ ପ୍ରସଙ୍ଗ ଉଠା ଯାଇଥାନ୍ତା।ସୁପ୍ରିମକୋର୍ଟ ରାଜ୍ୟ ସରକାର ଙ୍କୁ କାଡା ଭାଷାରେ ନିନ୍ଦା କରିଛନ୍ତି।ମୁଖ୍ୟମନ୍ତ୍ରୀ ସରକାର ଚାଲାଇପାରିବା କଥା ନୁହେଁ ।ତାଙ୍କ ଉପରେ ମାମଲା ରୁଜୁ ହୋଇପାରେ।ସେତେ ବେଳେର ମିଳିତ ସରକାରରେ ଥିବା ମନ୍ତ୍ରୀଙ୍କ ବିରୋଧରେ ମଧ୍ୟ ମାମଲା ରୁଜୁ ହୋଇପାରେ।ଖାଲି ନେତା ନୁହେଁ ଅଫିସରଙ୍କ ବିରୋଧରେ ବି ହୋଇପାରେ। ତା ଉପରେ ଗୃହରେ ଗୁରୁତ୍ଵ ଦେଇ ଆଲୋଚନା ହେବା କଥା।ବିରୋଧୀ ବିରୋଧ କରିବେ।ସରକାର ଗୃହ ଚଳାଇବା କଥା କିନ୍ତୁ ନ ଚଳାଇବା ଭୁଲ ।କଂଗ୍ରେସ ଗୃହରେ କିଛି ବ୍ରିଶୁଙ୍ଖଳ କରି ନି।ଆଉ ସମୟ ନାହିଁ।ଗୋଟେ ଦିନ ଅଛି।କିନ୍ତୁ ଗୃହକୁ ବନ୍ଦ କରିବା ଫଳରେ ଅନେକ ରାଜ୍ୟସ୍ବାର୍ଥ ସମ୍ବଳିତ ପ୍ରସଙ୍ଗ ଉଠି ପାରିଲାନି। ପୂର୍ବରୁ ଗୃହକୁ ସ୍ଵାଭାବିକ କରିବା ପାଇଁ ଅନେକ ରାସ୍ତା ବାହାରିଛି।ଆଜି ମଧ୍ୟ ବାଚସ୍ପତି ବିରୋଧୀ ଙ୍କ ସହ ଆଲୋଚନା କରି ବାହାର କରିପାରିଥାନ୍ତେ କିନ୍ତୁ କଲେ ନି।କି ସର୍ବଦଳୀୟ ବୈଠକ ଡାକିଲେ ନି ।କାହା ଇଙ୍ଗିତରେ ଏମିତି ହେଉଛି ବୁଝା ପଡୁନି।ସରକାର ଭୟ ବିତ୍।ବ୍ୟକ୍ ପୁଟ କୁ ପାଲେଇଛନ୍ତୁ।ବିରୋଧୀ ଙ୍କ ପ୍ରଶ୍ନ ର ଉତ୍ତର ନ ଦେଇ ୟାଡୁ ସ୍ୟାଡୁ କହି ପାଗଳ କହିଲେଣି ବିରୋଧୀ ନେତା ମାନଙ୍କୁ।ବିଜେପି ସଦସ୍ୟ ମଧ୍ୟ ନଚୋଡ୍ ବନ୍ଦୀ।କିନ୍ତୁ ସେ ସଂସଦ କଥାକୁ ତାଙ୍କ ସରକାର ସେଠୀ କେମିତି ଗୃହ ଚଳାଉଛନ୍ତି।ନବୀନ ତାଙ୍କ ଦିଗ୍ଦର୍ଶନ କୁ ଆପଣାଇଛନ୍ତି।ମୋଦି ଆଗେ ଆଗେ ନବୀନ ତାଙ୍କ ପଛେ ପଛେ।କିନ୍ତୁ ଯାହାବି ହେଲେ ତାଙ୍କ ଉପରୁ ନିଲମ୍ବନ କୁ ପ୍ରତ୍ୟାହାର କରିବା କଥା। ତାଙ୍କୁ ଗୃହ କାର୍ଯ୍ୟରେ ଭାଗ ନେବାକୁ ଦେବା କଥା ବାଚସ୍ପତି।କିନ୍ତୁ ଯାହା ହେଉଛି ସାମ୍ବିଧାନିକ ବିଧି ବ୍ୟବସ୍ଥାରେ ହେଉନାହିଁ।

ନରସିଂହ ମିଶ୍ର, କଂଗ୍ରେସ ବିଧାୟକ ଦଳ ନେତା

() ବିଧାନସଭା ଗୃହ ବିବରଣୀରୁ ବାଦ ପଡିଲା ‘ମେଣ୍ଟାଲ ଡିଜଅର୍ଡର’ ଶବ୍ଦ ‘ମେଣ୍ଟାଲ ଡିଜଅର୍ଡର’ ଶବ୍ଦ ବିଧାନସଭା ଗୃହ ବିବରଣୀରୁ ବାଦ ପଡ଼ିଛି । ମେଣ୍ଟାଲ ଡିଜଅର୍ଡର ଶବ୍ଦକୁ ବାଦ ଦେବା ପାଇଁ ବାଚସ୍ପତି ବିଧାନସଭାରେ ଘୋଷଣା କରିଛନ୍ତି । ନୟାଗଡ ବିଧାୟକ ଅରୁଣ ସାହୁ ଗତ ୨୮ ତାରିଖରେ ବିଧାନସଭା ଗୃହରେ ଏହି ଶବ୍ଦ ବ୍ୟବହାର କରିଥିଲେ । ଅରୁଣ ବିରୋଧୀ ଦଳ ନେତା ଜୟ ନାରାୟଣ ମିଶ୍ର ଓ କଂଗ୍ରେସ ବିଧାୟକ ଦଳର ନେତା ନରସିଂହ ମିଶ୍ରଙ୍କୁ ଟାର୍ଗେଟ କରି ଏହି ଶବ୍ଦ ବ୍ୟବହାର କରିଥିଲେ । ତେବେ ଉଭୟ ଦଳର ବିଧାୟକଙ୍କ ଦାବି ଯୋଗୁଁ ଆଜି ବିଧାନସଭା ଗୃହ ବିବରଣୀରୁ ଏହି ଶବ୍ଦକୁ ବାଦ ଦେବାକୁ ବାଚସ୍ପତି ଘୋଷଣା କରିଛନ୍ତି । ବିରୋଧୀ ଦଳ ନେତା ଜୟ ନାରାୟଣ ମିଶ୍ର ପ୍ରତିକ୍ରିୟା ରଖିଛନ୍ତି । ବାଚସ୍ପତିଙ୍କୁ ଏଥିପାଇଁ ଧନ୍ୟବାଦ ଜଣାଇବା ସହିତ ଏହା ଯଥେଷ୍ଟ ନୁହେଁ ବୋଲି କହିଛନ୍ତି । ନୟାଗଡ ବିଧାୟକ ଏଥିପାଇଁ କ୍ଷମା ମାଗିବା ଦରକାର । ତା ସହିତ ସେ ବିଜେପିର ୨ ବିଧାୟକ ମୋହନ ଚରଣ ମାଝୀ ଓ ମୁକେଶ ମହାଲିଙ୍ଗଙ୍କ ଉପରେ ନିଲମ୍ବନ ଉଠାଇବାକୁ ମଧ୍ୟ ନିବେଦନ କରିଛନ୍ତି ।

() ଓଡ଼ିଶାର ମୁଖ୍ୟମନ୍ତ୍ରୀ ଆଦିବାସୀଙ୍କ ଭାଷା ସଂସ୍କୃତିକୁ ନେଇ ନବୀନ ପଟ୍ଟନାୟକ କାର୍ଯ୍ୟ କରୁଛନ୍ତି। ୨୩ ଟିଜିଲ୍ଲାରେ ସ୍ଵତନ୍ତ୍ର ଉନ୍ନୟନ ପରିଷଦ ଗଠନ କରିଛନ୍ତି ।ଆଦିବାସୀଙ୍କ ଶିକ୍ଷା ସ୍ବାସ୍ଥ୍ୟ ଭଳି ଦିଗକୁ ଗୁରୁତ୍ଵ ଦେଇଛନ୍ତି ସରକାର। କୁଇ, ମୁଣ୍ଡାରୀ,ଭୂମି ଓ ସୌରା ଭଳି ଭାଷାକୁ କ୍ୟାବିନେଟ୍ ରେ ଅନୁମୋଦନ ମିଳିଛି।ତାକୁ ସାମ୍ବିଧାନିକ ଅଧିକାର ଦେବା ପାଇଁ କେନ୍ଦ୍ର ସରକାରଙ୍କୁ ମୁଖ୍ୟମନ୍ତ୍ରୀ ଚିଠି ଲେଖିଛନ୍ତି।ସାମ୍ବିଧାନିକ ଅଷ୍ଟମ ଅନୁଛେଦରେ ସ୍ଥାନ ଦେବା ପାଇଁ ନିବେଦନ କଲେ ମଧ୍ୟ କେନ୍ଦ୍ର ସରକାର ନିରବ। କେନ୍ଦ୍ର ସରକାରରେ ଆଦିବାସୀ ମନ୍ତ୍ରୀ ବନିଛନ୍ତି ବିଶେଶ୍ୱର ଟୁଡୁ କିନ୍ତୁ ସେ କେବେ ବି ହେଲେ ଆଦିବାସୀ ଲୋକଙ୍କ କଥା ପାଇଁ କର୍ଣ୍ଣପାତ କରିନାହାନ୍ତି।ବିଧାୟକ ଓ ସାଂସଦକୁ ଲୋକେ ବିଜେପିର ନିର୍ବାଚିତ କରିଛନ୍ତି ତେଣୁ ସେ ତାଙ୍କ କେନ୍ଦ୍ର ସରକାରଙ୍କ ନିକଟରେ ଆଦିବାସୀଙ୍କ ହକ ପାଇଁ ଲଢନ୍ତୁ।ଖାଲି ଭୋଟ ପାଇଁ ଆଦିବାସୀଙ୍କ ପାଇଁ କୁମ୍ଭୀର କାନ୍ଦଣା କାନ୍ଦୁଛନ୍ତି ବିଜେପି ଲୋକ ପ୍ରତିନିଧି। କେନ୍ଦ୍ର ସରକାରଙ୍କ ନିକଟରେ ଦାବି କରି ଆଦିବାସୀଙ୍କୁ ତାଙ୍କ ହକ ଦିଅନ୍ତୁ।

() ସାଇବର ସୁରକ୍ଷା ଅଭିଯାନର ଶୁଭାରମ୍ଭ କଲେ ମୁଖ୍ୟମନ୍ତ୍ରୀ,

ସେପ୍ଟେମ୍ବର ୩୦ ରୁ ଅକ୍ଟୋବର ୧୫ ପର୍ଯ୍ୟନ୍ତ ରାଜ୍ୟ ସାରା ବୁଲିବ ୩୪ଟି ସାଇବର ସୁରକ୍ଷା ରଥ।

ବାଣ୍ଟିବ ସଚେତନତାର ମନ୍ତ୍ର ସତର୍କ ରୁହନ୍ତୁ, ସୁରକ୍ଷିତ ରୁହନ୍ତୁ – ମୁଖ୍ୟମନ୍ତ୍ରୀ।

ମୁଖ୍ୟମନ୍ତ୍ରୀ ଶ୍ରୀ ନବୀନ ପଟ୍ଟନାୟକଙ୍କ ଆଜି ସ୍ଥାନୀୟ କଳିଙ୍ଗ ଷ୍ଟାଡିଅମରେ ସାଇବର ସୁରକ୍ଷା ଅଭିଯାନର ଶୁଭାରମ୍ଭ କରିଛନ୍ତି। ୩୪ଟି ସାଇବର ସୁରକ୍ଷା ରଥ ଆଜିଠାରୁ ସାରା ରାଜ୍ୟର ବିଭିନ୍ନ ସ୍କୁଲ, କଲେଜ ଓ ପଞ୍ଚାୟତ ଆଦି ଭ୍ରମଣ କରି ସାଇବର ସୁରକ୍ଷା ସଂପର୍କରେ ସଚେତନାର ବାର୍ତ୍ତା ପ୍ରଦାନ କରିବ। ସୂଚନାଯୋଗ୍ୟ ଯେ ଗତ କିଛି ବର୍ଷ ମଧ୍ୟରେ ସାରା ଦେଶ ଓ ରାଜ୍ୟରେ ସାଇବର ଅପରାଧର ମାତ୍ରା ଚିନ୍ତାଜନକ ଭାବେ ବୃଦ୍ଧି ପାଇଛି । ସଚେତନତା ଓ ସତର୍କତା ଏହାକୁ ରୋକିବାର ଏକ ପ୍ରମୁଖ ଉପାୟ । ତେଣୁ ସାରା ରାଜ୍ୟରେ ସବୁ ସ୍ତରରେ ଏ ସଂପର୍କରେ ସଚେତନତା ଆଣିବା ପାଇଁ ଏହି ଅଭିଯାନ ଆରମ୍ଭ କରାଯାଇଛି । ମୁଖ୍ୟମନ୍ତ୍ରୀ ଶ୍ରୀ ନବୀନ ପଟ୍ଟନାୟକ ସମସ୍ତଙ୍କୁ ସତର୍କ ଓ ସୁରକ୍ଷିତ ରହିବାକୁ ଆହ୍ବାନ ଦେଇଛନ୍ତି ।

ଏହି ଅବସରରେ ରାଜ୍ୟ ଗୃହ ରାଷ୍ଟ୍ରମନ୍ତ୍ରୀ ଶ୍ରୀ ତୁଷାରକାନ୍ତି ବେହେରା, ମନ୍ତ୍ରୀ ଶ୍ରୀ ଅଶୋକ ପଣ୍ଡା, ଭୁବନେଶ୍ବରର ଦୁଇ ବିଧାୟକ ଶ୍ରୀ ଅନନ୍ତ ନାରାୟଣ ଜେନା, ଶ୍ରୀ ସୁଷାନ୍ତ ରାଉତ, ମେୟର ଶ୍ରୀମତୀ ସୁଲୋଚନା ଦାସ, ମୁଖ୍ୟ ଶାସନ ସଚିବ ଶ୍ରୀ ପି.କେ. ଜେନା, ଡିଜିପି ଶ୍ରୀ ସୁନିଲ କୁମାର ବଂଶଲ ପ୍ରମୁଖ ବରିଷ୍ଠ ଅଧିକାରୀମାନେ ଉପସ୍ଥିତ ଥିଲେ ।ଏହି ଅଭିଯାନରେ ଜିଲ୍ଲା ପ୍ରଶାସନ ତରଫରୁ ସାଇବର ସୁରକ୍ଷା ରଥକୁ (cyber safety awareness Rath) ସ୍ବାଗତ କରାଯିବ। ପ୍ରତିଦିନ ଅତି କମ୍ ରେ ଦୁଇଟି ଶିକ୍ଷାନୁଷ୍ଠାନରେ ସଚେତନତା କାର୍ଯ୍ୟକ୍ରମ କରାଯିବ। ଏହାସହ ବ୍ଲକ୍‌ ଓ ପୋଲିସ ଷ୍ଟେସନ ଅଞ୍ଚଳରେ ଥିବା ବିଭିନ୍ନ ଜନଗହଳି ସ୍ଥାନଗୁଡିକରେ ସଚେତନତା କାର୍ଯ୍ୟକ୍ରମ ଆୟୋଜନ କରାଯିବ। ସ୍କୁଲ ଓ କଲେଜ ଗୁଡିକରେ ଛାତ୍ର ଛାତ୍ରୀମାନଙ୍କ ମଧ୍ୟରେ କୁଇଜ ପ୍ରତିଯୋଗୀତା କରାଯିବ।

ଅକ୍ଟୋବର ୮ ତାରିଖ ସକାଳେ ବିଭିନ୍ନ ସହରାଞ୍ଚଳରେ Mini Marathon ଆୟୋଜନ କରାଯିବ। ୧୪ ତାରିଖ ଦିନ ବରିଷ୍ଠ ନାଗରିକ ମାନଙ୍କୁ ସଚେତନ କରିବାକୁ evening walk କାର୍ଯ୍ୟକ୍ରମ ଆୟୋଜନ କରାଯିବ। ୧୫ ତାରିଖ ରେ ଉଦଯାପନୀ ଉତ୍ସବ ଅନୁଷ୍ଠିତ ହେବ। ଏଥିରେ ଜିଲ୍ଲା ପ୍ରଶାସନର ଅଧିକାରୀ ମାନଙ୍କ ସହିତ ପଦ୍ମ ପୁରସ୍କାରପ୍ରାପ୍ତ ବିଶିଷ୍ଟ ବ୍ୟକ୍ତିଗଣ, ସ୍ବାଧୀନତା ସଂଗ୍ରାମୀ ମାନେ ଉପସ୍ଥିତ ରହିବେ।ଏହି ଅଭିଯାନରେ ପଞ୍ଚାୟତ ପ୍ରତିନିଧି, ମିଶନ ଶକ୍ତି ସଦସ୍ୟ, ସ୍କୁଲ ଓ ଗଣଶିକ୍ଷା ବିଭାଗ, ଉଚ୍ଚଶିକ୍ଷା ବିଭାଗ, ପଞ୍ଚାୟିତରାଜ ଏବଂ ସୂଚନା ଓ ଲୋକସଂପର୍କ ବିଭାଗର ଅଧିକାରୀ ଓ କର୍ମଚାରୀ ଉପସ୍ଥିତ ରହି କାର୍ଯ୍ୟକ୍ରମରି ସହଯୋଗ କରିବେ।