() ଭାରତ ହେଉଛି ଦେବଭୂମି। ଏହି ଭୂମି ଅନେକ ଦେବଦେବୀଙ୍କୁ ଜନ୍ମ ଦେଇଛି। ସମସ୍ତଙ୍କ ମଧ୍ୟରେ ସୁରବୀର, ବିଷ୍ଣୁ ଅବତାରୀ ଶ୍ରୀରାମ ଅନ୍ୟତମ। ରାମଙ୍କୁ ନେଇ ଅନେକ ପ୍ରଥା, ପରମ୍ପରା ଓ ପର୍ବ-ପର୍ବାଣୀ ଯୋଡି ହୋଇ ରହିଛି। ସେଥିରୁ ‘ରାମ ନବମୀ’ ହେଉଛି ଗୋଟିଏ। ପୌରାଣିକ କଥାବସ୍ତୁ ଅନୁସାରେ ଖ୍ରୀ:ପୂ: ୫୧୧୪ରେ ଭଗବାନ ଶ୍ରୀରାମ ଚୈତ୍ରମାସ ଶୁକ୍ଳ ପକ୍ଷ ନବମୀ ତିଥିରେ ଅଯୋଧ୍ୟାରେ ଦଶରଥ ଓ କୌଶଲ୍ୟାଙ୍କ ପୁତ୍ର ଭାବେ ଜନ୍ମ ନେଇଥିଲେ। ଏହି ଦିନଟିକୁ ସ୍ମୃତି କରିବା ନେଇ ସାରା ଭାରତରେ ‘ରାମ ନବମୀ’କୁ ଉତ୍ସାହର ସହ ପାଳନ କରାଯାଏ।
‘ରାମ’ ଶବ୍ଦଟି ଯେତେ ସୁନ୍ଦର ଏହା ଠାରୁ କେତେ ମହତ୍ତ୍ଵପୂର୍ଣ୍ଣ ଏହି ନାମର ଉଚ୍ଚାରଣ। ‘ରାମ’ କହିବା ମାତ୍ରେ ଶରୀର ଓ ମନରେ ଆସେ ଅଲଗା ପ୍ରତିକ୍ରିୟା ଯାହା ଆମ ଆତ୍ମାକୁ ଶାନ୍ତି ଦେଇଥାଏ I ହିନ୍ଦୁ ଧର୍ମର ଚାରୋଟି ଆଧାରର ସ୍ତମ୍ଭ ମଧ୍ୟରୁ ପ୍ରଭୁ ଶ୍ରୀରାମ ହେଉଛନ୍ତି ଅନ୍ୟତମ। ଭଗବାନ ଶ୍ରୀରାମ ଆଦର୍ଶ ଚରିତ୍ର ଭାବରେ ସମାଜକୁ ଏକ ସୂତ୍ରରେ ବାନ୍ଧିଥିଲେ । ଧାର୍ମିକ ପୁରାଣ ଗୁଡ଼ିକ ଅନୁସାରେ ତ୍ରେତୟା ଯୁଗରେ ରାବଣର ଅତ୍ୟାଚାର ଗୁଡ଼ିକୁ ସମାପ୍ତ କରି ଧର୍ମର ପୁନଃ ସ୍ଥାପନା କରିବା ପାଇଁ ଚୈତ୍ର ଶୁକ୍ଳ ପକ୍ଷର ନବମୀ ତିଥିରେ ଭଗବାନ ରାମ ଅଯୋଧ୍ୟା ଠାରେ ଜନ୍ମଗ୍ରହଣ କରିଥିଲେ।
ଏହିଦିନ ପ୍ରତ୍ୟେକ ହିନ୍ଦୁ ଘରେ ଓ ରାମ ମନ୍ଦିରରେ ରାମାୟଣ ପାଠ କରିବା ସହ ପୂଜା, ହୋମ ଆଦି କରିଥାନ୍ତି। ଅନେକ ମହିଳା ଓ ଶିଶୁ ରାମଙ୍କ ମୂର୍ତ୍ତିକୁ ସ୍ନାନ କରାଇ, ନୂତନ ବସ୍ତ୍ର ପିନ୍ଧାଇ ଦୋଳରେ ଝୁଲାନ୍ତି। କିଛି ସଂସ୍ଥା ଭକ୍ତମାନଙ୍କ ପାଇଁ ପ୍ରସାଦ ସେବନର ବ୍ୟବସ୍ଥା ମଧ୍ୟ କରିଥାନ୍ତି। ଏହିଦିନ ମହିଳାମାନେ ବ୍ରତ ରଖି ଉପବାସ ମଧ୍ୟ କରିଥାନ୍ତି। ‘ରାମ ନବମୀ’ କେବଳ ଭାରତ ନୁହେଁ। ବରଂ, ବିଦେଶରେ ରହୁଥିବା ହିନ୍ଦୁ ସମୁଦାୟ ମଧ୍ୟ ମହାଆନନ୍ଦର ସହିତ ପାଳନ କରିଥାନ୍ତି। ବିଶ୍ୱାସ ରହିଛି ଯେ, ଏହିଦିନ ଯେଉଁମାନେ ଉପବାସ ରୁହନ୍ତି ସେମାନଙ୍କ ଉପରେ ଖୁସି ଓ ସୌଭାଗ୍ୟ ବର୍ଷା ବରଷି ଯାଏ। ସେମାନଙ୍କ ଧୈର୍ଯ୍ୟର ବିକାଶ ହୋଇଥାଏ। ଏହା ସହିତ ବିଚାର ଶକ୍ତି, ବୁଦ୍ଧି, ଶ୍ରଦ୍ଧା, ଭକ୍ତି ଓ ପବିତ୍ରତାର ମଧ୍ୟ ବିକାଶ ହୋଇଥାଏ।
ଚାଲନ୍ତୁ ପବିତ୍ର ଶ୍ରୀରାମନବମୀ ଅବସରରେ ଆମେ ସମସ୍ତେ ଶପଥ ନେବା । ପ୍ରଭୁ ଶ୍ରୀରାମ ଯେପରି ପିତୃସତ୍ୟ ପାଳନ କରିଥିଲେ ଓ ସ୍ବାମୀର କର୍ତ୍ତବ୍ୟ ପାଳନ କରି ସୀତାଙ୍କୁ ଉଦ୍ଧାର କରିଥିଲେ, ଆମ୍ଭେମାନେ ସେହିପରି ଭାବରେ କର୍ତ୍ତବ୍ୟ ସମ୍ପାଦନ କଲେ ଆମ ସମାଜର ପରବର୍ତ୍ତୀ ପିଢ଼ି ସୁସ୍ଥ ସମାଜ ଗଠନ କରି ଉନ୍ନତ ପରମ୍ପରା ସୃଷ୍ଟି କରିବ।
ନୟାଗଡ଼ ମାଟିରୁ ଜନ୍ମ ନେଇଥିବା ଛେନାପୋଡ଼ ଆଜି ବିଶ୍ୱ ଦରବାରରେ ନିଜର ପରିଚୟ ସୃଷ୍ଟି କରିଛି। ରାଜ୍ୟ ତଥା ଦେଶର ବିଭିନ୍ନ ସ୍ଥାନରେ ବିକ୍ରି ହେଉଥିବା ଛେନାପୋଡ଼ ପଛରେ ନୟାଗଡ଼ର ଏକ ସ୍ୱତନ୍ତ୍ର ଅବଦାନ ରହିଛି। ସ୍ୱାଧୀନତା ପୂର୍ବରୁ ନୟାଗଡ଼ ଛେନାପୋଡ଼ ଜନ୍ମ ନେଇଥିଲା। ଛେନାପୋଡ଼ ପଛରେ ରହିଛି ଏକ ରୋଚକ କାହାଣୀ। ନୟାଗଡ଼ ଜିଲ୍ଲା ଦଶପଲ୍ଲା ସାତପାଟଣା ଗ୍ରାମରେ ୧୯୩୧ ଏପ୍ରିଲ୍ ୧୧ ତାରିଖରେ ଜନ୍ମ ଗ୍ରହଣ କରିଥିଲେ ଛେନାପୋଡ଼ର ଜନ୍ମଦାତା ସୁଦର୍ଶନ ସାହୁ। ଥରେ ସେ ତାଙ୍କ ଦୋକାନରେ ବଳକା ଛେନାକୁ ଗୁଡ଼ ମିଶାଇ ତାହାକୁ ସାରା ରାତି ଚୁଲି ଉପରେ ରଖି ଦେଇଥିଲେ। ଯାହା ତାହା ପର ଦିନ ସକାଳେ ଛେନାପୋଡ଼ ରୂପ ନେଇଥିଲା।
ନୟାଗଡ଼ କଚେରୀ ବଜାରରେ ଦଶପଲ୍ଲା ହୋଟେଲ ଆରମ୍ଭ କରିଥିଲେ। ଥରେ କିଛି ବଳକା ଛେନାକୁ ନେଇ ତିଆରି କରିଥିଲେ ନୂଆ ପ୍ରକାରର ଏକ ମିଠା ଦ୍ରବ୍ୟ। ଯାହାକୁ ସେ ଛେନାପୋଡ଼ ନାମ ଦେଇଥିଲେ। ୨୦୨୨ ମସିହାରେ ସ୍ୱେଚ୍ଛାସେବୀ ଅନୁଷ୍ଠାନ ‘ହେଲପିଙ୍ଗହ୍ୟାଣ୍ଡ’ ପ୍ରଥମ ଥର ପାଇଁ ସୁଦର୍ଶନଙ୍କ ଜନ୍ମଦିନ ଏପ୍ରିଲ ୧୧କୁ ବିଶ୍ୱ ଛେନାପୋଡ଼ ଦିବସ ଭାବେ ପାଳନ ଆରମ୍ଭ କରିଥିଲା।
