ଭୁବନେଶ୍ୱର : ବିଜେପି ବୁଝାମଣା କରିଛି l ବିଧାନସଭାକୁ ଅଚଳ କରିବା ପାଇଁ l ତେଣୁ ଗୃହରେ ହଟଗୋଳ କରୁଛନ୍ତି l ବିଧାନସଭା ଚଳାଇ ଦେଉନାହାନ୍ତି l ମୁଖ୍ୟ ବିରୋଧୀ ବିଜେପି ବିରୋଧରେ  ଏପରି ଅଭିଯୋଗ କରିଛନ୍ତି କଂଗ୍ରେସ ବିଧାୟକ ଦଳର ନେତା ନରସିଂହ ମିଶ୍ର l ଏସ ଆଇ ଟି ତଦନ୍ତ ନେଇ ଗୃହରେ ସ୍ପଷ୍ଟୀକରଣ ପରେ କଂଗ୍ରେସ ବିଧାୟକ ଦଳ ନେତା ନରସିଂହ ମିଶ୍ରଙ୍କ ପ୍ରତିକ୍ରିୟାରେ କହିଛନ୍ତି  ଯେ  ଏସ ଆଇ ଟି ତଦନ୍ତ ନେଇ ଯଉଁମାନଙ୍କର ସନ୍ଦେହ ଥିଲା ତାହା ଦୂର ହେଲା। ଏସ ଆଇ ଟି ତଦନ୍ତ ସ୍ପଷ୍ଟ ହେବା ପରେ ବର୍ତ୍ତମାନ ଅନ୍ୟ ପ୍ରସଙ୍ଗରେ କାହିଁକି ଆଲୋଚନା ହେଉନି। ଅନ୍ୟ ପ୍ରସଙ୍ଗ ଉପରେ ଆଲୋଚନା ନ କରି ଗୃହରେ ହଟଗୋଲ କରି ଶାସକ ଦଳକୁ ସୁରକ୍ଷା ଦେଉଛି ବିଜେପି। ସେମାନେ ମିସିକି ଅଛନ୍ତି ବୋଲି ଜଣାପଡୁଛି। ଗୃହ ବିଭାଗ ଦାୟିତ୍ୱରେ ଥିବା ମୁଖ୍ୟମନ୍ତ୍ରୀ ନୟାଗଡ଼ ଘଟଣା ପାଇଁ ଉତ୍ତରଦାୟୀ। କହିଲେ ନରସିଂହ ମିଶ୍ର। ସେପଟେ ନରସିଂହ    ଅଭିଯୋଗର ପାଲଟା    ଜବାବ ଦେଇଛି ବିଜେପି l

ଭୁବନେଶ୍ୱର : ପ୍ରତାପ ଦେବଙ୍କ ମନ୍ତବ୍ୟ। ବିରୋଧୀ ହଟଗୋଳ କରି ବିଧାନସଭା ର କାର୍ଯ୍ୟକାଳ ନଷ୍ଟ କରୁଛନ୍ତି। ଜନସାଧାରଣ ଙ୍କ ଟଙ୍କା କି ନଷ୍ଟ କରୁଛନ୍ତି। ଆଲୋଚନା କୁ ଆସୁନାହାନ୍ତି। ଖବରକାଗଜର ଶିରୋନାମରେ ରହିବା ପାଇଁ ଡ୍ରାମା କରିଛନ୍ତି। ବିଭିନ୍ନ ଅଞ୍ଚଳରୁ ବିଧାୟକ ଆସିଛନ୍ତି। ସେମାନଙ୍କ ଅଞ୍ଚଳର ବହୁ ସମସ୍ୟା ଅଛି। ସେମାନେ ଉଠାଇ ପାରୁନାହାନ୍ତି ବୋଲି ବିବୃତି ରଖିଲେ ବିଜେଡି ବିଧାୟକ ପ୍ରତାପ ଦେବ।

ଭୁବନେଶ୍ୱର : ବିଧାନସଭାରେ ପୁଣି ଉଠିଲା ପରି ହତ୍ୟା ପ୍ରସଙ୍ଗ। ବାଚସ୍ପତି ଚାରୋଟି ଦିଗରୁ ଗୃହରେ ବିବୃତି ରଖିବା ପାଇଁ ଗୃହରାଷ୍ଟ୍ରମନ୍ତ୍ରୀଙ୍କୁ କହିଥିଲେ। ସେ କେବଳ ଗୋଟିଏ ବିଷୟରେ ଉତ୍ତର ଦେଇକି ଆଉ ତିନୋଟି ବିଷୟରେ କହିଲେନି। ଅଭିଯୋଗ ଆସିଥିବା ମନ୍ତ୍ରୀଙ୍କ ସମ୍ପର୍କରେ ମଧ୍ୟ କିଛି କହିଲେ ନାହିଁ। ଆମର ଦାବି ଥିଲା ହାଇକୋର୍ଟଙ୍କ ତତ୍ୱବାଧାନରେ ଏସ ଆଇ ଟି ଗଠନ କରାଯାଉ ଓ ମନ୍ତ୍ରୀଙ୍କ ଇସ୍ତଫା। ଏସ ଆଇ ଟି ତଦନ୍ତ ନେଇ ଭିନ୍ନ ଭିନ୍ନ ଅର୍ଥ ହେଉଛି। ତେଣୁ ଏସ ଆଇ ଟି ତଦନ୍ତ ସମ୍ପର୍କରେ ସ୍ପଷ୍ଟୀକରଣ ଦିଅନ୍ତୁ ସରକାର। ଗୃହରେ ପ୍ରତିବାଦ କଲେ କଂଗ୍ରେସ ବିଧାୟକ ଦଳ ନେତା ନରସିଂହ ମିଶ୍ର।

ଭୁବନେଶ୍ୱର : ନୟାଗଡରୁ ଭୁବନେଶ୍ୱର l ବିଧାନସଭାରୁ ଲୋୟର ପିଏମଜି ସବୁଠି ପ୍ରତିବାଦର ଝଡ଼ l  ପରୀ ଘଟଣାକୁ ନେଇ ସରଗରମ ହୋଇଛି ରାଜନୀତି l ହେଲେ ଅରୁଣଙ୍କ ଲୋକ ପ୍ରିୟତା ଓ ଯୁବ ଛାତ୍ର ତାଙ୍କୁ କେତେ ଭଲ ପାଆନ୍ତି ତାହାର ଏକ ଫୋଟୋ ଏବେ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି l ବିଜେପି ଉତ୍ତରିଆ ପକାଇ ଜଣେ ଯୁବ ନେତ୍ରୀ ଅରୁଣଙ୍କ  ପୋଷ୍ଟର ରେ ସେଲ୍ଫି ନେବା ଫୋଟୋ ହଁ ତାହା ବୟାନ କରୁଛି l ଯାହା ଏବେ ସୋସିଆଲ ମିଡ଼ିଆରେ ଭାଇରାଲ ହେବାରେ ଲାଗିଛି l

ନୟାଗଡ଼ ଜିଲ୍ଲା ଯଦୁପୁର ଗ୍ରାମର ପରୀ ହତ୍ୟାକାଣ୍ଡ ନେଇ ବିଭିନ୍ନ ରାଜନୈତିକ ଦଳ ପ୍ରକୃତ ହତ୍ୟାକାରୀକୁ ନ ଧରି କେସ ର ମୋଡ଼ ବଦଳାଇବାରେ ଲାଗିଛନ୍ତି। ମନ୍ତ୍ରୀ ଅରୁଣ ସାହୁ ଜଣେ ଲୋକପ୍ରିୟ ନେତା ଭାବରେ ସାରା ଓଡିଶା ରେ ପରିଚିତ । ସେ ସଦାବେଳେ ନିଜ କର୍ମୀଙ୍କୁ ଆହ୍ୱାନ ଦିଅନ୍ତି ମୋ ମୋବାଇଲ ଫୋନ ୨୪ ଘଣ୍ଟା ଅନ ଅଛି, ଯେତେବେଳେ ଯାହାର ଯେଉଁ ଅସୁବିଧା ହେବ ସଙ୍ଗେ ସଙ୍ଗେ ଜଣାଇବ। ଠିକ ଅନ୍ୟ ମାନଙ୍କ ଭଳି ସେଦିନ ମଧ୍ୟ ସରପଞ୍ଚ ସୌମ୍ୟ ମନ୍ତ୍ରୀଙ୍କୁ ଫୋନ କରିଥିଲେ। ପଞ୍ଚାୟତ ର କର୍ମୀଙ୍କ ଦୁଃଖ ସୁଖ ରେ ସାମିଲ ହେବାରେ ନିଜକୁ ଟିକେ ହେଲେ ହେଳା କରନ୍ତି ନି କି ଦୁର୍ନୀତି କୁ ପ୍ରଶୟ ଦିଅନ୍ତିନି।ତେଣୁ ହଠାତ ଅରୁଣଙ୍କ ବିରୋଧରେ ଏପରି ପ୍ରତିବାଦ ଏକ ରାଜନୈତିକ ଷଡ଼ଯନ୍ତ୍ର ବୋଲି କିଛି ନେତା କହୁଛନ୍ତି l

ଏ ସବୁ ଭିତରେ ପରୀ ପ୍ରକୃତ ହତ୍ୟାକାରୀ କୁ ଚିହ୍ନଟ କରିବା ପାଇଁ ରାଜ୍ୟ ସରକାର କ୍ରାଇମବ୍ରାଞ୍ଚ ଓ ଏସଆଇଟି କୁ ନିର୍ଦ୍ଦେଶ ଦେଇଛନ୍ତି । ପୂର୍ବରୁ ମନ୍ତ୍ରୀ ଅରୁଣ କୁମାର ସାହୁ ପରୀ କେସ କୁ ରାଜନୀତି ନ କରି ପ୍ରକୃତ ହତ୍ୟାକାରୀ କୁ ଚିହ୍ନଟ କରିବା ସହିତ ପରୀକୁ ଉଚିତ ନ୍ୟାୟ ମିଳିବା ଦରକାର ବୋଲି କହିଛନ୍ତି।

ତେବେ ଯେଉଁ ଫୋଟୋ ଭାଇରାଲ ହେଉଛି ସେ ନେତ୍ରୀ ଙ୍କ ପ୍ରତିକ୍ରିୟା ମିଳି ପାରି ନାହିଁ l

ଭୁବନେଶ୍ୱର : ମୁଖ୍ୟମନ୍ତ୍ରୀ ପରୀ ଘଟଣାର sit ତଦନ୍ତ ହେବା ନେଇ କହିବା ପରେ କଣ କହୁଛନ୍ତି ବିଜେଡି, ବିଜେପି ଓ କଂଗ୍ରେସ ବିଧାୟକ ନଜର ପକାନ୍ତୁ l

ପ୍ରଦୀପ୍ତ ନାୟକ, ବିରୋଧୀ ଦଳ ନେତା : ଆମେ sit ତଦନ୍ତ ଦାବି କରିନଥିଲୁ l ଆମେ ସିବିଆଇ ଓ ମନ୍ତ୍ରୀଙ୍କ ବହିଷ୍କାର ଦାବି କରିଥିଲୁ      l
ଅତନୁ ସବ୍ୟସାଚୀ ନାୟକ : ମୁଖ୍ୟମନ୍ତ୍ରୀ ଏସ ଆଇ ଟି ତଦନ୍ତ ଘୋଷଣା ପରେ ବିଜେଡିର ପ୍ରତିକ୍ରିୟା। ଘଟଣାକୁ ନେଇ ବିରୋଧୀ ରାଜନୀତି କରୁଛନ୍ତି। ତାଂକର ଆଲୋଚନା କୁ ଆସିବାକୁ ଇଚ୍ଛା ନାହିଁ। ଆଜି ଗୃହ ବିଭାଗର ଅତିରିକ୍ତ ବଜେଟ ଉପରେ ଆଲୋଚନା ଥିଲା। ଗୃହ ବିଭାଗ ହେଉଛି ଅତି ଗୁରୁତ୍ୱପୂର୍ଣ୍ଣ ବିଭାଗ। ଏହି ସମୟରେ ମଧ୍ୟ ବିରୋଧୀ ଅନେକ କଥା ଉଠାଇ ପରିଥାନ୍ତେ। କିନ୍ତୁ ବିରୋଧୀ କେବଳ ହଟଗୋଳ ହିଁ କରି ଗୃହକୁ ବନ୍ଦ କରୁଛନ୍ତି। ପ୍ରତିକ୍ରିୟା ରଖିଲେ ବିଜେଡି ବିଧାୟକ ଅତନୁ ସବ୍ୟସାଚୀ ନାଏକ।
ତାରା ବାହିନୀପତି କଂଗ୍ରେସ ବିଧାୟକ : ଏସ ଆଇ ଟି ତଦନ୍ତ ପ୍ରସଙ୍ଗକୁ ନେଇ ପ୍ରତିକ୍ରିୟା ରଖିଲେ କଂଗ୍ରେସ ବିଧାୟକ ତାରା ପ୍ରସାଦ ବାହିନୀପତି। ଏ ନେଇ କଂଗ୍ରେସ ଦାବି କରିଥିଲା। କ୍ରାଇମବ୍ରାଞ୍ଚ ଉପରେ ଭରସା ନଥିବାରୁ ଏହି ଦାବି ହୋଇଥିଲା। ଜଣେ ହାଇକୋର୍ଟ ଜଜଙ୍କ ନେତୃତ୍ୱରେ ଏସ ଆଇ ଟି ତଦନ୍ତ ହେଉ ବୋଲି କୁହାଯାଇଥିଲା। ବର୍ତ୍ତମାନ ଏସ ଆଇ ଟି ତଦନ୍ତ ଘୋଷଣା ହୋଇଥିବାରୁ ଆମେ ସନ୍ତୁଷ୍ଟ ବୋଲି କହିଲେ କଂଗ୍ରେସ ବିଧାୟକ ତାରା ବାହିନୀପତି।

ଭୁବନେଶ୍ୱର :ଗୃହ ଆରମ୍ଭରୁ ବିରୋଧୀଙ୍କ ହଟଗୋଲ। ପରି ହତ୍ୟା ପ୍ରସଂଗ କୁ ନେଇ ଗୃହ ମଧ୍ୟରେ ହୋହଲ୍ଲା କଲେ ଉଭୟ ବିଜେପି ଓ କଂଗ୍ରେସ ସଦସ୍ୟ। ଏସ ଆଇ ଟି ତଦନ୍ତ ଓ ମନ୍ତ୍ରୀ ଙ୍କ ଇସ୍ତଫା ଦାବି କରି ବିରୋଧୀଙ୍କ ହୋହଲ୍ଲା।
ଗୃହକୁ ସ୍ୱାଭାବିକ କରିବା ପାଇଁ ବାଚସ୍ପତି ଡାକିଲେ ସର୍ବଦଳୀୟ ବୈଠକ। 30 ମିନିଟ ପାଇଁ ଗୃହ ମୁଲତବୀ।

ଭୁବନେଶ୍ୱର :ଗୃହରେ ବିବୃତି ରଖିଲେ କୃଷିମନ୍ତ୍ରୀ ଅରୁଣ ସାହୁ। ଘଟଣାର କ୍ରାଇମବ୍ରାଞ୍ଚ ତଦନ୍ତ ନିର୍ଦେଶ ଦିଆଯାଇଛି। ପରି ପରିବାର କୁ ନ୍ୟାୟ ମିଳିବ ବୋଲି ମୋର ଦୃଢ଼ ବିଶ୍ୱାସ ଅଛି। ଏଥିରେ ଯିଏ ବି ସମ୍ପୃକ୍ତ ସେ ଦଣ୍ଡ ପାଇବ। ଏ ଘଟଣା ର ରାଜନୀତିକରଣ ନ ହେଉ। ମୁ ଏ ଘଟଣା ରେ ଗଭୀର ମର୍ମହତ ବୋଲି କହିଲେ କୃଷିମନ୍ତ୍ରୀ ଅରୁଣ ସାହୁ। ବିବୃତି ରଖିବାବେଳେ ବିରୋଧୀ ହୋହଲ୍ଲା ଜାରି ରଖିଥିଲେ। ଗୃହକୁ ଆସନ୍ତାକାଲି ପୂର୍ବାଂହ 10 ଟା 30 ଯାଏ ମୁଲତବୀ ଘୋଷଣା କଲେ ବାଚସ୍ପତି।

ଭୁବନେଶ୍ୱର : ପରୀ ମୃତ୍ୟୁ ପ୍ରସଙ୍ଗରେ ବିଧାନସଭାରେ ହଙ୍ଗାମା। ଉଭୟ ବିଜେପି ଓ କଂଗ୍ରେସ ସଭ୍ୟଙ୍କ ହୋହଲ୍ଲା। ବିଜେପି ସଦସ୍ୟମାନେ ବିଭିନ୍ନ ବ୍ୟାନର ଦେଖାଇ ପ୍ରତିବାଦ। କଂଗ୍ରେସ ମଧ୍ୟ କୃଷି ମନ୍ତ୍ରୀଙ୍କ ବିରୋଧରେ ନାରବାଜି। ମନ୍ତ୍ରୀଙ୍କ ଇସ୍ତଫା ଦାବି କଲେ ବିରୋଧୀ। 20 ମିନିଟ ପାଇଁ ଗୃହ ମୁଲତବୀ। ପରେ ପୁଣି   ଥରେ ହଟଗୋଳ ଲାଗି ରହିବାରୁ    ଗୃହକୁ  3ଟା ଯାଏ ମୁଲତବୀ କରିଛନ୍ତି ବାଚସ୍ପତି