{}କର୍ପୋରେଟ୍ ସ୍ୱାର୍ଥରେ ଗଣତାନ୍ତ୍ରିକ କୃଷକ ଆନ୍ଦୋଳନକୁ କୃଷକମାନଙ୍କ ରକ୍ତରେ ରକ୍ତ ରଞ୍ଜିତ କରିଚାଲିଛି ଶାସକ ବିଜେପି ଦଳ । ଖୋଦ୍ କେନ୍ଦ୍ର ଗୃହ ରାଷ୍ଟ୍ରମନ୍ତ୍ରୀ ଅଜୟ ମିଶ୍ରଙ୍କ ପୁତ୍ର ଓ ତାଙ୍କର ଗୁଣ୍ଡା ବାହିନୀ ଦ୍ୱାରା ଗତକାଲି ଉତ୍ତର ପ୍ରଦେଶ ଅନ୍ତର୍ଗତ ଲକ୍ଷ୍ମୀପୁର(ଖେରା)ରେ ଯେପରି କୃଷକ ମାନଙ୍କୁ ଗୁଳି କରି ଓ ଗାଡି ମଡେଇ ହତ୍ଯା କରାଯାଇଛି, ତାହା ବିଜେପି ସରକାରଙ୍କ ଅତୀତର ସମସ୍ତ କଳଙ୍କମୟ ଇତିହାସକୁ ପଛରେ ପକାଇ ଦେଇଛି । ।କିନ୍ତୁ କୃଷକ ମାନଙ୍କ ରକ୍ତରେ ହୋଲି ଖେଳି ସବ୍ କା ସାଥ୍- ସବ୍ କା ବିକାଶର ମିଥ୍ୟା ଡିଣ୍ଡିମ ପିଟି ଚାଲିଥିବା ନରେନ୍ଦ୍ର ମୋଦିଙ୍କ ବିଜେପି ସରକାରଙ୍କୁ ଇତିହାସ ଓ ଦେଶବାସୀ କେବେ କ୍ଷମା କରିବେ ନାହିଁ ବୋଲି ଆଜି ସଂଯୁକ୍ତ କିଷାନ୍ ମୋର୍ଚ୍ଚା ଡାକରାରେ ଦେଶବ୍ୟାପୀ ପ୍ରତିବାଦ ଅବସରରେ ରାଜଧାନୀ ଭୁବନେଶ୍ବରରେ ଆୟୋଜିତ ପ୍ରତିବାଦରେ ଚେତାବନୀ ଦିଆଯାଇଛି ।ଲକ୍ଷ୍ମୀପୁର ଖେରା ରେ କୃଷକ ମାନଙ୍କ ଗଣହତ୍ୟା ତଥା ନରସଂହାର ଘଟଣାର ଅପରାଧୀ ମାନଙ୍କ ବିରୋଧରେ ନରହତ୍ୟା ମକଦ୍ଦମା ଦାୟର କରି ସେମାନଙ୍କୁ ତୁରନ୍ତ ଗିରଫ୍ କରିବା, ସୁପ୍ରିମକୋର୍ଟର ତଦାରଖରେ ସ୍ୱତନ୍ତ୍ର ତଦନ୍ତକାରୀ ଟିମ୍(ଏସ୍.ଆଇ.ଟି) ଗଠନ କରି ସମ୍ପୂର୍ଣ୍ଣ ମାମଲାର ତଦନ୍ତ କରିବା ପାଇଁ ଆଜିର ପ୍ରତିବାଦରେ ଦାବି କରାଯାଇଛି । ସେହିପରି ସାମ୍ବିଧାନିକ ପଦପଦବୀରେ ରହି ଶାନ୍ତିପୂର୍ଣ ଭାବେ ପ୍ରତିବାଦ କରୁଥିବା ଦେଶର କୃଷକ ମାନଙ୍କ ଉପରେ ଆକ୍ରମଣ ଓ ହିଂସା କରିବାକୁ ଖୋଲାଖୋଲି ଆହ୍ବାନ ଦେଇଥିବା ବିଜେପି ନେତା ତଥା ହରିଆଣାର ମୂଖ୍ୟମନ୍ତ୍ରୀ ମନୋହରଲାଲ୍ ଖଟ୍ଟର ଓ କେନ୍ଦ୍ର ଗୃହ ରାଷ୍ଟ୍ର ମନ୍ତ୍ରୀ ଅଜୟ ମିଶ୍ରଙ୍କୁ ତୁରନ୍ତ ସେମାନଙ୍କ ପଦବୀରୁ ବହିଷ୍କାର କରିବା ପାଇଁ ରାଷ୍ଟ୍ରପତିଙ୍କ ଉଦ୍ଦେଶ୍ୟରେ ସ୍ମାରକପତ୍ର ପ୍ରଦାନ କରାଯାଇଛି ।ସଂଯୁକ୍ତ କିଷାନ୍ ମୋର୍ଚ୍ଚା, ଓଡିଶା ବ୍ୟାନର ରେ ଆୟୋଜନ କରାଯାଇଥିବା ଏହି ପ୍ରତିବାଦରେ ସଂଯୁକ୍ତ କିଷାନ୍ ମୋର୍ଚ୍ଚା ସହିତ ସହବନ୍ଧିତ ବିଭିନ୍ନ କୃଷକ ସଂଗଠନ ଓ ଗଣ ସଂଗଠନ ମାନଙ୍କ ସହିତ ବିଭିନ୍ନ ରାଜନୈତିକ ଦଳର ନେତୃବୃନ୍ଦ ଓ ମାନବବାଦୀ ତଥା ଗଣତାନ୍ତ୍ରିକ ଆନ୍ଦୋଳନର କର୍ମୀ ଓ ନେତାମାନେ ସାମିଲ ହୋଇଥିଲେ ।ଓଡିଶା କୃଷକ ସଭା, ଅଖିଳ ଭାରତ କିଷାନ୍ ମହାସଭା, ଅଲ୍ଇଣ୍ଡିଆ କୃଷକ କ୍ଷେତ୍ ମଜଦୂର୍ ସଂଗଠନ, ଅଗ୍ରଗାମୀ କିଷାନ୍ ସଭା, ଅଖିଳ ଭାରତ କ୍ଷେତ୍ ମଜଦୂର୍ କିଷାନ୍ ସଭା, ଅଖିଳ ଭାରତ କୃଷକ ସଭା, ଇନସାଫ୍ ସହିତ ସିପିଆଇ, ସିପିଏମ୍, ଏସ୍.ୟୁ.ସି.ଆଇ(ସି), ସିପିଆଇ(ଏମ୍.ଏଲ୍)-ଲିବରେସନ୍, ଫରୱାର୍ଡ ବ୍ଲକ, ସିପିଆଇ(ଏମ୍.ଏଲ୍)- ରେଡ୍ ଷ୍ଟାର , ସିପିଆଇ (ଏମ୍.ଏଲ୍) ସହିତ ସଂପୃକ୍ତ ଗଣ ସଂଗଠନ ମାନଙ୍କ ସହିତ ସମାଜବାଦୀ ପାର୍ଟି, ଆମ୍ ଆଦମୀ ପାର୍ଟି, ଗଣତାନ୍ତ୍ରିକ ଅଧିକାର ସୁରକ୍ଷା ସଂଗଠନ, ବସ୍ତି ସୁରକ୍ଷା ମଞ୍ଚର ସାଥି ମାନେ ଆଜିର ପ୍ରତିବାଦରେ ସାମିଲ ହୋଇଥିଲେ।ସେମାନଙ୍କ ମଧ୍ୟରେ ସୁରେଶ ପାଣିଗ୍ରାହୀ, ଅଶୋକ ପ୍ରଧାନ, ଜ୍ୟୋତି ରଞ୍ଜନ ମହାପାତ୍ର, ନରେନ୍ଦ୍ର ମହାନ୍ତି, ଶଂକର ସାହୁ, ନିରଞ୍ଜନ ମହାନ୍ତି, ଶ୍ରୀକାନ୍ତ ମହାନ୍ତି, ରାଧାକାନ୍ତ ସେଠୀ, ଯୁଧିଷ୍ଠିର ମହାପାତ୍ର, ପ୍ରଭାତ ପାଣିଗ୍ରାହୀ, ଅରୁଣ ଜେନା, ରଙ୍ଗାଚରଣ ପ୍ରଧାନ, ସୁଦର୍ଶନ ପ୍ରଧାନ, ରାଜେନ୍ଦ୍ର ବର୍ମା, ବିଶ୍ୱପ୍ରିୟ କାନୁନଗୋ, ମହମ୍ମଦ ସୁକୁର୍, ଲେନିନ୍ କୁମାର, ଦେବରଞନ, ପ୍ରମିଳା ବେହେରା, ପ୍ରମୋଦିନୀ ସାହୁ, କିଷାନ୍ ପଟ୍ଟନାୟକ, ଗଣେଶ ତ୍ରିପାଠୀ, ସତୀଶ୍ ମିଶ୍ର, ସଂଘମିତ୍ରା ଜେନା, ନାରାୟଣ ରେଡ୍ଡୀ, ମଧୁସୂଦନ, ଅଭିରାମ ବେହେରା, ସୁବାସ ନାୟକ, ପ୍ରଦୀପ୍ତ ନାୟକ, ଭାନୁମତୀ ରେଡ୍ଡୀ, ଅଶୋକ ସାହୁ, ଅଶୋକ ମିଶ୍ର, ରଶ୍ମିରଞ୍ଜନ ଜେନା, ସୁବାସ ସାହୁ, ସାଲ ମାର୍ଣ୍ଡି, ଚାମ୍ବୁର ସୋରେନ୍, ଅନୁରାଧା ସୁବୁଦ୍ଧି, ମଧୁସୂଦନ ବିଶ୍ୱାଳ, ସୁନୀତା ପାଣିଗ୍ରାହୀ, ଅନାମିକା ମିଶ୍ର, କ୍ଷୀରମଣୀ ମହାନ୍ତ, ଜାନକୀବଲ୍ଲଭ ରାଓ, ମୀନା ଭୋଇ, ରଞ୍ଜନ ମିଶ୍ର, ବିଚିତ୍ର ବଳ, ବିବେକକୃଷ୍ଣ ପ୍ରମୁଖ ଅନ୍ୟ ବହୁ ସାଥି ମାନଙ୍କ ସହ ଏହି ପ୍ରତିବାଦରେ ନେତୃତ୍ୱ ନେଇଥିଲେ ।ପ୍ରତିବାଦ ପରେ ବିକ୍ଷୋଭକାରୀ ମାନେ ଏକ ଶୋଭାଯାତ୍ରାରେ ସଚିବାଳୟ ଅଭିମୂଖେ ଶୋଭାଯାତ୍ରାରେ ଯାଇଥିଲେ ଓ ପୋଲିସ୍ ସେମାନଙ୍କୁ ଅଟକାଇ ଥିଲା । ସେଠାରେ ରାଷ୍ଟ୍ରପତିଙ୍କ ଉଦ୍ଦେଶ୍ୟରେ ଦାବିପତ୍ର ପଠନ ପରେ କେନ୍ଦ୍ର ବିଜେପି ସରକାରଙ୍କ କୃଷକ ମାରଣ ନୀତି ଓ ହତ୍ଯା ରାଜନୀତି ବିରୋଧରେ ରାଜ୍ୟବ୍ୟାପୀ ଆନ୍ଦୋଳନକୁ ସଂଗଠିତ କରିବାର ଶପଥ ନେଇ ପ୍ରତିବାଦ କାର୍ଯ୍ୟକ୍ରମକୁ ଶେଷ କରାଯାଇଥିଲା ।

{}ବିଜୁ ସ୍ବାସ୍ଥ୍ୟ କଲ୍ୟାଣ ଯୋଜନା

ଗଜପତିରେ ସ୍ମାର୍ଟ ହେଲ୍‌ଥ କାର୍ଡ ବଣ୍ଟନର ଶୁଭାରମ୍ଭ କଲେ ମୁଖ୍ୟମନ୍ତ୍ରୀ…

ଗଜପତି ମୋ ପାଇଁ ସ୍ବତନ୍ତ୍ର ଗୁରୁତ୍ବ ବହନ କରେ – ମୁଖ୍ୟମନ୍ତ୍ରୀ..

ଜିଲ୍ଲାର ୯୦ ପ୍ରତିଶତ ଲୋକ ଏହି ସୁବିଧା ପାଇବେ।
{}ମୁଖ୍ୟମନ୍ତ୍ରୀ ଶ୍ରୀ ନବୀନ ପଟ୍ଟନାୟକ ଆଜି ଗଜପତି ଜିଲ୍ଲାରେ ବିଜୁ ସ୍ବାସ୍ଥ୍ୟ କଲ୍ୟାଣ ଯୋଜନାରେ ସ୍ମାର୍ଟ ହେଲ୍‌ଥ କାର୍ଡ ବଣ୍ଟନର ଶୁଭାରମ୍ଭ କରିଛନ୍ତି। ଜିଲ୍ଲାର ୧.୩୫ ଲକ୍ଷ, ପ୍ରାୟ ୯୦ ପ୍ରତିଶତ ଲୋକ ଏହି ସୁବିଧା ପାଇବେ ।ଏହି ଅବସରରେ ଜନସାଧାରଣଙ୍କୁ ଉଦ୍‌ବୋଧନ ଦେଇ ମୁଖ୍ୟମନ୍ତ୍ରୀ କହିଛନ୍ତି ଯେ ଗଜପତି ଜିଲ୍ଲା ସହ ବିଜୁ ବାବୁଙ୍କର ସଂପର୍କ ବିଷୟରେ ସମସ୍ତେ ଜାଣନ୍ତି। ତେଣୁ ଗଜପତି ଜିଲ୍ଲା ତାଙ୍କ ପାଇଁ ସ୍ବତନ୍ତ୍ର ଗୁରୁତ୍ବ ବହନ କରେ ବୋଲି ମୁଖ୍ୟମନ୍ତ୍ରୀ କହିଥିଲେ। ଏଥିପାଇ ଗଜପତିରେ ସ୍ମାର୍ଟ ହେଲ୍‌ଥ କାର୍ଡ ଆରମ୍ଭ କରି ସେ ବହୁତ ଖୁସି ବୋଲି କହିଥିଲେ।ଗଜପତି ଜିଲ୍ଲାର ସ୍ବାତନ୍ତ୍ର୍ୟ ବିଷୟରେ ଆଲୋକପାତ କରି ମୁଖ୍ୟମନ୍ତ୍ରୀ କହିଥିଲେ ଯେ ଗଜପତି ହେଉଛି କଳା ଓ ସସ୍ଖୃତିର ଭୂମି । ଛୋଟିଆ ଜିଲ୍ଲା ହେଲେ ମଧ୍ୟ ଆଧୁନିକ ଓଡ଼ିଶା ପାଇଁ ଗଜପତି ର ଅବଦାନ ବହୁତ ବେଶୀ । ଏହି ଅବସରରେ ସ୍ବତନ୍ତ୍ର ଉତ୍କଳ ପ୍ରଦେଶ ଗଠନର ଅନ୍ୟତମ ପୁରୋଧା ମହାରାଜା କୃଷ୍ଣଚନ୍ଦ୍ର ଗଜପତିଙ୍କୁ ମନେ ପକାଇ ମୁଖ୍ୟମନ୍ତ୍ରୀ କହିଥିଲେ ଯେ ତାଙ୍କ ଅବଦାନକୁ ଏ ଜାତି କେବେ ଭୁଲି ପାରିବ ନାହିଁ । ସେ ଥିଲେ ବିକାଶ ଓ ସ୍ବାଭିମାନ ର ପ୍ରତୀକ । ସେହିପରି କବି ଗୋପାଳ କୃଷ୍ଣ ପଟ୍ଟନାୟକ ତଥା ବିଶିଷ୍ଟ historian ଡ ସତ୍ୟନାରାୟଣ ରାଜଗୁରୁଙ୍କୁ ମଧ୍ୟ ମୁଖ୍ୟମନ୍ତ୍ରୀ ଶ୍ରଦ୍ଧାଞ୍ଜଳି ଅର୍ପଣ କରିଥିଲେ।

ଗଜପତି ଜିଲ୍ଲା ପାଇଁ ମୁଖ୍ୟମନ୍ତ୍ରୀ ରାସ୍ତାଘାଟ, ଶିକ୍ଷା, ସ୍ବାସ୍ଥ୍ୟ ଭିତ୍ତିଭୂମି ସହିତ ମେଗା ପାଇପ ପାଣି ପ୍ରକଳ୍ପର ଉଦ୍‌ଘାଟନ କରିଥିଲେ। ଏହାସହିତ ମହେନ୍ଦଗିରି ତୀର୍ଥର ବିକାଶ ପାଇଁ ମଧ୍ୟ ପଦକ୍ଷେପ ନିଆଯାଉଛି ବୋଲି ମୁଖ୍ୟମନ୍ତ୍ରୀ କହିଥିଲେ।ସ୍ମାର୍ଟ ହେଲ୍‌ଥ କାର୍ଡ ଦ୍ବାରା ରାଜ୍ୟର ୯୬ ଲକ୍ଷ ପରିବାରର ସାଢେ ତିନି କୋଟି ଲୋକ ଉପକୃତ ହେବେ ବୋଲି ପ୍ରକାଶ କରି ମୁଖ୍ୟମନ୍ତ୍ରୀ କହିଥିଲେ ଯେ ଏହାଦ୍ବାରା ଆମର ଗରିବ ଲୋକମାନେ ସ୍ବାସ୍ଥ୍ୟ ସେବା ପାଇଁ ଅନେକ ସମସ୍ୟାରୁ, ବିଶେଷକରି ଆର୍ଥିକ ସମସ୍ୟାରୁ ମୁକ୍ତ ହୋଇପାରିବେ । ଲୋକମାନେ ସ୍ବାସ୍ଥ୍ୟ ସମସ୍ୟାରେ ପଡିଲେ ଚିକିତ୍ସା ପାଇଁ କିପରି ଜମିବାଡି ବିକିବାକୁ ବାଧ୍ୟ ହୁଅନ୍ତି, ପିଲାଙ୍କ ପାଠପଢା ବନ୍ଦ କରନ୍ତି, ସେ ସବୁ ସମସ୍ୟା ବିଷୟରେ ଆଲୋକପାତ କରି ମୁଖ୍ୟମନ୍ତ୍ରୀ କହିଲେ ଯେ ଏହା ତାଙ୍କୁ ବହୁତ ଦୁଃଖ ଦେଇଥାଏ। ବର୍ତ୍ତମାନ ଲୋକମାନେ ବିନା କୌଣସି ଅସୁବିଧାରେ କାର୍ଡ ଖଣ୍ଡିଏ ଧରି ଦେଶର ୨୦୦ ବଡ ବଡ ହସ୍‌ପିଟାଲରେ ଭଲ ଚିକିତ୍ସା ପାଇପାରିବେ । ଏଥିପାଇଁ ଟଙ୍କାଟିଏ ବି ଖର୍ଚ୍ଚ କରିବାକୁ ପଡିବ ନାହିଁ ବୋଲି ସେ କହିଥିଲେ।

ମୁଖ୍ୟମନ୍ତ୍ରୀ କହିଥିଲେ ଯେ ତାଙ୍କ ପାଇଁ ପ୍ରତିଟି ଜୀବନ ମୂଲ୍ୟବାନ। ଚାଷୀ ହେଉ ବା ମୂଲିଆ ବା ରିକ୍‌ସା ବାଲା – ସମସ୍ତେ ସମ୍ମାନର ସହ ବଞ୍ଚନ୍ତୁ । ଏହା ତାଙ୍କର ବିଭିନ୍ନ କଲ୍ୟାଣ କାର୍ଯ୍ୟକ୍ରମର ଲକ୍ଷ୍ୟ ବୋଲି ସେ କହିଥିଲେ।
ସୂଚନାଯୋଗ୍ୟ ଯେ ସ୍ମାର୍ଟ ହେଲ୍‌ଥ କାର୍ଡ ରାଜ୍ୟ ସରକାରଙ୍କ ଏକ ଫ୍ଲାଗ ସିପ୍‌ କାର୍ଯ୍ୟକ୍ରମ। ଅଗଷ୍ଟ ୨୦ ତାରିଖରେ ମୁଖ୍ୟମନ୍ତ୍ରୀ ମାଲକାନଗିରିରେ ଏହାର ଶୁଭାରମ୍ଭ କରିଥିଲେ। ଏହାପରେ ସୁନ୍ଦରଗଡ, ବଲାଙ୍ଗୀରରେ ଏହି କାର୍ଯ୍ୟକ୍ରମ ଆରମ୍ଭ କରିବା ପରେ ଆଜି ଗଜପତିରେ ମଧ୍ୟ ଏହି କାର୍ଯ୍ୟକ୍ରମ ଆରମ୍ଭ ହୋଇଛି ।କାର୍ଯ୍ୟକ୍ରମରେ ସ୍ବାସ୍ଥ୍ୟ ମନ୍ତ୍ରୀ ଶ୍ରୀ ନବ ଦାସ, ଅନୁସୂଚିତ ଜନଜାତି ଓ ଜାତି ବିକାଶ ମନ୍ତ୍ରୀ ଶ୍ରୀ ଜଗନ୍ନାଥ ସାରକା, ଶିଳ୍ପ ଓ ଶକ୍ତି ମନ୍ତ୍ରୀ ଶ୍ରୀ ଦିବ୍ୟ ଶଙ୍କର ମିଶ୍ର, ସାଂସଦ ଶ୍ରୀ ଚନ୍ଦ୍ରଶେଖର ସାହୁ ଓ ବିଧାୟକଗଣ ଯୋଗ ଦେଇଥିଲେ ।

{}ପିପିଲି ବାସୀଙ୍କୁ କଣ କହିଲେ ନବୀନ…
ବିଧାନସଭା ଉପ ନିର୍ବାଚନରେ Biju Janata Dal Odisha ର ପ୍ରାର୍ଥୀ ରୁଦ୍ର ପ୍ରତାପ ମହାରଥୀଙ୍କୁ ବିପୁଳ ଜନସମର୍ଥନ ଦେଇଥିବାରୁ ପିପିଲିବାସୀଙ୍କୁ ଆନ୍ତରିକ ଧନ୍ୟବାଦ ଜଣାଉଛି। ଏଥିସହ ଦଳର ସମସ୍ତ କର୍ମୀ ଓ ନେତୃବୃନ୍ଦଙ୍କୁ ମୋର ଶୁଭେଚ୍ଛା। ବିଜୁ ଜନତା ଦଳ ଆପଣମାନଙ୍କର ଦଳ। ଆପଣମାନଙ୍କ ସେବାରେ ଆମେ ସର୍ବଦା ସମର୍ପିତ l

() ଶଙ୍ଖମୟ ହୋଇଛି ବିଜେଡି l ବହୁ ବ୍ୟବଧାନରେ ପିପିଲିରେ ବାଜି ମାରିନେଇଛି ବିଜୁ ଜନତା ଦଳ । ବିଜେପି ପ୍ରାର୍ଥୀ ଆଶ୍ରିତ ପଟ୍ଟନାୟକଙ୍କୁ ପ୍ରାୟ ୨୦ ହଜାରରୁ ଊର୍ଦ୍ଧ୍ୱ ଭୋଟରେ ପରାସ୍ତ କରିଛନ୍ତି ବିଜେଡି ପ୍ରାର୍ଥୀ ରୁଦ୍ର ମହାରଥୀ । ପ୍ରତି ରାଉଣ୍ଡରେ ବିଜେଡିର ଦବଦବା ଜାରି ରହିଥିବା ବେଳେ କୌଣସି ବି ରାଉଣ୍ଡରେ ବିଜେଡି ପ୍ରାର୍ଥୀ ଅନ୍ୟ ଦଳର ପ୍ରାର୍ଥୀଙ୍କ ଠାରୁ ପଛୁଆ ନଥିଲେ । ଚଳିତ ନିର୍ବାଚନରେ ଗତ ସାଧାରଣ ନିର୍ବାଚନ ଅର୍ଥାତ ୨୦୧୯ ନିର୍ବାଚନ ଠାରୁ ମଧ୍ୟ ଅଧିକ ଭୋଟ ପାଇଛନ୍ତି ବିଜେଡି ପ୍ରାର୍ଥୀ । ଗତ ନିର୍ବାଚନରେ ବିଜେଡି ପ୍ରାର୍ଥୀ ସ୍ୱର୍ଗୀୟ ପ୍ରଦୀପ ମହାରଥୀ ପାଇଥିଲେ ୮୮୫୧୮ ଖଣ୍ଡ ଭୋଟ ।୨୪ ରାଉଣ୍ଡ ଶେଷ ସୁଦ୍ଧା ବିଜେଡି ପ୍ରାର୍ଥୀ ୯୨୮୧୦ ଖଣ୍ଡ ଭୋଟ ପାଇଥିବା ବେଳେ ବିଜେପି ପ୍ରାର୍ଥୀ ୭୨୩୨୧ ଖଣ୍ଡ ଭୋଟ ପାଇଥିବା ବେଳେ କଂଗ୍ରେସ ପ୍ରାର୍ଥୀ ୪୧୫୫ ଖଣ୍ଡ ଭୋଟ ପାଇଛନ୍ତି।