() ସଂକ୍ରମଣ କମିଛି । କଟକଣା ବି କୋହଳ ହୋଇଛି । ଦେଢବର୍ଷ ପରେ ପୂଜା ମାହୋଲ ବି ଆରମ୍ଭ ହୋଇଛି । ବିଧି ଅନୁସାରେ ପୂଜା କରିବା ପାଇଁ ସରକାର ବି ଅନୁମତି ଦେଇଛନ୍ତି । ଶାରଦୀୟ ପୂଜାକୁ ନେଇ ସବୁ ସ୍ତରରେ ବି ପ୍ରସ୍ତୁତି ଆରମ୍ଭ ହୋଇଛି । ଏଥର ପୂଜାକୁ ନେଇ ବେଶୀ ଉତ୍ସାହ ନଥିଲେ ମଧ୍ୟ ସଭିଁଙ୍କ ମନର ଉକଣ୍ଠା ବହୁତ । ଆଉ ତାହାରି ଭିତରେ ମା ଧରାପୃଷ୍ଠକୁ ଓହ୍ଲାଇଆସିବେ ବିଶ୍ବର ମଙ୍ଗଳପାଇଁ । ପୂଜାକୁ ନେଇ ସଭିଁଙ୍କ ମନରେ ଖୁସି ଆଉ ଖୁସି ।
ପ୍ରଥମେ ପ୍ରଥମେ ସଭିଁଙ୍କ ମନରେ ଗୋଟେ ପ୍ରଶ୍ନ ଉଠୁଥିଲା ଏଥର ପୂଜା ସ୍ବାଭାବିକ ଭାବେ ହେବ କି ନାହିଁ । ଯଦି ହେବ ତାହାଲେ ତୋରଣ,ମେଳା, ମହୋତ୍ସବ ଓ ସାଂସ୍କୃତିକ କାଯ୍ୟକ୍ରମ ପାଇଁ ଅନୁମତି ମିଳିବ କି ନାହିଁ । ଯେହେତୁ ସଂକ୍ରମଣ କମିଛି ତେଣୁ ଅନେକ ଦାବି କରୁଥିଲେ ପୂଜା ସ୍ବଭାବିକ ଭାବେ ହେଉ । ହେଲେ ପ୍ରତ୍ୟେକ ଜୀବନ ମୂଲ୍ୟବାନ ଭାବି ରାଜ୍ୟ ସରକାର ପୂଜାରେ କେତେକ କଟକଣା ଜାରି କଲେ । ପ୍ରଥମେ ଏହାକୁ ଲୋକେ ବିରୋଧ କରୁଥିଲେ ମଧ୍ୟ ପରେ ସରକାରଙ୍କ ନିଷ୍ପତିକୁ ସ୍ବାଗତ କଲେ ।
କଟକର ଭବାନୀ କିନ୍ତୁ ଗାଁରେ ଛକରେ ପୂଜାକୁ ନେଇ ହେଉଥିବା ଯୁକ୍ତିରେ ସବୁବେଳେ ଆଗଭର ହୋଇ କହୁଥାଏ । ଭବାନୀର ଯୁକ୍ତି ହେଉଛି ଦଶହାରା ଯେମିତି ପ୍ରତିବର୍ଷ ହୁଏ ଏଥର ସେମିତି ହେଉ । ପୂଜା ଛୁଟିରେ ବୁଲିବାକୁ ଆସୁଥିବା ପଦାରେ ଥିବା ତାହାର ଘନିଷ୍ଠ ବନ୍ଧୁମାନେ ଆସନ୍ତୁ । ସେଥିରେ ସେ ଖୁସି । ଭବାନୀର ଯୁକ୍ତିର ଅସଲ ରହସ୍ୟ ଅଭିନାଶ ସେଦିନ ଗାଁ ଖଟିରେ ସଭିଁଙ୍କ ଆଗରେ କହିଦେଲା । କହିଲା ଜାଣିନକି ମନୁଭାଇ, କାହିକିଁ ଭବାନୀ ପୂଜା ଧୁମଧାମରେ ହେବା ପାଇଁ ଯୁକ୍ତି ବାଢୁଛି । କାରଣ ପୂଜା ହେଲେ ସିନା ତାହାର ମନର ମଣିଷ ଆସିବ । 
ଭବାନୀ ଓ ପୂଜା । ଗୋଟେ କ୍ଲାସରେ ପଢନ୍ତି । ସ୍କୁଲ ବେଳରୁ ଉଭୟ ଉଭୟଙ୍କୁ ଭଲସେ ଜାଣନ୍ତି l ତାଙ୍କର ବନ୍ଧୁତା ଏତେ ବଢିଚାଲିଲା ଯେ ଦିନକୁ ଦିନ ଉଭୟ ପରସ୍ପରକୁ ଭଲପାଇ ବସିଲେ । କଲେଜ ପଢା ସରିବା ପରେ ପୂଜା ଉଚ୍ଚଶିକ୍ଷା ପାଇଁ ସହରକୁ ପଳାଇଆସିଲା । ରାଜଧାନୀ ଭୁବନେଶ୍ବରରେ ସେ ପାଠ ପଢୁଛି । ମହାମାରୀ କରୋନା କଟକଣା ପାଇଁ ଗଲା ବର୍ଷ ଦଶହରାକୁ ପୂଜା ଆସିନଥିଲା । ସଂକ୍ରମଣ ଭୟରେ । ହେଲେ ଏଥର ସଂକ୍ରମଣ କମିଛି, ବିଧି ଅନୁସାରେ ତା ଗାଁରେ ଦଶହାରା ହେଉଛି । ପୂଜାର ବାପା ସେଦିନ ଚା ଖଟିରେ କହୁଥିଲେ ଏଥର ଦଶହାରା ଛୁଟିରେ ଆମ ପୂଜା ଘରକୁ ଆସିବ । ଏକଥା ଶୁଣି ଭବାନୀ ମନରେ ଖୁସି କହିଲେ ନସରେ । ଦେଢବର୍ଷ ପରେ ପୂଜା ସହ ତାହାର ଦେଖାହେବ । କେତେକଣ ଗପିବ । ପୂଜାକୁ କଣ ଉପହାର ଦେବ ତାହା ବି ଭବାନୀ ସ୍ଥିର କରିସାରିଛି । ସବୁଦିନ ଭବାନୀ ଦିନ ଗଣୁଥାଏ କ୍ଲାସ ଛୁଟି ତାରିଖକୁ । ମନେମେନ ଗୋଟେ କଥା ଭବାନୀ ଭାବୁଥାଏ ତା ମନରେ ଥିବା ସବୁକଥା କହିଦେବ ।ପୂଜା ତ ତାକୁ ଭଲପାଏ , ତେଣୁ କହିବାରେ ଅସୁବିଧା କେଉଁଠି । ଏମିତି କେତେ କଣ ଭବାନୀ ଭାବୁଥିବା ସମୟରେ ଭବାନୀକୁ କିଏ ଜଣେ ଫୋନ କରି କହିଲା କାଲିଠୁ ପୂଜାଛୁଟି ଆରମ୍ଭ …ବାସ ….
