() ସମୟ ସବୁବେଳେ ଗତିଶୀଳ । ବେଶୀ ଦିନ କେଉଁଠି ଅନ୍ଧାର ରହେନି । ସବୁ କିଛି ସମାଜରେ ପରିବତ୍ତର୍ନ ଶୀଳ । ଯେତେ ଚେଷ୍ଟା କଲେ ବି ଅନ୍ଧାର ଯେଉଁଠି ଥାଏ ଦିନେ ନା ଦିନେ ଆଲୋକ ସେଠାରେ ପହଞ୍ଚେ । ଆଉ ସେ ଆଲୋକ ଦିଏ ଏକ ନୂଆ ଖୁସି । ହେଲେ ଏହି ଖୁସି ପାଇଁ ଧର୍ଯ୍ୟ ଆବଶ୍ୟକ । ଯେତେ ଚେଷ୍ଟା , ପ୍ରଚେଷ୍ଟା ଓ ପରିଶ୍ରମ କଲେ ମଧ୍ୟ ସମୟ ନହେଲେ ସେହି ଆଲୋକ ଆସେ ନାହିଁ । ଧରାପୃଷ୍ଠରେ ଭଗବାନଙ୍କ ଠାରୁ ଆରମ୍ଭ କରି ମଣିଷ ଯାଏ ସଭିଁଏ ଅନ୍ଧାର ପରେ ପରେ ଆଲୋକ ଆଡ଼କୁ ଯାଆନ୍ତି ।
ଦେଢବର୍ଷ ହେବ ଅଦୃଶ୍ୟ ମହାମାରୀ ପୁରା ମାନବ ସମାଜକୁ ଅନ୍ଧାରକୁ ନେଇ ଯାଇଥୀଲା । ପୁରା ଦୁନିଆ ଦୀପାବଳୀରେ ଆଲୋକମୟ ହେଲେ ମଧ୍ୟ ଏ ମହାମାରୀର ଅନ୍ଧାର ପ୍ରଭାବ ଏତେ ପ୍ରଭାବଶାଳୀ ଥିଲା ଯେ ତାହା ଆଲୋକର ବାଟ ଛାଡ଼ୁନଥିଲା । ହେଲେ ଏବେ ସେ ସମୟ ଗଡ଼ିଯାଇଛି , ଧୀରେଧୀରେ ଆଲୋକ ଆଡ଼କୁ ଯାଉଛି ପୁରା ବିଶ୍ବ । ଆଉ ତାହାରି ଭିତରେ ସଭିଁଙ୍କ ମନରେ ଆଲୋକର ଖୁସି ଦେଖିବାକୁ ମିଳିଲାଣୀ ।
ହଠାତ ସଂନ୍ଧ୍ୟାରେ ରକି ମନୋଜକୁ କହିଲା ଭାଇ ଏଥର ଦୀପାବଳୀରେ ବାଣ ଫୁଟୁ କି ନଫୁଟୁ । ହେଲେ କେଜାଣି କାହିକିଁ ସବୁଠି ଆଲୋକର ଆନନ୍ଦଟାକୁ ଉପଭୋଗ କରିବାର ମହକ ଏବେଠାରୁ ଅନୁଭବ ହେଲାଣୀ । କଟକଣା ପାଇଁ ସିନା ଦୀପାବଳୀରେ ବାଣ ଫୁଟାଇ ହେବନି , ହେଲେ ଦେଢବର୍ଷ ପରେ ଦୁନିଆରେ ଯେମିତି ସବୁକିଛି ଧୀରେଧିରେ ସ୍ବଭାବିକ ହେଉଛି , ତାହା ଦୀପାବଳୀର ଆଲୋକର ଆନନ୍ଦ ଆଡ଼କୁ ସଭିଁଙ୍କୁ ନେଉଛି । ରାମଚନ୍ଦ୍ର ରାବଣଙ୍କ ମାୟାଜାଲରୁ ସୀତାକୁ ଧର୍ଯ୍ୟର ସହ ଲଢି ପରାସ୍ତ କରିବା ସହ ୧୪ ବର୍ଷ ପରେ ଅଯୋଧ୍ୟାକୁ ଫେରି ଦୀପାବଳୀରେ ଯେମିତି ଅଯଧ୍ୟା ଆଲୋକମୟ ହୋଇଥିଲା । ଏବେ ପୁରା ଦୁନିଆ କରୋନା ଭୂତାଣୁ କବଳରୁ ଧୀରେଧୀରେ ବାହାରି ନୂଆ ଆଲୋକରେ ସଜେଇ ହେଉଛି । କଟକଣା କୋହଳ ହୋଇଛି, ସ୍କୁଲ, କଲେଜ,,ସ୍ବଭାବିକ ହୋଇଛି । ଦେଢବର୍ଷ ପରେ ଅନ୍ଧାରର ଚାଦର ଭିତରେ ଥିବା ଶିକ୍ଷା ବ୍ୟବସ୍ଥା ଯେଭଳି ସ୍ବଭାବିକ ହୋଇ ଛାତ୍ରଛାତ୍ରୀ , ଅଭିଭାବକ, ଓ ସମାଜପାଇଁ ଯେମିତି ଏକ ନୂଆ ଆଲୋକ ଆଡ଼କୁ ଗତି କରଉଛି ତାହା ପୁରା ସମାଜକୁ ପୁଣି ନୂଆ ଆଲୋକରେ ଆଲୋକିତ କରିବ ତାହା ନିଶ୍ଚିତ । ସେହିଭଳି ଭୂତାଣୁ ଭୟରେ ମାନସିକ ଭାବେ ଭାରାକ୍ରାନ୍ତ ହୋଇଥିବା ପ୍ରତ୍ୟେକ ମଣିଷ ମନ ଯେମିତି ଅନ୍ଧାରରେ ବୁଡ଼ି ଯାଇଥିଲା , ଆଉ ଏ ଅନ୍ଧାର ଏବେ ଧୀରେଧୀରେ ଦୂର ହୋଇଛି ନୂଆ ଆଶାର ଆଲୋକ ପାଇଁ । ଘରର ଚାରିକାନ୍ଥ ଭିତରେ ନୁହେଁ, ଏବେ କଟକଣା ଭିତରେ ବୁଲାବୁଲି କରିବା ସହନିଜ ଇଚ୍ଛା ଅନୁସାରେ ସବୁକିଛି କରିପାରିବାର ସାହସ ଜୁଟାଇ ପାରିଛି । ଚାକରି ହରାଇଥିବା ଅନେକ ଏବେ ଆତ୍ମ ନିର୍ଭରଶୀଳ ହେଇଛନ୍ତି ଅନେକକୁ ଚାକିରୀ ଦେଉଛନ୍ତି । ସଭିଁଙ୍କ ମନରେ କିଛି କରିବାର ବି ସାହସ ଆସିଛି, ଯେଉଁ ସାହସ ଅନ୍ଧାରକୁ ଦୂର କରିବା ପାଇଁ ଆଲୋକ ଦିଏ ।
ଆଲୋକର ପର୍ବ ଦୀପାବଳୀ l ପୂର୍ବରୁ ଆଲୋକମୟ ହୋଇଛି ମନ ଓ ଦୁନିଆ । ଦୀପ ଯେମିତି ନିଜେ ଜଳି ତାର ସ୍ବଳ୍ପ ଆଲୋକରେ ଅନ୍ଧାରକୁ ଦୂର କରି ଆଲୋକିତ କରେ , ଠିକ ସେହିପରି ସୁସ୍ଥ ସମାଜ ଗଠନ ପାଇଁ ସମସ୍ତେ ମନରେ ଯେଉଁ ଅନ୍ଧାର ଅଛି ତାକୁ ମନର ଦୀପର ଆଲୋକରେ ଆଲୋକିତ କରିବାର ଏବେ ସମୟ ଆସିଛି । କାରଣ ସମୟ ଆମକୁ ଏବେ ଆଲୋକ ଆଡ଼କୁ ନେଉଛି …..
