()ଦାୟିତ୍ବ ଭୂଲି ନାହାନ୍ତି ନେତା। ଶାସନରେ ଥିଲା ବେଳେ ଯେମିତି ତତପର ଓ କର୍ମଠ। କ୍ଷମତାରେ ନଥାଇ ବି ସମାନ ମନୋଭାବ। ଲକ୍ଷ୍ୟ ଜନସେବା ।ବାତ୍ୟା ଦାନାକୁ ନେଇ ପୂର୍ବାନୁମାନ ଓ ବାତ୍ୟା ପରବର୍ତ୍ତୀ ସ୍ଥିତିର ମୁକାବିଲା ଲାଗି ଲୋକଙ୍କ ସହାୟତା କରିବା ପାଇଁ ଦଳର ସୁପ୍ରିମୋ ଆହ୍ବାନ ଦେବା ପରେ ଗ୍ରାଉଣ୍ଡକୁ ଓହ୍ଲାଇପଡ଼ିଲେ ବିଜେଡ଼ି ନେତାମାନେ । ବରିଷ୍ଠ ବିଜେଡ଼ି ନେତା ତଥା ବିଜେଡ଼ିର ଦୃଢ ସଂଗଠକ ପ୍ରଣବ ପ୍ରକାଶ ଦାସ (ବବି) ବାତ୍ୟା ପ୍ରଭାବିତ ଅଂଚଳକୁ ବାହାରିପଡ଼ିଲେ । ବିଶେଷକରି ବାତ୍ୟା ଦାନାର ଅଧିକ ପ୍ରଭାବିତ ଜିଲ୍ଲା ଭଦ୍ରକ , ବାଲେଶ୍ବର ବାତ୍ୟାଞ୍ଚଳ ଓ ବାତ୍ୟା ଆଶ୍ର୍ରସ୍ଥଳ ଗୁଡ଼ିକରେ ଲୋକଙ୍କ ସମସ୍ୟା ବୁଝିବାରେ ଲାଗିପଡ଼ିଲେ । ଦଳୀୟ କର୍ମୀ , ନେତାଙ୍କୁ ଏକାଠି କରି ପ୍ରଭାବିତ ଲୋକଙ୍କୁ ସହାୟତା ଯୋଗାଇ ଦେବାକୁ ଅଣ୍ଟା ଭିଡ଼ିଲେ ପ୍ରଣବ। ଜିଲ୍ଲାକୁ ଜିଲ୍ଲା ତୋଫାନି ଗସ୍ତ କରି ବିଜେଡ଼ିର ନିର୍ବାଚିତ ନେତା , କର୍ମୀ ମାନଙ୍କୁ ଏକାଠି କରି ଲୋକଙ୍କ ସମସ୍ୟା ବୁଝିବା ସହ ଏହାର ସମାଧାନ ପାଇଁ ଚେଷ୍ଟା କଲେ । ବାତ୍ୟା ପୂର୍ବରୁ ଲୋକଙ୍କ ନିରାପଦ ସ୍ଥାନକୁ ନେବା ଓ ରିଲିଫ କାର୍ଯ୍ୟରେ ବିଜେଡ଼ି ନେତା ଓ କର୍ମୀ କିପରି ଅଧିକରୁ ଅଧିକ ସାମିଲ ହେବେ ତାକୁ ନେଇ କର୍ମୀ ଓ ନେତାଙ୍କ ସହ ଘନଘନ ବୈଠକ କରିଥିଲେ। ଭଦ୍ରକର ଭଣ୍ଡାରୀପୋଖରୀ, ଧାମନଗର, ଚାନ୍ଦବାଲି, ବାସୁଦେବପୁର, ଧାମରା କେନ୍ଦ୍ରପଡ଼ାର ରାଜନଗର , ବାଲେଶ୍ବରର ରେମୁଣା, ଜଳେଶ୍ବର ଓୌପଦା ,ସିମୁଳିଆ, ଆଦି ଅଚଂଚଳରେ ବିଜେଡ଼ି ନେତାଙ୍କ ସହ ମିଶି ଜନସେବାରେ ଲାଗିପଡ଼ିଥିଲେ। ବାତ୍ୟା ଉପକୂଳରେ ହେବାକୁ ଯାଉଥିବା ଖବର ଯେମିତି ବିଜେଡ଼ି ପାଇଁ ଆହ୍ବାନ ଥିଲା। ୨୪ ବର୍ଷର ଶାସନ କାଳରେ ବାତ୍ୟାକୁ ଯେମିତି ନବୀନଙ୍କ ନେତୃତ୍ବରେ ମୁକାବିଲା କରାଯାଇଥିଲା ଠିକ ସେହି ଢାଞ୍ଚାରେ ଲୋକଙ୍କ ପାଖକୁ ଯାଇ କାମ କରିବାରେ ଲାଗିଥିଲେ ବିଜେଡ଼ି ନେତା। ଯେଉଁଠି ସମସ୍ୟା ଦେଖିଥିଲେ ସେଠାରେ ତୁରନ୍ତ ପ୍ରଶାସନକୁ ଅବଗତ କରାଇ ସମସ୍ୟାର ସମାଧାନ କରିବାକୁ ବାଟ କାଢିଥିଲେ। ପୂର୍ବ ଅଭିଜ୍ଞତାକୁ କାମରେ ଲଗାଇ ଲୋକଙ୍କ ବୁଝାସୁଝା କରିବା ସହ ଆବଶ୍ୟକ ସହାୟତା ବି ନିଜନିଜ ସ୍ତରରେ ଯୋଗାଇ ଦେଇଥିଲେ। ୧୯୯୯ ମହାବାତ୍ୟା ପରେ ବିଜେଡ଼ି ଶାସନକୁ ଆସିଲା। ନବୀନ ବାତ୍ୟାକୁ ନେଇ ଓଡ଼ିଶାବାସୀଙ୍କ ମନରେ ଥିବା ଭୟ ଦୂର କରି ସାହସ ଜୁଟାଇଥିଲେ । ୨୪ ବର୍ଷ ଭିତରେ ଫାଇଲିନ, ହୁଡ଼ହୁଡ଼ , ତିତିଲି ଠାରୁ ଆରମ୍ଭ କରି ଫନି ଯାଏ ବଡ଼ବଡ଼ ବାତ୍ୟାକୁ ସଫଳତାର ସହ ମୁକାବିଲା କରିଥଲେ ନବୀନ। ସରକାରୀ ସ୍ତରରୁ ଆରମ୍ଭ କରି ଦଳୀୟ କର୍ମକର୍ତ୍ତା ଯାଏ ସଭିଁଙ୍କୁ ସାଙ୍ଗରେ ନେଇ ସମସ୍ତ ବାତ୍ୟାକୁ ସଠିକ ମୁକାବିଲା କରିଥିଲେ। ଆଜି ବିଜେଡ଼ି ସରକାରରେ ନାହିଁ। ନିଜ ପରିବାର ସଦସ୍ୟ ଅର୍ଥାତ ସାଢେ ଚାରିକୋଟି ଓଡ଼ିଆଙ୍କ ବିପଦ ସମୟରେ କାନ୍ଧରେ କାନ୍ଧ ମିଶାଇ ବାତ୍ୟା ଦାନାକୁ ମୁକାବିଲା କରିଛନ୍ତି ବିଜେଡ଼ି ନେତାଏ। ଏବେ ସମସ୍ତଙ୍କ ମହିଁରେ ଗୋଟିଏ କଥା କ୍ଷମତାରେ ଥିବା ବେଳେ ବିଜେଡ଼ି ଯେମିତି , କ୍ଷମତାର ନଥିଲେ ବି ସେମିତି ।

()ବାତ୍ୟା ପରିପ୍ରେକ୍ଷୀରେ ବିରୋଧୀ ଦଳ ନେତା ଶ୍ରୀ ନବୀନ ପଟ୍ଟନାୟକ ରାଜ୍ୟ ବାସୀଙ୍କ ଉଦ୍ଦେଶ୍ୟ ରେ ଏକ ବାର୍ତ୍ତା ଦେଇ କହିଛନ୍ତି ଯେ ବାତ୍ୟା ଆସୁଥିବା ଖବର ପାଇ ଆମେ ସମସ୍ତେ ଚିନ୍ତିତ.ପୂର୍ବରୁ ଆମେ ସମସ୍ତେ ମିଶି ସଫଳତା ସହ ଅନେକ ବାତ୍ୟା ର ମୁକାବିଲା କରିଛେ.ଆମର ଏକ ବହୁତ effective disaster management policy ଅଛି.ତେଣୁ ଆପଣମାନଙ୍କୁ ମୋର ଅନୁରୋଧ ବାତ୍ୟା ପାଇଁ ଆପଣ ମାନେ ଭୟଭୀତ ହୁଅନ୍ତୁ ନାହିଁ. ସଜାଗ ରୁହନ୍ତୁ. ଜୀବନ ଅମୁଲ୍ୟ. ନିରାପଦ ରୁହନ୍ତୁ.ବାତ୍ୟା ମୁକାବିଲା ରେ ପ୍ରଶାସନ କୁ ପୁରା ସହଯୋଗ ଦିଅନ୍ତୁ.ସବୁ ନିର୍ବାଚିତ ପ୍ରତିନିଧି ମାନଙ୍କୁ ମୋର ଅନୁରୋଧ ଆପଣମାନେ ଏ ବିପଦ ସମୟରେ ଲୋକଙ୍କ ସହ ରୁହନ୍ତୁ.ଲୋକଙ୍କୁ ସାହାଯ୍ୟ କରନ୍ତୁ.ମୋର ଦୃଢ଼ ବିଶ୍ୱାସ ଆମେ ସମସ୍ତେ ଏକାଠି ପୂର୍ବ ପରି ବାତ୍ୟା ଦାନାର ସଫଳ ମୁକାବିଲା କରିପାରିବା .

ମୁଖ୍ୟମନ୍ତ୍ରୀ ଶ୍ରୀ ମୋହନ ଚରଣ ମାଝୀ ଆଜି ସ୍ୱତନ୍ତ୍ର ରିଲିଫ୍ କମିଶନରଙ୍କ କାର୍ଯ୍ୟାଳୟ ପରିଦର୍ଶନ କରି ସେଠାରେ ବାତ୍ୟା ମୁକାବିଲା ପ୍ରସ୍ତୁତି ସମ୍ପର୍କରେ ସମୀକ୍ଷା କରିଛନ୍ତି। ସମୀକ୍ଷା ପରେ ଗଣମାଧ୍ୟମ ନିକଟରେ ନିଜର ବିବୃତି ରଖି, ମୁଖ୍ୟମନ୍ତ୍ରୀ ରାଜ୍ୟବାସୀଙ୍କୁ କୌଣସି ପରିସ୍ଥିତିରେ ଭୟଭୀତ ବା ଆତଙ୍କିତ ନ ହେବାକୁ ଅନୁରୋଧ କରିଛନ୍ତି। ମୁଖ୍ୟମନ୍ତ୍ରୀ କହିଛନ୍ତି ଯେ, ବାତ୍ୟା ମୁକାବିଲା ପାଇଁ ରାଜ୍ୟ ସରକାରଙ୍କ ସମସ୍ତ ସମ୍ପୃକ୍ତ ବିଭାଗ ସମ୍ପୂର୍ଣ୍ଣ ଭାବେ ପ୍ରସ୍ତୁତ ଅଛନ୍ତି। ‘You are in Safe Hands’ ବୋଲି ମୁଖ୍ୟମନ୍ତ୍ରୀ କହିଥିଲେ। ବିପଦ ଟଳିବା ପର୍ଯ୍ୟନ୍ତ ସମସ୍ତେ ସୁରକ୍ଷିତ ଓ ସତର୍କ ରୁହନ୍ତୁ ବୋଲି ମୁଖ୍ୟମନ୍ତ୍ରୀ ନିବେଦନ କରିଥିଲେ। ପରିସ୍ଥିତିକୁ ତଦାରଖ କରିବା ପାଇଁ ମନ୍ତ୍ରୀମାନଙ୍କୁ ଦାୟିତ୍ୱ ଦିଆଯାଇଛି। ସେମାନେ ସମସ୍ତେ କ୍ୟାବିନେଟ ବୈଠକ ପରେ ଜିଲ୍ଲାଗସ୍ତରେ ଯାଇଛନ୍ତି। ଏହା ସହିତ ଅଭିଜ୍ଞତା ସମ୍ପନ୍ନ ଅଧିକାରୀମାନଙ୍କୁ ମଧ୍ୟ ଦାୟିତ୍ୱ ଦିଆଯାଇଛି ବୋଲି ମୁଖ୍ୟମନ୍ତ୍ରୀ କହିଥିଲେ।ଯେଉଁ ସବୁ ଜିଲ୍ଲାରେ ବାତ୍ୟାର ସମ୍ଭାବନା ଅଛି, ସେ ସବୁ ଜିଲ୍ଲାରେ ବିପଦଶଙ୍କୁଳ ଅଞ୍ଚଳରୁ ଯୁଦ୍ଧକାଳୀନ ଭିତ୍ତିରେ ଲୋକଙ୍କୁ ବାତ୍ୟା ଆଶ୍ରୟସ୍ଥଳକୁ ସ୍ଥାନାନ୍ତର କରାଯାଉଛି। ବର୍ତ୍ତମାନ ସୁଦ୍ଧା ବିପଦଶଙ୍କୁଳ ଅଞ୍ଚଳରୁ ୩୦ ପ୍ରତିଶତ ଲୋକଙ୍କୁ ସ୍ଥାନାନ୍ତର କରାଯାଇସାରିଛି। ରାତି ସାରା ସ୍ଥାନାନ୍ତର କାର୍ଯ୍ୟ ଚାଲିବ ଏବଂ ଆସନ୍ତା କାଲି ସକାଳ ୧୧ଟା ସୁଦ୍ଧା ୯୦ ପ୍ରତିଶତ ସ୍ଥାନାନ୍ତର ହେବ ବୋଲି ମୁଖ୍ୟମନ୍ତ୍ରୀ କହିଛନ୍ତି। ବାତ୍ୟା ଆଶ୍ରୟସ୍ଥଳୀରେ ଲୋକଙ୍କ ପାଇଁ ଶୁଖିଲା ଖାଦ୍ୟ ସହ ରନ୍ଧା ଖାଦ୍ୟ ଓ ସମସ୍ତ ଆନୁସଙ୍ଗିକ ବ୍ୟବସ୍ଥା କରାଯାଇଛି ବୋଲି ସେ କହିଛନ୍ତି। ମୁଖ୍ୟମନ୍ତ୍ରୀ କହିଥିଲେ ଯେ, କେନ୍ଦ୍ରାପଡା, ଭଦ୍ରକ, ବାଲେଶ୍ୱର, ଜଗତସିଂହପୁର, କଟକ ଓ ପୁରୀ ଜିଲ୍ଲା ଅଧିକ ପ୍ରଭାବିତ ହେବାର ସମ୍ଭାବନା ଥିବାବେଳେ, ଯଦି ଗତିପଥ ବଦଳେ, ତେବେ ଅନ୍ୟାନ୍ୟ ଜିଲ୍ଲା ମଧ୍ୟ ପ୍ରଭାବିତ ହେବାର ସମ୍ଭାବନା ରହିଛି । ସେଥିପାଇଁ ସରକାର ମଧ୍ୟ ପ୍ରସ୍ତୁତ ରହିଛନ୍ତି। ବୈଠକରେ ମୁଖ୍ୟମନ୍ତ୍ରୀଙ୍କ ସହିତ ରାଜସ୍ୱ ଓ ବିପର୍ଯ୍ୟୟ ପରିଚାଳନା ମନ୍ତ୍ରୀ ଶ୍ରୀ ସୁରେଶ ପୁଜାରୀ ଉପସ୍ଥିତ ଥିଲେ। ମୁଖ୍ୟ ଶାସନ ସଚିବ, ଉନ୍ନୟନ କମିଶନର, ସ୍ୱତନ୍ତ୍ର ରିଲିଫ କମିଶନର, ମୁଖ୍ୟମନ୍ତ୍ରୀଙ୍କ ଅତିରିକ୍ତ ମୁଖ୍ୟ ଶାସନ ସଚିବ, ପୋଲିସ ମହାନିର୍ଦ୍ଦେଶକ ଏବଂ ବିଭିନ୍ନ ବିଭାଗର ପ୍ରମୁଖ ଶାସନ ସଚିବମାନେ ଉପସ୍ଥିତ ଥିଲେ। ବାତ୍ୟା ସମ୍ଭାବନା ଥିବା ଜିଲ୍ଲାର ଜିଲ୍ଲାପାଳମାନେ ଆଭାସୀ ଜରିଆରେ ମୁଖ୍ୟମନ୍ତ୍ରୀଙ୍କୁ ପ୍ରସ୍ତୁତି ସମ୍ପର୍କରେ ସୂଚନା ଦେଇଥିଲେ। ସ୍ୱତନ୍ତ୍ର ରିଲିଫ କମିଶନରଙ୍କ ଜରୁରୀକାଳୀନ ନିୟନ୍ତ୍ରଣ କକ୍ଷ (Emergency Control Room) ପରିଦର୍ଶନ କରି ସେଠାରେ ବିଭିନ୍ନ ସାଟେଲାଇଟ ସୂଚନା ସମ୍ପର୍କରେ ଅବଗତ ହୋଇଥିଲେ ଏବଂ ଜରୁରୀକାଳୀନ ଯୋଗାଯୋଗ ବ୍ୟବସ୍ଥା ଅନୁଧ୍ୟାନ କରିଥିଲେ।

ଭୁବନେଶ୍ଵର : ଆଜି ପ୍ରଦେଶ ଛାତ୍ର କଂଗ୍ରେସ ସଭାପତି ଶ୍ରୀ ଉଦିତ୍ ପ୍ରଧାନ, ପ୍ରଦେଶ କଂଗ୍ରେସ କାର୍ଯ୍ୟାଳୟରେ ଆୟୋଜିତ ଏକ ସାମ୍ବାଦିକ ସମ୍ମିଳନୀରେ କହିଲେ ଯେ ଉଚ୍ଚ ଶିକ୍ଷାମନ୍ତ୍ରୀ ସୂର୍ଯ୍ୟବଂଶୀ ସୂରଜଙ୍କ ନିର୍ଦ୍ଦେଶରେ ଉତ୍କଳ ବିଶ୍ଵ ବିଦ୍ୟାଳୟରେ ନାମ ଲେଖା ଜାଲିଆତି ହୋଇଛି। ଆବେଦନ‌କାରୀ ଛାତ୍ର ଶ୍ରୀ ବିଜୟ ସାହୁଙ୍କ ଭବିଷ୍ୟତ କେବଳ ଶିକ୍ଷାମନ୍ତ୍ରୀଙ୍କ ପାଇଁ ନଷ୍ଟ ହୋଇଯିବ। ଯାହା ଉତ୍କଳ ବିଶ୍ଵ ବିଦ୍ୟାଳୟର କର୍ତ୍ତୃପକ୍ଷଙ୍କ ଠାରୁ ଖବର ମିଳୁଛି, ଏସବୁ ନାଟକର ନିର୍ଦ୍ଦେଶକ ହେଉଛନ୍ତି ନିଜେ ମନ୍ତ୍ରୀ ସୂର୍ଯ୍ୟବଂଶୀ । କିଛି ସାଧୁ କର୍ମଚାରୀ ଏହି ଦୁର୍ନୀତିକୁ ନାପସନ୍ଦ କରିବା ସହ ଗୁପ୍ତରେ ଆମକୁ ସମସ୍ତ ତଥ୍ୟ ପ୍ରଦାନ କରିଛନ୍ତି ।କେଉଁ କାରଣରୁ ଆବେଦନକାରୀ ମେଧାବୀ ଛାତ୍ର ଶ୍ରୀ ସାହୁଙ୍କୁ ଲାଇବ୍ରେରୀ ଆଣ୍ଡ ଇନ୍‌ଫରମେସନ ସାଇନ୍ସର କୋ-ଅଡ଼ିନେଟର କହିଲେ ଯେ ଚାପର ବଶବର୍ତ୍ତୀ ହୋଇ ସେ ତାଙ୍କର ଆଡ଼ମିସନ୍ କରିପାରୁନାହାନ୍ତି ? ତାଙ୍କର ସ୍ଥାନ ସାମ୍‌ସ ଗ୍ୟାଙ୍କରେ ୧୩ ନମ୍ବର ସ୍ଥାନରେ ଥିଲେ ବି, ୧୫ ନମ୍ବର ସ୍ଥାନରେ ଥିବା ମିତ୍ରଭାନୁ ବଳଙ୍କୁ ନାମଲେଖ ପାଇଁ ସୁଯୋଗ ଦିଆଯାଇଛି। କୋ-ଅଡ଼ିନେଟର ଶ୍ରୀ ମହାପାତ୍ର କହିଲେ ଯେ ଚାକିରୀକୁ ଭୟକରି ସେ ଅନ୍ୟାୟକୁ ଗ୍ରହଣ କରିଛନ୍ତି । ଛାତ୍ର କଂଗ୍ରେସ ପକ୍ଷରୁ ପି.ଜି. କାଉନ୍‌ସିଲ ଚେୟାରମ୍ୟାନ ନବନୀତା ରଥ, କୁଳପତି ସବିତା ଆଚାର୍ଯ୍ୟ, ଉଚ୍ଚଶିକ୍ଷା ସଚୀବ ଅରବିନ୍ଦ ଅଗ୍ରୱାଲ ଓ କୁଳାଧୂପତି ମାନ୍ୟବର ରାଜ୍ୟପାଳଙ୍କ ଦୃଷ୍ଟିକୁ ଏହି ସମ୍ବେଦନଶୀଳ ଘଟଣା ବାରମ୍ବାର ଆଣିଲା ପରେ ବି ଫଳ କିଛି ମିଳୁନାହିଁ । ଏହି ନୀରବତା ଉତ୍କଳ ବିଶ୍ଵବିଦ୍ୟାଳୟରେ ଘଟିତ ଦୁର୍ନୀତିକୁ ଏମାନଙ୍କର ସମର୍ଥନ ଅଛି ବୋଲି ଜଣାଉଛି। ଏତଦ୍ୱାରା ସମସ୍ତ ସରକାରୀ ଶିକ୍ଷାନୁଷ୍ଠାନରେ ଶାସକ ଦଳର ଚାପ, ରାଜନେତାଙ୍କ ଧମକ ଓ ଅର୍ଥକାରବାର ମାଧ୍ୟମରେ ନାମଲେଖା ଚାଲିବ। ଏହାଫଳରେ ମେଧାବୀ ଛାତ୍ରଙ୍କ ସ୍ୱାର୍ଥ ଉପେକ୍ଷିତ ହେବ ଏବଂ ସାମ୍‌ସ ସଂସ୍ଥା ଏକ ଡ୍ରାମାବାଜୀରେ ପରିଣତ ହେବ। ଛାତ୍ର କଂଗ୍ରେସ ପକ୍ଷରୁ ଅଭିଯୋଗ କରାଯାଇଛି ଯେ ମନ୍ତ୍ରୀ ନିଜ ସରକାରୀ ବାସଭବନରେ ବେଆଇନ ଆଡ଼ମିସନର ଏକ ପ୍ରକୋଷ୍ଠ ଖୋଲିଛନ୍ତି । ସେହି ପ୍ରକୋଷ୍ଠ ମାଧ୍ୟମରେ ଶାସକ ଦଳର ଅନୁଗତ ଛାତ୍ରମାନେ ଯୋଗ୍ୟତା ନଥାଇ ଯେଉଁଠି ଚାହିଁବେ ବିନା ବାଧାରେ ଆଡ଼ମିସନ କରିପାରିବେ।ଯଦି ୟୁନିଭରସିଟି ଖୋଲିବାର ୨ ଦିନ ମଧ୍ୟରେ ଏହି ଦୁର୍ନୀତିରେ ଶିକାର ହୋଇଥିବା ଶ୍ରୀ ସାହୁଙ୍କୁ ଆଡ଼ମିସନ କରାନଯାଏ, ତେବେ ଛାତ୍ର କଂଗ୍ରେସ ପକ୍ଷରୁ ଉଚ୍ଚଶିକ୍ଷା ମନ୍ତ୍ରୀଙ୍କ ସରକାରୀ ବାସଭବନ ଘେରାଉ କରାଯିବ । ବିଚ୍ ରାସ୍ତାରେ ଶିକ୍ଷା ବିଭାଗରେ ଦୁର୍ନୀତିକୁ ପ୍ରୋତ୍ସାହନ ଦେଉଥୁବା ଶିକ୍ଷାମନ୍ତ୍ରୀଙ୍କୁ ଅପମାନିତ କରାଯିବ।ଏହି ସାମ୍ବାଦିକ ସମ୍ମିଳନୀରେ ଭୁବନେଶ୍ଵର ଲୋକସଭା କ୍ଷେତ୍ରରେ କଂଗ୍ରେସ ପ୍ରାର୍ଥୀ ୟାସିର ନୱାଜ, ମନୋଜ ବିଶ୍ଵାଳ, ଅଳେଶ ଯାଦବ, ଆଶିଷ ମହନ୍ତି, ସୌମ୍ୟ ବରାଳ, ରାଜେଶ ଦାସ, ବଳରାମ ଲେଙ୍କା, ପାର୍ଥ ସାରଥୀ ଜେନା ଓ ସନ୍ଦୀପ ଶେଖର ନାଏକ ପ୍ରମୁଖ ଉପସ୍ଥିତ ଥିଲେ ।

()ବାତ୍ୟା “ଦାନା”ର ମୁକାବିଲା ପାଇଁ ପ୍ରଶାସନକୁ ସଚେତନ କରିବା ଏବଂ ପ୍ରଭାବିତ ଲୋକଙ୍କ ନିକଟରେ ତୁରନ୍ତ ପହଞ୍ଚି ବିଭିନ୍ନ ସେବା ଯୋଗାଇବା ନିମନ୍ତେ ଆଜି ବାଲେଶ୍ଵର ଜିଲ୍ଲା ସ୍ତରରେ ବିଜୁ ଜନତା ଦଳର ଏକ Response Team ଗଠନ କରାଗଲା। ବିପର୍ଯ୍ୟୟ ପରିଚାଳନା କ୍ଷେତ୍ରରେ ଓଡ଼ିଶାକୁ ଏକ ମଡେଲ ରାଜ୍ୟରେ ପରିଣତ କରିଥିବା ପୂର୍ବତନ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ବାର୍ତ୍ତା ନେଇ ଦଳର ବରିଷ୍ଠ ନେତା ପ୍ରଣବ ପ୍ରକାଶ ଦାସ ଆସିଥିବା ବେଳେ ମୋ ସମେତ ଜିଲ୍ଲାର ସମସ୍ତ ବିଜେଡି ବିଧାୟକ ଓ ପୂର୍ବତନ ବିଧାୟକମାନେ ଏକତ୍ର ହୋଇ ବାତ୍ୟାରେ “ଜିରୋ କାଜୁଆଲିଟି ” ଲକ୍ଷ୍ୟ ହାସଲ ପାଇଁ ସଂକଳ୍ପବଦ୍ଧ ହେଲୁ । ଏହି ମର୍ମରେ ଏକ ସ୍ମାରକପତ୍ର ବାଲେଶ୍ଵର ବାତ୍ୟା ମୁକାବିଲା ଦାୟିତ୍ଵରେ ଥିବା ପୂର୍ବତନ ଜିଲ୍ଲାପାଳ ସୁଦର୍ଶନ ଚକ୍ରବର୍ତ୍ତୀଙ୍କୁ ପ୍ରଦାନ କରାଗଲା।