ଆଳୁ ଦର ବୃଦ୍ଧି ପାଇଛି। ଆଳୁ ଦର ବୃଦ୍ଧି ନେଇ ଲୋକେ କ୍ରୋଧିତ। ଲୋକେ ଯୋଗାଣ ମନ୍ତ୍ରୀଙ୍କୁ କହୁଛନ୍ତି ଆଳୁ ମନ୍ତ୍ରୀ। ଲୋକେ ମନ୍ତ୍ରୀଙ୍କୁ ପାଖରେ ପାଇଲେ ତାଙ୍କ ଚୋପା ଛଡ଼ାଇ ଦେବେ boli କହୁଛନ୍ତି । ଆଉ କାହାଣୀ ଶୁଣାନ୍ତୁ ନାହିଁ। ଜୁଲାଇ ମାସରୁ ଆଳୁ ସଙ୍କଟ ରହିଛି। ଆଜି ପର୍ଯ୍ୟନ୍ତ ସମାଧାନ କରିପାରୁ ନାହିଁ। ମୁଖ୍ୟମନ୍ତ୍ରୀ ମମତା ଙ୍କ ସହିତ କଥା ହୋଇଛନ୍ତି କି ନାହିଁ ସନ୍ଦେହ ହେଉଛି। ନବୀନ ଚିଠି ଲେଖିଥିଲେ ବୋଲି ସମସ୍ୟା ସମାଧାନ ହୋଇଥିଲା। କିନ୍ତୁ ସରକାର ପଡୋଶୀ ରାଜ୍ୟସହିତ ସମ୍ପର୍କ ରଖିପାରୁନାହାନ୍ତି ବୋଲି ଗୃହରେ କହିଛନ୍ତି ବିଜେଡି ବିଧାୟକ ଗୌତମ ବୁଦ୍ଧ ଦାସ। ଶୂନ୍ୟକାଳରେ ଉଠିଲା ଆଳୁ ସଂକଟ ପ୍ରସଂଗ ବିରୋଧୀ ଦଳ ମୁଖ୍ୟ ସଚେତକ ଆଳୁ ସଙ୍କଟ ନେଇ ରାଜ୍ୟ ସରକାରଙ୍କ ଉପରେ ବର୍ଷିଲେ l ଆଳୁ କେଉଁ ଟ୍ରେନ ରେ ଆସୁଛି, ତାହା ଇଞ୍ଜିନ କଣ ଟାନୁନାହିଁ କି? ଆଳୁ ସଙ୍କଟ ନେଇ ସରକାର କଡା ସମାଲୋଚନା କଲେ କଂଗ୍ରେସ ବିଧାୟକ ଦଳ ନେତା ରାମଚନ୍ଦ୍ର କାଡ଼ାମ l ଦରଦାମ ଏବେ ନିୟନ୍ତ୍ରଣ ବାହାରେ l ଆଳୁ କେଉଁ ଟ୍ରେନ ରେ ଆସୁଛି, ମନ୍ତ୍ରୀ କୁହନ୍ତୁ l ଏହା କଣ ଡବଲ ଇଞ୍ଜିନ ସରକାର l ବିଜେପି ସରକାର ଆସିଲା ପରେ ସବୁ ଦର୍ ଦାମ ବୃଦ୍ଧି ହେଉଛି l ଯୋଗଣ ମନ୍ତ୍ରୀ ୪ ମାସ ହେଲାଣି ଆଳୁ ଆଣିପାରୁ ନାହାନ୍ତି l ସରକାର ଏଥିରେ ବିଫଳ l ଯୋଗଣ ମନ୍ତ୍ରୀ ଶସ୍ତା ମନ୍ତବ୍ୟ ଦେଉଛନ୍ତି l ଯୋଗଣ ମନ୍ତ୍ରୀ ଗୃହରେ ଉତ୍ତର ରଖନ୍ତୁ l ଉତ୍ତର ପ୍ରଦେଶ ଯେଉଁ ଆଳୁ ଆସୁଛି, ତାହା ଗୋଟିଏ ପ୍ୟlକେଟ ୮ କିଲୋ ପଚା ଆଳୁ ଆସୁଛି l ଆଳୁ ପାଇଁ ଲୋକେ ହନ୍ତସନ୍ତ ହେଉଛନ୍ତି l ରାଜ୍ୟ ସରକାର କାହା ସହ ଆଲୋଚନା କରୁଛନ୍ତି କୁହନ୍ତୁ lଆଳୁ ସଙ୍କଟ ନେଇ ବିଜେଡି ବିଧାୟକ ଗଣେଶ୍ୱର ବେହେରା ବର୍ଷିଲେ l ଆଳୁ ନେଇ ଖାଉଟି ମାନେ ଆଶଙ୍କିତ l ସପ୍ତାହ ମଧ୍ୟରେ ଆଳୁ ଦୁଇ ଗୁଣା ବଢ଼ିଛି l ୩୦୦ ଟ୍ରକ୍ ଆଳୁ ଆସୁଛି ଟ୍ରେନ ରେ, ନା ହାତୀ ଆସୁଛି l ୩୦୦ ଟ୍ରକ୍ ଆଳୁ ବ୍ୟବସାୟୀ ଆଣୁଛନ୍ତି, ଯୋଗାଣ ବିଭାଗ ନୁହେଁ l ୩୦୦ ଟ୍ରକ୍ ଆଳୁ ଓଡ଼ିଶାର ଚାହିଦା ମେଣ୍ଟାଇ ପାରିବେ ନାହିଁ l ଓଡ଼ିଶାରେ 4000 ରୁ 4500 ମେଟ୍ରିକ୍ ଟନ୍ ଆଳୁ ଆବଶ୍ୟକ l ଯୋଗଣ ମନ୍ତ୍ରୀ ହାଲୁକା ମନ୍ତବ୍ୟ ନ ଦିଅନ୍ତୁ l ମୁଖ୍ୟମନ୍ତ୍ରୀ ଆଳୁ ସଙ୍କଟ ନେଇ ହସ୍ତକ୍ଷେପ କରନ୍ତୁ l ଏନେଇ ବାଚସ୍ପତି ନିର୍ଦ୍ଦିଷ୍ଟ ନିର୍ଦ୍ଦେଶ ଦେବାକୁ ବିଜେଡି ଦାବି କଲା l

ରାଜ୍ୟରେ ଆଇନ ଶୁଙ୍ଖଳା ବିପର୍ଯ୍ୟସ୍ତ ହୋଇଛି l  ବିଧାୟକ ବ୍ୟୋମକେସ ରାୟ କହିଛନ୍ତି, ନୂଆ ସରକାର ଆସିବା ପରେ ଅନେକ ତଦନ୍ତ ନିର୍ଦେଶ ଦିଆଯାଇଛି କିନ୍ତୁ ତଦନ୍ତ ରିପୋର୍ଟ ଆସିପାରିନାହିଁ | ସମସ୍ତଙ୍କ ପାଇଁ ଆଇନ ସମାନ ହେଉ, ପୋଲିସ ଏକ ପାଖିଆ କାର୍ଯ୍ୟାନୁଷ୍ଠାନ ନ ନେଉ | ନବୀନଙ୍କ ସମୟରେ ପୋଲିସ କ୍ଷେତ୍ରରେ ରାଜନୈତିକ ହସ୍ତକ୍ଷେପ ନଥିଲା | ଏବେ ରାଜନୈତିକ ହସ୍ତକ୍ଷେପ ଚାଲିଛି | ଅନେକ ନେତା ମନ୍ତ୍ରୀଙ୍କ ନାମରେ ମାମଲା ଥିଲା, ସିବିଆଇ ଇଡି ମାମଲା ଥିଲା କିନ୍ତୁ ବିଜେପି ଗଲା ପରେ, ମାମଲା ଠପ ହୋଇଗଲା | ଏହା ବିଜେପିର ଦୋ ମୁଁହା ନୀତି | ଗଣେଶ ଜଗଦେଵଙ୍କ ବିରୁଦ୍ଧରେ ବିଜେପି ସାମ୍ବାଦିକ ସମ୍ମିଳନୀରେ ଆରୋପ ଆଣିଲା ପରେ ସେ ବିଜେପିର ମିସିଲେ, ବୈଜଅନ୍ତ ପଣ୍ଡାଙ୍କ ଉପରୁ ମନୀ ଲଣ୍ଡରିଂ କେସ ମଧ୍ୟ ଉଠିଗଲା | ଜୟରାମ ପାଙ୍ଗିଙ୍କ ନାଁ ରେ ସିବିଆଇ କେସ ଥିଲା, ବିଜେପିରେ ଯୋଗଦେବା ପରେ ସେ କେସ ଉଠିଗଲା.l ରାଜ୍ୟପାଳଙ୍କ ପୁଅ ଯେଉଁ କେସ କଲେ, ତାଙ୍କ ଉପରେ କାର୍ଯ୍ୟାନୁଷ୍ଠାନ ନିଆଗଲା ନାହିଁ | ଚାନ୍ଦବାଲିରେ ଏକ ସଭାରେ ବିଜେପି ସଭାପତି ମନମୋହନ ସାମଲ 144 ଧାରା ସତ୍ତ୍ୱେ ରାଲି କଲେ | ଏଫଆଈଆର ହେବା ସତ୍ୱେ କାର୍ଯ୍ୟକାରୀ ହେଉନାହିଁ | ଯାଜପୁର ପ୍ରସଙ୍ଗ ଉଠାଇ କହିଛନ୍ତି, କୌଣସି ବିଧାୟକଙ୍କ ଉପରେ ଆକ୍ରମଣକୁ ଆମେ ନିନ୍ଦା କରୁଛୁ | ବିଧାୟକଙ୍କ ସମର୍ଥକଙ୍କୁ ଗିରଫ କରାଗଲା ନାହିଁ କାହିଁକି ? ପୋଲିସର ଏକ ପାଖିଆ କାର୍ଯ୍ୟାନୁଷ୍ଠାନକୁ ଆମେ ନିନ୍ଦା କରୁଛୁ ବୋଲି ବିଜେଡ଼ି ବିଧାୟକ ବ୍ୟୋମକେସ ରାୟ କହିଛନ୍ତି l

ସରକାର ଗଠନ ହେବାର 6 ଭିତରେ ସବୁ କ୍ଷେତ୍ରରେ ଶିଶୁ ମାନଙ୍କର ଦୁଷ୍କର୍ମ, ଗଣ ଦୁଷ୍କର୍ମ ବଢ଼ି ଚାଲିଛି । ଶପଥ ନେଲେ ବେଳେ କହୁଥିଲେ ନ୍ୟାୟ ବ୍ୟବସ୍ଥାକୁ ଠିକ୍ କରିବୁ । କିଛି ବରଦାସ୍ତ କରିବୁନି ବୋଲି କହିଥିଲେ । କିନ୍ତୁ ଦୁଷ୍କର୍ମ ବଢ଼ି ବଢ଼ି ଚାଲିଛି । ହେଲେ ସରକାର ମାନିବା ପାଇଁ ନାରାଜ । ମହିଳାଙ୍କ ପ୍ରତି ନିର୍ଯାତନା ବଢ଼ି ଚାଲିଛି । ନାରୀ, ଶିଶୁ ଅସୁରକ୍ଷିତ । ଆଇନଶୃଙ୍ଖଳା ବିପର୍ଯ୍ୟସ୍ତ ଅବସ୍ଥାରେ ପଡ଼ିଛି । ଶିଶୁ ବିକ୍ରି ହେଉଛି । ରାଜ୍ୟରେ ଅନାହାର, ଅପପୁଷ୍ଟି ହେଉଛି । ଡବଲ ଇଞ୍ଜିନ ସରକାରର ସମ୍ବିଧାନ ପ୍ରତି ସମ୍ମାନ ନାହିଁ ।

କେନ୍ଦୁଝରେ ଦେଢ଼ ବର୍ଷର ଶିଶୁ କନ୍ୟା ଦୁଷ୍କର୍ମ ଶିକାର ହୋଇଛି । ମୁଖ୍ୟମନ୍ତ୍ରୀ ଅଞ୍ଚଳରେ ଦେଢ଼ ବର୍ଷ ଶିଶୁ ବି ଯୌନ ନିର୍ଯାତନାର ଶିକାର ହେଉଛି । 16 ନଭେମ୍ବର 2024ରେ ବଲାଙ୍ଗୀର ବାଙ୍ଗୋମୁଣ୍ଡାରେ ରେ ଜଣେ ଝିଅକୁ ଦୁଷ୍କର୍ମ କରାଗଲା, ତାକୁ ବିଷ୍ଠା ବି ଖୁଆଇ ଦିଆଗଲା । ଗୋଟିଏ ଅଞ୍ଜନା ଘଟଣାରେ ସରକାର ବଦଳି ଗଲା । କିନ୍ତୁ ଏବେ କେତେ ଅଞ୍ଜନା ହେଉଛି । ରାମଚନ୍ଦ୍ର କଡ଼ାମ, କଂଗ୍ରେସ ବିଧାୟକ ଦଳ ନେତା

ବିରୋଧୀଙ୍କ ଅଭିଯୋଗ ସଂପୂର୍ଣ୍ଣ ନିରାଧାର | ମହିଳା ମାନଙ୍କ ବିରୋଧରେ ହେଉଥିବା ଅପରାଧ ଏକ ସାମାଜିକ ବ୍ୟାଧି | ଏହା ଦୀର୍ଘ ଦିନ ଧରି ଚାଲି ଆସିଚି | ଏହାକୁ ସଂପୂର୍ଣ୍ଣ ମୂଳୋତ୍ପାଟନ କରିବା ଆବଶ୍ୟକ ଏବଂ ସରକାର ସବୁ ପ୍ରକାର ଉଦ୍ୟମ କରୁଛନ୍ତି | ଏହା ଏକ ସୋସିଆଲ କ୍ୟାନ୍ସର | ଏହାକୁ ଭଲ କରିବା ପାଇଁ ସରକାର କେମୋ ଥେରାପିଠୁ ଜେନେଟିକ ଥେରୋପି କରିବା ପାଇଁ ସରକାର ପ୍ରସ୍ତୁତ ଅଛନ୍ତି | ଜୁଲାଇ ମାସରୁ ପ୍ରକ୍ରିୟା ଆରମ୍ଭ ହୋଇଛି | ମହିଳାଙ୍କ ବିରୁଦ୍ଧରେ ଅପରାଧ ବିରୁଦ୍ଧରେ ଶୂନ୍ୟ ସହନଶୀଳତା ନୀତି ଅବଲମ୍ବନ କରୁଛନ୍ତି ରାଜ୍ୟ ସରକାର | ତୁରନ୍ତ ତଦନ୍ତ ଏବଂ ଦଣ୍ଡ ବିଧାନ ଉପରେ ଗୁରୁତ୍ବ ଦିଆଯାଉଛି | 70ରୁ 90 ଦିନ ଭିତରେ ଦଣ୍ଡ ବିଧାନ ପ୍ରକ୍ରିୟା କରାଯାଉଛି…

• କଟକ ବାଦାମବାଡ଼ି ଘଟଣାରେ 6 ଜଣ ଅଭିଯୁକ୍ତଙ୍କ ଗିରଫ କରାଯାଇଛି•

ବାରଙ୍ଗ ମାମଲାରେ ମଧ୍ୟ ଅଭିଯୁକ୍ତକୁ ଗିରଫ କରାଯାଇଛି

• ସମ୍ବଲପୁର ଘଟଣାରେ 3 ଜଣ ଅଭିଯୁକ୍ତକୁ ଗିରଫ କରାଯାଇଛି

• ବଲାଙ୍ଗୀର ଜିଲ୍ଲାରେ ବଙ୍ଗୋମୁଣ୍ଡା ଘଟଣାରେ ଆସାମୀକୁ ଗିରଫ କରାଯାଇଛି

• ଭୁବନେଶ୍ୱର ନୟାପଲ୍ଲୀ ମାମଲାରେ ଦୁଇ ଜଣଙ୍କୁ ଗିରଫ ହୋଇଛନ୍ତି

ଅପରାଧୀ କେଉଁ ଦଳ, ବଳ, ଜ୍ଞାତି କୁଟୁମ୍ଭର ହୁଅନ୍ତୁ ଅବା ଜାତି ଧର୍ମ ହୁଅନ୍ତୁ ତାଙ୍କୁ କ୍ଷମା ନାହିଁ | ବିରୋଧୀ ଆଣିଥିବା ସମସ୍ତ ଅଭିଯୋଗ ନିରଧାର ବୋଲି ମୁଖ୍ୟମନ୍ତ୍ରୀଙ୍କ ତରଫରୁ ଉତ୍ତର ରଖିଛନ୍ତି ଆଇନ ମନ୍ତ୍ରୀ ପୃଥ୍ୱୀରାଜ ହରିଚନ୍ଦନ…

ରାଜ୍ୟରେ ଆଇନ ଶୁଙ୍ଖଳା ପରିସ୍ଥିତି କାହିଁକି ବିଗିଡି ଯାଇଛି ତାହାକୁ ବିଧାନସଭାରେ ବଖାଣିଛନ୍ତି ବରିଷ୍ଠ ବିଜେଡ଼ି ବିଧାୟକ ଅରୁଣ ସାହୁ l ବିଜେପିର ପାନ ଖିଆ ଛେତେଲା ପାଟିଆ ଏସପି ଓ ଆଇଆଇସିସିକୁ ଫୋନ କରି ଡରାଉଛନ୍ତି l ବିଜେପିର କୁଜି ନେତା ବି ପୋଲିସ୍ କୁ କହୁଛି ରାଜ୍ୟରେ ଆମ ସରକାର ଚାଲିଛି, ତେଣୁ ଆମେ ଯାହା କହିବୁ କରିବ ପୋଲିସ l

ବିଜେଡ଼ି ବିଧାୟକ ଅରୁଣ ମୁଲତବୀ ଆଲୋଚନା ରେ ଭାଗ ନେଇ କଡ଼ା ସମାଲୋଚନା କରିଛନ୍ତି ବିଜେପି ସରକାର କୁ। 100 ଦିନରେ ସବୁ ସମାଧାନ କରିଦେବେ ବୋଲି କହିଥିଲେ କିନ୍ତୁ 150 ଦିନ ବିତି ବାକୁ ବସିଲାଣି। ଶ୍ରୀମନ୍ଦିର 4 ଦ୍ଵାରା ଖୋଲିଦେଲେ, ମହିଳା ମାନେ ଦଳାଚକଟା ର ଶିକାର ହେଲେ। ଆଜି 4 ଦ୍ଵାର କଣ ଖୋଲା ଅଛି କି ବୋଲି ପ୍ରଶ୍ନ କରିଛନ୍ତି। ରଥଯାତ୍ରା ବିଭ୍ରାଟ, ରାଜ୍ୟପାଳଙ୍କ ପୁଅ ମାଡ ପ୍ରସଙ୍ଗରେ କୁଆଡେ ଗଲା ତଦନ୍ତ ରିପୋର୍ଟ। ଜୁନ ରୁ ଅକ୍ଟୋବର ମଧ୍ୟରେ 1250 ମହିଳା ଦୁଷ୍କର୍ମର ଶିକାର ହୋଇଛନ୍ତି। ଚୋରି ଲୁଟ ଛିନ ତାଇ ରେ ଭୁବନେଶ୍ବର ଏକ ନମ୍ବର। ଏହା କେବଳ ହୋଇଛି ଦାୟିତ୍ଵ ହୀନ ମନ୍ତବ୍ୟ ପ୍ରତିଫଳନ। ଡକାୟତି ରେ ସମ୍ବଲପୁର ପ୍ରଥମ। ଭରତପୁର ଥାନା ଘଟଣାରେ ଦିଲ୍ଲୀ ରୁ ଯେତେବେଳେ ନିର୍ଦ୍ଦେଶ ଆସିଲା, ଆମେ ଯେତେବେଳେ ଭୁବନେଶ୍ବର ବନ୍ଦ ଡାକରା ଦେଲୁ ସେତେବେଳେ ରାତି ଅଧରେ ନ୍ୟାୟିକ ତଦନ୍ତ ନିର୍ଦ୍ଦେଶ ଦେଲେ। ନାବାଳିକା ବିବାହ, ଶିଶୁ ବିକ୍ରୀ ବଢୁଚି । ମୟୁରଭଞ୍ଜ ଭଳି ଶାନ୍ତ ଜିଲ୍ଲାରେ ଗତ ପାଞ୍ଚ ମାସରେ 52 ଟି ଦୁଷ୍କର୍ମ ଘଟଣା ଘଟିଛି। ଆମ୍ବ ଟାକୁଆ ଯାଉ ଖଣି ମହିଳାଙ୍କ ଜୀବନ୍ ଗଲା। ଭିଆଇପି ସୁରକ୍ଷାରେ ବର୍ତ୍ତମାନ୍ ପୁରା ବ୍ୟବସ୍ଥା ଲାଗିଛି କିନ୍ତୁ ଟ୍ରାଫିକ୍ ବ୍ୟବସ୍ଥା ବିପର୍ଯ୍ୟସ୍ତ। ଆଗକୁ DG ସମ୍ମିଳନୀ ଅଛି। ସେଥିରେ ବିଜେପି ସଦସ୍ୟ ମାନେ ଏକଥା ଉଠାନ୍ତୁ। ତାସହ ଦିଲ୍ଲୀ ରୁ ରିମୋର୍ଟ କଣ୍ଟ୍ରୋଲ କାଢି ଓଡିଶା ଦିଅନ୍ତୁ ବୋଲି ଦାବି କରନ୍ତୁ ବୋଲି ବିଜେଡ଼ି ବିଧାୟକ ଅରୁଣ ସାହୁ କହିଛନ୍ତି।

ପୁରୁଣା ପ୍ରେମକୁ କିଏ କଣ କେବେ ଭୁଲିପାଇବ l ସବୁବେଳେ ସେ ପ୍ରେମ ସ୍ମୃତି ହୋଇ ରହିବ l ସୁଖରେ ଦୁଃଖରେ ପରସ୍ପର ଇଚ୍ଛା ନଥିଲେ ମଧ୍ୟ ସହଯୋଗର ହାତ ଆପେ ଆପେ ବଢ଼ିଯାଏ l ସତ ଯେମିତି ଲୁଚି ରହେନା ଆପେ ଆପେ ସେ କଥା ମୁହଁରୁ ବହିଆସେ l ବୁଧବାର ବିଜେଡି ଓ ବିଜେପି ସମ୍ଫର୍କ କଥା ବିଧାନସଭାରେ ବଖାଣିଛନ୍ତି ରାଜସ୍ବ ମନ୍ତ୍ରୀ ସୁରେଶ୍ ପୂଜାରୀ l ପୂର୍ବତନ ମନ୍ତ୍ରୀ ତଥା ବିଜେଡ଼ିର ବରିଷ୍ଠ ବିଧାୟକ ରଣେନ୍ଦ୍ର ପ୍ରତାପ ସ୍ଵାଇଁ ବର୍ତ୍ତମାନ ମନ୍ତ୍ରୀ ସୁରେଶ୍ ପୂଜାରୀଙ୍କୁ କିପରି କଂଗ୍ରେସ ଅତ୍ୟାଚାରରୁ ରକ୍ଷା କରିଥିଲେ ଓ ତାଙ୍କ ବିରୋଧରେ ଦାୟର ହୋଇଥିବା ମିଥ୍ୟା ମକଦ୍ଦମା ପାଇଁ ଲଢ଼େଇ କରିଥିଲେ ତାହାକୁ ବିଧାନସଭାରେ କହୁଥିଲେ ସୁରେଶ l ନିଜ ଆସନରେ ବସି ଶୁଣି ମୁରୁକି ମୁରୁକି ହସୁଥିଲେ ରଣେନ୍ଦ୍ର l

ସବୁଠାରୁ ବଡ କଥା ହେଉଛି ବିଜେପି ଓ ବିଜେଡି ମେଣ୍ଟ ପଛରେ ଥିବା ବଡ ରହସ୍ୟ ପେଡ଼ିକୁ ଖୋଲିଥିଲେ ମନ୍ତ୍ରୀ ସୁରେଶ ପୂଜାରୀ l ଓଡ଼ିଶାରେ କଂଗ୍ରେସକୁ ମୂଳପୋଛ କରିବା ପାଇଁ ବିଜେପି ବିଜେଡି ସହ ମେଣ୍ଟ କରିଥିଲା ବୋଲି ବିଧାନସଭାରେ କହିଥିଲେ ବିଜେପିର ବରିଷ୍ଠ ନେତା ତଥା ରାଜସ୍ବ ମନ୍ତ୍ରୀ ସୁରେଶ ପୂଜାରୀ l ସୁରେଶଙ୍କ ଏ କଥାରେ କେତେ ସତ କେତେ ଗପ ତାହା ତ ଓଡିଶାବାସୀଙ୍କୁ ଜଣାନାହିଁ l ହେଲେ ବିଜେଡି ଓ ବିଜେପି ମଧ୍ୟରେ ଥିବା ପ୍ରେମ ଧୀରେ ଧୀରେ ନିକଟର ତର ହେବାକୁ ଯାଉଛି ତାହା କିନ୍ତୁ ଓଡିଶାବାସୀ ଦୁଇ ଦଳର ରାଜନୈତିକ ଆଭିମୁଖ୍ୟ ଦେଖି ଜାଣିପାରୁଛନ୍ତି l

ବିଧାନସଭାରେ କଂଗ୍ରେସ ଓ ବିଜେଡି ଶାସକ ବିଜେପିକୁ ବିଭିନ୍ନ ପ୍ରସଙ୍ଗରେ ଘନଘନ ଆକ୍ରମଣ କରୁଥିବାରୁ ମନ୍ତ୍ରୀ ସୁରେଶ୍ ପୂଜାରୀ ଏପରି ଚତୁର ରାଜନୈତିକ ବୟାନ ବିଜେଡି ଓ ବିଜେପି ମେଣ୍ଟ ରହସ୍ୟ ଅପେକ୍ଷା ବିଜେଡି ଓ କଂଗ୍ରେସ୍ ରଣନୀତି ଉପରେ ପ୍ରଭାଵ ପକାଇବ ବୋଲି ରାଜନୈତିକ ସମୀକ୍ଷକମାନେ ଆକଳନ କରିଛନ୍ତି l ବିଜେଡି ଓ ବିଜେପି ଉଭୟ କଂଗ୍ରେସ୍ ବିରୋଧୀ ଆଭିମୁଖ୍ୟକୁ ନେଇ ରାଜନୀତି କରନ୍ତି ତାହା କାହାକୁ ଅଛପା ନୁହେଁ l ସୁରେଶ ଙ୍କ ମନ୍ତବ୍ୟ ପରେ ବିଜେଡି ଓ କଂଗ୍ରେସ ଏହାର ଜବାବ କିପରି ଦେଉଛନ୍ତି ତାହା ଦେଖିବାର କଥା l

()ଟିଭି ପରଦାରେ ନୀତି ଓ ନୈତିକତାର କଥା ବଖାଣୁଥିବା ବରିଷ୍ଠ ସାମ୍ବାଦିକ ଅର୍ଦ୍ଧେନ୍ଦୁ ଦାସ ନିଜସ୍ବ ସ୍ବାର୍ଥ ପାଇଁ ଯେ କେତେ ତଳ ସ୍ତରକୁ ଖସିଯାଇପାରନ୍ତି ତାହାର ପେଡ଼ି ଖୋଲିଛନ୍ତି ବିଜେଡ଼ିର ପୂର୍ବତନ ସାଂଗଠନିକ ସମ୍ପାଦକ ପ୍ରଣବ ପ୍ରକାଶ ଦାସ(ବବି ଦାସ)। ଦଳୀୟ ଟିକେଟ ହାତେଇବା ପାଇଁ ପ୍ରଣବ ପ୍ରକାଶ ଦାସଙ୍କ ବାପାଙ୍କୁ ପ୍ରଶଂସା କରିଥିଲେ ଅର୍ଦ୍ଧେନ୍ଦୁ । ତାଙ୍କ ବିଷୟରେ ତଥ୍ୟ ସଂଗ୍ରହ କରି ୩୦ ମିନିଟ ଧରି ବବିଙ୍କ ଆଗରେ ତାଙ୍କର ଗୁଣଗାନ କରଥିଲେ । ଆଶାଥିଲା ବବି ତାଙ୍କୁ ଜଟଣୀ ବିଧାୟକ ପ୍ରାର୍ଥୀ ପାଇଁ ସୁପାରିଶ କରିଦେବେ ନବୀନଙ୍କ ନିକଟରେ । କିନ୍ତୁ ସାଂଗଠନିକ ଦାୟିତ୍ବର ମଙ୍ଗ ଧରିଥିବା ବବି ନିଜର ନୀତି ଓ ନୈତିକତା ଓ ଦାୟିତ୍ବକୁ ଜଳାଞ୍ଜଳି ଦେବାକୁ ଚାହିନଥିଲେ । ସମାନର ସହ ବରିଷ୍ଠ ସାମ୍ବାଦିକ ଅର୍ଦ୍ଧେନ୍ଦୁ ଦାସଙ୍କ ସଫା ସଫା ଶୁଣାଇଥିଲେ ଟିକେଟ ପାଇଁ ସେ ତାଙ୍କ ନାଁ ସୁପାରିଶ କରିବେନି । ବାସ ତା ପର ଠାରୁ ବବିଙ୍କ ବଦନାମ କରିବାକୁ ଅହରହ ପ୍ରାୟୋଜିତ ଉଦ୍ୟମ କରିଥିଲେ ଅର୍ଦ୍ଧେନ୍ଦୁ । ଏପରି କଥା କହି ପ୍ରଣବ ବରିଷ୍ଠ ସାମ୍ବାଦିକ ଓ ବିଧାୟକ ହେବାକୁ ଇଚ୍ଚା ପ୍ରକାଶ କରିଥିବା ଅର୍ଦ୍ଧେନ୍ଦୁ ଦାସଙ୍କ ଅସଲ ଚରିତ୍ର ପଞ୍ଜିକା ଗଣମାଧ୍ୟମ ଆଗରେ ଖୋଲିଛନ୍ତି । ବିରଜା ହାଟ ବିବାଦରେ ପ୍ରଣବ ଦାସଙ୍କର ନିଜସ୍ବ ସ୍ବାର୍ଥ ଥିବା କିଛି ଗଣମାଧ୍ଯମରେ ପ୍ରକାଶ ପାଇଥିବା ଖବର ଉପରେ ମଧ୍ଯ ପ୍ରତିକ୍ରିୟା ଏହା କହିଛନ୍ତି ବିଜେଡ଼ିର ବରିଷ୍ଠ ନେତା ତଥା ପୂର୍ବତନ ବିଧାୟକ ପ୍ରଣବ ପ୍ରକାଶ ଦାସ । ପ୍ରଣବ ଅଭିଯୋଗ କରିଛନ୍ତି ଯେ ଏବେ ନ୍ଯୁଜ ଅପେକ୍ଷା ଅଧିକ ଭ୍ଯୁଜ ଚାଲିଛି । ମୋ ବିଷୟରେ କହିଲେ ଟିଆରପି ବଢିବ ବୋଲି କିଛି ଗଣମାଧ୍ଯମ ସେହପରି ଖବର ପ୍ରସାରଣ କରୁଛନ୍ତି । ଖବର ପ୍ରକାଶ ପୂର୍ବରୁ ସଂପୃକ୍ତ ଗଣମାଧ୍ଯମ ଅନୁଧ୍ଯାନ କରିବାର ଆବଶ୍ଯକ ଥିଲା । ଯେଉଁଠି ପ୍ରକଳ୍ପ ହେଉଛି ସେଠି ମୋ ପରିବାରର ମଧ୍ଯ ଜମି ଅଛି । ବ୍ଯବସାୟୀଙ୍କ ପାଇଁ ଆବଶ୍ଯକ ହେଲେ ମୁଁ ମୋ ପରିବାରକୁ ବୁଝାଇ ଜମି ହସ୍ତାନ୍ତର କରିବାକୁ ରାଜି କରାଇବି । ଓଏଲଆର କେସରେ ଆମ ମାମୁ ଘରର ତିନି ଏକର ଜମି ୨୦୦୯ ପୂର୍ବରୁ ସରକାର ନେଇ ସାରିଛନ୍ତି । ଅର୍ଦ୍ଧେନ୍ଦୁ ଦାସଙ୍କର ରାଜନୀତିରେ ପ୍ରବଳ ଆଗ୍ରହ ଥିଲା । ସେ ମୋତେ ବିଜେଡି ଟିକେଟ ପାଇବା ପାଇଁ ୫୦ରୁ ଅଧିକ ଥର ଫୋନ କରିଛନ୍ତି । ସେ ମୋତେ ଅଘୋଷିତ ରାଜା ବୋଲି କହିଛନ୍ତି । କିନ୍ତୁ ମୁଁ ଅଘୋଷିତ ନୁହେଁ, ବିଜେଡିର ଘୋଷିତ ସାଙ୍ଗଠନିକ ସମ୍ପାଦକ ଥିଲି । ମୁଁ ତାଙ୍କୁ ଖାଇବାକୁ ଡାକି ଅଧ ଘଣ୍ଟା ଆଲୋଚନା କରିଥିଲି।ଜଟଣୀରୁ ବିଧାୟକ ପ୍ରାର୍ଥୀ ହେବାକୁ ଆଶାୟୀ ଥିଲେ ଅର୍ଦ୍ଧେନ୍ଦୁ । ତାଙ୍କ ନାଁ ସୁପାରିସ କରିବାକୁ ସେ ପ୍ରଣବ ଦାସଙ୍କ ଉପରେ ଚାପ ପକାଇଥିଲେ। ଯାହାକୁ ପ୍ରଣବ ପ୍ରକାଶ ସେତେବେଳେ ଅଗ୍ରାହ୍ଯ କରିଦେଇଥିଲେ। କାରଣ ବିଜେଡିର ପୂର୍ବତନ ବିଧାୟକ ବିଭୂତି ବଳବନ୍ତରାୟ ଦଳର ଜଣେ କର୍ତ୍ତବ୍ଯନିଷ୍ଠ କର୍ମୀ ଥିଲେ। ବିଭୂତିଙ୍କୁ ହତାଦର କରିବାକୁ ମୋ ବିବେକ ବାଧା ଦେଇଥିଲା । ସେହିଦିନଠାରୁ ଅର୍ଦ୍ଧେନ୍ଦୁଙ୍କର ମୋ ଉପରେ ରାଗ ରହିଛି । ଆଗକୁ ମୋ ପରିବାର ବିଷୟରେ କହିବା ପୂର୍ବରୁ ଟିକେ ରିସର୍ଚ୍ଚ କରି କହିବାକୁ ଅର୍ଦ୍ଧେନ୍ଦୁ ଦାସଙ୍କୁ ପରାମର୍ଶ ଦେଇଛନ୍ତି ପ୍ରଣବ। ପ୍ରଣବ ପ୍ରକାଶ ଦାସ କହିଛନ୍ତି ଯେ ଆମ ସରକାର ଥିବାବେଳେ ଆମେ କଥା କମ କହୁ, କାମ ଅଧିକ କମ କରନ୍ତି । ବାରମ୍ବାର ଅର୍ଦ୍ଧେନ୍ଦୁ ଦାସ ଉର୍ଦ୍ଦେଶ୍ୟମୂଳକ ଭାବେ ମୋ ବିରୋଧରେ କହୁଥିବାରୁ ମୁଁ ବାଧ୍ୟ ହୋଇ ତାଙ୍କ ବିଷୟରେ କହୁଛି । ତାଙ୍କର ବଡ଼ ଇଚ୍ଚାଥିଲା ରାଜନୀତି କରିବାକୁ । ସେ କରନ୍ତୁ । ହେଲେ ଅନ୍ୟକୁ ବଦନାମ କରିବା ପୂର୍ବରୁ ଟିକେ ରିସର୍ଚ୍ଚ କରି କହିବାକୁ ମୁଁ ତାଙ୍କୁ ପରାମର୍ଶ ଦେଉଛି । ତେବେ ଏ ପ୍ରସଙ୍ଗରେ ଅର୍ଦ୍ଧେନ୍ଦୁ ଦାସଙ୍କ ପ୍ରତିକ୍ରିୟା ମିଳିପାରିନାହିଁ ।