() ଓସିଏ ସଭାପତି ଭାବେ ବିନା ପ୍ରତିଦ୍ବନ୍ଦିତାରେ ମୁକୁଟ ପିନ୍ଧିଛନ୍ତି ପ୍ରଣବ ପ୍ରକାଶ ଦାସ (ବବି)। ବବିଙ୍କ ଏଣ୍ଟ୍ରି ପରେ ଏଣିକି ସିଧାସଳଖ ହକି,ଫୁଟବଲ,ଆଥଲେଟିକ୍ସ ପରି ଓଡିଶାରେ କ୍ରିକେଟ ଚମକିବ।ସମସ୍ତ ଙ୍କର ଆଶା ବବି ଓସିଏ ସଭାପତି ହେବା ପରେ କ୍ରିକେଟ ମ୍ୟାନେଜମେଣ୍ଟ ରେ ଆଖିଦୃଶିଆ ପରିବର୍ତ୍ତନ ହେବ। ଜଣେ ବାସ୍ତବବାଦୀ, ଦୂରଦୃଷ୍ଟି ସଂପନ୍ନ ତଥା ବିଚକ୍ଷଣ ନେତା ଭାବେ ସେ ରାଜନୀତି ପରି କ୍ରୀଡାରେ କିଛି କରିସ୍ମା କରି ଦେଖାଇବେ। କେବଳ ଭିତ୍ତିଭୂମି ନୁହେଁ ବରଂ କ୍ରିକେଟ ପ୍ରତିଭା ଖୋଜିବାରେ ତାଙ୍କ ଅଭିମୁଖ୍ୟ ଓଡିଶା କୁ ଆଗକୁ ନେଇ ପାରିବ ବୋଲି ସମସ୍ତଙ୍କର ଆଶା ଓ ବିଶ୍ବାସ । ଆଜି ବିଧିବଦ୍ଧ ଭାବେ ଓସିଏ ନିର୍ବାଚନ ଅଧିକାରୀ ଘୋଷଣା କରିଥିଲେ ନବ ନିର୍ବାଚିତ ଟିମ୍ l ସଭାପତି ପାଇଁ ପ୍ରଣବ ପ୍ରକାଶ ଦାସ, ସଂପାଦକ ପ୍ରାର୍ଥୀ ସଂଜୟ ବେହେରା, ଉପସଭାପତି-ପଙ୍କଜ ଲୋଚନ ମହାନ୍ତି, ଯୁଗ୍ମ ସଂପାଦକ ପ୍ରଭାତ ଭୋଳ, କୋଷାଧ୍ୟକ୍ଷ-ବିକାଶ ପ୍ରଧାନ, ଆପେକ୍ସ କାଉନସିଲ ସଦସ୍ୟ-ପ୍ରତାପ ପ୍ରଧାନ ।

ଓସିଏ ସଭାପିତ ହେବା ପରେ ପ୍ରଣବ ପ୍ରକାଶ ଦାସ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଓସିଏକୁ ନେଇ ବଡ ସ୍ଵପ୍ନ ଦେଖିଥିବା କହିଛନ୍ତି l ଗ୍ରାମାଞ୍ଚଳ ରୁ କିପରି ଅଧିକ ପ୍ରତିଭା କ୍ରିକେଟକୁ ଆସିବେ ତାହା ଉପରେ ଅଧିକ ଗୁରୁତ୍ବ ଦିଆଯିବ l ୩୦ଟି ଜିଲ୍ଲାରେ କ୍ରିକେଟ କ୍ରୀଡାର କିପରି ଭିତ୍ତିଭୂମି ବିକାଶ ହେବ ତାହା ଉପରେ ଫୋକସ କରାଯିବ ବୋଲି ବିଧିବଦ୍ଧ ଭାବେ ଦାୟିତ୍ଵ ନେବା ପରେ ଓସିଏ ସଭାପତି ପ୍ରଣବ ପ୍ରକାଶ ଦାସ ଗଣ ମଧ୍ୟମ କହିଥିଲେ l ଗତକାଲି BCCI ପୁରୁଷ କ୍ରିକେଟରଙ୍କ ସହ ମହିଳା କ୍ରିକେଟରଙ୍କୁ ସମାନ ପାରିଶ୍ରମିକ ଘୋଷଣା କରିଛି. ଏହାର ଦିନକ ପୂର୍ବରୁ ଓଡ଼ିଶାରେ ମହିଳା କ୍ରିକେଟକୁ ଆଗେଇବାକୁ ବବି OCA ର ଅନ୍ୟ କର୍ମକର୍ତ୍ତାଙ୍କ ସହ ଆଲୋଚନା କରି ସାରିଛନ୍ତି .ଅନ୍ୟପଟେ ଓସିଏର ପିତାମହ ଆଶୀର୍ବାଦ ବେହେରା କହିଛନ୍ତି ଯେ ଓସିଏରେ ଆଜିଠାରୁ ନୂଆ ଯୁଗ ଆରମ୍ଭ ହେଲା l ମୁଖ୍ୟମନ୍ତ୍ରୀଙ୍କ ପ୍ରିୟ ପ୍ରଣବ ପ୍ରକାଶ ଦାସ ଓସିଏ ମଙ୍ଗ ଧରିଛନ୍ତି l ତେଣୁ ଓଡ଼ିଶାରେ ବାରବାଟୀ ଆହୁରି ଚମକିବ l

() ବିଜେଡ଼ି ଏକ ରାଜନୈତିକ ଦଳ ନୁହେଁ , ଏକ ଆନ୍ଦୋଳନ । ସାଢେ ଚାରିକୋଟି ଓଡ଼ିଆଙ୍କ ବିଶ୍ବାସ ଓ ଭରସାର ଦଳ ବିଜେଡ଼ି । ୨୫ ବର୍ଷ ଧରି ପୂରା ଓଡ଼ିଶାକୁ ନିଜର ପରିବାର ଭାବି ସେବା କରି ଆସୁଛନ୍ତି ବିଜେଡ଼ି ସୁପ୍ରିମୋ ତଥା ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ । ନୂଆ ଓଡ଼ିଶା ଓ ସଶକ୍ତ ଓଡ଼ିଶା ଗଠନ ପ୍ରକ୍ରିୟା ଜାରି ରଖିଛନ୍ତି ନବୀନ । ନବୀନଙ୍କ ଏହି ନୂଆ ଓଡ଼ିଶା ଗଠନର ମୁଖ୍ୟ ସିପାହୀ ସାଜିଛନ୍ତି ମହିଳାମାନେ । ସାମାଜିକ ଓ ରାଜନୈତିକ କ୍ଷେତ୍ରରେ ମହିଳାଙ୍କୁ ସ୍ବାବଲମ୍ବୀ ଓ ସଶକ୍ତ କରିବା ପାଇଁ ମୁଖ୍ୟମନ୍ତ୍ରୀ ପଟ୍ଟନାୟକ ସବୁବେଳେ ଆଗଭର । ଯେଉଁଥି

ପାଇଁ ନବୀନ ସାଜିଛନ୍ତି ଶ୍ରେଷ୍ଠ ପ୍ରଶାସକ, ନମ୍ବର ଓ୍ବାନ ମୁଖ୍ୟମନ୍ତ୍ରୀ । ମହିଳା ସଶକ୍ତୀକରଣ କେବଳ କଥାରେ ନୁହେଁ , ବରଂ କାମରେ କରି ଦେଖାଇଛନ୍ତି ନବୀନ । ମିଶନ ଶକ୍ତି ଜରିଆରେ ୭୦ ଲକ୍ଷରୁ ଅଧିକ ମହିଳାଙ୍କୁ ଆର୍ଥିକ ଓ ସାମାଜିକ କ୍ଷେତ୍ରରେ ସ୍ବାବଲମ୍ବୀ କରି ସାରା ଦେଶ ପାଇଁ ସାଜିଛନ୍ତି ଉଦାହରଣ । ରାଜନୈତିକ କ୍ଷେତ୍ରରେ ମଧ୍ୟ ମହିଳାମାନଙ୍କୁ ବହୁତ ଆଗକୁ ନେବାକୁ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଲଢେଇ ଜାରି କରିଛନ୍ତି । ୩୩ ପ୍ରତିଶତ ମହିଳା ସଂରକ୍ଷଣ କରିବା ପାଇଁ ଲଢେଇ ଜାରି ରଖିଛନ୍ତି । ଓଡ଼ିଶାରେ ରାଜନୈତିକ କ୍ଷେତ୍ରରେ ମହିଳାମାନଙ୍କୁ ଅଧିକ ଗୁରୁତ୍ବ ଦେଇଛନ୍ତି ନବୀନ । ପଂଚାୟତ ଓ ପୌର ନିର୍ବାଚନରେ ୫୦ ପ୍ରତିଶତରୁ ଅଧିକ ମହିଳାଙ୍କୁ ପ୍ରାର୍ଥୀ କରି ଉଦାହରଣ ସାଜିଛନ୍ତି । ଫଳରେ ୯୦ ପ୍ରତିଶତ ଜିଲ୍ଲା ପରିଷଦ ଅଧ୍ୟକ୍ଷ ଓ ପୌରାଧ୍ୟକ୍ଷର ନେତୃତ୍ବ ମହିଳା ନେଉଛନ୍ତି । ସେହିପରି ଉଭୟ ଲୋକସଭା ଓ ରାଜ୍ୟସଭାରେ ଓଡ଼ିଶାର ମହିଳା ସାଂସଦଙ୍କ ସଂଖ୍ୟା ମଧ୍ୟ ଦିନକୁ ଦିନ ବଢିବଢି ଚାଲିଛି । ଏସବୁ କଥା ପ୍ରମାଣିତ କରିଛି ନବୀନ ମାଆମାନଙ୍କୁ ଆଗକୁ ନେବାରେ କେତେ ଚିନ୍ତିତ।

ଏବେ ଧାମନଗର ଉପ ନିର୍ବାଚନ । ନଭେମ୍ବର ୩ ତାରିଖରେ ହେବ ଭୋଟ । ରାଜ୍ୟର ୩ ପ୍ରମୁଖ ରାଜନୈତିକ ଦଳ ନିର୍ବାଚନୀ ବୈତରଣୀ ପାର ହେବା ପାଇଁ ଜୋରଦାର କସରତ କରୁଛନ୍ତି । ଧାମନଗରରେ ପ୍ରଚାର ମଧ୍ୟ ଜମୁଛି । ହେଲେ ଧାମନଗର ନିର୍ବାଚନ ତାରିଖ ଘୋଷଣା ପରେ ବିଜେଡ଼ି ପ୍ରାର୍ଥୀ ଘୋଷଣା ପୂରା ଓଡ଼ିଶାକୁ ହଲଚଲ କରିଥିଲା । ନବୀନଙ୍କ ନିଷ୍ପତ୍ତି କେବଳ ଶାସକ ବିଜେଡ଼ି କି ଧାମନଗରବାସୀଙ୍କୁ ନୁହେଁ, ବରଂ ପୂରା ଓଡ଼ିଶାକୁ ଚକିତ କରିଦେଲା । ରେସରେ ଥିବା ବହୁ ନେତା ବାଦ ଦେଇ ନବୀନ ଜଣେ ମିଶନ ଶକ୍ତି ମହିଳାଙ୍କୁ ବିଧାୟିକା ପ୍ରାର୍ଥୀ ଭାବେ ମଇଦାନକୁ ଓହ୍ଲାଇଲେ । ନବୀନଙ୍କ ଏ ନିଷ୍ପତ୍ତି ଅନେକଙ୍କୁ ଆଶ୍ଚର୍ଯ୍ୟ କରିପାରେ । କିନ୍ତୁ ମହିଳାଙ୍କୁ ରାଜନୈତିକ କ୍ଷେତ୍ରକୁ ଆଣିବା ଲାଗି ନବୀନ ନେଇଥିବା ସଂକଳ୍ପ ଯେ ଗୋଟେ ପ୍ରକ୍ରିୟା ତାହା ଅଳ୍ପ ବହୁତେ ସମସ୍ତଙ୍କୁ ଜଣା । ୨୦୧୯ରେ ପରେ ୬ଟି ନିର୍ବାଚନ ହୋଇଛି । ଏଥୁରୁ ୫ଟି ଉପ ନିର୍ବାଚନ ଓ ପାଟକୁରା ନିର୍ବାଚନ । ଏହି ୫ଟି ନିର୍ବାଚନ ମଧ୍ୟରୁ ୩ଟି ମହିଳା ପ୍ରାର୍ଥୀ କରିଛନ୍ତି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ । ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ନିଷ୍ପତ୍ତିକୁ ମତଦାତାମାନେ ଗ୍ରହଣ କରି ବଡ଼ ବିଜୟ କରାଇଛନ୍ତି । ବିଜେପୁରରେ ବିଧାୟିକା ପ୍ରାର୍ଥୀ ରୀତା ସାହୁ ବଡ଼ ବ୍ୟବଧାନରେ ପ୍ରଥମେ ୪୩ ହଜାରୁ ଅଧିକ ଭୋଟ ଓ ପରେ ୧ ଲକ୍ଷରୁ ଅଧିକ ଭୋଟରେ ନିର୍ବାଚିତ ହୋଇଥିଲେ । ଭୋଟ ପ୍ରତିଶତ ହାର ୭୪ .୬୭ ପ୍ରତିଶତ ରହିଥିଲା । ସେହିପରି ବ୍ରଜରାଜନଗର ଉପ ନିର୍ବାଚନରେ ବିଜେଡ଼ି ଅଳକା ମହାନ୍ତିଙ୍କୁ ପ୍ରାର୍ଥୀ କରିଥିଲା । ଅଳକା ମହାନ୍ତି ମଧ୍ୟ ରେକର୍ଡ଼ ସଂଖ୍ୟକ ଭୋଟରେ ଜିତିବା ସହ ୬୧.୮୫ ପ୍ରତିଶତ ଭୋଟ ହାତେଇଥିଲେ । ସେହିପରି ପାଟକୁରା ଉପ ନିର୍ବାଚନରେ ସାବିତ୍ରୀ ଅଗ୍ରଓ୍ବାଲ ମଧ୍ୟ ବଡ଼ ବିଜୟ ବ୍ୟବଧାନରେ ବିଜୟ କରିଥିଲେ । ଭୋଟ ପ୍ରତିଶତ ମଧ୍ୟ ବୃଦ୍ଧି ପାଇଥିଲା ବିଜେଡ଼ିର ।

ଉପ ନିର୍ବାଚନ ମହିଳା ପ୍ରାର୍ଥୀଙ୍କୁ ଭୋଟର ବେଶ୍ ଗ୍ରହଣ କରିଛନ୍ତି । କାରଣ ମା ହିଁ ସେବାର ପ୍ରତୀକ । ପୁଣି ଥରେ ଅବନ୍ତୀ ଦାସଙ୍କୁ ପ୍ରାର୍ଥୀ କରି ଧାମନଗର ନିର୍ବାଚନମଣ୍ଡଳୀବାସୀଙ୍କ ସେବା କରିବାର ଦାୟିତ୍ବ ଦେଇଛନ୍ତି ନବୀନ । ଆସନ୍ତା ୩୧ ତାରିଖ ଦିନ ମୁଖ୍ୟମନ୍ତ୍ରୀ ରୀତା ସାହୁ, ଅଳକା ମହାନ୍ତିଙ୍କ ପରି ଅବନ୍ତୀ ଦାସଙ୍କୁ ବଡ଼ ବ୍ୟବଧାନରେ ବିଜୟୀ କରିବା ପାଇଁ ଧାମନଗରବାସୀଙ୍କ ଅନୁରୋଧ କରିବେ । ଟ୍ରାକ ରେକର୍ଡ଼ ଓ ଧାମନଗର ଉପ ନିର୍ବାଚନ ପ୍ରଚାରକୁ ସମୀକ୍ଷା କଲେ ଅବନ୍ତୀ ଦାସଙ୍କୁ ଧାମନଗରବାସୀଙ୍କ ବଡ଼ ଆଶୀର୍ବାଦ ମିଳିବ, ଏଥିରେ ସନ୍ଦେହ ନାହିଁ ।

() ଆଇଟି ପ୍ରଫେସନାଲ ତଥା ଯୁବନେତା ଡଃ ଷ୍ଟାଲିନ ମିଶ୍ର ଆଜି କଂଗ୍ରେସ ମୁଖ୍ୟ କାର୍ଯ୍ୟାଳୟ ୨୪,ଆକବର ରୋଡରେ ଓଡିଶା ପ୍ରଭାରୀ ଡକ୍ଟର ଏ ଚେଲ୍ଲାକୁମାରଙ୍କ ଅନୁମୋଦନ କ୍ରମେ ତାଙ୍କ କାର୍ଯ୍ୟାଳୟରେ ଆନୁଷ୍ଠାନିକ ଭାବେ କଂଗ୍ରେସ ରେ ସାମିଲ ହୋଇଛନ୍ତି।  ଡଃ ଷ୍ଟାଲିନ ମିଶ୍ର ଆଇଟି କ୍ଷେତ୍ରରେ ଜଣେ ଅଭିଜ୍ଞ କାର୍ଯ୍ୟନିର୍ବାହୀ ଅଧିକାରୀ।ସେ ଡାଟା ଆନାଲିଟିକ୍ସ ରେ ପି ଏଚ ଡି ଲାଭ କରିଛନ୍ତି।ସେ ମଧ୍ୟ ଅଖିଳ ଭାରତୀୟ ହିନ୍ଦୁ ମହାସଭାର ରାଷ୍ଟ୍ରୀୟ ଉପସଭାପତି ଥିଲେ।ସେ ଆସ୍ଥା ଫାଉଣ୍ଡେସନ ନାମକ ଏକ ବେସରକାରୀ ସଂସ୍ଥା ଗଢି ତାର ଅଧ୍ୟକ୍ଷ ରହିଛନ୍ତି ଓ ଏହି ସଂସ୍ଥା ଶିକ୍ଷା ବିକାଶ,ଯୁବ ସଶକ୍ତିକରଣ ତଥା ଆନ୍ତର୍ଜାତୀୟ ସମ୍ପର୍କ ସୁଧୁଢ଼ିକାରଣ କ୍ଷେତ୍ରରେ ନିରବିଛିନ୍ନ ଭାବେ କାର୍ଯ୍ୟରତ ଅଛି।ଯୁବାବସ୍ଥାରୁ ରାଜନୀତି ପ୍ରତି ଆକୃଷ୍ଠ ହୋଇ ଆଜି ପର୍ଯ୍ୟନ୍ତ ବିଭିନ୍ନ କାର୍ଯ୍ୟକ୍ରମରେ ଭାଗ ନେଇଛନ୍ତି।  ଅଧୁନା ଡଃ ମିଶ୍ର ଜଣେ ରାଜନୈତିକ ବିଶ୍ଲେଷକ ଭାବେ ଗଣମାଧ୍ୟମରେ ବିଭିନ୍ନ ତର୍କ ବିତର୍କରେ ଭାଗ ନେବା ସହ ଖବରକାଗଜରେ ସ୍ତମ୍ଭ ଲେଖିବାରେ ରୁଚି ରଖିଛନ୍ତି।

ଓଡିଶା ପ୍ରଦେଶ କଂଗ୍ରେସ ସଭାପତି ଶରତ ପଟ୍ଟନାୟକଙ୍କ ସୁପାରିଶ କ୍ରମେ ଡଃ ଚେଲ୍କାକୁମାର ତାଙ୍କୁ ପୁଷ୍ପଗୁଛ ଓ ଉତରିୟ ଦେଇ କଂଗ୍ରେସ କୁ ସ୍ୱାଗତ କରିବା ସହ କଂଗ୍ରେସ ରେ ଗ୍ରହଣ କରିଛନ୍ତି।ଡ଼ଃ ଚେଲ୍ଲାକୁମାର,ଏଆଇସିସି ସମ୍ପାଦକ ଜି ରୁଦ୍ରରାଜୁ,ପିସିସି ସଭାପତି ଶରତ ପଟ୍ଟନାୟକଙ୍କ ସହ ପୂର୍ବତନ ପିସିସି ସଭାପତି ନିରଞ୍ଜନ ପଟ୍ଟନାୟକ, ପିସିସି ଗଣମାଧ୍ୟମ ବିଭାଗ ଅଧ୍ୟକ୍ଷ ଗଣେଶ୍ୱର ବେହେରା,ପିସିସି ମୁଖପାତ୍ର ପଦ୍ମାକର ଗୁରୁ ପ୍ରମୁଖ ଏହି ମିଶ୍ରଣ କାର୍ଯ୍ୟକ୍ରମରେ ଉପସ୍ଥିତ ରହି ଡଃ ମିଶ୍ରଙ୍କୁ ଅଭିନନ୍ଦନ ଜଣାଇଛନ୍ତି।

ଡଃ ମିଶ୍ର କଂଗ୍ରେସ ଅଧ୍ୟକ୍ଷ ଶ୍ରୀ ମଲ୍ଲିକାର୍ଜୁନ ଖଡ଼ଗେ,ଶ୍ରୀମତୀ ସୋନିଆ ଗାନ୍ଧି ଓ ଶ୍ରୀ ରାହୁଲ ଗାନ୍ଧି ଙ୍କ ନେତୃତ୍ୱ ପ୍ରତି ଆସ୍ଥା ପ୍ରକଟ କରି କଂଗ୍ରେସରେ ସାମିଲ ହୋଇଛନ୍ତି ଓ ସର୍ତ୍ତହୀନ ଭାବେ କଂଗ୍ରେସ ପାଇଁ ସାଧ୍ୟମତେ ଦାଇତ୍ଵନିର୍ବାହ କରିବେ ବୋଲି ପ୍ରତିକ୍ରିୟାରେ ଜଣାଇଛନ୍ତି।

() ଧାମନଗର ନିର୍ବାଚନ ପ୍ରକ୍ରିୟା ସୁରୁଖୁରୁରେ ଚାଲିଛି । ନଭେମ୍ବର 1 ତାରିଖରେ ପ୍ରଚାର ଶେଷ ହେବା ସହ 3 ରେ ନିର୍ବାଚନ ଓ 6 ରେ ଫଳାଫଳ ଘୋଷଣା ହେବ । ଏହା ସହ ନିର୍ବାଚନକୁ ନିରପେକ୍ଷ ଭାବେ ଶେଷ କରିବା ଲାଗି ବିଭିନ୍ନ ପଦକ୍ଷେପ ନେଇଛନ୍ତି ରାଜ୍ୟ ମୁଖ୍ୟ ନିର୍ବାଚନ ଅଧିକାରୀ(ସିଇଓ) ସୁଶୀଲ କୁମାର ଲୋହାନି । ଏହା ସହ 2 ଜଣ କେନ୍ଦ୍ରୀୟ ପର୍ଯ୍ୟବେକ୍ଷକ ନିୟୋଜିତ ହୋଇଥିବା ସିଇଓ ସୂଚନା ଦେଇଛନ୍ତି ।

ସିଇଓଙ୍କ ସୂଚନା ଅନୁସାରେ, ଧାମନଗର ଉପନିର୍ବାଚନରେ 1108 ପୋଲିଂ ପର୍ସନ ନିୟୋଜିତ ହେବେ । ସେମାନଙ୍କର 2 ରାଉଣ୍ଡ ଟ୍ରେନିଂ ଶେଷ ହୋଇଛି । ନିୟୋଜିତ ପୋଲିଂ ପର୍ସନ ଚୟନରେ 2 ଟି ଦିଗ ଉପରେ ଧ୍ୟାନ ଦିଆଯାଇଛି । ସେମାନେ ଧାମନଗରର ଭୋଟର ହୋଇନଥିବେ କିମ୍ବା ତାଙ୍କର ପୈତୃକ ଘର ସେଠାରେ ହୋଇନଥିବ । ଅନ୍ୟଟି ହେଲା ଉକ୍ତ ଅଞ୍ଚଳରେ ତାଙ୍କର ପୋଷ୍ଟିଂ ହୋଇଥିବ । ଫଳରେ ନିରପେକ୍ଷ ନିର୍ବାଚନ ହୋଇପାରିବ । ସେହିପରି ନିୟୋଜିତ ପୋଲିସ ଅଧିକାରୀଙ୍କ କ୍ଷେତ୍ରରେ ସମାନ ନିୟମ ଲାଗୁ ହୋଇଛି ବୋଲି ସିଇଓ ସୂଚନା ଦେଇଛନ୍ତି ।

ସିଇଓ ଆହୁରି ମଧ୍ୟ କହିଛନ୍ତି ଯେ, 2 ଜଣ ସେଣ୍ଟ୍ରାଲ ପର୍ଯ୍ୟବେକ୍ଷକ ନିୟୋଜିତ ହୋଇଛନ୍ତି । ଜଣେ ସାଧାରଣ ପର୍ଯ୍ୟବେକ୍ଷକ ଓ ଅନ୍ୟ ଜଣେ ଖର୍ଚ୍ଚ ପର୍ଯ୍ୟବେକ୍ଷକ । ଉଭୟ ପର୍ଯ୍ୟବେକ୍ଷକଙ୍କ ଫୋନ ନମ୍ବର ରାଜ୍ୟ ମୁଖ୍ୟ ନିର୍ବାଚନ ଅଧିକାରୀଙ୍କ ପକ୍ଷରୁ ସର୍ବ ସାଧାରଣ କରାଯାଇଛି । ଯେକୌଣସି ଅଭିଯୋଗ ନେଇ ସେମାନଙ୍କ ସହ ସିଧାସଳଖ ଦୃଷ୍ଟି ଆକର୍ଷଣ କରାଯାଇପାରିବ । ସାଧାରଣ ପର୍ଯ୍ୟବେକ୍ଷକ ହେଉଛନ୍ତି ନିରଞ୍ଜନ କୁମାର । ସେ ପଶ୍ଚିମବଙ୍ଗ କ୍ୟାଡ଼ର ଆଇଏଏସ ଅଫିସର । ତାଙ୍କ ଫୋନ ନମ୍ବର ହେଉଛି 7854826509 । ଖର୍ଚ୍ଚ ପର୍ଯ୍ୟବେକ୍ଷକ ହେଉଛନ୍ତି ପ୍ରଣେସ ଗୁପ୍ତା । ସେ ହେଉଛନ୍ତି ଜଣେ ଆଇଆରଏସ ଅଧିକାରୀ । ତାଙ୍କ ଫୋନ ନମ୍ବର ହେଉଛି 8260745626 । ଉଭୟ ନିର୍ବାଚନ ପ୍ରକ୍ରିୟାର ସମୀକ୍ଷା କରୁଛନ୍ତି । ନିର୍ବାଚନ ପ୍ରକ୍ରିୟା, ସରକାରୀ ଅଧିକାରୀଙ୍କ ବ୍ୟବହାର, ଆଦର୍ଶ ଆଚରଣ ବିଧି ଉଲଂଘନ ବାବଦରେ ଯାହାର କୌଣସି ଅଭିଯୋଗ ଥିବ ସିଧାସଳଖ ସେମାନଙ୍କ ସହ ଯୋଗାଯୋଗ କରିବାକୁ ସିଇଓ ପରାମର୍ଶ ଦେଇଛନ୍ତି ।

ଧାମନଗରରେ ଥିବା 106 ସମ୍ବେଦନଶୀଳ ବୁଥରେ ସ୍ୱତନ୍ତ୍ର ବ୍ୟବସ୍ଥା କରାଯିବ । ଏଠାରେ ୱେବ କାଷ୍ଟଙ୍ଗ ଛଡା ମାଇକ୍ରୋ ଅବଜର୍ଭର ନିୟୋଜିତ ହେବେ । ଏମାନଙ୍କୁ ସାଧାରଣ ପର୍ଯ୍ୟବେକ୍ଷକ ନିଜେ ନିୟୋଜିତ କରିବେ । ଶୃଙ୍ଖଳିତ ନିର୍ବାଚନକୁ ଦୃଷ୍ଟିରେ ରଖି 641 ଟି ଅନୁମତି ପ୍ରାପ୍ତ ମାରଣାସ୍ତ୍ର ବିଭିନ୍ନ ପୋଲିସ ଷ୍ଟେସନରେ ଡିପୋଜିଟ ହୋଇଛି । 1909 ଜଣ ଲୋକଙ୍କୁ 107 ଓ 116 ଧାରାରେ ଗିରଫ ହୋଇଛନ୍ତି । 172 ନନ୍ ବେଲେବୁଲ ୱାରେଣ୍ଟଙ୍କୁ ଗିରଫ କରାଯାଇଛି । 15 ଲକ୍ଷ ଟଙ୍କାର ମାଦକ ଦ୍ରବ୍ୟ ଜବତ ହୋଇଛି ।

ସୁଶୀଲ କୁମାର ଲୋହାନି, ରାଜ୍ୟ ମୁଖ୍ୟ ନିର୍ବାଚନ ଅଧିକାରୀ

() ଧାମନଗରରେ ବଦଳୁଛି ରାଜନୀତି । ନିର୍ବାଚନ ତାରିଖ ଯେତିକି ପାଖେଇ ଆସୁଛି ବିରୋଧି କ୍ୟାମ୍ପ ସେତେ ଦୁର୍ବଳ ହେବାରେ ଲାଗିଛି । ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ନୀତି, ଆଦର୍ଶ ଓ ବିକାଶମୂଳକ କାର୍ଯ୍ୟକ୍ରମ ସାମିଲ ହେବାକୁ ବିରୋଧୀ ବିଜେପି , କଂଗ୍ରେସ ଓ ସ୍ବାଧୀନ ପ୍ରାର୍ଥୀଙ୍କ ସମର୍ଥକମାନେ ବିଜେଡ଼ି ମୁହାଁ ହୋଇଛନ୍ତି । ବିରୋଧୀ କ୍ୟାମ୍ପରେ ଥିବା ନେତାମାନେ ଭଲ ଭାବରେ ବୁଝିସାରିଛନ୍ତି ଧାମନଗରରେ ବିଜେଡ଼ି ବଡ଼ ବ୍ୟବଧାନରେ ଜିତିବ । ଧାମନଗରବାସୀ ବିକାଶ ସହ ରହିବ ଓ ନବୀନଙ୍କ ପ୍ରାର୍ଥୀ ଅବନ୍ତୀ ଦାସଙ୍କୁ ଆଶୀର୍ବାଦ କରିବେ । ତେଣୁ ଏହି ବିକାଶରେ ବାଧକ ନହେବା ପାଇଁ ଅନେକ ସଚେତନ ନେତା ଓ ନାଗରିକମାନେ ଦଳ ଛାଡ଼ି ବିଜେଡ଼ିରେ ସାମିଲ ହେଉଛନ୍ତି । ଆଉ ସଭିଁଏ ନବୀନଙ୍କ ନୂଆ ଓଡ଼ିଶା ଓ ସଶକ୍ତ ଓଡ଼ିଶାରେ ଜଣେ ଜଣେ ବିନ୍ଧାଣୀ ହେବାକୁ ଜାତୀୟ ଦଳ ଛାଡ଼ି ବିଜୁ ଜନତା ଦଳରେ ସାମିଲ ହେଉଛନ୍ତି । କାରଣ ବିଜେଡ଼ି ହେଉଛି ଲୋକଙ୍କ ଦଳ ଏକଥା ସେମାନେ ବୁଝିଛନ୍ତି । ବିଜେଡ଼ିରେ ନେତା ନୁହେଁ, କର୍ମୀ ହେବାକୁ ସମେସ୍ତ ଆଗଭର ହୋଇ ବିଜେଡ଼ି ସାଂଗଠନିକ ସମ୍ପାଦକ ପ୍ରଣବ ପ୍ରକାଶ ଦାସଙ୍କ ଉପସ୍ଥିତିରେ ଆଜି ଧାମନଗର ଏନଏସସି, ମୁସ୍ତାଫାପୁର,ଭଗବାନପୁର ପଂଚାୟତର ବହୁ ବିଜେପି କର୍ମୀ ବିଜେଡ଼ିରେ ସାମିଲ ହୋଇଛନ୍ତି । ଧାମନଗର ପୂର୍ବତନ ଆଇଟି ସେଲ ସଂଯୋଜକ ଶ୍ରୀଯୁକ୍ତ ମାନସ ମଣ୍ଟୁ, ଶ୍ରୀଯୁକ୍ତ ଚନ୍ଦନ ଜେନା, ଶ୍ରୀଯୁକ୍ତ ବିରଞ୍ଚି ନାରାୟଣ ଦାସ, ଶ୍ରୀଯୁକ୍ତ ତାପସ ରଞ୍ଜନ ପ୍ରଧାନ, ଶ୍ରୀମତୀ ବର୍ଷା ରାଣୀ ଜେନା, ଶ୍ରୀମତୀ ସରସ୍ବତୀ ଜେନା ତଥା ବରିଷ୍ଠ ନେତୃତ୍ବ ଓ ଶତାଧିକ କର୍ମୀ ମାନେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ନୀତି ଆଦର୍ଶରେ ଅନୁପ୍ରାଣିତ ହୋଇ ବିଜୁ ଜନତା ଦଳରେ ବିଧିବଦ୍ଧ ଭାବେ ସାମିଲ ହୋଇଛନ୍ତି | ସେହିପରି ସ୍ବାଧୀନ ପ୍ରାର୍ଥୀ ରାଜୁ ଦାସଙ୍କ ଶହଶହ ସମର୍ଥକ ମଧ୍ୟ ବିଜେଡ଼ିରେ ସାମିଲ ହୋଇଛନ୍ତି । ଫଳରେ ଧାମନଗରରେ ବିଜେଡ଼ି ବଡ଼ ବ୍ୟବଧାନରେ ବିଜୟ କରିବ ଏକଥା ଜଳଜଳ କରି ଦେଖାଗଲାଣି । ପଂଚାୟତ ଓ ପୌର ନିର୍ବାଚନରେ ବିଜେଡ଼ି ୨୫ ହଜାର ଭୋଟରେ ଆଗରେ ରହିଛି । ଏହାସହ ଅନ୍ୟଦଳର ନେତା ବିଜେଡ଼ିରେ ସାମିଲ ହେବା ପରେ ତୃଣମୂଳ ସ୍ତରରେ ବିଜେଡ଼ି ସଂଗଠନ ଆହୁରୀ ମଜବୁତ ହୋଇଛି ।

ଧାମନଗରରେ ବିଜେଡ଼ି ସୁନାମୀ ରୋକିବା ପାଇଁ ଅପ୍ରଚାରରେ ମାତିଛନ୍ତି ବିରୋଧୀ। ନିର୍ବାଚନ ପୂର୍ବରୁ ବିଜେଡ଼ି ବଦନାମ କରିବା ପାଇଁ ବିରୋଧୀ ପ୍ରତ୍ୟେକ ଦିନ ନାନା ଅପ୍ରଚାର କରୁଥିବା ବିଜେଡ଼ି ଅଭିଯୋଗ କରିଛି । ଧାମନଗରରେ ବିଜେଡ଼ି ସାଧାରଣ ସମ୍ପାଦକ ମାନସ ମଙ୍ଗରାଜ , ଭଦ୍ରକ ପର୍ଯ୍ୟବେକ୍ଷକ ତଥା ବିଜେଡ଼ି ବିଧାୟକ ପ୍ରଣବ ବଳବନ୍ତରାୟ ମିଳିତ ସାମ୍ବାଦିକ ସମ୍ମିଳନୀ କରି ମୁଖ୍ୟ ବିରୋଧୀ ବିଜେପି ଉପରେ ବର୍ଷିଛନ୍ତି । ଧାମନଗରେ ଏସ୍‌ଏଚଜି ମା ମାନଙ୍କୁ ଅପମାନିତ କରିବା ପାଇଁ ବିଜେପି ଚେଷ୍ଟା କରୁଥିବା ଦଳ ଅଭିଯୋଗ କରିଛି । ଧାମନଗର ଉପ ନିର୍ବାଚନରେ ପାଇଁ ବିଭିନ୍ନ ରାଜନୈତିକ ଦଳ ପକ୍ଷରୁ ଭୋଟ ପ୍ରଚାର ଚାଲଇଥିବା ବେଳେ ବିଜେପି ଉଦ୍ଦେଶ୍ୟ ପ୍ରଣୋଦିତ ଭାବେ ଜେଣ ମହିଳାଙ୍କ ମୁହଁ ଘୋଡ଼ାଇ ଟଙ୍କା ବଣ୍ଟା କରାଇଥିବାର ବିଜେଡ଼ି ଦୃଷ୍ଟିକୁ ଆସିଛି ବୋଲି ଦଳ ପ୍ରେସ ମିଟରେ ଅଭିଯୋଗ କରିଛି । ଦଳର ସାଧାରଣ ସମ୍ପାଦକ ମାନସ ମଙ୍ଗରାଜ ଯୁକ୍ତି ହେଉଛି ଧାମନଗରବାସୀ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ସେବା ଓ ବିକାଶଧାରା ସହ ଯୋଡ଼ି ହୋଇ ରହିଛନ୍ତି । ତେଣୁ ସବୁ ନିର୍ବାଚନୀ ମଣ୍ଡଳୀ ଭଳି ଧାମନଗରରେ ମଧ୍ୟ ବିକାଶ ସପକ୍ଷରେ ଭୋଟ ପଡ଼ିବ ବୋଲି ସେ କହିଛନ୍ତି । ଏହାସହ ଧାମନଗରରେ ବିଜେଡ଼ି ପ୍ରାର୍ଥୀ ବଡ଼ ଭୋଟ ବ୍ୟବଧାନରେ ବିଜୟୀ ହେବେ ବୋଲି ସାଂସଦ ମାନସି ମଙ୍ଗରାଜ କହିଛନ୍ତି ।

()୨୦୨୪ ସାଧାରଣ  ନିର୍ବାଚନ ପୂର୍ବରୁ ଧାମନଗରରେ ହେବାକୁ ଯାଉଛି ଉପ ନିର୍ବାଚନ । ୫ଟି ଉପ ନିର୍ବାଚନରେ ଭୋଟର ବିଜୁ ଜନତା ଦଳକୁ ଆର୍ଶୀବାଦ କରିଛନ୍ତି । ଏହା ପ୍ରମାଣିତ କରିଛି ବିଜେଡ଼ି ରାଜ୍ୟରେ ୧ ନମ୍ବର ଦଳ ଅଛି ଓ ରହିବ । ଏହାରି ଭିତରେ ନଭେମ୍ବର ୩ ତାରିଖ ଦିନ ପୁଣିଥରେ ଧାମନଗରବାସୀ ଭୋଟ ଦେବାକୁ ଯାଉଛନ୍ତି । ୫ଜଣ ପ୍ରାର୍ଥୀଙ୍କ ଭାଗ୍ୟ ନିର୍ଦ୍ଧାରଣ କରିବାକୁ ଯାଉଛନ୍ତି ୨ଲକ୍ଷ ୩୦ ହଜାରରୁ ଅଧିକ ଭୋଟର । ୬ ତାରିଖ ଦିନ ଫଳାଫଳ ସ୍ପଷ୍ଟ କରିବ କେଉଁ ଦଳର କେତେ ଲୋକପ୍ରିୟତା ରହିଛି । ସତ୍ୟ, ତଥ୍ୟ , ଅନୁସନ୍ଦାନ ଓ ଗ୍ରାଉଣ୍ଡର ସ୍ଥିତିକୁ ପରଖି ଭୋଟରମାନେ ଏବେ କାହାକୁ ଭୋଟ ଦେବେ ତାହା ଏକ ରକମର ମନସ୍ତ କରିସାରିଛନ୍ତି ଯାହା ରାଜନୈତିକ ସମୀକ୍ଷକ କହିଛନ୍ତି । ନିର୍ବାଚନ ତାରିଖ ଯେତେ ପାଖେଇ ଆସୁଛି ଧାମନଗର ଉପ ନିର୍ବାଚନ ଉଷ୍ମତା ସେତେ ବଢିବଢି ଚାଲିଛି । ପ୍ରଚାର ରେ ଢେର ଆଗରେ ରହିଛି ବିଜେଡ଼ି l କହିବାକୁ ଗଲେ ପୁରା ମଜବୁତ୍ ସ୍ଥିତି ରେ ବିଜେଡି lବିଜେପି, କଂଗ୍ରେସ ଓ ସ୍ବାଧୀନ ପ୍ରାର୍ଥୀ କିପରି ଅଧିକ ଭୋଟ ହାତେଇବେ ସେ ନେଇ ଦିନରାତି ଏକ କରିଦେଇଛନ୍ତି l ବିଜେଡ଼ିକୁ ଟକ୍କର ଦେବା ପାଇଁ ବିରୋଧୀଙ୍କ ସବୁ ରଣନୀତି ଧାମ ନଗରରେ ଫୁଶୁକି ଯାଉଥିବା ବେଳେ ପ୍ରତ୍ୟେକ ଦିନ ନୂଆ ନୁଆ ଅପ୍ରସଙ୍ଗକୁ ପ୍ରସଙ୍ଗ କରି ଶାସକ ଦଳକୁ ଅକଳରେ ପକାଇବା ପାଇଁ ପ୍ରୟାସ ଆରମ୍ଭ କରିଛନ୍ତି ବିରୋଧୀ । ଜାତିପ୍ରଥା, ଜିଲ୍ଲା ଜିଲ୍ଲା ଭେଦଭାବ ସୃ୍ଷ୍ଟି କରି ବିରୋଧୀ ଧାମନଗରବାସୀଙ୍କ ମନ ଜଣିବାକୁ ପ୍ରୟାସ କରୁଥିବା ବେଳେ ଭୋଟରଙ୍କ ଉପରେ କିନ୍ତୁ ଏହାର କୌଣସି ପ୍ରଭାବ ପଡ଼ୁନାହିଁ l କାରଣ ପଡ଼ୋଶୀ ଜିଲ୍ଲାରୁ ବିରୋଧୀ କ୍ୟାମ୍ପର ଗଣ୍ଡାଗଣ୍ଡା ନେତା ଧାମନଗରେ ଡ଼େରା ପକାଇ ଦଳୀୟ ପ୍ରାର୍ଥୀ ସପକ୍ଷରେ ଭୋଟ ଭିକ୍ଷା କରୁଥିବା ବେଳେ ଶାସକ ଦଳକୁ ଏ ପ୍ରସଙ୍ଗରେ ଟାର୍ଗେଟ କରିବା ବିରୋଧୀଙ୍କ ରାଜନୈତିକ ରଣନୀତି ବୋଲି ଧାମନଗରବାସୀ ଭଲ ସେ ବୁଝି ଗଲେଣି l ସେହିପରି ଶାସକ ଦଳ ବିରୋଧରେ ଅପପ୍ରଚାର, ରାଜନୈତିକ ବୟାନବାଜି ମଧ୍ୟ ଭୋଟରଙ୍କୁ ଛୁଇପାରି ନାହିଁ । ଧାମନଗର ଉପ ନିର୍ବାଚନ ତାରିଖ ଯେତିକି ପାଖେଇ ଆସୁଛି ଶାସକ ଓ ବିରୋଧୀ ମଧ୍ୟରେ ଗଡ଼ ଦଖଲ କରିବା ପାଇଁ ଆକ୍ଷେପ ଓ ପ୍ରତି ଆକ୍ଷେପ ବୟାନ ବାଜି ତୀବ୍ର ହୋଇଛି l ବିଜେଡ଼ିର ଯୁକ୍ତି ହେଉଛି ଦୁଇ ବିରୋଧି ବିଜେପି ଓ କଂଗ୍ରେସ ଧାମନଗର ଦଖଲ କରିବା ଚିନ୍ତାରେ ଲାଗିଥିବା ବେଳେ ବିଜେଡ଼ି ଧାମନଗର ବିକାଶ ରଥ କିପରି ଅଗ୍ରଗତି ହେବ ସେ ଚିନ୍ତାରେ କାମ କରୁଛି । ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ନୀତି ଓ ଆଦର୍ଶକୁ ଆଗକୁ ନେବା ପାଇଁ ଧାମ ନଗରବାସୀ ସଙ୍କଳ୍ପ କରିଛନ୍ତି । ତେଣୁ ଲୋକେ ବିଜେଡି ସହ ଥିଲେ ଓ ରହିବେ ବୋଲି ଦଳ କହିଛି l ସେହିପରି ବିଜେପି ଏଥର ଧାମ ନଗରରେ ବିଜୟ କରିବ ବୋଲି ଯୁକ୍ତି ବାଢ଼ିଛି l ଅନ୍ୟପଟେ କଂଗ୍ରେସ କହିଛି ଯେ ଦରଦାମ୍ ପାଇଁ ବିଜେପିକୁ ଲୋକେ ପ୍ରତ୍ୟାଖାନ କରିବେ l ବିଜେଡି ବିଜେପିକୁ ସବୁ ପ୍ରସଂଗରେ ସହଯୋଗ କରୁଥିବାରୁ ବିଜେଡିକୁ ମଧ୍ୟ ଲୋକେ ଭୋଟ ଦେବେ ନାହିଁ l ତେଣୁ କଂଗ୍ରେସ ଏକମାତ୍ର ବିକଳ୍ପ ବୋଲି ଦଳ ଯୁକ୍ତି ବାଢ଼ିଛି l ତେଣୁ ଧାମନଗର ରେ ବିଜେଡି ସହ କଂଗ୍ରେସର ଲଢେଇ ହେବ ବୋଲି ଦଳ କହିଛି l ଏବେ ନଜର ପକାନ୍ତୁ ୨୦୦୦ରୁ ୨୦୨୨ ଯାଏ ଧାମ ନଗର ଉନିର୍ବାଚନରେ ଫଳାଫଳ ଉପରେ l 

୨୦୦୦ ମସିହାର ୨୦୧୯ ମସିହା ଯାଏ ଧାମନଗରେ ହୋଇଥିବା ନିର୍ବାଚନ ଫଳାଫଳକୁ ସମୀକ୍ଷା କଲେ ସ୍ପଷ୍ଟ ଅନୁମାନ ଯେ ବିଜେଡ଼ି ପ୍ରତି ଧାମନଗରବାସୀଙ୍କ ଆର୍ଶୀବାଦ ରହିଛି । ୨୦୦୦ ମସିହାରେ ଧାମନଗରରେ ସ୍ବାଧୀନ ପ୍ରାର୍ଥୀ ଜଗନ୍ନାଥ ମଲ୍ଲିକ ଜିତିଥିବା ବେଳେ ୨୦୦୪ ମସିହାରେ ବିଜେଡ଼ି-ବିଜେପି ମେଣ୍ଟ ପ୍ରାର୍ଥୀ ମନମୋହନ ସାମଲ, ୨୦୦୯ରେ ମେଣ୍ଟ ଭାଙ୍ଗିବା ପରେ ବିଜେପି କୁ ଭୋଟର ପ୍ରତ୍ୟାଖାନ କରି ପୁଣି ଥରେ ବିଜେଡ଼ିକୁ ଜିତାଇ ଥିଲେ l ସେହିପରି ୨୦୧୪ରେ ମଧ୍ୟ ବିଜେଡ଼ି ଧାମନଗରରେ ବିଜୟ ଧ୍ବଜା ଉଡ଼ାଇଥିଲା । ୨୦୧୯ରେ ବିଜେଡ଼ି ପ୍ରତି ଜନ ଆର୍ଶୀବାଦ ମିଳିଥିଲେ ମଧ୍ୟ ଶେଷ ମୁହୁର୍ତ୍ତରେ ମାତ୍ର ୪ହଜାର ୬୨୫ ଭୋଟରେ ବିଜେଡ଼ି ପରାଜିତ ହୋଇଥିଲା । ହେଲେ ଏହାପରେ ପଂଚାୟତ ଓ ପୌର ନିର୍ବାଚନରେ ଧାମନଗରବାସୀ ବିଜେଡ଼ିକୁ ଆର୍ଶୀବାଦ କରିଥିଲେ । ଏସବୁ ସମୀକ୍ଷା କଲେ ବିଜେଡ଼ିର ପାଲା ଧାମନଗରେ ଏବେ ଭାରୀ ରହିଛି l ତେବେ ଦଳୀୟ ନେତାଙ୍କ କହିବା କଥା ହେଉଛି ଦଳ ଏବେ କେତେ ଅଧିକ ଭୋଟ ବ୍ୟବଧାନରେ ବିଜୟ କରିବ ସେ କାମରେ ଲାଗିଛି । ବିରୋଧି ମଧ୍ୟ ବାଜି ଜିତିବାକୁ କସରତ ଓ ସବୁ ପ୍ରକାର ଚେଷ୍ଟା ଜାରୀ ରଖିଛନ୍ତି । ତେବେ ୬ତାରିଖ ଦିନ ନିର୍ବାଚନ ଫଳାଫଳ ପ୍ରକାଶ ପାଇଲେ ସ୍ପଷ୍ଟ ହେବ କାହା ମୁଣ୍ଡରେ ସୁନା କଳସ ଢାଳିବେ ଧାମନଗରବାସୀ l