() ଶିକ୍ଷା ଓ ଗବେଷଣା କ୍ଷେତ୍ରକୁ ଅଧିକ ସୁଦୃଢ଼ କରିବା ନିମନ୍ତେ ସୋଆ ଏବଂ ସିଫା ମଧ୍ୟରେ ବୁଝାମଣା ସ୍ୱାକ୍ଷରିତ…

{}  ଶିକ୍ଷା ଓ ଅନୁସନ୍ଧାନ (ସୋଆ) ଏବଂ ଆଇସିଏଆର୍‌-ସେଂଟ୍ରାଲ୍ ଇନ୍‌ଷ୍ଟିଚ୍ୟୁଟ୍ ଅଫ୍ ଫ୍ରେଶ୍‌ୱାଟର୍ ଆକ୍ୱାକଲ୍‌ଚର୍ (ସିଫା) ମଧ୍ୟରେ ବିଭିନ୍ନ ବିଷୟରେ ଶିକ୍ଷା ପ୍ରଦାନ ଓ ଗବେଷଣା ନିମନ୍ତେ ବୁଧବାର ଏକ ବୁଝାମଣା ପତ୍ର ସ୍ୱାକ୍ଷରିତ ହୋଇଛି ।

ହର୍ବାଲ୍ ବାୟୋମେଡିସିନ୍‌ସ, ନାନୋଟେକ୍ନୋଲୋଜି, ମେରାଇନ୍ ଆଣ୍ଡ ଫ୍ରେଶ୍ ୱାଟର୍ ଇକୋ ସିଷ୍ଟମ୍ସ, ଆଂଟି-ମାଇକ୍ରୋବାଇଆଲ୍ ରେଜିଷ୍ଟାନ୍ସ, ଇମ୍ୟୁନୋଲୋଜି ଆଣ୍ଡ ଟ୍ରାନ୍ସଲେସ୍‌ନାଲ୍ ମେଡିସିନ୍ ରିସର୍ଚ୍ଚ ଇତ୍ୟାଦି କ୍ଷେତ୍ରରେ ଦୁଇଟି ଅନୁଷ୍ଠାନ ମଧ୍ୟରେ ଶିକ୍ଷା ଓ ଗବେଷଣା କାର୍ଯ୍ୟ କରାଯିବ ।

ସୋଆର ଉପ-କୁଳପତି ତଥା ରେଜିଷ୍ଟ୍ରାର ପ୍ରଫେସର ବିଭୁତି ଭୂଷଣ ପ୍ରଧାନ ଏବଂ ଆଇସିଏଆର୍‌-ସିଫାର ନିର୍ଦ୍ଦେଶକ ଡକ୍ଟର ସରୋଜ କୁମାର ସ୍ୱାଇଁ ଏହି ବୁଝାମଣା ପତ୍ରରେ ସ୍ୱାକ୍ଷର କରିଥିଲେ । ଏହି ଅବସରରେ ସୋଆ ରେଜିଷ୍ଟ୍ରାର ପ୍ରଫେସର ପ୍ରଧାନ ଏହି ଏମ୍‌ଓୟୁ ଦ୍ୱାରା ବିଭିନ୍ନ କ୍ଷେତ୍ରରେ ଉଚ୍ଚମାନର କାର୍ଯ୍ୟ ସମ୍ପାଦିତ ହୋଇପାରିବ ବୋଲି ଆଶା ବ୍ୟକ୍ତ କରିଛନ୍ତି ।

ଏହି ଅବସରରେ ସୋଆ ପରିଚାଳିତ ଇନ୍‌ଷ୍ଟିଚ୍ୟୁଟ୍ ଅଫ୍ ଏଗ୍ରିକଲ୍‌ଚରାଲ୍ ସାଇନ୍‌ସେସ୍‌ର ଡିନ୍ ପ୍ରଫେସର ବିଜୟ କୁମାର ସାହୁ, ଇନ୍‌ଷ୍ଟିଚ୍ୟୁଟ୍ ଅଫ୍ ଟେକ୍ନିକାଲ୍ ଏଜୁକେସନ୍ ଆଣ୍ଡ ରିସର୍ଚ୍ଚ (ଆଇଟିଇଆର୍‌)ର ନିର୍ଦ୍ଦେଶକ ପ୍ରଫେସର ମାନସ କୁମାର ମଲ୍ଲିକ୍‌, ସ୍କୁଲ୍ ଅଫ୍ ଫାର୍ମାସ୍ୟୁଟିକାଲ ସାଇନ୍‌ସେସ୍‌ର ଡିନ୍ ପ୍ରଫେସର ସୁଦାମ ଚରଣ ସି, ଫାର୍ମସ୍ୟୁଟିକ୍ସ ବିଭାଗର ପ୍ରଫେସର ଗୈାତମ ରଥ ଓ ଡକ୍ଟର ବିନୀତ କୁମାର ରାଏ, ଫାର୍ମାକଗ୍ନୋସି ବିଭାଗର ପ୍ରଫେସର ଗୌତମ ଘୋଷ, ଫାର୍ମାକଲୋଜି ବିଭାଗର ପ୍ରଫେସର ଦୁର୍ଗାମାଧବ କର ଓ ଡକ୍ଟର ବିଶ୍ୱନାଥ କର ଏବଂ ଆଇଏମ୍‌ଏସ୍ ଆଣ୍ଡ ସମ୍ ହସ୍ପିଟାଲ୍‌ର ପ୍ରଫେସର ସନ୍ତୋଷ କୁମାର ସ୍ୱାଇଁ ଏବଂ ଡକ୍ଟର ଦେବସ୍ମିତା ଦୁବେ ପ୍ରମୁଖ ଏହି ଅବସରରେ ଉପସ୍ଥିତ ଥିଲେ । ସେହିପରି ଆଇସିଏଆର୍‌-ସିଫା ପକ୍ଷରୁ ଫିସ୍ ଜେନେଟିକ୍ସ ଆଣ୍ଡ ବାୟୋଟେକ୍ନୋଲୋଜି ଡିଭିଜନ୍‌ର ମୁଖ୍ୟ ଡକ୍ଟର ପରମାନନ୍ଦ ଦାସ, ପ୍ରିନ୍ସିପାଲ୍ ସାଇନ୍‌ଟିଷ୍ଟ ଡକ୍ଟର ମୃଣାଲ୍ ସାମନ୍ତ ଏବଂ ଅନ୍ୟାନ୍ୟ ସଦସ୍ୟମାନେ ଉପସ୍ଥିତ ଥିଲେ ।

ଏହି ଅବସରରେ ସୋଆର ପ୍ରତିଷ୍ଠାତା ସଭାପତି ପ୍ରଫେସର (ଡକ୍ଟର) ମନୋଜରଞ୍ଜନ ନାୟକଙ୍କ ସହିତ ଆଇସିଏଆର୍‌-ସିଫାର କର୍ତୃପକ୍ଷ ସୌଜନ୍ୟମୂଳକ ସାକ୍ଷାତ ଆଲୋଚନା କରିଥିଲେ ।

() ନଗର ଉନ୍ନୟନ ମନ୍ତ୍ରୀଙ୍କ ଦ୍ୱାରା ସହରାଚଂଳ ଉନ୍ନୟନ ସଂସ୍ଥା (ସୁଡା)ର ନୂତନ ୱେବ ପୋର୍ଟାଲ ଉଦ୍‌ଘାଟିତ..

{} ଗୃହ ଓ ନଗର ଉନ୍ନୟନ ମନ୍ତ୍ରୀ ଶ୍ରୀମତୀ ଉଷା ଦେବୀ ଆଜି ନଗରଉନ୍ନୟନ ବିଭାଗ ଅଧିନସ୍ଥ ସହରାଚଂଳ ଉନ୍ନୟନ ସଂସ୍ଥା ପରିଦର୍ଶନ କରିଥିଲେ । ଏହି ଅବସରରେ ସହରାଚଂଳ ଉନ୍ନୟନ ସଂସ୍ଥାର ନୂତନ ପୋର୍ଟାଲ ଉଦ୍‌ଘାଟନ କରିବା ସହିତ ସଂସ୍ଥା ତରଫରୁ କାର୍ଯ୍ୟକାରୀ କରାଯାଉଥିବା ଯୋଜନା ଓ କାର୍ଯ୍ୟକ୍ରମ ସଂପର୍କରେ ସମୀକ୍ଷା କରିଥିଲେ ।

ସୁଡାର ନିର୍ଦ୍ଦେଶକ ତଥା ବିଭାଗୀୟ ଯୁଗ୍ମ ସଚିବ ସାରଦା ପ୍ରସାଦ ପଣ୍ଡା ମନ୍ତ୍ରୀଙ୍କୁ ସ୍ୱାଗତ ଜଣାଇ ସଂସ୍ଥାର କାର୍ଯ୍ୟାବଳୀ ସଂପର୍କରେ ଅବଗତ କରାଇ ଥିଲେ । ଏହି ସଂସ୍ଥା ହେଉଛି ଗୃହ ଓ ନଗରଉନ୍ନୟନ ବିଭାଗର ଏକ ଗୁରୁତ୍ୱପୂର୍ଣ୍ଣ ଅଙ୍ଗ । ବିଭାଗର ଯୋଜନା ଓ କାର୍ଯ୍ୟକ୍ରମ ଗୁଡିକୁ କାର୍ଯ୍ୟକାରୀ କରାଯିବା କ୍ଷେତ୍ରରେ ମାନବ ସମ୍ବଳ ଠାରୁ ଆରମ୍ଭ କରି ବୈଷୟିକ ସହାୟତା ଯୋଗାଇ ଦେବା , ଗୋଷ୍ଠୀ ସହଭାଗୀତା ଓ ସମନ୍ୱୟ , ଆହାର କେନ୍ଦ୍ର ପରିଚାଳନା , ମୁଖ୍ୟମନ୍ତ୍ରୀ କର୍ମ ତତ୍ପର ଅଭିଯାନ ଆଦି ବିଭିନ୍ନ କାର୍ଯ୍ୟକ୍ରମ ଗୁଡିକୁ ସଫଳତାର ସହ କାର୍ଯ୍ୟକାରୀ କରିଆସୁଛି ।

୨୦୧୫ ମସିହାରୁ ଆରମ୍ଭ ହୋଇଥିବା ଆହାର କେନ୍ଦ୍ର ବର୍ତମାନ ୧୧୫ ଟି ପୌରାଚଂଳରେ ୧୬୭ ଟି କେନ୍ଦ୍ର ମାଧାମରେ ଦୈନିକ ଏକ ଲକ୍ଷରୁ ଉର୍ଦ୍ଧ୍ୱ ଲୋକଙ୍କୁ ୫ ଟଙ୍କାରେ ଖାଦ୍ୟ ଯୋଗାଇ ଦିଆଯାଉଛି । ଏଥିରେ ୧୬୩ ମହିଳା ସୟଂସହାୟକ ଗୋଷ୍ଠୀ ନିୟୋଜିତ ହୋଇଛିନ୍ତି । ସେମାନେ ୭୯.୮ କୋଟି ଟଙ୍କା ମୂଲ୍ୟର କାର୍ଯ୍ୟକରିଛନ୍ତି ଓ ସେଥି ପାଇଁ ସେମାନଙ୍କୁ ୮.୮୮ କୋଟି ଟଙ୍କା ପ୍ରଦାନ କରାଯାଇଛି । ସେହିପରି ମୁକ୍ତା ଯୋଜନାରେ ୧୬ ହଜାରରୁ ଅଧିକ ମହିଳା ସ୍ୱୟଂ ସହାକ ଗୋଷ୍ଠୀ ସଂପୃକ୍ତ ୫୦୦ କୋଟିରୁ ଅଧିକ ଟଙ୍କା ବ୍ୟୟରେ ୪୪୫୦୦ ପ୍ରକଳ୍ପ ନିର୍ମାଣ କରିଛନ୍ତି । ୬ ଲକ୍ଷରୁ ଅଧିକ ଶ୍ରମିକ ଉପକୃତ ହୋଇଛନ୍ତି ଏବଂ ମଜୁରୀ ବାବଦକୁ ୨୦୦ କୋଟି ଟଙ୍କା ପ୍ରଦାନ କରାଯାଇଛି ବୋଲି ଶ୍ରୀ ପଣ୍ଡା ମନ୍ତ୍ରୀଙ୍କୁ ଅବଗତ କରିଥିଲେ ।

ସେହିପରି ସାମାଜିକ ସଂଚାଳନ କ୍ଷେତ୍ରରେ ୩୫୦୪୯ ସ୍ୱୟଂ ସହାୟକ ଗୋଷ୍ଠୀ ଏବଂ ୧୨୮୫ ଏରିଆ ଲେବଲ୍ ଫଡେରେସନ ଗଠନ କରାଯାଇପାରିଛି । ୧୧୪ ଟି ସହରାଚଂଳରେ ଏକ ଲକ୍ଷ ୫ ହଜାର ୪୮୧ ଜଣ ରାସ୍ତା ପାଶ୍ୱର୍ ଉଠାଦୋକାନୀ (ଷ୍ଟ୍ରିଟ୍ ଭେଣ୍ଡର )ଙ୍କୁ ଚିହ୍ନଟ କରାଯାଇ ୧୬୦୫୮ ଜଣଙ୍କୁ ଆଇ କାର୍ଡ ପ୍ରଦାନ କରାଯାଇଛି ଏବଂ ଅନ୍ୟମାନଙ୍କୁ ପ୍ରଦାନ ବ୍ୟବସ୍ଥା ଜାରୀ ରହିଛି । ସହରାଚଂଳରେ ୪୪ ଟି ସହରୀ ବାସହୀନ ଗରିବ ଲୋକଙ୍କ ଆଶ୍ରୟ ସ୍ଥଳୀ କାର୍ଯ୍ୟ କ୍ଷମ ଥିବା ବେଳେ ଆଉ ୫ ଟି ଖୁବ୍‌ଶୀଘ୍ର କାର୍ଯ୍ୟକ୍ଷମ ହେବାକୁ ଯାଉଛି ଏବଂ ୨ ଟି ନିର୍ମାଣାଧୀନ ଅଛି । ୩୦୦ କିନ୍ନରଙ୍କୁ ନଗରଉନ୍ନୟନ ବିଭାଗର ବିଭିନ୍ନ କାର୍ଯ୍ୟକ୍ରମରେ ସାମିଲ କରାଯିବା ସହିତ ୩୮ ଜଣଙ୍କୁ ବିଭିନ୍ନ ପୌରପରିଷଦରେ ସହାୟକ କର୍ମଚାରୀ ଭାବ ନିୟୋଜିତ କରାଯାଇଛି । ୭୪୦ ମହିଳା ସ୍ୱୟଂ ସହାୟକ ଗୋଷ୍ଠୀ ସଦସ୍ୟା ଜଳସାଥୀ ଭାବେ ନିୟୋଜିତ ହୋଇଛନ୍ତି । ସେମାନେ୍ ୩.୬୪ ଲକ୍ଷ ଉପଭୋକ୍ତାଙ୍କ ୫୩.୦୬ କୋଟି ଟଙ୍କା ରାଜସ୍ୱ ଆଦାୟ କରି ୩.୮୦ କୋଟି ଟଙ୍କା ଆଦାୟ କରି ପାରିଛନ୍ତି । ସେଥି ପାଇଁ ସେମାନଙ୍କୁ ୩.୮୦ କୋଟି ଟଙ୍କା ପ୍ରୋତ୍ସାହନ ରାଶି ପ୍ରଦାନ କରାଯାଇଛି ବୋଲି ଶ୍ରୀ ପଣ୍ଡା ସୂଚନା ଦେଇଥିଲେ ।

………..

() ଏଥର ଯୁକ୍ତ ଦୁଇ ରେ ଗତ ବର୍ଷ ଭଳି ତ୍ରୈମାସିକ ବା କ୍ଵାଟର ଏଣ୍ଡ ପରୀକ୍ଷା ଅନୁଷ୍ଠିତ ହେବ। ଗଣ ଶିକ୍ଷା ବିଭାଗ ପକ୍ଷରୁ ସ୍ପଷ୍ଟ କରାଗଲା। ଜୁନ ୧୮ ରୁ କଲେଜ୍ ଖୋଲିଥିଲେ ସୁଦ୍ଧା ଉଚ୍ଚ ମାଧ୍ୟମିକ ଶିକ୍ଷା ପରିଷଦ କ୍ଵାଟର ଏଣ୍ଡ ପରୀକ୍ଷା ହେବ ନା ନାହିଁ ସ୍ପଷ୍ଟ କରିନଥିଲା। ଫଳ ରେ ପିଲାମାନେ ଚିନ୍ତାରେ ଥିଲେ। ଏନେଇ ଓଟିଭି ରେ ଅଗଷ୍ଟ ୧୪ ରେ ଖବର ପ୍ରସାରଣ ହୋଇଥିଲା ଆଜି ବିଭାଗ ପକ୍ଷରୁ ସ୍ପଷ୍ଟ କରାଗଲା। ଥିଓରୀ ପାଇଁ ୨୦ ଓ ପ୍ରାକ୍ଟିକାଲ ପାଇଁ ୧୦ ମାର୍କ ର ପରୀକ୍ଷା ହେବ। CHSE ପରୀକ୍ଷା ଡେଟ ଘୋଷଣା କରିବ।

() ଅତ୍ୟାବଶ୍ୟକ ସାମଗ୍ରୀ ମହଜୁତ ଓ କଳାବଜାରୀଙ୍କ ବିରୁଦ୍ଧରେ କଠୋର କାର‌୍ୟ୍ୟାନୁଷ୍ଠାନ ପାଇଁ ଖାଦ୍ୟ ଯୋଗାଣ ଓ ଖାଉଟି କଲ୍ୟାଣ ମନ୍ତ୍ରୀଙ୍କ ନିର୍ଦ୍ଦେଶ । ରାଜ୍ୟରେ ବନ୍ୟା ପରିସ୍ଥିତି ମଧ୍ୟରେ ଅତ୍ୟାବଶ୍ୟକ ସାମଗ୍ରୀ ମହଜୁତ ରଖି କଳାବଜାରୀ କରୁଥିବା ଅସାଧୁ ବ୍ୟବସାୟୀ ମାନଙ୍କ ବିରୁଦ୍ଧରେ କଠୋର କାର‌୍ୟ୍ୟାନୁଷ୍ଠାନ ଗ୍ରହଣ କରାଯିବ ବୋଲି ରାଜ୍ୟ ସରକାର ସତର୍କ କରି ଦେଇଛନ୍ତି । ବନ୍ୟା ପ୍ରଭାବିତ ଜିଲ୍ଲାମାନଙ୍କରେ ଅସାଧୁ ବ୍ୟବସାୟୀମାନେ ଯେପରି ଅତ୍ୟାବଶ୍ୟକ ସାମଗ୍ରୀ ମହଜୁତ ରଖି କଳାବାରୀ ନକରନ୍ତି ସେ ନେଇ ସତର୍କ ଦୃଷ୍ଟି ରଖିବା ସହିତ ସ୍ୱତନ୍ତ୍ର ସ୍କ୍ୱାଡ୍ ଗଠନ କରି ଯାଂଚ ଓ ଚଢାଉ କରିବାକୁ ଖାଦ୍ୟଯୋଗାଣ ଓ ଖାଉଟି କଲ୍ୟାଣ , ସମବାୟ ମନ୍ତ୍ରୀ ଅତନୁ ସବ୍ୟସାଚୀ ନାୟକ ବିଭାଗକୁ ନିର୍ଦ୍ଦେଶ ଦେଇଛନ୍ତି । ମନ୍ତ୍ରୀ ଶ୍ରୀ ନାୟକଙ୍କ ନିର୍ଦ୍ଦେଶକ୍ରମେ ବିଭାଗୀୟ ପ୍ରମୁଖ ସଚିବ ରାଜ୍ୟର ସମସ୍ତ ଜିଲ୍ଲାପାଳ ମାନଙ୍କୁ ପତ୍ରଲେଖି ଆବଶ୍ୟକ ପଦକ୍ଷେପ ନେବାକୁ କହିଛନ୍ତି ।

ଏଠାରେ ଉଲଲ୍ଲେନୀୟ କି ସାଧାରଣତଃ ବନ୍ୟା , ବାତ୍ୟା ଭଳି ପ୍ରକୃତିକ ବିପର୍ଯୟ ସମୟରେ କେତେକ ଅସାଧୁ ମୁନାଫାଖୋର ବ୍ୟବସାୟୀ ପନିପରିବା ଠାରୁ ଆରମ୍ଭ କରି ଅତ୍ୟାବଶ୍ୟକ ସାମଗ୍ରୀ ମହଜୁଦ କରି ଥାଆନ୍ତି । ସେମାନେ ବଜାରରେ କୃତ୍ରିମ ଅଭାବ ସୃଷ୍ଟି କରି ଅଧିକ ଦରରେ ବିକ୍ରି କରଥାନ୍ତି । ଏହି ପରିପ୍ରେକ୍ଷୀରେ ବନ୍ୟା ଜନିତ ପରିସ୍ଥିତିରେ ସତର୍କତା ମୂଳକ ପଦକ୍ଷେପ ଗ୍ରହଣ କରିବାକୁ ସଂପୃକ୍ତ ଅଧିକାରୀମାନଙ୍କୁ କଡା ନିର୍ଦ୍ଦେଶ ଦିଆଯାଇଛି ।

() ସ୍ୱତନ୍ତ୍ର ରିଲିଫ କମିଶନରଙ୍କ ପ୍ରେସମିଟ,

ସୁବର୍ଣ୍ଣରେଖା ରେ ବଡ଼ ବନ୍ୟା ।

{} ଝାଡ଼ଖଣ୍ଡର ଗାଲୁଢ଼ି ବ୍ୟାରେଜ ରେ 6 ଲକ୍ଷ କ୍ୟୁସେକ ପାଣି ଆସୁଛି । ତେଣୁ ସୁବର୍ଣ୍ଣରେଖା 6 ଲକ୍ଷ କ୍ୟୁସେକ ପାଣି ଆସୁଛି । ସୁବର୍ଣ୍ଣରେଖା ଅଵବାହିକା ରେ ପ୍ରବଳ ବନ୍ୟା ହେବାର ସମ୍ଭାବନା ରହିଛି । ମୟୁରଭଞ୍ଜ ର କିଛି ସ୍ଥାନ, ବାଲେଶ୍ଵର ର ବାଲେଶ୍ଵର, ଭୋଗରାଇ ଓ ବସ୍ତା ଅଞ୍ଚଳ ପ୍ରଭାବିତ ହେବ । ଗୋଟିଏ ଓଡ୍ରାଫ ଓ ଗୋଟିଏ ଏନଡ଼ିଆରଏଫ । 40 ଟି ଅପରେସନ ଟିମ ରହିବ ବାଲେଶ୍ଵର ଜିଲ୍ଲାରେ । ବର୍ତ୍ତମାନ ଆମେ ରେଶକ୍ୟୁ କାର୍ଯ୍ୟ ରେ ଲାଗିଛୁ ଏହା ପରେ ରିଲିଫ କାର୍ଯ୍ୟ କୁ ଯିବୁ । 2008 ଠୁ ବି ବଡ଼ ବନ୍ୟା ସୁବର୍ଣ୍ଣରେଖା ଅଵବାହିକା ରେ ହେବାକୁ ଯାଉଛି। ତେଣୁ ମନ୍ତ୍ରୀ ପ୍ରତାପ ଦେବ ଙ୍କୁ ରାଜ୍ୟ ସରକାର ପଠାଇଛନ୍ତି ସେହି ଅଞ୍ଚଳକୁ । ସେ ଅଞ୍ଚଳରେ ସମସ୍ତ ଜନ ପ୍ରତିନିଧି ମାନଙ୍କୁ ନେଇ ସ୍ଥିତି ର ମୁକାବିଲା ଦିଗରେ କାମ କରୁଛନ୍ତି ।

ବାଲେଶ୍ଵର ଜିଲ୍ଲାରେ ଅପରାହ୍ନ ରୁ ଜଣା ପଡ଼ିବ ବନ୍ୟାର ପ୍ରକୋପ।ଏହି ପିକ ଫ୍ଲଡ଼ର ପ୍ରଭାବ ଆସନ୍ତା କାଲି ସନ୍ଧ୍ୟା ପର୍ଯ୍ୟନ୍ତ ରହିବ ।

ବର୍ତ୍ତମାନ ବୁଢ଼ାବଳଙ୍ଗ ବିପଦ ସଙ୍କେତ ଅତିକ୍ରମ କରି ନାହିଁ । ଏବଂ କିଛି ସ୍ଥାନରେ ପାଣି ଖସିବା ଆରମ୍ଭ କରିଛି । ତେଣୁ ବୁଢ଼ାବଳଙ୍ଗ ରେ କିଛି ସେପରି ସ୍ଥିତି ହେବ ନାହିଁ ।

ବୈତରଣୀ ବିପଦ ସଙ୍କେତ ଥୁ ଗୋଟିଏ ମିଟର ଅଧିକ ପାଣି ଅତିକ୍ରମ କରୁଛି । ଆଖୁଆପଦା ଠାରେ କିଛି ସମୟ ପରେ ପାଣି ଖସିବା ଆରମ୍ଭ ହେବ। କାଣି ନଦୀ ରେ ହୋଇଥିବା ଘାଇ ମରାମତି ହୋଇ ପାରିନ ଥିଲା ପୁଣି ଆସିବା ରୁ ସେଠାରେ ପାଣି ପଶିବା ଆରମ୍ଭ କରିଛି । ବୈତରଣୀ ପାଇଁ ଆମେ ଯାଜପୁର ଓ ଭଦ୍ରକ କୁ ଆଲର୍ଟ ରେ ରଖିଛୁ ।

ମହାନଦୀ 1 ଲକ୍ଷ 35 ହଜାର କ୍ୟୁସେକ ଜଳ ପ୍ରବେଶ କରୁଛି । ଏବଂ 1 ଲକ୍ଷ 6 ହଜାର ଛାଡୁଛୁ । 621.08 ରହିଛି ହୀରାକୁଦ ର ଜଳସ୍ତର । ତେବେ ଆସନ୍ତା କାଲି ମଧ୍ୟ ପାଣି ଅଧିକ ଆସିବାର ସମ୍ଭାବନା ନାହିଁ ।

ତେଲ ନଦୀ ରେ 2 ଲକ୍ଷ 66 ହଜାର ପାଣି ଆସୁଛି । ଖାଇରମାଲ ଠାରେ 4 ଲକ୍ଷ 56 ହଜାର କ୍ୟୁସେକ ପାଣି ରହିଛି । ଏହା ମୁଣ୍ଡଳୀ ରେ 5 ଲକ୍ଷ ରୁ 5.50 ହଜାର କ୍ୟୁସେକ ହେବ । ଆମେ ଚାହୁନାହୁଁ ଯେ ମୁଣ୍ଡଳୀରେ ଅଧିକ କ୍ୟୁସେକ ପାଣି ପାସ କରୁ । ଏଥର ମୁଣ୍ଡଳୀ ରେ ବହୁତ ସ୍ଲୋ ପାଣି ଖସୁଛି । ବର୍ତ୍ତମାନ ବି 8 ଲକ୍ଷ କ୍ୟୁସେକ ରୁ ଅଧିକ ପାଣି ପାସ କରୁଛି ।

ବ୍ରାହ୍ମଣୀ ଉପରେ ତୀକ୍ଷଣ ନଜର ରଖାଯାଇଛି।