- Advertisement -
ମହାନଦୀ ଟ୍ରିବୁନାଲର ଓଡିଶା ଗସ୍ତ କଣ ପାଇଁ? ପିକନିକ ପାଇଁ ନୁହେଁ ତ? ମହାନଦୀ ବଞ୍ଚାଓ ଆନ୍ଦୋଳନ l
*ମଧ୍ୟବର୍ତ୍ତୀ କାଳୀନ ରାୟ ମାଧ୍ୟମରେ ଅଣ ମୌସୁମୀ ସମୟରେ ଆବଶ୍ୟକ ପାଣି ଓଡିଶାକୁ ଛାଡିବାକୁ ଦାବି l
*କନକତୋରା ରୁ ପାରାଦ୍ୱୀପ, ଭୁବନେଶ୍ୱର ତଥା କଟକ ସମେତ 10 ଟି ସ୍ଥାନରେ ସତ୍ୟାଗ୍ରହ ଆୟୋଜନ କରିବ ମହାନଦୀ ବଞ୍ଚାଅ ଆନ୍ଦୋଳନ
ମହାନଦୀ ବଞ୍ଚାଅ ଆନ୍ଦୋଳନ ପକ୍ଷରୁ ୟୁନିଟ 6 ସ୍ଥିତ ନେତାଜୀ ଭବନ ଠାରେ ମହାନଦୀ ଟ୍ରିବୁନାଲଙ୍କ ଗସ୍ତ ପରିପ୍ରେକ୍ଷୀରେ ଏକ ଗୁରୁତ୍ୱପୂର୍ଣ ବୈଠକ ଶ୍ରୀ ସୁଦର୍ଶନ ଦାସ ଙ୍କ ସଭାପତିତ୍ୱରେ ଅନୁଷ୍ଠିତ ହୋଇ ଯାଇଛି l ମହାନଦୀ ଟ୍ରିବୁନାଲ ଆସନ୍ତା ଫେବୃଆରୀ 26 ତାରିଖରୁ ମାର୍ଚ୍ଚ 2 ତାରିଖ ପର୍ଯ୍ୟନ୍ତ 5 ଦିନ ଧରି ଓଡିଶା ଗସ୍ତରେ ଆସୁଛନ୍ତି l ମହାନଦୀ ଟ୍ରିବୁନାଲ ଅଧ୍ୟକ୍ଷା ବେଲା ଏମ୍ ତ୍ରିବେଦୀ, ମାନ୍ୟବର ସଦସ୍ୟ ଜଷ୍ଟିସ୍ ଡକ୍ଟର ରବି ରଞ୍ଜନ ତାଙ୍କ ପତ୍ନୀ ଡକ୍ଟର ସୁନିତା ରାୟ, ମାନ୍ୟବର ସଦସ୍ୟl ଜଷ୍ଟିସ୍ ଶ୍ରୀମତୀ ଇନ୍ଦରମୀତ କୌର କୋଚର ତାଙ୍କ ସ୍ୱାମୀ ଜଷ୍ଟିସ୍ ଶ୍ରୀ ଏ. କେ. ପାଠକ, ଜଷ୍ଟିସ ରବି ରଞ୍ଜନଙ୍କ ଝିଅ ଶ୍ରୀମତୀ ଭବ ପ୍ରିୟଦର୍ଶିନୀ, ନାତି ଗୁରୁ ବିକ୍ରମଦିତ୍ୟ,
ହିସାବ କାରକ ଶ୍ରୀ. ଏ.କେ. ସିଂହ, ଆସେସାର ଶ୍ରୀ କୃଷ୍ଣନୁନ୍ନି ଏନ.ଏମ.,ରେଜିଷ୍ଟ୍ରର
ଶ୍ରୀ ଚନ୍ଦନ ମୁଖାର୍ଜୀ, ସୁରକ୍ଷା ଅଧିକାରୀ ଶ୍ରୀ ଅନିଲ ଦତ୍ତ ଶର୍ମା,
ଶ୍ରୀ ସୁଜିତ କୁମାର ଗିରି, ବିଭାଗ ଅଧିକାରୀ ଶ୍ରୀ ମନୋଜ କୁମାର ପ୍ରମୁଖ ଏହି ଟିମରେ ଆସୁଛନ୍ତି l ଏହି ଗସ୍ତ ଏକ ଘରୋଇ ପିକନିକ କି ବୋଲି ବୈଠକରେ ପ୍ରଶ୍ନ କରାଯାଇଛି? ପୂର୍ବରୁ 2023 ମସିହାରେ ମଧ୍ୟ ଟ୍ରିବୁନାଲ ଓଡିଶା ଗସ୍ତରେ ଆସିଥିଲା ଓ ବିଭିନ୍ନ ସ୍ଥାନ ପରିଦର୍ଶନ କରିଥିଲା l ଓଡିଶା ଲୋକଙ୍କ 5 କୋଟି ଟଙ୍କା ଏଥିପାଇଁ ଓଡିଶା ସରକାରଙ୍କ ତହବିଲରୁ ଖର୍ଚ୍ଚ ହୋଇଥିଲା l ହେଲେ ଫଳ କଣ ହେଲା ତାହା ସମସ୍ତଙ୍କୁ ଜଣା l ଏବେ ଟ୍ରିବୁନାଲ ର କାର୍ଯ୍ୟକାଳ ସରିବାକୁ ବସିଥିବାବେଳେ ପୁଣି ଥରେ ଏହି ଗସ୍ତ କଣ ପାଇଁ ? ଆସନ୍ତା ମାର୍ଚ୍ଚ ରେ ଟ୍ରିବୁନାଲ ଅବଧି ସରିବ l ଯେହେତୁ 9 ମାସ ଅଧକ୍ଷ ପଦବୀ ଖାଲିଥିଲା ତେଣୁ ପୁଣି 9 ମାସ ଟ୍ରିବୁନାଲ ଅବଧି ବଢ଼ିପାରେ ହେଲେ ସେଥିରେ ଏ ପର୍ଯ୍ୟନ୍ତ ସ୍ପଷ୍ଟତା ଆସି ନାହିଁ l ଯେହେତୁ ଟ୍ରିବୁନାଲରୁ ଓଡିଶା କୁ ଏବଂ ମହାନଦୀ କୁ କିଛି ନ୍ୟାୟ ମିଳୁନି, ତେଣୁ ଓଡିଶା ଲୋକଙ୍କ ଟିକସ ପଇସା ପୁଣି ଖର୍ଚ୍ଚ କାହିଁକି ହେବ ଓ ସେଥିରୁ ଓଡିଶାର କଣ ଲାଭ ହେବ ସେଥିପାଇଁ ଏହି ଗସ୍ତ ସମୟରେ ମହାନଦୀ ବଞ୍ଚାଅ ଆନ୍ଦୋଳନ ପ୍ରଶ୍ନ କରିବା ସହିତ କିଛି ଠୋସ କାର୍ଯ୍ୟକ୍ରମ ହାତକୁ ନେଇଛି l ବିଭିନ୍ନ ରାଜନୈତିକ ଦଳ ର ନେତୃତ୍ୱ ଓ ସଂଗଠନର କର୍ମକର୍ତ୍ତାଙ୍କ ସହିତ ଆଲୋଚନା ଓ ବିଚାର ବିମର୍ଶ ପରେ ଏହି ନିଷ୍ପତି ହୋଇଥିଲା l ଆସନ୍ତା କାଲି ଭୁବନେଶ୍ୱର ମାଷ୍ଟର କ୍ୟାଣ୍ଟିନ ଛକରେ ବିରୋଧ ପ୍ରଦର୍ଶନ ହେବ l ସେହିପରି 27 ରୁ 2ତାରିଖ ପର୍ଯ୍ୟନ୍ତ କନକତୋରା, ସମ୍ବଲପୁର,ବିନିକା, ସୋନପୁର,ଆଠମଲ୍କିକ, ବାଙ୍କୀ, ବୈଦେଶ୍ଵର, କଟକ, ପାରାଦ୍ୱୀପ ଆଦି ସ୍ଥlନରେ ମଧ୍ୟ ମହାନଦୀ ବଞ୍ଚାଅ ଆନ୍ଦୋଳନ ବିରୋଧ ପ୍ରଦର୍ଶନ ସହ ବାଲି ସତ୍ୟାଗ୍ରହ କରିବ ବୋଲି ସାମ୍ବାଦିକ ସମ୍ମିଳନୀରେ ଆବାହକ ଶ୍ରୀ ଦାସ କହିଛନ୍ତି l
ଆଉ ଏକ ଗଭୀର ଉଦବେଗ ଜନକ ବିଷୟ ଦୟାନଦୀରେ ଏକ ବ୍ୟାରେଜ ହେବ l ଏହା ଦ୍ୱାରା ତଳ ମୁଣ୍ଡରେ ନଦୀର ଅବସ୍ଥା ଶୋଚନୀୟ ହେବ l ନଦୀରୁ ଉଠୁଥିବା ବାଲି ଓ ମାଟି କୁ ମାଫିଆ ମାନେ ବୋହି ନେଉଛନ୍ତି l ଯାହା ନଦୀ ଏବଂ ଅଞ୍ଚଳ ବାସୀ ଙ୍କ ସୁରକ୍ଷା ପ୍ରତି ବିପଦ ସୃଷ୍ଟି କରୁଛି l ଆସନ୍ତା 27 ତାରିଖରେ ଏକ ତଥ୍ୟ ଅନୁସନ୍ଧାନକାରୀ ଦଳ ସେହି ଅଂଚଳ ଗସ୍ତ କରି ସ୍ଥାନୀୟ ସମସ୍ୟା ଅନୁଧ୍ୟାନ କରିବା ସହ ପ୍ରକଳ୍ପର ସମସ୍ତ ତଥ୍ୟ ପାଇଁ ବିଭାଗୀୟ ଅଧିକାରୀଙ୍କ ସହିତ ଆଲୋଚନା କରିବାକୁ ନିଷ୍ପତି ହୋଇଛି ବୋଲି ମୁଖପାତ୍ର ପ୍ରସନ୍ନ ବିଷୋୟୀ କହିଛନ୍ତି l ଆଜିର ବୈଠକ ରେ ପରିବେଶବିତ ଡ଼ ଜୟ କୃଷ୍ଣ ପାଣିଗ୍ରାହୀ, ସିପିଆଇ ର ବରିଷ୍ଠ ନେତା ଆଶିଷ ଜାନୁନଗୋ, ସିପିଏମ ନେତା ପ୍ରଦୀପ୍ତ ନାୟକ, ସିପିଆଇଏମ ( ଲିବାରେସନ ) ନେତା ଯୁଧିଷ୍ଠିର ମହାପାତ୍ର, ଫୋରୱାର୍ଡ ବ୍ଲକ ନେତା ଜ୍ୟୋତି ଇଞ୍ଜନ ମହାପାତ୍ର, ଆନ୍ଦୋଳନ ର ସହ ଆବାହକ ବାସୁଦେବ ଭଟ୍ଟ, ମନୋଜ ଜେନା, ଦୟା ସୁରକ୍ଷା ଅଭିଯାନ ର ସଚିକାନ୍ତ ପ୍ରଧାନ, ଅଶୋକ ପ୍ରଧାନ, ମହାନଦୀ ଆନ୍ଦୋଳନ ର ସଂଯୋଜକ ବିଜୟ ପ୍ରଧାନ, ପ୍ରବକ୍ତା ପ୍ରସନ୍ନ ବିଶୋଇ, , ବିଜୟ ପରିଡା, ଆର ଜେ ଡି ର ହେମନ୍ତ କୁମାର, ସମତାକ୍ରାନ୍ତି ଦଳର ପ୍ରଭାସ ସାମନ୍ତରାୟ, ମନୋଜ କୁମାର ରାଉତ, ଲକ୍ଷ୍ମୀ ଦୋରା, ସୁଶୀଲ ଥାନ ପତି, ରିଙ୍କି ସାହୁ, ବିତା ଆଜାଦ ପ୍ରମୁଖ ଆଲୋଚନାରେ ଭାଗ ନେଇଥିଲେ l
- Advertisement -
