ସମ୍ପର୍କ ଥାଉ, ଦୂରତା ରହୁ 

- Advertisement -

କଥାରେ ଅଛି ଦୂର ବନ୍ଧୁ ସୁନ୍ଦର। ସମ୍ପର୍କଟା ଜୀବନ ରେଖାରେ ବନ୍ଧା. କେତେବେଳେ କିଏ ଏ ସଂମ୍ପର୍କରେ ଯୋଡିହୋଇଯାଏ ଓ ଛିଣ୍ଡିଯାଏ ତାହା ଜଣାପଡେ ନାହିଁ ସମୟ ଅନୁସାରେ ସମ୍ପର୍କର ଡୋରି ଆଗେଇ ଚାଲେ। ସମ୍ପର୍କ ଆନନ୍ଦ ଦିଅ ପୁଣି କନ୍ଦାଏ। ଅନେକ କହନ୍ତି ସମ୍ପର୍କ ବଜାୟ ରଖିବା ଏତେଟା ସହଜ ନୁହେଁ। ସବୁ ଠିକ ଠାକ ଥିଲେ ବି ଏଥରେ ବ୍ରେକ ଲାଗେ ପୁଣି ବିନା ବ୍ରେକରେ ସମ୍ପର୍କ ଗାଡି ଗଡିଚାଲେ ଆପେ ଆପେ। ବୁଝିବା ଲୋକ ସମ୍ପର୍କର ମୂଲ୍ୟ ବୁଝେ। ବିନା ସ୍ୱାର୍ଥରେ ଭଗବାନଙ୍କ ଆଶୀର୍ବାଦରୁ ଯୋଡି ହୋଇଥିବା ସଂମ୍ପର୍କ ନିବିଡ଼ ହେଲେ କାହିଁକି ଯେ ଏତେ ସ୍ୱାର୍ଥ ଖୋଜାପଡେ ତାହା ବୁଝିବା କଷ୍ଟ। ସମ୍ପର୍କ ଡୋରି ଉଭୟ ପଟୁ ସମାନ ଭାବେ ଟଣାଯାଏ। ଯାହା ଭରିଦିଏ ମିଠା।

ଆଜିକାଲି ସମ୍ପର୍କର ପରିଭାଷା ବଦଳିଯାଇଛି।କଣ ପାଇବି ଓ କଣ ହରାଇବି ମାପକାଠିରେ ଯୋଡି ହେଇଛି ସମ୍ପର୍କ। ଯାହା କଳାବୈଶାଖୀ ବର୍ଷା ପରି। କାଳବୈଶାଖୀ ବର୍ଷା ଯେମିତି କେଉଁଠି ଖୁସି ଦିଏ ତ କ୍ଷତି କରେ. ଏହି ଖୁସି ଓ କ୍ଷତି ଭୁଲିଯାଇ ଆଗକୁ ବଢିଲେ ସମ୍ପର୍କ ଆଗେଇଚାଲେ। ସମ୍ପର୍କକୁ ଅଧିକ ନିକତର କରି ଅତ୍ୟଧିକ ଝୁରିଲେ ଏହା ଖଟା ପଡ଼ିଯାଏ। ଦହିର ମଧୁରତା ଯେମିତି ଖଟାରେ ଥାଏ, ସମ୍ପର୍କରେ ରାଗରୁଷା ବି ଦରକାର. ସାମାଜରେ ବଂଚିବା ପାଇଁ ସହିତ ଆଉ ଗୋଟେ ପରିବାରର ସମ୍ପର୍କ ଯୋଡି ହୋଇଯାଏ। ସର୍ବପରି ସାମାଜିକ ଓ ପାରିବାରିକ ଶାନ୍ତି ପାଇଁ ସମ୍ପର୍କରେ ଦୂରତା ଟିକେ ଆବଶ୍ୟକ। ଯାହା ସଭିଙ୍କ ପାଇଁ ଅନୁକରଣୀୟ ହୋଇଥାଏ।

- Advertisement -