- Advertisement -
ମୋର ବି ଡ୍ରେସ ହେବ। ମୁଁ ବି ରଜରେ ନୂଆ ପିନ୍ଧିବି ଆଉ ସାଙ୍ଗଙ୍କ ସହ ବୁଲିବି। ନାନୀର ନୂଆ ମାନେ ମୋର ବି ନୂଆ। ରଜ କଣ କେବଳ ଝିଅମାନଙ୍କ ପାଇଁ। ଏମିତି ଅନେକ କଥା କହି ଚିଣ୍ଟୁ ବାପାଙ୍କ ପାଖରେ ଅଳି କରୁଥିଲା ରଜର 15 ଦିନ ପୂର୍ବରୁ। ଚିଣ୍ଟୁର ଗୋଟିଏ ଜିଦ ନାନୀ ପିଙ୍କିର ନୂଆ ଡ୍ରେସ ହେଉଛି ମାନେ ତାହାର ହେବ। ତାର ଏହି ଅଳିରେ ଭଲପାଇବାର ପରିଭାଷା ଭିନ୍ନ।
ବାପାଙ୍କ ପାଖରେ ଚିଣ୍ଟୁ ରଜ ପୂର୍ବରୁ ସ୍ନେହ, ଆଦର, ଅଭିମାନ ଓ ମଧୁର ରାଗ ପ୍ରକାଶ କରି ଜିଦ ଧରିଛି ନାନୀ ପରି ତାର ନୂଆ ଡ୍ରେସ ହେବ
। ଏ ଅଳି ତାର କେବଳ ରାଗ ନୁହେଁ, ଏହା ହୃଦୟର କଥା।
ପିଲାଦିନେ ଏପରି ଅନେକ ରଜରେ ଅନେକଙ୍କ ଜୀବନରେ ଏ କାହାଣୀ ସତ ପରି ଲାଗୁଥିବ। ହେଲେ ଆଜି ରଜ ଆସିଲେ କଣ ସେହି ଅଳି ଅଛି ଘରେ? ଏ ପ୍ରଶ୍ନର ଅଧିକାଂଶ ଉତ୍ତର ଆସିବ ନା,। କାହିଁକି ଜାଣିଛନ୍ତି ଆଉ ଆଗଭଳି ଆମ ପିଲାଙ୍କ ମନରେ ଏ ଅଳି ନାହିଁ. ସମୟ ସହ ସବୁକିଛି ହଜିଯାଇଛି। ଆଧୁନିକତାର ଛାପ ଏତେ ମାତ୍ରରେ ଆମକୁ ଗ୍ରାସ କରିଛି ଯେ ଆମେ ସେ ମାୟାଜାଲରେ ଫସି ଯାଇଛନ୍ତି।
ରଜ ତିନି ଦିନ, ଗାଁଠାରୁ ସହର ରଜ ମହକେ । ନୂଆ ଡ୍ରେସ, ପୋଡ଼ପିଠା, ପଣସ ମଞ୍ଜି ସକରା ତରକାରି ପରେ ମିଠା ପାନ ଆଉ ଦୋଳି ଖେଳ। ତିନି ଦିନ ଦିନରାତି କେତେବେଳେ ହୁଏ ତାହା ବି ଜଣାପଡେ ନାହିଁ। କାରଣ ମା ବସୁମତୀ ରାଜବତୀ ହୁଏ। ତେଣୁ ଚାଷ କାମ ବନ୍ଦ, ଘରେଘରେ ପିଠାପଣାର ଆସର।
ଗାଁ ପଡିଆରେ କବାଡି ଖେଳ, ଗାଁ ବରଗଛ ମୂଳେ ତାସ ଖେଳ, ଘର ଅଗଣାରେ ପଞ୍ଚି ଖେଳ, ଲୁଡୁ ଖେଳ ଦେଖିବାକୁ ମିଳେ। ଆଜି ବି କିଛି ସ୍ଥାନରେ ଏ ପରମ୍ପରା ଜାରି ରହିଛି। ଆଉ ସହରରେ ଏହା ଫେସନ ପାଲଟିଛି। ତଥାପି ଆମେ ରଜ ପରି ବିଶେଷ ପର୍ବରେ ଅଳି କରିବସୁ ଭିନ୍ନ ଭିନ୍ନ ଇଚ୍ଛା ପାଇଁ।
ସେମିତି ହଷ୍ଟେଲ ଝରକା ପାଖରେ ବସି ପିଙ୍କି ଭାବୁଥିଲା ବିଦେଶ ମାଟିରେ ରଜ ପର୍ବରେ ତା ପିଲାଦିନରୁ ଯୌବନ ସମୟ କଥା। ସେ ଏବେ ବିବାହ କରି ବିଦେଶରେ । କିନ୍ତୁ ତାର ମନେପଡ଼େ ସେଦିନର ସ୍ମୃତି । ସେ କେମିତି ରଜ ତିନି ଦିନରେ ଭଳିକି ଭଳି ଡ୍ରେସ ପିନ୍ଧି ସାଙ୍ଗସାଥୀଙ୍କ ମେଳରେ ବୁଲେ। ଆଉ ଚାହେଁ ତା ସଜବାଜ ବେଶକୁ ରଂଜନ ଟିକେ ଦେଖୁ । ସେ ରଂଜନ ପ୍ରତି ଆକର୍ଷିତ ଥିଲା । ଆଉ ରଂଜନ ମଧ୍ୟ । ରଜତ ସମୟରେ ଖାଲି ପିଙ୍କି ନୁହେଁ । ରଂଜନ ବି ଅପେକ୍ଷା କରୁଥିଲା ପିଙ୍କିକୁ । ସଜବାଜ ହେଇ ପିଙ୍କି କେତେବେଳେ ତାଙ୍କ ପଡ଼ିଶା ଘର ରଘୁ ମାଷ୍ଟର ଝିଅ ମୀନା ପାଖକୁ ଆସିବ, ତାକୁ ଚାତକ ପରି ଚାହିଁବସିଥାଏ ରଂଜନ । ଏମିତିକି ତା ବାପା ମାମୁ ଆଉ ମଉସା ଘରକୁ ଯିବାକୁ ଯେତେ କହିଲେ ବି ସିଏ ବାହାନା କରି ଯାଏନି, ପିଙ୍କି ନଆସିବା ପର୍ଯ୍ୟନ୍ତି । ଏ ଥିଲା ସେଦିନର କଥା ସବୁ ।
ଆଜି ଜୁନ ମାସ ୧୪ ତାରିଖ. ପହିଲି ରଜ। ହେଲେ ସେ ମହକ ଆଉ କାଇଁ ଯେ ? ପୁରୁଣା ମହକ ଏତେ ଜୋରେ ବାସୁଥିଲା ଯେ ଆଜି ଯାଏ ତାହା ସଭିଙ୍କ ମନକୁ ମହକାଉଛି ରଜ ଆସିବା ପୂର୍ବରୁ।
- Advertisement -
