() ଓଡ଼ିଆ ସିନେଜଗତର ବିଶିଷ୍ଠ ସଂଗୀତ ନିର୍ଦ୍ଦେଶକ ଶ୍ରୀ ଗୁଡ୍‌ଲି ରଥ ଆଜି ଓଡ଼ିଶା ପ୍ରଭାରୀ ଡ. ଏ ଚେଲ୍ଲା କୁମାରଙ୍କ ଉପସ୍ଥିତିରେ ପ୍ରଦେଶ କଂଗ୍ରେସ କାର୍ଯ୍ୟାଳୟରେ କଂଗ୍ରେସ ଦଳରେ ଯୋଗଦାନ କଲେ । ଡ. ଏ ଚେଲ୍ଲା କୁମାର ଓ ପ୍ରଦେଶ କଂଗ୍ରେସ ସଭାପତି ଶ୍ରୀଯୁକ୍ତ ଶରତ ପଟ୍ଟନାୟକ ଶ୍ରୀ ରଥ ଏବଂ ସୁନାମଧନ୍ୟା କଣ୍ଠଶିଳ୍ପ ପମି ମିଶ୍ର, ରଶ୍ମିତା ସାହୁ ଏବଂ କାକଟପୁର ନିର୍ବାଚନ ମଣ୍ଡଳୀର ସ୍ୱଳ୍ପଲିପ୍ସା ମହାନ୍ତି, ବିଶ୍ୱଜିତ ଲେଙ୍କା ଙ୍କୁ ପୁଷ୍ପଗୁଚ୍ଛ ଓ ଉତରୀୟ ଦେଇ ଦଳକୁ ସ୍ୱାଗତ କରିଥିଲେ । ଏହି ମିଶ୍ରଣ ପର୍ବରେ ପୂର୍ବତନ ପ୍ରଦେଶ କଂଗ୍ରେସ କମିଟି ସଭାପତି ଶ୍ରୀଯୁକ୍ତ ନିରଞ୍ଜନ ପଟ୍ଟନାୟକ, ଶ୍ରୀଯୁକ୍ତ ଜୟଦେବ ଜେନା, ଶ୍ରୀ ପ୍ରସାଦ ହରିଚନ୍ଦନ, ଶ୍ରୀ ଶରତ ରାଉତ, ଶ୍ରୀ ଗେଣେଶ୍ୱର ବେହରା, ବିଧାୟକ ଶ୍ରୀ ସୁରେଶ କୁମାର ରାଉତରାୟ, ଶ୍ରୀ ସନ୍ତୋଷ ସିଂ ସାଲୁଜା, ରାଜନ ଏକ୍କା, ଅଧିରାଜ ମୋହନ ପାଣିଗ୍ରାହୀ, ରମେଶ ଜେନା ଓ ବହୁ କଂଗ୍ରେସ ନେତୃବର୍ଗ ଉପସ୍ଥିତ ଥିଲେ ।

() ବିଶ୍ୱ ବିଖ୍ୟାତ ଜ୍ୟୋର୍ତିବିଦ ପଠାଣି ସାମନ୍ତଙ୍କ ୧୮୮ ତମ ଜନ୍ମ ଜୟନ୍ତୀ ଖଣ୍ଡପଡା ସ୍ଥିତ “ମୁଁ ବଘେଲ” ପରିବାର ପକ୍ଷରୁ ଆୟୋଜିତ ହୋଇଯାଇଛି । ଖଣ୍ଡପଡ଼ା ସ୍ଥିତ ରାଜବାଟୀ ପରିସରର ଜଗନ୍ନାଥ ମନ୍ଦିର ପ୍ରାଙ୍ଗଣରେ ଆୟୋଜିତ ଏହି କାର୍ଯ୍ୟକ୍ରମ ଶିକ୍ଷା ଓ ଅନୁସନ୍ଧାନ (ସୋଆ) ବିଶ୍ୱବିଦ୍ୟାଳୟ ଏବଂ “ମୁଁ ବଘେଲ ପରିବାର” ମିଳିତ ଆନୁକୂଲ୍ୟରେ ଚଳିତ ମାସ ୧୫ ଓ ୧୬ ତାରିଖ ଦୁଇ ଦିନ ଧରି ଅନୁଷ୍ଠିତ ହୋଇଯାଇଛି ।ଚଳିତ ବର୍ଷ ପୌଷ ମାସ କୃଷ୍ଣ ଅଷ୍ଟମୀ ତିଥି ଅନୁଯାୟୀ ସାମନ୍ତଙ୍କ ଜନ୍ମ ଜୟନ୍ତୀ ପାଳନ କରାଯିବା ସହ ଏହି ଅବସରରେ “ବଘେଲ ସମ୍ମାନ ୨୦୨୨-୨୩” ମଧ୍ୟ ପ୍ରଦାନ କରାଯାଇଛି ।

କାର୍ଯ୍ୟକ୍ରମର ପ୍ରଥମ ଦିନରେ ବିଭିନ୍ନ ବିଦ୍ୟାଳୟର ଶତାଧିକ ଛାତ୍ରଛାତ୍ରୀଙ୍କ ମଧ୍ୟରେ ଚିତ୍ରାଙ୍କନ, ଝୋଟି ଓ ବକ୍ତୃତା ଆଦି ପ୍ରତିଯୋଗିତା ଆୟୋଜିତ ହୋଇଥିଲା । ସଭା ଆରମ୍ଭ ହେବା ପୂର୍ବରୁ ରଥଗଡ଼ାଛକ ଠାରେ ଥିବା ସାମନ୍ତଙ୍କ ପ୍ରତିମୂର୍ତୀରେ ଅତିଥିମାନେ ପୁଷ୍ପମାଲ୍ୟ ଅର୍ପଣ କରିଥିଲେ । ଅପରାହ୍ଣରେ ଆୟୋଜିତ ସଭାରେ କନ୍ଧମାଳର ପୂର୍ବତନ ସାଂସଦ ପ୍ରତ୍ୟୁଷା ରାଜେଶ୍ୱରୀ ସିଂହ ମୁଖ୍ୟ ଅତିଥି ଭାବେ ଯୋଗ ଦେଇ କାର୍ଯ୍ୟକ୍ରମକୁ ଉଦ୍‌ଘାଟନ କରିବା ସହ ସାମନ୍ତଙ୍କ ଜୀବନୀ ସମ୍ପର୍କରେ ବକ୍ତବ୍ୟ ରଖିଥିଲେ । ସମ୍ମାନିତ ଅତିଥି ଭାବେ ଆଇନଜୀବୀ ତଥା ସ୍ତମ୍ଭକାର ଶ୍ରୀ ଗିରିଜା ଶଙ୍କର ତରାସିଆ, ସାହିତିଁକ କୁଳମଣି ଷଢ଼ଙ୍ଗୀ ଓ ମୁଁ ବଘେଲ୍ ପରିବାରର ଆବାହକ ଶ୍ରୀ ଧନେଶ୍ୱର ମହାପାତ୍ର ପ୍ରମୁଖ ମଂଚାସିନ ଥିଲେ ।
ସେହିପରି ଦ୍ୱିତୀୟ ଦିନ ତଥା ୧୬ ତାରିଖ ସାମନ୍ତଙ୍କ ଜନ୍ମ ଜୟନ୍ତୀରେ ବିଶିଷ୍ଟ ବୈଜ୍ଞାନିକ ତଥା ଏସିଆନ୍ ଇନ୍‌ଷ୍ଟିଚ୍ୟୁଟ୍ ଅଫ୍ ପବ୍ଲିକ୍ ହେଲ୍‌ଥର କୁଳପତି ପଦ୍ମଶ୍ରୀ ଆଦିତ୍ୟ ପ୍ରସାଦ ଦାଶ ମୁଖ୍ୟ ଅତିଥି ଭାବେ ଯୋଗ ଦେଇଥିବା ବେଳେ ମୁଖ୍ୟ ବକ୍ତା ଭାବେ ତିରୁପତି ସ୍ଥିତ ଜାତୀୟ ସଂସ୍କୃତ ବିଶ୍ୱବିଦ୍ୟିାଳୟର କୁଳାନୁଶାସକ ତଥା ସାହିତ୍ୟ ବିଭାଗର ପ୍ରଫେସର ସତ୍ୟନାରାୟଣ ଆଚାର୍ଯ୍ୟ ଉପସ୍ଥିତ ଥିଲେ । ସମ୍ମାନିତ ଅତିଥି ରୂପେ ଶିକ୍ଷା ଓ ଅନୁସନ୍ଧାନ ବିଶ୍ୱବିଦ୍ୟାଳୟର ଛାତ୍ର ମଙ୍ଗଳ ଡିନ୍ ପ୍ରଫେସର ଜ୍ୟୋତି ରଞ୍ଜନ ଦାସ, ପୂର୍ବତନ ଉପ-ବାଚସ୍ପତି ତଥା ମନ୍ତ୍ରୀ ଶ୍ରୀ ବିଭୁତି ଭୂଷଣ ସିଂହ ମର୍ଦ୍ଦରାଜ, ପଣ୍ଡିତ ମନୋଜ ଦାଶ, ଅଧିବକ୍ତା ତଥା ସ୍ତମ୍ଭକାର ଶ୍ରୀ ଗିରିଜା ଶଙ୍କର ତରାସିଆ, ମୁଁ ବଘେଲର ଆବାହକ ଶ୍ରୀ ଧନେଶ୍ୱର ମହାପାତ୍ର ଓ ବ୍ଲକ ଉପାଧ୍ୟକ୍ଷ ଶ୍ରୀ ଶିଶିର କୁମାର ସାହୁ ପ୍ରମୁଖ ମଂଚାସିନ ଥିଲେ । କାର୍ଯ୍ୟକ୍ରମରେ ଅତିଥିମାନେ ବିଶ୍ୱ ବିଖ୍ୟାତ ଜ୍ୟୋର୍ତିବିଦ୍ ପଠାଣି ସାମନ୍ତଙ୍କ ସ୍ମୃତିଚାରଣ କରିଥିଲେ । ସାହିତ୍ୟିକ କୁଳମଣି ଷଢ଼ଙ୍ଗୀ ସଭାରେ ପୌରହିତ୍ୟ କରିଥିଲେ । ଆଇନଜୀବୀ ତଥା ଅନୁଷ୍ଠାନର ସମ୍ପାଦକ ଶ୍ରୀ ବିକ୍ରମ କେଶରୀ ଦେଓ ଅତିଥି ପରିଚୟ ପ୍ରଦାନ କରିବା ସହ ସଂପାଦକୀୟ ବିବରଣୀ ପ୍ରଦାନ କରିଥିଲେ ।

ଡିସେମ୍ବର ୧୬ ତାରିଖ ଦିନ ଏହି କାର୍ଯ୍ୟକ୍ରମ ଅବସରରେ ଏକ ସ୍ୱାସ୍ଥ୍ୟ ଶିବିରର ଆୟୋଜନ କରାଯାଇଥିଲା ।
କାର୍ଯ୍ୟକ୍ରମ ପ୍ରଥମ ଦିନରେ ଖଣ୍ଡପଡ଼ା ଅଚଂଳର ଦିବଂଗତ କଳାକାର କଟାକ୍ଷ କିଶୋର ଭାବେ ପରିଚିତ ଶ୍ରୀ କିଶୋର ରଥ ଏବଂ ଧୁମ୍ପା ସଂଗୀତରେ ସ୍ୱତନ୍ତ୍ର ଅବଦାନ ନିମନ୍ତେ ସ୍ୱର୍ଗତ ସୁରେଶ ମହାପାତ୍ର ଏବଂ ସ୍ୱର୍ଗତ ଗିରିଧାରୀ ବାରିକ ଏବଂ ଦ୍ୱିତୀୟ ସାଲବେଗ ଭାବେ ପରିଚିତ ସ୍ୱର୍ଗତ ଭିକାରୀ ମହମ୍ମଦଙ୍କ ସମେତ ଅନ୍ୟ ଦିବଂଗତ କଳାକାରମାନଙ୍କ ସ୍ମୃତି ଉଦ୍ଦେଶ୍ୟରେ ଏକ ସଂଗୀତ ଆସର ଅନୁଷ୍ଠିତ ହୋଇଥିଲା । ଏଥି ସହିତ ବ୍ୟଙ୍ଗ କବି ଜ୍ଞାନ ହୋତା ଓ ଅନ୍ୟ ବ୍ୟଙ୍ଗ କଳାକାରମାନଙ୍କ ଦ୍ୱାରା ମନୋରଞ୍ଜନ କାର୍ଯ୍ୟକ୍ରମ ପରିବେଷଣ କରାଯାଇଥିଲା । ସେହପରି କାର୍ଯ୍ୟକ୍ରମର ଦ୍ୱିତୀୟ ଦିନରେ ଅନ୍ତଃରାଷ୍ଟ୍ରୀୟ ଖ୍ୟାତି ସମ୍ପନ୍ନା ଓଡ଼ିଶୀ ନୃତ୍ୟ ଗୁରୁ ଶ୍ରୀମତି ପୁଷ୍ପିତା ମିଶ୍ର ଓ କଳିଙ୍ଗାୟନ ତୌର୍ଯ୍ୟତ୍ରୀକମ୍‌, ଭୁବନେଶ୍ୱରର କଳାମାନଙ୍କ ଦ୍ୱାରା ଓଡ଼ିଶୀ ନୃତ୍ୟ ପ୍ରଦର୍ଶନ ଓ ଫ୍ରାନ୍ସରୁ ଆସିଥିବା ଓଡ଼ିଶୀ ନୃତ୍ୟାଙ୍ଗନା ବାର୍‌ବରା ଖଣ୍ଡାପଡା ଆସି ସାମନ୍ତ ଜୟନ୍ତୀରେ ପହଂଚିବା ଏହି ଉତ୍ସବକୁ ଅଧିକ ସରସ ସୁନ୍ଦର କରିଥିଲା । ଖଣ୍ଡପଡ଼ା ଗଡଜାତ କଳା ସଂସ୍କୃତି ସହିତ ଓଡ଼ିଶୀ ନୃତ୍ୟ ଏବଂ ଓଡ଼ିଶାର ସଂସ୍କୃତିକୁ ନେଇ ଗବେଷଣା କରିବା ସମସ୍ତ ଉପସ୍ଥିତ ଦର୍ଶକଙ୍କୁ ଆଶ୍ଚର୍ଯ୍ୟ କରିଥିଲା । ମୁଁ ବଘେଲ୍ ପକ୍ଷରୁ ତାଙ୍କୁ ସମ୍ବର୍ଦ୍ଧିତ କରାଯାଇଥିବା ବେଳେ ସେ ମଧ୍ୟ ଅନୁରୂପ ଭାବେ ଖଣ୍ଡପଡ଼ାର କୁନି କୁନି ପ୍ରତିଭାଙ୍କୁ ସମ୍ମାନିତ କରିଥିଲେ ।

କାର୍ଯ୍ୟକ୍ରମ ଶେଷରେ ଖଣ୍ଡପଡାର ପୂର୍ବତନ ବିଧାୟକ ଶ୍ରୀ ସିଦ୍ଧାର୍ଥ ଶେଖର ସିଂହ ଧନ୍ୟବାଦ ଅର୍ପଣ କରିଥିଲେ ।
ଶ୍ରୀ ସିଂହଙ୍କ ତତ୍ୱାବଧାନରେ ଦୁଇ ଦିନ ଧରି କାର୍ଯ୍ୟକ୍ରମ ଆୟୋଜିତ ହୋଇଥିବା ବେଳେ ସ୍ଥାନୀୟ ଅଂଚଳର ଶତାଧିକ ଜନସାଧାରଣ କାର୍ଯ୍ୟକ୍ରମରେ ସାମିଲ ହୋଇଥିଲେ ।

() ବିଜେଡ଼ି ତାର ପ୍ରତିଷ୍ଠା ଦିବସକୁ ପୁରୀରେ ରାଜ୍ୟବ୍ୟାପୀ ପାଳନ କରିବ l ଏନେଇ ଆଜି ଦଳ ପ୍ରସ୍ତୁତି ଆରମ୍ଭ କରିଛି । ଆସନ୍ତା ୨୬ରେ ତାରିଖ ପ୍ରତିଷ୍ଠା ଦିବସକୁ ବ୍ଲକସ୍ତରରୁ ରାଜ୍ୟସ୍ତରୀୟ ଯାଏ ନେତାଏ ସାମିଲ ହେବେ । ବିଜେଡ଼ି କୁ ୨୫ ବର୍ଷ ପୁରିଛି l ଏହି ପୂତ୍ତିକୁ ପାଳନ କରିବା ପାଇଁ ଦଳ ଖସଡ଼ା ପ୍ରସ୍ତୁତ କରିଛି l ବିକାଶ ସହ ଜନସେବା ମୂକଳ କାର୍ଯ୍ୟକ୍ରମକୁ ଅଧିକ ତ୍ବରାନୀତି କରିବାକୁ ଦଳ ନିଷ୍ପତି ନେଇଛି । ବିଜେଡ଼ି ସୁପ୍ରିମୋ ତଥା ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ନିଦ୍ଦେଶ କ୍ରମେ ବର୍ଷେବ୍ୟାପୀ କାର୍ଯ୍ୟକ୍ରମକୁ ସଫଳ କରିବା ପାଇଁ ଅଣ୍ଟା ଭିଡ଼ିଛନ୍ତି ବରିଷ୍ଠ ଉପ ସଭାପତି ଦେବୀ ପ୍ରସାଦ ମିଶ୍ର, ସାଂଗଠନିକ ସମ୍ପାଦକ ପ୍ରଣବ ପ୍ରକାଶ ଦାସ, ମନ୍ତ୍ରୀ ଅତନୁ ସବ୍ୟସାଚୀ ନାୟକ, ବିଜେଡ଼ି ବିଧାୟକ ଅରୁଣ ସାହୁ ଓ ଛାମୁଆ ସଂଗଠନର ନେତାମାନେ ।

ଡ଼ିସେମ୍ବର ୨୬ ତାରିଖ ବିଜେଡ଼ିର ପ୍ରତିଷ୍ଠା ଦିବସ । ୨୫ ବର୍ଷ ଦଳକୁ ପୁରୀଥିବାରୁ ଏହାକୁ ସ୍ମରଣୀୟ କରିବାକୁ ବଡ଼ଧାରଣ ଆୟୋଜନ କରିବାକୁ ନେତାଏ ଅଣ୍ଟା ଭିଡ଼ିଛନ୍ତି । ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ନିଦ୍ଦେଶକ୍ରମେ ପ୍ରତିଷ୍ଠଟ ଦିବସକୁ ରାଜ୍ୟସୗ୍ତରୀୟ ପାଳନ କରିବାକୁ ଆରମ୍ଭ ହୋଇଛି ସଜବାଜ । ବର୍ଷସାରା ବିଭିନ୍ନ କାର୍ଯ୍ୟକ୍ରମ କରିବାକୁ ଆଜି ଦଳର ବରିଷ୍ଠ ଓ କନିଷ୍ଠମାନେ ପ୍ରସ୍ତୁତ ବୈଠକରେ ଏକଜୁଟ ହୋଇଛନ୍ତି । ବରିଷ୍ଠ ବିଜେଡ଼ି ଉପସଭପତି ଦେବୀ ମିଶ୍ରଙ୍କ ସରକାରୀ ବାସଭବନରେ ଦଳର ସାଂଗଠନିକ ସମ୍ପାଦକ ପ୍ରଣବ ପ୍ରକାଶ ଦାସ, ମନ୍ତ୍ରୀ ଅତନୁ ସବ୍ୟସାଚୀୟ ନାୟକ, ବିଧାୟକ ଦେବୀ ପ୍ରସାଦ ମିଶ୍ର, ବିଧାୟକ ପ୍ରଣବ ବଳବନ୍ତରାୟ, ସ୍ନେହାଙ୍ଗୀନି ଛୁରିଆଙ୍କ ସମେତ ୧୫ରୁ ଅଧିକ ନେତା ଏକାଠି ହୋଇଛି ପ୍ରତିଷ୍ଠା ଦିବସକୁ ସଫଳ କରିବା ଉପରେ ଆଲୋଚନା କରିଛନ୍ତି । ଏହାପରେ ବୈଠକ ନେତାଏ ସିଧାସଳଖ ନବୀନ ନିବସ ଯାଇ ସୁପ୍ରିମୋଙ୍କ ସହ ଆଲୋଚନା କରିଥିଲେ । ଖୁବଶୀଘ୍ର ବିଜେଡ଼ି ସୁପ୍ରିମୋ ତଥା ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ଅନୁମୋଦନ କ୍ରମେ ବର୍ଷବ୍ୟାପୀ କାର୍ଯ୍ୟକ୍ରମ ଦଳ ଘୋଷଣା କରିବ ବୋଲି ଦଳ ପକ୍ଷରୁ କୁହାଯାଇଛି । ୧୯୯୭ ମସିହା ଡ଼ିସେମ୍ବର ୨୬ ତାରିଖ ବିଜେଡ଼ିର ପ୍ରତିଷ୍ଠା ହୋଇଥିଲା । ଏହାରି ଭିତରେ ୨୦୦୦ ମସିହାର ଯାଏ ରାଜ୍ୟବାସୀଙ୍କୁ ସ୍ଥିର ସରକାର ଦେଇଛି ଦଳ । ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ସାଢେ ଚାରିକୋଟି ଓଡ଼ିଆ ମୋ ପରିବାର ସଂକଳ୍ପ ନେଇ ଦଳ ରାଜ୍ୟବାସୀଙ୍କ ସେବା କରିଆସୁଛି । ରାଜ୍ୟ ସରକାରଙ୍କ ବିକାଶମୂଳକ କାର୍ଯ୍ୟକ୍ରମ ଓ ଲୋକାଭିମୁଖୀ ଯୋଜନା ଦେଶରେ ଓଡ଼ିଶାକୁ ଏକ ସ୍ବତନ୍ତ୍ର ରାଜ୍ୟଭାବେ ପରିଣତ କରିଛି । ତେଣୁ ପ୍ରତିଷ୍ଠା ଦିବସରେ ୨୫ ବର୍ଷର ସେବାକୁ ପାଥେୟ କରି ଦଳ ଆଗକୁ ବଢିବ ବୋଲି ମନ୍ତ୍ରୀ ଓ ବିଧାୟକ କହିଛନ୍ତି । ପୁରୀରେ ବିଜେଡ଼ି ରାଜ୍ୟବ୍ୟାପୀ ପ୍ରତିଷ୍ଠା ଦିବସ ପାଳନ କରିବାକୁ ଲକ୍ଷ୍ୟ ରଖିଛି । ଏହି ପ୍ରତିଷ୍ଠା ଦିବସରେ ରକ୍ତଦାନ, ବୃକ୍ଷରୋପଣ ଠାରୁ ଆରମ୍ଭ କରି ବିଭିନ୍ନ ଜନସେବାମୂଳକ କାର୍ଯ୍ୟକ୍ରମକୁ ତୃଣମୂଳସ୍ତରରେ ଅଧିକ କରାଯିବ ସହ ସଂଗଠନକୁ ଅଧିକ ଶକ୍ତିଶାଳୀ କରିବାକୁ ଲକ୍ଷ୍ୟ ରଖାଯାଇଛି ।

() ଟୁଲିପ୍ ଇଣ୍ଟର୍ଣ୍ଣମାନଙ୍କ ପାଇଁ ସହରାଞ୍ଚଳ ଓଡ଼ିଶାରେ ପରିମଳ ମୂଲ୍ୟ ଶୃଙ୍ଖଳା ଶୀର୍ଷକ ତିନି ମାସିଆ ସାର୍ଟିଫିକେଟ୍ ପାଠ୍ୟକ୍ରମ ଗତକାଲିଠାରୁ ଭୁବନେଶ୍ୱରରେ ଆରମ୍ଭ ହୋଇଛି। ଓଡ଼ିଶା ଜଳ ଏକାଡେମୀର ସହରାଞ୍ଚଳ ପରିଚାଳନା କେନ୍ଦ୍ର (ୟୁଏମ୍ସି) ସହୟୋଗରେ କଠିନ ବର୍ଜ୍ୟବସ୍ତୁ ପରିଚାଳନା ଉପରେ ପ୍ରଥମ ପ୍ରଶିକ୍ଷଣ ମଡ୍ୟୁଲର ଶୁଭାରମ୍ଭ ଏଚ୍ ଆଣ୍ଡ ୟୁଡିର ପ୍ରମୁଖ ସଚିବ ଜି. ଭାଥନନଙ୍କ ଦ୍ୱାରା ଉଦ୍ଘାଟିତ ହୋଇଥିଲା। ଏହି ଅବସରରେ ଉଦବୋଧନ ଦେଇ ଶ୍ରୀ ମାଥି ଭାଥନନ କହିଥିଲେ ଯେ ୩ ମାସର ସାର୍ଟିଫିକେଟ୍ ପାଠ୍ୟକ୍ରମରେ ଟୁଲିପ୍ ଇଣ୍ଟରନ୍ୟାସନାଲର ଅନନ୍ୟ ଶିକ୍ଷଣ ସୁୟୋଗ ଏବଂ ମ୍ୟୁନିସିପାଲ କଠିନ ବର୍ଜ୍ୟବସ୍ତୁ ପରିଚାଳନାରେ ବାସ୍ତବ ଦୁନିଆର ଜ୍ଞାନ ପ୍ରଦାନ କରିବା ପାଇଁ ଏହି କାର୍ଯ୍ୟକ୍ରମ ପ୍ରସ୍ତୁତ କରାୟାଇଛି। ବର୍ଜ୍ୟବସ୍ତୁକୁ ସମ୍ପଦରେ ପରିଣତ କରିବା ଦିଗରେ ପରିବର୍ତ୍ତନ ଆଣିବା ଲାଗି ପ୍ରଶିକ୍ଷିତ ଯୁବକମାନଙ୍କ ଭୂମିକା ଉପରେ ସେ ଗୁରୁତ୍ୱାରୋପ କରିଥିଲେ। ଇଣ୍ଟର୍ନସିପ୍ କାର୍ଯ୍ୟକ୍ରମରେ ଦକ୍ଷତା, ପ୍ରତିବଦ୍ଧତା ଏବଂ ନିରନ୍ତର ପ୍ରୟାସ ପ୍ରଦର୍ଶନ କରୁଥିବା ଇଣ୍ଟର୍ନମାନଙ୍କୁ ପରିମଳ ପେସାଦାର ଭାବେ ବଜାୟ ରଖାୟାଇପାରିବ। ସେ ସ୍ପଷ୍ଟ କରିଥିଲେ ଯେ ଏହି କାର୍ଯ୍ୟକ୍ରମର ଉଦ୍ଦେଶ୍ୟ ହେଉଛି ସହରାଞ୍ଚଳ ପରିମଳ କ୍ଷେତ୍ରରେ ଜ୍ଞାନ, ବ୍ୟବହାରିକ ଅଭିଜ୍ଞତା ପ୍ରଦାନ କରିବା, ଯାହା ସେମାନଙ୍କ ବୃତ୍ତିଗତ ଦକ୍ଷତାରେ ଉନ୍ନତି ଆଣିବ ଏବଂ ଅନ୍ତେବାସୀମାନଙ୍କୁ ନିୟୁକ୍ତି ସୁୟୋଗ ପ୍ରଦାନ କରିବ।

ଏହା ହେଉଛି ଟୁଲିପ୍ ଇଣ୍ଟର୍ନମାନଙ୍କ ପ୍ରଥମ ବ୍ୟାଚ୍, ଯାହାକୁ ଜ୍ଞାନ, ଦକ୍ଷତା, ଟୁଲ୍ କିଟ୍ ଏବଂ ସାମାଜିକ ଦକ୍ଷତାରେ ସଜ୍ଜିତ କରିବା ପାଇଁ ତାଲିମ୍ ଦିଆୟିବ, ପ୍ରସ୍ତୁତ କରାୟିବ ଏବଂ ପରାମର୍ଶ ଦିଆୟିବ। ଏହି କାର୍ଯ୍ୟକ୍ରମ ରାଜ୍ୟର ୧୧୫ଟି ୟୁଏଲବିରେ ୫୦୦ ପ୍ରଶିକ୍ଷିତ ପରିମଳ ପେସାଦାରଙ୍କ କ୍ୟାଡର ସୃଷ୍ଟି କରିବ, ଯେଉଁମାନେ ସହରାଞ୍ଚଳରେ କଠିନ ଏବଂ ତରଳ ବର୍ଜ୍ୟବସ୍ତୁର ପ୍ରଭାବୀ ପରିଚାଳନା ସୁନିଶ୍ଚିତ କରିବା ପାଇଁ ପରିମଳ ବିଶେଷଜ୍ଞ ଭାବେ କାର୍ଯ୍ୟ କରିବେ।

ଏକ ତ୍ରିପାକ୍ଷିକ ଏମଓୟୁ ଏଚ ଆଣ୍ଡ ୟୁଡି ବିଭାଗ, ଓଡ଼ିଶା ଜଳ ଏକାଡେମୀ ଏବଂ ଅର୍ବାନ ମ୍ୟାନେଜମେଣ୍ଟ ସେଣ୍ଟର ମଧ୍ୟରେ ଶ୍ରୀ ଭାଥନନଙ୍କ ଉପସ୍ଥିତିରେ ସ୍ୱାକ୍ଷରିତ ହୋଇଥିଲା ଯାହା ଶିକ୍ଷାଶାସ୍ତ୍ରର ଡିଜାଇନ୍ ପାଇଁ ବୈଷୟିକ ସହାୟତା ପ୍ରଦାନ କରିବ, ଟ୍ୟୁଲିପ ଅନ୍ତେବାସୀଙ୍କ ପ୍ରଶିକ୍ଷଣ ମଡ୍ୟୁଲ ଏବଂ ଦକ୍ଷତା ବୃଦ୍ଧି। ମହିଳା ସ୍ୱୟଂ ସହାୟକ ଗୋଷ୍ଠୀରେ ସଫଳତାର ସହ ସାମିଲ ହେବା ପରେ, ଜଳ ଓ ପରିମଳ କ୍ଷେତ୍ରରେ ଟ୍ରାନ୍ସଜେଣ୍ଡରମାନେ ଯୁବ ନୂତନ ସ୍ନାତକ/ସ୍ନାତକୋତ୍ତରଙ୍କ ଦକ୍ଷତା ବୃଦ୍ଧି କରିବା ସହ ସହରାଞ୍ଚଳ ପରିମଳର ମୁଖ୍ୟ ସ୍ରୋତରେ ସାମିଲ ହେବାର ପ୍ରୟାସ କରିଛନ୍ତି । ଏହି କାର୍ଯ୍ୟକ୍ରମରେ ଅନ୍ୟମାନଙ୍କ ମଧ୍ୟରେ ଗୃହ ଓ ନଗର ଉନ୍ନୟନ ବିଭାଗର ସ୍ୱତନ୍ତ୍ର ସଚିବ କଲ୍ୟାଣ କୁମାର ରଥ, ଜଳ ଏକାଡେମୀର ନିଦେ୍ର୍ଦଶକ ଡକ୍ଟର ଶାନ୍ତନୁ ରଥ, ଅହମଦାବାଦ ସ୍ଥିତ ୟୁଏମ୍ସିର ନିଦେ୍ର୍ଦଶିକା ସୁଶ୍ରୀ ମାନଭିତା, ୟୁଏମ୍ସିର ଯୋଜନା ମୁଖ୍ୟ ଶ୍ରୀ ରାଓଙ୍କ ସମେତ ଅନ୍ୟାନ ବିଭାଗୀୟ ପଦାଧିକାରୀମାନେ ଉପସ୍ଥିତ ଥିଲେ ।

{} ସୋଆ କୃଷି ମହାବିଦ୍ୟାଳୟର ଗ୍ରାମ ସଂଯୋଗୀକରଣ କର୍ମଶାଳା ଉଦ୍‌ଯାପିତ

 ଦଶ ଟି ଗ୍ରାମରେ ୨୨ଟି ପ୍ରଶିକ୍ଷଣ ଶିବିର ଆୟୋଜନ କଲେ ଛାତ୍ରଛାତ୍ରୀ।

ଏକ ମାସ ବ୍ୟାପୀ ଗ୍ରାମ ସଂଯୋଗୀକରଣ କାର୍ଯ୍ୟକ୍ରମ।

()  ଶିକ୍ଷା ଓ ଅନୁସନ୍ଧାନ (ସୋଆ) ପରିଚାଳିତ କୃଷି ମହାବିଦ୍ୟାଳୟ, ଇନ୍‌ଷ୍ଟିଚ୍ୟୁଟ୍ ଅଫ୍ ଏଗ୍ରିକଲ୍‌ଚରାଲ୍ ସାଇନ୍‌ସେସ୍‌ର ଚତୁର୍ଥ ବର୍ଷ ଛାତ୍ରଛାତ୍ରୀମାନଙ୍କ ଦ୍ୱାରା ଭୁବନେଶ୍ୱର ଉପକଣ୍ଠ ସ୍ଥିତ ୧୦ ଟି ଗ୍ରାମରେ ଗ୍ରାମ ସଂଯୋଗୀକରଣ କର୍ମଶାଳା ଅନୁଷ୍ଠିତ ହୋଇଯାଇଛି । ଚଳିତ ବର୍ଷ ୭ ନଭେମ୍ବରରୁ ୧୩ ଡିସେମ୍ବର, ଗୋଟିଏ ମାସରୁ ଊର୍ଦ୍ଧ୍ୱ ସମୟ ଧରି ଚାଲିଥିବା ଏହି କାର୍ଯ୍ୟକ୍ରମରେ ଚତୁର୍ଥ ବର୍ଷର ୩୦୦ ରୁ ଅଧିକ ଛାତ୍ରଛାତ୍ରୀ ଭାଗ ନେଇଥିଲେ ।ଏହି କାର୍ଯ୍ୟକ୍ରମରେ ଖୋର୍ଦ୍ଧା ଜିଲ୍ଲା ଅନ୍ତର୍ଗତ ଭୁବନେଶ୍ୱର ଉପକଣ୍ଠରେ ଥିବା କୁଜିମହଲ, ଶିମିଳିପାଟଣା, ମେଣ୍ଢାଶାଳ, ଛତାବର, ଗିରିଙ୍ଗାପୁଟ, ଦାସପୁର, କାଟେଣି, କଂଟାବାଡ, ଭୋଳା ଓ ଅନ୍ଧାରୁଆ ପ୍ରଭୃତି ଗ୍ରାମକୁ ସାମିଲ କରାଯାଇଥିଲା ।

ଛାତ୍ରଛାତ୍ରୀମାନେ ଏହି ଗ୍ରାମଗୁଡ଼ିକୁ ପରିଦର୍ଶନ କରିବା ସହ ଗ୍ରାମର ସାମାଜିକ, ଅର୍ଥନୈତିକ ଓ କୃଷିଭିତିକ ତଥ୍ୟ ଆଧାରରେ ରେଖାଚିତ୍ରମାନ ପ୍ରସ୍ତୁତ କରିଥିଲେ । ଏଥି ସହିତ କୃଷି ଓ କୃଷିଜାତ ଉତ୍ପାଦମାନଙ୍କର ବିକ୍ରୟ ଓ ବଜାରୀକରଣ ବିଷୟରେ ଅଗ୍ରଣୀ କୃଷକମାନଙ୍କ ସହ ଆଲୋଚନା କରି ସେମାନଙ୍କର କ୍ଷେତ୍ର ପରିଦର୍ଶନ କରିଥିଲେ । ଗ୍ରାମରେ ଏବେ ଅନୁଭୂତ ହେଉଥିବା କୃଷି ପ୍ରତି ବିମୁଖତାର କାରଣ, ଧାନ ଓ ପନିପରିବା ଫସଲର ବୈଜ୍ଞାନିକ ପଦ୍ଧତିରେ ଚାଷ ଓ ଏହାର ରକ୍ଷଣାବେକ୍ଷଣ ସମ୍ବନ୍ଧୀୟ ପର୍ଯ୍ୟାଲେଚନା ମଧ୍ୟ କରାଯାଇଥିଲା ।

ଚଳିତ ମାସରେ ପାଳିତ ହୋଇଥିବା ବିଶ୍ୱ ମୃତିକା ଦିବସରେ ମଧ୍ୟ ସବୁ ଗ୍ରାମରେ କୃଷକ ଓ ଅନ୍ୟାନ୍ୟ ଗ୍ରାମବାସୀମାନଙ୍କୁ ନେଇ ମୃତିକାର ସ୍ୱାସ୍ଥ୍ୟ ସମ୍ପର୍କିତ ସଚେତନତା କାର୍ଯ୍ୟକ୍ରମ ଆୟୋଜନ କରାଯାଇଥିଲା । ଡକ୍ଟର ଭୁବନାନନ୍ଦ ଅଧିକାରୀ, ଡକ୍ଟର ମାନସ ପଟେଲ, ଡକ୍ଟର ସିମନ୍ତିନି ଶାସନୀ, ଡକ୍ଟର ସୌମ୍ୟା ମିଶ୍ର, ଡକ୍ଟର ରାମ ପ୍ରସାଦ ନନ୍ଦି, ଡକ୍ଟର ସବ୍ୟସାଚୀ ପ୍ରଧାନ, ଅଧ୍ୟାପକ କୁମାର ସମ୍ଭବ ଗିରି, ଅଧ୍ୟାପକ ରାମକୃଷ୍ଣ ବସ୍ତିଆ, ସୂର୍ଯ୍ୟ ସିଦ୍ଧାନ୍ତ ରଥ, ସୁଶ୍ରୀ ସୁଦର୍ଶନା କର, ଦୀପ୍ତନୁ ଦତ, ଡକ୍ଟର ପ୍ରଣୟ ରାୟ ପ୍ରମୁଖଙ୍କ ତତ୍ୱାବଧାନରେ ଏହି ସବୁ ଗ୍ରାମମାନଙ୍କରେ ଛାତ୍ରଛାତ୍ରୀମାନଙ୍କ ଦ୍ୱାରା ଉନ୍ନତ ଓ ବୈଜ୍ଞାନିକ ଉପାୟ ଅବଲମ୍ବନରେ ହେଉଥିôବା ଆଧୁନିକ କୃଷି ଯଥା ଜୈବିକ ଚାଷ, ଅନ୍ତଃ ଚାଷ, ଗୋବର ଗ୍ୟାସ ଉତ୍ପାଦନ, ବିହନ ବିଶୋଧନ, ଛତୁ ଚାଷ, ଜିଆ ଖତ, ମହମାଛି ପାଳନ, ପତ୍ର ରଙ୍ଗ ଚାର୍ଟର ବ୍ୟବହାର, କନ୍ଦ ଜାତୀୟ ଫସଲ ଚାଷ ତଥା ବିଭିନ୍ନ ଫସଲରେ ସମନ୍ୱିତ ସାର, ରୋଗ, କୀଟ ପରିଚାଳନା ବିଷୟରେ ୨୨ଟି ପ୍ରଶିକ୍ଷଣ ଶିବିର ଅନୁଷ୍ଠିତ ହୋଇଥିଲା ।

ଏହି ଶିବିର ଗୁଡ଼ିକରେ ପ୍ରତି ଗ୍ରାମର ଅନେକ ଅଗ୍ରଣୀ କୃଷକ ଓ ଗ୍ରାମବାସୀମାନେ ଯୋଗ ଦେଇ ଛାତ୍ରଛାତ୍ରୀମାନଙ୍କ ସହ ଆଲୋଚନା କରିଥିଲେ । ଏକ ମାସରୁ ଊର୍ଦ୍ଧ୍ୱ ସମୟ ଧରି ଚାଲିଥିବା ଏହି ଗ୍ରାମ ସଂଯୋଗୀକରଣ କାର୍ଯ୍ୟକ୍ରମ ବାସ୍ତବିକ ସଫଳ ହୋଇଛି ଓ ଏହାର ଉଦ୍ଦେଶ୍ୟ ସାଧିତ ହୋଇଛି ବୋଲି କୃଷି ମହାବିଦ୍ୟାଳୟର ଅଧ୍ୟକ୍ଷ ପ୍ରଫେସର ବିଜୟ କୁମାର ସାହୁ ମତବ୍ୟକ୍ତ କରିଛନ୍ତି । ଛାତ୍ରଛାତ୍ରୀମାନଙ୍କ ଅକ୍ଳାନ୍ତ ପରିଶ୍ରମରେ ସଂଗୃହୀତ ତଥ୍ୟ ସବୁକୁ ପୁଙ୍ଖାନୁପୁଙ୍ଖ ତର୍ଜମା କରାଯାଇ ଏହାକୁ ସରକାରୀ ସ୍ତରକୁ ପଠାଗଲେ କୃଷକମାନେ ନିଶ୍ଚୟ ଉପକୃତ ହେବେ ବୋଲି ସହକାରୀ ଅଧ୍ୟକ୍ଷ ପ୍ରଫେସର ସନ୍ତୋଷ କୁମାର ରାଉତ ଓ ଗ୍ରାମ ସଂଯୋଗୀକରଣ କାର୍ଯ୍ୟକ୍ରମର ସଂଯୋଜକ ଡକ୍ଟର ଅଂଶୁମାନ ଜେନା କହିଛନ୍ତି ।

ଏହି କାର୍ଯ୍ୟକ୍ରମରେ ସବୁ ଗ୍ରାମର ସରପଂଚ, କୃଷକ ସାଥୀଙ୍କ ସମେତ ସ୍ୱୟଂ ସହାୟକ ଗୋଷ୍ଠୀର ସଦସ୍ୟମାନେ ସହାୟତା କରିଥିଲେ ।

() ଓଡ଼ିଶାରେ ପ୍ରଥମ ଥର ପାଇଁ ଶିକ୍ଷା ଓ ଅନୁସନ୍ଧାନ (ସୋଆ) ପରିଚାଳିତ ଇନ୍‌ଷ୍ଟିଚ୍ୟୁଟ୍ ଅଫ୍ ମେଡିକାଲ୍ ସାଇନ୍‌ସେସ୍ ଆଣ୍ଡ ସମ୍ ହସ୍ପିଟାଲ୍‌ର କାର୍ଡିଓଥୋରାସିକ୍ ଆଣ୍ଡ ଭାସ୍କୁଲାର ସର୍ଜରୀ (ସିଟିଭିଏସ୍‌) ଟିମ୍ ଦ୍ୱାରା ଜୀବନ ପ୍ରତି ବିପଦ ଥିବା ଦୁଇ ଜଣ ରୋଗୀଙ୍କର ଜଟିଳ ହୃଦରୋଗର ସଫଳ ଅସ୍ତ୍ରୋପଚାର କରାଯାଇଛି ।ଏହି ଜୀବନ ପ୍ରତି ବିପଦ ଥିବା ଭଳି ବ୍ୟାଧିରେ ମୃତ୍ୟୁ ହାର ଖୁବ୍ ଅଧିକ । ତେଣୁ ଏଭଳି ରୋଗୀମାନଙ୍କୁ ତୁରନ୍ତ ଚିକିତ୍ସାର ଆବଶ୍ୟକତା ରହିଛି ଏବଂ ଅଧିକାଂଶ ରୋଗୀ ଚିକିତ୍ସା ନିମନ୍ତେ ରାଜ୍ୟ ବାହାରକୁ ଯାଉଥିବାରୁ ବିଳମ୍ବ ହେତୁ ସେମାନଙ୍କର ମୃତ୍ୟୁ ଘଟୁଛି ବୋଲି ବୁଧବାର ସମ୍ ହସ୍ପିଟାଲ୍‌ରେ ଆୟୋଜିତ ଏକ ସାମ୍ବାଦିକ ସମ୍ମିଳନୀରେ ସିଟିଭିଏସ୍ ବିଭାଗର ମୁଖ୍ୟ ଡାକ୍ତର ଦେବାଶିଷ ସାହୁ ସୂଚନା ଦେଇଛନ୍ତି ।

ଆଓର୍ଟିକ୍ ରୁଟ ରିପ୍ଲେସମେଂଟ ଓ ଆର୍ଚ୍ଚ ରିପ୍ଲେସ୍‌ମେଂଟ ଭଳି ଜଟିଳ ହୃଦ ଅସ୍ତ୍ରୋପଚାର ଭାରତର ମାତ୍ର ଅଳ୍ପ କେତୋଟି ସ୍ୱାସ୍ଥ୍ୟାନୁଷ୍ଠାନରେ ଉପଲବ୍ଧ ହେଉଥିବା ବେଳେ ଏହା ଏବେ ସମ୍ ହସ୍ପିଟାଲ୍‌ରେ ମଧ୍ୟ କରାଯାଉଛି ବୋଲି ଡାକ୍ତର ସାହୁ କହିଛନ୍ତି ।ଡାକ୍ତର ସାହୁ କହିଛନ୍ତି ଯେ ସମ୍ ହସ୍ପିଟାଲ୍‌ରେ ଏହି ଅସ୍ତ୍ରୋପଚାର ଦେବଗଡ ଜିଲ୍ଲାର ୨୬ ବର୍ଷିୟ ଯୁବକ ଅନାଦି ଚରଣ ସାହୁଙ୍କ ଶରୀରରେ କରାଯାଇଥିଲା । ୧୫ ଘଂଟାର ଏହି ଅସ୍ତ୍ରୋପଚାରରେ ଆଓର୍ଟିକ୍ ରୁଟ୍ ରିପ୍ଲେସ୍‌ମେଂଟ ଏବଂ ଆର୍ଚ୍ଚ ରିପ୍ଲେସ୍‌ମେଂଟ କରାଯାଇଥିଲା ।ରୋଗୀ ଜଣକ ଶରୀରରେ ମାରଫାନ୍ ସିଣ୍ଡ୍ରୋମ୍ ଭଳି ବଂଶଗତ ତୃଟି ଦେଖାଦେଇଥିଲା ଯେଉଁ କାରଣରୁ ତାଙ୍କ ଶରୀରରେ ତୁରନ୍ତ ଅସ୍ତ୍ରୋପଚାର ଆବଶ୍ୟକ ଥିଲା । ଏହି ରୋଗରେ ମୃତ୍ୟୁ ହେବାର ଖୁବ୍ ଅଧିକ ବୋଲି ସେ କହିବା ସହ ତାଙ୍କ ଟିମ୍ ଦ୍ୱାରା ଦ୍ୱିତୀୟ ରୋଗୀଙ୍କର ମଧ୍ୟ ସଫଳ ଅସ୍ତ୍ରୋପଚାର ହୋଇପାରିଛି ବୋଲି ସେ କହିଛନ୍ତି ।

ସେହିପରି ତାଳଚେର ଅଂଚଳର ୨୨ ବର୍ଷିୟ ବିଶ୍ୱଜିତ୍ ବେହେରା ମଧ୍ୟ ସମାନ୍ ବ୍ୟାଧିରେ ପୀଡ଼ିତ ଥିଲେ ଏବଂ ୮ ଘଂଟାର ଅସ୍ତ୍ରୋପଚାର ପରେ ସେ ସୁସ୍ଥତା ଲାଭ କରିଛନ୍ତି ।
ଏହା ଏକ ଜଟିଳ ବ୍ୟାଧି କାରଣ ଏହା ଦ୍ୱାରା କେବଳ ହୃଦ ରୋଗ ନୁହେଁ ଶରୀରର ଅନ୍ୟାନ୍ୟ ଅଂଗ ଯେପରିକି ମସ୍ତିଷ୍କ ଓ କିଡ୍‌ନୀ କୁ ରକ୍ତ ପ୍ରବାହକୁ ବ୍ୟାହତ କରିଥାଏ । ତେଣୁ ଏହାକୁ ଦୃଷ୍ଟିରେ ରଖି ଚିକିତ୍ସା ଓ ଅସ୍ତ୍ରୋପଚାର କରାଯାଇଥାଏ ବୋଲି ଡାକ୍ତର ସାହୁ କହିଛନ୍ତି । ଏହି ସମସ୍ୟାରେ ପୀଡ଼ିତ ରୋଗୀମାନଙ୍କର ଛାତି, ଅଂଟା, ତଳିପେଟରେ ଯନ୍ତ୍ରଣା ହେବା ସହ ନିଶ୍ୱାସ ନେବାରେ କଷ୍ଟ ଅନୁଭବ ହୁଏ ଏବଂ ଛାତି ଧଡ଼ଧଡ଼ ହେବା ଭଳି ସମସ୍ୟା ଦେଖାଦିଏ ବୋଲି ସେ କହିଛନ୍ତି ।
ଏହି ଦୁଇଟି ଅସ୍ତ୍ରୋପଚାର ଟିମ୍‌ରେ ଡାକ୍ତର ସାହୁଙ୍କ ସମେତ କାର୍ଡିଆକ୍ ଆନେସ୍‌ଥେସିଆ ବିଭାଗର କନ୍‌ସଲଟାଂଟ ଡାକ୍ତର ସୁଶାନ୍ତ କୁମାର ଭୋଇ ଓ କାର୍ଡି÷ଆକ୍ କନ୍‌ସଲଟାଂଟ ଡାକ୍ତର ମାନଭଞ୍ଜନ ଜେନା କହିଥିଲେ ।ଡାକ୍ତର ଭୋଇ କହିଛନ୍ତି ଯେ ଦୁଇଟି ଅସ୍ତ୍ରୋପଚାର ଖୁବ୍ ବିପଦ ସଂକୁଳ ଥିଲା କିନ୍ତୁ ଆମେ ସଫଳତାର ସହ ଏହା ସମ୍ପାଦିତ କରିପାରିଛୁ ।
ସାମ୍ବାଦିକ ସମ୍ମିଳନୀରେ ଉପସ୍ଥିତ ଥିବା ଆଇଏମ୍‌ଏସ୍ ଆଣ୍ଡ ସମ୍ ହସ୍ପିଟାଲ୍‌ର ମେଡିକାଲ୍ ସୁପରିଟେଣ୍ଡେଂଟ ପ୍ରଫେସର ପୁଷ୍ପରାଜ ସାମନ୍ତସିଂହାର କହିଥିଲେ ଯେ ଦୁଇ ଜଣ ରୋଗୀଙ୍କର ଅସ୍ତ୍ରୋପଚାର ଓ ଚିକିତ୍ସା ବିନା ମୂଲ୍ୟରେ ବିଜୁ ସ୍ୱାସ୍ଥ୍ୟ କଲ୍ୟାଣ ଯୋଜନାରେ କରାଯାଇଛି ଓ ଏହି ପ୍ରକାର ଚିକିତ୍ସା ନିମନ୍ତେ ଏହି ସୁବିଧା ଉପଲବ୍ଧ ଅଟେ ।
ଏହି ସାମ୍ବାଦିକ ସମ୍ମିଳନୀରେ ଉପସ୍ଥିତ ଥିବା ଦୁଇ ଜଣ ରୋଗୀ ଅନାଦି ଚରଣ ସାହୁ ଓ ବିଶ୍ୱଜିତ ବେହେରା କହିଥିଲେ ଅସ୍ତ୍ରୋପଚାର ପରେ ସେମାନେ ପୂର୍ବାପେକ୍ଷା ସୁସ୍ଥ ଅନୁଭବ କରୁଛନ୍ତି ଏବଂ ନିଜର ଦୈନନ୍ଦିନ କାର୍ଯ୍ୟ କରିବାରେ ସକ୍ଷମ ହୋଇପାରିଛନ୍ତି । “ମୁଁ ଯେତେବେଳେ ହସ୍ପିଟାଲ୍‌କୁ ଆସିଲି ସେତେବେଳେ କଥା କହିପାରୁ ନଥିଲି ଏବଂ ଛାତିରେ ପ୍ରବଳ ଯନ୍ତ୍ରଣା ଅନୁଭବ କରୁଥିଲି । ବର୍ତମାନ ମୁଁ ଖୁବ୍ ସୁସ୍ଥ ଅନୁଭବ କରୁଛି” ବୋଲି ଅନାଦି ଚରଣ ସାହୁ କହିଛନ୍ତି ।
ଏହି ସାମ୍ବାଦିକ ସମ୍ମିଳନୀରେ ପ୍ରଫେସର ସାମନ୍ତସିଂହାର, ଡାକ୍ତର ସାହୁ, ଡାକ୍ତର ଭୋଇ, ଡାକ୍ତର ଜେନାଙ୍କ ସମେତ ବିଏସ୍‌କେୱାଇର କର୍ପୋରେଟ ମୁଖ୍ୟ ଡାକ୍ତର ମାଗୁଣି ବେହେରା ଉପସ୍ଥିତ ଥିଲେ ।

() ଜୋରଦାର ହେଲା ନକଲି ଓୗଷଧ ଧରପଗଡ,

ରାଜ୍ୟ ବାହାରୁ ଆସୁଥିବା ଓୗଷଧ ଉପରେ କଡ଼ା ନଜର ରଖିବାକୁ ନିର୍ଦ୍ଦେଶ।

{} ରାଜ୍ୟର ବିଭିନ୍ନ ସ୍ଥାନରେ ନକଲି ଓୗଷଧ କାରବାର ଉପରେ ଚଢ଼ଉ ଓ ଧରପଗଡ ଜୋରଦାର କରାଯାଇଛି । ରାଜ୍ୟ ବାହାରୁ ଆସୁଥିବା ଓୗଷଧ ଉପରେ କଡ଼ା ନଜର ରଖିବା ସହ ସମସ୍ତ ସମ୍ବେଦନଶୀଳ ଓ ସନ୍ଦେହାତ୍ମକ ଗୋଦାମ ଉପରେ ସଘନ ଚଢ଼ାଉ କରିବାକୁ ସ୍ୱାସ୍ଥ୍ୟ ଓ ପରିବାର କଲ୍ୟାଣ ଶାସନ ସଚିବ ଶ୍ରୀମତୀ ଶାଳିନୀ ପଣ୍ଡିତ୍ ସମସ୍ତ କ୍ଷେତ୍ରସ୍ତରୀୟ ଅଧିକାରୀମାନଙ୍କୁ ନିର୍ଦ୍ଦେଶ ଦେଇଛନ୍ତି ।  ଓୗଷଧ ଗୋଦାମ ସହ ଖୁଚୁରା ବ୍ୟବସାୟ କେନ୍ଦ୍ର ଓ ଦୋକାନ ମାନଙ୍କରେ ମଧ୍ୟ ଚଢ଼ାଉ ଜାରି ରହିଛି । ଇତି ମଧ୍ୟରେ କଟକରେ ୬ ଟି, କେନ୍ଦ୍ରାପଡାରେ ୧ ଟି, ଝାରସୁଗୁଡାରେ ୨ ଟି,ଏବଂ ସୁନ୍ଦରଗଡ, ବରଗଡ ଓ ସମ୍ବଲପୁରରେ ୧ ଟି ଲେଖାଏଁ ଯାଗାରୁ ନକଲି ଓୗଷଧ ଧରାଯାଇ ଆଇନଗତ ମକଦ୍ଦମା ରୁଜୁ କରାଯାଇଛି । ଦୋକାନମାନଙ୍କରେ ଥିବା ପ୍ରତି ଓୗଷଧ ଷ୍ଟ୍ରିପ୍କୁ ଯାଞ୍ଚ କରାଯାଉଛି । ଲଗାତର ଭାବେ ଚଢ଼ାଉ ଜାରି ରଖି ନକଲି କାରବାର କରୁଥିବା ଲୋକ ଓ ଦୋକାନୀଙ୍କ ବିରୁଦ୍ଧରେ ଦୃଢ଼ କାର୍ଯ୍ୟାନୁଷ୍ଠାନ ନେବା ଲାଗି ଶ୍ରୀମତୀ ପଣ୍ଡିତ୍ ନିର୍ଦ୍ଦେଶ ଦେଇଛନ୍ତି ।

ପ୍ରାପ୍ତ ସୂଚନାରୁ ଜଣାପଡିଛି, କଟକର ଭି.ଆର୍.ଏଜେନ୍ସି, ପୁଜା ଏଣ୍ଟରପ୍ରାଇଜରସ୍, କୟାଲ ଏଜେନ୍ସି, ମହାବୀର ପ୍ରସାଦ ରାଧେଶ୍ୟାମ, ଶ୍ରୀ ଡିଷ୍ଟ୍ରିବ୍ୟୁଟରସ୍ ଏବଂ ଶ୍ରୀ ଏମ୍.ଏଚ୍ ଆଦି ଗୋଦାମରୁ ଚଢ଼ଉପରେ ନକଲି ଓୗଷଧ ମିଳିଛି । ସେହିପରି ଝାରସୁଗୁଡା ଜିଲ୍ଲାର ଶ୍ୟାମ ମେଡ଼ିକାଲ ଓ ଅମିତ୍ ଏଜେନ୍ସି, ସୁନ୍ଦ୍ରଗଡ଼ର ପ୍ରକାଶ ମେଡିକାଲ ପ୍ରା.ଲିଃ, ବରଗଡର ଅଶୋକ ମେଡିକାଲ ହଲ୍, ସମ୍ବଲପୁରର ଦୁର୍ଗା ଏଜେନ୍ସି ଏବଂ କେନ୍ଦ୍ରାପଡାର ସାଇ ଆଦି ଗୋଦାମରୁ ଚଢ଼ାଉ ପରେ ନକଲି ଓୗଷଧ ମିଳିଛି । ଏସବୁ ଏଜେନ୍ସି, ଗୋଦାମ ଓ ଦୋକାନ ବିରୁଦ୍ଧରେ ଡ୍ରଗ୍ସ୍ ନିୟନ୍ତ୍ରଣ ଆଇନ୍ ଅନୁସାରେ ମକଦ୍ଦମା ରୁଜୁ କରାଯାଇଛି ।

() ବିଧାୟକ ମାନଙ୍କ ଦରମା ବୃଦ୍ଧି ପାଇଁ ବିଧାନସଭା ସ୍ବତନ୍ତ୍ର କମିଟି ବାଚସ୍ପତିଙକୁ ସୁପାରିସ କରିଛି ।

{} ବଢିବ ବିଧାୟକଙ୍କ ଦରମା l ଦରଦାମ ଓ ଅନ୍ୟ ରାଜ୍ୟ ବିଧାୟକଙ୍କ ଦରମା ଆକଳନ କରି ବିଧାୟକଙ୍କ ଦରମା ଓ ଗସ୍ତ ଖର୍ଚ୍ଚ ବାବଦକୁ ଏଣିକି ୯୯ହଜାର ୮୦୦ ବଦଳରେ ଅଢେଇ ଲକ୍ଷ କରିବାକୁ ବାଚସ୍ପତିଙ୍କୁ ସୁପାରିଶ କରିଛି ବିଧାୟକ କମିଟି । ଦେଶର ୧୯ଟି ରାଜ୍ୟ ତୁଳନାରେ ଓଡ଼ିଶା ବିଧାୟକଙ୍କ ଦରମା ଓ ପେନସପ କମ ଥିବାରୁ ଦରମା ବୃଦ୍ଧି ସପକ୍ଷରେ ଯୁକ୍ତି ବାଢିଛନ୍ତି ଶାସକ ଓ ବିରୋଧୀ । ତେବେ ଏବେ ନଜର ପକାନ୍ତୁ ଓଡ଼ିଶାର ବିଧାୟକମାନେ ଦରମା , ପେନସନ ଓ ଅନ୍ୟାନ୍ୟ ବାବଦରେ କେତେ ଟଙ୍କା ପାଉଛନ୍ତି । ଓଡ଼ିଶାର ବିଧାୟକମାନେ ଦରମା ବାବଦକୁ ୩୫ ହଜାର ଟଙ୍କା ପାଉଥିବା ବେଳେ ବିଭିନ୍ନ ଭତ୍ତା ବାବଦକୁ ୬୫ ହଜାର ଟଙ୍କା । ଯେଉଁଥିରେ କନଭେୟାନସ ପାଇଁ ୧୫ ହଜାର, ମେଡ଼ିକାଲ ୫ହଜାର ଓ ଟେଲିଫୋନ ବାବଦରେ ୮ହଜାର ଟଙ୍କା ପାଉଛନ୍ତି । ଅନ୍ୟ ରାଜ୍ୟ ତୁଳନାରେ ଏହା ବହୁତ କମ ଥିବାରୁ ବିଧାନସଭାରେ ଉଭୟ ଶାସକ ଓ ବିରୋଧୀ ବିଧାୟକଙ୍କମାନେ ଦରମା ୧ଲକ୍ଷ ଟଙ୍କା ୩ଲକ୍ଷ ଟଙ୍କା ବୃଦ୍ଧି କରିବାକୁ ଦାବି କରିଥିଲେ । ହେଲେ ବାଚସ୍ପତିଙ୍କୁ ଦ୍ବାରା ଗଠନ କରାଯାଇଥିବା କମିଟି ସବୁ ଦିଗକୁ ବିଚାର କରି ବିଧାୟକମାନଙ୍କ ଦରମା ଅଢେଇ ଲକ୍ଷ ଓ ପୂର୍ବତନ ବିଧାୟକଙ୍କ ପେନସନ ୧ଲକ୍ଷ ଟଙ୍କା ବୃଦ୍ଧି କରିବାକୁ ବାଚସ୍ପତିକୁ ସୁପାରିଶ କରିଛି । ଯାହାକୁ ବାଚସ୍ପତି ରାଜ୍ୟ ସରକାରଙ୍କ ପଠାଇଛନ୍ତି । ଦେଶରେ ତିଲେଙ୍ଗାନାରେ ବିଧାୟକଙ୍କ ଦରମା ଓ ଭତ୍ତାକୁ ମିଶାଇଲେ ପ୍ରାୟ ୨ଲକ୍ଷ ୭୫ ହଜାର ଟଙ୍କା । ସେହିପରି ମେଘାଳୟ, ଝାଡ଼ଖଣ୍ଡ ପରି ଅନେକ ରାଜ୍ୟରେ ବିଧାୟକ ଦରମା ୨ଲକ୍ଷ ଟଙ୍କା ଉପରେ ରହିଛି । ଓଡ଼ିଶା ପରି ଦିଲ୍ଲୀ ,ପଞ୍ଜାବ, ପଶ୍ଚିମ ବଙ୍ଗରେ ମଧ୍ୟ ବିଧାୟକଙ୍କ ଦରମା କମ ରହିଛି । ଏସବୁ ତର୍ଜମା କରି କମିଟି ବିଧାୟକଙ୍କକ ଦରମା, ପେନସନ ଓ ମେଡ଼ିକାଲ ଆାଲାଉନସ ବଢାଇବାକୁ ବହୁବାର ଦାବି କରି ଆସୁଛନ୍ତି । ଯେଉଁଥି ପାଇଁ ବିଜେପି ଓ କଂଗ୍ରେସ ବିଧାୟକ ବିଧାୟକଙ୍କ ଦରମା ବୃଦ୍ଧି କରିବାକୁ ସପକ୍ଷରେ ସ୍ଵର୍ ଉଠାଇଥିଲେ l ଶେଷ ଥର ପାଇଁ ୨୦୧୭ରେ ବିଧାୟକ ମାନଙ୍କ ଗସ୍ତ ଖର୍ଚ୍ଚ ଓ ଦରମା ବଢିଥିଲା ।