( )ଲ୍ୟାଣ୍ଡ ମାଇନ ବିସ୍ଫୋରଣରେ ସାମ୍ବାଦିକ ମୃତ। କଳାହାଣ୍ଡି ଜିଲ୍ଲା ଏମ୍ ରାମପୁର ବ୍ଳକର ଡମ୍ବକରଲାମଖୁଣ୍ଟା ନିକଟସ୍ଥ ଦୁଲେନ ଛକ ରେ ମାଓବାଦୀ ବିଛାଇଥିବା ଲ୍ୟାଣ୍ଡମାଇନ ବିସ୍ଫୋରଣରେ ମୃତ, ମୃତ ସାମ୍ବାଦିକ ଜଣକ ହେଲେ ମୋହନଗିରି ଧରିତ୍ରୀ ପ୍ରତିନିଧି ରୋହିତ ବିଶ୍ଵାଳ।ନକ୍ସଲ ଙ୍କ ଲାଣ୍ଡ ମାଇନ୍ ବିସ୍ଫୋରଣରେ କଳାହାଣ୍ଡି ସାମ୍ବାଦିକଙ୍କ ମୃତ୍ୟୁ ଘଟଣା ରେ ଓୟୁ ଜେ ର ଉଦବେଗ।ସାମ୍ବାଦିକଙ୍କ ସୁରକ୍ଷା ଲାଗି ମୁଖ୍ୟମନ୍ତ୍ରୀଙ୍କ ନିକଟରେ ଦାବି।

() ହଠାତ ସୀମା ଅପା କହିଲେ ଆରେ ସହରରେ ମଣିଷ କଣ ମଣିଷକୁ ଚିହ୍ନେ , ଏଠି ପଇସାକୁ ସମସ୍ତେ ଚିହ୍ନନ୍ତି l ତେଣୁ ଆମ ଗାଁ ଭଲ l ଏକଥା କହିକି ସହରରେ ୧୧ବର୍ଷ କଟାଇଥିବା ବିକାଶ ସହଜରେ ହଜମ କରିପାରିଲାନି l ବିକାଶ କହିଲା ନାଇମ ଅପା ସହରରେ ବହୁତ ଭଲ ଲୋକ ଅଛନ୍ତି । ସହରରେ ମିଠାପଣ ଓ ଆତ୍ମିୟତା ମଧ୍ୟ ଭରି ରହିଛି l କେବଳ ଆମେ ତାକୁ ନିଜ ଆଖିରେ ଦେଖି ପାଇଲେ ହେଲା l

ଚକ୍ ଚକ୍ ସହର , ଏଠି ଚିରାପେଣ୍ଟକୁ ଷ୍ଟାଇଲ ଭାବେ ଗଣା ଯାଏ । ସେ ପେଣ୍ଟ, ସାର୍ଟ ଦାମ ବି ଅଧିକ l ଏଠି ଭଙ୍ଗା ସୁକିଲା କାଠ,ଫଟା ମାଠିଆ ସୋଉକ୍ ଭାବେ ରଖା ଯାଏ l ଏଠି ବି ବୁଲା କୁକୁର, ଷଣ୍ଢକୁ ବି କିଛି ଲୋକ ନିଜ ଜୀବନ ଠାରୁ ଅଧିକ ଭଲ ପାଆନ୍ତି । ଆଉ କିଛି ଲୋକ ପୋଡ଼ି ଓ ଗୁଳି କରି ହତ୍ୟା ବି କରନ୍ତି l ସହରରେ ମଣିଷ ମିଛ ଓ ଛଳନାକୁ ଅଧିକ ଭଲ ପାଏ l ଏଠି ସ୍ବାର୍ଥ ଆଗ ତା ପରେ ସମ୍ପର୍କ l ମିଛି ମିଛିକା ମରୀଚିକା ପାଖରେ ଧାଇବାକୁ ସମସ୍ତେ ପସନ୍ଦ କରନ୍ତି l ଦିନକୁ ରାତି ଓ ରାତିକୁ ଦିନ ଭାବେ ଗ୍ରହଣ କରି ଜୀବନ ବି ବିତାନ୍ତି ଅନେକ l ଟଙ୍କା ରୋଜଗାର କରିବା ପାଇଁ ଜୀବନର ସବୁ ସୁଖକୁ ଭୁଲି ଯାଆନ୍ତି ସମସ୍ତେ l ଏପରି ଶହ ଶହ ଉଦାହରଣ ଦେଇହେବ ସହରକୁ ନେଇ l ପ୍ରେମ ତ ଏଠି ବ୍ୟବସାୟ , ତା ପୁଣି ଚେନ ସିଷ୍ଟମ l ଯେଉଁଠି ପାଇବା ଓ ସ୍ବାର୍ଥ ଛାଡ କିଛି ନାହିଁ l ଆଉ ଏତେ ସବୁ ପରେ ସହରରେ ମିଠାପଣ ପୁଣି କେଉଁଠି ଅଛି ସେଦିନ ସୀମା ଅପାକୁ ବୁଝାଇଥିଲା ପ୍ରକାଶ l

ଅଳ୍ପରେ କହିଥିଲା ସୀମା ଅପା ଏସହରରେ ତମେ ସିନା ନୂଆ , ହେଲେ ଖୁବ କମ ଦିନରେ ସହର୍ ତମକୁ ସିନା ଚିହ୍ନି ପାରିନି , ହେଲେ ସହରକୁ କିନ୍ତୁ ତମେ ଖୁବ୍ ଭଲ ସେ ଚିହ୍ନି ଦେଉଛ l ହେଲେ ନଜର ଟିକେ ବଦଳାଇ ଦେଲେ ଏ ସହର ଆତ୍ମୀୟତା ଓ ମିଠାପଣକୁ ତୁମେ ଅନୁଭବ କରିପାରିବ l ଯେମିତି ତମ ଆଉ ମୋ ଭିତରେ ସମ୍ପର୍କ l ମୁଁ କିଏ ବା ତମର , କେତେ ସେନ ଦେଇଛ l ନିଜର ପରି ଭାବି ତମେ ଆଉ ଭାଇ ସୁଖ ଦୁଃଖରେ ଛିଡା ହୋଇଛ l କେବେ ଅନୁଭବ କରିଦେଇନା ଯେ ୫୦୦କିଲୋମିଟର ଦୂରରେ ମୋର ଗୋଟେ ଘର ଅଛି ବୋଲି l ଏହା ଠାରୁ ଆଉ ବଡ଼ ମିଠା ପଣ ବା ଆଉ କଣ l ଠିକ ସେହିପରି ସହରର କୋଳାହଳ ଭିତରେ ବି ଅନେକ ଶାନ୍ତିର ପରିବେଶ ଅଛି, ପ୍ରେମ ଓ ଭଲ ପାଇବା ଆଗରେ ଛଳନା ଓ ସ୍ବାର୍ଥ ବି ଏଠି ବଳିପଡ଼ିଯାଇଛି l ଅନେକ ପର ଏଠି ନିଜର ଠାରୁ ଅତି ଆପଣାର ହୁଅନ୍ତି l ଏଠି ବିନା ପଇସାରେ ବି କୋକୋ ପ୍ରେମ ଆଉ ବୁଲା କୁକୁର ଭଲ ପାଇବା ମିଳେ l ସହରରେ ବି ଚିରନ୍ତର ପ୍ରେମ ମିଳେ l ଏଥିରେ ନା ଥାଏ ପାଇବାର ଆଶା ନା ହରେଇବାର ଭୟ l ଏଠି ମହୁଲି ନିଶା ନାହିଁ ସତ ହେଲେ ବିନା ଚରସ ଓ ବିନା ମଦରେ ୨୪ଘଣ୍ଟା ନିଶାରେ ବୁଡି ରହିବାର ଉପାୟ ଅଛି l

ତେଣୁ ନିଜ ମନକୁ ମିଠା କରିଦେଲେ ସବୁ ପରିବେଶ ମିଠା ଲାଗିବ l କେବଳ ଆମର ଭାବନା, କର୍ମ ଓ ଚିନ୍ତାଧାରା ବଦଳିବା ଦରକାର l ତାହାଲେ ଯାଇ ସହର ଭିତରେ ଲୁଚି ଯାଇଥିବା ମିଠାପଣର ସ୍ୱାଦ ଆମେ ଚାଖିପାରିବା l ଠିକ ଏତିକି ବେଳେ କିଏ ଜାଣେ କହୁଥାଏ ମିଠା ବରକୋଳି ନେବ ହୋ କୁହ , ସହର ରାସ୍ତାରେ ଟକଟକ କରି ଖାଇଥିବ ମଜା ନେଉଥିବ……..

() ଯାଜପୁରର ଅଧୀଷ୍ଠାତ୍ରୀ ଦେବୀ ମା’ ବିରଜା । ସେ ଜଗତଜିତା । ଦୟାମୟୀ ଓ ବିପଦହାରିଣୀ । ମା’ ବିରାଜ ପୀଠ ଦେଶର ଧାର୍ମିକ ପୀଠ ମଧ୍ୟରୁ ଅନ୍ୟତମ । ତ୍ରିବେଣୀ ଅମାବାସ୍ୟାରେ ମା ବିରଜାଙ୍କ ଜନ୍ମ ତିଥି l ବିଶ୍ବାସ ରହିଛି ଏହି ଦିନ ମା ବିରଜାଙ୍କୁ ଦର୍ଶନ କଲେ କୋଟି ପୁଣ୍ୟ ମିଳିଥାଏ l ଜନ୍ମତିଥିରେ ମା ସାବିତ୍ରୀ ବେଶରେ ଭକ୍ତଙ୍କୁ ଦର୍ଶନ ଦିଅନ୍ତି l ସକାଳୁ ସକାଳୁ ମା ବିରଜାଙ୍କର ମହାସ୍ନାନ ନୀତି ହୁଏ l ଏହାପରେ ଚନ୍ଦନ ଵେଶ, ଶୋଡ଼ଶ ପୁଜା, ଯଜ୍ଞ,୧୦୮ ଆହୁତ (ହୁମ) , ପରେ ପୂର୍ଣ୍ଣ ଆଳତୀ କରାଯାଏ l କରୁଣାମୟୀ ମା’ ବିରଜାଙ୍କୁ ଦର୍ଶନ କଲେ ସବୁ ମା ଯେମିତି ମୋ ସହ କଥା ହେଉଛି ସେମିତି ଲାଗେ l ମା ସବୁ ଜାଣେ ଓ ସବୁ ବୁଝେ l ମା ଙ୍କୁ ଦର୍ଶନ କରିବା ପରେ ମନ ଭିତରେ ଯେଉଁ ଆବେଗ ଓ ଅନୁଭବ ଆସେ ତାହାକୁ ଆଲୋଚନା କି ଭାଷାରେ ପରିପ୍ରକାଶ କରିହେବ ନାହିଁ l ଯିଏ ଯାହା ମାଙ୍କୁ ଦୁଃଖ ଜଣାଇଛି ମା ତାହା ଦୁଃଖ ଶୁଣିଛନ୍ତି l ତା ଦୁଆରେ ଧନୀ , ଗରିବ ସବୁ ସମାନ l ମା ବିଶ୍ଵ ମଙ୍ଗଳମୟୀ l କରୁଣା ମୟୀ ମା ବିରଜାଙ୍କୁ ଦର୍ଶନ କରି କଣ ରହିଛି ଭକ୍ତ ର ଆ ବେଗ ଓ ଅନୁଭବ ନଜର ପକାନ୍ତୁ…

୧. ପ୍ରସନ୍ନ ମହାନ୍ତି, ବରିଷ୍ଠ ସାମ୍ବାଦିକ : ମା ବିରଜା ପୀଠ ହେଉଛି ଆରାଧନା ଓ ଆଧ୍ୟାତ୍ମିକତାର ପ୍ରାଣକେନ୍ଦ୍ର l ମା ଙ୍କ ଆକର୍ଷଣରେ , ମୁଁ ବାରମ୍ବାର ଆସି ମାଙ୍କ ଦର୍ଶନ କରିବାର ସୌଭାଗ୍ୟ ପାଉଛି ।

୨.ଅଜିତ ଦାସ,ବରିଷ୍ଠ ସାମ୍ବାଦିକ : ମାଙ୍କ ଦର୍ଶନ ପରେ ବହୁତ ଖୁସି ଲାଗେ । ବହୁତଥର ଯୋଗ ଥିଲେ ଦର୍ଶନ ମିଳେ ,ଯୋଗ ନଥିଲେ ଦର୍ଶନ ମିଳେନାହିଁ ,

୩. ହରିହର ଚାନ୍ଦ, ଯୁବ ସାମ୍ବାଦିକ : ମାଙ୍କୁ ଦର୍ଶନ କଲେ ଶାନ୍ତି ଲାଗେ l ଦର୍ଶନ ବ୍ୟବସ୍ଥା ବହୁତ ଭଲ । ମାଙ୍କ ଆର୍ଶୀବାଦ ସବୁବେଳେ ମିଳୁ ଏତିକି ପ୍ରାର୍ଥନା । ବହୁତ ଦିନ ଧରି ଦର୍ଶନ କରିବାକୁ ଚାହୁଁଥିଲି । କୋଭିଡ କଟକଣାରେ ଦର୍ଶନ କଲି ସେଥିପାଇଁ ମା’ଙ୍କ ପାଖରେ କୋଟି କୋଟି ପ୍ରଣାମ ।

ସ୍ଵଂୟମ ପ୍ରକାଶ ମହାପାତ୍ର, ଯୁବ ସାମ୍ବାଦିକ : ଆଧ୍ୟାତ୍ମିକ ଓ ଆରାଧନାର ସର୍ବଶ୍ରେଷ୍ଠ ସ୍ଥଳି ହେଉଛି ମା ବିରଜା ପୀଠ । ପ୍ରଥମଥର ଯାଜପୁର ଯିବା ଓ ମା ବିରଜାଙ୍କୁ ପ୍ରଥମଥର ଦର୍ଶନ କରିବାରେ ଅନେକ ଆନନ୍ଦ ପାଇଛି ।

ବିଶ୍ଵଭୂଷଣ ମହାପାତ୍ର , ଯୁବ ସାମ୍ବାଦିକ : ମା’ଙ୍କ ମନ୍ଦିରକୁ ପ୍ରବେଶ କଲେ ସଂସାରର ସବୁ ଜଞ୍ଜାଳ ଓ ମନର ସମସ୍ତ ଟେନସନ ଉଭେଇ ଯାଏ । ମନଟା ଭକ୍ତି ଭାବରେ ପରିପୂର୍ଣ୍ଣ ହୋଇଯାଏ

ନବକିଶୋର ସାହୁ, ଯୁବ ସାମ୍ବାଦିକ : ଥରେ ମା’ଙ୍କୁ ଦର୍ଶନ କଲେ ଆସିବାକୁ ଇଛା ହୁଏନାହିଁ । ସବୁ ଦୁଖଃ ଲିନ ହୋଇଯାଏ । ମଣିଷ ଚିନ୍ତା ମୁକ୍ତ ହୋଇଯାଏ l

ଗୌତମ ଦେ : ଜନ୍ମର 23 ବର୍ଷ ପରେ ପ୍ରଥମଥର ମା ବିରଜାଙ୍କୁ ଦର୍ଶନ କଲି । ତା ଠାରୁ ମୋର ବଡ ସୌଭାଗ୍ୟ ଆଉ କିଛି ନାହିଁ ।ଦୁର୍ଗାପୂଜାରେ ମା’ଙ୍କ ରଥଯାତ୍ରା ଦେଖି ମୁଁ ଖୁବ୍ ଆନନ୍ଦିତ l

ଦିଲ୍ଲୀପ ମହାପାତ୍ର , ଯାଜପୁର ବାସୀ : ମା ବିରଜା ହେଉଛନ୍ତି ଯାଜପୁରର ଅଧିଷ୍ଠାତ୍ରୀ ଦେବୀ । ମା’ଙ୍କୁ ଦେଖି ଦେଲେ ସବୁ କାର୍ଯ୍ୟ ଭଲରେ ଭଲରେ ହେଇଯାଏ l

ଚିନ୍ମୟ ମହାପାତ୍ର, ଯୁବ ସାମ୍ବାଦିକ : ମା ବିରଜା ହେଉଛନ୍ତି ପ୍ରତ୍ୟକ୍ଷ ଦେବୀ l ତାଙ୍କ ମୁହଁକୁ ଚାହିଁଦେଲେ ,ମନ ପବିତ୍ର ହେବା ସହ ,ସବୁ ଦୁଃଖ ଦୂରେଇ ଯାଏ l ଜୟ ମା ବିରଜା କହିଦେଲେ , ଦୁନିଆରେ ସବୁକିଛି ମିଳିଯାଏ ବୋଲି ଅନୁଭବ ହୁଏ ,ମାଙ୍କୁ ଯେତେ ଦେଖିଲେ ବି ମନ ପୁରେ ନାହିଁ ।ସବୁବେଳେ ମାଙ୍କୁ ଦେଖିବା ପାଇଁ ଆଗ୍ରହ ହୁଏ ।

ଭବପ୍ରସାଦ ଦାସ ,ଯୁବନେତା : ଯାଜପୁର କହିଲେ ମା ବିରଜାଙ୍କ ପୀଠକୁ ବୁଝାଏ l ମାଙ୍କ ଯାନିଯାତ୍ରା ସାରା ବିଶ୍ଵରେ ବିରଳ l ମା ଦୟାମୟୀ , ସେବା କରିବାକୁ ସବୁବେଳେ ପ୍ରେରଣା ଓ ଶକ୍ତି ଦେଇଥାନ୍ତି l ତାଙ୍କର ନିର୍ଦ୍ଦେଶରେ ଯାଜପୁର ବିଧାୟକ ପ୍ରଣବ ପ୍ରକାଶଦାସଙ୍କ ତତ୍ଵାବଧାନରେ ବିରଜା ପୀଠର ଉନ୍ନତିକରଣ କରାଯାଉଛି । ଯେମିତି ମା ନିଜେ ସେ କାମ କରୁଛନ୍ତି ମୋର ଅନୁଭବ ହୁଏ । ମା ବିରଜାଙ୍କ ଜନ୍ମ ଦିନର ସମସ୍ତଙ୍କୁ ଅଭିନନ୍ଦନ l

ତପନ ଦାସ ଯୁବ ସାମ୍ବାଦିକ : ମା ବିରଜାଙ୍କ ପବିତ୍ର ଜନ୍ମଦିନରେ ମାଙ୍କ ପାଦତଳେ କୋଟି କୋଟି ପ୍ରଣାମ । ପ୍ରଥମେ ମା ବିରଜାଙ୍କୁ ଦର୍ଶନ କରିବାର ସୌଭାଗ୍ୟ ୨୦୧୯ ମସିହାରେ ପାଇଥିଲି । ମା’ଙ୍କ ମନ୍ଦିର ପ୍ରବେଶ ବେଳେ ଦେହରେ ଶିହରଣ ଖେଳିଯାଇଥିଲା । ଆପେ ଆପେ ମା ବୋଲି ପାଟିରେ ଆସିଗଲା । ଆଖିରୁ ଭକ୍ତି ରେ ଲୁହ ଆସିଯାଇଥିଲା । ମାଙ୍କ ପାଦତଳେ ପଡିବାର ଭକ୍ତି ଭାବର ଅନୁଭୂତି ଭାଷାରେ ବର୍ଣ୍ଣନା କରିବା କଷ୍ଟକର । ଜୟ ମା ବିରଜାସ୍ଵ,

ସ୍ଵପ୍ନା , ଯାଜପୁର ବାସିନ୍ଦା : ମା’ଙ୍କୁ ଦର୍ଶନ କରିବାକୁ ସବୁବେଳେ ଇଛା ହୁଏ ,ହେଲେ ଯାଜପୁରରେ  ଘର ହୋଇ ମଧ୍ୟ ସବୁବେଳେ ସେ ସୁଯୋଗ ମିଳେନି,ମା’ଙ୍କ ଡାକରା ଆସିଲେ ପାଦ ଆପେ ଆପେ ତାଙ୍କ ପୂନ୍ୟପିଠକୁ ଚାଲିଯାଏ l

ଥବୀର ସାମଲ ,ଯୁବ ସାମ୍ବାଦିକ : ମା’ଙ୍କ ପିଠକୁ ବହୁବାର ଚେଷ୍ଟା କରିଛି ଯିବାପାଇଁ ,ମାତ୍ର ମା’ବିରଜାଙ୍କୁ ଥରୁଟିଏ ଦେଖିବାର ସୁଯୋଗ ପାଇଛି ,ଏବେ ଅପେକ୍ଷା କେବେ ମା ଙ୍କ ଡୋରୀ ଲାଗିବ,ଜୟ ମା ବିରଜା