() ଚଳିତ ପଞ୍ଚାୟତ ନିର୍ବାଚନ ହେଉଛି ବିଜେଡି ସଂଗଠନ ସଂପାଦକ ପ୍ରଣବ ପ୍ରକାଶ ଦାସ ଓରଫ ବବିଙ୍କ ପାଇଁ ଅଗ୍ନିପରୀକ୍ଷା । କାରଣ ଦଳର ସଂଗଠନ ଦାୟିତ୍ୱ ପାଇବା ପରେ ଗାଁ ଭୋଟ ତାଙ୍କ ପାଇଁ ପ୍ରଥମ । ବିଗତ ତିନୋଟି ଉପନିର୍ବାଚନରେ ତାଙ୍କ ଗୋଟି ଚାଳନା ସଫଳ ହୋଇଥିବାରୁ ବିଜେଡିର ବିଜୟ ହୋଇଛି । ଏବେ ଗାଁର ପାଳି । ଯାହା ସବୁଠାରୁ ସମ୍ବେଦନଶୀଳ ନିର୍ବାଚନ । 2017 ପଞ୍ଚାୟତ ନିର୍ବାଚନରେ ବିଜେଡି 20ଟି ଜିଲ୍ଲା ପରିଷଦ ଅଧ୍ୟକ୍ଷ ପଦ ହାତେଇଥିବାବେଳେ ବିଜେପି ଖାତାକୁ ୨ଟି ଆସନ ଯାଇଥିଲା । ହେଲେ ଏଥର ଚିତ୍ର ଭିନ୍ନ ।

ବିଜେପି ବିଜୟର ସବୁଠାରୁ ବଡ଼ ଗଡ଼ ଥିଲା ମୟୂରଭଞ୍ଜ । ପଞ୍ଚାୟତ ଜିତିବା ପରେ 2019 ନିର୍ବାଚନରେ ମୟୂରଭଞ୍ଜରେ ବିଜେପିର ବିଜୟ ବାନା ବୁଲିଥିଲା । ହେଲେ ଏବେ ବିଜେଡି ପକ୍ଷରୁ ମୟୂରଭଞ୍ଜ ଦାୟିତ୍ବ ନେଇଛନ୍ତି ବବି । ସେଠାରେ ରହି ସାରା ରାଜ୍ୟର ସଂଗଠନକୁ କଣ୍ଟ୍ରାଲ ବି କରୁଛନ୍ତି । ଯେଉଁଥି ପାଇଁ 30ଟି ଯାକ ଜିଲ୍ଲା ଦଖଲର ଦମ୍ଭୋକ୍ତି ଦେଖାଇଛି ବିଜେଡି । ହେଲେ ବିଜେପିକୁ ଏହା ହଜମ ହେଉ ନାହିଁ । ଗେରୁଆ ଦଳ ରକ୍ତମୁଖା ହୋଇଛି । ଗାଁ ଗାଁରେ ରକ୍ତ ସଂଘର୍ଷ କରୁଥିବା ଅଭିଯୋଗରେ ଛନ୍ଦି ହେଲାଣି ବିଜେପି ।

ଅନ୍ୟପଟେ ବ୍ୟକ୍ତିଗତ ସ୍ତରରେ ବିରୋଧି ଭଲ ଭାବେ ଜାଣିଛି ପଞ୍ଚାୟତ ନିର୍ବାଚନରେ ବିଜେଡିକୁ ମାତ୍ ଦେବା କାଠିକର ପାଠ । ସେମାନଙ୍କ ନେତା ବି ମାନୁଛନ୍ତି ଯେ ବବି ଯେପରି ମ୍ୟାନେଜ କରୁଛନ୍ତି, ସେପରି ବିଜେପି ଓ କଂଗ୍ରେସ କରିବା ଅସମ୍ଭବ । ଏହି କାରଣରୁ ବିଜେପି ପ୍ରତିହିଂସା ପରାୟଣ ହୋଇ ପଡ଼ିଛି । ଅନ୍ୟପଟେ ପୁରୁଣା ପ୍ରସଙ୍ଗ ଧରି କଂଗ୍ରେସ ଅପପ୍ରଚାରରେ ମାତିଛି l ପଂଚାୟତ ନିର୍ବାଚନରେ ବବି କିଛି ଏପରି ଗୋଟି ଚଳାଇଲେ ଯେ ଯାଜପୁର ବିଜେପି ଜିଲ୍ଲା ପରିଷଦ ପ୍ରାର୍ଥୀ ନାମାଙ୍କନ ପ୍ରତ୍ୟାହର କରିଦେଲେ । ସେହିପରି ଡେଲାଙ୍ଗ କଂଗ୍ରେସ ଜିଲ୍ଲା ପରିଷଦ ପ୍ରାର୍ଥୀ ବିଜେଡିରେ ମିଶିଲେ ।

ବବିଙ୍କ ଅଙ୍କ କୋଷା ଯୋଗୁ ଯେପରି ବିରୋଧୀ ଶିବିର ଖାଲି ହେଉଛି, ସେହି ରୋଷର ଶିକାର ହେଉଛନ୍ତି ରାଜ୍ୟବାସୀ । ଚଳିତ ପଞ୍ଚାୟତ ନିର୍ବାଚନରେ ବିଜେପି ହିଂସାକାଣ୍ଡ କରୁଛି । ଯାହାକୁ ପରୋକ୍ଷ ଓ ପ୍ରତ୍ୟକ୍ଷରେ ସମର୍ଥନ ଦେଉଛନ୍ତି କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନଙ୍କ ପ୍ରତି ହେଭିକ୍ରେଜ ନେତା । ତେବେ ଧର୍ମେନ୍ଦ୍ରଙ୍କୁ ଚୁପଚାପ୍ ଶୁଣୁନି ବିଜେଡି । ଦଳ ପକ୍ଷରୁ ବବି ଦେଉଛନ୍ତି ଜବାବ ଆଉ ମନେ ପକାଇ ଦେଉଛନ୍ତି ଗେରୁଆ ଦଳ କରୁଥିବା ଦେଶ ସାରା ଗୁଣ୍ଡାଗିରି । ଯାହା ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ଦକ୍ଷ ସେନାପତି ବବିଙ୍କ ସଂଗଠନ ଦକ୍ଷତା ଉପରେ ଆହୁରି ମୋହର ମାରୁଛି । ସବୁଠାରୁ ବଡ ମନ୍ତ୍ର ହେଉଛି ପ୍ରଣବ ଯୁବ, ଛାତ୍ର, ମହିଳା, ବରିଷ୍ଠ ସଭିଙ୍କୁ ସାଥିରେ ଧରି ମୁଖ୍ୟମନ୍ତ୍ରୀଙ୍କ ନିର୍ଦ୍ଦେଶ ରେ ସବୁ କାମକୁ ସୁପରିଚାଳନା କରୁଛନ୍ତି l ଟିମ୍ ସ୍ପ୍ରିରିଟ ବବିଙ୍କୁ ସବୁ ସଫଳତା ଦେଉଛି l

( )ବିଜେପିର ପ୍ରେସମିଟକୁ କରି ଜବାବ ଦେଇଛି ବିଜେଡି । ବିଜେପିର ନିର୍ବାଚନୀ ହିଂସା ଅଭିଯୋଗକୁ କଡ଼ା ଜବାବ ଦେଲା ବିଜେଡି । ବିଜେଡି ମୁଖପାତ୍ର ସସ୍ମିତ ପାତ୍ର ପ୍ରେସମିଟ୍ କରି ବିଜେପିର ଅଭିଯୋଗକୁ କଡା ସମାଲୋଚନା କରିଛନ୍ତି । ବିଜେଡି ଏକ ଶାନ୍ତିପ୍ରିୟ ଦଳ । ନିର୍ବାଚନରେ ହିଂସାର ନାହିଁ ସ୍ଥାନ । ହିଂସା ପଛରେ ବିଜେପିର ହାତ ରହିଛି । ନିର୍ବାଚନରେ ହାରିବା ଭୟରେ ବିଜେପି ଏପରି ଗୁଣ୍ଡାଗିରି କରୁଛି ବୋଲି କହିଛନ୍ତି ସସ୍ମିତ ପାତ୍ର । ନିର୍ବାଚନ ଆସିଲେ ବିଜେପି ରକ୍ତମୁଖା ହୋଇପଡ଼େ । ଓଡ଼ିଶା, ଓଡ଼ିଶାବାସୀ, ବିଜେଡି ଓ ମୁଖ୍ୟମନ୍ତ୍ରୀ ଶାନ୍ତିପ୍ରିୟ । ବିଜେପି ହିଂସାକୁ ପ୍ରଶୟ ଦେଉଛି । ବିଜେପିର ସାଂସଦ ଓ କେନ୍ଦ୍ରମନ୍ତ୍ରୀ ଗୁଣ୍ଡାଗିରି କରି ବେଲରେ ଅଛନ୍ତି ବୋଲି କହିଛନ୍ତି ବିଜେଡି ମୁଖପାତ୍ର ସସ୍ମିତ ପାତ୍ର।

( ) ନିର୍ବାଚନ କମିଶନ ଙ୍କ କଟକଣା ସରକାର ମାନୁ ନାହାଁନ୍ତି । ଗତକାଲି କଣାସ, କୃଷ୍ଣପ୍ରସାଦ ବାଲେଶ୍ୱର ସବୁଠି ନିର୍ବାଚନ ହିଂଶା ହୋଇଛି । 2 ଜଣ ସମ୍ବାଦିକ ଙ୍କୁ ମାଡ ହୋଇଛି । ଘଟଣା କୁ ନେଇ ଆମେ ମର୍ମାହତ । ସ୍ଥିତି ଏମିତି ହୋଇଛି ନିର୍ବାଚନ କମିଶନର ଗଲେ ଗାଁ କୁ ଗଲେ ବି ମାଡ ଖାଇବେ । ଗାନ୍ଧୀ ଗୋପବନ୍ଧୁ ଥିଲେ ନିର୍ବାଚନ ଲଢ଼ିବା ଦୂର କଥା ନୋମିନେସନ କରିପାରି ନ ଥାନ୍ତେ । ନିର୍ବାଚିତ ପ୍ରତିନିଧି ଙ୍କୁ କାମ କରିବାକୁ ସୁଯୋଗ ଦେଉ ଶାସକ ଦଳ । ନିର୍ବାଚନ ରେ ମଦ ଓ ମାଂଶ ବଣ୍ଟା ହେଉଛି । ଟଙ୍କା ବଣ୍ଟା ହେଉଛି । ପୋଲିସ ଡିଜି କଣ କରୁଛନ୍ତି ? ଏଥିପାଇଁ ବିଜେପି ବିଜେଡି ଦାୟୀ । ମତ ଦାନ ବେଳେ କୃଷ୍ଣ ପ୍ରସାଦ ବ୍ରହ୍ମଗିରି ରେ ଭୋଟ ଅପହରଣ ଵୋମା ମାଡ ଘଟଣା ରୁ ସ୍ପଷ୍ଟ ମୁଖ୍ୟମନ୍ତ୍ରୀ ଗଣତନ୍ତ୍ର କୁ ହତ୍ୟା କରିଛନ୍ତି ।ଆଜି ନବୀନ ବାବୁ ଙ୍କ ଘର ପଛ ପଟେ ବିରାଟ ହୋଟେଲ ନିର୍ମାଣ ପାଇଁ ଯୋଜନା ହେଉଛି । ଲିଙ୍ଗରାଜ ଜମି ହଡପ ପାଇଁ ଯୋଜନା ଚାଲିଛି । ମାମଲା ସୁପ୍ରିମକୋର୍ଟ ରେ ଥିବା ବେଳେ କୋର୍ଟ ଏଥିପାଇଁ ଅନୁମତି ଦେଇଛନ୍ତି । ପୁନର୍ବିଚର ପାଇଁ ଆମେ ରିଭ୍ୟୁ ପିଟିସନ କରିବୁ ।

( )ଆସନ୍ତାକାଲି ଦ୍ଵିତୀୟ ପର୍ଯ୍ୟାୟ ନିର୍ବାଚନ ପାଇଁ ଆୟୋଗ ପ୍ରସ୍ତୁତ। 30 ଜିଲ୍ଲା ର 68 ବ୍ଲକରେ 186 ଜିଲ୍ଲା ପରିଷଦ ଆସନ ପାଇଁ ନିର୍ବାଚନ ହେବ। 20466 ବୁଥ ରେ ନିର୍ବାଚନ ହେବ। ଏଥିରୁ 3065ଟି ସମ୍ବେଦନ ବୁଥ ରହିଛି। ଦ୍ଵିତୀୟ ପର୍ଯ୍ୟାୟ ପାଇଁ ମୋଟ 37245 ପୋଲିସ ନିୟୋଜିତ ରହିବେ।225 ପ୍ଲାଟୁନ ପୋଲିସ ଫୋର୍ସ
1514 ପଂଚାୟତରେ ହେବ ନିର୍ବାଚନ।

( )ଆକ୍ରମଣ କରିନଥିଲେ ତ ହାଇକୋର୍ଟରୁ ଜାମିନ କ’ଣ ପାଇଁ ?।
 କେନ୍ଦ୍ରମନ୍ତ୍ରୀଙ୍କ ଆରୋପ ରାଜନୈତିକ ଓ ନୈତିକତା ଦୃଷ୍ଟିରୁ ନିମ୍ନ ସ୍ତରର।
{ } କେନ୍ଦ୍ରମନ୍ତ୍ରୀ ବିଶେଶ୍ୱର ଟୁଡୁ ଆଜି ତାଙ୍କର ବିବୃତ୍ତି ଜରିଆରେ ଯେଭଳି ମିଥ୍ୟା ତଥ୍ୟ ରଖିଛନ୍ତି ତାହା ଡାହା ମିଛ ବୋଲି କହିଛନ୍ତି ବିଜେଡି ନେତା ଦେବାଶିଷ ମାରାଣ୍ଡି ।
ଶ୍ରୀ ମାରାଣ୍ଡି ଆଜି ଏକ ବିବୃତ୍ତି ଜରିଆରେ କହିଛନ୍ତି ଯେ କେନ୍ଦ୍ରମନ୍ତ୍ରୀ ଶ୍ରୀ ଟୁଡୁ ଯଦି ଉକ୍ତ ସରକାରୀ କର୍ମଚାରୀଙ୍କୁ ଆକ୍ରମଣ କରି ଆହତ କରିନଥିଲେ ତେବେ ସେ ମାନ୍ୟବର ହାଇକୋର୍ଟଙ୍କ ଦ୍ୱାରସ୍ଥ ହୋଇ ସେ କରିଥିବା କାର୍ଯ୍ୟ ପାଇଁ ଜାମିନ କାହିଁକି ପାଇଛନ୍ତି?
କେନ୍ଦ୍ରମନ୍ତ୍ରୀ ଶ୍ରୀ ଟୁଡୁ ଆହୁରି ମଧ୍ୟ କହିଛନ୍ତି ଯେ ଉକ୍ତ ସରକାରୀ କର୍ମଚାରୀ ନିଜ ହାତକୁ ନିଜେ ଭାଙ୍ଗିଛନ୍ତି ଯାହା ରାଜନୈତିକ ଏବଂ ନୈତିକତା ଦୃଷ୍ଟିରୁ ଅତ୍ୟନ୍ତ ନିମ୍ନ ସ୍ତରର କଥା ବୋଲି ଶ୍ରୀ ମାରାଣ୍ଡି କହିଛନ୍ତି ।

( )ସ୍କୁଲ୍ ଖୋଲାଯିବା ନିଷ୍ପତ୍ତି ସମ୍ବନ୍ଧୀତ ପ୍ରେସ୍ ବିବୃତି: ପ୍ରଥମରୁ ସପ୍ତମ ଶ୍ରେଣୀ ପିଲାଙ୍କ ଶ୍ରେଣୀଗୃହ ପାଠପଢା ୧୪ ବଦଳରେ ୨୮ ଫେବୃଆରୀ ୨୦୨୨ରୁ ଆରମ୍ଭ ହେବ। ଦୀର୍ଘ ଦୁଇ ବର୍ଷ ସ୍କୁଲ ବନ୍ଦ ଥିବା ଯୋଗୁ, ସଫେଇ ତଥା ଛୋଟମୋଟ ମରାମତି କାର୍ଯ୍ଯ କରି ଏକ ଉତ୍ତମ ଶିକ୍ଷା ପରିବେଶ ପ୍ରଦାନକୁ ସୁନିଶ୍ଚିତ କରିବା ପାଇଁ ଏହି ନିଷ୍ପତ୍ତି ଗ୍ରହଣ କରାଯାଇଛି।ଏଥି ସହିତ ରାଜ୍ୟରେ ପଞ୍ଚାୟତ ନିର୍ବାଚନ ପ୍ରକ୍ରିୟାରେ ବିଭିନ୍ନ ସ୍କୁଲ ଗୃହ ବ୍ୟବହାର ହେବ। କୋଭିଡ୍ ପରିପ୍ରେକ୍ଷୀରେ ଏହା ଛାତ୍ରଛାତ୍ରୀମାନଙ୍କ ସ୍ବାସ୍ଥ୍ୟ ଉପରେ ପ୍ରଭାବ ପକାଇବା ସମ୍ଭାବନା ରହିଛି ତେଣୁ ସ୍କୁଲ୍ ପରିସରକୁ ସାନିଟାଇଜ୍ କରି ପାଠପଢା ନିମନ୍ତେ ବ୍ୟବହାର କରାଯିବ ବୋଲି ନିଷ୍ପତ୍ତି ହୋଇଛି।