୧୩୩.୪୭ କୋଟିର ଲୋକାର୍ପଣ, ୮୨୫.୮୩ କୋଟିର ଶିଳାନ୍ୟାସ

ସମ୍ବଲପୁରରେ ଦେଶର ୫୧ତମ ଡପ୍‌ଲର ପାଣିପାଗ ରାଡାର୍ ଲୋକାର୍ପିତ

ପାଣିପାଗ ପୂର୍ବାନୁମାନରେ ନୂଆ ଯୁଗ: ସମ୍ବଲପୁରରୁ ପାଣିପାଗ ଉପରେ ନଜର ରଖିବ ‘ମେକ୍ ଇନ୍ ଇଣ୍ଡିଆ’ ଡପ୍‌ଲର ରାଡାର୍୧୩ଟି ଜିଲ୍ଲାର ପାଣିପାଗ ସମ୍ପର୍କରେ ତଥ୍ୟ ଯୋଗାଇବ ଏହି ରାଡାର୍ ବିକାଶ ପଥରେ ପଶ୍ଚିମ ଓଡ଼ିଶା: ଜାନୁଆରୀରୁ ସେପ୍ଟେମ୍ବର ମଧ୍ୟରେ ୧,୯୧୦ କୋଟିର କାର୍ଯ୍ୟ ସହ ବଦଳୁଛି ସମ୍ବଲପୁରର ଚେହେରାଦେଶରେ ଆଉ ୪୦ ଡପଲର ରାଡାର୍ ସ୍ଥାପନ କରାଯିବ – କେନ୍ଦ୍ର ମନ୍ତ୍ରୀ ଜିତେନ୍ଦ୍ର ସିଂହ ବାଲେଶ୍ୱର, ଭୁବନେଶ୍ୱର ଓ ପୁରୀରେ ମଧ୍ୟ ଡପଲର ରାଡାର୍ ସ୍ଥାପନ ପାଇଁ ପଦକ୍ଷେପ ନିଆଯାଉଛି ଧନ ଜୀବନ ସୁରକ୍ଷା ଓ ଜଳସେଚନ ପାଇଁ ବରଦାନ ସାବ୍ୟସ୍ତ ହେବ ଡପ୍‌ଲର ରାଡାର୍: ମୁଖ୍ୟମନ୍ତ୍ରୀ ମୁଖ୍ୟମନ୍ତ୍ରୀ ଶ୍ରୀ ମୋହନ ଚରଣ ମାଝୀ ସମ୍ବଲପୁର ଗସ୍ତ ଅବସରରେ ଜିଲ୍ଲାବାସୀଙ୍କୁ ଆଜି ଏକାଧିକ ବିକାଶମୂଳକ ପ୍ରକଳ୍ପର ଶୁଭାରମ୍ଭ କରିଛନ୍ତି। ସମ୍ବଲପୁରର ଗଙ୍ଗାଧର ମେହେର ବିଶ୍ୱବିଦ୍ୟାଳୟ ଠାରେ ଆୟୋଜିତ ଏକ ଭବ୍ୟ ସମାରୋହରେ ମୁଖ୍ୟମନ୍ତ୍ରୀ ଶ୍ରୀ ମାଝୀ ସମ୍ବଲପୁର ଏବଂ ସମଗ୍ର ପଶ୍ଚିମ ଓଡ଼ିଶାର ବିପର୍ଯ୍ୟୟ ପରିଚାଳନା ପାଇଁ ଅତ୍ୟାଧୁନିକ ‘ମେକ୍ ଇନ୍ ଇଣ୍ଡିଆ’ ଡପ୍‌ଲର ପାଣିପାଗ ରାଡାର୍ (DWR)ର ଶୁଭାରମ୍ଭ କରିବା ସହ ପ୍ରାୟ ୯୬୦ କୋଟି ଟଙ୍କାର ୫୦ଟି ଗୁରୁତ୍ୱପୂର୍ଣ୍ଣ ଉନ୍ନୟନମୂଳକ ପ୍ରକଳ୍ପର ଉଦ୍‌ଘାଟନ ଓ ଶିଳାନ୍ୟାସ କରିଛନ୍ତି। ଏହି ଅବସରରେ ଉଦ୍‌ବୋଧନ ଦେଇ ମୁଖ୍ୟମନ୍ତ୍ରୀ କହିଛନ୍ତି ଯେ ସମ୍ବଲପୁର ହେଉଛି ପଶ୍ଚିମ ଓଡ଼ିଶାର କଳା, ସଂସ୍କୃତି ଓ ପରମ୍ପରାର ପ୍ରତୀକ ଏବଂ ‘ସମୃଦ୍ଧ ଓଡ଼ିଶା ୨୦୩୬’ ଗଠନ ସଂକଳ୍ପରେ ସମ୍ବଲପୁର ହେଉଛି ରାଜ୍ୟ ସରକାରଙ୍କ ବିକାଶ ଯାତ୍ରାର ମୁଖ୍ୟ କେନ୍ଦ୍ର।ମୁଖ୍ୟମନ୍ତ୍ରୀ ନିଜ ଅଭିଭାଷଣର ଆରମ୍ଭରେ ମା’ ସମଲେଶ୍ଵରୀ, ବୀର ସୁରେନ୍ଦ୍ର ସାଏ, ଶହିଦ ମାଧୋ ସିଂ, ଛବିଲ ସାଏ, ସନ୍ଥକବି ଭୀମଭୋଇ ଓ ସ୍ୱଭାବ କବି ଗଙ୍ଗାଧର ମେହରଙ୍କୁ ଶ୍ରଦ୍ଧାଞ୍ଜଳି ଜ୍ଞାପନ କରିଥିଲେ। ସେ କହିଥିଲେ ଯେ ସମ୍ବଲପୁରୀ ଭାଷା, ସଂସ୍କୃତି, ଗୀତ ଓ ଶାଢ଼ୀ ସମଗ୍ର ଆଞ୍ଚଳିକ ପରିଚୟର ଗୌରବ। ଆଜି ଉଦ୍‌ଘାଟିତ ଓ ଶିଳାନ୍ୟାସ ହୋଇଥିବା ୯୬୦ କୋଟି ଟଙ୍କାର ପ୍ରକଳ୍ପ ମଧ୍ୟରେ ୧୩୩.୪୭ କୋଟି ଟଙ୍କାର ୧୫ଟି ସମ୍ପୂର୍ଣ୍ଣ ପ୍ରକଳ୍ପର ଲୋକାର୍ପଣ ଏବଂ ୮୨୫.୮୩ କୋଟି ଟଙ୍କାର ୩୫ଟି ନୂତନ ପ୍ରକଳ୍ପର ଶିଳାନ୍ୟାସ ସାମିଲ ଅଛି। ଏଥିରେ ସ୍ୱାସ୍ଥ୍ୟ, ଗ୍ରାମ୍ୟ ଉନ୍ନୟନ (କୁଚିଣ୍ଡା ପାଇଁ ୬୦.୫୦ କୋଟି), କ୍ରୀଡ଼ା (୭୪.୭୨ କୋଟି), ସଡ଼କ ଓ କୋଠା ନିର୍ମାଣ (୫୮୫ କୋଟି) ଏବଂ ଜଳସମ୍ପଦ କ୍ଷେତ୍ରରେ ୨୨୦.୫୬ କୋଟି ଟଙ୍କାର ମେଗା ଲିଫ୍ଟ ଜଳସେଚନ ଓ ୮.୮୮ କୋଟି ଟଙ୍କାର କ୍ଷୁଦ୍ର ଜଳସେଚନ ପ୍ରକଳ୍ପ ଅନ୍ତର୍ଭୁକ୍ତ।

ମୁଖ୍ୟମନ୍ତ୍ରୀ ଦର୍ଶାଇଥିଲେ ଯେ ଗତ ଜାନୁଆରୀ ୨୦୨୬ରେ ସେ ୯୪୮ କୋଟି ଟଙ୍କାର ପ୍ରକଳ୍ପ ସହ ୫୦ଟି ବୈଦ୍ୟୁତିକ ବସ୍‌ର ଶୁଭାରମ୍ଭ କରିଥିଲେ। ଅଇଁଠାପାଲି ବସ୍ ଟର୍ମିନାଲ୍ ଓ ଏହାର ୧୦ ବର୍ଷର ରକ୍ଷଣାବେକ୍ଷଣ ପାଇଁ ୨୩୮.୧୪ କୋଟି ଟଙ୍କା ବ୍ୟୟବରାଦ କରାଯାଇଛି। ସହରରେ ଜଳସଙ୍କଟ ଓ ଜଣ୍ଡିସ ସମସ୍ୟାର ସ୍ଥାୟୀ ସମାଧାନ ପାଇଁ AMRUT ୨.୦ ଅଧୀନରେ ୪୫୦ କୋଟି ଟଙ୍କାର ‘ଡ୍ରିଙ୍କ୍ ଫ୍ରମ୍ ଟ୍ୟାପ୍’ ପ୍ରକଳ୍ପ ଜରିଆରେ ୪୧ଟି ୱାର୍ଡକୁ ୧୦୦ ନିୟୁତ ଲିଟର ବିଶୁଦ୍ଧ ଜଳ ଯୋଗାଇ ଦିଆଯିବ। ଏତଦ୍‌ବ୍ୟତୀତ, ବୁର୍ଲା ଓ ହୀରାକୁଦ ରିଙ୍ଗ୍ ରୋଡ୍, ରେମେଡ୍-ହୀରାକୁଦ ୪-ଲେନ୍ ରାସ୍ତା ଆଦିର ସମ୍ପ୍ରସାରଣ କାର୍ଯ୍ୟ ଦ୍ରୁତଗତିରେ ଚାଲିଛି। ଏହି ଗୋଟିଏ ବର୍ଷରେ ସେପ୍ଟେମ୍ବର ସୁଦ୍ଧା ସମ୍ବଲପୁର ପାଇଁ ପ୍ରାୟ ୧,୯୧୦ କୋଟି ଟଙ୍କାର ବିକାଶମୂଳକ କାର୍ଯ୍ୟ କରାଯାଇଛି। ଶାସନ ବ୍ୟବସ୍ଥାକୁ ଲୋକାଭିମୁଖୀ କରିବା ପାଇଁ ଭୁବନେଶ୍ୱର ବାହାରେ ସମ୍ବଲପୁରରେ ପ୍ରଥମ ରାଜ୍ୟସ୍ତରୀୟ ମୁଖ୍ୟମନ୍ତ୍ରୀ ଅଭିଯୋଗ ଶୁଣାଣି ମଧ୍ୟ କରାଯାଇଥିଲା।

ପଶ୍ଚିମ ଓଡ଼ିଶାର ଶିଳ୍ପ ବିକାଶ ଓ ନିଯୁକ୍ତି ସମ୍ପର୍କରେ ଆଲୋକପାତ କରି ମୁଖ୍ୟମନ୍ତ୍ରୀ କହିଥିଲେ ଯେ ଲପଙ୍ଗାଠାରେ ହିଣ୍ଡାଲ୍‌କୋର ସମ୍ପ୍ରସାରଣ ପାଇଁ ୪୦,୦୦୦ କୋଟି ଏବଂ ରେଙ୍ଗାଲିଠାରେ JSW-JFE ଷ୍ଟିଲ୍ ଦ୍ୱାରା ୩୨,୦୦୦ କୋଟି ଟଙ୍କାର ପ୍ରକଳ୍ପ କାର୍ଯ୍ୟକାରୀ ହେଉଛି। ଏହା ସହିତ କୃଷି ଭବନ, ଛାତ୍ରୀ ନିବାସ, ସମ୍ବଲପୁର ଫୁଟବଲ୍ ଏକାଡେମୀର ଆଧୁନିକୀକରଣ ଏବଂ ‘ହୀରାକୁଦ ଡ୍ୟାମ୍ ମାଷ୍ଟର ପ୍ଲାନ’ ନିର୍ମାଣ କରାଯାଉଛି। ରାଜ୍ୟ ସରକାର ୨୦୩୬ ଶତାବ୍ଦୀ ପୂର୍ତ୍ତି ସୁଦ୍ଧା ଓଡ଼ିଶାକୁ ୫୦୦ ବିଲିୟନ ଡଲାର ଏବଂ ୨୦୪୭ ସୁଦ୍ଧା ୧.୫ ଟ୍ରିଲିୟନ ଡଲାରର ଅର୍ଥବ୍ୟବସ୍ଥାରେ ପରିଣତ କରିବାକୁ ଲକ୍ଷ୍ୟ ରଖିଛନ୍ତି। ନାରୀ ସଶକ୍ତିକରଣକୁ ଗୁରୁତ୍ୱ ଦେଇ ସେ କହିଛନ୍ତି ଯେ ‘ସୁଭଦ୍ରା’, ‘ମୁଖ୍ୟମନ୍ତ୍ରୀ କନ୍ୟା ବିବାହ’ ଓ ‘କନ୍ୟା ସୁମଙ୍ଗଳ’ ଯୋଜନା ମାଧ୍ୟମରେ ମହିଳାମାନଙ୍କୁ ଆଗକୁ ନିଆଯାଉଛି ଏବଂ ରାଜ୍ୟ ବଜେଟର ୪୦ ପ୍ରତିଶତ ମହିଳାଙ୍କ ପାଇଁ ବ୍ୟୟ ହେଉଛି।କେନ୍ଦ୍ର ଓ ରାଜ୍ୟର ‘ଡବଲ ଇଞ୍ଜିନ’ ସରକାରର ସଫଳତା ଗଣାଇ ମୁଖ୍ୟମନ୍ତ୍ରୀ କହିଥିଲେ ଯେ ଓଡ଼ିଶାକୁ ୯୦ ହଜାର କୋଟିର ରେଳ, ୪୦ ହଜାର କୋଟିର ସଡ଼କ, ୨୫ ହଜାର କୋଟିର ବନ୍ଦର ଏବଂ ୨୫ ହଜାର କୋଟି ଟଙ୍କାର ଜାହାଜ ନିର୍ମାଣ ପ୍ରକଳ୍ପ ମିଳିଛି। ସମ୍ବଲପୁରରେ ୧,୫୨୧ କୋଟି ଟଙ୍କାର ୪-ଲେନ୍ ବାଇପାସ୍, VIMSARର ୧,୭୦୦ କୋଟିର ସମ୍ପ୍ରସାରଣ, ୧୦୦ କୋଟିର Aqua Park, ଏବଂ ୧୦୦ କୋଟି ଟଙ୍କାର ‘ସମଲେଇ ଫେଜ୍-୨’ କାର୍ଯ୍ୟ ତ୍ୱରାନ୍ୱିତ ହୋଇଛି। ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ନେତୃତ୍ୱରେ ‘ରଙ୍ଗବତୀ’ ଗୀତର ତିନିଜଣ ସ୍ରଷ୍ଟା ଓ ଶିଳ୍ପୀଙ୍କୁ ପଦ୍ମଶ୍ରୀ ସମ୍ମାନରେ ବିଭୂଷିତ କରାଯିବା ପ୍ରସଙ୍ଗ ଉଲ୍ଲେଖ କରି ସେ ସଂସ୍କୃତି ପ୍ରତି କେନ୍ଦ୍ର ସରକାରଙ୍କ ସମ୍ମାନକୁ ପ୍ରଶଂସା କରିଥିଲେ।

ପ୍ରଧାନମନ୍ତ୍ରୀଙ୍କ ୭୬ତମ ଜନ୍ମଦିବସ ଓ ବିଶ୍ୱକର୍ମା ପୂଜା ଅବସରରେ ମାସବ୍ୟାପୀ ସେବା ସଂକଳ୍ପ ଅଭିଯାନ, ‘ଆଶୀର୍ବାଦର ଦୀପ’ ଏବଂ ‘ଏକ ପେଡ ମା କେ ନାମ’ କାର୍ଯ୍ୟକ୍ରମରେ ସାମିଲ ହେବାକୁ ସେ ଜନସାଧାରଣଙ୍କୁ ଆହ୍ୱାନ ଦେଇଥିଲେ। ପ୍ରଧାନମନ୍ତ୍ରୀଙ୍କ ଜନ୍ମଦିନରେ ଦୀପ ଲଗାଇ ଟଙ୍କାର ଦୀର୍ଘ ନିରାମୟ ଜୀବନ କାମନା କରିବାକୁ ମୁଖ୍ୟମନ୍ତ୍ରୀ ଉପସ୍ଥିତ ଜନସାଧାରଣଙ୍କୁ ନିବେଦନ କରିଥିଲେ।ଗଣମାଧ୍ୟମକୁ ସ୍ୱତନ୍ତ୍ର ବିବୃତ୍ତି ପ୍ରଦାନ କରୁ ମୁଖ୍ୟମନ୍ତ୍ରୀ କହିଥିଲେ ଯେ ସମ୍ବଲପୁରଠାରେ ସ୍ଥାପିତ ଡପ୍‌ଲର ପାଣିପାଗ ରାଡାର୍ (DWR) ର ସ୍ୱତନ୍ତ୍ର ଆଞ୍ଚଳିକ ଗୁରୁତ୍ୱ ରହିଥିବା ବେଳେ ଏହାଦ୍ୱାରା ଓଡ଼ିଶାର ଏକ ବ୍ୟାପକ ଅଞ୍ଚଳ ପାଣିପାଗ ପୂର୍ବାନୁମାନ ବ୍ୟବସ୍ଥା ସହିତ ସାମିଲ ହୋଇ ପାରିଛି।ସେ କହିଥିଲେ ଯେ ପାରାଦୀପ ଓ ଗୋପାଳପୁର ପରେ ଏହା ରାଜ୍ୟର ତୃତୀୟ ଡପଲର ରାଡାର। ୨୪ ଘଣ୍ଟା କାର୍ଯ୍ୟକ୍ଷମ ଏହି ରାଡାର ୨୫୦ କିଲୋମିଟର ପରିଧି ମଧ୍ୟରେ ସଠିକ୍ ତଥ୍ୟ ଏବଂ ୪୫୦ କିଲୋମିଟର ପର୍ଯ୍ୟନ୍ତ ପାଣିପାଗର ଗତିବିଧି ପୂର୍ବାନୁମାନ କରିପାରିବ। ଏହାଦ୍ୱାରା ସମ୍ବଲପୁର, ବରଗଡ଼, ଝାରସୁଗୁଡ଼ା, ସୁନ୍ଦରଗଡ଼, ଦେବଗଡ଼, ସୁବର୍ଣ୍ଣପୁର, ବଲାଙ୍ଗୀର, ବୌଦ୍ଧ, ନୂଆପଡ଼ା, ଅନୁଗୁଳ, କଳାହାଣ୍ଡି, କେନ୍ଦୁଝର ଓ ଢେଙ୍କାନାଳ ଆଦି ୧୩ଟି ଜିଲ୍ଲା ସହ ଛତିଶଗଡ଼ ଓ ଝାଡ଼ଖଣ୍ଡର କିଛି ଅଞ୍ଚଳ ଉପକୃତ ହେବେ। ପ୍ରାକ୍-ମୌସୁମୀ ବଜ୍ରଝଡ଼, ବଜ୍ରପାତ ଓ କୁଆପଥର ବର୍ଷାର ଆଗୁଆ ସୂଚନା ମିଳିବା ଫଳରେ ଓଡ଼ିଶାର ‘ଭାତ ହାଣ୍ଡି’ ବରଗଡ଼ ସମେତ ସମଗ୍ର ମହାନଦୀ ଅବବାହିକାର ଚାଷୀମାନେ ବିଶେଷ ଉପକୃତ ହେବେ।ଏହି ରାଡାର ପ୍ରତି ୧୦ ମିନିଟ୍‌ରେ ୧୫୦ ମିଟର ରିଜୋଲୁସନରେ ବୃଷ୍ଟିପାତର ଆକଳନ କରି ହୀରାକୁଦ ଜଳଭଣ୍ଡାରର ଜଳପ୍ରବାହ (Inflow) ପରିଚାଳନାକୁ ଅଧିକ ସୁଦୃଢ଼ କରିବ।ଏହା ସହିତ ବିଦ୍ୟୁତ, ଶିଳ୍ପ, ପରିବହନ ଓ ଗ୍ରୀଡ୍ ଅପରେସନ୍ କ୍ଷେତ୍ରରେ ମଧ୍ୟ ଏହା ସତର୍କତାମୂଳକ ପଦକ୍ଷେପ ନେବାରେ ସାହାଯ୍ୟ କରିବ। ସରକାର ‘ଟେକ୍ନୋଲୋଜି ଡ୍ରିଭିନ୍ ପ୍ରୋ-ଆକ୍ଟିଭ୍ ଡିଜାଷ୍ଟର ମ୍ୟାନେଜମେଣ୍ଟ ସିଷ୍ଟମ’ ଗଠନ କରୁଛନ୍ତି ଏବଂ ଆଗାମୀ ଦିନରେ ବାଲେଶ୍ୱର, ଭୁବନେଶ୍ୱର ଓ ପୁରୀରେ ମଧ୍ୟ ଡପ୍‌ଲର ରାଡାର ସ୍ଥାପନ କରାଯିବ ବୋଲି ମୁଖ୍ୟମନ୍ତ୍ରୀ ଘୋଷଣା କରିଛନ୍ତି।ଏହି ସମାରୋହ ଅବସରରେ କେନ୍ଦ୍ର ଭୂ-ବିଜ୍ଞାନ ମନ୍ତ୍ରୀ ଡକ୍ଟର ଜିତେନ୍ଦ୍ର ସିଂହ ଆଭାସୀ ମାଧ୍ୟମରେ ନିଜର ଶୁଭେଚ୍ଛା ବାର୍ତ୍ତାରେ କହିଛନ୍ତି ଯେ, ସମ୍ବଲପୁରଠାରେ ଉଦ୍‌ଘାଟିତ ଡପ୍‌ଲର ରାଡାର ଆମ ପୂର୍ବାନୁମାନ ପ୍ରଣାଳୀ (Forecast System) କ୍ଷେତ୍ରରେ ଏକ ବିରାଟ ସଫଳତା ଓ ମାଇଲଖୁଣ୍ଟ। ୨୦୧୪ ମସିହା ପରଠାରୁ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ନେତୃତ୍ୱରେ ଭାରତୀୟ ପାଣିପାଗ ବିଭାଗ (IMD) ଏବଂ ମହାକାଶ ବିଜ୍ଞାନକୁ ସର୍ବୋଚ୍ଚ ପ୍ରାଥମିକତା ଓ ମାନ୍ୟତା ଦିଆଯାଇଛି।

ଆଜି ଭାରତ କେବଳ ନିଜ ଦେଶ ନୁହେଁ, ପଡ଼ୋଶୀ ଦେଶଗୁଡ଼ିକୁ ମଧ୍ୟ ପାଣିପାଗ ପୂର୍ବାନୁମାନ ଓ ତଥ୍ୟ ଯୋଗାଇ ସହାୟତାର ହାତ ବଢ଼ାଉଛି। କେନ୍ଦ୍ରମନ୍ତ୍ରୀ ଆହୁରି ମଧ୍ୟ ପ୍ରକାଶ କରିଛନ୍ତି ଯେ ଆଗାମୀ ଦିନରେ ଦେଶରେ ଆହୁରି ୪୦ଟି ଡପ୍‌ଲର ରାଡାର ଯୋଡ଼ାଯିବ, ଯାହାଦ୍ୱାରା ସମଗ୍ର ଓଡ଼ିଶା ରାଜ୍ୟର କୋଣ-ଅନୁକୋଣ ପାଇଁ ସଠିକ୍ ପାଣିପାଗ ପୂର୍ବାନୁମାନ ମିଳିପାରିବ। ଜଳବାୟୁ ସହନଶୀଳ ରାଜ୍ୟ (Climate Resilient State) ଭାବେ ଓଡ଼ିଶାର ଏହି ନୂତନ ଅଭ୍ୟୁଦୟ ଆମ ସମସ୍ତଙ୍କ ପାଇଁ ଗର୍ବ ଓ ଗୌରବର ବିଷୟ ବୋଲି ସେ ପ୍ରକାଶ କରିଛନ୍ତି।ରାଜସ୍ୱ ଓ ବିପର୍ଯ୍ୟୟ ପରିଚାଳନା ମନ୍ତ୍ରୀ ଶ୍ରୀଯୁକ୍ତ ସୁରେଶ ପୁଜାରୀ ନିଜ ବକ୍ତବ୍ୟରେ କହିଥିଲେ ଯେ, ପଶ୍ଚିମ ଓଡ଼ିଶାରେ ଡପ୍‌ଲର ପାଣିପାଗ ରାଡାରର ସ୍ଥାପନା ଅଞ୍ଚଳବାସୀଙ୍କ ଦୀର୍ଘଦିନର ଦାବି ଓ ଆବଶ୍ୟକତାକୁ ପୂରଣ କରିଛି। ସେ ଦର୍ଶାଇଥିଲେ ଯେ ଓଡ଼ିଶା ସରକାର ବିପର୍ଯ୍ୟୟ ପୂର୍ବପ୍ରସ୍ତୁତି ଓ ଆଗୁଆ ସୂଚନା ପ୍ରଣାଳୀକୁ ଅଧିକ ସୁଦୃଢ଼ କରିବା ପାଇଁ ଶୂନ୍ୟ ସହନଶୀଳତା (Zero Casualty) ନୀତି ଆପଣେଇଛନ୍ତି। ସମ୍ବଲପୁରଠାରେ କାର୍ଯ୍ୟକ୍ଷମ ହୋଇଥିବା ଏହି ରାଡାର ଦ୍ୱାରା କେବଳ ସମ୍ବଲପୁର ନୁହେଁ, ପଶ୍ଚିମ ଓଡ଼ିଶାର ୧୩ଟି ଜିଲ୍ଲାର କୃଷକ, ଆଞ୍ଚଳିକ ଜନସାଧାରଣ ଏବଂ ବିପର୍ଯ୍ୟୟ ପ୍ରଶମନ ବାହିନୀ ବିପଦର ବହୁ ଆଗରୁ ବଜ୍ରପାତ, ପ୍ରବଳ ବର୍ଷା ଓ ଝଡ଼ତୋଫାନର ସଠିକ୍ ତଥ୍ୟ ପାଇପାରିବେ। ଆଗାମୀ ଦିନରେ ବାଲେଶ୍ୱର, ଭୁବନେଶ୍ୱର ଓ ପୁରୀଠାରେ ମଧ୍ୟ ନୂତନ ଡପ୍‌ଲର ରାଡାର ସ୍ଥାପନ କରାଯାଇ ସମଗ୍ର ଓଡ଼ିଶାକୁ ଏକ ସୁରକ୍ଷିତ ଏବଂ ପ୍ରଯୁକ୍ତିବିଦ୍ଧି-ଭିତ୍ତିକ ବିପର୍ଯ୍ୟୟ ମୁକାବିଲା ବ୍ୟବସ୍ଥା ଅଧୀନକୁ ଅଣାଯିବ ବୋଲି ଶ୍ରୀ ପୁଜାରୀ ସୂଚନା ଦେଇଥିଲେ।

ଉକ୍ତ କାର୍ଯ୍ୟକ୍ରମରେ ରାଜ୍ୟସଭା ସାଂସଦ ମନମୋହନ ସାମଲ, ବିଧାୟକ ଜୟ ନାରାୟଣ ମିଶ୍ର, ଭାରତୀୟ ପାଣିପାଗ ବିଭାଗର ମହାନିର୍ଦ୍ଦେଶକ ଡକ୍ଟର ମୃତ୍ୟୁଞ୍ଜୟ ମହାପାତ୍ର, SRC ଶ୍ରୀ ରାଜେଶ ପ୍ରଭାକର ପାଟିଲ, ଉତ୍ତରାଞ୍ଚଳ ଡିଆଇଜି ଚରଣ ସିଂ ମୀନା, ସମ୍ବଲପୁର ଜିଲ୍ଲାପାଳ ସିଦ୍ଧେଶ୍ୱର ବଳିରାମ ବୋନ୍ଦରଙ୍କ ସମେତ ଅନ୍ୟାନ୍ୟ ବରିଷ୍ଠ ଅଧିକାରୀ ଓ ଜନସାଧାରଣ ଉପସ୍ଥିତ ଥିଲେ।

The post ସମ୍ବଲପୁରରେ ଦେଶର ୫୧ତମ ଡପ୍‌ଲର ପାଣିପାଗ ରାଡାର୍ ଲୋକାର୍ପିତ appeared first on Big News Odisha.

*ମୋଦୀ-ଶାହ ଲୋକଙ୍କ ପକେଟମାର କରିବାରେ ବ୍ୟସ୍ତ: ଲାଲଜୀ*

> *ସଂସଦରେ ମିଛ କହିବା ବିଜେପି ମନ୍ତ୍ରୀମାନଙ୍କ ଅଭ୍ୟାସ*

> *୬ ଓ ୧୦ ଅଗଷ୍ଟରେ ଅର୍ଥମନ୍ତ୍ରୀ ସୀତାରମଣ କିଛି ହେଉନି କହିଲେ; ଅଥଚ ୫ ସପ୍ତାହ ଭିତରେ ବିଜ୍ଞପ୍ତି ପ୍ରକାଶ କଲେ*

> *ବ୍ୟାଙ୍କମାନଙ୍କର ଚଳିବାରେ ଅସୁବିଧା ନାହିଁ, ପୁଣି ଟିକସ କାହିଁକି?*

> *ତୁରନ୍ତ ଏହି ମୋଦୀ-ଟିକସକୁ ପ୍ରତ୍ୟାହାର କର*

ୟୁପିଆଇ ବ୍ୟବହାର ଉପରେ ଟ୍ୟାକ୍ସକୁ ନେଇ କଂଗ୍ରେସ ଭବନରେ ଆୟୋଜିତ ଏକ ସାମ୍ବାଦିକ ସମ୍ମିଳନୀରେ ଏଆଇସିସି ଓଡିଶା ପ୍ରଭାରୀ ଲାଲଜୀ ଦେଶାଇ, ଓପିସିସି ସଭାପତି ଭକ୍ତ ଚରଣ ଦାସ ଗଣମାଧ୍ୟମ ସାମ୍ନାରେ ନିଜ ମତବ୍ୟକ୍ତ କରିଛନ୍ତି l

ସଭାପତି ଶ୍ରୀ ଦାସ ସାମ୍ବାଦିକଙ୍କୁ ସମ୍ବୋଧିତ କରି କହିଛନ୍ତି ଯେ, ୟୁନିଫାଇଡ୍ ପେମେଣ୍ଟସ୍ ଇଣ୍ଟରଫେସ୍ ବା ୟୁପିଆଇ (UPI) ଆଜିକାଲି ସାଧାରଣ ଲୋକଙ୍କ ଜୀବନର ଏକ ଅବିଚ୍ଛେଦ୍ୟ ଅଙ୍ଗ ପାଲଟିଯାଇଛି, ହେଲେ ଏହା ସହିତ ଜଡ଼ିତ ସାମ୍ପ୍ରତିକ ସମସ୍ୟା ଗରିବ ଓ ମଧ୍ୟବିତ୍ତ ଶ୍ରେଣୀ ପାଇଁ ବଡ଼ ଚିନ୍ତାର କାରଣ ସାଜିଛି। ସରକାର ପ୍ରଥମେ ନଗଦମୁକ୍ତ କାରବାରର ପ୍ରତିଶ୍ରୁତି ଦେଇ ଡିଜିଟାଲ୍ ପେମେଣ୍ଟକୁ ପ୍ରୋତ୍ସାହନ ଦେଇଥିଲେ, କିନ୍ତୁ ଏବେ ବିଭିନ୍ନ ୱାଲେଟ୍ ଓ ପ୍ଲାଟଫର୍ମ କାରବାର ଉପରେ ଲୁକ୍କାୟିତ ଚାର୍ଜ ଓ ଅତିରିକ୍ତ ଶୁଳ୍କ ଲଗାଯାଉଥିବାରୁ ଏହା ଛୋଟ ଦୋକାନୀ, ପରିବା ବିକ୍ରେତା ଏବଂ ସାଧାରଣ ଗ୍ରାହକଙ୍କ ଆର୍ଥିକ ବୋଝ ବଢ଼ାଇ ଦେଇଛି। ଏହାଛଡ଼ା, ଓଡ଼ିଶାର ବିଭିନ୍ନ ଅଞ୍ଚଳରେ ଇଣ୍ଟରନେଟ୍ ସେବା ଏବଂ ବ୍ୟାଙ୍କ ସର୍ଭର ବାରମ୍ବାର ଡାଉନ୍ ରହିବା ଯୋଗୁଁ ଟଙ୍କା କଟିଯାଇ ମଧ୍ୟ କାରବାର ବିଫଳ (Transaction Fail) ହେଉଛି, ଯାହାଦ୍ୱାରା ଦିନ ମଜୁରିଆ ଓ ଖୁଚୁରା ବ୍ୟବସାୟୀମାନେ ନାହିଁ ନଥିବା ହଇରାଣ ହେଉଛନ୍ତି। ସବୁଠାରୁ ମାରାତ୍ମକ ବିଷୟ ହେଉଛି, ବର୍ତ୍ତମାନ ସମୟରେ ବଢ଼ି ଚାଲିଥିବା ୟୁପିଆଇ ସାଇବର ଠକେଇ ଓ ଫିସିଂ ସ୍କାମର ଶିକାର ଗ୍ରାମାଞ୍ଚଳର ଅପାଠୁଆ ଏବଂ ସରଳ ଲୋକମାନେ ହିଁ ହେଉଛନ୍ତି। ବ୍ୟାଙ୍କ କିମ୍ବା ପ୍ରଶାସନ ତରଫରୁ ତୁରନ୍ତ ସହାୟତା ବା ଅଭିଯୋଗର ସମାଧାନ ନ ମିଳିବା କାରଣରୁ ଜଣେ ସାଧାରଣ ନାଗରିକ ତାର ରକ୍ତଝାଳ ବୁହା ଧନ ହରାଇ ସମ୍ପୂର୍ଣ୍ଣ ଅସହାୟ ହୋଇପଡ଼ୁଛି l

*ଏହା ସାଧାରଣ ଜନତାଙ୍କ ସହ ଏକ ବଡ଼ ବିଶ୍ୱାସଘାତକତା!* ମନେ ପକାନ୍ତୁ ସେଇ ଦିନଗୁଡ଼ିକ କଥା, ଯେତେବେଳେ ଏହି ସରକାର ବଡ଼ ବଡ଼ ଭାଷଣ ଦେଇ, ଛାତି ପିଟି କହୁଥିଲେ- “ଡିଜିଟାଲ୍ ପେମେଣ୍ଟ ଆପଣାନ୍ତୁ, ଦେଶ ବଦଳିବ, କାରବାର ସହଜ ହେବ।” ସେତେବେଳେ ଡିଜିଟାଲ୍ ଇଣ୍ଡିଆର କେତେ ବାହାବା ମାରୁଥିଲେ! ଆମର ଗରିବ ଚାଷୀ, ଛୋଟ ଦୋକାନୀ, ପରିବା ବେପାରୀ ଆଉ ମଧ୍ୟବିତ୍ତ ଲୋକମାନେ ସରକାରଙ୍କ କଥାକୁ ବିଶ୍ୱାସ କଲେ। ପକେଟ୍‌ରୁ ନଗଦ ଟଙ୍କା ଛାଡ଼ି ସମସ୍ତେ ମୋବାଇଲ୍‌ରେ ୟୁପିଆଇ (UPI) ବ୍ୟବହାର କରିବା ଶିଖିଲେ।କିନ୍ତୁ ଆଜି କଣ ହେଉଛି? ସାରା ଦେଶକୁ ଅଭ୍ୟାସ କରାଇ ସାରିବା ପରେ, ଏବେ ଏହି ‘ବେପାରୀ ପାର୍ଟି’ ନିଜର ଅସଲ ରୂପ ଦେଖାଇଛି। ଏବେ ସେମାନେ ୟୁପିଆଇ କାରବାର ଉପରେ ଟିକସ (Taxation) ଲଗାଇବାକୁ ସମ୍ପୂର୍ଣ୍ଣ ପ୍ରସ୍ତୁତି କରିସାରିଲେଣି!

ମୁଁ ପଚାରିବାକୁ ଚାହେଁ, ଏହା କେଉଁ ପ୍ରକାରର ନୀତି?ପ୍ରଥମେ ମାଗଣାର ପ୍ରଲୋଭନ ଦେଖାଇ ଲୋକଙ୍କୁ ଜାଲରେ ଫସାଅ, ଆଉ ତା’ପରେ ସେମାନଙ୍କ ରକ୍ତଝାଳ ବୁହା ଧନ ଉପରେ ଟ୍ୟାକ୍ସ ବସାଅ! ଏହି ଜନବିରୋଧୀ ନିଷ୍ପତ୍ତି ଯୋଗୁଁ ଆମର ସାଧାରଣ ଗ୍ରାହକ ଏବଂ ଖୁଚୁରା ବ୍ୟବସାୟୀମାନେ ହିଁ ସବୁଠାରୁ ବେଶୀ ହଇରାଣ ହେବେ, ସେମାନଙ୍କ ଆର୍ଥିକ ମେରୁଦଣ୍ଡ ଭାଙ୍ଗିଯିବ। କଂଗ୍ରେସ ଦଳ ଏହି ‘ବେପାରୀ ନୀତି’ କୁ କଦାପି ବରଦାସ୍ତ କରିବ ନାହିଁ। ଆମେ ଗରିବଙ୍କ ହକ୍ ପାଇଁ ରାଜପଥକୁ ଓହ୍ଲାଇବୁ ବୋଲି ସଭାପତି ଶ୍ରୀ ଦାସ ଚେତାବନୀ ଦେଇଛନ୍ତି l

ଏହି ସରକାର ଏକ ମିଛୁଆ ସରକାର। ଖୋଦ୍ ଅର୍ଥମନ୍ତ୍ରୀ ନିର୍ମଳା ସୀତାରମଣ ଅଗଷ୍ଟ ୬ ଓ ୧୦ରେ ଦୁଇଥର ପାର୍ଲାମେଣ୍ଟରେ କହିଥିଲେ, ସେପରି କିଛି ନାହିଁ। ଅଥଚ ୫ ସପ୍ତାହ ଗଲାନି, ସେପ୍ଟେମ୍ବର ୧୪ରେ ବିଜ୍ଞପ୍ତି ପ୍ରକାଶ କରିଦେଲେ ଯେ ଅକ୍ଟୋବର ୧୫ରୁ ଏଣୁଏଣିକି ୨୦୦୦ ଟଙ୍କାରୁ ଊର୍ଦ୍ଧ୍ବ ୟୁପିଆଇ କାରବାରରେ ଟ୍ୟାକ୍ସ ଲାଗିବ। ଏହା ମିଛୁଆ ସରକାରର ଆଉ ଏକ ମିଛ।

ଏଆଇସିସି ଓଡିଶା ପ୍ରଭାରୀ ଶ୍ରୀ ଦେଶାଇ କହିଛନ୍ତି ଯେ, ମୋଦୀ ଶାହା ଏବଂ ଅର୍ଥମନ୍ତ୍ରୀ ଲୋକଙ୍କ ପକେଟକୁ ଟଙ୍କା ଆସିବ ବୋଲି ଭୁତାଇ ପକେଟମାର କରୁଛନ୍ତି l ସେମାନେ ଏହି ଟ୍ୟାକ୍ସ ଦ୍ୱାରା ଲୋକେ ଲାଭବାନ ହେବେ ବୋଲି କହୁଛନ୍ତି ତାହା ସମସ୍ତଙ୍କ ବୁଝିବା ଶକ୍ତି ବାହାରେ l ବିଭିନ୍ନ ଉପାୟ ଅବଲମ୍ବନ କରି ଏମାନେ କେବଳ ଅର୍ଥ ଲୁଟ କରୁଛନ୍ତି l ଏମଏମଡିଆର ଏହାର ଏକ ନିଚ୍ଛକ ଉଦାହରଣ l କିନ୍ତୁ କଂଗ୍ରେସ ସବୁବେଳେ ଜନତାଙ୍କ ସାଥିରେ ଅଛି ଓ ଏହି ଡବଲ ଇଞ୍ଜିନ ସରକାରକୁ ଯେତେଦିନ ପର୍ଯ୍ୟନ୍ତ ହଟାଇବେ ନାହିଁ ସେତେଦିନ ପର୍ଯ୍ୟନ୍ତ ଏମାନେ ଜନତାଙ୍କ ରକ୍ତ ଚୋଷୁଥିବେ ବୋଲି ଶ୍ରୀ ଦେଶାଇ ମତବ୍ୟକ୍ତ କରିଥିଲେ l

The post ବିଜେପି ବେପାରୀଙ୍କ ଦଳ; ଲୋକଙ୍କଠୁ ଶୋଷିବା ଏମାନଙ୍କ କାମ: ଭକ୍ତ appeared first on Big News Odisha.

ଭୁବନେଶ୍ୱର ଉପକଣ୍ଠ ଗୋଠପାଟଣାସ୍ଥିତ ସମ୍ ଲାଇଫସାଇସେନ୍ସ ପରିସରରେ ଏହି ଶିବିର ଆୟୋଜିତ ହୋଇଥିଲା । ସକାଳ ୧୦ଟା ରୁ ଅପରାହ୍ନ ୨ଟା ପର୍ଯ୍ୟନ୍ତ ଚାଲିଥିବା ଏହି ଶିବିରରେ ସମ୍ ଲାଇଫସାଇନ୍ସରେ କାର୍ଯ୍ୟରତ ଶତାଧିକ ନିର୍ମାଣ ଶ୍ରମିକ ଓ କର୍ମଚାରୀ ନିଜର ସ୍ୱାସ୍ଥ୍ୟ ପରୀକ୍ଷା କରାଇଥିଲେ । ଡାକ୍ତରୀ ଟିମ୍ ଶ୍ରମିକମାନଙ୍କର ରକ୍ତଚାପ, ମଧୁମେହ, ଚକ୍ଷୁ, ଚର୍ମ, ଦନ୍ତ ସହ ସାଧାରଣ ସ୍ୱାସ୍ଥ୍ୟ ପରୀକ୍ଷା କରିବା ସହ ମାଗଣାରେ ଔଷଧ ବିତରଣ କରିଥିଲେ ।

ଏହି କାର୍ଯ୍ୟକ୍ରମକୁ ସୋଆ ଏନ୍‌ଏସ୍‌ଏସ୍ ପ୍ରୋଗ୍ରାମ୍‌ର କୋଅର୍ଡିନେଟର ଡକ୍ଟର କମଳ ଲୋଚନ ମହାନ୍ତ, ସମ୍ ଲାଇଫସାଇନ୍ସସର ଚିଫ୍ କୋଅର୍ଡିନେଟର ଶ୍ରୀ ନରୋତମ ଦାସ, ଆଇଏମ୍‌ଏସ୍ ଆଣ୍ଡ ସମ ହସ୍ପିଟାଲ ଏନ୍‌ଏସ୍‌ଏସ୍‌୍‌ର ପ୍ରୋଗ୍ରାମ ଅଫିସର ଡାକ୍ତର ଶିଶିର କୁମାର ଏବଂ ଏନ୍‌ଏସ୍‌ଏସ୍ ଅଫିସିଆଲ୍ ରାଜଶେଖର ବେହେରା ପରିଚାଳନା କରିଥିଲେ । ଆଇଏମ୍‌ଏସ୍ ଆଣ୍ଡ ସମ ହସ୍ପିଟାଲ୍‌ର କମ୍ୟୁନିଟି ମେଡିସିନର ମୁଖ୍ୟ ଡାକ୍ତର ସୁମିତ୍ରା ପଟ୍ଟନାୟକ ଓ ଆସିଷ୍ଟାଂଟ ପ୍ରଫେସର ଡାକ୍ତର ସୁମିତ୍ରା ସ୍ୱାଇଁ ଯୋଗ ଦେଇଥିଲେ ।

The post ସମ୍ ଲାଇଫ୍‌ସାଇସେନ୍ସ ଓ ସୋଆ ଏନ୍‌ଏସ୍‌ଏସ୍ ପକ୍ଷରୁ ମାଗଣା ସ୍ୱାସ୍ଥ୍ୟ ଶିବିର ଆୟୋଜିତ  appeared first on Big News Odisha.

ହେଲେ ସେଇ ବାପା ଏତେ ବଡ଼ ବୋଝ ମୁଣ୍ଡାଇ କେମିତି ଶାନ୍ତିରେ ଶୋଇପାରନ୍ତି? କେମିତି ନିଜ କ୍ଲାନ୍ତିକୁ ଲୁଚାଇ ପରିବାରକୁ ହସ ବାଣ୍ଟିପାରନ୍ତି? ଏହାର ଉତ୍ତର ଗୋଟେ ପିଲା ସେତେବେଳେ ବୁଝେ, ଯେତେବେଳେ ସେ ନିଜେ ବଡ଼ ହୁଏ।

ଯେତେବେଳେ ସେ ବାପା ହୁଏ, ମାଆ ହୁଏ, ସେତେବେଳେ ଜାଣେ—ବୋଝ କେବଳ ମୁଣ୍ଡକୁ ନୁହେଁ, ମନକୁ ବି ବଦଳାଇଦିଏ।

ସଂସାରର ଯେକୌଣସି ବୋଝ ହେଉ, ତାକୁ ମୁଣ୍ଡାଇବା ପାଇଁ କିଏ ନା କିଏ ଟିକେ ଅଧିକ ପରିଶ୍ରମ କରେ। ଟିକେ ଅଧିକ ତ୍ୟାଗ କରେ। ଟିକେ ଅଧିକ ନଇଁପଡ଼େ। ହେଲେ ସେଇ ବୋଝ ତାକୁ ଯେତିକି ଭାଙ୍ଗେ, ତା’ଠାରୁ ଅଧିକ ଗଢ଼ିଥାଏ।ମଣିଷର ଶରୀର ନଇଁପଡ଼େ, କିନ୍ତୁ ମନ ଶକ୍ତ ହୋଇଯାଏ।ଯିଏ ବୋଝ ମୁଣ୍ଡାଇଛି, ବୋଝର ଓଜନ କେବଳ ସେ ଜାଣେ।

ସୁନିତା ବି ଆଜି ବୋଝକୁ ନେଇ ଭାବୁଥିଲା। ତା’ ଅଫିସର ସହକର୍ମୀ ମନୋଜ…ଆଜି ତା’ ଜୀବନର ଗୋଟେ ବୋଝ ପାଲଟିଛି। ନା, ମନୋଜ ବୋଝ ନୁହେଁ।ବୋଝ ହେଉଛି ସେଇ ସମ୍ପର୍କ, ଯାହାକୁ ସୁନିତା ନିଜେ ବୁଝିପାରୁନି। ବ୍ୟକ୍ତିଗତ ସ୍ୱାଧୀନତାର ବୋଝ କିଏ ମୁଣ୍ଡାଇବ? ସମ୍ପର୍କର ବୋଝ କିଏ ମୁଣ୍ଡାଇବ?ନା ନିଜ ଇଚ୍ଛାରେ ସବୁକିଛି ଛାଡ଼ିଦେବ?ଏହି ଦ୍ୱନ୍ଦ୍ୱରେ ସୁନିତା ଘାଣ୍ଟି ହେଉଥିଲା।ହେଲେ ଗୋଟେ କଥା ସେ ବୁଝିଯାଇଥିଲା—ମନୋଜ ତା’ ପାଇଁ ବୋଝ ନୁହେଁ।

ସେଥିପାଇଁ ଦୁହିଁଙ୍କ ସମ୍ପର୍କ ଅଜବ। ଯେତିକି ଦୂର… ସେତିକି ପାଖ। ଯେତିକି ନୀରବ… ସେତିକି ଗଭୀର। କିଛି ବୋଝକୁ ମୁଣ୍ଡାଇବା ପୂର୍ବରୁ ବୁଝିବାକୁ ପଡ଼େ। କାରଣ ସବୁ ବୋଝ ଛାଡ଼ିଦେବା ପାଇଁ ନୁହେଁ, କିଛି ବୋଝ ଜୀବନକୁ ବୁଝାଇବା ପାଇଁ ଆସେ।

ଆଜି ମୋବାଇଲ ବି ପିଲାଙ୍କ ଜୀବନର ଗୋଟେ ବଡ଼ ବୋଝ।କିନ୍ତୁ ଏହି ବୋଝଟା ପିଲାମାନେ ନିଜେ ବାଛିନାହାନ୍ତି।ଆମେ ତାଙ୍କ ହାତରେ ଦେଇଛୁ।ପିଲାକୁ ସମୟ ଦେବା ବଦଳରେ ମୋବାଇଲ ଦେଇଦେଲୁ।ଗପ କହିବା ବଦଳରେ ସ୍କ୍ରିନ୍ ଦେଖାଇଲୁ।ସାଙ୍ଗ ହେବା ବଦଳରେ ଫୋନ୍‌କୁ ସାଙ୍ଗ କରିଦେଲୁ।ସେତେବେଳେ ଆମେ ଭାବିଲୁ—ପିଲା ଶାନ୍ତ ହୋଇଗଲା, ଆମ ବୋଝ କମିଗଲା।କିନ୍ତୁ ଆମେ ଜାଣିଲୁନି, ଆମର ଗୋଟିଏ ସୁବିଧା ପିଲାର ଜୀବନରେ ଗୋଟିଏ ନୂଆ ବୋଝ ହୋଇ ରହିଗଲା।ପିଲା ବଡ଼ ହେଲା।ମୋବାଇଲ ବି ବଡ଼ ହେଲା।କିନ୍ତୁ ପିଲାଟି ମୋବାଇଲର ବୋଝକୁ ବୁଝିବା ପୂର୍ବରୁ, ସେଥିରେ ଅଭ୍ୟସ୍ତ ହୋଇଗଲା।ଆଉ ଯେତେବେଳେ ସେ ବୋଝକୁ ବୁଝିଲା, ସେତେବେଳେ ମୁକୁଳିବା କଷ୍ଟ ହେଲା।କେତେବେଳେ ଆମେ ଯେଉଁ ଜିନିଷକୁ ଆନନ୍ଦ ଭାବୁ, ସେଇଟା ଧୀରେ ଧୀରେ ଆମର ବୋଝ ହୋଇଯାଏ।ବୋଝକୁ ବୁଝିବା ପୂର୍ବରୁ ଯଦି ଆମେ ବୋଝ ମୁଣ୍ଡାଇନେବା, ତେବେ ଜୀବନରୁ ଅନେକ ଆନନ୍ଦ ଚୁପଚାପ ହଜିଯାଏ।

ଆଉ ଏବେ ଆସିଛି AIର ଯୁଗ।

AI ଆମ ଜୀବନର ଅନେକ ବୋଝକୁ ହାଲୁକା କରୁଛି।କିନ୍ତୁ ଆମେ ପୁଣି ଗୋଟେ ଭୁଲ କରୁଛୁ—ବୁଝିବା ପୂର୍ବରୁ ଗ୍ରହଣ କରୁଛୁ।ସୁବିଧା ଦେଖି ଟେକ୍ନୋଲୋଜି ମୁଣ୍ଡାଇନେଉଛୁ।ପରିଣାମ ନବୁଝି ଦାୟିତ୍ୱ ନେଉଛୁ।ଅନ୍ୟର ଜୀବନ ଦେଖି ନିଜ ଜୀବନର ବୋଝ ବଢ଼ାଉଛୁ।କିନ୍ତୁ ଗୋଟିଏ କଥା ମନେ ରଖିବା ଦରକାର—ଜୀବନର ପ୍ରତ୍ୟେକ ବୋଝ ମୁଣ୍ଡାଇବା ଦରକାର ନାହିଁ।କିଛି ବୋଝକୁ ଛାଡ଼ିବା ଦରକାର।କିଛି ବୋଝକୁ ବାଣ୍ଟିବା ଦରକାର।ଆଉ କିଛି ବୋଝକୁ କେବଳ ବୁଝିବା ଦରକାର।କାରଣ ବୋଝ ଯେତେବେଳେ ବୁଝାଯାଏ,ତା’ର ଓଜନ କମିଯାଏ।ଆଉ ଯେତେବେଳେ ମଣିଷ ନିଜ ବୋଝକୁ ବୁଝିଯାଏ,ସେତେବେଳେ ଦୁନିଆଟା ଟିକେ ଅଧିକ ସୁନ୍ଦର ଲାଗେ।ତେଣୁ—ବୋଝ ମୁଣ୍ଡାଇବା ପୂର୍ବରୁ, ବୋଝକୁ ବୁଝ।କାରଣ ଜୀବନର ସବୁଠୁ ବଡ଼ ବୁଦ୍ଧି ହେଉଛି—କେଉଁ ବୋଝ ମୁଣ୍ଡାଇବାକୁ ହେବ,କେଉଁ ବୋଝ ବାଣ୍ଟିବାକୁ ହେବ,ଆଉ କେଉଁ ବୋଝ ଛାଡ଼ିଦେବାକୁ ହେବ…ତାହା ବୁଝିବା।

The post ବୋଝକୁ ବୁଝ appeared first on Big News Odisha.

ଇକିଗାଇ ଭେନ୍‌ଚର୍ସର ପ୍ରତିଷ୍ଠାତା ତଥା ଚିଫ୍ କ୍ରିଏଟିଭ୍ ଅଫିସର ଶ୍ରୀ କଳ୍ପିତ କାୟ ମହାନ୍ତିଙ୍କ ପରିକଳ୍ପନା ଓ ସଂଯୋଜନାରେ ଆୟୋଜିତ ଏହି କୁଇଜ ପ୍ରତିଯୋଗିତାର ଦ୍ୱିତୀୟ ସଂସ୍କରଣରେ ଓଡ଼ିଶାର ଆଂଚଳିକ ଖାଦ୍ୟ, ରନ୍ଧନ ଇତିହାସ, ପାରଂପରିକ ଖାଦ୍ୟ ପ୍ରସ୍ତୁତି ଓ ଖାଦ୍ୟ ସହ ଜଡ଼ିତ ସାଂସ୍କୃତିକ ପରଂପରା ଉପରେ ବିଭିନ୍ନ ପ୍ରଶ୍ନ ଓ ରାଉଣ୍ଡ ରହିଥିଲା ।

ଏହି କାର୍ଯ୍ୟକ୍ରମ ଛାତ୍ରଛାତ୍ରୀ ଓ କର୍ମଜୀବୀମାନଙ୍କୁ ଏକ ମଂଚରେ ଏକତ୍ରିତ କରିବା ସହ ଓଡ଼ିଶାର ବିବିଧ ଖାଦ୍ୟ ପରଂପରାକୁ ଜାଣିବା ଓ ଅନୁସନ୍ଧାନ କରିବାର ସୁଯୋଗ ଦେଇଥିଲା ।

ଏହି ପ୍ରତିଯୋଗିତାରେ ଅନୁରାଗ ଓ ଦିବ୍ୟଜ୍ୟୋତିଙ୍କ ଟିମ୍ ବିଜେତା ହୋଇଥିବା ବେଳେ ସିଦ୍ଧାର୍ଥ ଓ ଇଭାନ୍‌ଙ୍କ ଟିମ୍ ପ୍ରଥମ ରନର-ଅପ୍ ହୋଇଥିଲେ । ମୁକ୍ତି ଓ ରୋନିଶାଙ୍କ ଟିମ୍ ଦ୍ୱିତୀୟ ରନର-ଅପ୍ ବିଜେତା ହୋଇଥିଲେ ।

କାର୍ଯ୍ୟକ୍ରମରେ ମାଷ୍ଟରଚେଫ୍ ଫାଇନାଲିଷ୍ଟ ସ୍ମୃତିଶ୍ରୀ ସିଂହ ଏବଂ ଫୁଡ ଇନ୍‌ଫ୍ଲୁଏନ୍ସର ରୋହିତ ଶ୍ରୀବାସ୍ତବ ଅତିଥି ଭାବେ ଯୋଗଦେଇ ପ୍ରତିଯୋଗୀମାନଙ୍କୁ ଉତ୍ସାହିତ କରିଥିଲେ । ସେମାନେ ଯୁବପିଢ଼ି ମଧ୍ୟରେ ଓଡ଼ିଶାର ସ୍ୱତନ୍ତ୍ର ଖାଦ୍ୟ ପରଂପରା ପ୍ରତି ଆଗ୍ରହ ବଢ଼ାଇବା ସହ ଏହାର ସଂରକ୍ଷଣ ଓ ପ୍ରଚାର ଉପରେ ଗୁରୁତ୍ୱ ଦେଇଥିଲେ ।

ଏକ୍ସଆଇଏମ୍‌ବିର ପୁରାତନ ଛାତ୍ର କଳ୍ପିତଙ୍କ ଦ୍ୱାରା ଗଠିତ ଇକାଗାଇ ଭେନ୍‌ଚର୍ସ ଏକ ଭିଡିଓ ପ୍ରଡକ୍ସନ୍ ଓ ବ୍ରାଣ୍ଡ୍ ଷ୍ଟୋରିଟେଲିଂ ଷ୍ଟୁଡିଓ ଯାହା ପକ୍ଷରୁ ‘କରି-ଓ-ସିଟି’ ର ଆୟୋଜନ କରାଯାଇଛି ।

ଏହି ଅବସରରେ କଳ୍ପିତ କହିଥିଲେ, “କରି-ଓ-ସିଟି’ର ଉଦ୍ଦେଶ୍ୟ ହେଉଛି ଓଡ଼ିଶାର ଖାଦ୍ୟ ସଂସ୍କୃତିକୁ ଆଗାମୀ ପିଢ଼ି ନିକଟରେ ପହଂଚାଇବା । ଖାଦ୍ୟ ଭଳି ଏକ ନିଜସ୍ୱ ଅନୁଭବ ସହ ଜଡ଼ିତ ବିଷୟକୁ ନେଇ ସ୍କୁଲ, କଲେଜ ଓ କର୍ପୋରେଟ୍ ଟିମ୍‌ଗୁଡ଼ିକ ଏକ ମଂଚରେ ପ୍ରତିଯୋଗିତା କରିବା ଏହି ପ୍ରୟାସର ଉଦ୍ଦେଶ୍ୟକୁ ବହନ କରୁଛି ।”

The post ସୋଆରେ ଓଡ଼ିଶାର ଖାଦ୍ୟ ଐତିହ୍ୟ ଓ ପରଂପରାକୁ ନେଇ କୁଇଜ ପ୍ରତିଯୋଗିତା ‘କରି-ଓ-ସିଟି ୨.୦’ ଆୟୋଜିତ appeared first on Big News Odisha.

ଏଇ କିଛି ଦିନ ହେବ ସୋସିଆଲ ମିଡିଆରେ ଅଶୀ ଦଶକର ଲୁକ୍‌ରେ ଫଟୋ ପୋଷ୍ଟ କରିବାର ଟ୍ରେଣ୍ଡ ଜୋର ଧରିଛି। ସମାଜର ପ୍ରାୟ ସବୁ ବର୍ଗର ଲୋକ ନିଜକୁ ୮୦ ଦଶକର ପୋଷାକ, ଚେହେରା ଓ ପରିବେଶରେ ଦେଖିବାକୁ ଚାହୁଁଛନ୍ତି। ଆଉ ଏହାକୁ ସମ୍ଭବ କରିଛି ଆର୍ଟିଫିସିଆଲ ଇଣ୍ଟେଲିଜେନ୍ସ AI।

କିଛି ସେକେଣ୍ଡରେ ଆମେ ନିଜକୁ ନେଇଯାଇପାରୁଛେ ଏକ ଭିନ୍ନ ସମୟକୁ। ଏମିତି ଏକ ସମୟ, ଯାହା ଆମ ଭିତରେ ଲୁଚି ରହିଥିବା ପୁରୁଣା ସ୍ମୃତିକୁ ହଠାତ୍ ଜାଗ୍ରତ କରିଦିଏ।

ବୋଧହୁଏ ଏହି ଟ୍ରେଣ୍ଡ ହିଁ କହୁଛି ଆଧୁନିକତାର ଦୌଡ଼ରେ ଧାଉଥିବା ମଣିଷଟିଏ ଆଜି ପୁଣି ତା’ର ଅତୀତକୁ ଖୋଜୁଛି। କିନ୍ତୁ ପ୍ରଶ୍ନଟି ହେଉଛି, କେବଳ ଫଟୋରେ ୮୦ ଦଶକକୁ ଫେରିଯିବା ଯଥେଷ୍ଟ କି? ଫେରିଯିବାଟା କଣ ଏତେ ସହଜ? କଥାରେ ଅଛି—ହାତରୁ ଥରେ ଧନୁତୀର ଖସିଗଲେ, ଆଉ ଫେରେନା। ସମୟ ମଧ୍ୟ ସେମିତି। ଯେଉଁ ସମୟ ଚାଲିଗଲା, ତାକୁ ଠିକ୍ ସେହି ରୂପରେ ଫେରାଇ ଆଣିବା ବୋଧହୁଏ ସମ୍ଭବ ନୁହେଁ।ହଁ, AI ଆମ ମୁହଁକୁ ୮୦ ଦଶକର ଲୁକ୍ ଦେଇପାରେ। କିନ୍ତୁ ସେ ସମୟର ମନକୁ ଦେଇପାରିବ କି?

ସନ୍ଧ୍ୟାରେ ଘରର ବାଲକୋନିରେ ବସିଛନ୍ତି ମହାନ୍ତି ବାବୁ। ମୋବାଇଲ୍‌ରେ ଗୋଟିଏ ପରେ ଗୋଟିଏ ୮୦ ଦଶକର ଲୁକ୍‌ର ଫଟୋ ଦେଖୁଛନ୍ତି। ହଠାତ୍ ତାଙ୍କ ମନରେ ପ୍ରଶ୍ନଟିଏ ଉଠୁଛି, “ଆମେ ସତରେ କ’ଣ ସେ ସମୟକୁ ମନେ ପକାଉଛୁ? ନା କେବଳ ସେ ସମୟର ଚେହେରାକୁ?”

ଓଡ଼ିଆ ଘରର କଥା ଭାବନ୍ତୁ। ଆଜି ‘ଓଡ଼ିଆ ଅସ୍ମିତା’ ଶବ୍ଦଟି ବହୁତ ଚର୍ଚ୍ଚାରେ। କିନ୍ତୁ ଅସ୍ମିତା କେବଳ ଗୋଟିଏ ଶବ୍ଦ ନା ଏହା ଗୋଟିଏ ଜୀବନଶୈଳୀ? ଅଶୀ ଦଶକର ଓଡ଼ିଆ ଘରର ଅସ୍ମିତା କେବଳ ଘରର କାନ୍ଥରେ ଟଙ୍ଗା ଥିବା ଫଟୋରେ ନଥିଲା। ଥିଲା ସମ୍ପର୍କରେ, ଆଚରଣରେ ଓ ପରମ୍ପରାରେ। ଗୁରୁଜନଙ୍କ ପ୍ରତି ସମ୍ମାନ ଥିଲା। ଶାଶୁ-ଶ୍ୱଶୁରଙ୍କ ପ୍ରତି ଦାୟିତ୍ୱବୋଧ ଥିଲା। ପରିବାରର ବଡ଼ମାନଙ୍କ କଥାର ଗୁରୁତ୍ୱ ଥିଲା। ଭାଇ, କାକା, ଦାଦା କିମ୍ବା ଗାଁର ଅନ୍ୟ ଗୁରୁଜନଙ୍କ ସାମ୍ନାରେ ଭୁଲ୍ କାମ କରିବା ତ ଦୂରର କଥା, ମୁହଁ ଉଠାଇ ଚାହିଁବାକୁ ବି ଲୋକେ ଭାବୁଥିଲେ।

ସେଠି ଭୟ ଥିଲା, କିନ୍ତୁ ସେ ଭୟରେ ଶୃଙ୍ଖଳା ଥିଲା।

ସେଠି ସଂକୋଚ ଥିଲା, କିନ୍ତୁ ସେ ସଂକୋଚରେ ସମ୍ମାନ ଥିଲା।

ଆଉ ସବୁଠାରୁ ବଡ଼ କଥା—ମଣିଷ ଅଳ୍ପରେ ଖୁସି ହେବା ଜାଣିଥିଲା।

ଆଜି ଆମ ପାଖରେ ସବୁକିଛି ଅଛି। ମୋବାଇଲ୍ ଅଛି, ଇଣ୍ଟରନେଟ୍ ଅଛି, AI ଅଛି, ସୁବିଧା ଅଛି। ଗୋଟିଏ କ୍ଲିକ୍‌ରେ ଦୁନିଆ ଆମ ହାତ ପାହାନ୍ତାରେ। କିନ୍ତୁ ଏତେ ସୁବିଧା ଭିତରେ ଶାନ୍ତି କେତେ ଅଛି? ଅଶୀ ଦଶକରେ ଘର ଛୋଟ ଥିଲା, କିନ୍ତୁ ପରିବାର ବଡ଼ ଥିଲା। ଆଜି ଘର ବଡ଼ ହୋଇଛି, କିନ୍ତୁ ପରିବାର ଛୋଟ ହୋଇଯାଇଛି। ସେତେବେଳେ ଯୌଥ ପରିବାର ଥିଲା। ଆଜି ଅନେକ ସମୟରେ ଗୋଟିଏ ଘର ଭିତରେ ରହୁଥିବା ଲୋକମାନଙ୍କ ମଧ୍ୟରେ ବି ଦୂରତା ଦେଖାଯାଉଛି।

ସେତେବେଳେ ପୂଜାରେ ଭକ୍ତି ଥିଲା, ଆବେଗ ଥିଲା। ପର୍ବପର୍ବାଣୀରେ ସମସ୍ତେ ଏକାଠି ହେବାର ଆନନ୍ଦ ଥିଲା।

ପ୍ରେମରେ ତ୍ୟାଗ ଥିଲା, ନିଃସ୍ୱାର୍ଥତା ଥିଲା। ପିଲାଙ୍କ ପ୍ରତି ସ୍ନେହ ଥିଲା, ଗୁରୁଜନଙ୍କ ପ୍ରତି ଭକ୍ତି ଥିଲା। ସମାଜ ପ୍ରତି କର୍ତ୍ତବ୍ୟ ଥିଲା।

ପ୍ରକୃତିକୁ ଭଲ ପାଇବା ଥିଲା ଏବଂ ପ୍ରକୃତି ସହିତ ବଞ୍ଚିବାର ଅଭ୍ୟାସ ଥିଲା।

କଥା କଥାକେ ଆମ ଗୁରୁଜନମାନେ କହନ୍ତି, ଆମ ସମୟରେ ଏମିତି ନଥିଲା… ସେମିତି ଥିଲା।  ଆମେ ହୁଏତ କହୁଛୁ—

ଆରେ, ଏଇଟା ତ ଏବେ ଟ୍ରେଣ୍ଡ ହେଉଛି  । ଫରକଟା ଏଇଠି।୮୦ ଦଶକର ଟ୍ରେଣ୍ଡ ଆଜି ମଧ୍ୟ ତାଜା ଲାଗୁଛି, କାରଣ ତାହା କେବଳ ଫ୍ୟାଶନ୍ ନଥିଲା—ତାହା ଥିଲା ଏକ ଜୀବନଶୈଳୀ

ଶିକ୍ଷା, ରାଜନୀତି, ସମାଜ ଓ ମଣିଷର ଜୀବନଶୈଳୀ ଆମକୁ ବହୁତ ବଦଳାଇଛି। ପରିବର୍ତ୍ତନ ଖରାପ ନୁହେଁ। ପରିବର୍ତ୍ତନ ଆବଶ୍ୟକ ମଧ୍ୟ। କିନ୍ତୁ ପରିବର୍ତ୍ତନର ଦୌଡ଼ରେ ଆମେ ଯଦି ଆମର ମୂଳକୁ ହିଁ ଭୁଲିଯାଉ, ତେବେ ଆମର ଏହି ଆଧୁନିକତାର ଅର୍ଥ କ’ଣ?

AI ଆମକୁ କେତେ ଦୂର ନେଇପାରିବ ? AI ଆମକୁ ଅଶୀ ଦଶକର ପୋଷାକ ପିନ୍ଧାଇପାରେ।ପୁରୁଣା ଘର ଆଗରେ ଠିଆ କରିପାରେ। ପୁରୁଣା ସାଇକେଲ୍ ଦେଇପାରେ। ପୁରୁଣା ଦିନର ଚେହେରା ଦେଇପାରେ। କିନ୍ତୁ AI କ’ଣ ଆମକୁ ସେ ସମୟର ମନ ଦେଇପାରିବ? ସେ ଯୌଥ ପରିବାର ଦେଇପାରିବ? ସେ ଗୁରୁଜନଙ୍କ ପ୍ରତି ସମ୍ମାନ ଦେଇପାରିବ? ସେ ଅଳ୍ପରେ ଖୁସି ହେବାର ଅଭ୍ୟାସ ଦେଇପାରିବ? ସେ ନିଃସ୍ୱାର୍ଥ ପ୍ରେମ ଦେଇପାରିବ?ସେ ପ୍ରକୃତି ସହ ବଞ୍ଚିବାର ମନ ଦେଇପାରିବ?

ନା। କାରଣ ଏସବୁ କୌଣସି ଆପ୍‌ର ଫିଲ୍ଟର ନୁହେଁ।ଏସବୁ ହେଉଛି ମଣିଷ ଭିତରର ମୂଲ୍ୟବୋଧ। ତେବେ ଚାଲନ୍ତୁ, ଫଟୋ ନୁହେଁ—ଜୀବନକୁ ଫେରାଇବା ଜୀବନ ତ ଥରେ। କେତେବେଳେ ଏହି ଜୀବନରଥ ଅଟକିଯିବ, ତାହା କାହାକୁ ଜଣାନାହିଁ। କାହାର ଇଚ୍ଛା ନାହିଁ ଭଲ ଖାଇବାକୁ? କାହାର ଇଚ୍ଛା ନାହିଁ ଶାନ୍ତିରେ ଶୋଇବାକୁ? କାହାର ଇଚ୍ଛା ନାହିଁ ପରିବାର ସହ ହସିବାକୁ? ସମସ୍ତଙ୍କର ଅଛି।ତେବେ ଯଦି ଆମେ ସତରେ ୮୦ ଦଶକକୁ ଫେରିବାକୁ ଚାହୁଁଛୁ, ତେବେ କେବଳ ଲୁକ୍ କାହିଁକି?

ଚାଲନ୍ତୁ ଫେରିବା— ଯୌଥ ପରିବାରର ଉଷ୍ମତାକୁ। ଅଳ୍ପରେ ଶାନ୍ତିକୁ। ସମସ୍ତଙ୍କ ପ୍ରତି ଦୟାଭାବକୁ। ପୂଜାରେ ଭକ୍ତି ଓ ଆବେଗକୁ। ପ୍ରେମରେ ତ୍ୟାଗ ଓ ନିଃସ୍ୱାର୍ଥତାକୁ। ଗୁରୁଜନଙ୍କ ପ୍ରତି ସମ୍ମାନକୁ। ପିଲାଙ୍କ ପ୍ରତି ସ୍ନେହକୁ। ସମାଜ ପ୍ରତି କର୍ତ୍ତବ୍ୟବୋଧକୁ। ଆଉ ପ୍ରକୃତି ସହ ମିଶି ବଞ୍ଚିବାର ସେହି ପୁରୁଣା ଅଭ୍ୟାସକୁ। ଏହା ସହଜ ନୁହେଁ। କିନ୍ତୁ ଅସମ୍ଭବ ମଧ୍ୟ ନୁହେଁ। କେବଳ ଆମ ଭିତରେ ସେହି ‘ଟ୍ରେଣ୍ଡ’ର ନିଶା ଲାଗିବା ଦରକାର। ଥରେ ଭାବନ୍ତୁ…ଯଦି ସତରେ ଆମେ ସେ ସମୟକୁ ଫେରିଯାଉ, ଆମ ସମାଜ କେମିତି ଦେଖାଯିବ?

ଆଉ ସବୁଠାରୁ ବଡ଼ ପ୍ରଶ୍ନ—ଆପଣ କେମିତି ଦେଖାଯିବେ?ସେତେବେଳେ ବୋଧହୁଏ ଆଉ AIର ଆବଶ୍ୟକତା ପଡ଼ିବନି।କାରଣ ଆପଣଙ୍କ ଚେହେରାରେ ନୁହେଁ, ଆପଣଙ୍କ ଜୀବନରେ ହିଁ ଦେଖାଯିବ ଅଶୀ ଦଶକ। ଫେରିଯିବାଟା ସହଜ ନୁହେଁ…

The post ଫେରିଯିବାଟା କଣ ସହଜ? appeared first on Big News Odisha.

ସେ କହିଛନ୍ତି ଯେ କେନ୍ଦ୍ରର ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କର ସରକାର ଯୁବପିଢ଼ିଙ୍କ ପାଇଁ ନିଯୁକ୍ତି ସୁଯୋଗ ସୃଷ୍ଟି କରିବାରେ ବିଫଳ ହୋଇଛନ୍ତି । ନିଯୁକ୍ତିକୁ ନେଇ ସୂକ୍ଷ୍ମ, କ୍ଷୁଦ୍ର ଏବଂ ମଧ୍ୟମ ଉଦ୍ୟୋଗ ଏବଂ ଘରୋଇ ନିବେଶକୁ ପ୍ରୋତ୍ସାହିତ କରିବାରେ କେନ୍ଦ୍ର ସରକାର ବିଫଳ ହୋଇଛନ୍ତି। ସେହିଭଳି ଚାହିଦା ଏବଂ ଲୋକଙ୍କର ଆୟ ବୃଦ୍ଧି କରିବା ଉପରେ ଧ୍ୟାନ ଦେବା ଉଚିତ ବୋଲି ସେ କହିଥିଲେ । ଯଦି ମୋଦୀ ସରକାର ଜିଡିପିକୁ ନେଇ ପ୍ରକୃତ ତଥ୍ୟ ପ୍ରଦାନ କରନ୍ତି ତେବେ ପ୍ରକୃତ ଜିଡିପି ବୃଦ୍ଧି ସଂଖ୍ୟା ବହୁତ କମ୍ ହେବ ବୋଲି ପୂର୍ବତନ ଅର୍ଥ ମନ୍ତ୍ରୀ କହିଛନ୍ତି ।

ସେ ପୂର୍ବତନ ଅର୍ଥ ସଚିବ ସୁଭାଷ ଗର୍ଗଙ୍କ ଏହି ଦାବି ଉପରେ ଗମ୍ଭୀର ପ୍ରଶ୍ନ ଉଠାଇ କହିଛନ୍ତି ଯେ ଦେଶରେ ପ୍ରକୃତ ଜିଡିପି ଅଭିବୃଦ୍ଧି 7.8 ପ୍ରତିଶତ ପରିବର୍ତ୍ତେ ପ୍ରାୟ 2.6 ପ୍ରତିଶତ ହେବ।ଦେଶରେ ବର୍ତ୍ତମାନ ଆର୍ଥିକ ପରିସ୍ଥିତି ଯାହା ସମଗ୍ର ଦେଶବାସୀ ଏହାର ଅଙ୍ଗେ ନିଭାଊଛନ୍ତି। ଜିଡିପିର ପ୍ରକୃତ ମୂଲ୍ୟାଙ୍କନ ନ କରି ବେସ ଇଅର ଊପରେ ସମୀକ୍ଷା କରି ଏହି ଜିଡିପିକୁ ପ୍ରସ୍ତୁତ କରାଯାଇଥିବା ସେ କହିଛନ୍ତି।

ସେ କହିଛନ୍ତି ଯେ ମୋଦୀ ସରକାର ତାଙ୍କ ଦଳ ଏବଂ ଗଣମାଧ୍ୟମ ମାଧ୍ୟମରେ ଯେତେ ମିଥ୍ୟା ଜିଡିପି ଅଭିବୃଦ୍ଧିକୁ ପ୍ରଚାର କଲେ ମଧ୍ୟ ବାସ୍ତବତାକୁ ଆଦୌ ଏଡାଇ ଦେଇ ହେବ ନାହିଁ। ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ କୁହୁକ ବିଦ୍ୟାରେ ଅତ୍ୟନ୍ତ ପାରଙ୍ଗମ, ଆଗାମୀ 2047 ବେଳକୁ ଦେଶ ଏକ ବିକଶିତ ଦେଶରେ ପରିଣତ କରିବା ପାଇଁ ଯେଊଁ ନାରା ଦେଇଛନ୍ତି ତାହା କେବଳ କୁହୁକ ଦେଖାଇବା ଛଡା ଅନ୍ୟ କିଛି ନୂହେଁ ବୋଲି ସେ କହିଛନ୍ତି। 2047 କଣ ବିଜେପି କେନ୍ଦ୍ରରେ 2087 ମସିହା ସୁଦ୍ଧା ଦେଶକୁ ବିକଶିତ ରାଷ୍ଟ୍ରରେ ପରିଣତ କରିପାରିବେ ନାହିଁ ବୋଲି ସେ କହିଛନ୍ତି।

ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ GDP ବୃଦ୍ଧିକୁ ଏକ “ସଫଳତା” ବୋଲି କହିଛନ୍ତି।ଦେଶର ଲୋକମାନେ କେନ୍ଦ୍ର ସରକାରଙ୍କର ଏହି ଆକଳନକୁ ବିଶ୍ୱାସ କରନ୍ତି ନାହିଁ ବୋଲି ସେ କହିଛନ୍ତି।

କଂଗ୍ରେସର ବରିଷ୍ଟ ମୁଖପାତ୍ର ଶ୍ରୀ ଜଗଦାନନ୍ଦ ପ୍ରଧାନ କେନ୍ଦ୍ରର ମୋଦୀ ସରକାରଙ୍କ ପକ୍ଷରୁ ଜିଡିପିକୁ ନେଇ ଜାରି କରାଯାଇଥିବା ପରିସଂଙ୍ଖ୍ୟାନ କେବଳ ବିପର୍ଯ୍ୟସ୍ତ ଅର୍ଥ ନୈତିକ ବ୍ୟବସ୍ଥାକୁ ଘୋଡାଇବା ପାଇଁ ଜିଡିପି ହାରକୁ ବଢା ଚଢା କରି ପ୍ରଚାର କରାଯାଊଛି। ଜିଡିପି ପରିସଂଙ୍ଖ୍ୟାନବେଳେ ହୋଲ ସେଲ ପ୍ରାଇସ ଇଣ୍ଡେକସ(ଡବ୍ଲୁପିଆଇ) ଇନଫ୍ଲେସନ ବା ମୁଦ୍ରାସ୍ଫିତୀ ହାରକୁ ଅନ୍ତର୍ଭୁକ୍ତ କରାଯାଇ ନାହିଁ ବୋଲି ଶ୍ରୀ ପ୍ରଧାନ ଅଭିଯୋଗ କରିଛନ୍ତି। ସେ କହିଛନ୍ତି ଯେ ଜିଡିପି ପରିସଂଙ୍ଖ୍ୟାନର ସଂପୂର୍ଣ୍ଣ ସୂରୂପକୁ ବଦାଳାଇ ଦିଆଯାଇଛି। ଯଦି ପ୍ରକୃତରେ ଦେଶରେ ଆର୍ତିକ ସ୍ଥିତିରେ ଦୃତ ସୁଧାର ହୋଇଛି, ତେବେ ପ୍ରଧାନ ମନ୍ତ୍ରୀ ନରେନ୍ଦ୍ର ମୋଦୀଙ୍କ ଶାସନ କାଳର ପ୍ରଥମ ଦଶ ବର୍ଷରେ କାହିଁକି 100 ମିଲିଅନ ନୂଆ ନିଯୁକ୍ତି ସୃଷ୍ଟି କରାଯାଇ ପାରି ନାହିଁ ବୋଲି ଶ୍ରୀ ପ୍ରଧାନ ପ୍ରସ୍ନ କରିଛନ୍ତି।

ଦେଶରେ ଆତ୍ମ ନିର୍ଭିର ଭାରତ କଥା କୁହାଯାଊଛି। କିନ୍ତୁ ପ୍ରକୃତରେ ଆମେ ଚୀନଠାରୁ 131 ଦଶମିକ 63 ବିଲିଅନ ଡଲାର ମୂଲ୍ୟରେ ଊତ୍ପାଦିତ ସାମଗ୍ରୀ ବା ଦ୍ରବ୍ୟ ଆମଦାନୀ କରୁଥିବାବେଳେ ଚୀନକୁ ଭାରତ ମାତ୍ର 19 ଦଶମିକ47 ବିଲିଅନ ଡଲାରର ରପ୍ତାନୀ କରୁଛି। ସେହିଭଳି ମେକ୍ ଇନ ଇଣ୍ଡିଆ ଯୋଜନା ଦେଶରେ ଫେକ ଇଣ୍ଡିଆ ଯୋଜନାରେ ପରିଣତ ହୋଇଛି ଓ ଦେଶରେ ଏକ ପ୍ରତିଶତ ଲୋକଙ୍କ ହାତରେ 40 ପ୍ରତିଶତ ସଂପତ୍ତି ରିହିଥିବାବେଳେ ଦଶ ପ୍ରତିଶତ ଧନୀକ ଶ୍ରେଣୀଙ୍କ ହାତରେ ଶତକଡା 65 ଭାଗ ସଂପତ୍ତି ରହିଛି ଏବଂ ବାକି 50 ପ୍ରତିଶତ ଲୋକଙ୍କ ପାଖରେ ମାତ୍ର 15 ପ୍ରତିଶତ ସଂପତ୍ତି ରହିଥିବା ସେ କହିଛନ୍ତି।ଏହା ହିଁ ମୋଦଜୀଙ୍କ ଅର୍ଥନିତୀର ସ୍ବରୂପ ବୋଲି ଶ୍ରୀ ପ୍ରଧାନ କହିବା ସହ ଦେଶରେ ଆର୍ଥିକ ଅସମାନତା ଦୃତ ଗତିରେ ବୃଦ୍ଧି ପାଇ ଚାଲିଥିବା ସେ କହିଛନ୍ତି।

ସେହିଭଳି ମୋଦୀ ସରକାର GDP ଆକଳନକୁ ନେଇ ଯେଊଁ ଉତ୍ସବ ପାଳନ କରୁଛନ୍ତି,ତାହା କେବଳ ଲୋକଙ୍କୁ ଭୂଆଁ ବୁଲାଇବା ପାଇଁ। ତେବେ ପ୍ରଶ୍ନ ହେଉଛି: ଯଦି ମୋଦୀଙ୍କ ଅମଳରେ ଅର୍ଥନୀତି ସୁଦୃଢ ଅବସ୍ଥାରେ ରହିଛି ତାହେଲେ ପରିବାରର ଲୋକମାନେ ଦୈନନ୍ଦିନ ଖର୍ଚ୍ଚବାଚ ତୁଲାଇବାକୁ କାହିଁକି ସେମାନହ୍କୁ ଋଣ ନେବାକୁ ପଡ଼ୁଛି ବୋଲି ସେ ପ୍ରଶ୍ନ ପଚାରିଛନ୍ତି। ଗତ ଦଶକରେ ଗ୍ରାମୀଣ ମଜୁରି କାହିଁକି ମୁଦ୍ରାସ୍ଫୀତିଠାରୁ ସାମାନ୍ୟ ଅଧିକ ରହିଛି? ବେସରକାରୀ ନିବେଶ କାହିଁକି ସ୍ଥିର ରହିଛି? GDPର ଅଂଶ ଭାବେ ଭାରତକୁ ଆସୁଥିବା ନେଟ୍ ବିଦେଶୀ ପ୍ରତ୍ୟକ୍ଷ ନିବେଶ କାହିଁକି ଶୂନ୍ୟ ହେଊଛି? ଯୁବ ବେକାରି କାହିଁକି 16%କୁ ଛୁଇଁଛି ବୋଲି ଶ୍ରୀ ପ୍ରଧାନ ପ୍ରଶ୍ନ ପଚାରିଛନ୍ତି।

ମୋଦୀଙ୍କ ଶାସନ କାଳରେ ଘରୋଇ ନିବେଶ ହ୍ରାସ ପାଇବା ସହ ବୈଦେଶିକ ନିବେଶରେ ଜିଡିପି ହାର ସଂପୂର୍ଣ୍ଣ ଜିରୋ ବୋଲି ସେ କହିଥିଲେ।ସେହିଭଳି ମୋଦୀ ସରକାରଙ୍କ ସମୟରେ ଡଲାର ତୁଳନାରେ ଟଙ୍କାର ମୂଲ୍ୟ ୟୁପିଏ ସରକାରଙ୍କ ସମୟରେ 58 ଟଙ୍କା ଥିଲାବେଳେ ଏବେ ତାହା 95 ଟଙ୍କାରେ ପଂହଚିଛି। 14 ଜଣ ପ୍ରଧାନମନ୍ତ୍ରୀଙ୍କ କାଳରେ ଦେଶରେ ରୁଣ ହାର 53 ଲକ୍ଷ କୋଟି ଟଙ୍କା ଥିବାବେଳେ ମୋଦୀଙ୍କ ଶାସନ କାଳରେ ତାହା 270 ଲକ୍ଷ କୋଟିରେ ପହଞ୍ଚିଛି, ଯାହାର କେବଳ ସୁଧ ବାବଦକୁ ଆମକୁ 40 ପ୍ରତିଶତ ଅର୍ଥ ପଇଠ କରିବାକୁ ପଡୁଛି ବୋଲି ସେ କହିଥିଲେ।। ଏହା ବ୍ୟତୀତ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ କିଛି ଶିଳ୍ପପତିଙ୍କୁ ପ୍ରୋତ୍ସାହିତ କରିବା ପରିବର୍ତ୍ତେ ଆର୍ଥିକ ଅସମାନତା ହ୍ରାସ କରିବାକୁ ପଦକ୍ଷେପ ନିଅନ୍ତୁ ବୋଲି ସେ ଦାବି କରିଛନ୍ତି।

ସେହିଭଳି କଂଗ୍ରେସର ରାଷ୍ଟ୍ରିୟ ପ୍ରବକ୍ତା ଡଃ ହାମିଦ ହୁସେନ କହିଛନ୍ତି ଯେ, 2013 ରେ UPA ସରକାର ସମୟରେ ଡଲାର ସହିତ ବିନିମୟ ହାରରେ ଟଙ୍କାର ମୂଲ୍ୟ Rs 54 ଥିବାବେଳେ ଏବେ 95 ଟଙ୍କାକୁ ହ୍ରାସ ପାଇବା ଏବଂ 274 ଲକ୍ଷ କୋଟି ପର୍ଯ୍ୟନ୍ତ ବିପୁଳ ଋଣ ନେବା ଦୁର୍ବଳ ଅର୍ଥନୈତିକ ପରିମାପକୁ ଦର୍ଶାଏ ବୋଲି ଶ୍ରୀ ହୁସେନ କହିଛନ୍ତି।

The post ପ୍ରକୃତ ଜିଡିପି ଅଭିବୃଦ୍ଧି ପ୍ରାୟ 2.6 ପ୍ରତିଶତ: କଂଗ୍ରେସ appeared first on Big News Odisha.

ସୋଆର ଛାତ୍ରଛାତ୍ରୀଙ୍କ ପାଇଁ ସ୍ୱତନ୍ତ୍ର ଭାବେ ଆୟୋଜିତ ଏହି ଆଭ୍ୟନ୍ତରୀଣ ଅନ୍‌ଲାଇନ୍‌ ହ୍ୟାକାଥନ୍‌ ସେପ୍ଟେମ୍ବର ୧ ଓ ୨ ତାରିଖରେ ଅନୁଷ୍ଠିତ ହୋଇଥିଲା। ଛାତ୍ରଛାତ୍ରୀଙ୍କ ମଧ୍ୟରେ ସୃଜନଶୀଳତା, ଉଦ୍ଭାବନୀ ଚିନ୍ତାଧାରା ଏବଂ ଦଳଗତ କାର୍ଯ୍ୟକୁ ପ୍ରୋତ୍ସାହିତ କରିବା ସହ ପ୍ରଯୁକ୍ତିବିଦ୍ୟାର ଉପଯୋଗ ମାଧ୍ୟମରେ ବାସ୍ତବ ଜୀବନର ବିଭିନ୍ନ ସମସ୍ୟାର ସମାଧାନ ପାଇଁ ଯୁବପିଢ଼ିଙ୍କୁ ପ୍ରସ୍ତୁତ କରିବା ଏହାର ମୂଳ ଉଦ୍ଦେଶ୍ୟ ଥିଲା।

ସ୍ମାର୍ଟ ଇଣ୍ଡିଆ ହ୍ୟାକାଥନ୍‌-୨୦୨୬ ଦ୍ୱାରା ଅନୁପ୍ରାଣିତ ସୋଆ ଆଇଡିଆଥନ୍‌ ଛାତ୍ରଛାତ୍ରୀଙ୍କୁ ସେମାନଙ୍କର ସମସ୍ୟା ସମାଧାନ ଦକ୍ଷତାକୁ ଅଧିକ ଶାଣିତ କରିବା ସହ ସମାଜ ପାଇଁ ଉପଯୋଗୀ ଓ ଅଭିନବ ସମାଧାନ ବିକଶିତ କରିବାର ଏକ ସୁଯୋଗ ପ୍ରଦାନ କରିଥିଲା। ଏହି କାର୍ଯ୍ୟକ୍ରମ ଏସ୍‌ଆଇଏଚ୍‌-୨୦୨୬ ପାଇଁ ସୋଆର ଆଭ୍ୟନ୍ତରୀଣ ଚୟନ ପ୍ରକ୍ରିୟା ଭାବେ ମଧ୍ୟ କାର୍ଯ୍ୟ କରିଥିଲା।

ଚଳିତ ବର୍ଷ ସୋଆ ଆଇଡିଆଥନ୍‌ ପୂର୍ବ ସଂସ୍କରଣ ତୁଳନାରେ ଅଧିକ ସଂଖ୍ୟକ ଦଳ ଓ ଛାତ୍ରଛାତ୍ରୀଙ୍କ ଅଂଶଗ୍ରହଣ ସହ ଏକ ନୂତନ ସଫଳତା ହାସଲ କରିଛି। ମୋଟ ୪୫୬ଟି ଦଳ ଏହି କାର୍ଯ୍ୟକ୍ରମ ପାଇଁ ପଞ୍ଜୀକରଣ କରିଥିଲେ। ସେମାନେ ବିଶ୍ୱବିଦ୍ୟାଳୟ ସ୍ତରରେ ପ୍ରସ୍ତୁତ ୯୦ଟି ସମସ୍ୟା ବିବୃତି ଏବଂ ସ୍ମାର୍ଟ ଇଣ୍ଡିଆ ହ୍ୟାକାଥନ୍‌ ପୋର୍ଟାଲ୍‌ରେ ତାଲିକାଭୁକ୍ତ ୨୩୧ଟି ସମସ୍ୟା ବିବୃତି ମଧ୍ୟରୁ ଚୟନ କରାଯାଇଥିବା ୬୧ଟି ସମସ୍ୟା ବିବୃତି ଉପରେ କାର୍ଯ୍ୟ କରିଥିଲେ।

ସମସ୍ତ ପ୍ରସ୍ତାବକୁ ଏକ କଠୋର ସ୍କ୍ରିନିଂ ଓ ମୂଲ୍ୟାୟନ ପ୍ରକ୍ରିୟା ଦେଇ ଗତି କରିବାକୁ ପଡ଼ିଥିଲା। ଉଦ୍ଭାବନୀ ଦକ୍ଷତା, ପ୍ରାସଙ୍ଗିକତା, କାର୍ଯ୍ୟକାରିତା, ପ୍ରୋଟୋଟାଇପ୍‌ ପ୍ରସ୍ତୁତି, ସମ୍ଭାବ୍ୟ ପ୍ରଭାବ, ବ୍ୟାପକତା ଏବଂ କାର୍ଯ୍ୟକାରୀ ଯୋଜନାର ସ୍ପଷ୍ଟତା ଆଦି ପ୍ରମୁଖ ମାନଦଣ୍ଡ ଆଧାରରେ ଦଳଗୁଡ଼ିକର ମୂଲ୍ୟାୟନ କରାଯାଇଥିଲା।

ଏହି ସ୍କ୍ରିନିଂ ପ୍ରକ୍ରିୟା ପରେ ୩୩୦ଟି ଦଳ ସୋଆ ଆଇଡିଆଥନ୍‌-୨୦୨୬ର ଅନ୍‌ଲାଇନ୍‌ ପର୍ଯ୍ୟାୟରେ ଅଂଶଗ୍ରହଣ ପାଇଁ ମନୋନୀତ ହୋଇଥିଲେ। ଏଥିରେ ମୋଟ ୧,୯୮୦ ଜଣ ଛାତ୍ରଛାତ୍ରୀ ଅଂଶଗ୍ରହଣ କରିଥିଲେ। ସେମାନଙ୍କ ମଧ୍ୟରେ ୭୫୭ ଜଣ ଛାତ୍ରୀ, ଅର୍ଥାତ୍‌ ୩୮.୨୩ ପ୍ରତିଶତ, ଏବଂ ୧,୨୨୩ ଜଣ ଛାତ୍ର, ଅର୍ଥାତ୍‌ ୬୧.୭୬ ପ୍ରତିଶତ ରହିଥିଲେ।

ଦୁଇ ଦିନ ଧରି ବିଭିନ୍ନ ପର୍ଯ୍ୟାୟରେ ଏଲିମିନେସନ୍‌ ରାଉଣ୍ଡ ଅନୁଷ୍ଠିତ ହେବା ପରେ ୩୩୦ଟି ଦଳ ମଧ୍ୟରୁ ଶ୍ରେଷ୍ଠ ୫୦ଟି ଦଳ ଚୟନ କରାଯାଇଛି। ଏହି ଦଳଗୁଡ଼ିକ ସେପ୍ଟେମ୍ବର ୫ ତାରିଖରେ ଅନୁଷ୍ଠିତ ହେବାକୁ ଥିବା ସୋଆ ଆଇଡିଆଥନ୍‌-୨୦୨୬ର ଅଫ୍‌ଲାଇନ୍‌ ପର୍ଯ୍ୟାୟରେ ଭାଗ ନେବେ।

ଏହି ୫୦ଟି ଦଳ ଜାତୀୟସ୍ତରୀୟ ସ୍ମାର୍ଟ ଇଣ୍ଡିଆ ହ୍ୟାକାଥନ୍‌-୨୦୨୬ରେ ସୋଆର ପ୍ରତିନିଧିତ୍ୱ କରିବାର ସୁଯୋଗ ପାଇଥିବାରୁ ଏହା ବିଶ୍ୱବିଦ୍ୟାଳୟର ଯୁବ ଉଦ୍ଭାବକମାନଙ୍କ ପାଇଁ ଏକ ଉଲ୍ଲେଖନୀୟ ସଫଳତା ହୋଇଛି।

ଏହି କାର୍ଯ୍ୟକ୍ରମର ଉଦ୍‌ଘାଟନୀ ଉତ୍ସବରେ ସୋଆର ଏସ୍‌ଆଇଏଚ୍‌-୨୦୨୬ର ଅର୍ଗାନାଇଜିଂ ଚେୟାର ତଥା ଏସ୍‌ପିଓସି ପ୍ରଫେସର (ଡକ୍ଟର) ମନୋରଞ୍ଜନ ପାର୍ହୀ, ଆଇଟିଇଆର୍‌ର ଡିନ୍‌ ପ୍ରଫେସର (ଡକ୍ଟର) ପ୍ରଦୀପ କୁମାର ସାହୁ, ଭିଭିଡିଏନ୍‌ ଟେକ୍ନୋଲୋଜିଜ୍‌, ଇଣ୍ଡିଆର ଟେକ୍ନିକାଲ୍‌ ଲିଡ୍‌ ତଥା ଆର୍‌ଏଫ୍‌ ଏବଂ ଆଣ୍ଟେନା ଇଞ୍ଜିନିୟର ଡକ୍ଟର ପ୍ରିୟ ରଞ୍ଜନ ମେହେର ଅତିଥି ଭାବେ ଯୋଗଦେଇଥିଲେ।

କେନ୍ଦ୍ର ଯୋଗାଯୋଗ ମନ୍ତ୍ରଣାଳୟ ଅଧୀନସ୍ଥ ଟେଲିକମ୍ୟୁନିକେସନ୍‌ ବିଭାଗର ଆସିଷ୍ଟାଣ୍ଟ ଡାଇରେକ୍ଟର ଜେନେରାଲ୍‌ (ଟେକ୍ନୋଲୋଜି) ଶ୍ରୀ ପଙ୍କଜା ସାହୁ ମୁଖ୍ୟ ଅତିଥି ଭାବେ ଯୋଗଦେଇଥିଲେ।

ସୋଆର କୁଳପତି ପ୍ରଫେସର (ଡକ୍ଟର) ପ୍ରଦୀପ୍ତ କୁମାର ନନ୍ଦ, ଆଇଟିଇଆର୍‌ର ଆଡିସନାଲ୍‌ ଡିନ୍‌, ଷ୍ଟୁଡେଣ୍ଟ ଆଫେୟାର୍ସ ପ୍ରଫେସର ରେଣୁ ଶର୍ମା ଏବଂ ସୋଆ ଆଇଡିଆଥନ୍‌-୨୦୨୬ର ରେଜିଷ୍ଟ୍ରେସନ୍‌ ଚେୟାର ଡକ୍ଟର ଆଶିଷ କୁମାର ପତି ମଧ୍ୟ ଉପସ୍ଥିତ ଥିଲେ।

ପ୍ରଫେସର (ଡକ୍ଟର) ମନୋରଞ୍ଜନ ପାର୍ହୀଙ୍କ ନେତୃତ୍ୱରେ ସୋଆ ଆଇଡିଆଥନ୍‌-୨୦୨୬ର ସୁଚାରୁ ଓ ସଫଳ ପରିଚାଳନା କରାଯାଇଥିଲା। କାର୍ଯ୍ୟକ୍ରମ ପାଇଁ ଗଠିତ ପରାମର୍ଶଦାତା କମିଟିରେ ଆଡିସନାଲ୍‌ ଡିନ୍‌, ଏକାଡେମିକ୍ସ ପ୍ରଫେସର ଡି.ଏନ୍‌. ଥାଟୋଇ, କମ୍ପ୍ୟୁଟର ସାଇନ୍ସ ଆଣ୍ଡ୍‌ ଇଞ୍ଜିନିୟରିଂ ବିଭାଗର ମୁଖ୍ୟ ପ୍ରଫେସର ଦେବାହୁତି ମିଶ୍ର ଏବଂ କମ୍ପ୍ୟୁଟର ସାଇନ୍ସ ଆଣ୍ଡ୍‌ ଇନ୍‌ଫର୍ମେସନ୍‌ ଟେକ୍ନୋଲୋଜି ବିଭାଗର ମୁଖ୍ୟ ପ୍ରଫେସର ଅଜିତ କୁମାର ନାୟକ ସାମିଲ ଥିଲେ।

କାର୍ଯ୍ୟକ୍ରମର ସଫଳ ଆୟୋଜନରେ ଅନେକ ଶିକ୍ଷାବିତ୍‌ ଏବଂ ସେମାନଙ୍କ ଟିମ୍‌ର ଗୁରୁତ୍ୱପୂର୍ଣ୍ଣ ଅବଦାନ ରହିଥିଲା। ଡକ୍ଟର ସୟନ୍ତନ ଗୁହ ଏବଂ ତାଙ୍କ ଟିମ୍‌ ଏସ୍‌ଆଇଏଚ୍‌ ନିର୍ଦ୍ଦେଶାବଳୀ ଅନୁଯାୟୀ କାର୍ଯ୍ୟକ୍ରମର ସମ୍ପୂର୍ଣ୍ଣ ଡକ୍ୟୁମେଣ୍ଟେସନ୍‌ କରିଥିଲେ।

ଡକ୍ଟର ଶଶାଙ୍କ ଚୌଧୁରୀ ପ୍ରଚାର ଓ ପ୍ରସାର ଦାୟିତ୍ୱରେ ଥିବା ବେଳେ ଡକ୍ଟର ଆଶିଷ କୁମାର ପତି ଏବଂ ତାଙ୍କ ଟିମ୍‌ ଅନ୍‌ଲାଇନ୍‌ ପଞ୍ଜୀକରଣ, ଟିମ୍‌ ପରିଚାଳନା ଏବଂ ବିଭିନ୍ନ ପ୍ରଶ୍ନର ସମାଧାନ ଦାୟିତ୍ୱ ତୁଲାଇଥିଲେ।

ଡକ୍ଟର ଅଳକାନନ୍ଦା ତ୍ରିପାଠୀ ଓ ତାଙ୍କ ଟିମ୍‌ ସ୍କ୍ରିନିଂ ଏବଂ ମୂଲ୍ୟାୟନ କରିଥିବା ବେଳେ ଡକ୍ଟର ଭରତ ଜ୍ୟୋତି ରଞ୍ଜନ ସାହୁ ଓ ତାଙ୍କ ଟିମ୍‌ ବିଚାରକମାନଙ୍କ ସହ ସମନ୍ୱୟ ଦାୟିତ୍ୱ ତୁଲାଇଥିଲେ। ଡକ୍ଟର ଆୟେସ୍‌ ଚିନ୍ମୟ ଓ ତାଙ୍କ ଟିମ୍‌ ଅନ୍‌ଲାଇନ୍‌ ସଫ୍ଟୱେର୍‌ ଓ ବୈଷୟିକ ସହାୟତା ପ୍ରଦାନ କରିଥିବା ବେଳେ ଡକ୍ଟର ବିଶ୍ୱରଞ୍ଜନ ସ୍ୱାଇଁ ଓ ତାଙ୍କ ଟିମ୍‌ ଲଜିଷ୍ଟିକ୍ସ ଏବଂ ଅତିଥି ସତ୍କାର ଦାୟିତ୍ୱ ସଫଳତାର ସହ ତୁଲାଇଥିଲେ।

ସ୍ମାର୍ଟ ଇଣ୍ଡିଆ ହ୍ୟାକାଥନ୍‌ ଭଳି ରୂପାନ୍ତରକାରୀ କାର୍ଯ୍ୟକ୍ରମର ପରିକଳ୍ପନା ଏବଂ ଏହାକୁ ନିରନ୍ତର ସମର୍ଥନ ଯୋଗାଇ ଆସୁଥିବାରୁ ସୋଆ ପକ୍ଷରୁ କେନ୍ଦ୍ର ଶିକ୍ଷା ମନ୍ତ୍ରଣାଳୟ, ଭାରତ ସରକାରଙ୍କୁ କୃତଜ୍ଞତା ଜଣାଯାଇଛି।

ସୋଆ ଆଇଡିଆଥନ୍‌-୨୦୨୬ର ସଫଳ ଆୟୋଜନ ପ୍ରଯୁକ୍ତିବିଦ୍ୟା, ଉଦ୍ଭାବନ ଏବଂ ଶିକ୍ଷା ମାଧ୍ୟମରେ ରାଷ୍ଟ୍ର ଗଠନ ଦିଗରେ ସୋଆର ପ୍ରତିବଦ୍ଧତାକୁ ଆହୁରି ସୁଦୃଢ଼ କରିଛି। ଏହି ପଦକ୍ଷେପ ଭାରତ ସରକାରଙ୍କ ଦୀର୍ଘମିଆଦୀ ଜାତୀୟ ଲକ୍ଷ୍ୟ ‘ବିକଶିତ ଭାରତ-୨୦୪୭’ ସାକାର କରିବା ଦିଗରେ ସୋଆର ଅର୍ଥପୂର୍ଣ୍ଣ ଅବଦାନ ରଖିବାର ସଂକଳ୍ପକୁ ମଧ୍ୟ ପ୍ରତିଫଳିତ କରିଛି।

The post ସୋଆ ଆଇଡିଆଥନ୍‌-୨୦୨୬: ଅଫ୍‌ଲାଇନ୍‌ ପର୍ଯ୍ୟାୟ ଓ ଏସ୍‌ଆଇଏଚ୍‌-୨୦୨୬ ପାଇଁ ୫୦ଟି ଛାତ୍ର ଦଳ ମନୋନୀତ appeared first on Big News Odisha.

*ଏହି କଳା ଆଇନକୁ ନେଇ ରାଜ୍ୟପାଳ ଏବଂ ମୁଖ୍ୟମନ୍ତ୍ରୀ କାହିଁକି ପ୍ରତିକ୍ରିୟାହୀନ*

ଏମଏମଆରଡିକୁ ନେଇ ମୁଖ୍ୟମନ୍ତ୍ରୀଙ୍କ ନୀରବତା ଏବଂ ପୂର୍ବତନ କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନଙ୍କ ଓଡିଶା ଜନତାଙ୍କୁ ବିଭ୍ରାନ୍ତକର ମନ୍ତବ୍ୟ ପ୍ରଦାନକୁ କଂଗ୍ରେସ ଭବନଠାରେ ପୂର୍ବତନ ବିଧାୟକ ତଥା ଓପିସିସି ଉପସଭାପତି ଦେବାଶିଷ ପଟ୍ଟନାୟକ ଏକ ପ୍ରେସ ବିବୃତ୍ତି ମାଧ୍ୟମରେ କଂଗ୍ରେସର ପ୍ରତିକ୍ରିୟା ଉପସ୍ଥାପନ କରିଛନ୍ତି l

ଏହି ପ୍ରେସ ବିବୃତିରେ ଶ୍ରୀ ପଟ୍ଟନାୟକ ଗଣମାଧ୍ୟମକୁ କହିଛନ୍ତି ଯେ, ପୂର୍ବତନ କେନ୍ଦ୍ରମନ୍ତ୍ରୀ ଏମଏମଡିଆର ବିଷୟରେ ଓଡିଶାବାସୀଙ୍କୁ ଭ୍ରମିତ କରିବାକୁ ଚେଷ୍ଟା କରନ୍ତୁ ନାହିଁ l ଯେଉଁ ରାଜ୍ୟର ପ୍ରତ୍ୟେକ ବ୍ୟକ୍ତି 22 ହଜାର ଟଙ୍କା ପାଇବାର ହକଦାର ସେହି ରାଜ୍ୟ 1 ଲକ୍ଷ କୋଟି ଟଙ୍କାରୁ ଉର୍ଧ୍ଵ କ୍ଷତି ସହିବାକୁ ବାଧ୍ୟ ହୋଇଛି l

ବର୍ତ୍ତମାନ ଜଣେ ଶିଳ୍ପପତିଙ୍କ 22 ହଜାର କୋଟି ଟଙ୍କା କେନ୍ଦ୍ର ଛାଡ଼ କରିଛି କିନ୍ତୁ ଏହା ଉପରେ ଶ୍ରୀ ପ୍ରଧାନ ମୁହଁ ଖୋଲୁ ନାହାନ୍ତି l

ସରକାର ସହଯୋଗୀ ସଂଘୀୟ ବ୍ୟବସ୍ଥା ଉପରେ ପ୍ରବଚନ ଦେଉଛନ୍ତି ଅଥଚ ସୁପ୍ରିମକୋର୍ଟଙ୍କ ରାୟ ପରେ ମଧ୍ୟ କେନ୍ଦ୍ର ଏହି ବ୍ୟବସ୍ଥାକୁ ଉଲଂଘନ କରି ବିଲ ପାସ କରିଛି l

ଏହି ବିଲ ଲାଗୁହେବା ଫଳରେ ଶିଳ୍ପସମୃଦ୍ଧ ଅଞ୍ଚଳରେ ଲୋକେ ଭିକଥାଳି ଧରିବାକୁ ବାଧ୍ୟ ହେବେ l ଏପର୍ଯ୍ୟନ୍ତ ମୁଖ୍ୟମନ୍ତ୍ରୀ କିମ୍ବା ରାଜ୍ୟପାଳ ଏହି କଳା ବିଲକୁ ନେଇ କୌଣସି ପ୍ରତିକ୍ରିୟା ଦେଇନାହାନ୍ତି l କଣ ଏମାନେ ଶାସନ କରିବା ପାଇଁ ଅଛନ୍ତି ନା ଅୟସ କରିବା ପାଇଁ ?

ଖଣିଜ ସମ୍ପଦପୂର୍ଣ୍ଣ ରାଜ୍ୟରେ ସାଧାରଣ ଜନତା ବହୁ ଅସୁବିଧାର ସମ୍ମୁଖୀନ ହୁଅନ୍ତି l ଜମି ବାଡ଼ି, ଜଳ ଜଙ୍ଗଲ, ପରିବେଶ, ରାସ୍ତାଘାଟ ସମସ୍ତ ଉପରେ ଦୀର୍ଘକାଳୀନ କୁପ୍ରଭାବ ପଡେ l ଏଭଳି ଅସୁବିଧାର ସମ୍ମୁଖୀନ ହେଉଥିବା ରାଜ୍ୟର ଅଧିକାରକୁ କେନ୍ଦ୍ର ନିଜ ହାତକୁ ନେଇ ଯାଉଛି l ଏହି ଅଧିକାର କଣ ବିଧି ସଙ୍ଗତ ନା ସମ୍ବିଧାନିକ ବୋଲି ଶ୍ରୀ ପଟ୍ଟନାୟକ ପ୍ରଶ୍ନ ପଚାରିଛନ୍ତି l

ଗତ 13 ଅଗଷ୍ଟରେ ମାନନୀୟା ରାଷ୍ଟ୍ରପତି ଏମଏମଡିଆର ବିଲକୁ ଅନୁମୋଦନ କଲେ l ଯେହେତୁ ରାଷ୍ଟ୍ରପତି ଓଡ଼ିଶାର ଏବଂ ରାଜ୍ୟର ପ୍ରଭୂତ କ୍ଷୟକ୍ଷତି ଘଟୁଛି ତେଣୁ ଅନୁମୋଦନ କରିବା ପୂର୍ବରୁ ଆଇନ କାନୁନ ଦିଗ ଉପରେ ତର୍ଜମା କରିବା ଆବଶ୍ୟକ ଥିଲା l ପୁଣି ଏହା କେବଳ ଓଡିଶା ନୁହଁ ସମସ୍ତ ଖଣି ସମୃଦ୍ଧ ରାଜ୍ୟ ପ୍ରଭାବିତ ହେବେ l ଏହି ବିଲ ଯୋଗୁଁ ରାଜ୍ୟ ପ୍ରଗତି ପ୍ରଭାବିତ ହେବା ସହିତ ଏହି ଆଇନ ଭବିଷ୍ୟତରେ ବିପର୍ଯୟ ସୃଷ୍ଟି କରିବାର ଆଶଙ୍କା ରହିଛି l

କଂଗ୍ରେସ ରାଜ୍ୟର ସମସ୍ତ ସାମ୍ବିଧାନିକ ପଦରେ ଥିବା ପ୍ରତିନିଧି ଏବଂ ବୁଦ୍ଧିଜୀବୀଗଣଙ୍କୁ ଆହ୍ୱାନ କରୁଛି ଏହି ବିଲ ଉପରେ ଆଲୋଚନା କରନ୍ତୁ l

ଧର୍ମେନ୍ଦ୍ର ପ୍ରଧାନ ତୈଳମନ୍ତ୍ରୀ ଥିବାବେଳେ ଗୁଜୁରାଟରେ ସର୍ଦାର ବଲ୍ଲଭ ଭାଇ ପଟେଲ ମୂର୍ତ୍ତି ତିଆରିବେଳେ ଅର୍ଥର ଭଣ୍ଡାର ଖୋଲି ଦେଇଥିଲେ l ଶିକ୍ଷାମନ୍ତ୍ରୀ ଥିବାବେଳେ ଗୋଟିଏ ମଧ୍ୟ କେନ୍ଦ୍ରୀୟ ବିଶ୍ୱବିଦ୍ୟାଳୟ କରି ପାରିଲେ ନାହିଁ l ଓଡ଼ିଶାରେ କୌଣସି ବରପୁତ୍ରଙ୍କ ମୂର୍ତ୍ତିଟିଏ ଗଢି ପାରିଲେନି ତେଣୁ ସେ ରାଜ୍ୟ ସ୍ୱାର୍ଥହାନୀ ହେଉଥିବା ବିଲ ଉପରେ ଲୋକଙ୍କୁ ବିଭ୍ରାନ୍ତ କରନ୍ତୁ ନାହିଁ ବୋଲି ଶ୍ରୀ ପଟ୍ଟନାୟକ କହିଥିଲେ l

ବିଧାନସଭାରେ ସର୍ବଦଳୀୟ ଅଧିବେଶନ ଡକାଯାଇ ଆଲୋଚନା କରାଯାଉ ବୋଲି କଂଗ୍ରେସ ଦାବି କରୁଛି ଏବଂ ରାଜ୍ୟର ଜନସ୍ୱାର୍ଥ ପାଇଁ କଂଗ୍ରେସ ସମସ୍ତ ପ୍ରକାର ପ୍ରତିରୋଧତ୍ମକ କାର୍ଯ୍ୟକ୍ରମ କରିବ ବୋଲି ଶ୍ରୀ ପଟ୍ଟନାୟକ ଦଳର ଦାବି ଉପସ୍ଥାପନ କରିଥିଲେ l

The post ଏମଏମଡିଆର ବିଲକୁ ନେଇ ଧର୍ମେନ୍ଦ୍ର ପ୍ରଧାନ ଓଡିଶାବାସୀଙ୍କୁ ବିଭ୍ରାନ୍ତ କରନ୍ତୁ ନାହିଁ: କଂଗ୍ରେସ appeared first on Big News Odisha.

*କଣ କ୍ଷୟକ୍ଷତି ଆକଳନ କରି ମୁଖ୍ୟମନ୍ତ୍ରୀ 1000 କୋଟି ସହାୟତା ଘୋଷଣା କରିଛନ୍ତି : ଅଶୋକ ଦାସ*

 ମୌସୁମୀ ଋତୁରେ ପ୍ରବଳ ବନ୍ୟା ବିତ୍ପାତ ଘଟି ବିଶେଷତଃ ଯାଜପୁର ଜିଲ୍ଲାରେ ନାହିଁ ନଥିବା ଦୁର୍ଦଶା ଦେଖାଯାଇଛି l ଏବଂ ସରକାରଙ୍କ ଏପରିଣାମଦର୍ଶି ବନ୍ୟା ପରିଚାଳନା ଲୋକମାନଙ୍କ ଉପରେ ଅଧିକ ଦୁଃଖ ଲଦି ଦେଉଛି l ଏହି ବନ୍ୟା ବିଷୟକୁ ନେଇ ଭଦ୍ରକ ବାସୁଦେବପୁର ବିଧାୟକ ଅଶୋକ ଦାସ ଓ କଂଗ୍ରେସ ନେତା ପରିବେଶବିତ ସୁଧାଂଶୁ ଦେଓ କଂଗ୍ରେସ ଭବନଠାରେ ଏକ ସାମ୍ବାଦିକ ସମ୍ମିଳନୀରେ ସରକାରଙ୍କ କାର୍ଯ୍ୟକଳାପକୁ ଘୋର ସମାଲୋଚନା କରିଥିଲେ l

ବିଧାୟକ ଶ୍ରୀ ଦାସ କହିଥିଲେ ଯେ, ଯାଜପୁର ଜିଲ୍ଲାରେ ବିଗତ ୨ମାସ ହେଲା ଜନସାଧାରଣ ବନ୍ଯା ସହ ଲଢେଇ କରୁଛନ୍ତି ପ୍ରଥମ ପର୍ଯ୍ୟାୟରେ ସରକାର ୨୫୦ ଗ୍ରାମ ଚୁଡାରେ ଖସିଯିବାକୁ ଚେଷ୍ଟା କରୁଥିଲେ। ଓଡିଶା ପ୍ରଦେଶ କଂଗ୍ରେସର ସଭାପତି ଶ୍ରୀ ଭକ୍ତ ଚରଣ ଦାସ ବନ୍ଯାବିପନ୍ନଙ୍କ ଅସୁବିଧାକୁ ଉପଲବ୍ଧି କରି କଂଗ୍ରେସ ଦଳ ତରଫରୁ ରିଲିଫ ଓ ପାଲ ପ୍ରଦାନ କରିଥିଲେ। ପିସିସି ସଭାପତି ନିଜେ କଂଗ୍ରେସ ବିଧାୟକ ଦଳର ନେତା ବନ୍ୟାଞ୍ଚଳ ବୁଲି ଲୋକଙ୍କ ଦୁଃଖ ଦୁର୍ଦ୍ଦଶା ଦେଖିଥିଲେ ଏହା ବ୍ଯତୀତ ଭଦ୍ରକ, ବାଲେଶ୍ୱର ଓ କେନ୍ଦ୍ରାପଡ଼ା ରେ ଦଳ ତରଫରୁ ରିଲିଫ୍ ପ୍ରଦାନ କରାଯାଇଥିଲା। ପିସିସି ସଭାପତିଙ୍କ ଗସ୍ତପରେ ମୁଖ୍ଯମନ୍ତ୍ରୀ ବାଧ୍ଯ ହୋଇ ବନ୍ୟାଞ୍ଚଳ ଗସ୍ତ କରିଥିଲେ ଓ 1000 କୋଟି ଟଙ୍କାର ବନ୍ଯା ସହାୟତା ଘୋଷଣା କରିଥିଲେ। ତେବେ କ୍ଷୟକ୍ଷତିର କିଛି ହିସାବ ନକରି କିପରି ମୁଖ୍ୟମନ୍ତ୍ରୀ ଘୋଷଣା କଲେ ଆଶ୍ଚର୍ଯ୍ୟର ବିଷୟ l କିଛି ଦିନ ପରେ ଯାଜପୁର ଜିଲ୍ଲାରେ ଗୁଡିଏ ରିଲିଫ୍ ଟ୍ରକ ଧର୍ମଶାଳା ରେ ଦେଖିବାକୁ ମିଳିଥିଲା ପରେ ପରେ ବଡଚଣା କୁ ଛାଡି ଅନ୍ଯ ସମସ୍ତ ବନ୍ୟାଞ୍ଚଳ ରେ ବିଜେପି ନେତାମାନେ ରିଲିଫ୍ ବାଣ୍ଟିବାର ଦେଖାଗଲା। ତାଙ୍କର ମୁଖପାତ୍ର ବରି ଅଞ୍ଚଳରେ ରିଲିଫ ବଣ୍ଟନ ବେଳେ ପ୍ରକାଶ କଲେ ଯେ ଏହା ମୁଖ୍ଯମନ୍ତ୍ରୀ ରିଲିଫ୍ ପାଣ୍ଠିରୁ ଆସିଛି ସେ ପର୍ଯ୍ୟନ୍ତ ଯାଜପୁର ଜନସାଧାରଣଙ୍କ ଏହାକୁ ବିଜେପି ଦଳର ରିଲିଫ୍ ବୋଲି ଭାବୁଥିଲେ। ଯଦି ଏହା ମୁଖ୍ଯମନ୍ତ୍ରୀ ରିଲିଫ ପାଣ୍ଠିରୁ ଯାଇଛି ଏହାର ବାଣ୍ଚିବାର ଦାୟିତ୍ବ କିଏ ନେଇଛି ? କେତେ ପରିମାଣର ରିଲିଫ୍ ବଣ୍ଟନ ହେଇଛି?

ତାହା ସରକାର ସ୍ପଷ୍ଟ କରନ୍ତୁ। ରିଲିଫ ଓ ପାଲ ବଣ୍ଚାରେ ଯାହା ଅନୀୟମିୟତା ହେଉଛି ତାହା ତଦନ୍ତ ସାପେକ୍ଷ। ରିଲିଫ୍ ହଡପ୍ ର ଏକ ଉଚ୍ଚସ୍ତରୀୟ ତଦନ୍ତ କରାଯାଇ ହଡପ କରିଥିବା ଓ ଅନୀୟମିୟତା କରିଥିବା ବିଜେପି ନେତାମାନଙ୍କୁ ଦଣ୍ଡ ପ୍ରଦାନ କରାଯାଉ। କଂଗ୍ରେସ ଦଳ ବନ୍ଯା ପ୍ଲାବିତ ଲୋକଙ୍କୁ ନ୍ଯାୟ ମିଳିବା ପର୍ଯ୍ୟନ୍ତ ଲଢେଇ ଜାରି ରଖିବ । ସାରା ରାଜ୍ୟରେ ବନ୍ୟା ଯୋଗୁଁ 242 ଗୋଟି ସାପ କାମୁଡା ଘଟଣା ଘଟିଛି ଏବଂ ଏଥିମଧ୍ୟରୁ 10 ଜଣଙ୍କ ମୃତ୍ୟୁ ଘଟିଛି l ବନ୍ୟା ପ୍ଲାବିତ ଅଞ୍ଚଳରୁ ଜଳସ୍ତର ନକମିବା ଯୋଗୁଁ ଲୋକେ ଗାଁ ମାନଙ୍କୁ ଭେଳା ଯୋଗେ ବିପଦଜନକ ଯାତାୟାତ କରିବାକୁ ବାଧ୍ୟ ହେଉଛନ୍ତି l ବୋଲି କହିବା ସହ ଏହି ଦୁଃସମୟରେ ସରକାର ଲୋକଙ୍କ ସହ ଅମଣିଷ ବ୍ୟବହାର କରୁଛି ବୋଲି କହିଛନ୍ତି l

କଂଗ୍ରେସ ନେତା ଶ୍ରୀ ଦେଓ ନିଜ ପ୍ରତିକ୍ରିୟାରେ କହିଥିଲେ ଯେ,

ଦଶରଥପୁର ଓ ବଡଚଣା ଅଞ୍ଚଳରେ ରିଲିଫ ହଡପ ହେଉଥିବା ଜାଣି ଜଣେ ସାମ୍ବାଦିକ ଖବର ସଂଗ୍ରହ ପାଇଁ ଯାଇଥିବା ବେଳେ ତାଙ୍କୁ ମଧ୍ୟ ବିଜେପି କାର୍ଯ୍ୟକର୍ତ୍ତାମାନେ ମରଣାନ୍ତକ ଆକ୍ରମଣ କରିଥିଲେ ଏତେବେଳ ପର୍ଯ୍ୟନ୍ତ ସେହି ଆକ୍ରମଣକାରୀ ବିଜେପି କର୍ମୀମାନଙ୍କ ବିରୁଦ୍ଧରେ କାର୍ଯ୍ୟାନୁଷ୍ଠାନ ଗ୍ରହଣ କରାଯାଇନାହିଁ ।

କଂଗ୍ରେସ ଦାବୀ କରୁଛି ଯେ, ବନ୍ୟାର ପ୍ରକୃତ ଆକଳନ କରାଯାଇ ବନ୍ୟାରାଶିର ଘୋଷଣା କରାଯାଇ ଲୋକଙ୍କ ପାଖରେ ସମସ୍ତ ସୁବିଧା ପହଞ୍ଚାଯାଉ.

The post ଯାଜପୁର ଜିଲ୍ଲାର ବଣ୍ଟାଯାଉଥିବା ରିଲିଫ ଫଣ୍ଡ, ମୁଖ୍ଯମନ୍ତ୍ରୀ ରିଲିଫ ଫଣ୍ଡ ନାଁ ବିଜେପି ରିଲିଫ ଫଣ୍ଡ? appeared first on Big News Odisha.