ଯିଏ ଯେଉଁଥିରେ ଖୁସି ହେଉଛି ହେଉ 

- Advertisement -

ଜୀବନଟା ପାଣି ଫଟୋକା lନିଶ୍ୱାସ ନାହିଁ ବିଶ୍ୱାସ l କେତେବେଳେ କିଛି ଘଟିପାରେ l ମହାମାରୀ କରୋନା ପରେ ଜୀବନ ଅନିଶ୍ଚିତତା ଭିତରେ ଗତି କରୁଛି l ବଦଳିଯାଇଛି ସମୟ, କମି କମି ଯାଉଛି ଆୟୁଷ l ତାହାରି ଭିତରେ ଜୀବନକୁ ଖୁସିରେ ଜିଇଁବା l କାଲି କଣ ହେବ କିଏ କହିପାରିବ l

ଫୋନରେ ଗପୁ ଗପୁ ମିନୀଷାକୁ ଆକାଶ କହିଚାଲିଥାଏ l ମିନୀଷା ବି ଗୋଟେ ପରେ ଗୋଟେ ପ୍ରଶ୍ନ ପଚାରିବା ସହ ସହଜ ସରଳ କଥାକୁ ଅତି ଗଭୀର ଭାବେ ମନକୁ ନେଉଥାଏ l ଯେମିତି ତୃତୀୟ ବିଶ୍ୱ ଯୁଦ୍ଧ ହୋଇଯିବ କି? ଆକାଶ କଥା ଛଳରେ କହୁଥାଏ ମନୀଷା ସମୟ ଯାହା ହେଲାଣି ଯିଏ ଯେଉଁଥିରେ ଖୁସି ସେ ତାହା କରୁ l ନହେଲେ ଜୀବନରେ ଅବଶୋଷ ରହିଯିବ l ଯେମିତି ଦେଖୁନା ମଣ୍ଟୁ ଭାଇ କହୁଥିଲେ ସେ ଯଦି ସାହସ କରି ସେଦିନ ପିଙ୍କିକୁ କଲେଜର ଶେଷ ଦିନରେ ମନର କଥା କହିଦେଇଥାନ୍ତେ, ଆଜି କଣ 20ବର୍ଷ ତଳେ ଆମ ବ୍ୟାଚ ଭୋଜିରେ ପିଙ୍କି କହୁଥାନ୍ତା ମଣ୍ଟୁ ତମେ ଯଦି ମତେ ଭଲ ପାଅ ବୋଲି ଥରେ କହିଁଥାନ୍ତ ମୁଁ ଆଜି ତମର ହୋଇ ରହିଥାନ୍ତି l କାରଣ ଆମ ଘରେ ବି ଜାଣିଥିଲେ ମୁଁ ତମକୁ ପସନ୍ଦ କରେ ବୋଲି l

ଆଜି ଯଦି ମଣ୍ଟୁକୁ ତାହାର ସହକର୍ମୀ ମାନସୀ ଟିକେ ଭଲ ଲାଗୁଛି ଓ ଉଭୟଙ୍କର ଉଭୟ ପ୍ରତି ଆକର୍ଷଣ ଅଛି, ତେବେ ଏକୁଟିଆ ଟିକେ ମନଖୋଲି ମିଶିଗଲେ ଅସୁବିଧା କେଉଁଠି l ମଣିଷ ବଞ୍ଚୁଛି ତ ଖୁସି ପାଇଁ l

ମନୀଷା କଣ ଭାବିଲା କେଜାଣେ କହିଲା ଆକାଶ ତମର ଏପରି ଯୁକ୍ତି ଠିକ ନୁହେଁ l ଆକାଶ ବି ମନେ ମନେ ଭାବିଲା ମନୀଷା ସଂପର୍କର ଅର୍ଥ ବୁଝୁଛି ଖାଲି ଶାରୀରିକ ମିଳନ କଥା l ସମ୍ପର୍କ ଯେ ଏତେ ବଡ ବିଶ୍ୱ ଯାହା ଭିତରେ ଶାରୀରିକ ମିଳନ ଏକ ବିନ୍ଧୁ ଠାରୁ ବି ଛୋଟ l

ଆକାଶ କିନ୍ତୁ ସେଦିନ ମନୀଷାକୁ ନାଁ ଏ ବିଷୟରେ ଅଧିକ ବୁଝାଇ ପାରିଲା, ନା ମନୀଷା ବୁଝିଲା l ବାସ ଫୋନ କଟିଗଲା ଉଭୟ ଆଡୁ l

ହଠାତ ମାସେ ପରେ ପୁଣି ମନୀଷା କହୁଛି ଆକାଶ ସମୟଟା କେତେ ଶୀଘ୍ର ବଦଳିଯାଉଛି ଦେଖିଲ ନା l କଣ ପାଇଁ ମନୀଷା ଏ କଥା କହିଲା ତାହା ଆକାଶ ଜାଣିନି, ହେଲେ ଆକାଶ ମୁହଁରେ ଗୋଟିଏ କଥା ଯିଏ ଯେଉଁଥିରେ ଖୁସି ହେଉଛି ହେଉ ମନୀଷା l ଏଥର କିନ୍ତୁ ମନୀଷା ଏ କଥାରେ ଏକମତ ହୋଇନଥିଲା, ହେଲେ ଏକଥାର ପ୍ରକୃତ ଉର୍ଧେଶ୍ୟ କିନ୍ତୁ ବୁଝିଲା l ଆଜିର ଦୁନିଆରେ ଖୁସି ଦିନକୁ ଦିନ ହଜିହଜି ଯାଉଛି l ସବୁଥାଇ ବି ନଥିଲା ପରି ଲାଗୁଛି l ତେଣୁ ଏତେ ଭାବିବା କଣ ମ କେବଳ ଖୁସି ପାଇଁ ଯିଏ ଯେଉଁଥିରେ ଖୁସି ହେଉଛି ହେଉ ଚଳିବ l ଆରେ ଏଟା ତ ବଡ ଖୁସି l ଚାଲ ନିଜକୁ ବୁଝିବା, ସମାଜକୁ ଜାଣିବା ପଶୁ ନୁହେଁ, ମଣିଷ ପରି ବଂଚିବା l ନେହେଲେ ସମୟ ପଳେଇବ ହେଲେ ଅବଶୋଷ ରହିଯିବ ଆଉ ସେତେବେଳେ ଯିଏ ଯେଉଁଥିରେ ଖୁସି ହେଉଛି ହେଉ ର ଅର୍ଥ କିଛି ନଥିବ …….

- Advertisement -