- Advertisement -
ଆରେ ତୁ ତ ପୁରା ବଦଳିଯାଇଛୁ। ଆଉ ଆଗ ପରି ନାହିଁ ରୋହନ। ରୋହନ ଭିତରେ ଏତେ ବଡ଼ ପରିବର୍ତ୍ତନ ଦେଖି ରୋହନର ସାଙ୍ଗ ସାଥି ଠାରୁ ଆରମ୍ଭ କରି ତା ଗୁରୁଜନମାନେ ବି ବିଶ୍ୱାସ କରିପାରୁନାହାନ୍ତି ସେ ଏତେ ବଦଳିଯିବ। ଜୀବନରେ ବେଳେ ବେଳେ ଏମିତି ଏକ ଟନିଙ୍ଗ ପଏଣ୍ଟ ଆସେ ଯେ ଶହେରୁ ଚାଳିଶ ପ୍ରତିଶତ ମଣିଷ ନିଜକୁ ବଦଳାଇ ଦିଅନ୍ତି। ସେମାନଙ୍କ ବ୍ୟବହାର, ଚାଲିଚଳଣି, ଅଭ୍ୟାସ ସବୁ କିଛି ଆପେ ଆପେ ପରିବର୍ତ୍ତନ ହୋଇଯାଏ। ଯିଏ ସମୟ ଓ ପରିସ୍ଥିତି ଦେଖି ନିଜକୁ ଆରଜେଷ୍ଟ କରି ଦିଅ ସେ ତ ଖୁସି ପାଏ ଆଉ ଯିଏ ନିଜକୁ ସେ ସମୟରେ ପରିବର୍ତ୍ତନ କରିଦିଏ ସେ ବି ଖୁସି ପାଏ। ରୋହନ ଜୀବନରେଖାରେ ବୋଧେ ସେମିତି କିଛି ହେଲା ଯେଉଁଥି ପାଇଁ ତାର ଏ ପରିବର୍ତନ।
ଏମିତି କିଛି ସେଦିନ ଖଟିରେ ରୋହନକୁ ନେଇ ଆଲୋଚନା ଚାଲିଥାଏ ଆଉ ତାହାରି ଭିତରେ ମନୋଜ କହିଲା ଆରେ ସେ ସୁନାପୁଅ ହୋଇଯାଇଛି। ହେଲେ ମୁଁ କଣ ତାହା କରିପାରିବି। ଘରେ ଅଫିସ ଠାରୁ ଆରମ୍ଭ କରି ସାଙ୍ଗସାଥି, ପ୍ରେମିକା, ଚଲା ସମ୍ପର୍କ ମଣିଷମାନେ କିଏ କେତେ ଥର ମତେ କହିଲେଣି ତୁ ମଦ , ଗୁଟୁଖା, ସିଗାରେଟ ଛାଡ଼। ହେଲେ ମୁଁ କଣ ସେସବୁ ପରିବର୍ତନ କରିପାରୁଛି। ମତେ ତ ଲାଗୁଛି ମରିଵାଯାଏ ତାହା ପରିବର୍ତନ କରିପାରିବି କି ନାହିଁ ତାହା ଉପରେ ଗ୍ୟାରେଣ୍ଟି ଦେଇପାରୁନାହିଁ। ହେଲେ ରୋହନକୁ ମାନିବାକୁ ପଡିବ ସେ ବହୁତ କିଛି ପରିବର୍ତନ କରିପାରିଛି ତା ଜୀବନ ଶୈଳୀରେ।
ଏମିତି କଥା ଚାଲିଥାଏ, ହଠାତ ଫୋନ ରିଙ୍ଗ ହୋଲା, ମନୋଜ କହିଲା ରୋହନ ତୁ ଠିକ କରିଛୁ। ବଦଳିଯିବାରେ ହଁ ପ୍ରକୃତ ଖୁସି, କାଲିଠାରୁ ମୁଁ ନିଷ୍ପତି ନେଇଛି କାହାକୁ କିଛି ନକହି ମୁଁ ନିଜେ ବଦଳିଯିବି। ଉଭୟ ରୋହନ ଓ ମନୋଜ କଣ ବଦଳିଲେ ତାହା ଆମକୁ ଜଣା ନାହିଁ। ପରିବର୍ତ୍ତନ ତ ନିହାତି ଆବଶ୍ୟକ ଜୀବନରେ, ତାହା ସେମାନେ ଡେରୀରେ ବୁଝିଲେ।
- Advertisement -
