- Advertisement -
ରାବଣ ରାମଙ୍କ ଦ୍ୱାରା ପରାସ୍ତ ହୋଇ ଯେବେ ଅନ୍ତିମ ନିଃଶ୍ୱାସ ନେଉଥାଆନ୍ତି, ସେତେବେଳେ ସେ କାହିଁକି ରାମଙ୍କଠାରୁ ହାରିଗଲେ ତାହା ପ୍ରଭୁ ରାମଚନ୍ଦ୍ରଙ୍କୁ କହିଛନ୍ତି ରାବଣ। ରାବଣଙ୍କ କହିବା କଥା ହେଉଛି ତାଙ୍କ ପାଖରେ ଶୋଇବା ପାଇଁ ସୁନାର ଲଙ୍କା ଥିଲା, ରାମଙ୍କ ଠାରୁ ବଡ଼ ପରିବାର ଥିଲା, 10ଟି ମୁଣ୍ଡ ଥିଲା, ବହୁ ବରଦାନ ପାଇ ସେ ଶକ୍ତିଶାଳୀ ଥିଲେ, ହେଲେ ହାରିଲେ କାରଣ, ରାମଚନ୍ଦ୍ରଙ୍କ ପାଖରେ ଥିଲେ l ଭାଇ ଲଷ୍ମଣ। ରାବଣଙ୍କର ଭାଇ ତ ଥିଲେ ହେଲେ ତାଙ୍କ ସହ ତାଙ୍କ ସମ୍ପର୍କ ମଧୁର ନଥିଲା।ସେହିପରି କୃଷ୍ଣ ଓ ବଳରାମ ମହାରାଜ କଂଶକୁ ମଧ୍ୟ ପରାସ୍ତ କରିଥିଲେ। ବଡ଼ଭାଇ ବଳଭଦ୍ର ଓ ଜଗନ୍ନାଥ ଜଗତ ଉଦ୍ଧାର କରିଛନ୍ତି ନୀଳାଚଳ ଧାମରେ ବସି। ରଥଯାତ୍ରା ବେଳେ ସ୍ତ୍ରୀଙ୍କୁ ଛାଡ଼ି ଭାଇ ଭଉଣୀଙ୍କୁ ନେଇ 9ଦିନ ଧରି ବଡ଼ଦାଣ୍ଡକୁ ଓଲ୍ଲାଇଆସନ୍ତି।
ଏ ହେଉଛି ଆମ ପୁରାଣ ଏବଂ ପରମ୍ପରାର କଥା। ଆମ ଓଡ଼ିଆରେ ଗୋଟେ କଥା ଅଛି। ଦୁଧ ଯଦି ଖାଇ ବସିବୁ ଘରେ ଥିବ ଗାଈ, ଯୁଦ୍ଧ ଯଦି କରିବସିବୁ ସାଙ୍ଗରେ ଥିବ ଭାଇ।
ଭାଇ ଶବ୍ଦଟି ବହୁତ ବିଶାଳ। ଭାଇ ଅଛି ତ ଦୁନିଆରେ ସବୁ ଅଛି। ବଡ଼ଭାଇ ବାପାଙ୍କ ସହ ସମାନ। ଭାଇ ସାଙ୍ଗ ପୁଣି ଭାଇ ପ୍ରେମିକା। ଭାଇ ପାଖରେ ମନକଥା ସବୁ ଖୋଲି କହିହୋଇଯାଏ। କିନ୍ତୁ ଆଜି ସେହି ସମ୍ପର୍କ କେମିତି ଅଛି ?? ସମାଜର ଭାଇ ଭାଇର ସମ୍ପର୍କ ଆଜି ଲୋଭ, ମାୟା ଓ ସ୍ୱାର୍ଥ ପାଇଁ ହଜିଯାଉଛି। ଆଜି ଭାଇ ଭାଇର ପରମ ଶତ୍ରୁ ବନିଯାଉଛି ମାତ୍ର ଇଞ୍ଚେ ଜମି, କିଛି ଟଙ୍କା ପାଇଁ। ପୁଣି କେତେବେଳେ ଭାଇକୁ ଭାଇ ମାରିଦେଉଛି ତ କେତେବେଳେ ଭାଇ ଭାଇ ମଧ୍ୟରେ ଭାରତ ପାକିସ୍ତାନ ପରି ସମ୍ପର୍କ ଉପୁଜୁଛି। ସମାଜର ଏପରି ଅଧୋପତନ ପାଇଁ କେବଳ ଆମେ କାହାକୁ ଦୋଷ ଦେବା ?? କେହି ଦାୟୀ ନୁହେଁ, ସେଥିପାଇଁ ଦାୟୀ ଆମେ ସମସ୍ତେ । କାହିଁକି ଆମେ କୃଷ୍ଣ ବଳରାମ, ବଳଭଦ୍ର, ଜଗନ୍ନାଥ, ରାମ ଲଷ୍ମଣ ପରି ଭାଇ ହୋଇ ଅନ୍ୟ ପାଇଁ ଉଦାହରଣ ହୋଇପାରିବା ନାହିଁ।
ଆରେ ଭାଇ, ଭାଇ ହିଁ ସୁଖ ଓ ଦୁଃଖର ସାଥି। ଭାଇ ଶେଷ ସାହାରା। ଭାଇ ହିଁ ଚଳନ୍ତି ଭଗବାନ। ଭାଇ ଠାରୁ କାହିଁକି ଭାଇ ଅଲଗା ହେବ। କଥାରେ ପା ଅଛି ଧନ, ଯୌବନ ସବୁ କ୍ଷଣସ୍ଥାୟୀ। ସମ୍ପର୍କ ଓ ଭାଇପଣ ଚିରସ୍ଥାୟୀ। ଭାଇ ଡାକରେ ଯେଉଁ ମଧୁରପଣ ଅଛି, ତାହା ଯିଏ ଡାକୁଛି ସେ ହିଁ ଜାଣିଛି। ଯେତେବେଳେ ଦୁନିଆ ସାମ୍ନାରେ ଛିଡା ହେବାକୁ ଡର ଲାଗେ, ଭାଇଟି କାନ୍ଧରେ ହାତ ରଖିଦେଲେ ସାହସ ଆପେଆପେ ଆସିଯାଏ । ଭାଇ ଭୁଲକୁ ଘୋଡେଇ ରଖେ, ଠିକ୍ ରାସ୍ତା ଦେଖାଇଦିଏ । ଭାଇ ହେଉଛି ରକ୍ଷା କବଜ ଜୀବନ ଯାତ୍ରାରେ।
- Advertisement -
