- Advertisement -
ସମସ୍ତେ ରେଡି l ବାହାରିଲେ ପିକନିକ ସ୍ପଷ୍ଟକୁ l ଆଗ ପଛ ହୋଇ ସବୁ ପହଞ୍ଚିଗଲେ l ସଭିଙ୍କ ମନରେ ଆନନ୍ଦ ଉଲ୍ଲାସ l କାରଣ ବହୁ ବର୍ଷ ପରେ ସମସ୍ତଙ୍କ ମନପ୍ରାଣ ଏକ ହୋଇଛି ନୂଆବର୍ଷ ଭୋଜି ପାଇଁ l ନୂଆ ବର୍ଷ ଭୋଜିରେ ସାନରୁ ବଡ଼ ଯାଏଁ ସଭିଏଁ ସାଙ୍ଗ l ଦିନର 12ଘଣ୍ଟା ଯେମିତି ସଭିଙ୍କ ପାଇଁ ମୁକ୍ତ ବିଶ୍ୱପରି l ଯିଏ ଯାହା ଚାହିଁବ କରିବ। ନାଚ ଗୀତ ସହ ମନଭରି ଖିଆପିଆର ଆସର। ଘର, ଅଫିସ, ବେପାର କି କିଛି ପାଇବା ବା ହରେଇବାର ମଧ୍ୟ ଚିନ୍ତା ନାହିଁ l ଦିନଟା ଖାଲି ମସ୍ତି ଆଉ ମସ୍ତିରେ କଟିବ l ପ୍ରକୃତି କୋଳରେ ପୁରା ଦିନ କାଟି ପ୍ରକୃତ ଭଲ ପାଇବାକୁ ସାଉଁଟିବା ପାଇଁ କିଏ ବା ହାତଛଡା କରିବ।
ଠିକ ଏତିକି ବେଳେ ଆରମ୍ଭ କିଏ ଜଣେ ଆସି କହିଦେଲା ପକୋଡା ରେଡି, ମ୍ୟୁଜିକ ବି l ବାସ ଆଉ କିଏ କାହାକୁ ଅଟକାଇବ, ସୌମ୍ୟ କହିଲା ରକି ଆରମ୍ଭରୁ ତୁ କେବେ ନା କେବେ ତୋ ମନ ଦେବୁ କାହାକୁ, ମତେ ଦେଇ ଦେଲେ ଅସୁବିଧା କେଉଁଠି ଗୀତ ବଜା l ତା ପରକୁ ଚିରିଙ୍ଗ ଚିରିଙ୍ଗ ନିଶା ଟା ଛାଡିଲା ଗୀତ ଆରମ୍ଭ ହେଲା କ୍ଷଣି କିଏ କାହାକୁ ବା ଅଟକାଇବ, ପୁରା ପରିବେଶ ଧୂଳି ଉଡିଲା l ମଝିରେ ମଝିରେ କେତେ ଗପ କେତେ ଚର୍ଚ୍ଚା l କେତେବେଳେ ପୁରୁଣା ସ୍ମୃତି ତାଜା ହେଉଥାଏ ତ କେତେବେଳେ ବର୍ଷ ତମାମ ଖୁସି ବାଣ୍ଟି ହୋଇଯାଉଥାଏ l କବିତା ଅସାର ସହ ପ୍ରେମ ଆଳାପ ପୁରା ପରିଵେଶ ଉଷ୍ମ କରୁଥାଏ l
ଏମିତି ଗପ ସବ ଓ ମଜା ମସ୍ତି ଭିତରେ ମଧୁର ମନେ ପଡି ଯାଇଛି ପୁରୁଣା ପ୍ରେମର ମିଠା ଅନୁଭୂତି l ଦୁଇ ପ୍ୟାଗ ପରେ ମଧୁ ହଜିଯାଇଛି ପ୍ରେମର ରାଇଜରରେ l ମଧୁ ବିବାହକୁ 20ବର୍ଷ ବିତିଛି, ହେଲେ ଆଜି ବି ତା ପ୍ରେମ ତାଜା l ଭାବୁଛି ସୋନି ସହ ହୋଇଥିବା ପ୍ରେମଟା କଣ ମିଛ ନାଁ, ସମୟ ଟା ମିଛ ଥିଲା l ଏତେ ନିବିଡ଼ ସମ୍ପର୍କରେ ଥାଇ ବି ଆଜି ସୋନି ସ୍ଥାନରେ ଆଉ କିଏ ତା ମୋ ଜୀବନ ସାଥି l ପ୍ରକୃତି କୋଳରେ ଭୋଜି ଆସର ଭିତରେ ମଧୁର ଏହି ଭିଜାଭରା ଭାବନା ତାକୁ କିଛି ସମୟ ପାଇଁ ହଜେଇ ଦେଇଥିଲା l
ତାହାହିଁ ଭିତରେ ନବ ଗାଇଦେଲା ମିଛରେ କହିଦେ ଭଲ ପାଉ ବୋଲି ଆଉ କିଛି ଦିନ ବଞ୍ଚିଯିବି l ନବ କଥା ଶୁଣି କିଏ ଜଣେ କହିଲା ଆରେ ଖୁସିରେ ବଂଚିବା ପାଇଁ ତ ଏତେ ନାଟ l
ମଧୁ ଓ ନବ ପ୍ରେମ ଭାବନା ପୁରା ପରିବେଶକୁ କରୋନା ଭାଇରସ ପରି କେହି ମିନିଟରେ ସଭିଙ୍କୁ ପ୍ରେମିକ କରିଦେଲା l ଆଉ ଆରମ୍ଭ ହୋଇଗଲା ଭିନ୍ନ ଏକ ପରିବେଶ l ସମୟ ଗଡ଼ିଲା ସବୁ କଥା ଓ ବ୍ୟଥା ସମୟ ସହ ଗଡ଼ିଗଲା l ମଜା ମସ୍ତି ପରେ ଭୋଜି ଭାତ ଆସର ବି ଶେଷ ହେଲା l ପୁରୁଣା ଓ ନୂଆ ସ୍ମୃତି ଯୋଡି ହୋଇ ସଭିଙ୍କ ଜୀବନରେ ନୂଆ ବର୍ଷ ନୂଆଫର୍ଦ ଯୋଡିଲା l ସାଙ୍ଗ, ସାଥି ମିଳିମିଶି ଭୋଜି ସ୍ଥାନରୁ ନିଜ ନିଜ ଘରକୁ ଫେରିଲା ବେଳେ ସମସ୍ତେ କହୁଥାନ୍ତି ନୂଆବର୍ଷ ନୁହେଁ “ମ” ମଝିରେ ମଝିରେ ଏମିତି ଭୋଜି ଟିକେ ଦରକାର l ଭାରକ୍ରାନ୍ତ ମନଟା ଟିକେ ହାଲକା ହେବା ଦରକାର l
- Advertisement -
