() ରାଜ୍ୟରେ ସ୍ୱାସ୍ଥ୍ୟ ବିଶ୍ଵବିଦ୍ୟାଳୟ ପ୍ରତିଷ୍ଠା ନେଇ ବିଧାସଭାରେ ଉଦ୍ବେଗ ପ୍ରଶ୍ନ କାଳରେ ଉଭୟ ଶାସକ ଓ ବିରୋଧି କଲେ ଉତ୍ବେଗ ପ୍ରକାଶ । କେବେ ସୁଦ୍ଧା ସ୍ୱାସ୍ଥ୍ୟ ବିଶ୍ଵ ବିଦ୍ୟାଳୟ କାର୍ଯ୍ୟ କ୍ଷମ ହେବ ସେ ନେଇ ମନ୍ତ୍ରୀ ଙ୍କୁ ମାଗିଲେ ଉତ୍ତର । ସେପଟେ ସ୍ୱାସ୍ଥ୍ୟ ମନ୍ତ୍ରୀ ନବ ଦାସ ଖୁବ୍ ଶୀଘ୍ର ହେବ ଉତ୍ତର ରଖିବାକୁ ନେଇ ଅସନ୍ତୋଷ ବ୍ୟକ୍ତ କଲେ ଉଭୟ ଶାସକ ଓ ବିରୋଧି। ଏବଂ ରାଜ୍ୟ ସରକାରଙ୍କ ସ୍ୱାସ୍ଥ୍ୟ ଦିଗରେ ମନମୁଖୀ ପାଇଁ ଲୋକେ ଆମ ମାନଙ୍କୁ ଅସହ୍ୟ ମଣିଲେଣି।ତେଣୁ ଏଦିଗରେ ସରକାର ଆଉ ମିଛ ନକହି ସ୍ୱାସ୍ଥ୍ୟ କ୍ଷେତ୍ରରେ ଅଗ୍ରସର ହୁଅନ୍ତୁ ବୋଲି ସଦସ୍ୟ ଦାବି କରିଛନ୍ତି।

ଉତ୍ତରରେ ମନ୍ତ୍ରୀ ନବ ଦାସ ପୁଣି ସେହି ଖୁବ ଶୀଘ୍ର ଶେଷ ହେବା କଥା ବାରମ୍ବାର ଦୋହୋରାଇ ପ୍ରସଙ୍ଗ ରୁ ଏଡାଇ ଯାଇଛନ୍ତି।

() ରାଷ୍ଟ୍ରପତି ନିର୍ବାଚନରେ ଚର୍ଚ୍ଚାକୁ ଆସିଛନ୍ତି କଂଗ୍ରେସ ବିଧାୟକ ମହମ୍ମଦ ମୋକିମ l ନିଜ ମନ୍ କହିଲା ମାଟିର ଝିଅଙ୍କୁ ଭୋଟ ଦେଲି l ପାର୍ଟି ଠାରୁ ମାଟି ବଡ , ବିବେକ ଅନୁସାରେ ଓଡିଶାର ମହିଳା ରାଷ୍ଟ୍ରପତି ପ୍ରାର୍ଥୀ । ଦ୍ରୌପଦୀ ମୁର୍ମୁଙ୍କୁ ଦେଲି ଭୋଟ । ଦଳରେ ଏହାକୁ ନେଇ ନାହିଁ କୌଣସି ଦ୍ବନ୍ଦ୍ବ । ରାଷ୍ଟ୍ରପତି ନିର୍ବାତନ ଏକ ଗୁରୁତ୍ବପୁର୍ଣ୍ଣ ନିର୍ବାଚନ ହୋଇଥିବାରୁ ମୁଁ ମୋ ବିବେକ ଅନୁସାରେ ଭୋଟ ଦେଇଛି ବୋଲି କହିଛନ୍ତି କଂଗ୍ରେସରେ ବାରବାଟୀ ବିଧାୟକ ମହମ୍ମଦ ମୋକିମ । ଦଳୀୟ ପ୍ରାର୍ଥୀ ବଦଳରେ ଏନଡିଏ ପ୍ରାର୍ଥୀଙ୍କୁ ଭୋଟ ଦେବାକୁ ମୁଁ ମନସ୍ଥ କଲି ବୋଲି ମୋକିମ କହିଛନ୍ତି । କାରଣ ଓଡିଶାର ଜଣେ ଆଦିବାସୀ ନେତ୍ରୀ ଭାରତର ଶୀର୍ଷ ଆସନରେ ବସିବେ ଏହା ପ୍ରତ୍ୟକ ଓଡିଆଙ୍କ ଗର୍ବ ତେଣୁ ମୁଁ କିଛି ଭୁଲ କରିନାହିଁ ଓ ଦଳ ବି ଏଥିପାଇଁ କିଛି ଭୁଲ ଭାବିବ ନାହିଁ ବୋଲି ସେ କହିଛନ୍ତି । ଦଳ ପକ୍ଷରୁ ଯଦି ମୋ ଭୋଟ ନେଇ କୌଣସି ପ୍ରଶ୍ନ ଉଠେ ମୁଁ ଉତ୍ତର ଦେବାକୁ ପ୍ରସ୍ତୁତ । କାରଣ ନିର୍ବାଚନରେ ଦଳୀୟ ହୁଇପ ଲାଗୁ ହୁଏନି । ପିସିସବିରୋଧି ଦଳର ମିଳିତ ପ୍ରାର୍ଥୀ ଜଶଓ୍ବନ୍ତ ସିହ୍ନାଙ୍କୁ ଭୋଟ ଦେବା ପାଇଁ କଂଗ୍ରେସ ନିଷ୍ପତ୍ତି ନେଇଥିଲା । ସେହି ଅନୁସାରେ ଏକାସାଙ୍ଗରେ ଆସି କଂଗ୍ରେସର ସମସ୍ତ ବିଧାୟକ ଭୋଟ ଦେଇଥିଲେ । ହେଲେ ମହମ୍ମଦ ମୋକିମ ଜଶଓ୍ବନ୍ତ ସିହ୍ନାଙ୍କୁ ଭୋଟ ନଦେଇ ଦେଇଥିଲେ ଦ୍ରୌପଦୀ ମୁର୍ମୁଙ୍କୁ । ମୋକିମଙ୍କ ଏଭଳି କାର୍ଯ୍ୟରେ ଅସନ୍ତୋଷ ପ୍ରକାଶ କରିଥିଲେ ଦଳୀୟ ବିଧାୟକ ମାନେ । ବିରୋଧୀ ପ୍ରାର୍ଥୀଙ୍କୁ ଭୋଟ ଦେବା ଦୁର୍ଭାଗ୍ୟ ଜନକ ଓ ଦୁଖଃଦାୟକ ବୋଲି ଦଳୀୟ ବିଧାୟକ ମାନେ କହିଥିଲେ । ସଙ୍ଗେସଙ୍ଗେ ଦଳୀୟ ହାଇକମାଣ୍ଡଙ୍କୁ ଏ ବିଷୟରେ ଜଣାଇଥିଲେ କଂଗ୍ରେସ ବିଧାୟକ ଦଳ ନେତା ନରସିଂହ ମିଶ୍ର । ଅନ୍ୟପଟେ ମୋକିମଙ୍କ ବିରୋଧରେ ଅସନ୍ତୋଷ ଝାଡିଥିଲେ ଦଳୀୟ ନେତା । ରାଷ୍ଟ୍ରପତି ନିର୍ବାଚନ ମତ ଦାନରୁ କଂଗ୍ରେସର ଗୋଷ୍ଠୀ ବିବାଦ ଜଳଜଳ କରି ପଦାକୁ ଦିଶୁଛି । ୯ ଜଣ ବିଧାୟକ ଏକଜୁଟ ନାହାନ୍ତି ଏକଥା ମଧ୍ୟ ସ୍ପଷ୍ଟ ପ୍ରମାଣିତ ହୋଇଛି । ତେଣୁ ମୋକିମଙ୍କ ବିରୋଧରେ ଦଳ କାର୍ଯ୍ୟନୁଷ୍ଠାନ ନେବ ନା ବିକଳ୍ପ ପନ୍ଥା ଗ୍ରହଣ କରିବ କି ?

() ପ୍ରଶ୍ନଠୁ ଆରମ୍ଭ କରି ଶୂନ୍ୟକାଳ ଯାଏ ଗୋଟିଏ କଥା ଚୁଡ଼ା, ମୁଢ଼ି,ଉଖୁଡା ଓ ଦହି ଭଳି ସାମଗ୍ରୀକୁ GSTରୁ ଦିଅ ବାଦ। ଦାବିରେ ଅଟଳ ରହି ଗୃହ ମଧ୍ୟ ଭାଗରେ କଂଗ୍ରେସ ସଦସ୍ୟ ଙ୍କ ସହ ସ୍ଵାଧୀନ ସଦସ୍ୟ କରିଥିଲେ ହଟଗୋଳ ।ଯାହା ପାଇଁ ଗୃହ କୁ ମୁଲତବୀ କରିବାକୁ ପଡ଼ିଥିଲା ବାଚସ୍ପତି ଙ୍କୁ।ପ୍ରଶ୍ନ କାଳରେ କଂଗ୍ରେସ ବିଧାୟକ ସୁରେଶ ରାଉତରାୟ ଏହାକୁ ଉଠାଇ ରାଜ୍ୟ ସରକାର ଙ୍କ କରିଥିଲେ ଟାର୍ଗେଟ।ଯଦି କେନ୍ଦ୍ର ସରକାର GST ଲାଗୁକରୁଛନ୍ତି, ତେବେ ରାଜ୍ୟ ସରକାର ଏହି GST ଲାଗୁକୁ ଓଡିଶାରୁ ଉଚ୍ଛେଦ କରନ୍ତୁ। ଯଦି ସରକାର ରାଜ୍ୟରେ ଲାଗୁକରିବେ ତେବେ ନିଜ ସେହି GSTକୁ ବହନ କରନ୍ତୁ। ଶୂନ୍ୟକାଳ ରେ କଂଗ୍ରେସ ସଦସ୍ୟ ଗୃହମଧ୍ୟ ଭାଗକୁ ଯାଇ ହଟଗୋଳ କରି GST ଉଚ୍ଛେଦ କୁ ନେଇ ପ୍ରତିବାଦ କରିଥିଲେ।GST ଲାଗୁ ବିରୋଧରେ ବିଜେଡିର ବରିଷ୍ଟ ବିଧାୟକ ଅମର ଶତପଥୀ ମଧ୍ୟ ଉଚ୍ଛେଦ ଦାବିରେ ଶୂନ୍ୟ କାଳରେ ଅଡିଧରି ଥିଲେ ।ଚୁଡ଼ା, ମୁଢ଼ି,ଉଖୁଡା ଓ ଦହି ଭଳି ସାମଗ୍ରୀରେ GST ଲଗାଇବା ଅତ୍ୟନ୍ତ ଦୃଭାଗ୍ୟ ଜନକ ବିଷୟ । ଏହା ମୌଳିକ ଖାଦ୍ୟ ହୋଇଥିବାରୁ ଏହି ସବୁ ଖାଦ୍ୟ ପଦାର୍ଥରେ GST ନ ଲାଗିବା ଉଚିତ୍।GST କାଉନସିଲ୍ ପୁନର୍ବାର ବଡି ଏ ନିଷ୍ପତି ଉପରେ ଅନୁଧ୍ୟାନ କରନ୍ତୁ ବୋଲି ବିଜେଡି ବିଧାୟକ ଦିବ୍ୟସଙ୍କର କହିଛନ୍ତି। ବିଜେପି କହିଛି ଏ ପଦକ୍ଷେପ କୁ ଭଲ ଭାବରେ ନ ବୁଝି ରାଜନୀତିକରଣ କରିବା ଉଚିତ୍ ନୁହେଁ।ଏହାକୁ ପ୍ରଥମେ ଅନୁଧ୍ୟାନ କରନ୍ତୁ ।ରାଜ୍ୟ ସରକାର ଙ୍କୁ GST ଲାଗୁକୁ ନେଇ ସରକାର ଙ୍କ ଆଭିମୁଖ୍ୟ କୁ ଗୃହରେ ସଦସ୍ୟ ଉଠାଇଥିବା ବେଳେ ଅର୍ଥମନ୍ତ୍ରୀ ନିରଞ୍ଜନ ପୂଜାରୀ କହିଛନ୍ତି, ଯେ GST ଉପରେ ରାଜ୍ୟ ସରକାର କିଛି କରିପାରିବେ ନାହିଁ। ଏବଂ ଏହି GST କେବଳ କମ୍ପାନୀ ମାନଙ୍କରେ ହେଉଥିବା ପକେଟ୍ ଉପରେ ଲାଗୁହେବ । ଗ୍ରାମାଂଚଳ ରେ ବିକ୍ରି ହେଉଥିବା ଖୁଚୁରା ବ୍ୟବସାୟ କିମ୍ବା ଗ୍ରାହକ ଙ୍କ ଉପରେ ଏହାର ପ୍ରଭାବ ପଡିବନି।ଓଡ଼ିଶାରୁ ଚୁଡ଼ା, ମୁଢ଼ି,ଉଖୁଡା ଓ ଦହି ଭଳି ସାମଗ୍ରୀରୁ ବାଦ ପଡୁ GST। ଦାବିରେ ହୁଲୁ ସ୍ତୁଲୁ ହେଲା ଗୃହ।ହେଲେ ସମୟ କହିବ ସରକାରଙ୍କ ଆଭିମୁଖ୍ୟ କଣ ରହୁଛି ଏହା ଉପରେ।

() ଚୁଡ଼ା, ମୂଢ଼ି ଓ ଗୁଡ଼ ଆଦି ଦ୍ରବ୍ୟ ଉପରେ ଜିଏଷ୍ଟି ଲାଗୁ ନିଷ୍ପତି ରାଜ୍ୟ ଜନସାଧାରଣଙ୍କ ସ୍ୱାର୍ଥରେ କି ବୋଲି ପ୍ରଶ୍ନ କରିଛି କଂଗ୍ରେସ ।

ସାଧାରଣ ଜନତାଙ୍କ ସ୍ୱାର୍ଥ ବିରୋଧି ଜିଏଷ୍ଟି ନିଷ୍ପତି ଅବିଳମ୍ବେ ପ୍ରତ୍ୟାହାର କର – ଶରତ ପଟ୍ଟନାୟକ।

 ଗରିବଙ୍କ ଉପରେ ମୋଦି ସରକାର ଦାଉ ସାଧୁଛନ୍ତି କାହିଁକି – ଶରତ ପଟ୍ଟନାୟକ।

{} ଗତ ଜୁନ ୨୮ ଓ ୨୯ ତାରିଖ ଚଣ୍ଡିଗଡ଼ ଠାରେ ଦୁଇଦିନିଆ ଜିଏଷ୍ଟି କାଉନସିଂଲର ୪୭ତମ ବୈଠକରେ ଚୁଡ଼ା, ମୂଢ଼ି, ଗୁଡ଼, ଦହି, ଖଇ ଓ ଉଖୁଡ଼ା ଆଦି ଅତ୍ୟାବଶକୀୟ ଖାଦ୍ୟ ସାମଗ୍ରୀ ଉପରେ ୫% ହାରରେ ଜିଏଷ୍ଟି ଲାଗୁ କରିବା ନିଷ୍ପତି ଏକ ହତଭାଗ୍ୟ ନିଷ୍ପତି ବୋଲି ଆଜି ଏକ ସାମ୍ବାଦିକ ସମ୍ମିଳନୀରେ ପ୍ରଦେଶ କଂଗ୍ରେସ ସଭାପତି ଶ୍ରୀ ଶରତ ପଟ୍ଟନାୟକ କହିଛନ୍ତି । ଶ୍ରୀ ପଟ୍ଟନାୟକ ସାମ୍ବାଦିକ ମାନଙ୍କୁ ସମ୍ବୋର୍ଦ୍ଧିତ କରି କହିଥିଲେ ଯେ ଓଡ଼ିଶାର ମୟୁରଭଞ୍ଜ, ବାଲେଶ୍ୱର, ଭଦ୍ରକ ଏବଂ କେନ୍ଦୁଝର ଜିଲ୍ଲାରେ ମୁଢ଼ି ବିନା ଜୀବନ ଦୁର୍ବିସହ । କିନ୍ତୁ ଆସନ୍ତା କାଲି ପାଖରୁ ଏହି ଅଣବ୍ରାଣ୍ଡ ପ୍ୟାକେଟ ଦ୍ୱାରା ବିକ୍ରି ହେଉଥିବା ମୁଢ଼ି, ଗୁଡ଼, ଚୁଡ଼ା, ଦହି, ଖଇ ଓ ଉଖୁଡ଼ା ଆଦି ଉପରେ ୫% ଜିଏଷ୍ଟି ଲାଗୁ ହେବ । ଦୀର୍ଘ ୮ବର୍ଷ କାଳ ଧରି କେବଳ ଘୁଣ୍ୟ ରାଜନୀତିରେ ଲିପ୍ତ ରହିବା ଛଡ଼ା ଭାରତବର୍ଷର ଅର୍ଥନୀତିକୁ ସଂପୂର୍ଣ୍ଣରୂପେ ଅଣଦେଖା କରିବା ଓ ଭୁଲ ଅର୍ଥନୈତିକ ନିଷ୍ପତି ଯୋଗୁଁ ଆଜି ଭାରତ ବର୍ଷର ଅର୍ଥନୀତି ସଂପୂର୍ଣ୍ଣ ରୂପେ ରସାତଳଗାମୀ । ମୋଦି ସରକାର କେବଳ ମନ୍ଦିର, ମସ୍‌ଜିଦ, ରାହୁଲ ଗାନ୍ଧୀ, ସୋନିଆ ଗାନ୍ଧୀ, ଇଡି, ଇନକମଟେକ୍ସ ଭିତରେ ସୀମାବଦ୍ଧ ହୋଇ ରାଜନୀତି କରୁଛନ୍ତି । ଓଡ଼ିଶାର ସାଧାରଣ ଜୀବନରେ ଏ ସମସ୍ତ ଖାଦ୍ୟଦ୍ରବ୍ୟ ଅତ୍ୟାବଶ୍ୟକ ଅଟେ । ଏ ସବୁ ଉପରେ କର ଆଦାୟ କରିବା କିଭଳି ଭାବରେ ଗରିବ ଲୋକଙ୍କ ଉପରୁ ଜୋର ଜବରଦସ୍ତ କରି କର ଆଦାୟ କରି ହେବ ଏହାହିଁ ପ୍ରମାଣିତ କରୁଛି । ସବୁଠାରୁ ଗୁରୁତ୍ୱପୂର୍ଣ୍ଣ କଥା ବିଜୁ ଜନତା ଦଳର ଅର୍ଥମନ୍ତ୍ରୀ ସେ ମିଟିଂରେ ଉପସ୍ଥିତ ଥାଇ ମଧ୍ୟ ଏ ବାବଦରେ ଥରୁଟିଏ ବିରୋଧ କରି ନାହାନ୍ତି କାହିଁକି ? କ’ଣ ଏହା ରାଜ୍ୟର ଜନସାଧାରଙ୍କ ସ୍ୱାର୍ଥ ବିରୋଧି କି ନୁହେଁ ବୋଲି ଶ୍ରୀ ପଟ୍ଟନାୟକ ପ୍ରଶ୍ନ କରିଛନ୍ତି । ଏଥିରୁ ଏହା ବୁଝାପଡ଼ୁଛି ରାଜ୍ୟ ସରକାର ଜିଏଷ୍ଟି କାଉନସିଲର ଏ ନିଷ୍ପତିକୁ ସମ୍ମତି ଜଣାଇଛି । ଗୋଟେ ଗଣତାନ୍ତ୍ରିକ ସରକାର ଜନସାଧାରଣଙ୍କ ପରିସ୍ଥିତିକୁ ଦେଖି କର ଆଦାୟ କରିଥାଏ । କିନ୍ତୁ ଏବେ ସରକାର ଅଧିକରୁ ଅଧିକ କିଭଳି କର ଆଦାୟ କରାଯିବ ସେଥିପାଇଁ ଅଧିକ ତତ୍ପରତା ଦେଖାଉଛନ୍ତି । ପୂର୍ବତନ ଅର୍ଥମନ୍ତ୍ରୀ ଶ୍ରୀ ପଂଚାନନ କାନୁନଗୋ ତଥା ବରିଷ୍ଠ କଂଗ୍ରେସ ନେତା ସାମ୍ବାଦିକ ମାନଙ୍କୁ ସମ୍ବୋର୍ଦ୍ଧିତ କରି କହିଲେ ୨୦୦୫ ମସିହାରେ ମନମୋହନ ସିଂଙ୍କ ସରକାର ସମୟରେ ୩୭ ଗୋଟି ଦ୍ରବ୍ୟକୁ ଭାଟ ମୁକ୍ତ କରାଯାଇଥିଲା । ଏହିସବୁ ଦ୍ରବ୍ୟ ଗୁଡ଼ିକ ଦହି, ଲସି, ଘୋଳଦହି, କ୍ଷୀର ପ୍ୟାକେଟ, ସ୍ଲେଟ, ପ୍ଲେଟ, ମ୍ୟାପ, ଚୁଡ଼ା, ମୁୂଢ଼ି, ହୁଡ଼ମ, ଖଇ, ଉଖୁଡା, ମୁଆଁ, ଖଲିପତ୍ର, ସବାଇ ଘାସରୁ ପ୍ରସ୍ତୁତ ଦଉଡ଼ି, ଗହମ, ଅଟା, ଲୁଙ୍ଗି, ଗାମୁଛା, ମାଛ, ମାଂସ, ଅଣ୍ଡା ଇତ୍ୟାଦି । କିନ୍ତୁ ଆସନ୍ତା କାଲି ଜୁଲାଇ ୧୮ ତାରିଖ ୨୦୨୨ ମସିହା ପାଖରୁ ପ୍ରାୟ ସବୁ ଦ୍ରବ୍ୟ ଉପରେ ସରକାର ଜିଏଷ୍ଟି ଲାଗୁ କରିସାରିଛନ୍ତି । ଏହି ସବୁ ଦ୍ରବ୍ୟ ମାନଙ୍କରୁ ୫% ରୁ ୧୨ % ପର୍ଯ୍ୟନ୍ତ ଜିଏଷ୍ଟି ଆଦାୟ କରୁଛନ୍ତି । ୨୦୧୭ ମସିହା ଜିଏଷ୍ଟିକୁ ଲାଗୁ କରିବା ପାଇଁ ସେଂଟ୍ରାଲ ହଲରେ ଯେଉଁ ଐତିହାସିକ ମଧ୍ୟରାତ୍ରୀ ମିଂଟି ହୋଇଥିଲା ସେଇ ସଭାରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଉଦ୍‌ବୋଧନ ଦେଲାବେଳେ ବାରମ୍ବାର ଗୋଟିଏ କଥାକୁ ଦୋହରାଉଥିଲେ ଯେ ଜିଏଷ୍ଟି ସାଧାରଣ ଲୋକଙ୍କ ସ୍ୱାର୍ଥ, ରାଜ୍ୟର ସ୍ୱାର୍ଥ ପାଇଁ, ଦେଶର ସ୍ୱାର୍ଥ ପାଇଁ ଓ ସର୍ବୋପରି ଦେଶର ଖାଉଟିଙ୍କ ପାଇଁ । ଏହାଦ୍ୱାରା ଜିନିଷ ପତ୍ରର ଦରଦାମ ବହୁ ମାତ୍ରାରେ କମିଯିବ ଓ ସାଧାରଣ ଜନତା ଏହାର ବହୁ ସୁଫଳ ପାଇବେ କିନ୍ତୁ ସତ୍ୟ କ’ଣ? ଖାଲି ସେତିକି ନୁହେଁ ପାଖାପାଖି ୬ଥର କହିଥିଲେ ଯେ ଜିଏଷ୍ଟି ଦ୍ୱାରା ରାଜ୍ୟ ମାନଙ୍କର ଅର୍ଥନୈତିକ ସ୍ୱାଧୀନତା କ୍ଷେତ୍ରରେ ଏହା କୌଣସି ଅନ୍ତରାୟ ସୃଷ୍ଟି କରିବ ନାହିଁ ଏବଂ ପାଖାପାଖି ୨୭ ଥରରୁ ଅଧିକ ଏହାର ସୁଫଳ ଜନସାଧାରଣ ପାଇବେ ବୋଲି କହିଥିଲେ । ଏକ ରାଷ୍ଟ୍ର ଏକ ଟ୍ୟାକ୍ସ ବୋଲି କହିଥିଲେ । କିନ୍ତୁ ଜିଏଷ୍ଟି ଲାଗୁ ହେବା ଠାରୁ ୫ଟି ସ୍ଲାବରେ କର ଆଦାୟ କରାଯାଉଛି । ଶ୍ରୀ କାନୁନଗୋ କହିଲେ ଯେ କଂଗ୍ରେସ ସରକାର ସମୟରେ କୋଇଲା ଉପରେ ଟନ ପିଛା ୧୦୦ ଟଙ୍କାର ସେସ ବସୁଥିଲା ବେଳେ ଏବେ ୪ ଶହ ଟାଙ୍କାରୁ ଅଧିକ ସେସ ମୋଦି ସରକାର ଆଦାୟ କରୁଛି । ଖାଲି ସେତିକି ନୁହେଁ ପାଖାପାଖି ୨୪ ପ୍ରକାରର ସେସ୍ କେନ୍ଦ୍ର ଆଦାୟ କରୁଛି । ଯେଉଁଥିରୁକି ରାଜ୍ୟ ଓଡ଼ିଶା ସରକାର ଏକ ଟଙ୍କାର ଭାଗ ପାଉନାହାନ୍ତି । କିନ୍ତୁ ଓଡ଼ିଶା ସରକାର ସଂପୂର୍ଣ୍ଣ ନୀରବ ପ୍ରତିବାଦର ସ୍ୱର ନାହିଁ । ଏବେ ପର୍ଯ୍ୟନ୍ତ ରାଜ୍ୟର ୮ ହଜାର କୋଟି ଟଙ୍କାର ଜିଏଷ୍ଟି ବାବଦ ଅର୍ଥ କେନ୍ଦ୍ର ଦେଇ ନାହିଁ । ଏ ବାବଦରେ ଥରୁଟିଏ ନା ମୁଖ୍ୟମନ୍ତ୍ରୀ ନା ଅର୍ଥମନ୍ତ୍ରୀ କୁଆଡ଼େ ମୁହଁ ଖୋଲି ନାହାନ୍ତି । ବିଜେପି ବିଜେଡ଼ି ଉଭୟ ଏକ ରାଜନୈତିକ ଦଳ ଚିନ୍ତା ଓ ଚେତନା । ଓଡ଼ିଶାର ଜନସାଧାରଙ୍କ ଦୁଃଖ, ସମସ୍ୟା ତାଙ୍କ ପାଇଁ ପ୍ରାଥମିକତା ନୁହେଁ । ରାଜନୈତିକ ନାଟକବାଜି କରିବା ତାଙ୍କର ଏକମାତ୍ର ଉଦ୍ଦେଶ୍ୟ । ଗଣମାଧ୍ୟମ ବିଭାଗର ଅଧ୍ୟକ୍ଷ ଶ୍ରୀ ଗଣେଶ୍ୱର ବେହେରା ସାମ୍ବାଦିକ ମାନଙ୍କୁ ସମ୍ବୋର୍ଦ୍ଧିତ କରି କହିଲେ ଯେ ସବକା ସାଥ ଡିଣ୍ଡିମ ପିଟୁଥିବା ସରକାର ସମସ୍ତଙ୍କ ସାଥିରେ ନାହାଁନ୍ତି । ମୋଦି ସରକାର କେବଳ ଧନୀକ ଶ୍ରେଣୀର ସାଂଗରେ ଅଛନ୍ତି । ୫% ଜିଏଷ୍ଟି ଅଟା, ଚୁଡ଼ା, ଦହି, ଲହୁଣି, ଗୁଡ଼ ଓ ଖଇ ଉପରେ ଯେତେବେଳେ ଲଗାଯାଇ ପାରୁଛି କିନ୍ତୁ ସେହି ସମୟରେ ଜୁଆଖେଳ, ଘୋଡ଼ାଦୌଡ଼ ପ୍ରତିଯୋଗିତା ଏବଂ ଲଟେରି ଉପରେ ଜିଏଷ୍ଟି ଟିକସ ବସାଇବା ନିଷ୍ପତି ନେଇପାରୁ ନାହିଁ । କିନ୍ତୁ ଗରିବଙ୍କ ଉପରେ ଜିଏଷ୍ଟି ଲଗାଇବା ନିଷ୍ପତି ଅତିଶୀଘ୍ର ନେଇପାରୁଛି । ଲଗାତାର ଭାବରେ ଖାଉଟି ସୂଚକାଙ୍କ ମୂଲ୍ୟ ଅହେତକୁ ବୃଦ୍ଧି ସତ୍ୱେ ମୁଦ୍ରା ସ୍ପିତି ୭%ରୁ ଅଧିକ ଥିଲା ବେଳେ ଏହି ନିଷ୍ପତି କାହା ସ୍ୱାର୍ଥରେ ବୋଲି ପଚାରିଛନ୍ତି । ଯଦି ଏହି ନିଷ୍ପତିକୁ କେନ୍ଦ୍ର ସରକାର ଅତିଶୀଘ୍ର ପ୍ରତ୍ୟାହାର ନକରନ୍ତି ତାହାହେଲେ କଂଗ୍ରେସ ସାରା ରାଜ୍ୟରେ ଏହା ବିରୋଧରେ ଜନଆନ୍ଦୋଳନ କରିବ । ଏହି ସାମ୍ବାଦିକ ସମ୍ମିଳନୀରେ ଅନ୍ୟମାନଙ୍କ ମଧ୍ୟରେ ପ୍ରଦେଶ କଂଗ୍ରେସ ମୁଖପାତ୍ର ରଜନୀ କୁମାର ମହାନ୍ତି, ଅମୀୟ ପାଣ୍ଡବ ଓ ଗଣମାଧ୍ୟମ ସଂଯୋଜକ ଶ୍ରୀ ଦୀପକ କୁମାର ମହାପାତ୍ର ଉପସ୍ଥିତ ଥିଲେ ।

() ବିଧାୟକ ଙ୍କ ନାମରେ ଫେକ୍ ଆଇଡି କରି ଅର୍ଥ ଆତ୍ମସାତ ଘଟଣା।ବିଧାୟକ ନୃସିଂହ ଚରଣ ସାହୁ ଏ ଭଳି ସଙ୍ଗୀନ ଅଭିଯୋଗ ଆଣିଛନ୍ତି।ତିନି ଦିନ ବିତିଯାଇଥିଲେ ମଧ୍ୟ ସେ ଦୋଷୀ ବିରୋଧରେ କାର୍ଯ୍ୟାନୁଷ୍ଠାନ ଗ୍ରହଣ ହୋଇନାହିଁ। ତେଣୁ ଶୂନ୍ୟ କାଳ କାର୍ଯ୍ୟାନୁଷ୍ଠାନ ନେଇ ଦାବୀ କଲେ ବିଧାୟକ।

() ପ୍ରତି ବର୍ଷ ଭଳି ଏ ବର୍ଷ ମଧ୍ୟ ତୃତୀୟ ବର୍ଷର ବାର୍ଷିକ ରିପୋର୍ଟ ପ୍ରକାଶ କରିଛନ୍ତି ବିଜେଡ଼ି ସାଂସଦ ଅମର ପଟ୍ଟନାୟକ । ଜୁଲାଇ 3 ତାରିଖରେ ସାଂସଦ ହେବାର ତୃତୀୟ ବର୍ଷ ପୂରଣ ହୋଇଛି । ଏହି ରିପୋର୍ଟ ମୁଖ୍ୟମନ୍ତ୍ରୀଙ୍କ ନିକଟକୁ ମଧ୍ୟ ପଠାଯାଇଛି । ଓଡିଶାର ନାର୍ଯ୍ୟ ଦାବି, ଓଡିଆଙ୍କ ସ୍ୱାର୍ଥ କେମିତି ସଫଳ ଭାବେ ସଂସଦ ପ୍ରତିପାଦିତ ହୋଇପାରିବ ତାହା ଉପରେ ଗୁରୁତ୍ୱ ଦେଇଛି । ଉଷୁନା ଚାଉଳ ନଉଠେଇବା ପ୍ରସଙ୍ଗ, ପ୍ରଧାନମନ୍ତ୍ରୀ ଆବାସ ଯୋଜନାରେ ଓଡିଶା କ୍ଷେତ୍ରରେ ପକ୍ଷପାତିତା ପ୍ରସଙ୍ଗ ସଂସଦରେ ଉଠାଯାଇଛି । ରେଲୱେରେ କିଭଳି ଅଧିକ କରାଯାଇପାରିବ ସେ ବିଷୟରେ ଉଠାଯାଇଛି । ଓଡ଼ିଶୀ ସଂଗୀତକୁ କେମିତି ଶାସ୍ତ୍ରୀୟ ମାନ୍ୟତା ମିଳିବ । ଏହାଛଡା ସାଂସଦଙ୍କର ଆଦର୍ଶ ଜିଲ୍ଲା ସୁନ୍ଦରଗଡ଼ରେ କେମିତି ରେଲୱେ ଡିଭିଜନ ହୋଇପାରିବ, ଦ୍ବିତୀୟ ଏମସ୍ ପ୍ରତିଷ୍ଠା ହୋଇପାରିବ, ଜିଲ୍ଲାରେ ଥିବା 9ଟି ଆଦିବାସୀ ସମ୍ପ୍ରଦାୟଙ୍କ ପ୍ରସଙ୍ଗ ଭଳି ଅନେକ ପ୍ରସଙ୍ଗ ସଂସଦରେ ଉଠାଇ ଥିଲେ ଅମର ପଟ୍ଟନାୟକ । ଦରଦାମ ବୃଦ୍ଧି, ବଜେଟରେ ଗରିବ ମାନଙ୍କ ପାଇଁ ଯଦି ଆର୍ଥିକ ଅନୁଦାନ ମିଳିନାହିଁ, ରାଜ୍ୟ ମାନଙ୍କୁ କେମିତି ଅଧିକ ଅନୁଦାନ ମିଳିପାରିବ ସେ ବିଷୟରେ ମଧ୍ୟ ବାର୍ଷିକ ରିପୋର୍ଟ ବୁକରେ ଉଲ୍ଲେଖ କରାଯାଇଛି । ଏହାଛଡା ସାଂସଦ ଉନ୍ନୟନ ପାଣ୍ଠିରେ ମଧ୍ୟ ଏକ ନୂତନ ପଦକ୍ଷେପ ନେଇଥିଲି । ସୁନ୍ଦରଗଡ଼ର 70ଟି ବ୍ଲକରେ ଇଲେକ୍ଟ୍ରି ଚାଳିତ ଅଟୋ ଆମ୍ବୁଲାନ୍ସ ସେବା ଚାଲିବାର ବ୍ୟବସ୍ଥା ହୋଇଛି । ଦୁର୍ଗମ ଅଞ୍ଚଳକୁ ବଡ଼ ଆମ୍ବୁଲାନ୍ସ ପଶି ପାରୁନଥିବାରୁ ଏହି ପଦକ୍ଷେପ ନିଆଯାଇଛି । ଏହା କିଭଳି ଭାବେ ଚାଲିବ ତାହା ଅନୁଧ୍ୟାନ କଲା ପରେ ଅନ୍ୟ ସ୍ଥାନରେ ମଧ୍ୟ ଆରମ୍ଭ କରାଯିବ । ପ୍ରତି ବ୍ଲକରେ ମହିଳା ସ୍ୱୟଂ ସହାୟିକା ଗୋଷ୍ଠି ମାନେ ଇ-ଆମ୍ବୁଲାନ୍ସର ପରିଚାଳନା କରିବେ । ନବମ ଓ ଦଶମ ଶ୍ରେଣୀରେ ପଢୁଥିବା ମେଧାବୀ ଅନୁସୂଚିତ ଜାତି ଛାତ୍ରଛାତ୍ରୀ ମାନଙ୍କୁ ଅନୁସୂଚିତ ଜାତି ଓ ଜନଜାତି ବ୍ୟାପାର ବିଭାଗର ତତ୍ତ୍ବାବଧାନରେ 200ଟି ଟ୍ୟାବଲେଟ ଦେଇଛି । ସେଗୁଡିକ ଛାତ୍ରଛାତ୍ରୀ ମାନଙ୍କୁ ଆବଣ୍ଟନ କରାଯାଇଛି । ଓଡ଼ିଶାକୁ କେମିତି ସେସ ବାବଦକୁ ଅଧିକ ଅନୁଦାନ ମିଳିବା କଥା ତାହା ମଧ୍ୟ ବାର୍ଷିକ ରିପୋର୍ଟ ବହିରେ ଉଲ୍ଲେଖ ରହିଛି ।

ଅମର ପଟ୍ଟନାୟକ,ବିଜେଡ଼ି ସାଂସଦ

() ରାଜ୍ୟସଭାରେ କିଏ ବିଜେଡ଼ି ସଂସଦୀୟ ଦଳର ନେତା ହେବେ ସେ ନେଇ ମୁଖ୍ୟମନ୍ତ୍ରୀ ନିଷ୍ପତି ନେବେ । ସଂସଦରେ ପୂର୍ବରୁ ଯେଉଁ ସବୁ ପ୍ରସଙ୍ଗ ଉଠି ଆସିଛି, ସେ ସବୁ ପ୍ରସଙ୍ଗ ଉଠିବ । ତା ଛଡା କେଉଁ ସବୁ ପ୍ରସଙ୍ଗରେ ବିଜେଡ଼ିର ସ୍ୱରକୁ ଅଧିକ ଶାଣିତ କରିବାର ଅଛି ସେ ନେଇ ମୁଖ୍ୟମନ୍ତ୍ରୀ ଆଜି ନିର୍ଦ୍ଦେଶ ଦେବେ । ଏହାସହ ଯେଉଁ ସବୁ ପ୍ରସଙ୍ଗ ଉପରେ କେନ୍ଦ୍ର ସରକାର କର୍ଣ୍ଣପାତ କରିନାହାନ୍ତି ତାହା ଉପରେ ଆଜି ମୁଖ୍ୟମନ୍ତ୍ରୀ ଦିଗଦର୍ଶନ ଦେବେ ।

ରାଷ୍ଟ୍ରପତି ନିର୍ବାଚନ ପ୍ରସଙ୍ଗ…

ରାଷ୍ଟ୍ରପତି ନିର୍ବାଚନର ପ୍ରକ୍ରିୟା ବିଷୟରେ ଦ୍ରୌପଦୀ ମୁର୍ମୁଙ୍କ ସହ ଓଡିଶା ଆସିଥିବା କେନ୍ଦ୍ରୀୟ ନେତା ମାନେ ବୁଝାଇଛନ୍ତି । ସାଂସଦ ମାନେ ଦିଲ୍ଲୀ ଗଲେ ପୁଣି ଥରେ ପ୍ରାକ୍ଟିସ କରିବେ । ସହଜ ପ୍ରକ୍ରିୟା ରହିଛି । ତାକୁ କେମିତି ସଠିକ ଭାବେ କରାଯିବ ସେ ନେଇ ଆଲୋଚନା ହେବ । ଭୁବନେଶ୍ୱର ଓ ଦିଲ୍ଲୀ ଦୁଇଟି ସ୍ଥାନରେ ଭୋଟ ଦେବାର ବ୍ୟବସ୍ଥା ଅଛି । କିନ୍ତୁ 18 ତାରିଖରୁ ସଂସଦ ଅଧିବେଶନ ଆରମ୍ଭ ହେଉଥିବାରୁ ଯେଉଁ ସାଂସଦ ମାନେ ସେଠାରେ ଥିବେ ସେମାନେ ଦିଲ୍ଲୀରେ ଭୋଟ ଦେବେ । ତଥାପି ଯେଉଁମାନେ ରହି ଯାଇଥିବେ ସେମାନଙ୍କୁ ବିଧାନସଭାରେ ଭୋଟ ଦେବା ପାଇଁ କୌଣସି ବାଧା ନାହିଁ ।

ଅମର ପଟ୍ଟନାୟକ, ବିଜେଡି ସାଂସଦ

() ଶୂନ୍ୟକାଳରେ ଉଠିଲା ସମ୍ବଲପୁର ବିଶ୍ଵବିଦ୍ୟାଳୟ ରୁ ପ୍ରଶ୍ନ ପତ୍ର ଲିକ ଘଟଣା।ରାଜ୍ୟ ସରକାର କହୁଛନ୍ତି ଆମେ ସବୁ ଥୀରେ ବିଶ୍ବସ୍ତରୀୟ,କିନ୍ତୁ ବାସ୍ତବ ରେ ଶିକ୍ଷା କ୍ଷେତ୍ରରେ କଣ ହେଉଛି ?ନା ଆମ ଶିକ୍ଷା ମନ୍ତ୍ରୀ ମାନେ ଶିକ୍ଷକ ମାନଙ୍କୁ ଛାତ୍ର ମାନଙ୍କୁ ପାସ କରାଇ ବିଶ୍ବସ୍ତରୀୟ କରିବାକୁ ଚାହୁଛନ୍ତି।ଯାହା ପାଇଁ ଏ ଭଳି ହୁଏତ ଅନେକ ଘଟଣା ଘଟିଥିବା କିନ୍ତୁ ସାମ୍ନାକୁ ଆସୁନି।ଏବେ ଏବେ ଦଶମ ପରୀକ୍ଷା ଫଳ ବାହାରିଛି କିନ୍ତୁ କୋଉ ସ୍କୁଲ ଉତିର୍ନ ହୋଇଛନ୍ତି କହିବେ କି ମନ୍ତ୍ରୀ ମହୋଦୟ।ସମ୍ବଲପୁର ବିଶ୍ଵବିଦ୍ୟାଳୟ ଘଟଣା ରେ ଦୁଇ ସନ୍ଦିଗ୍ଧ ଅଧ୍ୟାପକ ଲିକ୍ ଘଟଣା ରେ ସମ୍ପୁକ୍ତୁ ଥିବା ସାମ୍ନା କୁ ଆସିଛି।ତେବେ କଣ ହେଉଥିବ ସେହି ପିଲା ଙ୍କ ଭବିଶ୍ୟତ। ଏ ଗୃହ ରୁ ପୂର୍ବରୁ ମଧ୍ୟ ନଜିର ଅଛି ଯେ ଜଣେ ମନ୍ତ୍ରୀ ଙ୍କ ପୁଅକୁ ପାସ କରାଇବା ପାଇଁ କଣ କରିଥିଲେ ଏ ସରକାର।ତେବେ ଏବେ ସମୟ ଆସିଛି ଯେଉଁମାନେ ଏ ଭଳି ଘଟଣା ଘଟୋଉଛନ୍ତି ସେମାନଙ୍କ ବିରୋଧରେ କାର୍ଯ୍ୟାନୁଷ୍ଠାନ ନେବା ସହ ଏ ପ୍ରସଙ୍ଗରେ ଗୃହରେ ମନ୍ତ୍ରୀ ଉତ୍ତର ରଖନ୍ତୁ ବୋଲି ବିରୋଧୀ ଦଳ ଉପନେତା ବିଷ୍ଣୁ ସେଠୀ ଦାବୀ କରିଛନ୍ତି।