- Advertisement -
୨୦୨୪ ସାଧାରଣ ନିର୍ବାଚନରେ ବିଜେଡି କ୍ଷମତାରୁ ଗଲା ପରେ ବର୍ଷ ତମାନ ଚର୍ଚ୍ଚାରେ ରହିଛନ୍ତି ପୂର୍ବତନ ବିଜେଡି ସାଙ୍ଗଠନିକ ସମ୍ପାଦକ ତଥା ବିଜେଡି ଉପ ସଭାପତି ପ୍ରଣବ ପ୍ରକାଶ ଦାସ (ବବି)। ଓଡ଼ିଶାର ଜଣେ ଦୃଢ ସଂଗଠକ ଭାବେ ଦୀର୍ଘ ୧୫ବର୍ଷ ଧରି ନିଜର ସାଙ୍ଗଠନିକ ଦକ୍ଷତା ଦେଖାଇଥିବା ବବି ଏବେ ପୁଣିଥରେ କିପରି ବିଜେଡି କ୍ଷମତାକୁ ଆସିବ ସେ ନେଇ ରଣନୀତି ପ୍ରସ୍ତୁତ କରି କାମ ଆରମ୍ଭ କରିଦେଇଛନ୍ତି । ନବୀନଙ୍କ ନୀତି ଓ ଆଦର୍ଶରେ ଅନୁପ୍ରାଣିତ ହୋଇ ଯେଉଁ ଦିନ ନିର୍ବାଚନ ଶେଷ ହୁଏ ତା ପରଦିନଠାରୁ ଆଗାମୀ ନିର୍ବାଚନ ପାଇଁ କାମ ଆରମ୍ଭ କରିଦିଅନ୍ତି ପ୍ରଣବ। ସମସ୍ତଙ୍କୁ ସାଥିରେ ନେଇ ବିଜେଡିକୁ କିପରି ତୃଣମୂଳ ସ୍ତରରେ ସଶକ୍ତ କରାଯିବ ସେ ନେଇ ଦଳର ଅନ୍ୟ ମଙ୍ଗୁଆଳ ସହ ଆଲୋଚନା କରି ରଣନୀତି ପ୍ରସ୍ତୁତ କରିଥାନ୍ତି। ସେହି ଅନୁସାରେ ବିଭିନ୍ନ ରାଜନୈତିକ କାର୍ଯ୍ୟକ୍ରମ ହାତକୁ ନିଅନ୍ତି ।
ନବୀନଙ୍କ ନୀତିରେ କଥା କମ, କାମ ଅଧିକରେ ବିଶ୍ୱାସ ରଖନ୍ତି l ଦଳ କ୍ଷମତାରେ ଥିଲା ବେଳେ ଯେମିତି କ୍ଷମତାରୁ ଗଲା ପରେ ମଧ୍ୟ ବବିଙ୍କ କାମ କରିବାର ତରିକା ପୁରା ସମାନ। ସବୁବେଳେ ଲୋକଙ୍କ ସହ ରହି ଲୋକଙ୍କ ସମସ୍ୟା ବୁଝନ୍ତି। ଶନିବାର ଓ ରବିବାରରେ ଯାଜପୁର କାଳୀମାଘରେ ବସେ ବବିଙ୍କ ଦରବାର। ବବି ନାଁ ବିଧାୟକ ନା ମନ୍ତ୍ରୀ କି ସାଂସଦ। ହେଲେ ଯାଜପୁରବାସୀଙ୍କ ପାଇଁ ଆଜି ବି ତାଙ୍କ ବବି ଭାଇ ପ୍ରଭାବଶାଳୀ ଓ କ୍ଷମତାଶାଳୀ। କାରଣ ବବି ହେଉଛନ୍ତି ବିଶ୍ୱାସ ଓ ଭରସାର ପ୍ରତୀକ। ସବୁବେଳେ ଯାଜପୁର ବାସୀଙ୍କ ସୁଖ ଓ ଦୁଃଖରେ ସେ ଓ ତାଙ୍କ ପରିବାର ଠିଆ ହୋଇଥାନ୍ତି ପରିବାରର ସଦସ୍ୟ ଭାବେ। କ୍ଷମତାରେ ଥିବା ବେଳେ ତାଙ୍କ କାମ ଆଜି ତାଙ୍କୁ ଯାଜପୁର ବିକାଶର ନୂତନ ବିନ୍ଧାଣୀ ଭାବେ ପୁରା ରାଜ୍ୟରେ ପରିଚିତ କରିଛି। ସହରର ରାସ୍ତାଘାଟ ଠାରୁ ଆରମ୍ଭ କରି ମେଡିକାଲ,ସ୍କୁଲ, କଲେଜ, ପର୍ଯ୍ୟଟନ ସ୍ଥଳି, ମନ୍ଦିର, ସହ ଯାଜପୁର ଭିତ୍ତିଭୂମିକୁ ସେ ସୁଦୃଢ଼ କରି ନୂଆ ରୂପ ଦେଇଛନ୍ତି ଯାଜପୁର ସହରକୁ। କାମ ହିଁ ତାଙ୍କର ପରିଚୟ। ଜୁନ ତାରିଖ ବିଜେଡି ଶାସନରୁ ଗଲା ପରେ ବବିଙ୍କୁ ବଦନାମ କରିବାକୁ କିଛି କୁଚକ୍ରୀ ଗୋଷ୍ଠୀ ଲାଗିପଡିଲେ। ଯେଉଁମାନେ କି କ୍ଷମତାଶାଳୀ ଥିବା ବେଳେ ବହୁତ କିଛି ଫାଇଦା ପାଇଛନ୍ତି ବାବିଙ୍କ ଠାରୁ। ସେମାନେ ସମସ୍ତେ ଲାଗିପଡିଲେ ବବିଙ୍କ ପଛରେ। ହେଲେ ରାଜନୀତିକୁ ଆସିବା ଦିନଠୁ ପ୍ରଣବ ପଦପଦବୀ କି କ୍ଷମତା ଲୋଭୀ ନଥିଲେ। ପଦପଦବୀ ଠାରୁ ଦୂରେଇ ରହି ନେତା ଓ ଦଳ ପାଇଁ ଦିନରାତି କାମ କରିବାର ଦକ୍ଷତା ସେ ଦେଖାଇସାରିଛନ୍ତି । ଓଡ଼ିଶାର ୧ନମ୍ୱର୍ ଟିଭି ଚ୍ୟାନେଲ ଯେତେବେଳେ ରାଜ୍ୟ ୧ ନମ୍ୱର୍ ମନ୍ତ୍ରୀ ଭାବେ ପ୍ରଣବ ପ୍ରକାଶ ଦାସଙ୍କୁ ଏକ ସର୍ଭେ କାର୍ଯ୍ୟକ୍ରମ ଜରିଆରେ ମାନ୍ୟତା ଦେଇଥିଲା। ଠିକ୍ ତାର କେହି ଦିନ ଭିତରେ ଦଳର ଆବଶ୍ୟକତା ଦୃଷ୍ଟିରୁ ସଙ୍ଗଠନ ପାଇଁ ମନ୍ତ୍ରୀ ପଦଛାଡ଼ି ପ୍ରଣବ ଜନସେବାରେ ନିଜକୁ ନିୟୋଜିତ ହୋଇଥିଲେ ନବୀନଙ୍କ ନିର୍ଦ୍ଦେଶରେ।
ପ୍ରଣବ ଯେବେ ରାଜ୍ୟ ରାଜନୀତିରେ ଅତ୍ୟନ୍ତ ପ୍ରଭାବଶାଳୀ ବ୍ୟକ୍ତି ଥିଲେ ସେତେବେଳ ବିରୋଧୀ ଦଳ ନେତାମାନଙ୍କ ପ୍ରତି ବହୁତ ସମ୍ମାନ ଦିଅନ୍ତି ପ୍ରଣବ। ଯାହା ବର୍ତ୍ତମାନର ଉଚ୍ଚଶିକ୍ଷା ମନ୍ତ୍ରୀ ଓ ସେତେବେଳର ଧାମନଗରର ନବ ନିର୍ବାଚିତ ବିଧାୟକ ସୂର୍ଯ୍ୟବଂଶୀ ସୁରଜ୍ ଙ୍କ ପ୍ରଥମ ବିଧାନସଭା ଭାଷଣ ଶେଷରେ ଦେଖିବାକୁ ମିଳିଥିଲା। ପ୍ରଣବ ନିଜ ଆସନରୁ ଉଠି ଆସି ବିଧାୟକ ସୂର୍ଯ୍ୟବଂଶୀ ସୁରଜ୍ ଭଲ ଭାଷଣ ଦେଇଥିବାରୁ ପିଠି ଥାପୁଡାଇ ଦେଇଥିଲେ। ଏପରି ଅନେକ ଘଟଣା ୧୫ବର୍ଷ ବିଧାୟକ ଥିବାବେଳେ ପ୍ରଣବଙ୍କ କ୍ଷେତ୍ରରେ ଦେଖିବାକୁ ମିଳିଥିଲା। ଆଜି ଓଡ଼ିଶାରେ ରଣନୀତିରେ ଯାହା ଘଟୁଛି ତାହା ପଛରେ ପ୍ରଣବଙ୍କ ହାତ ଅଛି ବୋଲି କହି କିଛି କୁଚକ୍ରୀ ଗୋଷ୍ଠୀ ତାଙ୍କୁ ବଦନାମ କରୁଛନ୍ତି ବୋଲି ଯାଜପୁରବାସୀ ଅଭିଯୋଗ କରିଛନ୍ତି । ସେ ଟ୍ରକ ଡ୍ରାଇଭର ଆନ୍ଦୋଳନ ହେଉ ଅବା ବିଧାନସଭା , କି ଓଏଏସ
ଆନ୍ଦୋଳନ।ସବୁଠି ପ୍ରବଣଙ୍କୁ ଟାଣି ମିଥ୍ୟା ବଦନାମ କରାଯାଉଛି। ହେଲେ ପ୍ରଣବ ପ୍ରକାଶ ଦାସ (ବବି) ଏଥିରେ ବିବ୍ରତ କି ବିଚଳିତ ହୁଅନ୍ତୁନି। ରାଜନୀତିରେ ଏମିତି ସବୁ ସାମ୍ନା କରିବାକୁ ହୁଏ, ତାହା ସେ ଭଲ ସେ ବୁଝିଛନ୍ତି । ଏବେ କ୍ଷମତା ନଥାଇ ବି ଲୋକଙ୍କ ବଳରେ ପ୍ରଣବ ଆଜି ବଳବାନ। ତେଣୁ ମିଥ୍ୟା ବଦନାମ ଯିବ ତା ବାଟରେ ବୋଲି ପ୍ରବଣଙ୍କୁ ଭଲ ପାଉଥିବା ଓଡିଶାର କୋଣ ଅନୁକୋଣରୁ ଲୋକେ କହୁଛନ୍ତି। କାରଣ ସେ ଭିଡ ଭିତରର ନେତା।
- Advertisement -
