- Advertisement -
() ସରକାରଙ୍କ ବିଫଳତାକୁ ପର୍ଦ୍ଦାଫାଶ କରିବା ପାଇଁ ବିଜେଡି ସଭାପତି ନବୀନ ପଟ୍ଟନାୟକଙ୍କ ନିର୍ଦ୍ଦେଶ ପରେ ଯାଜପୁର ନିର୍ବାଚନୀ ମଣ୍ଡଳୀର ବରୁଆ ଦଶହରା ପଡିଆରେ ବିଜେଡି ଉପ ସଭାପତି ତଥା ଯାଜପୁରର ଲୋକପ୍ରିୟ ନେତା ପ୍ରଣବ ପ୍ରକାଶ ଦାସ ଓ ବିରୋଧୀ ଦଳ ମୁଖ୍ୟ ସଚେତକ ପ୍ରମିଳା ମଲ୍ଲିକଙ୍କ ନେତୃତ୍ୱରେ ବିଶାଳ ମହିଳା ସମାବେଶ ସମ୍ମିଳନୀ ଅନୁଷ୍ଠିତ ହୋଇଛି । ୨୦୨୪ ନିର୍ବାଚନରେ ମହିଳା ମାନଙ୍କୁ ସ୍ୱପ ଦେଖାଇ କିପରି ଧୂଳିଶାତ କରିଛି ବିଜେପି ତାହାକୁ ମହିଳା ସମାବେଶରେ ବିଜେଡିର ନେତାମାନେ ବଖାଣିଥିଲେ। ଏବେ ନଜର ପକାନ୍ତୁ ବିଜେଡିର ନେତାମାନେ କିଏ କଣ କହିଲେ..
ପ୍ରଣବ ପ୍ରକାଶ ଦାସ, ବରିଷ୍ଠ ବିଜେଡି ଉପ ସଭାପତି
ରାତି ପାହିଲେ ରଜ ପର୍ବ । ଯାଜପୁରରେ ରଜ ଧୁମଧାମରେ ପାଳନ କରାଯାଏ । ଆଜି ମା ମାନଙ୍କର ବେଶୀ କାମ, ହେଲେ ଏସବୁ ଛାଡ଼ି ହଜାର ହଜାର ସଂଖ୍ୟାରେ ମା ମାନେ ଆଜି ଯୋଗଦେଇ ଥିବାରୁ ମୁଁ ତାଙ୍କ ପାଦତଳେ ଶତ ପ୍ରଣାମ ଜଣାଉଛି । ମା ଙ୍କ ସୁଖ ଦୁଃଖରେ ସବୁବେଳେ ବିଜେଡି ଅଛି ଓ ରହିବ ।ନବୀନ ପଟ୍ଟନାୟକଙ୍କୁ ପୁଣିଥରେ ମୁଖ୍ୟମନ୍ତ୍ରୀ କରିବାକୁ ମା ମାନେ ଆଜି ସଂକଳ୍ପ ନେଇଛନ୍ତି ।
ପ୍ରମିଳା ମଲ୍ଲିକ, ବିରୋଧୀ ଦଳ ମୁଖ୍ୟ ସଚେତକ
ବିଜେପି ସରକାର ଆସିବା ଦିନରୁ ମହିଳାମାନେ ରାଜ୍ୟରେ ଅସୁରକ୍ଷିତ ହୋଇପଡ଼ିଛନ୍ତି। ମହିଳା ମାନଙ୍କୁ ମିଛ କଥା କହି ଭୋଟ ନେଇଛନ୍ତି । ତାହା ବିରୋଧରେ ମହିଳାମାନେ ସଚେତନ ହେଲେଣି ।
ସ୍ନେହାଙ୍ଗୀନି ଛୁରିଆ, ବରିଷ୍ଠ ବିଜେଡି ଉପ ସଭାନେତ୍ରୀ
ଓଡ଼ିଶାରେ ଅଚଳ ଇଞ୍ଜିନ ଚାଲିଛି । ଏହା ବିରୋଧରେ ମହିଳାମାନେ ଏକାଠି ହୋଇ କାମ କରିବ । ଆଜି ସଙ୍କଳ୍ପର ଦିନ, ନବୀନ ପଟ୍ଟନାୟକଙ୍କ ହାତ ମୁଠାକୁ ମଜବୁତ କରିବାକୁ ପଡିବ। 
ପ୍ରିିତୀ ରଂଜନ ଘଡାଇ ପୂର୍ବତନ ବିଧାୟକ
ମହିଳା ଅତ୍ୟାଚାର ଓଡ଼ିଶାରେ ୮ ପ୍ରତିଶତ ବଢିବା ଡବଲ ଇଞ୍ଜିନ ସରକାର ମହିଳାମାନଙ୍କୁ ଭେଟି ଦେଇଛି । ଏନେଇ ମହିଳାମାନେ ଆଗାମୀ ଦିନରେ ଜବାବ୍ ଦେବେ ମହିଳାମାନେ । ୮୪୦୩ କୁନି କୁନି ପିଲାମାନେ ଡବଲ ଇଞ୍ଜିନ ସରକାରରେ ନିଖୋଜ ।
ପ୍ରଣବ ବଳବନ୍ତରାୟ, ପୂର୍ବତନ ବିଧାୟକ
ଗୋଟିଏ ସରକାର ଆପଣ ଦେଖିଥିଲେ କଥା କମ୍, କାମ ଅଧିକ କରୁଥିଲେ । ଏବେ ଗୋଟେ ସରକାର ଚାଲିଛି କାମ କମ, କଥା ଅଧିକ । ଏ ସରକାର ମା ଙ୍କ ଆଖିରେ ଲୁହ ଦେଇଛି ।
ସୁଲତା ଦେଓ, ସାଂସଦ ବିଜେଡି
ମହିଳାଙ୍କ ପାଇଁ ନବୀନ ପଟନାୟକ ମିଶନ ଶକ୍ତି କରିଥଲେ, ମହିଳା ମାନଙ୍କ ପାଇଁ ଲକ୍ଷ୍ମୀ ବସ କରିଥିଲେ, ମହିଳା ମାନଙ୍କୁ ପାଇଁ ନବୀନ ପଟ୍ଟନାୟକ ବିଜୁ ସ୍ଵାସ୍ଥ୍ୟ କାର୍ଡରେ ମହିଳା ମାନଙ୍କ ପାଇଁ ୧୦ଲକ୍ଷ ଟଙ୍କା ଚିକିତ୍ସା ସହାୟତା ଦେଇଥିଲେ । ସ୍ଵାସ୍ଥ୍ୟ ସେବା ବିପର୍ଯ୍ୟସ୍ତ କରିଛନ୍ତି ବିଜେପି ସରକାର । ୫ହଜାର ଟଙ୍କା ଦେଇ ବିଜେପି ସରକାର ଲକ୍ଷ ପତି ଦିଦି କେମିତି କଲେ ।
ଅରୁଣ ସାହୁ, ବରିଷ୍ଠ ବିଜେଡି ବିଧାୟକ
ବିଜେପି ମିଛ ସଫଳତାର କାହାଣୀ କହୁଛି , ଆମେ ଓଡ଼ିଶାବାସୀଙ୍କୁ ଶତ ବିଫଳତା କହିବୁ । ଯାଜପୁରରେ ରାଜ୍ୟସ୍ତରୀୟ ମହିଳା ସମାବେଶ କରିଛୁ । ଯାଜପୁର ମହିଳା ସମାବେଶ ପ୍ରମାଣିତ କରିଛି ଏବେ ବି ଓଡ଼ିଶାବାସୀଙ୍କ ହୁଦୟରେ ନବୀନ ପଟ୍ଟନାୟକ ଓ ଶଙ୍ଖ ଚିହ୍ନ । ୭୫ ପ୍ରତିଶତ ମହିଳା ମହିଳାମାନଙ୍କୁ ନବୀନ ପଟନାୟକ କ୍ଷମତା ଦେଇଥିଲେ । ବିଜେପି କଥା ଦେଇଥିଲା ୫୦ ହଜାର ଟଙ୍କା ବ୍ୟବସାୟୀ କରିବା ପାଇଁ ଦେବୁ ସୁଭଦ୍ରା ଯୋଜନାରେ । ହେଲେ କ୍ଷମତାକୁ ଆସିବା ପରେ ୫ହଜାର ଟଙ୍କା ଦେଲେ । ସେହି ଟଙ୍କାରୁ ଜିଏସଟି ମଧ୍ୟ ନେଉଛନ୍ତି । ୫ହଜାର ବାମ ହାତରେ ଦେବେ, ଦରଦାମ ଆକାଶ ଛୁଆଁ କରି ଡାହାଣ ହାତରେ ସେହି ଟଙ୍କା ନେଉଛନ୍ତି ବିଜେପି ସରକାର । ନବୀନ ପଟ୍ଟନାୟକ ସବୁବେଳେ ଶିକ୍ଷା ଓ ସ୍ଵାସ୍ଥ୍ୟକୁ ଗୁରୁତ୍ଵ ଦେଇଛନ୍ତି । ନବୀନଙ୍କ ବିକାଶ ଯାଜପୁରରେ କଥା କହୁଛି । କେବଳ ଯାଜପୁର ନୁହେଁ ପୁରା ଓଡ଼ିଶାରେ ଏହି ବିକାଶ ଦେଖାଯାଉଛି । ବିଜେପି ସରକାରର ଆୟୁଷମାନ ଯୋଜନା କରିଛି ନାଁ ଶ୍ମଶାନ ଯୋଜନା କରିଛି ବିଜେପି ସରକାର ଜବାବ ଦେଉ । ନବୀନ ପଟ୍ଟନାୟକ ଯାହା ବିକାଶ କରିଛନ୍ତି ତାହାକୁ ବିଜେପି ସରକାର କେବଳ ଉଦଘାଟନ କରୁଛି । ବିଜେପି ସରକାର ଆସିବା ଦିନ ଠାରୁ ରାଜରାସ୍ତାରେ ମୁଣ୍ଡ ଗଡୁଛି, ଓଡ଼ିଶାରେ ଦାଦନ ଶ୍ରମିକ ସଂଖ୍ୟା ବଢିଛି । ଆଜି ସଂକଳ୍ପ ନେବା ନବୀନ ସରକାରକୁ ପୁଣି ଥରେ ଆଣିବା । ବର୍ଷ ଏକ, ପ୍ରତାରଣା ଅନେକ, ବର୍ଷ ଏକ ପ୍ରତାରଣା ଅଧିକ, ବର୍ଷ ଏକ ଭତ୍ତା ବଢ଼ିନି, ମହାନଦୀ ପାଣି ନାହିଁ, ବର୍ଷ ଏକ ପୋଲାଭରମ ଦୁଃଖ, ଦରଦାମ ବୃଦ୍ଧି, ଦାଦନ ଶ୍ରମିକ ଅନେକ, ଖଣି ଖାଦାନ ଲୁଟ, କାମ ନାହିଁ ତ କଥା ଅନେକ । ବର୍ଷ ଏକ ଅତ୍ୟାଚାର ଅନେକ । ଓଡ଼ିଶା ମାଟିରେ ପୁଣି ନବୀନ ପଟ୍ଟନାୟକ ସରକାର ଆଣିବା । ସେଥିପାଇଁ ସଙ୍କଳ୍ପ ନେବା
ସଂଞ୍ଜୟ ଦାସବର୍ମା, ବରିଷ୍ଠ ବିଜେଡି ଉପ ସଭାପତି
ଓଡିଶାର ମହିଳାମାନଙ୍କୁ ଆଗକୁ ନେବାକୁ ମିଶନ ଶକ୍ତି ଗଢିଲେ ନବୀନ ପଟ୍ଟନାୟକ । ଯାହା ମହା ଆନ୍ଦୋଳନରେ ପରିଣତ ହୋଇଥିଲା । ବିଜେପି ସରକାର ଆସିଲା ପରେ ଗାଁ ସାଥି, ଏମବିକେ ମାନେ ଦରମା ପାଉନାହାନ୍ତି । ଆଜି ମା ମାନଙ୍କ ଉପରେ ଅତ୍ୟାଚାର ବଢ଼ିଛି । ୩୦୦ୟୁନିଟ ମାଗଣା ବିଜୁଳି ଠାରୁ ଆରମ୍ଭ କରି ଭତ୍ତା ୩୦୦୦ ହଜାର ଟଙ୍କା ଦେବାକୁ କହିଥିଲେ ବିଜେପି ସରକାର। ତାହା ଆଜି କୁଆଡେ ଗଲା ବୋଲି ସେ ପ୍ରଶ୍ନ କରିଥଲେ।
ଦେବୀ ପ୍ରସାଦ ମିଶ୍ର, ବରିଷ୍ଠ ବିଜେଡି ଉପ ସଭାପତି
ମହିଳା ମାନଙ୍କୁ ସାମାଜିକ, ରାଜନୈତିକ, ଆର୍ଥିକ କ୍ଷେତ୍ରରେ ନବୀନ ପଟ୍ଟନାୟକ ସଶକ୍ତ କରିଥିଲେ ।ଏବେ କଥାକୁହା ସରକାର ଚାଲିଛି । ମା ମାନଙ୍କୁ ପ୍ରତାରଣା କରିଛନ୍ତି । ନବୀନ ପଟ୍ଟନାୟକ ନେତୃତ୍ୱରେ ଓଡ଼ିଶାର ଯେଉଁ ପ୍ରଗତି ହୋଇଛି ସେଥିରେ ବାଧକ ସାଜିଲା ବିଜେପି ସରକାର । ମାତୃଶକ୍ତିର ଅବହେଳାର ଜବାବ ଦେବାକୁଆଜି ମହିଳା ସମାବେଶରେ ମହିଳାମାନେ ସଂକଳ୍ପ ନେଇଛନ୍ତି ।
