- Advertisement -
ଭୁବନେଶ୍ୱର : ରାଜ୍ୟ ସରକାର ମଦକୁ ନେଇ ବଡ଼ ଘୋଷଣା। ଆସନ୍ତାକାଲି ଠାରୁ ଅନଲାଇନରେ ମିଳିବ ମଦ । ଆଜି ଏନେଇ ସରକାର ଅନୁମତି ପ୍ରଦାନ କରିଛନ୍ତି । କଣ୍ଟେନମେଣ୍ଟ ଜୋନ ଛାଡି ଆଉ ସବୁ ଜୋନରେ ଅନଲାଇନରେ ମଦ ମିଳିବ । ଏହାସହ ମଦ ଉପରେ କୋଭିଡ଼ ଫି’ ଲଗାଯାଇଛି । କୋଭିଡ଼ ଫି ୫୦% ଲଗାଯାଇଥିବାରୁ ମଦ ଦାମ ଦେଢ଼ଗୁଣା ହୋଇଯିବ । ଏମଆରପି ଉପରେ ହିଁ ଏହି ଫି’ ଲାଗୁ ହେବ । କୋଭିଡ଼ ଫି’ ବାବଦକୁ ମିଳିବାକୁ ଥିବା ଅର୍ଥ କରୋନା ଆକ୍ରାନ୍ତଙ୍କ ଚିକିତ୍ସା ପାଇଁ ଖର୍ଚ୍ଚ କରାଯିବ । କେବଳ ବିଦେଶୀ ମଦ ଓ ବିୟର ଉପରେ କୋଭିଡ଼ ଦର ଲାଗୁ କରାଯାଇଛି । ଏହା ସକାଳ ୭ଟାରୁ ଦିନ ୧ଟା ମଧ୍ୟରେ ଅନ୍ଲାଇନ୍ ଅର୍ଡର ନିଆଯିବ । ପରେ ସନ୍ଧ୍ୟା ୬ଟା ମଧ୍ୟରେ ଡେଲିଭରି କରାଯିବ। ଦେଶରେ ଲକ୍ ଡାଉନ ଆରମ୍ଭ ହେବା ପରେ ମଦ ଦୋକାନ ସବୁ ବନ୍ଦ ଥିଲା। ଫଳରେ ରାଜ୍ୟରେ ଅନେକ ଜାଗାରେ ଚୋରା ମଦ ବିକ୍ରି ହେଉଥିବାର ଅନେକ ନଜିର ଅଛି।
