୨୦୨୪ ସାଧାରଣ ନିର୍ବାଚନ ଓଡିଶା ରାଜନୀତିରେ ନୂଆ ଅଧ୍ୟାୟ ସୃଷ୍ଟି ହୋଇଛି । ବିଜେପି ପ୍ରଥମଥର ଲାଗି ଓଡିଶାରେ ଏକାକି ସରକାର ଗଠନ କରି ରାଜ୍ୟ ଶାସନର ମଙ୍ଗ ଧରିଥିବା ବେଳେ ୨୪ ବର୍ଷ ପରେ ବିଜେଡି ବିରୋଧୀ ଦଳ ଭୂମିକା ଉଭା ହୋଇଛି । ରାଜ୍ୟ ଶାସନର ମଙ୍ଗ ମୁଖ୍ୟମନ୍ତ୍ରୀ ମୋହନ ମାଝୀଙ୍କ ଧରିଥିବା ବେଳେ ମୁଖ୍ୟ ବିରୋଧୀ ଦଳର ଦାୟିତ୍ବ ତୁଲାଉଛନ୍ତି ନବୀନ ପଟ୍ଟନାୟକ । ଓଡିଶା ରାଜନୀତର ନୂଆ ଅଧ୍ୟାୟରେ ମୋହନ ଓ ନବୀନ ପଟ୍ଟନାୟୟଙ୍କୁ ନେଇ ନାନା ଚର୍ଚ୍ଚା ଆରମ୍ଭ ହୋଇଛି। ମୁଖ୍ୟମନ୍ତ୍ରୀ ମୋହନ ମାଝୀ ଶାସନ ଶୈଳୀ ଓ ନବୀନ ପଟ୍ଟନାୟକଙ୍କ ବିରୋଧୀ ଦଳ ଭୂମିକା ନେଇ ଓଡିଶାବାସୀ ମାର୍କସିଟ ଦେବା ଆରମ୍ଭ କରିଛନ୍ତି ବର୍ଷକ ଭିତରେ। ବିକଶିତ ଓଡିଶା ନାରା ଦେଇ ମୋହନ ସରକାର ଆଗେଇ ଚାଲିଥିବା ବେଳେ ବିକାଶରେ ଯେମିତି ବ୍ରେକ ନଲାଗିବ ତାହାକୁ ଗୁରୁତ୍ବ ଦେଇଛନ୍ତି ନବୀନ । 
ମୁଖ୍ୟମନ୍ତ୍ରୀ ମୋହନ ମାଝୀ : ଜୁନ ୧୨ ତାରିଖ ୨୦୨୪ରେ ଓଡିଶାର ମୁଖ୍ୟମନ୍ତ୍ରୀ ଶପଥ ନେଲେ କେନ୍ଦୁଝର ଚାରିଥର ବିଧାୟକ , ଆଦିବାସୀ ନେତା ଓ ପୂର୍ବତନ ବିରୋଧୀ ଦଳ ମୁଖ୍ୟ ସଚେତକ ମୋହନ ଚରଣ ମାଝୀ । ଦାୟିତ୍ବ ନେବାକ ସଙ୍ଗେ ସଙ୍ଗେ କ୍ୟାବିନେଟ ବୈଠକ ଡାକି ୪ଟି ବଡ ନିଷ୍ପତି ନେଲେ ମୋହନ । ଶ୍ରୀମନ୍ଦିର ଚାରିଦ୍ବାରା ଖୋଲା, ଲୋକସଭା ଭବନକୁ ସାମ୍ବାଦିକ ପ୍ରବେଶ, ୧୦୦ ଦିନରେ ସୁଭଦ୍ରା ଯୋଜନା ଲାଗୁ । ଏହାପରେ ମୁଖ୍ୟମନ୍ତ୍ରୀ ମୋହନ ମାଝୀ ନିଜର ସରଳ ପଣ ଦେଖାଇ ମଧ୍ୟ ଚର୍ଚ୍ଚାକୁ ଆସିଲେ । କେଉଁଠି ଖାଇବା ହେଲାଣୀ ତ ଆଉ କେଉଁଠି ଖେଳ ଷ୍ଟାଡ଼ିୟମରେ ଲୋକେ ମୁଖ୍ୟମନ୍ତ୍ରୀଙ୍କୁ ଭାଇ ବୋଲି ସମ୍ବୋଧିତ କରି ଡାକିବା । ପୁଣି କେତେବେଳେ ଆଦିବାସୀ ଝିଅମାନେ ଦେଖିବାକୁ ସଫା ନୁହନ୍ତି ବୋଲି କହିବା ସହ ସଫା ଝିଅକୁ ବିବାହ କରିବା ହେଉ l ସେହିପରି ବିଡିଓମାନେ ମୁଖ୍ୟମନ୍ତ୍ରୀ ଅଭିଭାଷଣ ବେଳେ ବିଡିଓମାନେ ମୁଖ୍ୟମନ୍ତ୍ରୀ ଭାଷଣ କାଟିଦେଉଥିବା କଥା ମଧ୍ୟ କହି ନିଜେ ମୁଖ୍ୟମନ୍ତ୍ରୀ ମୋହନ ମାଝୀ ଚର୍ଚ୍ଚାକୁ ଆସିଛନ୍ତି । ବର୍ଷେ ଭିତରେ ମୋହନ ସରକାରଙ୍କ ବଡ଼ ସଫଳତାରେ ହେଉଛି ସୁଭଦ୍ରା ଯୋଜନା, ଚାଷୀଙ୍କୁ ଇନପୁଟ ସବସିଡ଼ି, ସଚିବାଳୟକୁ ସାମ୍ବାଦିକ ପ୍ରବେଶ , ରାଜ୍ୟରେ ବାବୁ ଶାସନର ମୂଳପୋଛ, ସୋମବାର ମୁଖ୍ୟମନ୍ତ୍ରୀ ଜନଶୁଣାରୀ ହେବା, ବର୍ଷପୂର୍ତ୍ତିରେ ସାମ୍ବାଦିକ ସମ୍ମିଳନୀ କରି ସାମ୍ବାଦିକ ସହ ହିସାବ ନିକାଶ କରିବା ଓ କ୍ୟାବିନେଟ ପରେ ଅଧିକାଶ ସମୟ ପ୍ରେସକୁ ସୂଚନା ଦେବା ପରି ସଫଳତା ଯୋଡି ହୋଇଛି ମୁଖ୍ୟମନ୍ତ୍ରୀ ମୋହନ ମାଝୀଙ୍କ ଶାସନ ଇତିହାସରେ । ବର୍ଷେ ହେବ ଜଣେ ସରଳ ବ୍ୟକ୍ତି ଭାବେ ମୁଖ୍ୟମନ୍ତ୍ରୀ ନିଜର ଭାବମୃର୍ତ୍ତି ତିଆରି କରିବାରେ କିଛି ମାତ୍ରାରେ ସଫଳ ହୋଇଛନ୍ତି । ସେହିପରି ବିରୋଧୀ ଦଳ ଉପରେ ଆକ୍ରୋଶମୂଳକ କାର୍ଯ୍ୟକ୍ରମ ନେଇ ମଧ୍ୟ ଚର୍ଚ୍ଚାକୁ ଆସିଛନ୍ତି ମୋହନ ସରକାର । ବିଧାନସଭାରେ ତାଙ୍କ ସରକାର କଂଗ୍ରେସର ସମସ୍ତ ବିଧାୟକଙ୍କ ଉପରେ ଶୃଙ୍ଖଳାଗତ କାର୍ଯ୍ୟାନୁଷ୍ଠାନ ଆଳରେ ଗଣତନ୍ତ୍ ଅଧିକାର ଛଡ଼ାଇବା, ସାମ୍ବାଦିକଙ୍କୁ ବିଧାନସଭା ଖବର ବେଳେ ମୋବାଇଲ ମନା, ଦଳୀୟ ନେତାଙ୍କୁ ସରକାରୀ କାର୍ଯ୍ୟକ୍ରମରେ ସାମିଲ କରି ମଂଚରେ ବସାଇବା ଆଦିକୁ ନେଇ ମଧ୍ୟ ଚର୍ଚ୍ଚାରେ ରହିଛନ୍ତି ମୋହନ ସରକାର । ରାଜନୈତିକ ସମୀକ୍ଷକଙ୍କ ମତରେ ମୋଟାମୋଟି ଭାବେ କହିଲେ ମୋହନ ସରକାରଙ୍କ ୧ବର୍ଷ ୫୦ ପ୍ରତିଶତ ସଫଳ ଓ ୫୦ ପ୍ରତିଶତ ବିଫଳ । 
ନବୀନ ପଟ୍ଟନାୟକ : ୨୦୨୪ ଜୁନ ୧୯ ତାରିଖ ଦିନ ନବୀନ ପଟ୍ଟନାୟକ ପ୍ରଥମଥର ଲାଗି ବିରୋଧୀ ଦଳ ନେତାଭାବେ ଦାୟିତ୍ବ ନେଲେ। ଜୁନ ୪ତାରିଖରେ ନିର୍ବାଚନ ପରାଜୟ ପରେ ଜୁନ ୧୨ ତାରିଖରେ ନବୀନ ମୁଖ୍ୟମନ୍ତ୍ରୀ ମୋହନ ମାଝୀ ଶପଥ ପାଠ ଉତ୍ସବରେ ସାମିଲ ହୋଇ ଚର୍ଚ୍ଚାକୁ ଆସିଥିଲେ। ଏହାପର ରଥଯାତ୍ରାରେ ସାମିଲ ହୋଇଥିଲେ । ନିର୍ବାଚନ ପରାଜୟ ପରେ ନବୀନ ପଟ୍ଟନାୟକ ଲୋକପ୍ରିୟତା ଉପରେ କିଛି ପ୍ରଭାବ ପଡ଼ିନାହିଁ ତାହା ଏହି ଦୁଇଟି ଘଟଣା ପ୍ରମାଣିତ କରିଥିଲା । ଏହାପରେ ନବୀନ ସରକାରଙ୍କ କାର୍ଯ୍ୟ ଓ ଦୋଷ ଦୁର୍ବଳତାକୁ ଛାୟୀ ପରି ଜଗିବା ପାଇଁ ବିଜେଡିର ୫୦ ଜଣ ବିଧାୟକଙ୍କୁ ନେଇ ଛାୟା କ୍ୟାବିନେଟ ଗଢିଥିଲେ । ଏଥିରେ ନେତାଙ୍କୁ ଗୁରୁ ଦାୟିତ୍ବ ମଧ୍ୟ ଦେଇଥିଲେ । ବିଧାନସଭାରେ ବିରୋଧୀ ଦଳ ନେତା ଭାବେ ନବୀନ ସକ୍ରୀୟ ଭୂମିକା ଗ୍ରହଣ କରିଥିଲେ । ହେଲେ ଗଠନମୂଳକ ବିରୋଧୀ ଦଳ ଭୂମିକା ତୁଳାଇଥିଲେ ସତ ନିଜ ଷ୍ଟାଇଲରେ। ହେଲେ ଶୂନ୍ୟକାଳରେ ବିରୋଧୀ ଦଳ ନେତା ଯେପରି ସରକାରଙ୍କ ବିରୋଧରେ ଆକ୍ରମଣ ଭୂମିକା ଲିଭାଇବା କଥା ତାହା କମ ଦେଖିବାକୁ ମିଳିଥିଲା । ସରକାର ଗଠନରେ ୫ମାସ ପରେ ଦରଦାମ ଅହେତୁକ ବୃଦ୍ଧିକୁ ନେଇ ଜନତାଙ୍କ ସ୍ବର ସାଜି ସରକାରଙ୍କ ବିରୋଧରେ ଋଣହୁଙ୍କାର ଦେଇଥିଲେ ନବୀନ । ଲୋୟର ପିଏମଜି ଜନସମୁଦ୍ର ପାଳଟିଥିଲା । ହେଲେ ଏହାପରେ ଓବିସିକୁ ନେଇ ରାଜଧାନୀରେ ବିଜେଡି ବଡ ପ୍ରତିବାଦ ସମାବେଶକୁ ଆସିନଥିଲେ ନବୀନ ପଟ୍ଟନାୟକ । ମୁଖ୍ୟମନ୍ତ୍ରୀ ଥିବା ବେଳେ ନବୀନ ଯେମିତି ଥିଲେ ବିରୋଧୀ ଦଳ ନେତା ଭାବେ ସେମିତି ଦେଖିବାକୁ ମିଳିଛି । ଓଡିଶାର ବିକାଶ ଓ ସରକାରଙ୍କ ଜନ ବିରୋଧୀ ନିଷ୍ପତି ଯେତେବେଳେ ସରକାର ନେଇଛନ୍ତି ତାହା ବିରୋଧରେ ନବୀନ ସ୍ବର ଉଠାଇନ୍ତି । ବିରୋଧୀ ଦଳ ନେତା ବେଳେ କି କଥା କମ କାମ ଅଧିକ ନୀତିକୁ ନବୀନ ଗୁରୁତ୍ବ ଦେଇଛନ୍ତି । ଯାହାକୁ ନେଇ ବର୍ଷ ତମାନ ନବୀନ ଚର୍ଚ୍ଚାରେ ରହିଛନ୍ତି । ବିରୋଧୀ ଦଳ ନେତାଭାବେ ନବୀନଙ୍କ ଲୋକପ୍ରିୟତା ବି କିଛି କମ ହୋଇଛି । ବର୍ଷେ ଭିତରେ ନବୀନ ବିରୋଧୀ ଦଳ ନେତା ଭାବେ ୫୦ ପ୍ରତିଶତ ସଫଳ ହୋଇଥିବା ବେଳେ ୫୦ ପ୍ରତିଶତ ବିଫଳ ହୋଇଛି ।
