- Advertisement -
ଲୋକସଭା ବିରୋଧୀ ଦଳ ନେତା ରାହୁଲ ଗାନ୍ଧୀଙ୍କ ଭୋଟ ଚୋରୀ ପ୍ରସଂଗରେ କେନ୍ଦ୍ରର ବିଜେପି ସରକରଙ୍କୁ ଟାର୍ଗେଟ କରୁଛନ୍ତି। କିଛି ରାଜ୍ୟରେ କିପରି ଭୋଟ ଗଡବଡ ହୋଇଛି ତାହାର ତଥ୍ୟ ଦେଇ ବିଜେପି ସରକାରକୁ ସିଧାସଳଖ ନିଶାନା କରୁଛି କଂଗ୍ରେସ। ରାହୁଲ ଅଭିଯୋଗ ଦେଶରେ ଚାଲିଛି ଭୋଟ ଚୋରିର ସରକାର । ଭୋଟ କେମିତି ଚୋରୀ ହୋଇଛି ସେ ନେଇ ରାହୁଲ ଗାନ୍ଧିଙ୍କ ଭିଡିଓ ଜାରୀ କରି ବିଜେପି ସରକାରକୁ ଟାର୍ଗେଟ କରୁଛି। ଦେଶର କୋଣ ଅନୁକୋଣରେ ଏହି ଚର୍ଚ୍ଚା ଏବେ ଜୋର ଧରିଛି। ଏନ୍ ଡିଏ ବିରୋଧୀ ମେଣ୍ଟ ଦଳ ଗୁଡିକ ସଂସଦରୁ ସଡ଼କ ଯାଏ କେନ୍ଦ୍ରର ମୋଦୀ ସରକାରଙ୍କୁ ଟାର୍ଗେଟ କରିଛନ୍ତି। ଭୋଟ ଚୋରୀ ପ୍ରସଂଗରେ ନିର୍ବାଚନ କମିଶନ ଓ ଶାସକ ଦଳ ହାତ ମିଶାଇ ଭୋଟ ଚୋରୀ କରିଛନ୍ତି ବୋଲି କଂଗ୍ରେସ ସବୁ ରାଜ୍ୟରେ ଅଭିଯୋଗ କରି ବିଜେପିକୁ ସମାଲୋଚନା କରୁଛି। ବିଜେପି ବିରୋଧରେ ଭୋଟ ଚୋରୀ ଅଭିଯୋଗ ରାହୁଲ ଗାନ୍ଧି ଆଣିବା ପରେ କେନ୍ଦ୍ର ସରକାର ପକ୍ଷରୁ କଂଗ୍ରେସକୁ ଟାର୍ଗେଟ କରିବାକୁ ଆଗେଇ ଆସିଛନ୍ତି ମୋଦୀଙ୍କ ସଂକଟ ମୋଚକ କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ । ରାହୁଲ ଗାନ୍ଧୀଙ୍କ ଅଭିଯୋଗକୁ ବିଭିନ୍ନ ଉଦାହରଣ ଦେଇ କଂଗ୍ରେସ ଓ ଇଣ୍ଡିମେଣ୍ଟକୁ ଟାର୍ଗେଟ କରିଛନ୍ତି ଓଡିଆ ପୁଅ ତଥା କେନ୍ଦ୍ର ଶିକ୍ଷାମନ୍ତ୍ରୀ ଧର୍ମେନ୍ଦ୍ର ପ୍ରଧାନ। ଧର୍ମେନ୍ଦ୍ର ପ୍ରଧାନ କହିଛନ୍ତି ଯେ ଗଣତନ୍ତ୍ରରେ ଅସ୍ଥିରତା ସୃଷ୍ଟି କରିବାକୁ ହେଉଛି ପ୍ରୟାସ ।
ରାହୁଲ ଗାନ୍ଧିଙ୍କୁ ଟାର୍ଗେଟ କରି ଧର୍ମେନ୍ଦ୍ର କହିଛନ୍ତି ଯେ ସମ୍ବିଧାନ ପୁସ୍ତକ ଧରି ବୁଲୁଥିବା ଲୋକ ସାମ୍ବିଧାନିକ ସଂସ୍ଥା ଭାଙ୍ଗିବାକୁ କରୁଛନ୍ତି ପ୍ରୟାସ । ନିର୍ବାଚନ କମିଶନ, ସୁପ୍ରିମକୋର୍ଟ ଉପରେ କାହିଁକି ବିରୋଧୀଙ୍କ ଅବିଶ୍ବାସ ?`ଅନୁପ୍ରବେଶକାରୀଙ୍କୁ ଭୋଟର ତାଲିକାରେ ଯୋଡିବାକୁ ଚାହୁଁଛି ଇଣ୍ଡି ମେଣ୍ଟ’ ବୋଲି କେନ୍ଦ୍ରମନ୍ତ୍ରୀ ରାହୁଲ ଗାନ୍ଧିଙ୍କୁ ପ୍ରଶ୍ନ କରିଛନ୍ତି । କଂଗ୍ରେସ ପାଖରେ କୌଣସି ପ୍ରସଙ୍ଗ ନାହିଁ କି କିଛି ନୀତି ନାହିଁ ବୋଲି କଂଗ୍ରେସ ଏପରି ଅଭିଯୋଗ କରୁଥିବା ଧର୍ମେନ୍ଦ୍ର ବିରୋଧୀଙ୍କୁ ଜବାବ ଦେଇଛନ୍ତି । ଯେତେବେଳ ବି ମୋଦୀ ସରକାରଙ୍କୁ ବିରୋଧୀ ଟାର୍ଗେଟ କରୁଛନ୍ତି ସେତେବେଳ କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ ଆଗକୁ ଆସି ବିରୋଧୀଙ୍କୁ ଦୃଢ଼ ଜବାବ ଦେବାର ଦେଖିବାକୁ ମିଳୁଛି। ତେଣୁ ପ୍ରଧାନମନ୍ତ୍ରୀ ମୋଦୀ ଙ୍କ ସଂକଟ ମୋଚନ କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ ବୋଲି ରାଜନୈତିକ ସମୀକ୍ଷକ କରିଛନ୍ତି ।
- Advertisement -
