- Advertisement -

()ବାଲେଶ୍ଵର ରିଂ ରୋଡ ସ୍ଥିତି ନେଇ ପ୍ରଶ୍ନକାଳରେ କଥା କଟାକଟି ହୋଇଛନ୍ତି ନିର୍ମାଣ ମନ୍ତ୍ରୀ ପୃଥିବୀରାଜ ହରିଚନ୍ଦନ ଓ ବିଜେପି ବିଧାୟକ ମାନସ ଦତ୍ତ। ବିଭାଗର କାମ  ଶୀତଳତା  ଗତିରେ  ଚାଲିଥିବା କଥା କହିଥିଲେ ବିଧାୟକ । ତେଣୁ ବିଭାଗ କାର୍ଯ୍ୟକୁ ଅଧିକ ତ୍ଵରାନିତ କରିବାକୁ ଦାବି କରିଥିଲେ । ଏହାର ଉତ୍ତରରେ ମନ୍ତ୍ରୀ ପୃଥିବୀରାଜ ହରିଚନ୍ଦନ କହିଥିଲେ ବିଧାୟକ ଯେଉଁ ଶୀତଳତା କଥା କହୁଛନ୍ତି ମୋ ବିଭାଗ କେବେ ଶୀତଳତା ନାହିଁ। କାମ ଜୋରଦାର ଚାଲିଛି। ସେହିପରି ଶାସକ ବିଧାୟକ ପଦ୍ମଲୋଚନ ପଣ୍ଡା ମଧ୍ୟ ରାସ୍ତାକାମ ବାରମ୍ବାର ମନ୍ତ୍ରୀଙ୍କ ଦୃଷ୍ଟି ଆକର୍ଷଣ କରୁଥିଲେ ମଧ୍ୟ କାମ ହେଉନାହିଁ। ୫୦ଥର ମନ୍ତ୍ରୀଙ୍କୁ କହିବା ପରେ ମଧ୍ୟ କାମ ହେଉନଥିବା ବିଧାୟକ ଅଭିଯୋଗ କରିଥିଲେ । ମନ୍ତ୍ରୀ କହିଲେ ସେ ରାସ୍ତା ନିର୍ମାଣ ପାଇଁ ଟେଣ୍ଡର ହୋଇସାରିଛି କାମ ହେବ ।ଅନ୍ୟପଟେ ଗୃହରେ ଜଳେଶ୍ୱର ବିଧାୟକ ଅଶ୍ୱିନୀ ପାତ୍ରଙ୍କୁ ପ୍ରଶଂସା କଲେ ପୂର୍ତ୍ତ ମନ୍ତ୍ରୀ ପୃଥିବୀରାଜ ହରିଚନ୍ଦନ. ବିଜେଡିର ଏହି ବରିଷ୍ଠ ବିଧାୟକ ନିଜ ଅଞ୍ଚଳର ପ୍ରକଳ୍ପ ଗୁଡିକ ପାଇଁ ବ୍ୟକ୍ତିଗତ ଭାବେ ମାସକୁ ମାସକୁ ପୂର୍ତ୍ତ ମନ୍ତ୍ରୀଙ୍କ ଆଲୋଚନା କରୁଥିବାରୁ କାମ ତୀବ୍ର ଗତିରେ ହୋଇ ପାରୁଛି. ଏପରି ଅନ୍ୟ ସମସ୍ତ ବିଧାୟକ କଲେ, ପ୍ରକଳ୍ପ କାମ ଠିକ ଭାବେ ଆଗେଇ ପାରିବ ବୋଲି ପୂର୍ତ୍ତ ମନ୍ତ୍ରୀ ଗୃହରେ ଉତ୍ତର ରଖିଛନ୍ତି । ନିର୍ମାଣ କାମକୁ ନେଇ ଖୋଦ ଶାସକ ଦଳର ବିଧାୟକ ପ୍ରକଳ୍ପ କାର୍ଯକାରୀତାକୁ ନେଇ ପ୍ରଶ୍ନ ଉଠାଇବା ଆଜି ପ୍ରଶ୍ନକାଳରେ ଚର୍ଚ୍ଚାର ବିଷୟ ।

- Advertisement -